Oʻzbekiston Respublikasi Prezidentining

qarori

Toshkent davlat agrar universiteti faoliyatini yanada takomillashtirish chora-tadbirlari toʻgʻrisida

Soʻnggi yillarda qishloq xoʻjaligi sohasida hududlarni rivojlantirish istiqbollarini hisobga olgan holda yuqori malakali kadrlar tayyorlash, sohaga xalqaro taʼlim standartlari va axborot-kommunikatsiya texnologiyalarini keng joriy etish yuzasidan qator chora-tadbirlar amalga oshirilmoqda.

Amalga oshirilgan islohotlar oʻquv-tarbiyaviy jarayon sifatini oshirish, uni innovatsion mazmun bilan toʻldirish, talabalarda mustaqil ravishda yangi bilimlarni egallash koʻnikmasini shakllantirishga imkon yaratdi.

Shu bilan birga, fan, taʼlim va ishlab chiqarishning uzviy integratsiyasi, kadrlar tayyorlashda agrar soha tarmoqlari bilan yaqin hamkorlikni kuchaytirish, ilmiy-tadqiqot natijalarini targʻib va joriy qilish tizimini tubdan takomillashtirish talab etilmoqda.

Oʻzbekiston Respublikasi Prezidentining 2019-yil 17-apreldagi PF-5708-son “Qishloq xoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida”gi Farmonining ijrosini taʼminlash, shuningdek, qishloq xoʻjaligi sohasi va tarmoqlarida malakali kadrlar tayyorlash sifatini tubdan yaxshilash, fan, taʼlim va ishlab chiqarishning samarali integratsiyasini taʼminlash maqsadida:

1. Toshkent davlat agrar universiteti (keyingi oʻrinlarda — Universitet) va uning filiallarida qishloq xoʻjaligi taʼlimi va ilm-fanini yanada rivojlantirishning ustuvor yoʻnalishlari etib quyidagilar belgilansin:

qishloq xoʻjaligida innovatsion resurstejamkor texnologiyalarni qoʻllash, “aqlli qishloq xoʻjaligi” (Smart agriculture) va raqamlashtirilgan agrotexnologiyalarni joriy qilish boʻyicha zamonaviy bilimlarga ega boʻlgan kadrlar tayyorlash;

oʻquv-laboratoriya bazasini modernizatsiyalash, fan dasturlarida soha boʻyicha zamonaviy ishlab chiqarish jarayonlari, yuqori unumli va resurstejamkor ilgʻor texnologiyalar sohasidagi bilimlarni shakllantirishga qaratilgan vazifalarni aks ettirish;

xorijiy ilmiy-tadqiqot va oliy taʼlim muassasalarida professor-oʻqituvchilar, ilmiy va ilmiy-pedagog kadrlarning malakasini oshirish va stajirovkalarini tashkil etish;

ilmiy-tadqiqot institutlari, manfaatdor vazirlik, idora va tashkilotlar hamkorligida fundamental, amaliy va innovatsion tadqiqotlar olib borish hamda ularning natijalarini ishlab chiqarishga keng joriy etish;

Universitet va uning filiallari axborot-maslahat markazlari orqali qishloq xoʻjaligi ishlab chiqarishidagi tizimli muammolarni aniqlash hamda ularni bartaraf etish boʻyicha “axborot — maslahat markazi — kafedra — qishloq xoʻjaligi ishlab chiqaruvchisi” tizimini joriy etish;

(1-bandning oltinchi xatboshisi Oʻzbekiston Respublikasi Prezidentining 2023-yil 7-iyuldagi PQ-216-sonli qarori tahririda — Qonunchilik maʼlumotlari milliy bazasi, 10.07.2023-y., 07/23/216/0457-son)

professor-oʻqituvchilar, ilmiy-tadqiqotchilar va talabalarning innovatsion texnologiyalarni yaratish hamda joriy etish borasidagi tashabbuskorligi va moddiy manfaatdorligini oshirish;

oʻquv mashgʻulotlari, malakaviy amaliyotlarni oʻtishda talabalarni innovatsion va yangicha fikrlashga yoʻnaltiradigan yangi oʻqitish texnologiyalari hamda interfaol uslublarni, shu jumladan talabalarning mustaqil izlanishini taʼminlovchi mexanizmlarni keng joriy etish;

qishloq xoʻjaligi va uning tarmoqlari uchun kadrlar tayyorlashning uzviy tizimini yaratish, biriktirilgan akademik litsey va kasb-hunar kollejlari taʼlim dasturlarining uzluksizligi va izchilligini taʼminlash.

2. Quyidagilar:

Toshkent davlat agrar universiteti va uning filiallari faoliyatini yanada takomillashtirish boʻyicha “yoʻl xaritasi” 1-ilovaga muvofiq;

Toshkent davlat agrar universiteti, uning filiallari va Andijon qishloq xoʻjaligi va agrotexnologiyalar institutida 2020/2021 oʻquv yilidan boshlab tashkil etiladigan yangi bakalavriat taʼlim yoʻnalishlari va magistratura mutaxassisliklari roʻyxati 2-ilovaga muvofiq;

Toshkent davlat agrar universiteti, uning filiallari va Andijon qishloq xoʻjaligi va agrotexnologiyalar institutidagi taʼlim yoʻnalishlari, mutaxassisliklariga biriktirilayotgan ilmiy-tadqiqot muassasalari roʻyxati 3-ilovaga muvofiq tasdiqlansin.

(2-bandning uchinchi va toʻrtinchi xatboshilari Oʻzbekiston Respublikasi Prezidentining 2021-yil 30-apreldagi PF-6217-sonli Farmoni tahririda — Qonun hujjatlari maʼlumotlari milliy bazasi, 01.05.2021-y., 06/21/6217/0409-son)

3. Qishloq xoʻjaligi sohasida fan, taʼlim va ishlab chiqarishni integratsiyalash boʻyicha Muvofiqlashtiruvchi kengash tarkibi 4-ilovaga muvofiq tasdiqlansin hamda uning asosiy vazifalari etib quyidagilar belgilansin:

maʼmuriy boʻysunishidan qatʼiy nazar qishloq xoʻjaligi sohasi hamda uning tarmoqlari boʻyicha izlanishlar olib borayotgan, kadrlar tayyorlovchi ilmiy-tadqiqot va oliy taʼlim muassasalarining oʻzaro hamkorligini taʼminlash;

qishloq xoʻjaligi sohasi mutaxassislarini qayta tayyorlash va ularning malakasini oshirishni tashkil etish;

qishloq xoʻjaligi sohasidagi talab va ilgʻor xorijiy tajribalar asosida oliy va oʻrta maxsus, kasb-hunar taʼlimi muassasalarida Davlat taʼlim standartlari, oʻquv reja va dasturlarini tizimli ravishda takomillashtirilishini taʼminlash.

