Davlat mulkini boshqarish sohasi takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida

Oʻzbekiston Respublikasining “Davlat mulkini boshqarish toʻgʻrisida”gi Qonuni, Oʻzbekiston Respublikasi Prezidentining 2023-yil 24-martdagi “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida”gi PQ-101-son va “Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida”gi PQ-102-son qarorlari ijrosini taʼminlash, shuningdek, davlat aktivlari, jumladan yer uchastkalarini xususiylashtirish va ijaraga berish tartibini soddalashtirish hamda iqtisodiyotda xususiy mulkning ulushini yanada oshirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining munitsipal mulkni sotish boʻyicha vakolatlarini belgilash;

erkin iqtisodiy zonalar, kichik sanoat zonalari, yoshlar sanoat va tadbirkorlik zonalari hududidagi yer uchastkalarini sotishdan tushgan mablagʻlarni Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga yoʻnaltirish;

davlat aktivlari, jumladan yer uchastkalarining boshlangʻich narxini pasaytirish va toʻlovlarni amalga oshirishda investorlarga qoʻshimcha qulayliklar yaratish;

davlat mulkini jismoniy va nodavlat yuridik shaxslarga sotish, shuningdek, ijaraga va ishonchli boshqaruvga berishni ommaviy savdolar orqali amalga oshirish;

Davlat mulkini sotishda tender savdolarini oʻtkazish boʻyicha davlat komissiyasini Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasi deb qayta nomlash.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 19-aprel,

PF-67-son

Oʻzbekiston Respublikasi Prezidentining 2024-yil 19-apreldagi PF-67-son Farmoniga
1-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2017-yil 17-yanvardagi “Tadbirkorlik maqsadlarida foydalanish uchun davlat mulki obyektlarini sotishni jadallashtirish va uning tartib-taomillarini yanada soddalashtirish chora-tadbirlari toʻgʻrisida”gi PF-4933-son Farmonining 1-bandida:

a) ikkinchi xatboshi quyidagi tahrirda bayon etilsin:

“Qoraqalpogʻiston Respublikasi Vazirlar Kengashining Raisiga, viloyatlar va Toshkent shahri hokimlariga qonun hujjatlarida belgilangan tartibda munitsipal mulkni sotish toʻgʻrisida qarorlar qabul qilish huquqi beriladi”;

b) uchinchi va toʻrtinchi xatboshilar chiqarib tashlansin;

v) beshinchi va oltinchi xatboshilar tegishincha uchinchi va toʻrtinchi xatboshilar deb hisoblansin;

g) toʻrtinchi xatboshidagi “Boʻsh turgan obyektlardan samarali foydalanishni tashkil etish” soʻzlari “Davlat mulki obyektlaridan samarali foydalanish” soʻzlari bilan almashtirilsin.

2. Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi PF-5495-son Farmonining 5-bandida:

ikkinchi xatboshi “huquqi berilsin” soʻzlari bilan toʻldirilsin;

uchinchi xatboshi chiqarib tashlansin.

3. Oʻzbekiston Respublikasi 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmonining 1-bandi yettinchi xatboshisi “(auksionni oʻtkazish xarajatlari chegirib qolingan holda)” soʻzlaridan keyin “tegishlicha Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga, Toshkent shahrini rivojlantirish jamgʻarmasiga, turistik-rekratsion zonalar hududidagi yer uchastkalarini realizatsiya qilishdan tushgan pul mablagʻlari turistik-rekratsion zonalar direksiyalariga” soʻzlari bilan toʻldirilsin.

4. Oʻzbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi PF-5630-son Farmonida:

a) 3-band quyidagi tahrirda bayon etilsin:

“3. Quyidagilar Davlat aktivlarini boshqarish agentligining asosiy vazifalari etib belgilansin:

davlat aktivlarini boshqarish va xususiylashtirish boʻyicha vakolatli davlat organi sifatida yagona davlat siyosatini yuritish;

davlat mulki hisobini yuritish, boshqarish va xususiylashtirish hamda toʻlovga qobiliyatsizlik jarayonlarini raqamlashtirish;

davlat ulushiga nisbatan aksiyador (ishtirokchi) vazifasini amalga oshirish, aksiyador (ishtirokchi) vazifalari Oʻzbekiston Respublikasining “Davlat mulkini boshqarish toʻgʻrisida”gi Qonuniga muvofiq maxsus vakolatli davlat organlari va mahalliy ijro etuvchi hokimiyat organlari tomonidan amalga oshiriladigan hollar bundan mustasno;

ilgʻor xorijiy tajriba asosida davlat ishtirokidagi korxonalarda zamonaviy korporativ boshqaruvning shakl va usullarini joriy qilish, ularni boshqarishda kuzatuv kengashi va aksiyadorlarning rolini tubdan oshirish;

davlat ulushi 50 foizdan yuqori boʻlgan xoʻjalik jamiyatlari va davlat unitar korxonalarini isloh qilishda ishtirok etish, ularda samarali dividend siyosatining yuritilishini muvofiqlashtirish, korxonalarning operatsion samaradorligini oshirish, xaridlar hamda investitsiya loyihalarining samaradorligini oshirish;

davlat ishtirokidagi korxonalar faoliyatining samaradorligi va shaffofligini taʼminlash, boshqaruv tuzilmasini optimallashtirish, yuqori daromadlilik va kapitallashuv darajasini oshirish, sohaga kirmaydigan va foydalanilmayotgan aktivlarini chiqarib tashlashga qaratilgan rivojlantirish strategiyalarini ishlab chiqish va tasdiqlashni muvofiqlashtirish;

davlat manfaatlarini taʼminlagan holda, respublika mulki jumlasiga kiruvchi davlat aksiya paketlarini (ulushlarini) ishonchli boshqaruvga berishni tashkil etish;

davlat aktivlarini ijaraga berishning ochiq va shaffof mexanizmini taʼminlash;

davlat ishtirokidagi korxonalarning obligatsiya va aksiyalarini chiqarish va realizatsiya qilish, shu jumladan mahalliy va xorijiy fond birjalarida IPO/SPO boʻyicha emissiyalarni joylashtirish hisobiga toʻgʻridan-toʻgʻri xorijiy investitsiyalarni, shuningdek portfel investitsiyalarni jalb qilish;

davlat aktivlarini ochiq va shaffof xususiylashtirish orqali ularning iqtisodiyotdagi ulushini muttasil qisqartirib borish, xususiylashtirish tartib-taomillarini soddalashtirish hamda investorlar tomonidan qabul qilingan investitsiya va ijtimoiy majburiyatlar bajarilishini monitoring qilish, shuningdek, davlat-xususiy sheriklik boʻyicha takliflarni tayyorlashda ishtirok etish;

tahlil asosida davlat ishtirokidagi faoliyat yuritmayotgan, past rentabelli va zarar koʻrib ishlayotgan korxonalarni aniqlash, moliyaviy sogʻlomlashtirish hamda ularning faoliyati samaradorligini oshirish dasturlarini ishlab chiqish va amalga oshirishda ishtirok etish;

toʻlovga qobiliyatsizlik toʻgʻrisidagi ishlar boʻyicha davlat siyosatini amalga oshirish;

baholovchi va rieltorlar xizmatini sertifikatlashtirish, ularning faoliyatini rivojlantirish choralarini koʻrish;

davlat mulkidan foydalanish samaradorligini oshirish va bu toʻgʻrisida jamoatchilikni xabardor qilishning mutlaqo yangi tizimini joriy etish”;

b) 6-bandda:

“a” kichik bandning toʻrtinchi xatboshisidagi “Boʻsh turgan obyektlardan samarali foydalanishni tashkil etish” soʻzlari “Davlat mulki obyektlaridan samarali foydalanish” soʻzlari bilan almashtirilsin;

“v” kichik bandning birinchi xatboshisi quyidagi tahrirda bayon etilsin:

“v) hududi 10 000 kvadrat metrgacha boʻlgan davlat koʻchmas mulk obyektlari (ushbu bandning “v¹” kichik bandi hamda xususiylashtirish uchun Davlat aktivlarini boshqarish agentligiga oʻtkazilgan davlat ishtirokidagi korxonalarning koʻchmas mulk obyektlari bundan mustasno), shuningdek, Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining qonunchilik hujjatlarida belgilangan tartibda qabul qilinadigan qarorlari asosida sotiladigan davlat koʻchmas mulk obyektlarini sotishdan tushadigan mablagʻlar”.

