[
ОКОЗ:1.13.00.00.00 Таълим. Фан. Маданият / 13.01.00.00 Таълим / 13.01.01.00 Умумий қоидалар]
[
ТСЗ:1.Ижтимоий-маданий масалалар / Таълим]
Ўзбекистон Республикаси Президентининг
Мактабгача ва мактаб таълимини ривожлантиришга оид қўшимча чора-тадбирлар тўғрисида
(қарорнинг номи Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
Ўзбекистон Республикаси Президентининг 2022 йил 11 майдаги «2022 — 2026 йилларда мактаб таълимини ривожлантириш бўйича миллий дастурни тасдиқлаш тўғрисида»ги ПФ-134-сон
Фармони ижросини таъминлаш мақсадида:
(муқаддима Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
[
ОКОЗ:1.13.00.00.00 Таълим. Фан. Маданият / 13.01.00.00 Таълим / 13.01.02.00 Таълим тизимини бошқариш;
2.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим]
1. Умумий ўрта таълим муассасаларида маънавий-маърифий ишлар самарадорлигини ошириш ва бу борада мактаб директори, ота-оналар ва маҳалла раислари масъулиятини кучайтириш мақсадида Мактабгача ва мактаб таълими вазирлиги манфаатдор вазирлик ва идоралар билан биргаликда 2022 йил 1 сентябрдан бошлаб республиканинг барча туман (шаҳар)лари кесимида намунали мактаблар рейтингини (кейинги ўринларда — рейтинг) шакллантирсин ва эълон қилиб борсин.
(1-банднинг биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
рейтинг доирасида ҳар ўқув йили якунида умумий ўрта таълим муассасаларида олиб борилаётган маънавий-маърифий ишлар ҳолати Мактабгача ва мактаб таълими вазирлиги томонидан тасдиқланган мезонлар бўйича баҳолаб борилади;
(1-банднинг учинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
умумий ўрта таълим муассасаларида олиб борилаётган маънавий-маърифий ишлар ҳолатини баҳолаш ва рейтингни юритиш учун туман (шаҳар) мактабгача ва мактаб таълими бўлимлари бошлиқлари раҳбарлигида махсус комиссиялар тузилади;
(1-банднинг тўртинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
умумий ўрта таълим муассасалари рейтинг кўрсаткичлари асосида «яшил», «сариқ» ва «қизил» тоифаларга ажратилади;
рейтинг кўрсаткичлари асосида «қизил» тоифага киритилган умумий ўрта таълим муассасаларида маънавий-маърифий ишлар самарадорлигини ошириш бўйича зарур чоралар кўрилади.
[
ОКОЗ:1.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим;
2.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.07 Мактабдан ташқари таълим]
2. Мактабгача ва мактаб таълими вазирлиги (Х. Умарова), Ички ишлар вазирлиги (П. Бобожонов), Мудофаа вазирлиги (Б. Курбанов), Миллий гвардия (Р. Джураев), Ёшлар ишлари агентлиги (А. Саъдуллаев), Республика Маънавият ва маърифат маркази (М. Ходжиматов) бошқа вазирлик ва идоралар билан биргаликда 2022 йил 1 сентябрдан бошлаб рейтинг кўрсаткичлари асосида «қизил» тоифага киритилган умумий ўрта таълим муассасаларида:
(2-банднинг биринчи хатбошиси Ўзбекистон Республикаси Президентининг 2024 йил 24 декабрдаги ПФ-226-сонли
Фармони таҳририда — Қонунчилик маълумотлари миллий базаси, 25.12.2024 й., 06/24/226/1060-сон)
зиёли ва нуронийлар, илғор тадбиркорлар, кластер ва саноат корхоналари раҳбарлари, машҳур санъаткор, спортчи ва актёрлар, таниқли блогерларни жалб қилган ҳолда мактаб ўқувчилари билан учрашувлар, мотивацион суҳбатлар ва маҳорат дарсларини ташкил этсин;
[
ОКОЗ:1.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.07 Мактабдан ташқари таълим;
2.15.00.00.00 Мудофаа / 15.06.00.00 Ҳарбий кадрларни тайёрлаш ва қайта тайёрлаш / 15.06.04.00 Вояга етмаган фуқароларни ҳарбий жиҳатдан тайёрлаш мақсадидаги қўшимча таълим дастурлари бўлган ўрта (тўлиқ) умумий таълим муассасалари]
мактаб ўқувчилари учун «Ватанпарварлик» дарсларини ва полигонларда 2 кунлик ҳарбий дала машғулотларини ўтказиш ҳамда уларни чавандозлар мактабларига жалб қилиш чораларини кўрсин, ҳарбий қисм офицерлари, сержантлари ва Қуролли Кучлар фахрийлари иштирокида «Ватан тинчлигига барчамиз масъул!», «Ватан озодлиги — бахт гарови!», «Ватанга хизмат — олий фазилат» мавзуларида давра суҳбатларини ташкил қилсин;
[
ОКОЗ:1.13.00.00.00 Таълим. Фан. Маданият / 13.03.00.00 Маданият / 13.03.04.00 Маданий мерос объектлари;
2.14.00.00.00 Соғлиқни сақлаш. Жисмоний тарбия. Спорт. Туризм / 14.03.00.00 Туризм. Экскурсиялар. Меҳмонхона хўжалиги / 14.03.04.00 Экскурсиялар]
ўқувчиларнинг меъморий ва тарихий обидалар, маданият муассасалари ҳамда муҳофаза этиладиган табиий ҳудудларга ташрифини уюштирсин;
[
ОКОЗ:1.13.00.00.00 Таълим. Фан. Маданият / 13.03.00.00 Маданият / 13.03.12.00 Театр-концерт фаолияти;
2.14.00.00.00 Соғлиқни сақлаш. Жисмоний тарбия. Спорт. Туризм / 14.02.00.00 Жисмоний тарбия ва спорт / 14.02.06.00 Спорт]
ўқувчиларнинг қизиқишлари, талаб ва истакларидан келиб чиқиб спорт мусобақалари, концерт томошалари ва санъат асарлари кўргазмаларини ўтказсин;
[
ОКОЗ:1.13.00.00.00 Таълим. Фан. Маданият / 13.03.00.00 Маданият / 13.03.03.00 Миллий маданий мерос]
буюк аждодларимизнинг илмий ва маданий мероси, уларнинг ибратли ҳаёт йўли ҳамда жаҳон цивилизациясини ривожлантиришга қўшган ҳиссаларига оид тарғибот ишларини олиб борсин, улуғ алломаларнинг туғилган саналарига бағишланган илмий ҳафталиклар, семинар ва анжуманлар ташкил этсин;
[
ОКОЗ:1.04.00.00.00 Оила қонунчилиги / 04.04.00.00 Ота-оналар ва болаларнинг ҳамда бошқа шахсларнинг ҳуқуқ ва мажбуриятлари. Алимент мажбуриятлари / 04.04.04.00 Ота-оналар ҳуқуқ ва мажбуриятлари]
ҳаётий мисоллар асосида ота-оналарнинг фарзандлар тарбиясидаги ўрни, мажбурияти ва масъулияти ҳақида тушунтириш ишларини олиб борсин, уларни қизиқтирган ва хавотирга солаётган масалалар бўйича очиқ мулоқотлар ҳамда ўқув-семинарларни ташкил этсин.