Belgilansinki, Universitet qishloq xoʻjaligi sohasida yuqori malakali ilmiy-pedagog kadrlar va mutaxassislarni tayyorlash va ularning malakasini oshirish boʻyicha tayanch oliy taʼlim muassasasi hamda Qishloq xoʻjaligi sohasida fan, taʼlim va ishlab chiqarishni integratsiyalash boʻyicha Muvofiqlashtiruvchi kengashning ishchi organi hisoblanadi.

4. Oʻzbekiston Respublikasi Qishloq xoʻjaligi vazirligi, Oliy va oʻrta maxsus taʼlim vazirligi va Innovatsion rivojlanish vazirligining 2019/2020 oʻquv yilidan boshlab:

tajriba-sinov tariqasida Universitetning 5411500 — Oʻsimliklar va qishloq xoʻjalik mahsulotlari karantini bakalavriat taʼlim yoʻnalishida taʼlimning kredit tizimini bosqichma-bosqich joriy etish;

Universitetning 2-bosqich talabalari orasidan saralab olingan iqtidorli talabalar uchun taʼlimning alohida dasturlari asosida oʻqitiladigan maxsus guruhlar tashkil etish. Bunda davlat taʼlim standartlari, malaka talablari, oʻquv rejalari va fan dasturlari xorijiy mutaxassislarni jalb qilgan holda ishlab chiqiladi;

qishloq xoʻjaligida agrotexnik tadbirlarning mavsumiyligini inobatga olib, dissertatsiyalarda ikki yillik ilmiy-amaliy dala tajribasi natijalarining qamrab olinishini taʼminlash maqsadida qishloq xoʻjaligi sohasidagi magistratura mutaxassisliklari oʻquv jarayonini yanvar oyidan boshlash toʻgʻrisidagi takliflari maʼqullansin.

Bunda taʼlimning kredit tizimida talabalar uchun haftada besh kunlik oʻqish hamda haftaning shanba kuni mustaqil oʻzlashtirish kuni deb belgilansin.

5. Belgilab qoʻyilsinki:

Oʻzbekiston Respublikasi Qishloq xoʻjaligi vazirligi tomonidan uning asoslangan takliflari asosida qishloq xoʻjaligi sohasidagi bakalavriat taʼlim yoʻnalishlari va magistratura mutaxassisliklarining ishlab chiqilgan Davlat taʼlim standartlari, malaka talablari, oʻquv rejalari va fan dasturlarini tasdiqlash hamda oʻquv jarayoniga bosqichma-bosqich joriy etish Oliy va oʻrta maxsus taʼlim vazirligi bilan kelishilgan holda amalga oshiriladi;

Universitet va uning filiallari professor-oʻqituvchilari oʻquv, ilmiy-tadqiqot, maʼnaviy-maʼrifiy, tashkiliy-metodik ishlardan tashqari vazirlik hamda idoralarning boshqa ishlariga jalb etilmaydi, shartnoma doirasida koʻrsatiladigan xizmatlar bundan mustasno.

6. Oʻzbekiston Respublikasi Qishloq xoʻjaligi vazirligi:

a) Toshkent davlat agrar universiteti va Nukus, Andijon, Termiz filiallari tuzilmasini qayta koʻrib chiqib, tasdiqlanishini taʼminlasin;

b) Oliy va oʻrta maxsus taʼlim vazirligi, Iqtisodiyot va sanoat vazirligi hamda Samarqand viloyati hokimligi bilan birgalikda ikki oy muddatda Toshkent davlat agrar universitetining Samarqand filialini tashkil etish boʻyicha Hukumat qarori loyihasini Vazirlar Mahkamasiga kiritsin;

v) Oliy va oʻrta maxsus taʼlim vazirligi bilan birgalikda:

Universitet qoshidagi Qibray akademik litseyi hamda Qishloq xoʻjaligi vazirligi tizimiga oʻtkazilayotgan qishloq xoʻjaligi kasb-hunar kollejlari negizida oliy taʼlim tizimi bilan integratsiyalashgan texnikumlar tashkil etish boʻyicha Vazirlar Mahkamasiga taklif kiritsin;

(6-band “v” kichik bandining ikkinchi xatboshisi Oʻzbekiston Respublikasi Prezidentining 2020-yil 21-iyuldagi PF-6031-sonli Farmoni tahririda — Qonun hujjatlari maʼlumotlari milliy bazasi, 22.07.2020-y., 06/20/6031/1088-son)

2020-yil 1-avgustga qadar texnikumlarni tamomlagan bitiruvchilar uchun bakalavriatning 3 yillik maxsus taʼlim dasturlarini ishlab chiqsin va amaliyotga joriy etsin;

(6-band “v” kichik bandining uchinchi xatboshisi Oʻzbekiston Respublikasi Prezidentining 2020-yil 21-iyuldagi PF-6031-sonli Farmoni tahririda — Qonun hujjatlari maʼlumotlari milliy bazasi, 22.07.2020-y., 06/20/6031/1088-son)

g) manfaatdor vazirlik va idoralar bilan birgalikda:

Universitet va uning filiallari talabalarining malakaviy amaliyotlarini yetakchi korxona, tashkilot va qishloq xoʻjaligi klasterlarida sifatli oʻtkazilishini taʼminlasin va monitoringini olib borsin;

ikki oy muddatda agrosanoat majmui tarkibidagi korxona, tashkilot va muassasalarni rahbar kadrlar bilan taʼminlash maqsadida Universitetda “Agrobiznes va boshqaruv” yoʻnalishida zaxira kadrlar tayyorlashni yoʻlga qoʻyish boʻyicha Vazirlar Mahkamasiga taklif kiritsin;

bir oy muddatda Universitet va uning filiallarida kirish uchun belgilangan qabul chegarasidan kam ball toʻplagan abituriyentlar uchun oshirilgan toʻlov-kontrakt miqdorini ikki baravarga kamaytirish toʻgʻrisida Oʻzbekiston Respublikasi oliy taʼlim muassasalariga oʻqishga qabul qilish boʻyicha Davlat komissiyasiga taklif kiritsin.