5. Oʻzbekiston Respublikasi Prezidentining 2019-yil 19-fevraldagi “Davlat mulki obyektlaridan samarali foydalanish boʻyicha qoʻshimcha chora-tadbirlar toʻgʻrisida”gi PF-5666-son Farmonida:

a) 4-bandda:

ikkinchi va uchinchi xatboshilar quyidagi tahrirda bayon etilsin:

“Oʻzbekiston Respublikasi Prezidenti hujjatlarida boshqacha qoida nazarda tutilmagan boʻlsa, davlat mulkini jismoniy va nodavlat yuridik shaxslarga realizatsiya qilish, shuningdek, ijara va ishonchli boshqaruvga berish qonun hujjatlari talablarini inobatga olgan holda ommaviy savdolar, shu jumladan “E-AUKSION” elektron savdo platformasi orqali amalga oshiriladi;

davlat mulki obyektlari uch oy davomida sotilmaganda (Toshkent shahri va viloyat markazlari bundan mustasno) ularning boshlangʻich narxi qoldiq (balans) qiymati yoki sof aktivlari miqdoridan qatʼi nazar 10 foizigacha bosqichma-bosqich 10 foizdan pasaytiriladi. Bunda, davlat mulki obyektlarining boshlangʻich narxi pasaytirilgandan keyin ham uch oy muddatda sotilmagan taqdirda xususiylashtirishning boshqa usullari qoʻllaniladi”;

quyidagi mazmundagi toʻrtinchi xatboshi bilan toʻldirilsin:

“2024-yil 1-avgustdan boshlab, boshlangʻich narxi bazaviy hisoblash miqdorining ming baravarigacha boʻlgan davlat aktivlarini, yer uchastkalarini hamda davlat ishtirokidagi korxonalarning mulklarini sotish va ijaraga berish boʻyicha oʻtkaziladigan elektron onlayn-auksion savdolari jarayonida, ishtirokchilar tomonidan uchinchi qadamdan boshlab shaxsiy hisobvaragʻida kamida ularning narx taklifiga nisbatan amaldagi zakalat miqdoridagi summaga ega boʻlish tartibi kiritiladi. Bunda, ushbu mablagʻlar zakalat sifatida hisobga olinadi”;

toʻrtinchi va beshinchi xatboshilar tegishincha beshinchi va oltinchi xatboshilar deb hisoblansin;

b) 5-bandning ikkinchi xatboshisi, 9-bandning ikkinchi xatboshisi va 12-banddagi “E-IJRO AUKSION” elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin;

v) 7-bandning “a” kichik bandida:

birinchi xatboshi quyidagi tahrirda bayon etilsin:

“a) agar Oʻzbekiston Respublikasi Prezidenti hujjatlari yoki Oʻzbekiston Respublikasi Vazirlar Mahkamasi yoxud Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasining (keyingi oʻrinlarda — Davlat komissiyasi) qarorlari bilan boshqacha tartib oʻrnatilmagan boʻlsa, davlat koʻchmas mulk obyektlari va davlat ulushlari uchun sotib olish toʻlovlarini toʻlashda, savdolar oʻtkazilgan sanadagi belgilangan bazaviy hisoblash miqdori (keyingi oʻrinlarda — BHM) baravari miqdorida hisoblanadigan sotib olish toʻlovlari miqdoridan kelib chiqqan holda, sotib olish toʻlovlarini toʻlashning quyidagi muddatlarini belgilashni nazarda tutuvchi tartibni joriy etish:”;

uchinchi va toʻrtinchi xatboshilardagi “7 000” raqami “6 000” raqami bilan almashtirilsin;

toʻrtinchi xatboshidagi “15 000” raqami “12 000” raqami bilan almashtirilsin;

beshinchi va oltinchi xatboshilar quyidagi mazmundagi beshinchi — sakkizinchi xatboshilar bilan almashtirilsin:

“BHMning 12 000 baravaridan yuqori, lekin BHMning 15 000 baravaridan koʻp boʻlmaganda — oldi-sotdi shartnomasi tuzilgan kundan boshlab oʻn sakkiz oydan koʻp boʻlmagan muddatda;

BHMning 15 000 baravaridan yuqori, lekin BHMning 18 000 baravaridan koʻp boʻlmaganda — oldi-sotdi shartnomasi tuzilgan kundan boshlab yigirma toʻrt oydan koʻp boʻlmagan muddatda;

BHMning 18 000 baravaridan yuqori, lekin BHMning 20 000 baravaridan koʻp boʻlmaganda — oldi-sotdi shartnomasi tuzilgan kundan boshlab oʻttiz oydan koʻp boʻlmagan muddatda;

BHMning 20 000 baravaridan yuqori boʻlganda — oldi-sotdi shartnomasi tuzilgan kundan boshlab oʻttiz olti oydan koʻp boʻlmagan muddatda”;

g) 8-banddan “tender” soʻzi chiqarib tashlansin;

d) 9-bandda:

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin;

e) 11-bandning ikkinchi xatboshisidagi “Moliya vazirligi va yuqori turuvchi manfaatdor davlat organlari” soʻzlari “yuqori turuvchi manfaatdor davlat organlari, shuningdek, Davlat budjetidan qoʻshimcha mablagʻlar nazarda tutilgan hollarda Iqtisodiyot va moliya vazirligi” soʻzlari bilan almashtirilsin.

6. Oʻzbekiston Respublikasi Prezidentining 2019-yil 13-maydagi “Ipoteka krediti bozorini rivojlantirish va kengaytirishga oid qoʻshimcha chora-tadbirlar toʻgʻrisida”gi PF-5715-son Farmonining 2-bandida:

a) quyidagi mazmundagi toʻrtinchi xatboshi bilan toʻldirilsin:

“Bunda, Davlat aktivlarini boshqarish agentligi Kompaniya ustav kapitalidagi davlat aksiyalari paketlari boʻyicha aksiyador huquqini amalga oshiradi”;

b) toʻrtinchi — toʻqqizinchi xatboshilar tegishincha beshinchi — oʻninchi xatboshilar deb hisoblansin.

7. Oʻzbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qoʻllab-quvvatlash borasidagi ishlarni tashkil qilish tizimini tubdan takomillashtirish boʻyicha qoʻshimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish toʻgʻrisida”gi PF-5780-son Farmoni 9-bandining ikkinchi va toʻrtinchi xatboshilaridagi “Boʻsh turgan obyektlardan samarali foydalanishni tashkil etish” soʻzlari “Davlat mulki obyektlaridan samarali foydalanish” soʻzlari bilan almashtirilsin.

8. Oʻzbekiston Respublikasi Prezidentining 2019-yil 13-avgustdagi “Oʻzbekiston Respublikasida turizm sohasini yanada rivojlantirish chora-tadbirlari toʻgʻrisida”gi PF-5781-son Farmonining 3-bandi toʻrtinchi xatboshisidagi “E-IJRO AUKSION” elektron savdo maydonchasi” soʻzlari “E-AUKSION” elektron savdo platformasi” soʻzlari bilan almashtirilsin.

9. Oʻzbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qoʻshimcha chora-tadbirlar toʻgʻrisida”gi PF-5886-son Farmonining 3-bandi “b” kichik bandining ikkinchi xatboshisidagi “E-IJRO AUKSION” yagona elektron savdo maydonchasidagi” soʻzlari “E-AUKSION” elektron savdo platformasidagi” soʻzlari bilan almashtirilsin.

