Oʻzbekiston Respublikasi Prezidentining

Qarori

Respublika hududlarini qishloq xoʻjaligi mahsulotlari yetishtirishga ixtisoslashtirish boʻyicha qoʻshimcha chora-tadbirlar toʻgʻrisida

Soʻnggi yillarda oziq-ovqat mahsulotlarini yetishtirish hajmlarini koʻpaytirish orqali ichki bozorni sifatli mahsulotlar bilan taʼminlash hamda mamlakatning eksport salohiyatini oshirish maqsadida ekin maydonlari sezilarli darajada kengaytirildi. Shuningdek, tumanlarni meva-sabzavotchilikka ixtisoslashtirish, mahsulot yetishtiruvchilarni meva-sabzavotchilik klasterlari hamda kooperatsiyalarga birlashtirish kabi amaliy choralar koʻrilmoqda.

Jahon bozorlari talablariga javob bera oladigan raqobatbardosh qishloq xoʻjaligi mahsulotlarini yetishtirishda hududlarni ixtisoslashtirish toʻgʻri yoʻl ekanligini koʻrsatmoqda.

Shu sababli, dastlabki bosqichda respublika boʻyicha 55 ta tuman meva-sabzavotchilikka ixtisoslashtirildi. Biroq, ushbu yoʻnalishda amalga oshirilayotgan ishlar, koʻrilayotgan chora-tadbirlarga qaramasdan hududlarning salohiyatidan samarali foydalanish tizimi yoʻlga qoʻyilmagan.

Qishloq xoʻjaligini diversifikatsiya qilish, tumanlar hududlarini tuproq-iqlim sharoitlariga mos bogʻdorchilik, uzumchilik, sabzavot-polizchilik, kartoshkachilik va boshqa oziq-ovqat mahsulotlarini yetishtirishga ixtisoslashtirish orqali ichki va tashqi bozor talablariga javob beradigan raqobatbardosh mahsulotlar yetishtirishni koʻpaytirish hamda ilm-fan yangiliklarini keng joriy etish va mahsulot ishlab chiqaruvchilarning moddiy manfaatdorligini oshirish maqsadida:

1. Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini amalga oshirish boʻyicha muvofiqlashtiruvchi kengashning:

respublika hududlarini bosqichma-bosqich qishloq xoʻjaligi mahsulotlarining muayyan turlarini yetishtirishga ixtisoslashtirish;

respublika hududlarini qishloq xoʻjaligi mahsulotlarining muayyan turlariga ixtisoslashtirish ishlarini samarali tashkil etish maqsadida eksperiment tariqasida 2020 — 2022-yillar davomida Jizzax viloyatining jami 116,3 ming gektar qoʻshimcha yer maydonlarini qishloq xoʻjaligi mahsulotlari yetishtirishga ixtisoslashtirish toʻgʻrisidagi takliflari maʼqullansin.

2. Quyidagilar:

Jizzax viloyatining ayrim hududlarini 2020 — 2022-yillarda bogʻdorchilik va uzumchilik yoʻnalishlariga ixtisoslashtirish koʻrsatkichlari 1-ilovaga muvofiq;

Jizzax viloyati ayrim hududlarini 2020 — 2022-yillarda sabzavot, kartoshka, poliz, dukkakli va dorivor oʻsimliklar hamda issiqxona xoʻjaliklariga ixtisoslashtirish koʻrsatkichlari 2-ilovaga muvofiq;

Jizzax viloyati ayrim hududlarini qishloq xoʻjaligi mahsulotlari yetishtirishga ixtisoslashtirishda 2020 — 2022-yillar davomida amalga oshiriladigan chora-tadbirlar boʻyicha Yoʻl xaritasi” 3-ilovaga muvofiq.

(2-bandning beshinchi xatboshisi Oʻzbekiston Respublikasi Prezidentining 2024-yil 25-oktabrdagi PF-168-sonli Farmoniga asosan chiqarilgan)

3. Jizzax viloyati hokimligi va Ishchi guruh (Oʻ. Barnoyev):

a) Oʻzbekiston Respublikasi Qishloq xoʻjaligi vazirligi bilan birgalikda hududlarni ixtisoslashtirish koʻrsatkichlari va “Yoʻl xaritasi”da belgilangan topshiriqlarning samarali va oʻz vaqtida ijro etilishini taʼminlasin hamda natijasi boʻyicha Vazirlar Mahkamasiga har chorakda maʼlumot kiritib borsin;

b) tuman hokimliklari hamda xalq deputatlari viloyat va tuman Kengashlari bilan birgalikda ikki hafta muddatda hududlarning yer maydonlari ixtisoslashuvidan kelib chiqib, ushbu yer maydonlarini ustuvor ravishda raqobatbardosh qishloq xoʻjaligi mahsulotlarini yetishtirish, saqlash, qayta ishlash va eksport qilish jarayonini hamda innovatsion va resurstejamkor texnologiyalarni qoʻllashni oʻz ichiga olgan agroklasterlarni tashkil etuvchi salohiyatli tashabbuskorlar, fermer xoʻjaliklari va boshqa subyektlarga qishloq xoʻjaligi maqsadlari uchun tanlov asosida ajratish choralarini koʻrsin;

v) Oʻzbekiston Respublikasi Qishloq xoʻjaligi vazirligi hamda Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda:

ixtisoslashtirilayotgan hududlarda yaxlitlikka jiddiy eʼtibor qaratgan holda tegishli qishloq xoʻjaligi ekinlarining turlariga qarab plantatsiya shaklida eksportbop ekin turlarini joylashtirish va yetishtiriladigan mahsulot hajmlarini aniqlash boʻyicha chora-tadbirlar belgilanishini va bajarilishini;

suv taʼminoti va infratuzilmasi mavjud boʻlgan Zomin tumanidagi dengiz sathidan 1 — 1,5 ming metr balandlikda boʻlgan “Qizilmozor” hududidan 25 gektar yer maydonini Sabzavot, poliz ekinlari va kartoshkachilik ilmiy-tadqiqot instituti balansiga oʻtkazilishini taʼminlasin;

