“V.P. Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyati tomonidan aviatsiya texnikasi eksportga yetkazib berilishini kuchaytirish uchun qoʻshimcha sharoitlar yaratish maqsadida Vazirlar Mahkamasi qaror qiladi:

1. “V.P. Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyati, Oʻzbekiston Respublikasi Davlat mulki qoʻmitasi, Tashqi iqtisodiy aloqalar vazirligi va “Asaka” aksiyadorlik-tijorat bankining “Sibaviatrans” (Rossiya, Krasnoyarsk shahri), “Uralekoresurs” yopiq turdagi aksiyadorlik jamiyati (Rossiya, Yekaterinburg shahri), “Kedr” tijorat banki (Rossiya, Krasnoyarsk shahri), “Sverdlsotsbank” Sverdlov viloyati hududini ijtimoiy rivojlantirish tijorat banki (Rossiya, Yekaterinburg shahri) bilan birgalikda dastlabki ustav sarmoyasi tayyor mahsulot, mol-mulk va pul ulushi tarzida 24,5 mln. AQSH dollari boʻlgan ochiq turdagi aksiyadorlik jamiyati shaklidagi “Oʻzavializing” aksiyadorlik-lizing kompaniyasini tashkil etish toʻgʻrisidagi taklifi maʼqullansin.

2. “Oʻzavializing” aksiyadorlik-lizing kompaniyasi aksiyalarini dastlabki joylashtirish 1-ilovaga muvofiq nisbatlarda nazarda tutilsin. Qayd etilsinki, lizing kompaniyasi boshqa qatnashchilarning, shu jumladan, xorijiy qatnashchilarning unga kirishi uchun ochiqdir.

3. Quyidagilar “Oʻzavializing” aksiyadorlik-lizing kompaniyasi faoliyatining asosiy yoʻnalishlari deb hisoblansin:

respublikada ishlab chiqarilgan aviatsiya texnikasini keyinchalik moliyaviy va operativ lizingga berish uchun milliy va xorijiy valyutada oʻz mablagʻlari va qarz olingan mablagʻlar hisobiga xarid qilish;

aviatsiya texnikasi bozorlari marketing tadqiqotlarini amalga oshirish.

4. Aksiyadorlik-lizing kompaniyasi boshqaruvi tuzilmasiga 2-ilovaga muvofiq rozilik berilsin.

5. Lizing operatsiyalari oʻtkazish sxemasi 3-ilovaga muvofiq maʼqullansin.

10. “Oʻzbekinvest” eksport-import milliy sugʻurta kompaniyasi lizingga berilgan mol-mulk, tashiladigan yuklar sugʻurta qilinishini, lizing kompaniyaning chet eldagi iqtisodiy manfaatlari siyosiy, tijorat va tadbirkorlik tavakkalchiliklaridan kompleks sugʻurtaviy himoya qilinishini, lizing operatsiyalarini mablagʻ bilan taʼminlash uchun eksport kreditlari ajratuvchi Oʻzbekiston Respublikasi rezidentlari boʻlgan tijorat banklariga sugʻurta qoplamalari berilishini taʼminlasin.

11. “Oʻzavializing” aksiyadorlik-lizing kompaniyasi hammuassislari Oʻzbekiston Respublikasi Moliya vazirligi, Davlat soliq qoʻmitasi bilan birgalikda, Markaziy bank va Adliya vazirligi mutaxassislari ishtirokida yangidan tashkil etilayotgan aksiyadorlik-lizing kompaniyasi ustavini oʻn kun muddatda ishlab chiqsin, tasdiqlasin va roʻyxatdan oʻtkazish uchun Oʻzbekiston Respublikasi Adliya vazirligiga taqdim etsin.

12. “V.P. Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyati “Oʻzavializing” aksiyadorlik-lizing kompaniyasini Toshkent shahar, M.Hasanova koʻchasidagi 1-uyga joylashtirsin.

13. Oʻzbekiston Respublikasi Davlat bojxona qoʻmitasi Adliya vazirligi, Tashqi iqtisodiy aloqalar vazirligi, Moliya vazirligi bilan birgalikda eksport va import lizing operatsiyalarini oʻtkazishda bojxona hujjatlarini rasmiylashtirish tartibini bir oy muddatda ishlab chiqsin va Vazirlar Mahkamasiga kiritsin.

14. Oʻzbekiston Respublikasi Moliya vazirligi lizing operatsiyalarini buxgalteriya hisobida aks ettirish va lizingga berilgan mol-mulk amortizatsiyasini nazarda tutuvchi hisobot tartibini bir oy muddatda ishlab chiqsin va tasdiqlash uchun Vazirlar Mahkamasiga taqdim etsin.

15. Oʻzbekiston Respublikasi Tashqi ishlar vazirligi va Tashqi iqtisodiy aloqalar vazirligi Oʻzbekiston Respublikasi qabul qilgan xalqaro majburiyatlarga muvofiq bir oy muddatda:

Oʻzbekiston Respublikasining Xalqaro moliyaviy lizing toʻgʻrisida 1988-yilgi Ottava konvensiyasiga qoʻshilishi;

respublikaning tashkil etilayotgan lizing kompaniyalarining Yevropa lizing kompaniyalari uyushmasi bilan uzoq muddatli hamkorligini tashkil etish masalalari boʻyicha takliflarni tayyorlasinlar va Vazirlar Mahkamasiga taqdim etsinlar.

16. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.