Hujjat kuchini yo‘qotgan " " 11.09.2025
Norasmiy tarjima
Oʻzbekiston Respublikasi Prezidentining
Qarori
Oʻzbekiston Respublikasi Qurolli kuchlarini isloh qilish va yanada rivojlantirish vazifalarini amalga oshirish boʻyicha chora-tadbirlar dasturi toʻgʻrisida
Oʻzbekiston Respublikasi Prezidentining Oʻzbekiston Respublikasi Qurolli Kuchlari tashkil topganligining 25 yilligiga bagʻishlangan bayram tabrigidan oʻrin olgan milliy armiyani yanada isloh qilish va rivojlantirish boʻyicha vazifalarni amalda bajarish maqsadida:
1. Oʻzbekiston Respublikasining Qurolli Kuchlarini yanada isloh qilish va rivojlantirish vazifalarini amalga oshirish boʻyicha chora-tadbirlar dasturi (keyingi oʻrinlarda — Dastur) ilovaga muvofiq tasdiqlansin.
2. Belgilansinki, mamlakatimizning mudofaa qobiliyatini yanada mustahkamlash, Qurolli Kuchlarning jangovar shayligi hamda jangovar qobiliyatini oshirish, qoʻshinlarni zamonaviy qurol-aslaha turlari va harbiy texnika bilan qayta jihozlash, harbiy kadrlar tayyorlash, harbiy xizmatchilarni ijtimoiy himoya qilish, shuningdek, yoshlarni vatanparvarlik ruhida tarbiyalash tizimini takomillashtirish Dasturning asosiy maqsadi hisoblanadi.
3. Oʻzbekiston Respublikasi Prezidenti huzuridagi Xavfsizlik kengashi apparati, Oʻzbekiston Respublikasi Vazirlar Mahkamasi, aloqador vazirlik va idoralar rahbarlari, harbiy okruglar qoʻshinlari qoʻmondonlari, Qoraqalpogʻiston Respublikasi Vazirlar Kengashi raisi, viloyatlar va Toshkent shahri hokimlari zimmasiga Dasturda nazarda tutilgan chora-tadbirlarni soʻzsiz, toʻla-toʻkis, oʻz vaqtida va sifatli amalga oshirish yuzasidan shaxsiy masʼuliyat yuklansin.
Masʼul ijrochilar:
Dastur chora-tadbirlarini har tomonlama muhokama qilib va puxta koʻrib chiqib, aniq choralar va ularni amalga oshirish muddatlarini koʻrsatgan holda batafsil rejalar ishlab chiqilishini;
Dastur chora-tadbirlarini bajarishda rasmiyatchilik va yuzaki munosabatga yoʻl qoʻymaslik, uni amalga oshirish natijalarini muntazam muhokama qilib borish, chora-tadbirlarning belgilangan muddatlarda bajarilishini taʼminlash boʻyicha oʻz vaqtida zarur choralar koʻrilishini;
har oyda Oʻzbekiston Respublikasi Prezidenti huzuridagi Xavfsizlik kengashi apparati va Oʻzbekiston Respublikasi Vazirlar Mahkamasiga Dastur chora-tadbirlari bajarilishining borishi haqida axborot berishni taʼminlasin.
Masʼul ijrochilarga zarur hollarda oldinda turgan vazifalarni amalga oshirish maqsadida tegishli vazirliklar, idoralar va mahalliy hokimiyat organlarining mutaxassislarini jalb qilishga ruxsat berilsin.
4. Oʻzbekiston Respublikasi Prezidenti huzuridagi Xavfsizlik kengashi apparati (V. Maxmudov):
Bayram tabrigida bayon etilgan talablarni hisobga olgan holda, shuningdek, dunyoda va mintaqadagi holatning rivojlanish jarayonlarini, Oʻzbekiston Respublikasi xavfsizligiga tahdidlar va xatarlarni, mamlakatimizning ustuvor maqsadlari va imkoniyatlarini chuqur tahlil qilish asosida Dasturda belgilangan muddatlarda Oʻzbekiston Respublikasi Milliy xavfsizlik konsepsiyasi va Mudofaa doktrinasining yangilangan loyihalari ishlab chiqilishini taʼminlasin;
Dastur chora-tadbirlarini bajarish boʻyicha masʼul ijrochilarning faoliyatini muvofiqlashtirsin, ularning natijalarini tanqidiy koʻrib chiqib, har chorakda Oʻzbekiston Respublikasi Prezidentiga axborot bersin.
5. Oʻzbekiston Respublikasi Vazirlar Mahkamasi (A. Aripov) Bosh vazir birinchi oʻrinbosari A. Ramatov, Bosh vazir oʻrinbosarlari R. Azimov va U. Rozukulovning tegishli komplekslari, Bosh vazirning yoshlar siyosati va maʼnaviy rivojlanish masalalari boʻyicha maslahatchisi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarini quyidagi vazifalarni hal etish uchun safarbar qilsin:
respublikaning harbiy-sanoat kompleksini, ilmiy-ishlab chiqarish bazasini, servis markazlari va qoʻshma korxonalarni tashkil qilish, shuningdek, mamlakatimizning yetakchi korxonalarida harbiy maqsadlar uchun moʻljallangan mahsulotlarning ayrim turlarini mahalliylashtirish;
mudofaa ishlari boʻyicha boʻlimlar va boshqarmalarning mahalliy hokimiyat organlari bilan hamkorlik qilish va armiya maktabini oʻtagan yoshlar bilan uzluksiz aloqani taʼminlash borasidagi vakolatlarini kengaytirish;
muddatli xizmat va safarbarlik chaqiruvi rezervidagi xizmatni oʻtagan fuqarolarni ishga joylashtirish boʻyicha respublika komissiyasini hamda Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari huzurida bevosita rais va hokimlar rahbarligi ostida tegishli komissiyalar tashkil etish;
Dasturda nazarda tutilgan chora-tadbirlar hamda Oʻzbekiston Respublikasi Prezidenti va Hukumatining keyinchalik ishlab chiqiladigan qarorlarini amalga oshirish uchun zarur moddiy va moliyaviy resurslarni izlab topish.