10. Oʻzbekiston Respublikasi Prezidentining 2019-yil 4-dekabrdagi “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida”gi PF-5887-son Farmonining 9-bandi toʻrtinchi xatboshisidagi “Davlat mulkini sotishda tender savdolarini oʻtkazish” soʻzlari “Davlat aktivlarini xususiylashtirish va xususiylashtirish jarayonlarini muvofiqlashtirish” soʻzlari bilan almashtirilsin.

11. Oʻzbekiston Respublikasi Prezidentining 2020-yil 5-oktabrdagi PF-6079-son Farmoni bilan tasdiqlangan “Raqamli Oʻzbekiston — 2030” strategiyasi doirasida 2020 — 2022-yillarda iqtisodiy taraqqiyot, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish sohalarini raqamli transformatsiya qilish dasturining 34-pozitsiyasi chiqarib tashlansin.

12. Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmoni 12-bandining toʻrtinchi xatboshisi quyidagi tahrirda bayon etilsin:

“xususiylashtirilishi belgilangan davlat unitar korxonalarini xoʻjalik jamiyatlariga oʻzgartirishda ularning mulki xatlovdan oʻtkaziladi va xoʻjalik jamiyatlari ustav fondining (ustav kapitalining) miqdori mulkiy baholashdan oʻtkazilmagan holda, soliq organlariga taqdim etilgan oxirgi buxgalteriya balanslari maʼlumotlariga asosan belgilanadi”.

13. Oʻzbekiston Respublikasi Prezidentining 2021-yil 11-martdagi “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida”gi PF-6186-son Farmoni 14-bandining “b” kichik bandi ikkinchi xatboshisidagi “E-IJRO AUKSION”da” soʻzlari “E-AUKSION” elektron savdo platformasida” soʻzlari bilan almashtirilsin.

14. Oʻzbekiston Respublikasi Prezidentining 2021-yil 16-iyundagi PF-6247-son Farmoni bilan tasdiqlangan Ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxati 23-pozitsiyasining “Axborotning turi, toifalar nomlanishi (parametrlar)” ustunidagi “(“E-IJRO AUKSION”)” soʻzlari “(“E-AUKSION”)” soʻzlari bilan almashtirilsin.

15. Oʻzbekiston Respublikasi Prezidentining 2022-yil 21-yanvardagi “Respublika hududlarida tadbirkorlik infratuzilmasini rivojlantirishga doir qoʻshimcha chora-tadbirlar toʻgʻrisida”gi PF-54-son Farmoni 2-bandining ikkinchi xatboshisidan “, bundan maxsus iqtisodiy zonalar, kichik sanoat zonalari, yoshlar sanoat va tadbirkorlik zonalari hamda “Business city” markazlari hududlaridagi yer uchastkalari mustasno” soʻzlari chiqarib tashlansin.

16. Oʻzbekiston Respublikasi Prezidentining 2022-yil 6-apreldagi “Tashqi savdo faoliyati ishtirokchilarini qoʻllab-quvvatlashning qoʻshimcha chora-tadbirlari toʻgʻrisida”gi PF-97-son Farmoni 8-bandining ikkinchi xatboshisidagi “Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi” soʻzlari “Davlat aktivlarini boshqarish agentligi” soʻzlari bilan almashtirilsin.

17. Oʻzbekiston Respublikasi Prezidentining 2022-yil 8-apreldagi “Tadbirkorlik muhitini yaxshilash va xususiy sektorni rivojlantirish orqali barqaror iqtisodiy oʻsish uchun shart-sharoitlar yaratish borasidagi navbatdagi islohotlar toʻgʻrisida”gi PF-101-son Farmonida:

a) 2-bandda:

ikkinchi xatboshidagi “uch yilgacha” soʻzlari chiqarib tashlansin;

quyidagi mazmundagi uchinchi va toʻrtinchi xatboshilar bilan toʻldirilsin:

“auksion savdolariga chiqarilgan yer uchastkalari (Toshkent shahri va viloyat markazlari bundan mustasno) uch oy davomida sotilmaganda, ularning boshlangʻich narxi 30 foizigacha, olti oy davomida sotilmaganda 10 foizigacha bosqichma-bosqich 10 foizdan pasaytirilsin va sotib olish toʻlovlarining 15 foizini uch oy muddatda, qolgan qismini 10 yilgacha muddatda boʻlib-boʻlib toʻlash imkoniyati berilsin;

4 va 5-toifadagi tumanlarda faoliyat yuritayotgan “AA” va undan yuqori toifadagi tadbirkorlik subyektlariga boʻlib-boʻlib toʻlash sharti bilan sotilgan davlat aktivlari va qishloq xoʻjaligiga moʻljallanmagan yer uchastkalari boʻyicha dastlabki toʻlov summasi 35 foizdan kam boʻlgan hollarda qolgan summaga Markaziy bankning asosiy stavkasi miqdorida yillik foizlar hisoblanmasin hamda boʻlib-boʻlib toʻlash muddati miqdoridan qatʼi nazar, 7 yil (teng ulushlarda) etib belgilansin, bundan ustav kapitalida 50 foiz va undan ortiq miqdorda davlat ulushi mavjud boʻlgan xoʻjalik jamiyatlari xaridor boʻlgan hollar mustasno”;

uchinchi va toʻrtinchi xatboshilar tegishincha beshinchi va oltinchi xatboshilar deb hisoblansin;

beshinchi xatboshi quyidagi tahrirda bayon etilsin:

“boʻlib-boʻlib toʻlash sharti bilan sotilgan davlat aktivlari va qishloq xoʻjaligiga moʻljallanmagan yer uchastkalari boʻyicha kamida 35 foiz (4 va 5-toifadagi tumanlarda joylashgan mulk huquqi asosidagi yer uchastkalari boʻyicha kamida 15 foiz) miqdoridagi dastlabki toʻlovni oldi-sotdi shartnomasi tuzilgan kundan boshlab bir oy muddatda toʻlagan xaridorlarga mazkur davlat aktivlari va yer uchastkalarini kredit taʼminoti sifatida garovga qoʻyish huquqi berilsin”;

b) 24-bandning yettinchi xatboshisi chiqarib tashlansin;

v) 8-ilova matni quyidagi tahrirda bayon etilsin:

“Tadbirkorlik muhitini yaxshilash va xususiy sektorni rivojlantirish boʻyicha muvofiqlashtiruvchi ishchi guruh

TARKIBI

A.N. Aripov	—	Oʻzbekiston Respublikasining Bosh vaziri, Ishchi guruh rahbari
D.A. Kuchkarov	—	Oʻzbekiston Respublikasi Bosh vazirining oʻrinbosari — iqtisodiyot va moliya vaziri, Ishchi guruh rahbari oʻrinbosari
A.J. Ramatov	—	Oʻzbekiston Respublikasi Bosh vazirining oʻrinbosari
J.A. Xodjayev	—	Oʻzbekiston Respublikasi Bosh vazirining oʻrinbosari
J.T. Mirzamahmudov	—	energetika vaziri
I.R. Maxkamov	—	transport vaziri
L.Sh. Kudratov	—	investitsiyalar, sanoat va savdo vaziri
A.J. Ortikov	—	Davlat aktivlarini boshqarish agentligi direktori
Lavozimi boʻyicha	—	Raqobatni rivojlantirish va isteʼmolchilar huquqlarini himoya qilish qoʻmitasi raisi
I.I. Norqulov	—	iqtisodiyot va moliya vazirining birinchi oʻrinbosari, Ishchi guruh kotibi

Izoh: Ishchi guruh aʼzolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi”.

18. Oʻzbekiston Respublikasi Prezidentining 2022-yil 13-iyundagi “Maxsus iqtisodiy, kichik sanoat, yoshlar sanoat va tadbirkorlik zonalari faoliyati samaradorligini oshirishning qoʻshimcha chora-tadbirlari toʻgʻrisida”gi PF-153-son Farmoni 6-bandining beshinchi xatboshisi quyidagi tahrirda bayon etilsin:

“kichik sanoat zonalari hamda yoshlar sanoat va tadbirkorlik zonalari hududidagi bino-inshootlarni hamda yer uchastkalarini elektron onlayn-auksion orqali sotishdan Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga tushadigan pul mablagʻlarini yagona direksiyalarga qarashli zonalarda belgilangan tartibda infratuzilma yaratish, ularning bosh rejalarini ishlab chiqish va yagona direksiyalarning talabnomasiga asosan ularning xodimlarini moddiy ragʻbatlantirishga yoʻnaltirish”.