7. Belgilab qoʻyilsinki, texnikumda:

(7-bandning birinchi xatboshisi Oʻzbekiston Respublikasi Prezidentining 2020-yil 21-iyuldagi PF-6031-sonli Farmoni tahririda — Qonun hujjatlari maʼlumotlari milliy bazasi, 22.07.2020-y., 06/20/6031/1088-son)

oʻrta maxsus, kasb-hunar taʼlimi darajasida kunduzgi, kechki va sirtqi taʼlim shakllarida kadrlar tayyorlanadi va oliy taʼlimning bakalavriat taʼlim yoʻnalishlari bilan integratsiyalashgan kichik bakalavrlar (Associate degree) tayyorlash boʻyicha taʼlim dasturlari amaliyotga joriy etiladi;

kichik bakalavr (Associate degree) taʼlim dasturlarini tamomlagan bitiruvchilar 2023/2024 oʻquv yilidan boshlab mos bakalavriat taʼlim yoʻnalishlari boʻyicha kirish sinovlarisiz suhbat oʻtkazish orqali bakalavrlar tayyorlashning maxsus uch yillik dasturi boʻyicha va oʻqish tugaganidan soʻng taqsimotga muvofiq uch yil davomida uzluksiz ishlab berish majburiyatini olgan holda Universitet va uning filiallariga oʻqishga kirish huquqiga ega boʻladi;

faoliyatni moliyalashtirishning asosiy manbalari etib Oʻzbekiston Respublikasi davlat budjeti, vazirlik, idoralar, yirik ish beruvchilar hamda buyurtmachilarning budjetdan tashqari mablagʻlari, xalqaro moliya institutlarining mablagʻlari va oʻquvchilarni toʻlov-kontrakt asosida oʻqitishdan tushadigan mablagʻlar hisoblanadi;

yakuniy davlat attestatsiyasidan muvaffaqiyatli oʻtgan bitiruvchilarga davlat namunasidagi diplom va tegishli kasblar boʻyicha belgilangan tartibda razryadlar beriladi;

oʻquvchilarni qabul qilish parametrlari Oʻzbekiston Respublikasi Qishloq xoʻjaligi vazirligi tomonidan Oliy va oʻrta maxsus taʼlim vazirligi bilan kelishilgan holda tasdiqlanadi.

8. Oʻzbekiston Respublikasi Qishloq xoʻjaligi vazirligining davlat-xususiy sheriklik shartlari asosida, tashabbuskorlar mablagʻlari hisobiga Universitet va uning filiallarida “Kichik innovatsion korxona”larni tajriba-sinov tariqasida tashkil etish toʻgʻrisidagi taklifiga rozilik berilsin.

9. Universitet:

xorijiy davlatlarning yetakchi oliy taʼlim muassasalarida sinovdan oʻtgan tajribalarni oʻrgangan holda 2019/2020 oʻquv yilidan boshlab universitetda rahbar kadrlar hamda professor-oʻqituvchilar faoliyati samaradorligining baholash tizimini joriy etsin;

uch oy muddatda Universitetni 2025-yilga qadar dunyoning nufuzli 1000 ta oliy taʼlim muassasalari roʻyxati (QS reyting tizimi)ga kiritish boʻyicha “yoʻl xaritasi”ni ishlab chiqib, tasdiqlash uchun Qishloq xoʻjaligi vazirligiga taqdim etsin;

bir oy muddatda Universitet va uning filiallari ustavlarini tasdiqlanishini va belgilangan tartibda davlat roʻyxatidan oʻtkazilishini taʼminlasin;

Oʻzbekiston Respublikasi Oliy va oʻrta maxsus taʼlim vazirligi bilan birgalikda uch oy muddatda universitetning 5411500 — Oʻsimliklar va qishloq xoʻjalik mahsulotlari karantini taʼlim yoʻnalishida taʼlimning kredit tizimini joriy qilish toʻgʻrisidagi nizomni ishlab chiqsin va belgilangan tartibda tasdiqlanishini taʼminlasin;

Oʻzbekiston Respublikasi Qishloq xoʻjaligi vazirligi, Moliya vazirligi, Innovatsion rivojlanish vazirligi va Adliya vazirligi bilan birgalikda ikki oy muddatda tajriba-sinov tariqasida Agrobiologiya fakultetini Toshkent davlat agrar universiteti tarkibida mustaqil faoliyat yuritadigan yuridik shaxs sifatida tashkil etish boʻyicha Vazirlar Mahkamasiga taklif kiritsin;

Universitet va uning filiallari huzurida tashkil etiladigan “Kichik innovatsion korxona”lar oʻrtasida tuziladigan shartnomaning namunaviy shaklini ishlab chiqsin.

10. Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov zimmasiga — qarordagi vazifalarning ijrosi va monitoringi olib borilishini taʼminlashga, maʼmuriy boʻysunishidan qatʼiy nazar ilmiy-tadqiqot va oliy taʼlim muassasalarining oʻzaro hamkorligini taʼminlash;

Oʻzbekiston Respublikasi qishloq xoʻjaligi vaziri J.A. Xodjayev, Universitet rektori B.A. Sulaymonov zimmasiga — qaror ijrosini bevosita taʼminlash, universitetga zamonaviy taʼlimning kredit tizimini tatbiq etish, ilmiy izlanishlar natijalarini tijoratlashtirish, fan-taʼlim va ishlab chiqarishni uzviy integratsiyalash, davlat-xususiy sheriklik shartlari asosida tajriba-sinov tariqasida “Kichik innovatsion korxona”larni tashkil etish;

Oʻzbekiston Respublikasi qishloq xoʻjaligi vaziri J.A. Xodjayev, Oliy va oʻrta maxsus taʼlim vaziri I.U. Madjidov zimmasiga — taʼlimning kredit tizimidagi va Universitetning 2-bosqich talabalari orasidan saralab olingan iqtidorli talabalar uchun taʼlimning alohida dasturlarini ishlab chiqish hamda Universitet qoshidagi Qibray akademik litseyi hamda Qishloq xoʻjaligi vazirligi tizimiga oʻtkazilayotgan qishloq xoʻjaligi kasb-hunar kollejlari negizida texnikumlar tashkil etish chora-tadbirlarini koʻrish boʻyicha javobgarlik yuklansin.