[
ОКОЗ:1.04.00.00.00 Оила қонунчилиги / 04.08.00.00 Оила, оналик, оталик ва болаликни ҳимоя қилиш ва ижтимоий қўллаб-қувватлаш]
Камбағалликни қисқартириш ва бандилик вазирлиги (Б. Мусаев) Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари ҳамда фуқароларнинг ўзини ўзи бошқариш органлари билан биргаликда ҳар чоракда намунали ўқувчиларнинг ота-оналарини рағбатлантириш, уларга «миннатдорчилик хати»ни топшириш ва совғалар тақдим этиш, шунингдек, фаолиятини оммавий ахборот воситаларида кенг ёритиш амалиётини йўлга қўйсин.
(2-банднинг саккизинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
3. Мактабгача ва мактаб таълими вазирлиги (Х. Умарова):
(3-банднинг биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
2022 йил 1 августга қадар умумий ўрта таълим муассасасидаги ички тартиб ва одоб-ахлоқ қоидаларини қайта кўриб чиқсин ва уларда мактаб ва ота-онанинг бола тарбиясидаги ўрни ва масъулиятини, уларнинг таълим ва тарбия жараёнидаги иштироки ҳамда мажбуриятларини белгиласин;
умумий ўрта таълим муассасасидаги ички тартиб ва одоб-ахлоқ қоидаларини ўзининг расмий веб-сайти ҳамда «my. maktab. uz» ахборот тизимида жойлаштирсин;
2022 йил 1 сентябрдан бошлаб, мактаб ўқувчилари ота-оналарини «my. maktab. uz» ахборот тизими орқали умумий ўрта таълим муассасасининг ички тартиб ва одоб-ахлоқ қоидалари билан таништириб борсин.
Вазирлар Маҳкамаси бир ой муддатда Умумий ўрта таълим муассасаларида маънавий-маърифий ҳамда тарбиявий ишлар самарадорлигини ошириш
концепциясини тасдиқласин.
4. Умумий ўрта таълим муассасаларининг ахборот-коммуникация технологиялари инфратузилмасини яхшилаш, компьютер синф хоналарини замонавий техникалар ва бошқа воситалар билан таъминлаш учун:
Халқ таълими вазирлиги (Б. Саидов) Молия вазирлиги (Т. Ишметов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишган ҳолда 2022 йил 1 сентябрга қадар 2023-2024 йилларда мактабларда маънан эскирган компьютер синфларини янгилаш бўйича дастурни Вазирлар Маҳкамасига тасдиқлаш учун киритсин;
Иқтисодиёт ва молия вазирлиги (Ш. Кудбиев), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2023-2024 йилларда мактабларда маънан эскирган компьютер синфларини янгилаш бўйича дастурни молиялаштириш учун Ўзбекистон Республикаси республика бюджети ҳисобидан 200 миллиард сўм, маҳаллий бюджетлар ҳисобидан 200 миллиард сўм миқдорда маблағлар ажратилишини таъминласин;
(4-банднинг учинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
Рақамли технологиялар вазирлиги (Ш. Шерматов), Мактабгача ва мактаб таълими вазирлиги (Х. Умарова), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2022/2023 ўқув йилидан бошлаб 400 нафаргача ўқувчиси бўлган умумий ўрта таълим муассасаларида Интернет тезлиги камида 40 Мбит/с, ўқувчилар сони 400 нафардан юқори бўлганларда — камида 100 Мбит/с бўлишини таъминласин;
(4-банднинг тўртинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари умумий ўрта таълим муассасаларини юқори тезликдаги Интернетга улаш учун зарур маблағларни ажратсин;
Мактабгача ва мактаб таълими вазирлиги (Х.Умарова) 2023 йилдан бошлаб ҳар йили 1 августга қадар Инвестициялар ва ташқи савдо вазирлиги ҳамда Молия вазирлигига умумий ўрта таълим муассасаларида маънан эскирган компьютер техникаси тўғрисида маълумотларни тақдим этиб борсин;
(4-банднинг олтинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
Инвестициялар, саноат ва савдо вазирлиги (Л. Кудратов) Иқтисодиёт ва молия вазирлиги (Ш. Кудбиев) билан биргаликда 2024 йилдан бошлаб ҳар йили Мактабгача ва мактаб таълими вазирлиги томонидан тақдим этиладиган маълумотлар асосида умумий ўрта таълим муассасаларини замонавий компьютерлар билан таъминлаш бўйича молиялаштириш манбаларини аниқласин.
(4-банднинг еттинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
5. Халқ таълими вазирлиги (Б. Саидов) Бандлик ва меҳнат муносабатлари вазирлиги (Н. Хусанов) билан биргаликда:
2022 йил 1 сентябрга қадар фан ўқитувчиси ва мактаб директори лавозимлари учун танловда иштирок этишга онлайн ариза топшириш ва номзод ҳақида маълумотларни жойлаштириш имконини берадиган махсус электрон портални яратсин;
махсус электрон порталда амалдаги ҳамда истиқболда кадрларга бўлган эҳтиёж, шунингдек, вакант лавозимлар тўғрисидаги маълумотларни умумий ўрта таълим муассасалари ва фанлар кесимида жойлаштириш орқали миллий кадрлар захирасини шакллантирсин.
Бандлик ва меҳнат муносабатлари вазирлиги (Н. Хусанов), Олий ва ўрта махсус таълим вазирлиги (А. Тошкулов), Ахборот технологиялари ва коммуникацияларини ривожлантириш вазирлиги (Ш. Шерматов) 2022 йил 1 августга қадар ўз ахборот тизимларининг «Электрон ҳукумат» идоралараро интеграция платформаси орқали махсус электрон портал билан интеграциясини таъминласин.