19. Oʻzbekiston Respublikasi Prezidentining 2022-yil 30-dekabrdagi PF-287-son Farmoni bilan tasdiqlangan Tadbirkorlik faoliyatini tuman va shaharlarning toifalaridan kelib chiqib, qoʻllab-quvvatlash choralari quyidagi mazmundagi 6 va 7-pozitsiyalar bilan toʻldirilsin:

“
6.	Davlat aktivlari, jumladan, yer uchastkalari mulk huquqi asosida boʻlib-boʻlib toʻlash sharti bilan sotilganda, dastlabki toʻlov summasi 35 foizdan kam boʻlgan holatlarda qolgan summaga yillik foizlarni hisoblash	Markaziy bankning asosiy stavkasi miqdorida	Hisoblanmaydi
7.	Davlat aktivlari, jumladan, yer uchastkalari mulk huquqi asosida sotilganda toʻlovlarni amalga oshirish	Summasidan kelib chiqqan holda 36 oy davomida	Summasidan qatʼi nazar, 60 oy davomida teng ulushlarda
			”.

20. Oʻzbekiston Respublikasi Prezidentining 2023-yil 25-yanvardagi PF-14-son Farmoni bilan tasdiqlangan Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarda tarkibiy boʻlinmalarni shakllantirish hamda lavozimlarni joriy etishga oid yagona talablarning “I. Respublika ijro etuvchi hokimiyat organlarining markaziy apparatlari” boʻlimi izoh qismining uchinchi xatboshisidan “vazirliklarda” soʻzi chiqarib tashlansin.

21. Oʻzbekiston Respublikasi Prezidentining 2006-yil 21-iyuldagi PQ-423-son qarori bilan tasdiqlangan Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasi toʻgʻrisidagi nizomning 4-bandida:

a) oʻn uchinchi xatboshi quyidagi tahrirda bayon etilsin:

“obyektlarni roʻyxatdan chiqarib tashlash, bir roʻyxatdan boshqa roʻyxatga oʻtkazish, investitsiyaviy va ijtimoiy majburiyatlar shartlarini, sotish usullarini oʻzgartirish orqali Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan xususiylashtirish dasturlariga kiritilgan xususiylashtiriladigan davlat mulki obyektlari (aksiyalari, ulushlari) roʻyxatlariga oʻzgartishlar kiritish”;

b) oʻn yettinchi xatboshi quyidagi tahrirda bayon etilsin:

“davlat aktivlarini ustav kapitaliga berish orqali xususiylashtirish yoki davlat ishtirokidagi korxonalar hamda ustav fondida ularning ulushi 50 foiz va undan ortiq boʻlgan yuridik shaxslarning boshqaruv organlari qarorlari asosida ularning aktivlarini davlat tashkilotlariga berish va berish mexanizmlarini belgilash, shu jumladan ulardagi davlat ulushlarini kamaytirish hisobiga berish toʻgʻrisida qarorlar qabul qilish”;

v) quyidagi mazmundagi oʻn sakkizinchi — yigirma birinchi xatboshilar bilan toʻldirilsin:

“ustav fondida davlat ulushi 50 foiz va undan ortiq boʻlgan yuridik shaxslar hamda ularga tegishli boʻlgan yuridik shaxslarning ulushlari, koʻchmas mulklari, avtomototransport vositalari hamda boshqa asosiy vositalarini realizatsiya qilishda umumoʻrnatilgan tartibdan boshqa shakl va usullarni, sotish muddatlari va shartlarini belgilash;

davlat ishtirokidagi korxonalarni qayta tashkil etish va tugatish yuzasidan davlat nomidan aksiyadorga (ishtirokchiga, muassisga) koʻrsatma berish;

Davlat aktivlarini boshqarish agentligi va Iqtisodiyot va moliya vazirligining asoslantirilgan takliflariga muvofiq, jumladan bozor holati va anderrayterlar xulosalarini inobatga olib, Oʻzbekiston Respublikasi Prezidenti qarorlariga asosan birlamchi (IPO) va (yoki) ikkilamchi (SPO) ommaviy taklif etiladigan aksiyalar paketining hajmini va savdoga chiqarish muddatini belgilash, ularning roʻyxatiga oʻzgartirish va qoʻshimchalar kiritish;

“E-AUKSION” elektron savdo platformasidagi elektron onlayn-auksionda auksion gʻolibi sifatida toʻlovlarni toʻlashdan bosh tortib qatnashish huquqi cheklangan yuridik va jismoniy shaxslarni nohalol ishtirokchilar roʻyxatidan chiqarish”;

oʻn sakkizinchi — yigirma oltinchi xatboshilar tegishincha yigirma ikkinchi — oʻttizinchi xatboshilar deb hisoblansin.

22. Oʻzbekiston Respublikasi Prezidentining 2006-yil 31-avgustdagi PQ-458-son qarori bilan tasdiqlangan Sud hujjatlari va boshqa organlar hujjatlarini ijro etish jarayonida avtomototransport vositalari va koʻchmas mulkni sotish tartibi toʻgʻrisidagi nizom 2-bandining birinchi xatboshisidagi “E-IJRO AUKSION” yagona elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

23. Oʻzbekiston Respublikasi Prezidentining 2008-yil 24-apreldagi “Baholovchi tashkilotlar faoliyatini yanada takomillashtirish va koʻrsatilayotgan xizmatlar sifati uchun ularning masʼuliyatini oshirish toʻgʻrisida”gi PQ-843-son qarorida:

a) 3-bandning ikkinchi xatboshisi chiqarib tashlansin;

b) ilovada:

1-banddagi “Baholash faoliyati toʻgʻrisida”, “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi qonunlariga” soʻzlari “Oʻzbekiston Respublikasining “Baholash faoliyati toʻgʻrisida”gi Qonuniga” soʻzlari bilan almashtirilsin;

7-bandning ikkinchi xatboshisidagi “qonun hujjatlariga” soʻzlari “Oʻzbekiston Respublikasining “Baholash faoliyati toʻgʻrisida”gi Qonuni va baholash standartlariga” soʻzlari bilan almashtirilsin;

8-bandda:

ikkinchi xatboshisi quyidagi tahrirda bayon etilsin:

“baholash standartlarida belgilangan baholash usullarini mustaqil qoʻllash. Bunda agar baholovchi yagona baholash usulining aniq va toʻgʻri ekanligiga ishonch hosil qilgan boʻlsa, baholash toʻgʻrisidagi hisobotda asoslantirilgan xolda qiymatni baholashning bitta usulidan foydalanishi mumkin”;

beshinchi xatboshi quyidagi tahrirda bayon etilsin:

“obyektlarni baholashni amalga oshirishda qatnashish uchun fuqarolik-huquqiy tusdagi shartnoma boʻyicha boshqa baholovchi va mutaxassislarni jalb etish”;

yettinchi xatboshi chiqarib tashlansin;

sakkizinchi — oʻn toʻrtinchi xatboshilar tegishincha yettinchi — oʻn uchinchi xatboshilar deb hisoblansin;

oʻn uchinchi xatboshidagi “qonun hujjatlariga” soʻzlari “qonunchilikka” soʻzi bilan almashtirilsin;

9-bandda:

ikkinchi xatboshi quyidagi tahrirda bayon etilsin:

Oʻzbekiston Respublikasining “Baholash faoliyati toʻgʻrisida”gi Qonuniga rioya qilish va baholovchi tashkilotlar professional jamoat birlashmasining birida doimiy aʼzolikda boʻlish;

oʻn birinchi xatboshidagi “baholovchilarning professional birlashmalari” soʻzlari “baholovchi tashkilotlarning professional jamoat birlashmalari” soʻzlari bilan almashtirilsin;

oʻn ikkinchi xatboshidagi “qonun hujjatlariga” soʻzlari “qonunchilikka” soʻzi bilan almashtirilsin;