6. Mudofaa vazirligi (K. Berdiyev):
2017-yil 10-fevralga qadar Vazirlar Mahkamasi, respublikaning aloqador vazirlik va idoralari bilan birgalikda mamlakat hududlarida harbiy xizmatchilarning oilalari uchun ularga imtiyozli ipoteka kreditlarini taqdim etgan holda 56 ta uch qavatli uy-joylar qurish boʻyicha Oʻzbekiston Respublikasi Prezidenti qarori loyihasini ishlab chiqsin;
2017-yil 15-fevralga qadar Qurolli Kuchlarning yangi Akademiyasini tashkil qilish, vazirlik tashkiliy tuzilmasini takomillashtirish, shuningdek, HHM va HHK Qoʻshinlarining tashkiliy tuzilmasi va boshqaruv tizimini takomillashtirish, zamonaviy texnika va qurol-aslaha bilan jihozlash boʻyicha chora-tadbirlarni amalga oshirish orqali ularning salohiyatini mustahkamlash yuzasidan asoslantirilgan takliflarni va Oʻzbekiston Respublikasi Prezidentining tegishli qarorlari loyihalarini kiritsin;
2017-yil 1-aprelga qadar Qoʻshinlarni zamonaviy qurol-aslaha va harbiy texnika bilan jihozlash va modernizatsiya qilish boʻyicha 2017 — 2021-yillarga moʻljallangan, 2017-yilda amalga oshirish boʻyicha batafsil rejasi bilan asoslantirilgan kompleks dasturni hamda uni tasdiqlash yuzasidan Oʻzbekiston Respublikasi Prezidenti Farmoni loyihasini ishlab chiqsin;
xorijiy sheriklar bilan birga 2017-yil iyundan boshlab Qurolli Kuchlar Akademiyasi va oliy harbiy taʼlim muassasalarining professor-oʻqituvchilar tarkibini yetakchi milliy va xalqaro, shu jumladan Buyuk Britaniya, Germaniya, Rossiya, AQSH, Fransiya, Janubiy Koreya va ushbu sohada taraqqiy topgan mamlakatlarning oʻquv muassasalarida tayyorlash va ularning malakasini oshirish boʻyicha aniq choralarni ishlab chiqsin va amalga oshirsin;
2017-yil davomida harbiy okruglarning maqsadi, qoʻshinlarni qoʻllashning xususiyatlari, operatsion yoʻnalishlarining oʻziga xos xususiyatlarini inobatga olgan holda harbiy okruglarning tuzilmasi va vazifalarini aniqlashtirish boʻyicha vazirlik markaziy apparati mansabdor shaxslari va harbiy okruglar qoʻshinlari qoʻmondonlarining izchil samarali ishini, shuningdek, Dasturda belgilangan muddatlarda asoslantirilgan takliflar va Oʻzbekiston Respublikasi Prezidentining har bir okrug boʻyicha alohida tegishli qarorlari loyihalari ishlab chiqilishini tashkil qilsin.
7. Harbiy okruglar qoʻshinlari qoʻmondonlari (B. Toshmatov, L. Buzrukov, R. Halilov, T. Irgashev) operatsion yoʻnalishlarda mamlakatimizning xavfsizligiga tahdidlar va xatarlarni, ishonch bildirilgan qoʻshilmalar, qismlar va muassasalardagi haqiqiy ahvolni chuqur tahlil qilish, ularning jangovar shayligini hamda jangovar qobiliyatini real baholash asosida harbiy okruglarning tuzilmalari va vazifalarini aniqlashtirish boʻyicha asoslantirilgan takliflar tayyorlash uchun puxta operativ-taktik va boshqa hisob-kitoblarni amalga oshirsin.
9. Mudofaa vazirligi (K. Berdiyev) MV qoshidagi Jamoatchilik kengashi (I. Mirzaaliyev), harbiy okruglar qoʻshinlari qoʻmondonlari (B. Toshmatov, L. Buzrukov, R. Halilov, T. Irgashev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birga:
2017-yil 1-aprelga qadar Jamoatchilik kengashi hududiy boʻlinmalarining aniq vazifalarini belgilab, uning tarkibiga qoʻshish uchun nomzodlarni har tomonlama oʻrganish va tanlash ishlarini amalga oshirsin;
2017-yil 1-mayga qadar Oʻzbekiston Respublikasi Prezidentining viloyatlar hokimliklari tarkibida Kengashning hududiy boʻlinmalarini shakllantirish, shuningdek, Jamoatchilik kengashi toʻgʻrisidagi yangi nizomni tasdiqlashni nazarda tutuvchi tegishli qarori loyihasini ishlab chiqsin.
10. Mudofaa vazirligi (K. Berdiyev), Milliy xavfsizlik xizmati (R. Inoyatov), Ichki ishlar vazirligi (A. Azizov), Favqulodda vaziyatlar vazirligi (K. Aripov), harbiy okruglar qoʻshinlari qoʻmondonlari (B. Toshmatov, L. Buzrukov, R. Halilov, T. Irgashev) vazirliklar va idoralarning Hayʼat majlisini, Harbiy kengashlarini oʻtkazib, unda Oʻzbekiston Respublikasi Prezidentining Oʻzbekiston Respublikasi Qurolli Kuchlari tashkil topganligining 25 yilligiga bagʻishlangan bayram tabrigidan oʻrin olgan milliy armiyani yanada isloh qilish va rivojlantirish boʻyicha vazifalarni shaxsiy tarkibga yetkazish va tushuntirishni taʼminlasin.
11. Mazkur qarorning ijrosini nazorat qilish Oʻzbekiston Respublikasi Bosh vaziri A. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V. Mahmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 24-yanvar,
PQ-2738-son
Oʻzbekiston Respublikasi Prezidentining 2017-yil 24-yanvardagi PQ-2738-son qaroriga
ILOVA
Oʻzbekiston Respublikasining Qurolli Kuchlarini yanada isloh qilish va rivojlantirish vazifalarini amalga oshirish boʻyicha
CHORA-TADBIRLAR DASTURI