[
ОКОЗ:1.09.00.00.00 Тадбиркорлик ва хўжалик фаолияти / 09.12.00.00 Қурилиш / 09.12.09.00 Маъмурий ва ижтимоий-маданий объектларни қуриш;
2.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим]
6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Иқтисодиёт ва молия вазирлиги (Ш. Кудбиев), Инвестициялар, саноат ва савдо вазирлиги (Л. Кудратов), Қурилиш ва уй-жой коммунал хўжалиги вазирлиги (Б. Зокиров) ҳамда Мактабгача ва мактаб таълими вазирлиги (Х. Умарова) 2022 — 2026 йилларда умумий ўрта таълим муассасаларини қуриш, реконструкция қилиш ва мукаммал таъмирлаш ҳисобига 1,2 миллион ўқувчи ўрни миқдоридаги янги қувватлар яратилишини таъминласин.
(6-банднинг биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
(6-банднинг иккинчи хатбошиси Ўзбекистон Республикаси Президентининг 2025 йил 19 мартдаги ПФ-51-сонли
Фармонига асосан чиқарилган — Қонунчилик маълумотлари миллий базаси, 21.03.2025 й., 06/25/51/0261-сон)
[
ОКОЗ:1.13.00.00.00 Таълим. Фан. Маданият / 13.01.00.00 Таълим / 13.01.04.00 Давлат таълим стандартлари ва талаблари;
2.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.01 Мактабгача таълим ва тарбия;
3.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим]
Бунда, мактабгача, умумий ўрта ва мактабдан ташқари таълим ташкилотлари ҳамда ўқув курсларини моддий-техник жиҳозлаш бўйича талаблар Таълимни ривожлантириш республика илмий-методик маркази томонидан белгиланади.
(6-банд Ўзбекистон Республикаси Президентининг 2023 йил 26 майдаги ПФ-79-сонли
Фармонига асосан учинчи хатбоши билан тўлдирилган — Қонунчилик маълумотлари миллий базаси, , 31.05.2023 й., 06/23/79/0302-сон)
[
ОКОЗ:1.07.00.00.00 Молия ва кредит тўғрисидаги қонунчилик. Банк фаолияти / 07.05.00.00 Республика бюджети / 07.05.05.00 Бюджет ташкилотлари ва муассасаларини молиялаштириш;
2.07.00.00.00 Молия ва кредит тўғрисидаги қонунчилик. Банк фаолияти / 07.28.00.00 Инвестициялар ва хориждан маблағ жалб қилиш (шунингдек, 07.05.04.00, 09.12.03.00, 10.01.05.00ларга қаранг) / 07.28.05.00 Хориждан маблағ жалб қилиш;
3.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим]
Белгилаб қўйилсинки, асосий прогноз кўрсаткичларга мувофиқ умумий ўрта таълим муассасаларини қуриш, реконструкция қилиш, мукаммал таъмирлаш ва жиҳозлаш — Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурлари доирасида ажратиладиган маблағлар, Давлат бюджети маблағлари, халқаро молия институтларининг кредитлари ва грантлари, ҳомийлик хайриялари, хусусий шериклар ҳамда нодавлат таълим ташкилотлари маблағлари, шунингдек, қонунчилик ҳужжатларида тақиқланмаган бошқа манбалар ҳисобидан амалга оширилади.
Иқтисодиёт ва молия вазирлиги (Ш. Кудбиев), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурлари доирасида 2022 — 2026 йилларда умумий ўрта таълимда 700 минг ўқувчи ўрни миқдоридаги янги қувватлар яратилишини таъминласин.
(6-банднинг бешинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
7. Мактабгача ва мактаб таълими вазирлиги (Х. Умарова) Камбағалликни қисқартириш ва бандлик вазирлиги (Б. Мусаев) ҳамда Олий таълим, фан ва инновациялар вазирлиги (И. Абдурахмонов) билан биргаликда 2022/2023 ўқув йилидан бошлаб:
(7-банднинг биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
бошланғич синф ўқувчиларига ўқув режага киритилган фанлар доирасида меҳнат бозорида мавжуд бўлган турли касблар тўғрисида тушунчалар бериб борсин;
касб эгаларининг меҳнат фаолияти билан яқиндан танишиш мақсадида 5 — 7-синф ўқувчилари учун турли учрашув ва сайёр дарсларни ташкил этсин;
7 — 9-синф ўқувчиларининг касбга мойиллигини аниқлаш бўйича ташхислар ўтказиб борсин ҳамда натижаларидан келиб чиқиб, ишлаб чиқариш корхоналари, ҳунармандчилик марказлари ва бошқа ташкилотларга экскурсиялар ташкил қилсин;
ҳудудларнинг ижтимоий-иқтисодий салоҳияти ва ўсиш нуқталарига мувофиқ мактаб ўқувчилари учун устувор касбларни белгиласин ҳамда 10- ва 11-синф ўқувчиларини ушбу касбларга, шу жумладан касб-ҳунарга ўқитиш марказлари, маҳалла аҳолисини касб-ҳунарга ўқитиш масканлари, қисқа муддатли курслар очилган таълим муассасаларида ўқитиш чораларини кўрсин.
Халқ таълими вазирлиги (Б. Саидов), Қурилиш вазирлиги (Б. Зокиров), Бандлик ва меҳнат муносабатлари вазирлиги (Н. Хусанов) 2022 йил 1 августга қадар умумий ўрта таълим муассасаларининг технология фани устахоналари ҳамда касб-ҳунар амалиёти хоналари намунавий лойиҳаларини ишлаб чиқсин ва тасдиқласин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2022/2023 ўқув йилидан бошлаб тасдиқланган намунавий лойиҳалар асосида умумий ўрта таълим муассасаларининг технология фани устахоналарини ҳамда касб-ҳунар амалиёти хоналарини босқичма-босқич ташкил этиш ва жиҳозлаш чораларини кўрсин.
[
ОКОЗ:1.13.00.00.00 Таълим. Фан. Маданият / 13.01.00.00 Таълим / 13.01.03.00 Таълим ташкилотларини аттестациядан ва давлат аккредитациясидан ўтказиш;
2.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим]
8. 2023 йил 1 январдан бошлаб шундай тартиб ўрнатилсинки, унга мувофиқ:
а) умумий ўрта таълим ташкилотлари ҳар 11 йилда камида бир марта мажбурий тарзда аттестация ва давлат аккредитациясидан ўтказилади. Бунда, умумий ўрта таълим ташкилотлари муддатдан олдин аттестация ва давлат аккредитациясидан шартнома асосида ўтиши мумкин;
б) умумий ўрта таълим ташкилотлари қуйидаги тартибда аттестация ва давлат аккредитациясидан ўтказилади:
фаолият юритаётган умумий ўрта таълим ташкилотлари — амалдаги аккредитация сертификатининг муддати тугаганидан сўнг 11 йил муддатга;
янги ташкил этиладиган умумий ўрта таълим ташкилотлари — улар ташкил этилган пайтдан бошлаб (белгиланган тартибда лицензия олган пайтдан бошлаб) 11 йил муддатга;
в) давлат умумий ўрта таълим ташкилотларида хавф-хатарлар таҳлилига асосланган таълим сифати мониторинги жорий этилади. Бунда:
мониторинг натижаларига кўра таълим сифатида пасайиш кузатилган давлат умумий ўрта таълим ташкилотларининг фаолияти алоҳида режага мувофиқ жойига чиққан ҳолда ўрганилади;
жойига чиқиб ўрганиш натижаси бўйича давлат умумий ўрта таълим ташкилоти учун фаолият самарадорлигини яхшилаш бўйича «йўл харита»си ишлаб чиқилади;
«йўл харита»сида белгиланган чора-тадбирлар ўз вақтида ва лозим даражада бажарилиши учун умумий ўрта таълим муассасасига туман (шаҳар) ҳокимликлари ва халқ таълими бўлимлари кўмак кўрсатади;
г) узлуксиз уч йил давомида фаолият самарадорлиги даражаси юқори бўлган давлат ва нодавлат умумий ўрта таълим ташкилотларида текширувлар ташкил этишга 3 йил муддатга мораторий жорий қилинади (потенциал коррупциоген ҳолатлар бундан мустасно).