(3-band “v” kichik bandining uchinchi xatboshisi Oʻzbekiston Respublikasi Prezidentining 2023-yil 5-apreldagi PQ-113-sonli qarori tahririda — Qonunchilik maʼlumotlari milliy bazasi, 06.04.2023-y., 07/23/113/0198-son)

g) Oʻzbekiston Respublikasi Ichki ishlar vazirligi hamda Yer resurslari, geodeziya, kartografiya va davlat kadastri davlat qoʻmitasi bilan birgalikda ikki oy muddatda Zafarobod tumani F.Xoʻjayev massivida joylashgan 30-son manzil koloniyasiga qarashli 513 gektar samarasiz foydalanib kelinayotgan sugʻoriladigan yer maydonini 2 400 boshli goʻsht yoʻnalishidagi chorva kompleksini tashkil etish va faoliyatini yoʻlga qoʻyish sharti bilan loyiha tashabbuskorlariga tanlov asosida ajratib berish choralarini koʻrsin;

d) Oʻzbekiston Respublikasi Investitsiyalar va tashqi savdo vazirligi, Qishloq xoʻjaligi vazirligi, Transport vazirligi va “Oʻzbekoziqovqatxolding” xolding kompaniyasi bilan birgalikda bir oy muddatda Jizzax viloyatining Zomin, Mirzachoʻl hamda Paxtakor tumanlarida, ularning geografik joylashuvidan kelib chiqqan holda, transport va infratuzilma obyektlari holati va tutash tumanlarning mahsulot yetishtirish hajmlarini inobatga olib, yirik agrologistik markazlarni tashkil etish loyihalarini amalga oshirish dasturini tasdiqlasin hamda bajarilishini taʼminlasin;

e) Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi, Uzumchilik va vinochilikni rivojlantirish agentligi, tijorat banklari hamda loyiha tashabbuskorlari bilan birgalikda bir oy muddatda 2020-yil davomida tashkil etiladigan investitsiya loyihalari boʻyicha, shuningdek, har yili 1-oktabrga qadar kelgusi yil uchun tashkil etiladigan loyihalarning manzilli dasturini tasdiqlasin va har chorakda bajarilgan ishlar yuzasidan Vazirlar Mahkamasiga batafsil maʼlumot kiritib borsin;

(3-bandning “e” kichik bandi Oʻzbekiston Respublikasi Prezidentining 2021-yil 20-dekabrdagi PF-36-sonli Farmoni tahririda — Qonunchilik maʼlumotlari milliy bazasi, 21.12.2021-y., 06/21/36/1175-son)

j) Oʻzbekiston Respublikasi Davlat geologiya va mineral resurslar qoʻmitasi bilan birgalikda 2020-yil III choragida Jizzax viloyatining Baxmal, Gʻallaorol, Zomin, Forish, Yangiobod va Sh.Rashidov tumanlaridagi yangi oʻzlashtiriladigan lalmi yer maydonlarida bogʻdorchilik va uzumchilikni rivojlantirish uchun artezian quduq qazish va yer osti suvlaridan foydalanish maqsadida burgʻilash ishlarini tashkil etsin;

z) Oʻzbekiston Respublikasi Investitsiyalar va tashqi savdo vazirligi, Qishloq xoʻjaligi vazirligi hamda tijorat banklari bilan birgalikda manzilli dasturni moliyalashtirishda tijorat banklarining kredit mablagʻlari, xalqaro moliya institutlarining kredit liniyalari va xorijiy investorlar mablagʻlarini jalb etish choralarini koʻrsin.

(3-bandning “z” kichik bandi Oʻzbekiston Respublikasi Prezidentining 2021-yil 20-dekabrdagi PF-36-sonli Farmoni tahririda — Qonunchilik maʼlumotlari milliy bazasi, 21.12.2021-y., 06/21/36/1175-son)

Bunda, tijorat banklari tomonidan loyihalarni moliyalashtirish, shu jumladan aylanma mablagʻlarni shakllantirishga kreditlar ajratishda qishloq xoʻjaligi ekinlarining hosilsiz hamda barpo etilayotgan quvvatlarni tashkil etish davriga kreditning asosiy qarzidan imtiyozli davr beriladi.

4. Oʻzbekiston Respublikasi Vazirlar Mahkamasi (Oʻ. Barnoyev) Qishloq xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ikki oy muddatda mazkur qaror talablarini inobatga olgan holda:

Respublikaning ayrim hududlarini 2020 — 2022-yillarda bogʻdorchilik va uzumchilik yoʻnalishlariga ixtisoslashtirish koʻrsatkichlari;

Respublikaning ayrim hududlarini 2020 — 2022-yillarda sabzavot, kartoshka, poliz, dukkakli va dorivor oʻsimliklar hamda issiqxona xoʻjaliklariga ixtisoslashtirish koʻrsatkichlari;

Respublikaning ayrim hududlarini qishloq xoʻjaligi mahsulotlari yetishtirishga ixtisoslashtirishda 2020 — 2022-yillar davomida amalga oshiriladigan chora-tadbirlar boʻyicha “Yoʻl xaritasi” loyihalarining ishlab chiqilishi va Vazirlar Mahkamasiga kiritilishini taʼminlasin.

5. 2021-yil 1-yanvardan boshlab 2023-yil 1-yanvarga qadar 5-ilovaga muvofiq roʻyxat boʻyicha chetdan olib kirilayotgan urugʻlar, koʻchatlar va payvandtaglar, mineral oʻgʻitlar, oʻsimliklarni kimyoviy himoyalash vositalari, zamonaviy energiya tejovchi issiqxonalar va ularning butlovchi qismlari, tomchilatib va yomgʻirlatib sugʻorish tizimlari hamda ularning butlovchi qismlari bojxona bojidan ozod etilsin.

6. Bogʻdorchilik va issiqxona xoʻjaligini rivojlantirish jamgʻarmasi hamda Uzum yetishtiruvchilar va vino tayyorlovchilarni qoʻllab-quvvatlash jamgʻarmasi mablagʻlari hisobidan:

bogʻdorchilik xoʻjaliklarida tashkil qilinadigan har 35 gektar intensiv bogʻ va tokzorlarga suv chiqarish uchun burgʻilangan quduqni, shuningdek, daryolar, kanallar va boshqa suv havzalaridan suvni tortishga nasos stansiyasini qurish ishlari uchun suvdan maxsus foydalanish yoki suvni maxsus isteʼmol qilish boʻyicha vakolatli organlar tomonidan beriladigan tegishli ruxsatnomaga asosan 120 million soʻmdan oshmaydigan miqdorda subsidiya mablagʻlarini ajratish tartibi joriy etilganligi inobatga olinsin;

suvdan foydalanish maqsadida tutash hududlarda joylashgan har birining umumiy maydoni 35 gektardan oshmaydigan bir necha fermer va qishloq xoʻjaligi korxonalarining oʻzaro kelishuvi asosida suv chiqarish uchun burgʻilangan quduqni, shuningdek, daryolar, kanallar hamda boshqa suv havzalaridan suvni tortishga nasos stansiyasini qurish uchun suvdan maxsus foydalanish yoki suvni maxsus isteʼmol qilish boʻyicha vakolatli organlar tomonidan beriladigan tegishli ruxsatnomaga asosan har 35 gektar maydonga 120 million soʻmdan oshmaydigan miqdorda subsidiya ajratilishi belgilansin.