(10-bandning uchinchi xatboshisi Oʻzbekiston Respublikasi Prezidentining 2020-yil 21-iyuldagi PF-6031-sonli Farmoni tahririda — Qonun hujjatlari maʼlumotlari milliy bazasi, 22.07.2020-y., 06/20/6031/1088-son)

11. Oʻzbekiston Respublikasi Qishloq xoʻjaligi vazirligi Adliya vazirligi, boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisida Vazirlar Mahkamasiga takliflar kiritsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 19-avgust,

PQ-4421-son

Oʻzbekiston Respublikasi Prezidentining 2019-yil 19-avgustdagi PQ-4421-son qaroriga
1-ILOVA

Toshkent davlat agrar universiteti va uning filiallari faoliyatini yanada takomillashtirish boʻyicha

“YOʻL XARITASI”

T/r	Tadbirlar nomi	Amalga oshirish shakli	Ijro muddati	Masʼul ijrochilar
I. Toshkent davlat agrar universiteti faoliyatini yanada takomillashtirish, taʼlim sifatini oshirish va moddiy-texnika bazasini mustahkamlash
1.	Toshkent davlat agrar universiteti (keyingi oʻrinlarda Universitet deb ataladi) va uning Nukus, Andijon, Termiz filiallari tuzilmasini va ustavlarini yangidan tasdiqlash.	Tashkiliy chora-tadbirlar	2019-yil sentabr	Universitet va uning filiallari, Qishloq xoʻjaligi vazirligi
2.	Universitetni respublikamiz qishloq xoʻjaligi sohasi boʻyicha yetakchi oliy taʼlim muassasasiga aylantirish va kelgusida rivojlantirish. Bunda, quyidagilarni hisobga olgan holda Universitetning 2024 –– 2030-yillarga moʻljallangan Innovatsion rivojlanish strategiyasini tasdiqlashni nazarda tutuvchi Hukumat qarori loyihasini ishlab chiqish hamda Vazirlar Mahkamasiga kiritish: qishloq xoʻjaligi sohasi uchun yuqori malakali raqobatbardosh kadrlar tayyorlash; qishloq xoʻjaligida innovatsion resurs tejamkor texnologiyalarni qoʻllash, “aqlli qishloq xoʻjaligi” (Smart agriculture) va raqamlashtirilgan agrotexnologiyalarni joriy qilish; respublikamiz tuproq-iqlim sharoitiga mos qishloq xoʻjaligi ekinlarining seleksiyasi va urugʻchiligi boʻyicha markazni tashkil etish; startap-loyihalarni amalga oshirish orqali qishloq xoʻjaligi ishlab chiqarishini rivojlantirish; ilgʻor va ilmiy hajmdor texnologiyalarni joriy etish uchun texnoparklar va ilmiy ishlab chiqarish klasterlarini tashkil etish; ilmiy-tadqiqot, tajriba-konstruktorlik i texnologik ishlar natijalarni keng joriy etish uchun amaldagi taʼlim, fan va ishlab chiqarish integratsiyasi mexanizmini takomillashtirish.	Vazirlar Mahkamasi qarori loyihasi	2020-yil aprel	Qishloq xoʻjaligi vazirligi, Oliy va oʻrta maxsus taʼlim vazirligi, Innovatsion rivojlanish vazirligi, manfaatdor vazirlik va idoralar, Universitet va uning filiallari
3.	Buyurtmachilar talabi va xorijiy tajriba asosida mavjud hamda yangi bakalavriat taʼlim yoʻnalishlari va magistratura mutaxassisliklarining malaka talablari, oʻquv rejalarini ishlab chiqish va oʻquv jarayoniga tatbiq etish.	Kompleks chora-tadbirlar	2019-yil sentabr	Qishloq xoʻjaligi vazirligi, Oliy va oʻrta maxsus taʼlim vazirligi, Universitet va uning filiallari
4.	Universitet va uning filiallari axborot-maslahat markazlari (extension center) orqali qishloq xoʻjaligi ishlab chiqarishidagi tizimli muammolarni aniqlash hamda ularni bartaraf etish boʻyicha “axborot-maslahat markazi –– kafedra –– qishloq xoʻjaligi ishlab chiqaruvchisi” tizimini joriy etish.	Tashkiliy chora-tadbirlar	2019-yil sentabr	Qishloq xoʻjaligi vazirligi, Universitet va uning filiallari
5.	Taʼlim jarayoni uchun oʻquv adabiyotlarining yangi avlodini yaratish va joriy etish hamda axborot-resurs markazlari fondlarini muntazam yangilab borish. Buning uchun oʻquv, ilmiy, uslubiy adabiyotlarni tayyorlash, tahrir qilish va nashrdan chiqarish boʻyicha tartibni ishlab chiqish. Bunda, quyidagilarni nazarda tutish: oʻquv, ilmiy, uslubiy adabiyotlar mualliflarini munosib moddiy ragʻbatlantirish va ular uchun tegishli shart-sharoitlar yaratish; darslik va oʻquv qoʻllanmalar, ilmiy, uslubiy adabiyotlarni nashr qilish uchun Universitet va uning filiallari xarajatlari smetasiga muntazam mablagʻ ajratish.	Tashkiliy chora-tadbirlar	2019-yil noyabr	Qishloq xoʻjaligi vazirligi, Universitet va uning filiallari
