Ўзбекистон Республикаси Вазирлар Маҳкамасининг «Давлат ва хўжалик бошқаруви республика органларининг бошқарув ходимлари сонини мақбуллаштириш ва қисқартириш тўғрисида»ги 2004 йил 5 январдаги 1-сон қарорининг 5-бандига мувофиқ Ўзбекистон Республикаси Молия вазирлиги ва Меҳнат ва аҳолини ижтимоий муҳофаза қилиш вазирлиги қарор қилади:

1. Бошқарув аппарати ходимлари сони қисқариши муносабати билан бўшаб қоладиган маблағлардан фойдаланиш тартиби тўғрисидаги низом иловага* мувофиқ тасдиқлансин.

2. Ўзбекистон Республикаси Молия вазирлиги ва Меҳнат ва аҳолини ижтимоий ҳимоя қилиш вазирлигининг 2002 йил 26 февралдаги «Сон жиҳатидан қисқартирилганлиги туфайли бошқарув идораларини таъминлаш учун харажатларни молиялаш тартиби тўғрисидаги низомни тасдиқлаш ҳақида»ги 20 ва 72-сон қарор (2002 йил 13 март, рўйхат рақами 1116-сон — Меъёрий ҳужжатлар ахборотномаси, 2002 йил 5-сон) ўз кучини йўқотган деб ҳисоблансин.

3. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин амалга киритилсин.