O‘zbekiston Respublikasi Oliy Kengashi qaror qiladi:

1. “O‘zbekiston Respublikasining Davlat gerbi to‘g‘risida”gi O‘zbekiston Respublikasining Qonuni qabul qilingan kundan boshlab amalga kiritiladi.

2. Belgilab qo‘yilsinki, avvalgi Davlat gerbi 1993-yilning 1-iyuliga qadar O‘zbekiston Respublikasining yangi Davlat gerbiga almashtirilishi shart. Ana shu davr ichida avvalgi Davlat gerbidan foydalanishga yo‘l qo‘yiladi.

3. O‘zbekiston Respublikasi Prezidenti huzuridagi Vazirlar Mahkamasiga:

— 1992-yil 15-avgustigacha bo‘lgan muddatda O‘zbekiston Respublikasining Davlat gerbini tayyorlash, shuningdek O‘zbekiston Respublikasi Davlat gerbining tasviri tushirilgan muhrlar, hujjatlarning blankalarini tayyorlash, ulardan foydalanish, saqlash va yo‘qotib tashlash tartibini belgilash;

— O‘zbekiston Respublikasi Hukumatining qarorlarini “O‘zbekiston Respublikasining Davlat gerbi to‘g‘risida”gi O‘zbekiston Respublikasining Qonuniga muvofiqlashtirish topshirilsin.

4. Quyidagilar o‘z kuchini yo‘qotgan deb hisoblansin:

— O‘zbekiston Respublikasi Oliy Kengashi Rayosatining “O‘zbekiston Respublikasi Davlat gerbi to‘g‘risidagi Nizomni tasdiqlash haqida”gi 1981-yil 30-iyuldagi Farmoni (O‘zbekiston Respublikasi Oliy Kengashining Axborotnomasi, 1981-yil, № 22, 444-modda);

— O‘zbekiston Respublikasining “O‘zbekiston Respublikasi Oliy Kengashi Rayosatining “O‘zbekiston Respublikasi Davlat gerbi to‘g‘risidagi Nizomni tasdiqlash haqida”gi Farmonini tasdiqlash to‘g‘risida”gi 1981-yil 27-noyabr Qonuni (O‘zbekiston Respublikasi Oliy Kengashining Axborotnomasi, 1981-yil, № 33, 648-modda);

— O‘zbekiston Respublikasi Oliy Kengashi Rayosatining “O‘zbekiston Respublikasi Davlat gerbi tasviri tushirilgan pechatlardan va hujjatlarning blankalaridan foydalanish tartibi to‘g‘risida”gi 1981-yil 30-iyul Farmoni (O‘zbekiston Respublikasi Oliy Kengashining Axborotnomasi, 1981-yil, № 22, 447-modda);

— O‘zbekiston Respublikasining “O‘zbekiston Respublikasi Oliy Kengashi Rayosatining “O‘zbekiston Respublikasi Davlat gerbi tasviri tushirilgan pechatlardan va hujjatlarning blankalaridan foydalanish tartibi to‘g‘risida”gi Farmonini tasdiqlash haqida”gi 1981-yil 27-noyabr Qonuni (O‘zbekiston Respublikasi Oliy Kengashining Axborotnomasi, 1981-yil, № 33, 650-modda).