T/r

Amalga oshiriladigan chora-tadbirlar

Ijro etish muddati

Masʼul ijrochilar

I. Milliy xavfsizlikni qonunchilik asosida tartibga solish samaradorligini oshirish

1.

Oʻzbekiston Respublikasi Milliy xavfsizlik konsepsiyasining yangilangan loyihasini ishlab chiqish

2017-yil 1-iyungacha

Xavfsizlik kengashi apparati (M. Atayev, B. Shoyoqubov),
Oliy Majlis (N. Ismoilov, N. Yoʻldoshev),
TIV (J. Vaxabov), MV (Sh. Normatov),
MXX (M. Niyozov), IIV (D. Nazarmuxamedov),
FVV (K. Aripov), SMTI (B. Tursunov)

2.

Oʻzbekiston Respublikasi yangilangan Mudofaa doktrinasining loyihasini ishlab chiqish

2017-yil 1-iyulgacha

Xavfsizlik kengashi apparati
(V. Mahmudov, Sh. Shokirov), TIV (A. Kamilov),
MV (K. Berdiyev), MXX (R. Yusupov),
IIV (D. Nazarmuxamedov), FVV (K. Aripov),
SMTI (B. Tursunov)

II. Qurolli Kuchlarning tashkiliy tuzilish tizimini yanada takomillashtirish

1.