12-band quyidagi tahrirda bayon etilsin:

“12. Baholovchining malaka sertifikati talabgor tomonidan malaka imtihoni muvaffaqiyatli topshirilgan taqdirda, Oʻzbekiston Respublikasi Davlat aktivlarini boshqarish agentligi tomonidan beriladi. Malaka imtihonini tashkil etish, oʻtkazish va uning natijalarini rasmiylashtirish tartibi Oʻzbekiston Respublikasi Vazirlar Mahkamasi tomonidan tasdiqlanadigan maʼmuriy reglament bilan belgilanadi”;

13-bandning “b” kichik bandi quyidagi tahrirda bayon etilsin:

“b) baholovchi tashkilotlarning professional jamoat birlashmalari takliflari hisobga olingan holda, Oʻzbekiston Respublikasi Davlat aktivlarini boshqarish agentligi bilan kelishilgan dastur boʻyicha baholovchilarni tayyorlash markazlarida maxsus oʻquvdan oʻtganlik toʻgʻrisidagi sertifikatning mavjudligi, oʻquv tugagan paytdan boshlab hujjatlar topshirilgungacha oʻtgan vaqt bir yildan oshmagan taqdirda”;

15-band quyidagi tahrirda bayon etilsin:

“15. Malaka sertifikatiga ega boʻlgan har bir baholovchi malaka sertifikati olingan yildan keyingi yildan boshlab har yili baholovchi tashkilotlarning professional jamoat birlashmalari takliflari hisobga olingan holda, Oʻzbekiston Respublikasi Davlat aktivlarini boshqarish agentligi bilan kelishilgan malaka oshirish dasturlari boʻyicha kamida 40 soatlik malaka oshirish kurslarida oʻqishi shart”;

16-bandning ikkinchi xatboshisidagi “Davlat raqobat qoʻmitasining” soʻzlari “Davlat aktivlarini boshqarish agentligining” soʻzlari bilan almashtirilsin;

17-bandda:

ikkinchi xatboshidagi “qonun hujjatlarida” soʻzlari “Oʻzbekiston Respublikasining Mehnat kodeksida” soʻzlari bilan almashtirilsin;

uchinchi xatboshidagi “qonun hujjatlarida” soʻzlari “shartnomada” soʻzi bilan almashtirilsin;

20-band quyidagi tahrirda bayon etilsin:

“20. Quyidagilar:

qimmatli qogʻozlar, ulushlar, intellektual mulk obyektlari va boshqa nomoddiy aktivlardan tashqari, koʻchar mulkni baholovchi tashkilotlar shtatida kamida ikki nafar baholovchiga ega boʻlishi kerak;

mulkiy kompleks sifatidagi korxonadan tashqari, koʻchmas mulkni baholovchi tashkilotlar shtatida kamida uch nafar baholovchiga ega boʻlishi kerak;

biznesni (mulkiy kompleks sifatidagi korxonani, barcha turdagi moddiy va nomoddiy aktivlarni) baholovchi tashkilotlar shtatida kamida toʻrt nafar baholovchiga ega boʻlishi kerak”;

30-bandda:

ikkinchi xatboshi quyidagi tahrirda bayon etilsin:

“Oʻzbekiston Respublikasi “Baholash faoliyati toʻgʻrisida”gi Qonunining 16-moddasi talablariga rioya etmaslik;

beshinchi xatboshi quyidagi tahrirda bayon etilsin:

“baholovchining nazorat yoki huquqni muhofaza qilish organlari tomonidan oʻtkaziladigan tekshirishlarda va boshqa tadbirlarda shu baholovchining oʻzi shtatida turadigan yoki u bilan fuqarolik-huquqiy tusdagi shartnoma tuzgan baholovchi tashkilot rahbarining tegishli buyrugʻisiz mutaxassis sifatida qatnashishi”;

32-banddagi “uch” soʻzi “bir” soʻzi bilan almashtirilsin;

35 va 36-bandlardagi “qonun hujjatlarida” soʻzlari “Oʻzbekiston Respublikasining “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunida” soʻzlari bilan almashtirilsin;

37-banddagi “qonun” soʻzi “qonunchilik” soʻzi bilan almashtirilsin;

40-bandning birinchi xatboshisi “koʻra,” soʻzidan keyin “Oʻzbekiston Respublikasi Vazirlar Mahkamasi tomonidan” soʻzlari bilan toʻldirilsin.

24. Oʻzbekiston Respublikasi Prezidentining 2014-yil 3-iyuldagi PQ-2200-son qarori bilan tasdiqlangan Davlat mulki obyektlarini xususiylashtirish tartibini soddalashtirishga qaratilgan meʼyor va tadbirlarning 5-bandi quyidagi tahrirda bayon etilsin:

“5. Davlat aktivi xaridorining chegirmani berish toʻgʻrisidagi yozma (elektron) arizasiga muvofiq, sotib olish toʻlovlari bir oy muddatda toʻlanishini nazarda tutuvchi oldi-sotdi shartnomasi (birja bitimi) tuzilgan kundan boshlab sotib olish toʻlovlari bir oy davomida toʻlangan taqdirda, xaridorga xarid summasidan mazkur shartnoma tuzilgan sanada amalda boʻlgan Oʻzbekiston Respublikasi Markaziy bankining asosiy stavkasi miqdorida chegirma qoʻllaniladi, bundan chegirma qoʻllamaslik sharti bilan sotilgan, shuningdek, boshlangʻich narxi pasaytirilgan holda sotilgan davlat aktivlari mustasno.

Bunda, xaridorga sotib olish toʻlovlarini mazkur chegirmani qoʻllagan holda toʻlash imkoni beriladi. Sotib olish toʻlovlari toʻliq toʻlangan taqdirda, chegirma summasi xaridorga qaytariladi”.

25. Oʻzbekiston Respublikasi Prezidentining 2017-yil 27-iyuldagi “Sud hujjatlari va boshqa organlar hujjatlarini ijro etishda mol-mulkni realizatsiya qilish tartib-taomillarini tubdan takomillashtirish chora-tadbirlari toʻgʻrisida”gi PQ-3149-son qarorida:

a) 1-bandda:

ikkinchi xatboshidagi “E-IJRO AUKSION” yagona elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin;

toʻrtinchi xatboshidagi “15” raqami “30” raqami bilan almashtirilsin;

b) 4-bandda:

ikkinchi xatboshi chiqarib tashlansin;

uchinchi — beshinchi xatboshilar tegishincha ikkinchi — toʻrtinchi xatboshilar deb hisoblansin;

ikkinchi xatboshidagi “E-IJRO AUKSION” yagona elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin;

toʻrtinchi xatboshi chiqarib tashlansin;

v) 5-bandning ikkinchi xatboshisi “tashkil etish va oʻtkazish” soʻzlaridan keyin “uchun materiallarni tayyorlash” soʻzlari bilan toʻldirilsin;

g) 1-ilovada:

nomlanishida va 1-bandda “tashkil etish va oʻtkazish” soʻzlaridan keyin “uchun materiallarni tayyorlash” soʻzlari bilan toʻldirilsin;

2-band quyidagi tahrirda bayon etilsin:

“2. Ushbu Nizomda quyidagi tushunchalardan foydalaniladi:

“E-AUKSION” elektron savdo platformasi — elektron onlayn-auksionlarni tashkil etish va oʻtkazish uchun zarur maʼlumotlarni kiritish, saqlash va qayta ishlash imkoniyatini, shuningdek, manfaatdor shaxslarning elektron onlayn-auksionlar jarayonida bevosita ishtirok etishini taʼminlaydigan axborot tizimi;

operator — “E-AUKSION” elektron savdo platformasida elektron onlayn-auksionlarni tashkil etish va oʻtkazishga vakolatli boʻlgan “Elektron onlayn-auksionlarni tashkil etish” aksiyadorlik jamiyati;

elektron onlayn-auksion — salohiyatli xaridorlarga teng imkoniyat yaratgan holda, mol-mulk Internet tarmogʻidagi “E-AUKSION” elektron savdo platformasida sotiladigan auksion shaklidagi elektron savdo usuli”;