6.	Professor-oʻqituvchilar, yosh tadqiqotchilar, talabalar uchun ilgʻor badiiy, ilmiy va oʻquv adabiyotlar elektron kataloglaridan hamda jahon taʼlim resurslaridan foydalanish imkoniyatlarini kengaytirish. Bunda: xalqaro (RF, Koreya Respublikasi, Yaponiya, Germaniya, Xitoy va ushbu sohada yetakchi boshqa mamlakatlar) ilgʻor tajribalarni oʻrganish asosida Universitetning Axborot-resurs markazi foydalanuvchilari uchun kompleks elektron xizmatlar koʻrsatuvchi zamonaviy avtomatlashtirilgan axborot tizimini yaratish; veb va bulutli texnologiyalar asosida kutubxonaning raqamli resurslarini elektron katalogini yaratish; RFID texnologiyasi asosidakutubxona fondini roʻyxatga olish, hisobga qoʻyish, tarqatish va himoyalash tizimini yaratish; kitoblarni hisobga qoʻyish, tarqatish va qaytarish uchun avtomatlashtirilganelektron kiosklarni joriy etish; kitoblarni tezkor raqamlashtirish texnologiyasini joriy etish; xorijiy kutubxona resurslaridan erkin foydalanishsharoitlarini yaratish, jumladan respublika oliy taʼlim muassasalari uchun; elektron va qogʻoz shaklidagi xalqaro ilmiy va oʻquv nashrlariga obuna boʻlishnitashkil qilish.	Kompleks chora-tadbirlar	2020-yil avgust	Qishloq xoʻjaligi vazirligi, Oliy va oʻrta maxsus taʼlim vazirligi, Tashqi ishlar vazirligi, Axborot texnologiyalari va kommunikatsiyalarini rivojlantirish vazirligi, Universitet va uning filiallari
7.	Taʼlim sifatini va ilmiy tadqiqotlar natijadorligini oshirish maqsadida oliy taʼlim muassasalari va uning filiallarini zamonaviyoʻquv-laboratoriya jihozlari bilan taʼminlash.	Tashkiliy chora-tadbirlar	Reja-grafik asosida	Qishloq xoʻjaligi vazirligi, Oliy va oʻrta maxsus taʼlim vazirligi, Moliya vazirligi, manfaatdor vazirlik va idoralar, Universitet va uning filiallari
8.	Qishloq xoʻjaligi sohasida amalga oshirilayotgan xalqaro loyihalar hisobidan olib kelinadigan qishloq xoʻjalik texnikalari, oʻquv-laboratoriya jihozlari, avtotransport vositalarini bojxona toʻlovlaridan (bojxona yigʻimlaridan tashqari) ozod qilish choralarini koʻrish.	Vazirlar Mahkamasi qarori loyihasi	2020-yil yanvar	Qishloq xoʻjaligi vazirligi, Davlat bojxona qoʻmitasi, Moliya vazirligi, Toshkent davlat agrar universitetiva uning filiallari
9.	Universitet va uning filiallarida tahsil olayotgan talaba magistrlarni kelishuv asosida Germaniya, Koreya Respublikasi, Xitoy, Rossiya kabi rivojlangan davlatlarning oliy taʼlim muassasalari va xalqaro moliya tashkilotlari orqali ishlab chiqarish amaliyotlariga hamda stajirovkalarga yuborish.	Kompleks chora-tadbirlar	2020-yil fevral	Qishloq xoʻjaligi vazirligi, Oliy va oʻrta maxsus taʼlim vazirligi, Tashqi ishlar vazirligi, Universitet va uning filiallari
10.	Taʼlim sifatini va ilmiy tadqiqotlar natijadorligini oshirish maqsadida universitet va uning filiallarini oʻquv-laboratoriya jihozlari bilan taʼminlash. Bunda, Universitetning 7 ta oʻquv laboratoriyasini, Andijon filialining 9 ta, Nukus filialining 11 ta, Termiz filialining 10 ta oʻquv laboratoriyalarini jihozlar bilan taʼminlash.	Tashkiliy chora-tadbirlar	Reja-grafik asosida	Qishloq xoʻjaligi vazirligi, Oliy va oʻrta maxsus taʼlim vazirligi, Moliya vazirligi, manfaatdor vazirlik va idoralar, Universitet va uning filiallari
11.	Xorijdagi reytingi yuqori boʻlgan eng yaxshi oliy taʼlim muassasalarining malakali professor-oʻqituvchilari va mutaxassislarini oʻquv jarayoni va malaka oshirish kurslariga jalb etish.	Kompleks chora-tadbirlar	2020-yil fevral	Qishloq xoʻjaligi vazirligi, Oliy va oʻrta maxsus taʼlim vazirligi, Universitet va uning filiallari
12.	Xorijiy oliy taʼlim muassasalari bilan hamkorlik aloqalari oʻrnatish hamda ilmiy-pedagogik faoliyat boʻyicha hamkorlik shartnomalari tuzish.	Tashkiliy chora-tadbirlar	Reja-grafik asosida	Qishloq xoʻjaligi vazirligi, Oliy va oʻrta maxsus taʼlim vazirligi, Universitet
13.	Xorijiy oliy taʼlim muassasalaridan oʻquv jarayoni va malaka oshirish kurslariga jalb etiladigan pedagog-xodimlar va mutaxassislar roʻyxatini aniqlash hamda ularni belgilangan muddatlarda oʻquv jarayoni va malaka oshirish kurslariga jalb etish, ular ishtirokida onlayn video-seminarlar, vebinarlar oʻtkazish.	Tashkiliy chora-tadbirlar	Reja-grafik asosida	Qishloq xoʻjaligi vazirligi, Oliy va oʻrta maxsus taʼlim vazirligi, Universitet va uning filiallari
14.	Masofaviy oʻqitish shaklini joriy etish orqali tinglovchilar va pedagog kadrlarning mustaqil taʼlim olishi uchun qulay shart-sharoitlar yaratish. Universitet tomonidan xalqaro standartlarga asoslangan Yagona integrallashgan masofaviy oʻqitish apparat-dasturiy kompleksini ishlab chiqish. Bunda: masofaviy taʼlim xizmatlari portali (veb ilova); onlayn oʻquv smart auditoriyalari; nazariy va amaliy mashgʻulotlarni masofaviy oʻtkazish uchun virtual kabinet; Universitetning yetakchi professor-oʻqituvchilari maʼruzalarining audiovizual taʼlim kontentini hamda multimedia taʼlim mahsulotlarini (audiokitoblar, 3D, VR va boshqalar) ishlab chiqaruvchi maxsus studiyalar va mutaxassislar shtati belgilangan media markaz; 2021-yildan boshlab Universitet professor-oʻqituvchilari tomonidan oʻtkaziladigan mashgʻulotlarni (maʼruza, laboratoriya mashgʻulotlari, seminarlar va boshqalar) markazlashgan katalogini serverlarda shakllantirish va umumiy foydalanish uchun onlayn translyatsiya qilishga moʻljallangan elektron platforma ishlab chiqish nazarda tutiladi.	Kompleks chora-tadbirlar	2020-yil sentabr	Qishloq xoʻjaligi vazirligi, Oliy va oʻrta maxsus taʼlim vazirligi, Axborot texnologiyalari va kommunikatsiyalarini rivojlantirish vazirligi, Universitet va uning filiallari