7. Oʻzbekiston Respublikasi Qishloq xoʻjaligi vazirligi ikki oy muddatda:

a) Uzumchilik va vinochilikni rivojlantirish agentligi bilan birgalikda Jizzax viloyatining ayrim hududlarida artezian quduq qazish va yer osti suvlaridan foydalanish maqsadida Uzum yetishtiruvchilar va vino tayyorlovchilarni qoʻllab-quvvatlash jamgʻarmasining 6 mlrd soʻm mablagʻlari evaziga 6 dona burgʻilash mashinasini xarid qilib, Jizzax viloyati fermer, dehqon xoʻjaliklari va tomorqa yer egalari kengashiga begʻaraz ajratish ishlarini amalga oshirsin;

b) Bogʻdorchilik va issiqxona xoʻjaligini rivojlantirish agentligi, Uzumchilik va vinochilikni rivojlantirish agentligi hamda Sabzavot, poliz ekinlari va kartoshkachilik ilmiy-tadqiqot instituti bilan birgalikda “2020 — 2023-yillarda meva-sabzavotchilik, uzumchilik, polizchilik va kartoshkachilik sohalarida amalga oshiriladigan ilmiy-amaliy tadqiqotlar va innovatsion ilmiy-texnik loyihalar” dasturini shakllantirsin va loyihalarni dasturda belgilangan muddatlarda Innovatsion rivojlanish vazirligiga taqdim etib borsin.

Oʻzbekiston Respublikasi Innovatsion rivojlanish vazirligi mazkur dastur doirasida Qishloq xoʻjaligi vazirligi tomonidan taqdim etiladigan loyihalarni belgilangan tartibda moliyalashtirish choralarini koʻrsin.

8. Oʻzbekiston standartlashtirish, metrologiya va sertifikatlashtirish agentligi, Oʻzbekiston Respublikasi Qishloq xoʻjaligi vazirligi bilan birgalikda ixtisoslashtirilgan hududlarda tashkil etiladigan har bir agroklasterga xalqaro standartlarga (Global GAP, Organic, ISO 22000 va boshqalar) muvofiq xavfsizlikni boshqarish tizimlarini joriy etish va sertifikatlashtirishda amaliy yordam koʻrsatish rejasini ishlab chiqib, amalga oshirsin.

9. Oʻzbekiston Respublikasi Energetika vazirligi ixtisoslashtirilgan hududlarning, birinchi navbatda Jizzax viloyatining tabiiy gaz va elektr energiyasi taʼminotini oʻrgangan holda zamonaviy issiqxonalar, intensiv bogʻ hamda tokzorlar tashkil etilayotgan hududlarni energiya resurslari bilan taʼminlash, shuningdek, qayta tiklanuvchi va noanʼanaviy energiya manbalaridan foydalanishni yoʻlga qoʻygan tashabbuskorlar, fermer xoʻjaliklari va boshqa subyektlarni qonun hujjatlarida belgilangan tartibda ragʻbatlantirish choralarini koʻrsin.

10. Oʻzbekiston Respublikasi Prezidentining ayrim hujjatlariga 6-ilovaga muvofiq qoʻshimchalar kiritilsin.

11. Oʻzbekiston Respublikasi Qishloq xoʻjaligi vazirligi Adliya vazirligi bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 11-may,

PQ-4709-son

Oʻzbekiston Respublikasi Prezidentining 2020-yil 11-maydagi PQ-4709-son qaroriga
1-ILOVA

Jizzax viloyati ayrim hududlarini 2020 — 2022-yillarda bogʻdorchilik va uzumchilik yoʻnalishlariga ixtisoslashtirish