9. Таълим сифатини назорат қилиш давлат инспекцияси (У. Ташкенбаев) ва Халқ таълими вазирлиги (Б. Саидов) 2022 йил 1 октябрга қадар:
давлат умумий ўрта таълим ташкилотларида хавф-хатарлар таҳлилига асосланган таълим сифати мониторингини амалга ошириш тартибини;
умумий ўрта таълим ташкилотларининг фаолиятини ички ва ташқи баҳолашдан ўтказишнинг соддалаштирилган тартибини белгиловчи Ҳукумат қарори лойиҳасини Вазирлар Маҳкамасига киритсин.
[
ОКОЗ:1.01.00.00.00 Конституциявий тузум / 01.14.00.00 Давлат органларининг ҳуқуқ ижодкорлиги фаолияти / 01.14.03.00 Норматив-ҳуқуқий ҳужжатлар лойиҳаларини тайёрлаш ва кўриб чиқиш тартиби;
2.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.02 Умумий ўрта ва ўрта махсус таълим;
3.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.03 Профессионал таълим]
10. Давлат тест маркази (М. Каримов) Халқ таълими вазирлиги (Б. Саидов) билан биргаликда 2022 йил 1 сентябрга қадар 2024 йилдан бошлаб умумий ўрта ва ўрта махсус таълим ташкилотлари ҳамда касб-ҳунар мактаблари битирувчилари учун якуний давлат аттестациясини Давлат тест маркази томонидан имтиҳонлар шаклида ўтказишни назарда тутувчи Ўзбекистон Республикаси Президентининг қарори лойиҳасини Вазирлар Маҳкамасига киритсин.
11. Белгилаб қўйилсинки, Мактабгача ва мактаб таълими вазирлигининг:
(11-банднинг биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
[
ОКОЗ:1.08.00.00.00 Уй-жой қонунчилиги. Коммунал хўжалик / 08.06.00.00 Нотурар жойлар. Маъмурий бинолар / 08.06.02.00 Нотурар жой фонди объектларига мулк ҳуқуқи ва бошқа ҳуқуқлар. Балансдан балансга бериш]
таълим беришга мўлжалланган бинолари ва иншоотларини таълим соҳасидан ташқари бошқа мақсадлар учун юридик ва жисмоний шахсларга берилиши тақиқланади;
таълим беришга мўлжалланган, бўш турган бинолари ҳамда иншоотларини бошқа жисмоний ва юридик шахсларга бериш улар жойлашган ҳудуднинг камида 5 йиллик демографик кўрсаткичларини инобатга олиб, мактабгача ва мактаб таълими вазирининг розилигини олган ҳолда амалга оширилади.
(11-банднинг учинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
12. Шундай тартиб ўрнатилсинки, унга мувофиқ 2022 йил 1 сентябрдан бошлаб:
мактабгача ва мактаб таълими тизимидаги муассаса ва ташкилотлар раҳбарларига бюджетдан ташқари маблағларини мустақил тасарруф этиш ҳуқуқи берилади;
(12-банднинг иккинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
[
ОКОЗ:1.07.00.00.00 Молия ва кредит тўғрисидаги қонунчилик. Банк фаолияти / 07.05.00.00 Республика бюджети / 07.05.05.00 Бюджет ташкилотлари ва муассасаларини молиялаштириш;
2.13.00.00.00 Таълим. Фан. Маданият / 13.01.00.00 Таълим / 13.01.05.00 Давлат таълим муассасалари ва ташкилотлари]
2030 йил 1 январга қадар мактабгача ва мактаб таълими тизимидаги муассаса ва ташкилотларнинг (вазирлик марказий аппарати ва унинг ҳудудий бўлинмаларидан ташқари) бюджетдан ташқари маблағлари ҳисобидан амалга ошириладиган иш ҳақи ва унга тенглаштирилган тўловларга ижтимоий солиқ ставкаси 1 фоиз миқдорида белгиланади;
(12-банднинг учинчи хатбошиси Ўзбекистон Республикаси Президентининг 2023 йил 29 декабрдаги ПҚ-422-сонли
қарори таҳририда — Қонунчилик маълумотлари миллий базаси, 29.12.2023 й., 07/23/422/0994-сон — 2024 йил 1 январдан кучга киради)
қўшимча хизмат кўрсатишдан тушган бюджетдан ташқари маблағларни яширган, шунингдек, ходимларга норасмий иш ҳақи тўлаган халқ таълими тизимидаги муассаса ва ташкилотларнинг раҳбарлари қонунчиликда белгиланган тартибда жавобгарликка тортилади.
13. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари зиммасига:
мактабгача ва мактаб таълими тизимини ислоҳ қилиш бўйича Қорақалпоғистон Республикаси, вилоятлар ва Тошкент шаҳар кенгашлари томонидан тасдиқланган ҳудудий дастурларда белгиланган вазифаларни ўз вақтида ва сифатли амалга оширилишини таъминлаш;
(13-банднинг иккинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
ҳар чоракда ҳудудий дастурда белгиланган вазифалар ижросини Қорақалпоғистон Республикаси Жўқорғи Кенгеси ва халқ депутатлари вилоят Кенгашлари сессияларида муҳокама этиб бориш ҳамда Мактаб таълими тизимини ислоҳ қилиш бўйича миллий кенгашга бу ҳақида ахборот киритилишини таъминлаш;
(13-банднинг учинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
ҳудуддаги мактабгача ва мактаб таълими муассасаларининг моддий-техник базасини мустаҳкамлаш ҳамда уларнинг инфратузилмасини яхшилаш;
(13-банднинг тўртинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
мактабгача ва мактаб таълими муассасаларини қуриш, реконструкция қилиш, капитал ва жорий таъмирлаш, уларга туташ ҳудудларни ободонлаштириш, инфратузилмани (тротуарлар, йўллар ва бошқалар) зарур ҳолатда сақлаш бўйича буюртмачи функциясини амалга ошириш;
(13-банднинг бешинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
мактабгача ва мактаб таълими муассасаларини электр энергияси, табиий газ, ичимлик суви, зарур санитария-гигиена шароитлари ва бошқа коммунал хизматлар билан узлуксиз таъминлаш;
(13-банднинг олтинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
туманлар (шаҳарлар)ни комплекс ижтимоий-иқтисодий ривожлантириш бўйича сектор раҳбарлари билан биргаликда мактабгача ва мактаб таълими муассасаларини ўқув йилига ва куз-қиш мавсумига ўз вақтида ва самарали тайёрлаш тадбирларини амалга ошириш;
(13-банднинг еттинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
умумий ўрта таълим муассасаларининг хавфсизлигини таъминлаш, шу жумладан ҳудудлар атрофини ўраш, уларга ҳуқуқбузарликлар профилактикаси бўйича инспекторларни бириктириш, видеокузатув камералари ва ёнғинга қарши сигнализация тизимларини ўрнатиш чораларини кўриш;
мактабгача ва мактаб таълими муассасалари ҳудудининг ва кўчмас мулкининг бутунлигини ҳамда дахлсизлигини белгиланган тартибда таъминлаш;
(13-банднинг тўққизинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
умумий ўрта таълим муассасаларини ривожлантириш учун инвестицияларни ва ҳомийлик ёрдамини жалб қилишга кўмаклашиш;
мактабгача ва мактаб таълими муассасаларига кўмаклашиш масалалари бўйича вазирлик, идора ва бошқа ташкилотларнинг ҳудудий бўлинмалари раҳбарларининг ҳисоботларини белгиланган тартибда эшитиш;
(13-банднинг ўн биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
ўқитувчи касби мақоми ва обрўсини ошириш, уларга муносиб меҳнат шароитларини яратиш, педагогларнинг шаъни ва қадр-қиммати камситилишига йўл қўймаслик ва фаолиятига аралашмаслик;
ўқувчилар онгига ватанпарварлик туйғуларини ва миллий қадриятларни сингдириш, бой маданий-тарихий мерос, миллий урф-одатлар, буюк аждодларимиз маънавий меросини ўрганишлари учун шароитларни яратишда сектор раҳбарлари ва мутасадди ташкилотларни кенг жалб этиш;
соҳа ходимлари, таълим муассасалари раҳбарлари, педагогларнинг Янги Ўзбекистон тараққиётидаги шахсий ҳиссаси, ўқувчиларни ҳар томонлама етук авлод этиб тарбиялашдаги масъулиятларини ҳис этишлари учун тарғибот ва тушунтиришлар олиб бориш;
раҳбар ва педагог кадрлар томонидан таълим тизимида амалга оширилаётган ислоҳотларни, соҳада жорий қилинаётган янгиликларни янада кенгроқ тарғиб этилиши, ўқувчиларнинг касбий ва шахсий ривожланишлари учун керакли бўлган маълумотларни олишлари учун имкониятларни кенгайтириш, уларнинг билими ва тафаккурини ошириш мақсадида мактабгача ва мактаб таълими йўналишидаги босма нашрларни таълим муассасаларига етказиб беришни таъминлаш вазифалари юклансин.
(13-банднинг ўн бешинчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
14. Ўзбекистон Республикаси Президентининг айрим қарорларига
2-иловага мувофиқ ўзгартириш ва қўшимчалар киритилсин.
15. Халқ таълими вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х. Умарова, иқтисодиёт ва молия вазири Ш. Кудбиев, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари белгилансин.
(16-банднинг биринчи хатбошиси Ўзбекистон Республикаси Президентининг 2023 йил 26 майдаги ПФ-79-сонли
Фармони таҳририда — Қонунчилик маълумотлари миллий базаси, 31.05.2023 й., 06/23/79/0302-сон)
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Президенти маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
(1-илова Ўзбекистон Республикаси Президентининг 2025 йил 19 мартдаги ПФ-51-сонли
Фармонига асосан ўз кучини йўқотган — Қонунчилик маълумотлари миллий базаси, 21.03.2025 й., 06/25/51/0261-сон)
Ўзбекистон Республикаси Президентининг 2022 йил 11 майдаги ПҚ-241-сон
қарорига
2-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2012 йил 10 декабрдаги «Чет тилларни ўрганиш тизимини янада такомиллаштириш чора-тадбирлари тўғрисида»ги ПҚ-1875-сон қарорининг
1-бандида:
а)
тўртинчи хатбошидаги «маблағлари ҳисобидан» сўзларидан кейин «қонунчилик ҳужжатларида белгиланган тартибда» сўзлари билан тўлдирилсин;
2. Ўзбекистон Республикаси Президентининг 2016 йил 22 декабрдаги «Маҳаллий ижроия ҳокимияти органлари фаолиятини янада такомиллаштириш тўғрисида»ги ПҚ-2691-сон қарори 4
1-бандининг
учинчи хатбошиси қуйидаги таҳрирда баён этилсин:
Қорақалпоғистон Республикаси Вазирлар Кенгаши Раисининг ўринбосари, Андижон, Жиззах, Наманган, Навоий, Сирдарё, Сурхондарё ва Фарғона вилоятлари ҳокимларининг туризм, спорт, маданият, маданий мерос ва оммавий коммуникациялар масалалари бўйича ўринбосарларининг котибиятига қўшимча бир нафар штат бирлигини ажратиш Туризм ва спорт вазирлиги тизимидаги спорт-таълим муассасаларининг штат бирликларини қисқартириш ҳисобига амалга оширилади;
Қорақалпоғистон Республикаси халқ таълими вазири, вилоятлар халқ таълими бошқармаси бошлиқлари, Тошкент шаҳар халқ таълими бош бошқармаси бошлиғи, туман (шаҳар) халқ таълими бўлими мудирлари бир вақтнинг ўзида тегишинча Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, туман (шаҳар) ҳокимларининг таълим ва тарбия масалалари бўйича маслаҳатчилари ҳисобланади».
3. Ўзбекистон Республикаси Президентининг 2017 йил 14 мартдаги «Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида»ги ПҚ-2829-сон қарори 3-бандининг
еттинчи хатбошиси қуйидаги таҳрирда баён этилсин:
«2017/2018 ўқув йилидан бошлаб академик лицейлар ва касб-ҳунар мактаблари ўқувчиларини умумий ўрта таълим муассасалари учун мўлжалланган умумтаълим фанлари бўйича дарсликлар билан таъминлаш қонунчилик ҳужжатларида белгиланган тартибда Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармасининг айланма маблағлари ҳамда Давлат бюджети маблағлари ҳисобидан амалга оширилади».