15.	Xorijiy yetakchi oliy taʼlim va ilmiy-tadqiqot muassasalari bilan hamkorlikda ilmiy adabiyotlar yaratish, xalqaro grant loyihalarida ishtirok etish.	Kompleks chora-tadbirlar	doimiy	Qishloq xoʻjaligi vazirligi, Oliy va oʻrta maxsus taʼlim vazirligi, Innovatsion rivojlanish vazirligi, Universitet
16.	Universitet va uning filiallari ilmiy salohiyatini oshirish maqsadida tayanch doktoranturaga ixtisosliklar boʻyicha qabul kvotasini oshirish hamda filiallar uchun maqsadli qabulni tashkil etish yuzasidan Innovatsion rivojlanish vazirligiga asoslangan takliflarni taqdim etish. Universitet va uning filiallarida ilmiy-pedagog kadrlar tomonidan PhD va DcS dissertatsiyalarini himoya qilish rejasini ishlab chiqish hamda 2025-yilga qadar ilmiy salohiyatini 55 — 60 foizga yetkazish.	Kompleks chora-tadbirlar	2019-yil noyabr	Innovatsion rivojlanish vazirligi, Qishloq xoʻjaligi vazirligi, Oliy va oʻrta maxsus taʼlim vazirligi, Universitet va uning filiallari
17.	Xalqaro aloqalar oʻrnatilgan xorijiy oliy taʼlim muassasalari bilan hamkorlikda tor ixtisosliklar boʻyicha maqsadli doktorant va magistrlar tayyorlashni yoʻlga qoʻyish. Bunda 2019 –– 2021-yillarda 18 nafar PhD, 45 nafar magistratura yoʻnalishiga professor-oʻqituvchilar va talabalarni oʻqishga yuborish.	Tashkiliy chora-tadbirlar	Reja-grafik asosida	Qishloq xoʻjaligi vazirligi, Oliy va oʻrta maxsus taʼlim vazirligi, Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi, Universitet
18.	Universitet va uning filiallari faoliyati bilan bogʻliq boʻlgan boshqaruv va statistik maʼlumotlarni yigʻish va qayta ishlash hamda monitoring qilishga moʻljallangan axborot tizimini yaratish.	Tashkiliy chora-tadbirlar	2020-yil may	Qishloq xoʻjaligi vazirligi, Oliy va oʻrta maxsus taʼlim vazirligi, Universitet va uning filiallari
19.	Universitet tomonidan kommunal toʻlovlar (issiq suv, isitish tizimi, ichimlik suv)ni iqtisod qilish, energiya resurslaridan samarali foydalanish, moddiy-texnika bazasini mustahkamlash maqsadida Universitet hududida zamonaviy 7 ta qozonxona hamda 4 ta yer ostidan suv chiqarish inshootlarini qurish.	Tashkiliy chora-tadbirlar	2020-yil fevral –– noyabr	Qishloq xoʻjaligi vazirligi, Qurilish vazirligi, Moliya vazirligi, Universitet
II. Toshkent davlat agrar universitetining Nukus, Andijon, Termiz filiallari faoliyatini yanada takomillashtirish, taʼlim sifatini oshirish va moddiy-texnika bazasini mustahkamlashsh
20.	Universitetning filiallariga qarashli yer maydonlari va binolarda davlat-xususiy sheriklik asosida “Eco agro indastrius nou hau” MCHJ tomonidan zamonaviy nou-xau texnologiyalarni qoʻllagan holda “Agroekoturizm” bazasini hamda anor, uzum, qulupnay va malina yetishtirish boʻyicha klasterlarni tashkil etish.	Tashkiliy chora-tadbirlar	2019-yil noyabr	Qishloq xoʻjaligi vazirligi, “Eco agro indastrius nou hau” MCHJ, Toshkent viloyati hokimligi, Universitet va uning filiallari
21.	Universitetning Andijon filialida “Tuproq ostidan sugʻorishni qishloq xoʻjaligi ekinlariga qoʻllashni ilmiy asoslash” loyihasini amalga oshirish.	Kompleks chora-tadbirlar	2020-yil mart	Qishloq xoʻjaligi vazirligi, Universitetning Andijon filiali, Andijon viloyati hokimligi
22.	Universitetning Andijon filialida AQSH Xalqaro taraqqiyot agentligi (USAID)ning fondi bilan hamkorlikda qishloq xoʻjaligida qiymat zanjiri loyihasi doirasida intensiv mevali bogʻ tashkil etish.	Tashkiliy chora-tadbirlar	2020-yil mart	Qishloq xoʻjaligi vazirligi, Andijon viloyati hokimligi, Universitetning Andijon filiali
23.	Universitetning Andijon filialida Belorussiya yoʻl-qurilish va qishloq xoʻjaligi texnikalari ishlab chiqaruvchi “Blyuming” korxonasi bilan hamkorlikda xalqaro zamonaviy qishloq xoʻjaligi texnikalari namoyishini tashkil qilish.	Tashkiliy chora-tadbirlar	2019-yil 15-sentabr	Qishloq xoʻjaligi vazirligi, Investitsiyalar va tashqi savdo vazirligi, Andijon viloyati hokimligi, Universitet
24.	Universitetning Nukus filialida Yaponiyaning OYO korporatsiyasi bilan hamkorlikda “Oʻzbekistonda choʻlning oldini olish maqsadida koʻkalamzorlashtirish” loyihasini amalga oshirish.	Kompleks chora-tadbirlar	Reja-grafikasosida	Qishloq xoʻjaligi vazirligi, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, Universitetning Nukus filiali
25.	Chorvachilik, baliqchilik mahsulotlari, meva-sabzavot, moyli ekinlar, dorivor oʻsimliklarni qayta ishlash, qadoqlash boʻyicha zamonaviy mini sexlarni tashkil etish.	Tashkiliy chora-tadbirlar	Reja grafik asosida	Qishloq xoʻjaligi vazirligi, Universitet va uning filiallari