KOʻRSATKICHLARI

T/r	Ixtisoslashgan hudud nomi	Jami ixtisoslashgan yer maydoni, gektar	Ixtisoslashuv	Bogʻdorchilik						Uzumchilik
T/r	Ixtisoslashgan hudud nomi	Jami ixtisoslashgan yer maydoni, gektar	Ixtisoslashuv	bogʻdorchilikka ixtisoslashgan maydon, gektar	shundan, mavjud bogʻ maydoni, gektar	yangi bogʻ barpo etish rejasi, gektar	2020-yil	2021-yil	2022-yil	Uzumchilikka ixtisoslashgan maydon, gektar	shundan, mavjud tokzor maydoni, gektar	Yangi tokzor barpo etish rejasi, gektar	2020-yil	2021-yil	2022-yil
Arnasoy
1.	Mustaqillik	70	bogʻdorchilik	70	5	70		40	30
2.	Turkiston	255	bogʻdorchilik — uzumchilik	60	20	40		40		195		195	20	20	155
3.	Qozogʻiston	101	bogʻdorchilik	101	10	101		101
Jami:		426		231	35	211	0	181	30	195	0	195	20	20	155
Baxmal
1.	Qoʻshchinor	2971	bogʻdorchilik	2971	764	2217	667	700	850
2.	Baxmal buloqlari	4059	bogʻdorchilik	4059	1457	2656	797	1000	859
3.	Nushkent	1455	bogʻdorchilik	1455	510	945	283	330	332
4.	A. Usanov	1057	bogʻdorchilik	1057	1079	78	25	29	24
5.	Turon	219	bogʻdorchilik	219	137	82	18	28	36
6.	Sangzor	389	bogʻdorchilik	389	389
7.	Tongotar	339	bogʻdorchilik	339	339
8.	S. Ayniy	564	uzumchilik							564	11	553	138	208	208
9.	Gʻallakon	669	uzumchilik							669	213	456	114	171	171
10.	Nurli quyosh	835	uzumchilik							835	20	815	204	306	305
11.	Taraqqiyot	670	uzumchilik							670	38	632	158	237	237
12.	Bogʻishamol	380	uzumchilik	23		23	10	13		357	3	354	88	133	133
13.	Mustaqillik	330	uzumchilik							330	51	279	70	105	105
14.	Turon	1028	uzumchilik							1028	117	911	228	341	342
15.	Uzunbuloq	350	uzumchilik							350	350
Jami:		15315		10512	4675	6001	1800	2100	2100	4803	803	4000	1000	1500	1500
Gʻallaorol
1.	Yangihayot	179	bogʻdorchilik	179	179	54	0	39	15
2.	Zarbuloq	2983	bogʻdorchilik — uzumchilik	2132	102	2030	112	970	948	851	194	657	240	240	177
3.	Gʻallaorol	1089	bogʻdorchilik	1089	153	936	936
4.	Boʻston	87	bogʻdorchilik	87	115
5.	Oqtom	576	bogʻdorchilik	576	576
6.	D. Yoʻldoshov	118	uzumchilik							118	70	48	48
7.	T. Xudayorov	1001	uzumchilik							1 001	300	701	281	213	207
8.	Muzbuloq	1234	uzumchilik							1 234	66	1 169	345	370	454
9.	Oltinboshoq	462	uzumchilik							462	43	419	86	177	155
Jami:		7729		4063	1125	3020	1048	1009	963	3666	673	2993	1000	1000	993
Sh. Rashidov
1.	Yangi hayot	186	bogʻdorchilik	186	186
2.	X. Nosirov	385	bogʻdorchilik	385	15	370	70	100	200
3.	Ravot	3 574	bogʻdorchilik	3574	635	1600	100	600	900
4.	Z.M. Bobur	300	uzumchilik							300		300		100	200
5.	R. Qosimov	105	uzumchilik							105	5	100	15	35	50
Jami:		4 550		4145	836	1970	170	700	1100	405	5	400	15	135	250
Zarbdor
1.	Oq buloq	463	bogʻdorchilik	463		463	0	463	0
Jami:		463		463		463	0	463	0
Zafarobod
1.	Mustaqillik	62	bogʻdorchilik	62		62	10	25	27
2.	Chimqurgʻon	219	uzumchilik							219		219		105	114
Jami:		281		62	0	62	10	25	27	219	0	219	0	105	114
Zomin
1.	Oʻzbekiston	193	bogʻdorchilik	193	193
2.	Molguzar	9575	bogʻdorchilik — uzumchilik	5056	56	5000	420	2300	2280	4519	252	4267	1625	1225	1417
3.	Achchi	808	bogʻdorchilik — uzumchilik	297	17	280	180	50	50	511	40	471	271	200	0
4.	Shirin	935	bogʻdorchilik — uzumchilik	754	34	720	200	250	270	181	25	156	156	0	0
5.	Laylak uya	128	bogʻdorchilik — uzumchilik	128	128
6.	E. Xolmatov	437	bogʻdorchilik	126	126					311	196	115	15	50	50
7.	XRU-17	856	uzumchilik							856	192	664	107	275	283
8.	Zomin-1	261	uzumchilik							261	11	250	250
9.	Kultepa	75	uzumchilik							75	5	70	70
Jami:		13267		6554	554	6000	800	2600	2600	6713	721	5992	2492	1750	1750
Mirzachoʻl
1.	R. Xaydarov	80	bogʻdorchilik	80		80	20	30	30
Jami:		80		80		80	20	30	30
Forish
1.	Narvon	435	bogʻdorchilik	435		435	100	135	200
2.	Bogʻdon	10568	bogʻdorchilik — uzumchilik	300	300					10268	891	9377	3640	3028	2709
3.	Mehnatobod	605	uzumchilik							605	105	500	210	90	200
4.	Forish	500	uzumchilik							500		500		200	300
Jami:		12108		735	300	435	100	135	200	11373	996	10377	3850	3318	3209
Yangiobod
1.	Xoʻjamushkentsoy	1037	bogʻdorchilik — uzumchilik	130	30	100	50	50		907	343	564	200	200	164
2.	Balandchaqirsoy	2443	bogʻdorchilik — uzumchilik	1747	8	1739	50	400	1289	696	14	682	150	200	332
3.	Sarmich saxovati	560	bogʻdorchilik — uzumchilik	250		250		100	150	310	5	305	0	100	205
4.	Qushqand bulogʻi	1158	uzumchilik							1158		1158	200	300	658
	Jami:	5198		2127	38	2089	100	550	1439	3071	362	2709	550	800	1359
Viloyat boʻyicha jami:		59417		28972	7563	20332	4048	7794	8489	30445	3560	26885	8927	8629	9329

Oʻzbekiston Respublikasi Prezidentining 2020-yil 11-maydagi PQ-4709-son qaroriga
2-ILOVA

Jizzax viloyati ayrim hududlarini 2020 — 2022-yillarda sabzavot, kartoshka, poliz, dukkakli va dorivor oʻsimliklar hamda issiqxona xoʻjaliklariga ixtisoslashtirish