4. Ўзбекистон Республикаси Президентининг 2018 йил 5 сентябрдаги «Халқ таълими тизимига бошқарувнинг янги тамойилларини жорий этиш чора-тадбирлари тўғрисида»ги ПҚ-3931-сон
қарорида:
а)
2-банд ўз кучини йўқотган деб ҳисоблансин;
қуйидаги мазмундаги ўн тўртинчи хатбоши билан тўлдирилсин:
«давлат умумий ўрта таълим муассасалари ҳудудида ўрнатилган видео кузатув камералари ва биометрик идентификация тизимлари орқали қайд этилган ҳуқуқбузарликлар учун Ўзбекистон Республикасининг Маъмурий жавобгарлик тўғрисидаги кодексига мувофиқ ундириладиган жарималар суммаларининг 50 фоизи»;
г)
6-банд қуйидаги таҳрирда баён этилсин:
«6. Вазирликка, унинг ҳудудий бўлинмалари ва идоравий бўйсунувидаги ташкилотларга ҳамда умумтаълим муассасаларига Вазирлик ҳузуридаги «Инновация, технология ва стратегия маркази» давлат унитар корхонаси билан тўғридан-тўғри шартномалар тузиш ҳуқуқи берилсин ва ушбу шартномалар махсус ахборот порталида рўйхатдан ўтказилсин»;
ж)
10,
11 ва
12-бандлардаги тегишли келишикдаги «давлат-хусусий шериклик тўғрисидаги келишув» сўзлари тегишли келишикдаги «давлат-хусусий шериклик тўғрисидаги битим» сўзлари билан алмаштирилсин;
з)
23-банд қуйидаги таҳрирда баён этилсин:
«23. Вазирликнинг марказий аппарати ва «Халқ таълими соҳасида лойиҳа ҳужжатларига техник топшириқларни ишлаб чиқиш ва қурилиш объектлари сифатини мониторинг қилиш бўйича инжиниринг компанияси» ДУК Тошкент шаҳри, Шайхонтоҳур тумани, Навоий кўчаси, 2а-уйда жойлаштирилсин»;
«Халқ таълими соҳасида ахборот-коммуникация технологияларини ривожлантириш маркази,» ва «Халқ таълимини ривожлантириш жамғармаси,» сўзлари чиқариб ташлансин;
«Мактабдан ташқари таълим муассасалари» блокидан кейин «Халқ таълими ходимларини рағбатлантириш жамғармалари» блоки билан тўлдирилсин.
5. Ўзбекистон Республикаси Президентининг 2019 йил 22 апрелдаги «Бола ҳуқуқлари кафолатларини янада кучайтиришга оид қўшимча чора-тадбирлар тўғрисида»ги ПҚ-4296-сон қарорининг
6-банди қуйидаги таҳрирда баён этилсин:
«6. Қуйидагилар учун олий таълим муассасаларига абитуриентларни қабул қилишнинг умумий сонига қўшимча равишда бир фоизгача давлат гранти асосидаги қабул квоталари ажратилади:
2019/2020 ўқув йилидан бошлаб «Меҳрибонлик» уйлари ва болалар шаҳарчаларининг битирувчилари бўлган чин етимлар учун;
2021/2022 ўқув йилидан бошлаб SOS — болалар маҳаллалари ва оилавий болалар уйлари битирувчилари, шунингдек, васийликка, ҳомийликка ёки оилага тарбияга олинган (патронат) етим болалар (йигирма беш ёшга тўлмаган) учун».
6. Ўзбекистон Республикаси Президентининг 2019 йил 14 майдаги «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида»ги ПҚ-4319-сон
қарорида:
а)
2-банд қуйидаги таҳрирда баён этилсин:
тест синови топшириқлари давлат таълим стандартлари ва ўқув дастурлари асосида тузилади;
тест синови материалларининг маъно-мазмуни умумий ўрта таълим тизимидаги фанларнинг ўқув дастурларига мослаштирилади;
абитуриентларнинг назарий билимларни ўзлаштириш даражаси билан бирга мантиқий фикрлаши, масала ва мисолларни бажара олиш қобилияти ва таълимнинг кейинги босқичига тайёргарлигини баҳолайдиган, компетенцияга асосланган тест топшириқлари ишлаб чиқилади;
бакалавриат таълим йўналишларига мос тест синови топшириладиган фанлар мажмуаси, баҳолаш мезонлари, тест топшириқлари сони ва тест синовларини ўтказишнинг аниқ муддатлари Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан, Тошкент давлат юридик университети бакалавриат таълим йўналишлари бўйича тест синовлари топшириладиган фанлар мажмуаси эса университет томонидан белгиланади;
бакалавриат таълим йўналишларига мос тест синови топшириладиган фанлар мажмуаси ҳар йили 15 октябрга қадар эълон қилинади;
Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тасдиқлангандан сўнг, янги бакалавриат таълим йўналишлари ташкил этилган тақдирда, уларга мос тест синови топшириладиган фанлар мажмуаси алоҳида тасдиқланади;
2019/2020 ўқув йили қабулидан бошлаб Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан белгиланадиган давлат олий таълим муассасаларига бакалавриатга ўқишга кириш учун абитуриентлар Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали мурожаат қиладилар»;
б) 4-банднинг
бешинчи хатбошиси «фоизигача» сўзидан кейин «(рағбатлантириш коэффициентини ҳисобга олган ҳолда)» сўзлари билан тўлдирилсин».