3-bandning uchinchi xatboshisidagi “operatorning xodimlari” soʻzlari “operatorning xodimlari. Bunda, javobgarlik ishtirok etgan shaxs zimmasiga yuklanadi” soʻzlari bilan almashtirilsin;

5-band quyidagi tahrirda bayon etilsin:

“5. Sud hujjatlari va boshqa organlar hujjatlarini ijro etishda mol-mulkni auksionga chiqarish va auksion natijasi boʻyicha uni gʻolibga topshirish qonunchilik hujjatlarida belgilangan tartibda amalga oshiriladi”;

2-bobning nomlanishida “onlayn-auksionga qoʻyish” soʻzlaridan keyin “uchun materiallarni tayyorlash” soʻzlari bilan toʻldirilsin;

7-bandda:

oltinchi xatboshidan “reglamentda nazarda tutilgan,” soʻzlari chiqarib tashlansin;

quyidagi mazmundagi xatboshilar bilan toʻldirilsin:

“mol-mulkka oid taqiqlar (jarimalar) toʻgʻrisida maʼlumot;

Oʻzbekiston Respublikasining “Sud hujjatlari va boshqa organ hujjatlarini ijro etish toʻgʻrisida”gi Qonunining 63-moddasida nazarda tutilgan boshqa hujjatlar”;

3 — 8-boblar va Nizomga 1 va 2-ilovalar oʻz kuchini yoʻqotgan deb hisoblansin;

57-bandning birinchi va toʻrtinchi xatboshilaridagi “bildirishnomasi” soʻzi “soʻrov xati” soʻzlari bilan almashtirilsin;

58-bandning birinchi xatboshisi quyidagi tahrirda bayon etilsin:

“58. Ijro hujjatini berishga asos boʻlgan qaror bekor boʻlganda, ijro ishi yuritish boshqa asoslar boʻyicha tugatilgan yoki tamomlanganda, agar tegishli soʻrov xati operatorga elektron onlayn-auksion oʻtkazish boshlangunga qadar yoki u oʻtkazilmagan deb topilgandan soʻng “E-AUKSION” elektron savdo platformasi orqali kelib tushgan taqdirda, elektron onlayn-auksionni tashkil etish tartib-taomillari mol-mulkni auksion savdosidan olgan holda toʻxtatiladi”;

59-bandda “tartibi reglamentda belgilanadi” soʻzlari “qonunchilik hujjatlarida belgilangan tartibda amalga oshiriladi” soʻzlari bilan almashtirilsin;

60-banddagi “bildirishnoma” soʻzi “soʻrov xati” soʻzlari bilan almashtirilsin.

26. Oʻzbekiston Respublikasi Prezidentining 2017-yil 29-sentabrdagi “Navoiy viloyatining Tomdi, Uchquduq, Konimex, Nurota tumanlari va Zarafshon shahrini kompleks rivojlantirish hamda aholisi bandligini taʼminlashga doir qoʻshimcha chora-tadbirlar toʻgʻrisida”gi PQ-3301-son qarorining 9-bandi quyidagi tahrirda bayon etilsin:

“9. Davlat aktivlarini boshqarish agentligi Navoiy viloyatining Tomdi, Uchquduq, Konimex, Nurota tumanlari va Zarafshon shahrida joylashgan foydalanilmay boʻsh yotgan davlat obyektlarini ushbu obyektlar negizida tadbirkorlik faoliyatini yoʻlga qoʻyish istagini bildirgan tadbirkorlik subyektlariga yangi ish oʻrinlari yaratish sharti bilan tekin foydalanish huquqi asosida oʻn yil muddatgacha ijaraga berilishini taʼminlasin”.

27. Oʻzbekiston Respublikasi Prezidentining 2017-yil 25-oktabrdagi “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida”gi PQ-3356-son qarorining 6-bandi beshinchi xatboshisidagi “kichik sanoat zonalarining direksiyalariga” soʻzlari “Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga” soʻzlari bilan almashtirilsin.

28. Oʻzbekiston Respublikasi Prezidentining 2018-yil 18-maydagi “Maishiy chiqindilar bilan bogʻliq ishlarni amalga oshirish tizimini yanada takomillashtirish chora-tadbirlari toʻgʻrisida”gi PQ-3730-son qarori 3-bandining uchinchi xatboshisidagi “E-IJRO AUKSION” yagona elektron savdo maydonchasi” soʻzlari “E-AUKSION” elektron savdo platformasi” soʻzlari bilan almashtirilsin.

29. Oʻzbekiston Respublikasi Prezidentining 2018-yil 2-avgustdagi “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida”gi PQ-3895-son qarorida:

2-bandning oʻninchi xatboshisidagi “Direksiyaga” soʻzi “Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga” soʻzlari bilan almashtirilsin;

6-bandning uchinchi xatboshisidagi “direksiyalarga tushgan mablagʻlar” soʻzlari “Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga tushumlar hisobidan direksiyalarning talabnomasiga asosan ularning hisob raqamiga oʻtkazilgan mablagʻlar” soʻzlari bilan almashtirilsin.

30. Oʻzbekiston Respublikasi Prezidentining 2018-yil 24-noyabrdagi “Qishloq joylarda va fuqarolarning ayrim toifalari uchun arzon uy-joylar qurishni kengaytirishga oid qoʻshimcha chora-tadbirlar toʻgʻrisida”gi PQ-4028-son qarorining 6-bandi sakkizinchi xatboshisidagi “E-IJRO AUKSION” elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

31. Oʻzbekiston Respublikasi Prezidentining 2018-yil 26-noyabrdagi “Qimmatbaho metallarni oltin izlovchilar usulida qazib olish faoliyatini amalga oshirish uchun shart-sharoitlar yaratish chora-tadbirlari toʻgʻrisida”gi PQ-4030-son qarorida:

a) 2-bandda:

yettinchi xatboshidagi “maydonchasidagi” soʻzi “platformasidagi” soʻzi bilan almashtirilsin;

sakkizinchi xatboshi chiqarib tashlansin;

toʻqqizinchi — oʻn oltinchi xatboshilar tegishincha sakkizinchi — oʻn beshinchi xatboshilar deb hisoblansin;

b) 3-bandning birinchi xatboshisidagi “E-IJRO AUKSION” elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

32. Oʻzbekiston Respublikasi Prezidentining 2018-yil 26-dekabrdagi “Noruda foydali qazilmalarni oʻz ichiga olgan yer qaʼri uchastkalaridan foydalanish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4078-son qarorida:

2-bandning uchinchi xatboshisidagi “maydonchasidagi” soʻzi “platformasidagi” soʻzi bilan almashtirilsin;

3-bandning birinchi xatboshisidagi “E-IJRO AUKSION” elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin;

8-bandning toʻrtinchi xatboshisidagi “E-IJRO AUKSION” elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

33. Oʻzbekiston Respublikasi Prezidentining 2019-yil 5-yanvardagi “Turizm tarmogʻini jadal rivojlantirishga oid chora-tadbirlar toʻgʻrisida”gi PQ-4095-son qarori 10-bandining yettinchi xatboshisidagi “E-IJRO AUKSION” elektron savdo maydonida” soʻzlari “E-AUKSION” elektron savdo platformasida” soʻzlari bilan almashtirilsin.

34. Oʻzbekiston Respublikasi Prezidentining 2019-yil 14-yanvardagi “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi PQ-4112-son qarorida:

a) 4-bandning “d” kichik bandi quyidagi tahrirda bayon etilsin:

“d) Agentlik xodimlariga Oʻzbekiston Respublikasi Prezidenti Administratsiyasi huzuridagi Tibbiyot bosh boshqarmasining 2-markaziy konsultativ-diagnostika poliklinikasi tomonidan tibbiy xizmat koʻrsatiladi. Bunda, Agentlikning bosh va yetakchi mutaxassislariga Agentlikning budjetdan tashqari jamgʻarmasi hisobidan pulli asosda xizmat koʻrsatilishi mumkin”;

b) 5-bandning beshinchi xatboshisidagi “va belgilangan tartibda aksiyadorlar umumiy yigʻilishi yoki kuzatuv kengashi qarori bilan tayinlanadi” soʻzlari “, Oʻzbekiston Respublikasi Prezidentining qarorlarida nazarda tutilgan hollar bundan mustasno” soʻzlari bilan almashtirilsin;

v) 3-ilova quyidagi mazmundagi 4¹-pozitsiya bilan toʻldirilsin:

“
4¹.	“Oʻzbekekspertiza” AJ	51,00
		”.