KOʻRSATKICHLARI

T/r	Ixtisoslashgan hudud nomi	Jami ixtisoslashgan yermaydoni, gektar	Ixtisoslashuv	Sabzavotchilik			Poliz			Kartoshkachilik			Dukkakli va dorivor oʻsimliklar			Issiqxona			Ozuqa ekinlari
T/r	Ixtisoslashgan hudud nomi	Jami ixtisoslashgan yermaydoni, gektar	Ixtisoslashuv	2020 yil	2021 yil	2022 yil	2020 yil	2021 yil	2022 yil	2020 yil	2021 yil	2022 yil	2020 yil	2021 yil	2022 yil	2020 yil	2021 yil	2022 yil	2020 yil	2021 yil	2022 yil
Arnasoy
1.	Qozogʻiston	495	sabzavot — poliz — issiqxona		261		167										30	37
2.	Fargʻona	263	ozuqa ekinlari																		263
	Jami:	758			261		167										30	37			263
Baxmal
1.	Qatortol	703	dukkakli — sabzavot	93									610
2.	Bogʻishamol	573	dukkakli — sabzavot	154									419
3.	Mustaqillik	510	dukkakli — sabzavot	228									282
4.	Turon	489	dukkakli — sabzavot	105									384
5.	Uzunbuloq	1787	dukkakli — sabzavot	90									1697
6.	Tongotar	262	kartoshka							262
7.	Gulbuloq	338	kartoshka							338
8.	Dehkonobod	200	kartoshka							200
9.	Nurli quyosh	1183	dukkakli										1183
10.	Taraqqiyot	1276	dukkakli-issiqxona										1226			20	15	15
11.	Qoʻshchinor	1881	dukkakli										1881
12.	S. Ayniy	672	dukkakli										672
13.	Sangzor	1212	dukkakli										1212
14.	Gʻallakon	435	dukkakli										435
	Jami:	11520	0	670						800			10000			20	15	15
Gʻallaorol
1.	D. Yuldoshev	345	sabzavot — kartoshka	295						50
2.	Yangi hayot	422	sabzavot — kartoshka	358						64
3.	Istiqbol	693	sabzavot — kartoshka	638						55
4.	Boʻston	321	sabzavot — kartoshka	252						69
5.	T. Xudayorov	120	sabzavot — kartoshka	105						15
6.	Oqtom	443	sabzavot — kartoshka	349						94
7.	Muzbuloq	1002	sabzavot — kartoshka	852						150
8.	Oltin boshoq	366	sabzavot — kartoshka	351						15
9.	E. Ismoilov	2048	dukkakli										2048
10.	Gʻ. Gʻulom	2009	dukkakli										2009
11.	M. Qoriziy	2014	dukkakli										2014
12.	Qipchoqsuv	3612	dukkakli										3612
13.	Koʻkbuloq	100	issiqxona													26	35	39
	Jami:	13493		3200						510			9683			26	35	39
Doʻstlik tumani
1.	Navbahor	43	issiqxona													12	14	16
	Jami:	43														12	14	16
Sh. Rashidov tumani
1.	Yangi hayot	210	sabzavot — ozuqa ekini	60	50	40															60
2.	Qulipisar	300	sabzavot — poliz		50	50	50	50	100
3.	Oltinsoy	280	sabzavot — issiqxona					60	70							20	30	50			50
4.	X. Nosirov	150	sabzavot	80	40	30
5.	R. Qosimov	200	sabzavot	50	50	100
6.	Ravot	1200	sabzavot — poliz	50	50	100	150	350	500
7.	Samarqandquduq	165	ozuqa ekinlari																		165
8.	Mehnatobod	405	ozuqa ekinlari																		405
	Jami:	2910		240	240	320	200	460	670							20	30	50			680
Zarbdor tumani
1.	Nurafshon	172	poliz					172
2.	P. Umurzoqov	315	poliz					315
3.	Toza urugʻ	89	issiqxona													54	35
4.	Istiqbol	635	ozuqa ekinlari																		635
	Jami:	1211						487								54	35				635
Zomin tumani
1.	Yangi hayot	1234	sabzavot — poliz	617			617
2.	Iqbol	618	sabzavot — dukkakli	133									485
3.	Oʻzbekiston	1347	sabzavot — dukkakli	443									904
4.	XRU-17	1302	sabzavot — dukkakli	802									500
5.	Molguzar	3220	sabzavot — dorivor	220									3000
6.	Laylak uya	450	sabzavot	450
7.	A. Toirov	664	poliz				664
8.	Guliston	581	poliz				581
9.	Chorvador	594	dukkakli										594
10.	Yettikechuv	379	dukkakli										379
11.	Beshkubi	534	dukkakli										534
12.	Yangi hayot-2	906	dukkakli										906
13.	E. Xolmatov	86	issiqxona													86
14.	Shirin	2803	sabzavot — dorivor	197									2606
15.	Zomin-1	485	sabzavot	485
16.	Kultepa	220	sabzavot	220
17.	Yangi chorvador	543	sabzavot	543
	Jami:	15963		4108			1862						9908			86
Zafarobod tumani
1.	Chimqoʻrgʻon	810	poliz				810
2.	F. Xoʻjayev	800	poliz				800
3.	S. Sindarov	57	issiqxona													7	20	30
	Jami:	1667					1610									7	20	30
Mirzachoʻl tumani
1.	Turkiston	430	poliz				50	230	150
2.	Yangidala	570	poliz					270	300
3.	R. Haydarov SIU	90	issiqxona														40	50
4.	Abay SIU	10	issiqxona													10
	Jami:	1100					50	500	450							10	40	50
Paxtakor tumani
1.	A. Ikromov	93	poliz — issiqxona				25									15	30	23
2.	Navroʻz	63	poliz — issiqxona				10									3	10	40
3.	Boʻston	20	poliz				20
4.	Samarqand	55	poliz				55
	Jami:	231					110									17	40	63
Forish tumani
1.	Bogʻdon	650	dorivor — issiqxona										150	200	200	20	40	40
2.	Forish	1950	dorivor										650	650	650
	Jami:	2600											800	850	850	20	40	40
Yangiobod tumani
1.	Xoʻjamushkentsoy	637	sabzavot	125	150	361
2.	Balandchaqirsoy	2558	sabzavot — issiqxona — ozuqa ekin		289	300										10	30	60		1869
3.	Qushqand bulogʻi	2203	ozuqa ekinlari																		2203
	Jami:	5398	0	125	439	661										10	30	60		1869	2203
	Viloyat jami:	56893	0	8342	940	981	3999	1447	1120	1310	0	0	30390	850	850	282	329	400	0	1869	3781

Oʻzbekiston Respublikasi Prezidentining 2020-yil 11-maydagi PQ-4709-son qaroriga
3-ILOVA

Jizzax viloyati ayrim hududlarini qishloq xoʻjaligi mahsulotlari yetishtirishga ixtisoslashtirishda 2020 — 2022-yillar davomida amalga oshiriladigan chora-tadbirlar boʻyicha

“YOʻL XARITASI”