7. Ўзбекистон Республикаси Президентининг 2019 йил 30 сентябрдаги «Халқ таълими тизимидаги мактабдан ташқари таълим самарадорлигини тубдан ошириш чора-тадбирлари тўғрисида»ги ПҚ-4467-сон
қарорида:
а) 1-банднинг
бешинчи хатбошисидаги «2020 — 2023 йилларда» сўзлари «2025 йилга қадар» сўзлари билан алмаштирилсин;
в) 13-банднинг
учинчи хатбошисидаги «кўчма кутубхоналар» сўзлари «маҳаллалар кутубхоналари» сўзлари билан алмаштирилсин;
г)
14-банд ўз кучини йўқотган деб ҳисоблансин;
6-позициянинг «Тадбирлар номи» устунидаги «воситалар учун электрон форматдаги дастурий лойиҳаларни» сўзлари «воситаларнинг электрон форматларини» сўзлари билан алмаштирилсин;
8-позициянинг «Тадбирлар номи» устунидаги «онлайн» сўзи чиқариб ташлансин;
24, 31-позициялар чиқариб ташлансин;
26-позициянинг «Тадбирлар номи» устунидаги «ва онлайн китоблар ўқиш» сўзлари чиқариб ташлансин;
27-позициянинг «Тадбирлар номи» устунидаги «600» рақами «120» рақами билан алмаштирилсин;
е) 4-илованинг
матни қуйидаги таҳрирда баён этилсин:
«2019 — 2024 йилларда Халқ таълими тизимидаги мактабдан ташқари таълим тизимини ривожлантиришнинг мақсадли кўрсаткичлари
|
Т/р |
Кўрсаткичлар номи |
Ўлчов бирлиги |
Йиллар кесимида |
|
2019 |
2020 |
2021 |
2022 |
2023 |
2024 |
|
I. Мактабдан ташқари таълим тизимини ташкил қилиш ва бошқаришни такомиллаштириш |
|
1. |
«Баркамол авлод» болалар мактабларини олий маълумотли мутахассислар билан тўлдириш. |
Фоизда
(жами тўгарак раҳбарлари сонига нисбатан) |
25 |
30 |
35 |
37 |
40 |
43 |
|
2. |
Ўқувчиларни «Баркамол авлод» болалар мактабларига қамраб олиш. |
Фоизда
(жами умумтаълим мактаблардаги ўқувчилар сонига нисбатан) |
2,4 |
4,5 |
5,7 |
5,8 |
5,9 |
6,0 |
|
3. |
«Баркамол авлод» болалар мактабларида «STEAM — таълим» (Science — табиий фанлар, Technology — технологиялар, Engineering — муҳандислик, Art — санъат, Mathematics — математика) дастурини амалиётга жорий этиш. |
Фоизда
(жами мактаблар сонига нисбатан) |
мавжуд эмас |
7 |
20 |
22 |
24 |
25 |
|
4. |
«Баркамол авлод» болалар мактабларида «Ахборот технологиялари», «Дастурлаш», «Мехатроника» ва «Робототехника» йўналишлари бўйича тўгарак аъзолари сонини ошириш. |
Иштирок этувчи ўқувчилар фоизда
(жами тўгаракка жалб этилган ўқувчилар сонига нисбатан) |
12 |
14 |
16 |
18 |
20 |
22 |
|
II. Ўқувчилар ўртасида китобхонликни тарғиб қилиш ва китоб мутолаасини ривожлантириш |
|
5. |
Умумтаълим мактаблари ўқувчилари ўртасида китоб мутолааси ва китобхонлик маданиятини шакллантириш орқали китобхонлар сонини ошириш. |
Фоизда
(жами умумтаълим мактабларидаги ўқувчилар сонига нисбатан) |
12 |
14 |
15 |
16 |
18 |
20 |
|
6. |
«Болалар кутубхоналари» ва мактаб кутубхоналари учун миллий адабиёт ва жаҳон адабиёти дурдоналарига кирувчи асарларнинг аудиокитоб шаклини яратиш. |
Дона |
60 |
80 |
90 |
100 |
110 |
120 |
|
7. |
Оилавий китобхонликни тарғиб қилиш, келажакда ёш шоир ва ёзувчиларнинг етук шогирдларини етиштириш мақсадида турли танловлар ташкил этиш. |
Тадбирларсони |
2 |
3 |
4 |
5 |
6 |
7 |
|
III. Мактабдан ташқари таълим муассасаларида ахборот-коммуникация технологияларини кенг жорий этиш, жиҳозлар билан таъминлаш ва давлат-хусусий шерикликни йўлга қўйиш |
|
8. |
Давлат-хусусий шериклик асосида робототехника ва инженерлик тўгараклари улуши. |
Фоизда
(жами мактаблар сонига нисбатан) |
мавжуд эмас |
3 |
5 |
6 |
7 |
8 |
|
9. |
Хорижий тиллар тўгаракларини ташкил этишда хусусий сектор вакилларининг улуши. |
Фоизда
(жами мактаблар сонига нисбатан) |
мавжуд эмас |
12 |
14 |
15 |
16 |
17 |
|
10. |
«Баркамол авлод» болалар мактаблари ва «Болалар кутубхоналари»даги мавжуд ҳужжатлар, статистик маълумотлар ҳамда ҳисоботларни рақамлаштириш. |
Фоизда |
мавжуд эмас |
15 |
20 |
22 |
25 |
30 |
|
11. |
«Баркамол авлод» болалар мактабларини кенг полосали Интернет тармоғига улаш. |
Фоизда
(жами мактаблар сонига нисбатан) |
5 |
30 |
60 |
85 |
100 |
- |
|
12. |
«Болалар кутубхоналари»да хорижий давлатлар кутубхоналарига онлайн саёҳатлар уюштириш имкониятини берувчи виртуал майдонлар ташкил этиш. |
Фоизда
(жами кутубхоналар сонига нисбатан) |
мавжуд эмас |
2 |
4 |
5 |
6 |
7 |
|
13. |
«Баркамол авлод» болалар мактабларида мамлакатимиз ва хорижий давлатлар маданияти, урф-одатлари, диққатга сазовор жойлари билан ўқувчиларни яқиндан таништиришга қаратилган онлайн саёҳатларни ўз ичига олган виртуал майдонлар ташкил этиш. |
Фоизда
(жами мактаблар сонига нисбатан) |
мавжуд эмас |
2 |
4 |
5 |
6 |
7 |
|
14. |
«Баркамол авлод» болалар мактабларидаги ўқув дастурлари, ўқув қўлланмалари ва кўргазмали воситаларнинг электрон форматларини ишлаб чиқиш. |
Фоизда |
мавжуд эмас |
20 |
35 |
38 |
40 |
43 |
|
15. |
«Баркамол авлод» болалар мактабларида техник ижодиёт йўналиши бўйича онлайн тўгараклар ташкил этиш. |
Фоизда
(жами мактаблар сонига нисбатан) |
мавжуд эмас |
5 |
8 |
10 |
12 |
15 |
|
16. |
Китоблардан фойдаланиш самарадорлигини ҳисобга олиш учун QR-кодлар ёрдамида электрон китоблар тўғрисидаги маълумотларни жойлаштириш ва уларни мобил қурилмаларга юклаб олиш ҳамда ўқиш имкониятини яратиш. |
Фоизда
(жами мактаблар сонига нисбатан) |
мавжуд эмас |
2 |
5 |
7 |
9 |
10 |
|
17. |
«Баркамол авлод» болалар мактаблари тўгарак аъзоларининг халқаро миқёсдаги тадбирлардаги муносиб иштироки. |
Иштирок этувчи ўқувчилар фоизда
(жами тўгарак аъзолари сонига нисбатан) |
0,2 |
0,7 |
1,2 |
1,5 |
1,7 |
1,9 |
|
|
|
|
|
|
|
|
|
». |
8. Ўзбекистон Республикаси Президентининг 2019 йил 9 декабрдаги «Бюрократик тўсиқларни янада қисқартириш ҳамда давлат органлари ва ташкилотлари фаолиятига замонавий бошқарув тамойилларини жорий қилиш чора-тадбирлари тўғрисида»ги ПҚ-4546-сон қарорининг
1-иловаси 10-позицияси «Маҳаллий ижро этувчи ҳокимият органларининг функциялари (ваколатлари) бериладиган субъект» устунидаги «Қорақалпоғистон Республикаси Халқ таълими вазирлиги ва вилоят халқ таълими бошқармалари» сўзлари «Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси» сўзлари билан алмаштирилсин.