35. Oʻzbekiston Respublikasi Prezidentining 2019-yil 24-yanvardagi “Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi faoliyatini tashkil etish toʻgʻrisida”gi PQ-4126-son qarori 6-bandining sakkizinchi xatboshisidagi “E-IJRO AUKSION” savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

36. Oʻzbekiston Respublikasi Prezidentining 2019-yil 28-yanvardagi “Oʻzbekiston Respublikasi Investitsiyalar va tashqi savdo vazirligi faoliyatini tashkil etish toʻgʻrisida”gi PQ-4135-son qarorining 7-bandida:

ikkinchi xatboshi chiqarib tashlansin;

uchinchi — yettinchi xatboshilar tegishincha ikkinchi — oltinchi xatboshilar deb hisoblansin.

37. Oʻzbekiston Respublikasi Prezidentining 2019-yil 7-martdagi “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4231-son qarorining 11-bandi quyidagi tahrirda bayon etilsin:

“11. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar hokimliklari va Markazlarga hududlarning oʻziga xos xususiyatini hisobga olib, “bir mahalla — bir mahsulot” tamoyili asosida har bir mahallani aniq bir yoʻnalishga ixtisoslashtirish, imtiyozli kreditlar mavjud sharoit va oilalarning xohish-istaklari inobatga olingan holda ajratilishiga eʼtibor qaratish vazifasi yuklatilsin”.

38. Oʻzbekiston Respublikasi Prezidentining 2019-yil 5-apreldagi “Koʻchmas mulkka boʻlgan huquqlarni davlat roʻyxatidan oʻtkazish tizimini yanada takomillashtirish chora-tadbirlari toʻgʻrisida”gi PQ-4270-son qarori 1-bandining uchinchi xatboshisi, 2-bandining toʻrtinchi xatboshisi va 3-bandining “b” kichik bandi ikkinchi xatboshisidagi “E-IJRO AUKSION” Yagona elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

39. Oʻzbekiston Respublikasi Prezidentining 2019-yil 17-apreldagi PQ-4291-son qarori bilan tasdiqlangan 2019 — 2028-yillar davrida Oʻzbekiston Respublikasida qattiq maishiy chiqindilar bilan bogʻliq ishlarni amalga oshirish strategiyasini amalga oshirish boʻyicha harakatlar dasturining 19-pozitsiyasi “Tadbirlar nomi” va “Amalga oshirish mexanizmlari va shakllari” ustunlaridagi “E-IJRO AUKSION” yagona elektron savdo maydonchasi” soʻzlari “E-AUKSION” elektron savdo platformasi” soʻzlari bilan almashtirilsin.

40. Oʻzbekiston Respublikasi Prezidentining 2019-yil 1-iyuldagi “Baholash faoliyatini yanada takomillashtirish hamda past rentabelli va faoliyat yuritmayotgan davlat ishtirokidagi korxonalarni sotish mexanizmlarini soddalashtirish chora-tadbirlari toʻgʻrisida”gi PQ-4381-son qarori 10-bandining uchinchi xatboshisidagi “Davlat mulkini sotish” soʻzlari “Davlat aktivlarini xususiylashtirish va xususiylashtirish jarayonlarini muvofiqlashtirish” soʻzlari bilan almashtirilsin.

41. Oʻzbekiston Respublikasi Prezidentining 2019-yil 18-iyuldagi “Oʻzbekiston Respublikasi avtomobil sanoatini jadal rivojlantirishga oid qoʻshimcha chora-tadbirlar toʻgʻrisida”gi PQ-4397-son qarori 3-bandining “g” kichik bandi ikkinchi xatboshisidagi “E-IJRO AUKSION” elektron savdo maydonchasiga” soʻzlari “E-AUKSION” elektron savdo platformasiga” soʻzlari bilan almashtirilsin.

42. Oʻzbekiston Respublikasi Prezidentining 2020-yil 1-iyuldagi “Boʻsh turgan obyektlardan samarali foydalanishni tashkil etish va axborot-kommunikatsiya texnologiyalarini keng joriy etish chora-tadbirlari toʻgʻrisida”gi PQ-4771-son qarorida:

a) 5-band quyidagi mazmundagi beshinchi xatboshi bilan toʻldirilsin:

“Markaz va hududiy boshqarmalar oʻziga yuklangan vazifalarni amalga oshirish, shuningdek, balansiga qabul qilingan davlat mulki obyektlarini but saqlash maqsadida fuqarolik-huquqiy xususiyatga ega shartnomalar asosida yuridik va jismoniy shaxslarni jalb qilishi mumkin”;

b) beshinchi — oʻn toʻrtinchi xatboshilar tegishincha oltinchi — oʻn beshinchi xatboshilar deb hisoblansin.

43. Oʻzbekiston Respublikasi Prezidentining 2020-yil 7-dekabrdagi “Davlat tomonidan tartibga solinadigan sohalarga xususiy sektorni jalb etish boʻyicha qoʻshimcha chora-tadbirlar toʻgʻrisida”gi PQ-4913-son qarori 3-bandining ikkinchi xatboshisi va 5-bandining ikkinchi xatboshisidagi “E-IJRO AUKSION” soʻzlari “E-AUKSION” soʻzlari bilan almashtirilsin.

44. Oʻzbekiston Respublikasi Prezidentining 2021-yil 21-apreldagi “Geologiya sohasiga investitsiyalarni faol jalb etish, tarmoq korxonalarini transformatsiya qilish va respublika mineral-xomashyo bazasini kengaytirish boʻyicha qoʻshimcha chora-tadbirlar toʻgʻrisida”gi PQ-5083-son qarorida:

a) 1-band quyidagi mazmundagi xatboshi bilan toʻldirilsin:

“Bunda, Davlat aktivlarini boshqarish agentligi aksiyadorlik jamiyatlarining ustav kapitalidagi davlat aksiyalari paketlari boʻyicha aksiyador huquqini amalga oshiradi”;

b) 7-bandning beshinchi xatboshisidagi “E-AUKSION” yagona elektron savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin;

v) 8-bandda:

ikkinchi xatboshidagi “E-AUKSION” yagona elektron savdo maydonchasi” soʻzlari “E-AUKSION” elektron savdo platformasi” soʻzlari bilan almashtirilsin;

uchinchi xatboshi chiqarib tashlansin.

45. Oʻzbekiston Respublikasi Prezidentining 2021-yil 21-apreldagi “Tadbirkorlikni qoʻllab-quvvatlash tizimini takomillashtirish, ishbilarmonlik muhitini yanada yaxshilash boʻyicha qoʻshimcha chora-tadbirlar toʻgʻrisida”gi PQ-5087-son qarorining 5-bandidagi “E-IJRO AUKSION” savdo maydonchasida” soʻzlari “E-AUKSION” elektron savdo platformasida” soʻzlari bilan almashtirilsin.