T/r	Tadbirlarning nomlanishi	Ijro muddati	Masʼullar
T/r	Tadbirlarning nomlanishi	Ijro muddati	ijro uchun	nazorat uchun
1.	Zomin tumanidagi “Chap tarmoq” kanaliga 140 metr balandlikdagi “Gʻallakor” QFY hududining adirlik qismida 250 gektar maydonda “Zomin charos uzum” MCHJ tomonidan tomchilatib sugʻorish texnologiyasi asosida barpo qilinayotgan uzumzorni suv bilan taʼminlash uchun ikki koʻtarmali 2 dona nasos stansiyasini qurishni 2020-yilda qoʻshimcha ajratilgan investitsiya mablagʻlari hisobidan moliyalashtirish. Ushbu obyekt boʻyicha buyurtmachi etib — “Jizzaxsuvqurilishinvest” davlat unitar korxonasini belgilash.	2020-yil 1-iyun	Suv xoʻjaligi vazirligi (Xamrayev), Iqtisodiy taraqqiyot va kambagʻallikni qisqartirish vazirligi (Ortiqov), Moliya vazirligi (Ergashev), Jizzax viloyati hokimi (Saliyev), manfaatdor vazirlik va idoralar	Vazirlar Mahkamasi (Togʻayev)
2.	Zomin, Zarbdor, Paxtakor va Sh.Rashidov tumanlariga xizmatqiluvchi kollektorlarning yer osti sizot suvlarini yigʻib olib chiqib ketuvchi “Jizzax bosh zovuri”ning Zomin, Zarbdor tumanlari hududidan oʻtuvchi PK192+00 dan PK680+00 gacha boʻlgan 48,8 km uzunlikdagi kollektorni rekonstruksiya qilish ishlarini Davlat budjeti mablagʻlari hisobidan bosqichma-bosqich amalga oshirish. Ushbu obyekt boʻyicha buyurtmachi etib — “Jizzaxsuvqurilishinvest” davlat unitar korxonasini belgilash.	2020 — 2023-yillar	Suv xoʻjaligi vazirligi (Xamrayev), Iqtisodiy taraqqiyot va kambagʻallikni qisqartirish vazirligi (Ortiqov), Moliya vazirligi (Ergashev), Jizzax viloyati hokimi (Saliyev), manfaatdor vazirlik va idoralar	Vazirlar Mahkamasi (Togʻayev)
3.	Qishloq xoʻjaligida foydalanilmayotgan 1850 gektar yerlarni 2020-yilda foydalanishga kiritish uchun Arnasoy tumanidagi 3,45 km lotok tarmoqlarini rekonstruksiya qilish hamda Mirzachoʻl tumani Yangidala va Turkiston hududida nasos stansiyasini qurish obyektlarini qoʻshimcha ravishda ajratiladigan Davlat budjeti mablagʻlari hisobidan amalga oshirish. Ushbu obyekt boʻyicha buyurtmachi etib — Jizzaxsuvqurilishinvest” davlat unitar korxonasini belgilash.	2020-yil	Suv xoʻjaligi vazirligi (Xamrayev), Qishloq xoʻjaligi vazirligi (Xodjayev), Iqtisodiy taraqqiyot va kambagʻallikni qisqartirish vazirligi (Ortiqov), Moliya vazirligi (Ergashev), Jizzax viloyati hokimi (Saliyev), manfaatdor vazirlik va idoralar	Vazirlar Mahkamasi (Togʻayev)
4.	Quyidagilar boʻyicha Vazirlar Mahkamasiga iqtisodiy va ilmiy asoslangan takliflarni kiritish: Zomin, Baxmal va Yangiobod tumanlaridagi buloqlar va sel suvlarini yigʻuvchi sel suv omborini qurish; Zomin tumanidagi “DM-2-1” kanaliga qoʻshimcha suv berish maqsadida “DM-1” kanaliga nasos stansiyasini qurish; Zomin tumanidagi Yettikechuv (Mix) qishlogʻidan Duoba QFY (Sobiq Poslovskiy) hududlariga suv olish inshooti qurilishi va temir quvurlari orqali 30 km uzunlikda suv tarmoqlarini qurish.	3 oy muddatda	Suv xoʻjaligi vazirligi (Xamrayev), Davlat geologiya va mineral resurslar qoʻmitasi (Islamov), Davlat ekologiya qoʻmitasi (Abdurazakov), Moliya vazirligi (Ergashev), Jizzax viloyat hokimi (Saliyev)	Vazirlar Mahkamasi (Togʻayev)
5.	Jizzax shahar markazidan oqib oʻtuvchi 7,8 km boʻlgan xoʻjaliklararo kanallar va umumiy uzunligi 29,7 km boʻlgan xoʻjalik ichki sugʻorish tarmoqlarini Jizzax shahar hokimligi huzuridagi Obodonlashtirish boshqarmasi tasarrufiga oʻtkazish boʻyicha Vazirlar Mahkamasining tegishli farmoyish loyihasini kiritish.	1 oy muddatda	Jizzax viloyati hokimi (Saliyev), Suv xoʻjaligi vazirligi (Xamrayev)	Vazirlar Mahkamasi (Togʻayev)
6.	Gʻallaorol tumanining Sohibkor, Koʻktolkoʻkdala va Istiqbol hududlaridagi 3,5 ming gektar, Baxmal tumani Mustaqillik, Turon, Taraqqiyot, Qatortol va Uzunbuloq massivlaridagi 1,3 ming gektar maydonlarni kafolatli suv bilan taʼminlash choralarini koʻrish.	doimiy	Suv xoʻjaligi vazirligi (Xamrayev), Jizzax viloyati hokimi (Saliyev)	Vazirlar Mahkamasi (Togʻayev)
7.	Viloyat hududida qishloq xoʻjaligida oʻzlashtirish mumkin boʻlayotgan va gidrogeologik nuqtai nazardan oʻrganilmagan maydonlarni aniqlab, ularni yer osti suvlari hisobidan sugʻorishni asoslash boʻyicha gidrogeologik tadqiqot ishlari olib borish hamda “Mineral xom-ashyo bazasini rivojlantirish va qayta toʻldirish davlat dasturi”ga tegishli oʻzgartirishlar kiritish.	1 oy muddatda	Davlat geologiya va mineral resurslar qoʻmitasi (Islamov)	Vazirlar Mahkamasi (Togʻayev)
8.	Baxmal tumanining tabiiy geografik joylashuvi, tuproq-iqlim sharoitidan kelib chiqqan holda dengiz sathidan 1,2 — 1,6 ming metr balandlikda joylashgan maydonlarda olma mevasi yetishtirishga ixtisoslashgan “intensiv bogʻdorchilik” loyihasini amalga oshirishni tashkil etish.	2020 — 2022-yillar	Jizzax viloyat hokimi (Saliyev), “Davergeodezkadastr” qoʻmitasi (Abdullayev), Milliy bank (Mirsoatov)	Vazirlar Mahkamasi (Togʻayev)
9.	Baxmal tumanida 100 gektar maydonda intensiv usulda olma bogʻini tashkil etib, aholiga lizing shartlari asosida berish.	2021-2022-yillar	Bogʻdorchilik va issiqxona xoʻjaligini rivojlantirish agentligi (Najimov), Agrosanoat majmui va oziq-ovqat taʼminoti sohasidagi loyihalarni amalga oshirish agentligi (Shoaxmedov), Milliy bank (Mirsoatov)	Vazirlar Mahkamasi (Togʻayev)
10.	Mahalliy va xorijiy ekspertlarni jalb qilgan holda hududlarning geografik joylashuvi, tuproq-iqlim sharoiti hamda suv resurslari zaxiralaridan kelib chiqib, intensiv usulda bogʻ va tokzorlar barpo etish boʻyicha hududlar kesimida tavsiyalar ishlab chiqish. Ishlab chiqilgan tavsiyalarni viloyatning ixtisoslashgan hududlarida intensiv bogʻ va tokzorlar barpo etuvchi tashabbuskorlarga oʻquv treninglar tashkil etish orqali yetkazish.	ikki oy muddatda	Qishloq xoʻjaligi vazirligi (Xodjayev), Bogʻdorchilik va issiqxona xoʻjaligini rivojlantirish agentligi (Najimov), Uzumchilik va vinochilikni rivojlantirish agentligi (Boboyev), Jizzax viloyat hokimi (Saliyev)	Vazirlar Mahkamasi (Togʻayev)
11.	Akademik M.Mirzayev nomidagi bogʻdorchilik, uzumchilik va vinochilik ilmiy-tadqiqot institutining Jizzax ilmiy-tajriba stansiyasi negizida davlat-xususiy sheriklik shartlari asosida hamda mahalliy va xorijiy investorlar mablagʻlari hisobidan “in-vitro” sharoitida mevali daraxtlar payvandtaglari va koʻchatlarini yetishtirish uchun zamonaviy laboratoriya, issiqxona va koʻchatxonalar tashkil etish boʻyicha Vazirlar Mahkamasiga taklif kiritish.	ikki oy muddatda	Qishloq xoʻjaligi vazirligi (Xodjayev), Investitsiyalar va tashqi savdo vazirligi (Umurzoqov), Moliya vazirligi (Ishmetov), Jizzax viloyat hokimi (Saliyev)	Vazirlar Mahkamasi (Togʻayev)

