|
Hujjat kuchini yo‘qotgan 14.12.2011
|
Hujjat 20.06.2006 sanasi holatiga
Amaldagi versiyaga o‘tish |
OʻZBEKISTON RESPUBLIKASI PREZIDENTINING
Qarori
YoGʻ-MOY VA OZIQ-OVQAT SANOATI UYuShMASINING
IJRO ETUVChI TUZILMASINI QISMAN OʻZGARTIRISh TOʻGʻRISIDA
IJRO ETUVChI TUZILMASINI QISMAN OʻZGARTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Prezidentining 2011-yil 14-dekabrdagi PF-4391-sonli “Oʻzbekiston Respublikasi Prezidentining ayrim hujjatlariga oʻzgartishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi Farmoniga asosan oʻz kuchini yoʻqotgan.
Yogʻ-moy va oziq-ovqat sanoati korxonalarini samarali boshqarishni taʼminlash hamda Yogʻ-moy va oziq-ovqat sanoati uyushmasining ijro etuvchi tuzilmasini maqbullashtirish maqsadida:
1. Yogʻ-moy va oziq-ovqat sanoati uyushmasining umumiy xodimlari cheklangan soni 52 nafar, shu jumladan boshqaruv xodimlari soni 44 nafar boʻlgan ijroiya apparati tuzilmasi ilovaga* muvofiq tasdiqlansin.
* Ilova rus tilidagi matnda berilgan.
2. Yogʻ-moy va oziq-ovqat sanoati uyushmasi bir oy muddatda Uyushmaning ijroiya apparati xodimlari shtat sonini ushbu qaror bilan tasdiqlangan tuzilmaga muvofiqlashtirsin, uni yuqori malakali mutaxassislar bilan mustahkamlasin.
3. Oʻzbekiston Respublikasi Prezidentining “Yogʻ-moy va oziq-ovqat sanoatini boshqarishni tashkil etishni yanada takomillashtirish toʻgʻrisida” 2006-yil 30-maydagi PQ–359-sonli qaroriga quyidagi oʻzgartishlar kiritilsin:
a) 3-bandning birinchi xatboshi quyidagi tahrirda bayon etilsin:
“Yogʻ-moy va oziq-ovqat sanoati uyushmasining tashkiliy tuzilmasi 2-ilovaga muvofiq maʼqullansin”;
b) 3-ilova oʻz kuchini yoʻqotgan deb hisoblansin.
4. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.
Oʻzbekiston Respublikasining Prezidenti I. KARIMOV
Toshkent sh.,
2006-yil 20-iyun,
PQ-382-son
(Oʻzbekiston Respublikasi qonun hujjatlari toʻplami, 2006-y., 25-26-son, 229-modda)