46. Oʻzbekiston Respublikasi Prezidentining 2021-yil 24-iyuldagi “Elektron onlayn-auksionni oʻtkazish tartibini soddalashtirish, uning shaffofligini oshirish hamda ishtirokchilar huquqlarining ishonchli himoyasini kafolatlash chora-tadbirlari toʻgʻrisida”gi PQ-5197-son qarorida:

a) 1-bandning ikkinchi xatboshisidagi “Elektron onlayn-auksionlarni tashkil etish markazi” davlat unitar korxonasi” soʻzlari “Elektron onlayn-auksionlarni tashkil etish” aksiyadorlik jamiyati” soʻzlari bilan almashtirilsin;

b) 7-band quyidagi tahrirda bayon etilsin:

“7. Davlat aktivlarini boshqarish agentligi Markazning tashkiliy tuzilmasida Ichki audit va komplaens-nazorat xizmati tashkil etilishini hamda uning zimmasiga auksionlarni tashkil etish va oʻtkazishda korrupsiya alomatlarini aniqlash hamda ularni bartaraf etish, shuningdek, Markaz xodimlari orasida korrupsiya holatlariga yoʻl qoʻymaslik boʻyicha profilaktik tadbirlarni amalga oshirish vazifasining yuklanishini taʼminlasin”.

47. Oʻzbekiston Respublikasi Prezidentining 2022-yil 17-yanvardagi “Kapital bozorini qoʻllab-quvvatlashning samarali mexanizmlarini joriy etishga doir qoʻshimcha chora-tadbirlar toʻgʻrisida”gi PQ-90-son qarorining 3-bandi ikkinchi xatboshisidagi “Davlat mulkini sotishda tender savdolarini oʻtkazish” soʻzlari “Davlat aktivlarini xususiylashtirish va xususiylashtirish jarayonlarini muvofiqlashtirish” soʻzlari bilan almashtirilsin.

48. Oʻzbekiston Respublikasi Prezidentining 2022-yil 8-fevraldagi “Davlat muassasalarini isloh qilishni jadallashtirish chora-tadbirlari toʻgʻrisida”gi PQ-123-son qarorida:

3-banddagi “Davlat mulkini sotishda tender savdolarini oʻtkazish boʻyicha davlat komissiyasiga (keyingi oʻrinlarda — Davlat tender komissiyasi)” soʻzlari “Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasiga (keyingi oʻrinlarda — Davlat komissiyasi)” soʻzlari bilan almashtirilsin;

4-bandning birinchi xatboshisi va 5-banddan “tender” soʻzi chiqarib tashlansin.

49. Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qarorida:

a) 3-bandning “v” kichik bandi quyidagi tahrirda bayon etilsin:

“v) hududi 10 000 kvadrat metrgacha boʻlgan davlat koʻchmas mulk obyektlarini sotishdan tushgan mablagʻlar, baholash va sotish xarajatlari hamda Davlat aktivlarini boshqarish, transformatsiya va xususiylashtirish jamgʻarmasi tasarrufiga oʻtkaziladigan qismi chegirilgan holda, Qoraqalpogʻiston Respublikasining budjetiga, viloyatlar va Toshkent shahrining mahalliy budjetlariga hamda obyekt joylashgan tuman (shahar) budjetiga teng ulushlarda taqsimlanadi, ushbu bandning “g” kichik bandida koʻrsatilgan holatlar hamda xususiylashtirish uchun Davlat aktivlarini boshqarish agentligiga qabul qilib olingan davlat ishtirokidagi korxonalarning koʻchmas mulk obyektlari bundan mustasno”;

b) 9-bandining toʻqqizinchi xatboshisi “yillik foizlar hisoblanadi” soʻzlaridan keyin “, bundan Oʻzbekiston Respublikasi Prezidenti qarorlarida nazarda tutilgan hollar mustasno” soʻzlari bilan toʻldirilsin;

v) 2-ilovaning izoh qismida:

quyidagi mazmundagi oltinchi — sakkizinchi xatboshilar bilan toʻldirilsin:

“Mazkur ilovada nazarda tutilgan “Oʻzdonmahsulot” AK tarkibidagi korxonalar aktivlarining balans (qoldiq) qiymati ularni sotishdan tushgan mablagʻlar hisobidan baholash va sotish xarajatlarini chegirgan holda tegishli balansda saqlovchi korxonalarga qoplab beriladi. Bunda:

sotilgan qiymat aktivlarning balans qiymatidan past boʻlganda, sotilgan qiymati tegishli balansda saqlovchi korxonalarga qoplab beriladi;

don korxonalariga ularning aktivlari qiymatini toʻlab berish qoʻshilgan qiymat soligʻi boʻyicha soliqqa tortish obyekti hisoblanmaydi”;

oltinchi — toʻqqizinchi xatboshilar tegishincha toʻqqizinchi — oʻn ikkinchi xatboshilar deb hisoblansin.

50. Oʻzbekiston Respublikasi Prezidentining 2022-yil 8-noyabrdagi “Korporativ munosabatlarning huquqiy asoslarini yanada takomillashtirish chora-tadbirlari toʻgʻrisida”gi PQ-415-son qarori 3-bandining toʻrtinchi xatboshisidagi “ularning tarkibidagi” soʻzlari “ustav fondida (ustav kapitalida) ushbu aksiyadorlik jamiyatlarining ulushi miqdori 50 foiz va undan yuqori boʻlgan” soʻzlari bilan almashtirilsin.

51. Oʻzbekiston Respublikasi Prezidentining 2022-yil 28-noyabrdagi “Sirdaryo viloyatida aholi bandligini taʼminlash va daromadini koʻpaytirish, shuningdek, qishloq xoʻjaligiga moʻljallangan yerlardan samarali foydalanishga doir chora-tadbirlar toʻgʻrisida”gi PQ-431-son qarori quyidagi mazmundagi 4¹-band bilan toʻldirilsin:

“4¹. Belgilansinki, 2026-yil 1-yanvarga qadar Sirdaryo viloyatining tumanlarida joylashgan davlat koʻchmas mulk obyektlari hamda qishloq xoʻjaligiga moʻljallanmagan yer uchastkalari uchun xarid toʻlovlarini miqdoridan qatʼi nazar, besh yil ichida teng ulushlarda boʻlib-boʻlib toʻlash imkoniyati yaratiladi”.

52. Oʻzbekiston Respublikasi Prezidentining 2023-yil 24-martdagi “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida”gi PQ-101-son qarorida:

a) 6-bandning uchinchi xatboshisi chiqarib tashlansin;

b) Davlat aktivlarini boshqarish sohasida islohotlarni chuqurlashtirish va tizim faoliyatini transformatsiya qilish boʻyicha “yoʻl xaritasi”da:

II boʻlimda:

1-pozitsiya quyidagi tahrirda bayon etilsin:

“

Davlat muassasalari, davlat ishtirokidagi korxonalar va davlat koʻchmas mulk obyektlarini keskin qisqartirish.

Tasdiqlangan roʻyxatlar asosida aksiya paketlari (ulushlari) va koʻchmas mulk obyektlarini savdoga chiqarish.

Doimiy ravishda

A. Ortiqov,

A. Miraliyev

Davlat ishtirokidagi korxonalarning iqtisodiyotdagi ulushi qisqartiriladi, xususiy sektor uchun qoʻshimcha imkoniyatlar yaratiladi. 2025-yilning yakuniga qadar davlat ishtirokidagi korxonalar soni 2021-yilga nisbatan 75 foizga qisqartiriladi.

”.

7 va 8-pozitsiyalar chiqarib tashlansin;

XI boʻlimning 3-pozitsiyasi quyidagi tahrirda bayon etilsin:

“

“E-auksion” elektron savdo platformasida quyidagilarni amalga oshirish:

xususiy mulkdorlar buyurtmasiga asosan ularning mulklarini soddalashtirilgan tartib va muddatlarda sotish boʻyicha savdolarni oʻtkazish;

auksion savdolarida amalga oshirilgan bitimlar boʻyicha mulk toifasi kesimida davriy tahliliy-axborotlarni eʼlon qilib borish.

2023-yil
II chorak

A. Miraliyev

Xususiy sektor mulklari hamda asosiy vositalarini sotish va ijaraga berish jarayonlari tezlashadi.

Barcha turdagi auksion va tanlov savdolari natijalari eʼlon qilib boriladi, bozor konyunkturasida shakllanadigan narx boʻyicha tahliliy axborotlar manbai hamda davlat mulklaridan samarali foydalanish jarayonini monitoring qilish va jamoatchilik nazoratini oʻrnatish imkoniyati yaratiladi.