(4-ilova Oʻzbekiston Respublikasi Prezidentining 2024-yil 25-oktabrdagi PF-168-sonli Farmoniga asosan oʻz kuchini yoʻqotgan)

Oʻzbekiston Respublikasi Prezidentining 2020-yil 11-maydagi PQ-4709-son qaroriga
5-ILOVA

Bojxona bojlaridan ozod etilayotgan chetdan olib kirilayotgan urugʻlar, koʻchatlar va payvandtaglar, mineral oʻgʻitlar, oʻsimliklarni kimyoviy himoyalash vositalari, zamonaviy energiya tejovchi issiqxonalar va ularning butlovchi qismlari, tomchilatib va yomgʻirlatib sugʻorish tizimlari hamda ularning butlovchi qismlari

ROʻYXATI

T/r	Tovarlar nomi	TIF TN kodi
1.	Urugʻlar, koʻchatlar va payvandtaglar	0701100000, 1209918000, 0703200000, 1209999900, 1207700000,1209296000, 0703101100, 0712901100, 060210, 060220
2.	Gidroponika issiqxona uchun kokosli substrati	5305000000
3.	Mineral oʻgʻitlar, insektitsidlar, rodentitsidlar, fungitsidlar, gerbitsidlar, nihollar va oʻsimliklarning oʻsishini tartibga soluvchi vositalar, dezinfeksiya vositalari	3101 — 3105, 3808
4.	Zamonaviy issiqxona qoplami va boshqa butlovchi qismlari	3926 90 970 9, 7326 90 980 7
5.	Energiyani tejash va soyalash tizimi (poʻlat sim, arqon uchun gʻaltak, notoʻqima materiallar)	5603 12 100 0, 7312 10 490 0, 7326 90 500 0
6.	Issiqxonani boshqarish tizimi (koʻp fazali oʻzgaruvchan tok dvigatellari, lebedka, raqamli panellar)	8501 51 000 0, 8483 90 890 9, 8425 39 000 4, 8537 10 100 0
7.	Iqlimni kompyuter orqali boshqarish tizimi	8537109100
8.	Isitish tizimlari va ular uchun komponentlar (qozonxonalar, gorelkalar, suv isitgichlar, rezervuarlar va boshqalar)	8402 20 000 9, 8416 20 200 0, 7310 29 900 0, 8481 40 900 0, 8419 11 000 0
9.	Tomchilatib va yomgʻirlatib sugʻorish tizimlari hamda ularning butlovchi qismlari	8424 82 100 0, 8424 90 000 0
11.	Tomchilatib va yomgʻirlatib sugʻorish tizimi uchun foydalaniladigan nasos agregatlari	8413 81 100 0
12.	Tomchilatib sugʻorish tizimi uchun quvur va shlanglar ishlab chiqarish uchun pigment va preparatlar	3206190000
13.	Tomchilatib sugʻorish tizimi uchun PVX quvurlar	3917239000
14.	Sugʻorish uchun tomchilatish trubkasi, tomchilatib sugʻorish tizimi uchun egiluvchan quvurlar	3917320009
15.	Tomchilatib sugʻorish tizimini ulash uchun furnitura va fitinglar	3917400000
16.	Suv hovuziga yoyiladigan suv oʻtkazmaydigan geomembrana toʻshamasi, plyonkalar	4002700000
17.	Tomchilatib va yomgʻirlatib sugʻorish tizimida suvni tozalash uchun filtrlar (disk filtrlar va metall qumli filtrlar)	8421 21 000 9
18.	Filtrlar ishlab chiqarish uchun metall filtrlarning butlovchi qismlari (yigʻilmagan shaklda)	8421 99 000 8
19.	Oʻgʻitlash dozatori	8481 90 000 0
20.	Oʻgʻitlash uchun avtomatik boshqaruv qurilmasiga ega dozatorli nasos	8413 50 400 0
21.	Tomchilatib va yomgʻirlatib sugʻorish tizimi uchun suv sarfini hisoblash moslamasi	9028 20 000 0
22.	Tomchilatib va yomgʻirlatib sugʻorish avtomatik boshqaruv kontrolleri komplekt detallari bilan	8537 10 910 0
23.	Tomchilatib va yomgʻirlatib sugʻorishni avtomatik boshqaruv tizimida ishlatish uchun meteostansiya.	9015 80 930 0
24.	Suvni avtomatik tozalash filtr kontrolleri (Filtron)	8537 10 910 0
25.	Suvni avtomatik tozalash filtr tizimi uchun elektromagnit solenoid	8504 509500
26.	Elektromagnit solenoidlar uchun kichik fitinglar	3917 40000 0
27.	Elektromagnit solenoidlar uchun U-shaklga ega montaj qigich	7326 90 980 7
28.	Tomchilatib va yomgʻirlatib sugʻorish tizimi uchun glitserin manometr (10 bar)	9026 20 800 0
29.	Tomchilatib va yomgʻirlatib sugʻorish tizimi uchun quyosh panellari	8541 50 000 0
30.	Tomchilatib va yomgʻirlatib sugʻorish tizimi uchun plastik va metall avtomatik klapan (kran) (bosim reduksion klapani, qoʻlda boshqarish klapani, 3 bosqichli teskari yuvish klapani, teskari tebratish klapani va bosh.)	8181 10 990 8 8481 40 900 0 8481 30 990 0 8481 30 910 8