Izoh. “Yoʻl xaritasi”da nazarda tutilgan tadbirlar zaruratga qarab oʻzgartirilishi, boshqa bandlardagi hujjatlar bilan birlashtirilishi yoki bir necha turdagi hujjatlarga boʻlinishi mumkin.

Ikki va undan ortiq tadbirlar birlashtirilgan holatlarda ushbu tadbirlar uchun belgilangan eng kechki muddat umumlashtirilgan tadbirning ijro muddati hisoblanadi. Normativ-huquqiy hujjatlar loyihalarini ishlab chiqish jarayonida “yoʻl xaritasi”da belgilangan tadbirlarning mazmuniga mos keladigan boshqa masalalar ham nazarda tutilishi mumkin.

Oʻzbekiston Respublikasi Prezidentining 2019-yil 19-avgustdagi PQ-4421-son qaroriga
2-ILOVA

roʻyxati

(2-ilovaning nomi Oʻzbekiston Respublikasi Prezidentining 2021-yil 30-apreldagi PF-6217-sonli Farmoni tahririda — Qonun hujjatlari maʼlumotlari milliy bazasi, 01.05.2021-y., 06/21/6217/0409-son)

I. Bakalavriat taʼlim yoʻnalishlari
1.	Qishloq xoʻjaligida raqamli texnologiyalar
2.	Agroturizm
3.	Qishloq xoʻjaligida kooperativ boshqaruv
4.	Gidrobiologiya
5.	Ixtiologiya
6.	Asalarichilik
7.	Veterinariya meditsinasi (hayvonot turlari boʻyicha)
8.	Zooinjeneriya (qoramolchilik)
9.	Qishloq xoʻjaligi iqtisodiyoti
10.	Tuproq bonitirovkasi va yer resurslaridan foydalanish
11.	Agrosanoatda texnologik jarayonlarni avtomatlashtirish va texnik servis
12.	Agrobiznes va marketing
II. Magistratura mutaxassisliklari
1.	Agrologistika
2.	Agrobiznes va investitsion faoliyat
3.	Agrosanoatda buxgalteriya hisobi va iqtisodiy tahlil
4.	Qishloq xoʻjaligida ekologik xavfsizlik
5.	Qishloq xoʻjaligi mahsulotlarini standartlashtirish va sertifikatlashtirish
6.	Qishloq xoʻjaligi iqtisodiyoti
7.	Organik dehqonchilik va oziq-ovqat xavfsizligi
8.	Oʻsimliklar himoyasida monitoring va bashorat
9.	Subtropik va sitrus meva ekinlari
10.	Qishloq xoʻjaligi biotexnologiyasi
11.	Meva-sabzavot ekinlari seleksiyasi va urugʻchiligi
12.	Klasterlarni boshqarish

Izoh. Oʻzbekiston Respublikasi Qishloq xoʻjaligi vazirligi Oliy va oʻrta maxsus taʼlim vazirligi bilan kelishgan holda yangi bakalavriat taʼlim yoʻnalishlari va magistratura mutaxassisliklari roʻyxatiga oʻzgartirish va qoʻshimchalar kiritishi mumkin.

Oʻzbekiston Respublikasi Prezidentining 2019-yil 19-avgustdagi PQ-4421-son qaroriga
3-ILOVA

roʻyxati

(3-ilovaning nomi Oʻzbekiston Respublikasi Prezidentining 2021-yil 30-apreldagi PF-6217-sonli Farmoni tahririda — Qonun hujjatlari maʼlumotlari milliy bazasi, 01.05.2021-y., 06/21/6217/0409-son)

T/r	Taʼlim yoʻnalishlari va mutaxassisliklari nomi	Biriktirilgan ilmiy-tadqiqot muassasalari nomi
1.	5410200 –– Agronomiya (dehqonchilik mahsulotlari turlari boʻyicha)	Paxta seleksiyasi, urugʻchiligi va yetishtirish agrotexnologiyalari ITI
	5410400 –– Qishloq xoʻjaligi ekinlari seleksiyasi va urugʻchiligi
	5A410201 –– Agronomiya
	5A410401 –– Seleksiya va urugʻchilik (ekin guruhlari boʻyicha)
2.	5410200 –– Agronomiya (dehqonchilik mahsulotlari turlari boʻyicha)	Oʻsimlikshunoslik ITI
2.	5A410202 –– Oʻsimlikshunoslik (ekin guruhlari boʻyicha)	Oʻsimlikshunoslik ITI
3.	5411600 –– Sabzavotchilik, polizchilik va kartoshkachilik	Sabzavot, poliz ekinlari va kartoshkachilik ITI
	5411700 –– Issiqxona xoʻjaligini tashkil etish va yuritish
	5A411001 –– Sabzavotchilik va polizchilik
	5A411004 –– Kartoshkachilik
	5A411701 –– Himoyalangan yer meva-sabzavotchiligi
4.	5410200 –– Agronomiya (dehqonchilik mahsulotlari turlari boʻyicha)	Sholichilik ITI
4.	5A410202 –– Oʻsimlikshunoslik (ekin guruhlari boʻyicha)	Sholichilik ITI
5.	5410300 ––Oʻsimliklarni himoya qilish (ekin turlari boʻyicha)	Oʻsimliklarni himoya qilish ITI
	5411500 –– Oʻsimliklar va qishloq xoʻjaligi mahsulotlari karantini
	5A410301 –– Oʻsimliklar himoyasi (usullari boʻyicha)
	5A410302 –– Entomologiya
	5A410303 –– Fitopatologiya
	5A411501 ––Oʻsimliklar va qishloq xoʻjaligi mahsulotlari karantini
6.	5411000 –– Mevachilik va uzumchilik	M. Mirzayev nomidagi bogʻdorchilik, uzumchilik va vinochilik ITI
	5410500 –– Qishloq xoʻjaligi mahsulotlarini saqlash va dastlabki ishlash texnologiyasi (mahsulot turlari boʻyicha)
	5A411002 –– Mevachilik
	5A411003 –– Uzumchilik va uzumni dastlabki qayta ishlash
	5A410501 –– Qishloq xoʻjaligi mahsulotlarini saqlash va dastlabki ishlash texnologiyasi (mahsulotlar turlari boʻyicha)
7.	5410100 –– Agrokimyo va agrotuproqshunoslik	Tuproqshunoslik va agrokimyo ITI
	5A410101 –– Agrotuproqshunoslik va agrofizika (sohalar boʻyicha)
	5A410102 –– Agrokimyo
8.	5410900 –– Ipakchilik va tutchilik	Ipakchilik ITI
	5A410901 –– Ipakchilik
	5A410902 –– Tutchilik
9.	5410600 –– Zooinjeneriya (baliqchilik)	Baliqchilik ITI
9.	5A410606 –– Baliqchilik	Baliqchilik ITI
10.	5630300 –– Qishloq xoʻjaligida ekologik xavfsizlik	Ekologiya va atrof-muhitni muhofaza qilish ITI
11.	5410400 –– Qishloq xoʻjaligi ekinlari seleksiyasi va urugʻchiligi	Genetika va eksperimental biologiya ITI
11.	5A410401 –– Seleksiya va urugʻchilik (ekin guruhlari boʻyicha)	Genetika va eksperimental biologiya ITI
12.	5411900 –– Agrobiotexnologiya	Genomika va bioinformatika ITI
12.	5A411005 –– Meva-sabzavotchilikda biotexnologiya	Genomika va bioinformatika ITI
13.	5410800 –– Oʻrmonchilik	Oʻrmonchilik ITI
	5411100 –– Dorivor oʻsimliklarni yetishtirish va qayta ishlash texnologiyasi
	5411200 –– Manzarali bogʻdorchilik
	5A410801 –– Oʻrmonchilik
	5A411101 –– Dorivor oʻsimliklarni yetishtirish texnologiyasi
	5A411201 –– Aholi yashash joylarini koʻkalamzorlashtirish va landshaftli dizayn
	5A411202 –– Manzarali bogʻdorchilik
14.	5233100 –– Agrosanoatda buxgalteriya hisobi	Qishloq xoʻjaligi iqtisodiyoti ITI
	5233200 –– Agrologistika
	5233300 –– Agrobiznes va investitsion faoliyat
15.	5411800 –– Qishloq xoʻjaligi mahsulotlarini standartlashtirish va sertifikatlashtirish	Standartlashtirish, sertifikatlashtirish va texnik jihatdan tartibga solish ITI