9. Ўзбекистон Республикаси Президентининг 2020 йил 10 февралдаги «Ўзбекистон Республикасида гематология ва трансфузиология хизматларини ривожлантириш ҳамда онкогематологик ва даволаш қийин бўлган касалликларга чалинган шахсларни янада қўллаб-қувватлаш чора-тадбирлари тўғрисида»ги ПҚ-4592-сон қарорининг
10-бандида:
а) қуйидаги мазмундаги олтинчи хатбоши билан тўлдирилсин:
«Соғлиқни сақлаш вазирлиги томонидан тасдиқланган рўйхат асосида оғир касалликка чалинган етим болалар ва ота-она қарамоғидан маҳрум бўлган болаларнинг республикада йўлга қўйилмаган жарроҳлик амалиётлари бўйича хорижий давлатлардаги жарроҳлик операциялари билан боғлиқ харажатларни қоплаш учун»;
10. Ўзбекистон Республикаси Президентининг 2020 йил 7 майдаги «Математика соҳасидаги таълим сифатини ошириш ва илмий-тадқиқотларни ривожлантириш чора-тадбирлари тўғрисида»ги ПҚ-4708-сон
қарорида:
11. Ўзбекистон Республикаси Президентининг 2020 йил 12 августдаги «Кимё ва биология йўналишларида узлуксиз таълим сифатини ва илм-фан натижадорлигини ошириш чора-тадбирлари тўғрисида»ги ПҚ-4805-сон
қарорида:
13-позициянинг «Ижро муддати» устунидаги «2021/2022» рақамлари «2022/2023» рақамлари билан алмаштирилсин;
14-позициянинг «Ижро муддати» устунидаги «2022/2023» рақамлари «2023/2024» рақамлари билан алмаштирилсин.
12. Ўзбекистон Республикаси Президентининг 2020 йил 6 октябрдаги «Ахборот технологиялари соҳасида таълим тизимини янада такомиллаштириш, илмий тадқиқотларни ривожлантириш ва уларни IT-индустрия билан интеграция қилиш чора-тадбирлари тўғрисида»ги ПҚ-4851-сон қарорининг
9-банди ўз кучини йўқотган деб ҳисоблансин.
13. Ўзбекистон Республикаси Президентининг 2021 йил 19 мартдаги «Физика соҳасидаги таълим сифатини ошириш ва илмий тадқиқотларни ривожлантириш чора-тадбирлари тўғрисида»ги ПҚ-5032-сон қарори 6-бандининг
иккинчи хатбошиси чиқариб ташлансин.
14. Ўзбекистон Республикаси Президентининг 2021 йил 15 апрелдаги «Жамоат хавфсизлигини таъминлаш соҳасида профессионал кадрларни тайёрлаш тизимини янада такомиллаштириш чора-тадбирлари тўғрисида»ги ПҚ-5077-сон қарорининг
2-бандида:
а) қуйидаги мазмундаги тўртинчи хатбоши билан тўлдирилсин:
«ҳарбий ватанпарварлик, маънавий-маърифий тарбия ва ёшлар билан ижтимоий ишлаш йўналишида ўқув-тарбия муассасалари тарбиячиларини қайта тайёрлаш ва малакасини ошириш»;
15. Ўзбекистон Республикаси Президентининг 2021 йил 19 майдаги «Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида»ги ПҚ-5117-сон қарорининг 5-банди «
а» ва
«б» кичик бандлари қуйидаги таҳрирда баён этилсин:
«а) таълим муассасаларининг камида С1 даражадаги миллий ёки унга тенглаштирилган мос даражадаги халқаро тан олинган сертификатга эга хорижий тиллар (инглиз, француз, немис, испан, итальян, араб, хитой, япон, корейс, турк, форс, пушту, дари, урду, ҳинд) ўқитувчиларига уларнинг базавий тариф ставкасига нисбатан ҳар ойлик 50 фоиз миқдорида қўшимча устама ҳақи тўлаб борилсин.
Бунда, умумий ўрта, ўрта махсус ва профессионал таълим муассасалари ўқитувчиларининг камида С1 даражадаги халқаро сертификатни олиш учун имтиҳон топшириш билан боғлиқ харажатлари Давлат бюджетидан педагог кадрлар малакасини ошириш учун ажратиладиган маблағлар, давлат олий таълим муассасалари ўқитувчиларининг харажатлари эса олий таълим муассасаларининг ўз маблағлари ҳисобидан қопланиши белгилансин;
б) умумий ўрта, ўрта махсус ва профессионал таълим муассасаларининг камида С1 даражадаги миллий ёки унга мос даражадаги халқаро сертификатга эга хорижий тиллар (инглиз, француз, немис, испан, итальян, араб, хитой, япон, корейс, турк, форс, пушту, дари, урду, ҳинд) ўқитувчилари аттестация жараёнида малака синови учун максимал балл билан баҳоланиб, хорижий тил модули бўйича синовдан озод этилсин.
Бунда, мазкур сертификатни олиш муқобил малака ошириш шакли сифатида тан олинсин».
16. Ўзбекистон Республикаси Президентининг 2021 йил 29 июндаги ПҚ-5168-сон қарори билан тасдиқланган Юридик хизмат кўрсатиш марказлари тўғрисидаги
низом қуйидаги мазмундаги 2
1-банд билан тўлдирилсин:
«21. Етим болалар ва ота-она қарамоғидан маҳрум бўлган болалар ҳамда уларни фарзандликка ёки васийликка (ҳомийликка, патронатга) олган фуқароларга Марказлар томонидан бепул юридик хизмат кўрсатилади».
(Қонунчилик маълумотлари миллий базаси, 12.05.2022 й., 07/22/241/0408-сон; 31.05.2023 й., 06/23/79/0302-сон; 29.12.2023 й., 07/23/422/0994-сон; 25.12.2024 й., 06/24/226/1060-сон; 21.03.2025 й., 06/25/51/0261-сон)