31.	Tomchilatib va yomgʻirlatib sugʻorish tizimi uchun viktualik metall bogʻlagich (xomut)	7326 90 980 7
32.	Tomchilatib sugʻorish tizimini suv taʼminlash tizimiga ulash uchun kran (sharsimon kran va disksimon kran)	8481 30 990 8 8481 80 850 9
33.	Tomchilatib sugʻorish tizimi uchun dumaloq shaklga ega ichki suv tomizgich (kompensatsiya va kompensatsiyasiz kapelnitsa)	8424 90 000 0
34.	Tomchilatib sugʻorish tizimi uchun dumaloq shaklga ega tashqi suv tomizgich (kompensatsiya va kompensatsiyasiz kapelnitsa)	8424 90 000 0
35.	Tomchilatib va yomgʻirlatib sugʻorish tizimi uchun plastik havo klapani	8481 80 990 7
36.	Tomchilatib va yomgʻirlatib sugʻorish tizimi uchun PVX egiluvchan quvur	3917 32 000 9
37.	Yomgʻirlatib sugʻorish tizimi uchun sprinkler (metall va plastik shaklga ega)	8424 90 000 0, 8481 90 000 0
38.	Sprinkler stendi (metall i plastik shaklga ega)	9620 00 000 3 3917 23 900 0
39.	Tomchilatib va yomgʻirlatib sugʻorish tizimi basseyni uchun geomembrana	4002 70 000 0
41.	Kompression va PVX birlashtirish fitinglari	3917 40000 0
43.	Tomchilatib sugʻorish tizimi quvurlari, shlanglari va lenta ishlab chiqarish uchun polietilen xom ashyo	3901 20 900 9
44.	Dioktilftalat (DOF) plastifikatori	2917 32 000 0
45.	Aktiv kimyoviy boʻyoq moddalar va preparatlar	3204 16 000 0
46.	Pigment va preparatlar	3204 17 000 0
47.	Antioksidantlar va kauchuk va plastmassa uchun tarkibiy stabillashtiruvchilar, boshqalar	3812 39 000 0
48.	Stearin kislotasi	3823 11 000 0
49.	Chiziqli polietilen	3901 10 100 0
50.	Polipropilen	3902 10 000 0
51.	Polistirol	3903 10 000 0
52.	Boshqa komponentlar bilan aralashmagan polivinilxlorid	3904 10 000 0
53.	Plastiklashtirilmagan modifikator	3904 21 000 0
54.	Plastiklashtirilgan modifikator	3904 22 000 0
55.	Polietilentereftalat	3907 50 000 0
56.	Poliamid	3908 10 000 0

(5-ilova Oʻzbekiston Respublikasi Prezidentining 2021-yil 24-fevraldagi PQ-5005-son qarori tahririda — Qonun hujjatlari maʼlumotlari milliy bazasi, 25.02.2021-y., 07/21/5005/0154-son)

Oʻzbekiston Respublikasi Prezidentining 2020-yil 11-maydagi PQ-4709-son qaroriga
6-ILOVA

Oʻzbekiston Respublikasi Prezidentining ayrim hujjatlariga kiritilayotgan qoʻshimchalar

1. Oʻzbekiston Respublikasi Prezidentining 2019-yil 5-fevraldagi “Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligi faoliyatini tashkil etish toʻgʻrisida”gi PQ-4161-son qarori 10-bandida:

uchinchi xatboshidagi “nasos stansiyalarini qurishga” soʻzlaridan keyin “har 35 gektar uchun” soʻzlari bilan toʻldirilsin;

quyidagi mazmundagi xatboshi bilan toʻldirilsin:

“suvdan foydalanish maqsadida tutash hududlarda joylashgan har birining umumiy maydoni 35 gektardan oshmaydigan bir necha fermer va qishloq xoʻjaligi korxonalarining oʻzaro kelishuvi asosida suv chiqarish uchun burgʻilangan quduqni, shuningdek daryolar, kanallar hamda boshqa suv havzalaridan suvni tortishga nasos stansiyasini qurish uchun suvdan maxsus foydalanish yoki suvni maxsus isteʼmol qilish boʻyicha vakolatli organlar tomonidan beriladigan tegishli ruxsatnomaga asosan har 35 gektar maydonga 120 million soʻmdan oshmaydigan miqdorda subsidiya ajratilishi belgilansin”.

2. Oʻzbekiston Respublikasi Prezidentining 2019-yil 20-martdagi “Oʻzbekiston Respublikasida bogʻdorchilik va issiqxona xoʻjaligini yanada rivojlantirish chora-tadbirlari toʻgʻrisida”gi PQ-4246-son qarori 7-bandi “b” kichik bandida:

uchinchi xatboshidagi “nasos stansiyasini qurishga” soʻzlaridan keyin “har 35 gektar uchun” soʻzlari bilan toʻldirilsin.

quyidagi mazmundagi xatboshi bilan toʻldirilsin:

(Qonun hujjatlari maʼlumotlari milliy bazasi, 12.05.2020-y., 07/20/4709/0577-son; 12.12.2020-y., 07/20/4919/1616-son; 25.02.2021-y., 07/21/5005/0154-son, 21.12.2021-y., 06/21/36/1175-son; 06.04.2023-y., 07/23/113/0198-son; 16.02.2024-y., 06/24/36/0130-son)