Oʻzbekiston Respublikasi Prezidentining 2019-yil 19-avgustdagi PQ-4421-son qaroriga
4-ILOVA

Qishloq xoʻjaligi sohasida fan, taʼlim va ishlab chiqarishni integratsiyalash boʻyicha muvofiqlashtiruvchi kengash

TARKIBI

1.	J.A. Xodjayev	Bosh vazir oʻrinbosari, Kengash raisi
2.	J.A. Xodjayev	Oʻzbekiston Respublikasi qishloq xoʻjaligi vaziri, Kengash raisining oʻrinbosari
3.	U.Sh. Begimkulov	Oʻzbekiston Respublikasi oliy va oʻrta maxsus taʼlim vazirining oʻrinbosari
4.	S.Z. Mirzayev	Oʻzbekiston Fanlar akademiyasining vitse-prezidenti
5.	I.Yu. Abduraxmonov	Oʻzbekiston Respublikasi innovatsion rivojlanish vaziri
6.	B.Sh. Usmanov	Oʻzbekiston Respublikasi iqtisodiyot va sanoat vaziri oʻrinbosari
7.	A.E. Ravshanov	Oʻzbekiston Respublikasi Vazirlar Mahkamasining Investitsiyalar, eksport, savdo, qishloq va suv xoʻjaligi masalalari kotibiyati mudiri
8.	A.X. Abdullayev	Oʻzbekiston Respublikasi yer resurslari, geodeziya, kartografiya va davlat kadastri davlat qoʻmitasi raisi
9.	A.Sh. Xaitov	Oʻzbekiston fermer, dehqon xoʻjaliklari va tomorqa yer egalari kengashi raisi
10.	B.T. Norqobilov	Veterinariya va chorvachilikni rivojlantirish qoʻmitasi raisi
11.	N.J. Bakirov	Oʻzbekiston Respublikasi oʻrmon xoʻjaligi davlat qoʻmitasi raisi
12.	B.T. Qoʻchqorov	Oʻzbekiston Respublikasi ekologiya va atrof-muhitni muhofaza qilish davlat qoʻmitasi raisi
13.	B.A. Sulaymonov	Toshkent davlat agrar universiteti rektori
14.	B.Q. Sharipov	“Oʻzbekipaksanoat” uyushmasi raisi
15.	O.M. Musayev	“Oʻzbekbaliqsanoat” uyushmasi raisi
16.	N.Z. Faxrutdinov	Limon yetishtiruvchilar va eksport qiluvchilar uyushmasi raisi
17.	E.A. Toshpoʻlatov	Kartoshka yetishtiruvchilar uyushmasi raisi
19.	N.E. Najimov	Agrosanoatni rivojlantirish agentligi direktori
20.	Lavozim boʻyicha	Qishloq xoʻjaligida bilim va innovatsiyalar milliy markazi bosh direktori oʻrinbosari
21.	A.I. Maksudov	“Oʻzpaxtasanoat” AJ boshqaruvi raisi
23.	F.J. Pulatov	“Oʻzdonmahsulot” AK boshqaruvi raisi
24.	Ya.M. Abdurazzoqov	“Oʻzparrandasanoat” uyushmasi raisi
25.	Sh. Suyarqulov	“Oʻzbekiston asalarichilari” uyushmasi raisi
27.	Z.O. Fayziyev	“Oʻzbekoziqovqatzaxira” uyushmasi raisi
28.	Lavozimi boʻyicha	Oʻsimliklar karantini va himoyasi agentligi bosh direktori
29.	K. Abdullayev	Yongʻoq ishlab chiqaruvchilar va eksport qiluvchilar uyushmasi raisi
30.	R.Oʻ. Mamatkulov	“Agrobank” ATB boshqaruvi raisi
31.	E.Sh. Toreniyazov	Qoraqalpogʻiston qishloq xoʻjaligi va agrotexnologiyalar instituti rektori
32.	Lavozim boʻyicha	Andijon qishloq xoʻjaligi va agrotexnologiyalar instituti rektori
33.	Ch.R. Begimkulov	Termiz davlat muhandislik va agrotexnologiyalar universiteti rektori
34.	D.U. Mamadiyarov	Karyera markazi va talabalar amaliyotini tashkil etish boʻlimi boshligʻi, Kengash kotibi

Izoh. Kengash aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalar yuklangan shaxslar kiritiladi.

(4-ilova Oʻzbekiston Respublikasi Prezidentining 2025-yil 14-fevraldagi PF-22-sonli Farmoni tahririda — Qonunchilik maʼlumotlari milliy bazasi, 18.02.2025-y., 06/25/22/0156-son)

(Qonun hujjatlari maʼlumotlari milliy bazasi, 19.08.2019-y., 07/19/4421/3590-son; 22.07.2020-y., 06/20/6031/1088-son; 01.05.2021-y., 06/21/6217/0409-son; Qonunchilik maʼlumotlari milliy bazasi, 12.02.2022-y., 06/22/67/0128-son; 10.07.2023-y., 07/23/216/0457-son; 16.02.2024-y., 06/24/36/0130-son; 18.02.2025-y., 06/25/22/0156-son)