«Табиатни муҳофаза қилиш тўғрисида» Ўзбекистон Республикаси Қонуни қабул қилиниши муносабати билан Вазирлар Маҳкамаси қарор қилади:

1. Ўзбекистон Республикаси Ҳукуматининг илова қилинаётган рўйхатда қайд этилган қарорлари ўз кучини йўқотган деб ҳисоблансин.

2. Ўзбекистон Республикаси Ҳукуматининг айрим қарорларига киритиладиган илова қилинаётган ўзгартиришлар тасдиқлансин.

1. Ўзбекистон ССР Министрлар Советининг «1959 йилда Ўзбекистон ССРда кўкаламзорлаштириш ва дарахт ўтказиш ишларини ўтказиш тўғрисида» 1959 йил 6 мартдаги 139-сон қарори.

2. Ўзбекистон ССР Министрлар Советининг «Ўзбекистон ССР Министрлар Совети ҳузуридаги балиқ запаслари ва балиқ овлашни тартибга солиш бўйича Ўзбекистон Республикаси Давлат инспекциясини ташкил этиш тўғрисида» 1959 йил 4 апрелдаги 224-сон қарори.

3. Ўзбекистон ССР Министрлар Советининг «Орол денгизи ҳавзасида балиқ запасларини кўпайтириш бўйича балиқ хўжалиги чора-тадбирлари тўғрисида» 1959 йил 8 октябрдаги 767-сон қарори.

4. Ўзбекистон ССР Министрлар Советининг «Ўзбекистон ССРда табиатни муҳофаза қилишнинг аҳволи ва уни яхшилаш чоралари тўғрисида» 1972 йил 30 октябрдаги 469-сон қарори (ЎзССР ҚТ, 1972 й., 9-сон, 63-модда).

5. КПСС Марказий Комитети ва СССР Министрлар Советининг «Табиатни қўриқлашни кучайтириш ва табиий ресурслардан фойдаланишни яхшилаш тўғрисида» 1972 йил 29 декабрдаги 898-сон қарори юзасидан Ўзбекистон Компартияси Марказий Комитети ва Ўзбекистон ССР Министрлар Советининг 1973 йил 21 февралдаги 77-сон қарори (ЎзССР ҚТ, 1973 й., 2-сон, 7-модда).

6. КПСС Марказий Комитети ва СССР Министрлар Советининг «Табиатни муҳофаза қилишни кучайтириш ва табиий ресурслардан фойдаланишни яхшилаш юзасидан қўшимча тадбирлар тўғрисида» 1978 йил 1 декабрдаги 984-сон қарори юзасидан Ўзбекистон Компартияси Марказий Комитети ва Ўзбекистон ССР Министрлар Советининг 1978 йил 21 декабрдаги 770-сон қарори (УзССР ҚТ, 1978 й, 12-сон, 49-модда).

7. Ўзбекистон ССР Министрлар Советининг «Ўзбекистон ССР Мелиорация ва сув хўжалиги министрлигининг Сув бўлимларидан комплекс фойдаланиш ва уларни муҳофаза қилиш бош бошқармаси (Сув бойликлари бош бошқармаси) тўғрисидаги Низомни тасдиқлаш ҳақида» 1979 йил 27 июндаги 427-сон қарори (ЎзССР ҚТ, 1979 й, 6-сон, 25-модда).

8. СССР Министрлар Советининг «Сувдан фойдаланиш ва уни муҳофаза қилиш устидан давлат назорати тўғрисидаги Низомни тасдиқлаш ҳақида» 1979 йил 22 июндаги 591-сон қарори юзасидан Ўзбекистон ССР Министрлар Советининг 1979 йил 11 июлдаги 470-сон қарори (ЎзССР Т, 1979 й., 7-сон, 26-модда).

9. Ўзбекистон ССР Министрлар Советининг «Ўзбекистон ССРда атроф муҳитнинг ифлосланишини янада камайтириш ва табиатни муҳофаза қилиш бўйича ишлар устидан назоратни кучайтириш чоралари тўғрисида» 1980 йил 28 октябрдаги 736-сон қарори.

10. СССР Министрлар Советининг «Ўрмонларнинг аҳволи, улардан фойдаланиш, кўпайтириш, қўриқлаш ва ҳимоя қилиш устидан давлат назорати ўрнатиш тўғрисида Низомни тасдиқлаш ҳақида» 1982 йил 30 апрелдаги 360-сон қарори юзасидан Ўзбекистон ССР Министрлар Советининг 1982 йил 19 майдаги 370-сон қарори.

11. Ўзбекистон ССР Министрлар Советининг «Ўзбекистон ССРда атроф муҳитни муҳофаза қилиш ва табиий ресурслардан оқилона фойдаланиш бўйича олиб борилаётган ишлар тўғрисида» 1985 йил 2 январдаги 2-сон қарори.

12. СССР Министрлар Советининг «Фарғона шаҳри районида атроф муҳитни муҳофаза қилишни таъминлашга оид қўшимча чоралар тўғрисида» 1985 йил 27 майдаги 467-сон қарори юзасидан Ўзбекистон ССР Министрлар Советининг 1985 йил 21 июндаги 331-сон қарори.

13. СССР Министрлар Советининг «СССР сув ҳавзаларида балиқ запасларини муҳофаза қилиш тўғрисидаги ва балиқ овлашни тартибга солиш ҳақидаги Низомга ўзгартиришлар ва қўшимчалар киритиш тўғрисида» 1987 йил 12 июндаги 657-сон қарори юзасидан Ўзбекистон ССР Министрлар Советининг 1987 йил 4 июлдаги 277-сон қарори (ЎзССР КТ, 1987 й., 7-сон, 39-модда).

14. Ўзбекистон ССР Министрлар Советининг «Ўзбекистон ССРда атроф муҳитни муҳофаза қилиш ва табиий ресурслардан оқилона фойдаланиш ишларининг аҳволи ва уни янада кучайтиришга оид чоралар тўғрисида» 1987 йил 29 сентябрдаги 406-сон қарори.

15. Ўзбекистон ССР Министрлар Советининг «Республика ўрмон хўжалигини бошқаришни такомиллаштириш тўғрисида» 1989 йил 24 мартдаги 117-сон қарори.

1. Ўзбекистон Республикаси Министрлар Советининг «Ўзбекистон ССР Министрлар Советининг 1989 йил 6 октябрдаги 329-сон қарорига ўзгартиришлар киритиш тўғрисида» 1989 йил 14 декабрдаги 421-сон қароридаги «ерлардан фойдаланишни назорат қилиш бўйича давлат инспекцияси билан» сўзлари «ерлардан фойдаланишни назорат қилиш бўйича идоравий инспекция билан» сўзлари билан алмаштирилсин.

2. Ўзбекистон ССР Министрлар Советининг «Ўзбекистон ССР Мелиорация ва сув хўжалиги вазирлиги тўғрисидаги Низомни тасдиқлаш ҳақида» 1990 йил 31 мартдаги 155-сон қарори (ЎзССР ҚТ, 1990 й., 3-сон, 9-модда) билан тасдиқланган Ўзбекистон Республикаси Мелиорация ва сув хўжалиги вазирлиги тўғрисидаги Низомнинг 7-банди «б» кичик бандининг иккинчи хатбошидаги «ўз вақтида» сўзи «идоравий» сўзи билан алмаштирилсин, мазкур кичик банднинг охирги хатбошидаги «назорат» сўзидан олдин «идоравий» сўзи қўшилсин.

3. Ўзбекистон ССЖ Президенти ҳузуридаги Вазирлар Маҳкамасининг «Республика ўрмон хўжалигини бошқаришни такомиллаштириш тўғрисида» 1991 йил 30 апрелдаги 115-сон қарори 2-бандининг иккинчи хатбошидаги «давлат» сўзи «идоравий» сўзи билан алмаштирилсин.

5. Ўзбекистон Республикаси Президенти ҳузуридаги Вазирлар Маҳкамасининг «Ўзбекистон Республикаси Президенти ҳузуридаги Вазирлар Маҳкамасининг 1992 йил 9 мартдаги 111-сон қарорига ўзгартириш киритиш тўғрисида» 1992 йил 8 июндаги 270-сон қарорининг учинчи хатбоши қуйидаги таҳрирда баён қилинсин:

«Агар «Ўзбалиқ» концерни корхоналари сув объектлари (балиқ хўжалиги ҳавзалари) бўйича балиқ захираларини кўпайтириш ва тиклаш юзасидан чора-тадбирлар олиб бораётган бўлсалар, балиқ овлашга лицензия учун ҳақ тўлашдан озод қилинадилар» (1-илова).

Мазкур қарор қуйидаги мазмундаги хатбоши билан тўлдирилсин:

«Ов қилинадиган ерларда Ўзбекистон Республикаси Давлат ўрмон қўмитаси корхоналари улар томонидан кўпайтирилаётган ва кўчириб жойлаштирилаётган ёввойи ҳайвонлар турларини отишга ва овлашга лицензия учун ҳақ тўлашдан озод қилинадилар».

6. Ўзбекистон Республикаси Президенти ҳузуридаги Вазирлар Маҳкамасининг «Ўзбекистон Республикаси ўрмон фонди ерларида овчилик хўжалигини ташкил этиш ва юритиш чора-тадбирлари тўғрисида» 1992 йил 12 октябрдаги 469-сон қарори 1-бандидаги:

охирги хатбоши қуйидаги таҳрирда баён қилинсин:

«Овчилик бош бошқармасига ғайриқонуний овчилик оқибатида етказилган зарар учун даъво қилиш ҳамда ҳайвонот дунёсидан фойдаланиш ва муҳофаза қилиш қоидаларини бузганлик учун маъмурий ёки жиноий жавобгарликка тортиш тўғрисида ариза бериш ҳуқуқи берилсин».