Oʻzbekiston Respublikasi Mudofaa vazirligi markaziy apparatining tashkiliy tuzilishini takomillashtirish toʻgʻrisida Oʻzbekiston Respublikasi Prezidentining Farmoni loyihasini tayyorlash

2017-yil 15-fevralgacha

MV (K. Berdiyev),
aloqador vazirliklar va idoralar

2.

HHM va HHK Qoʻshinlarining tashkiliy tuzilmasi va boshqaruv tizimini takomillashtirish, zamonaviy texnika va qurol-aslaha bilan jihozlash chora-tadbirlarini amalga oshirish orqali ularning salohiyatini mustahkamlash boʻyicha Oʻzbekiston Respublikasi Prezidentining Farmoni loyihasini tayyorlash

MV (A. Burxonov), MXX (R. Yusupov), IIV
(D. Nazarmuxamedov), FVV (K. Aripov),

Moliya vazirligi (B. Xodjayev),
aloqador vazirliklar va idoralar

3.

Harbiy okruglarning maqsadi, qoʻshinlarni qoʻllashning xususiyatlari, operatsion yoʻnalishlarining oʻziga xos xususiyatlarini inobatga olgan holda harbiy okruglarning tuzilmasi va vazifalarini aniqlashtirish. Oʻzbekiston Respublikasi Prezidentining quyidagilar boʻyicha tegishli qarorlari loyihalarini ishlab chiqish:

2017-yil davomida

MV (K. Berdiyev),
MXX (R. Yusupov), IIV
(D. Nazarmuxamedov), FVV
(K. Aripov), Moliya vazirligi (B. Xodjayev), aloqador vazirliklar va idoralar

Janubi-gʻarbiy alohida harbiy okrugi boʻyicha

2017-yil
1-aprelgacha

JGʻAHO (B. Toshmatov)

Toshkent harbiy okrugi boʻyicha

2017-yil 1-iyulgacha

THO (L. Buzrukov)

Sharqiy harbiy okrugi boʻyicha

2017-yil
1-oktabrgacha

SHHO (R. Halilov)

Shimoli-gʻarbiy harbiy okrugi boʻyicha

2017-yil
1-dekabrgacha

SHGʻHO (T. Irgashev)

III. Qoʻshinlarni tayyorlash boʻyicha tadbirlarni rejalashtirishga yangicha yondashuvni ishlab chiqish

1.

Boʻlinmalarni tayyorlash boʻyicha mutlaqo yangi tuzilmaviy-mantiqiy konsepsiyalar va kontrakt boʻyicha harbiy xizmatchilar uchun tegishli oʻquv dasturlari loyihalarini ishlab chiqqan holda ularni tayyorlash tizimini qayta koʻrib chiqish.

2017-yil
1-aprelgacha

MV (K. Berdiyev),
MXX (R. Yusupov),
IIV (A. Azizov),
FVV (K Aripov)

2.

Boʻlinmalarni tayyorlash boʻyicha ishlab chiqilgan tuzilmaviy-mantiqiy konsepsiyalar va kontrakt boʻyicha harbiy xizmatchilar uchun oʻquv dasturlari loyihalarining eng muhim alohida qismlarini aprobatsiyadan oʻtkazish va ularning samaradorligini baholash

2017-yil
1-oktabrgacha

MV (K. Berdiyev), MXX (R. Yusupov), IIV (A. Azizov), FVV (K Aripov)

3.

Boʻlinmalarni tayyorlash boʻyicha yangi tuzilmaviy-mantiqiy konsepsiyalar va kontrakt boʻyicha harbiy xizmatchilar uchun oʻquv dasturlarini puxta qayta ishlash va qabul qilish

2018-yil
1-yanvargacha

IV. Barcha darajadagi professional harbiy kadrlar tayyorlash tizimini takomillashtirish

1.

Oʻzbekiston Respublikasi Prezidentining Oʻzbekiston Respublikasi Qurolli Kuchlarining yangi Akademiyasini tashkil etish toʻgʻrisidagi qarori loyihasini ishlab chiqish

2017-yil
15-fevralgacha

MV (K. Berdiyev),
Oliy va oʻrta maxsus taʼlim vazirligi (R. Qosimov), Iqtisodiyot vazirligi (G. Saidova), Moliya vazirligi
(B. Xodjayev), Davarxitektqurilish (B. Zokirov)

2.

Oʻzbekiston Respublikasi Prezidentining Oʻzbekiston Respublikasi Qurolli Kuchlarining yangi Akademiyasini tashkil etish toʻgʻrisidagi qarorini amalga oshirish

2017-yil
25-avgustgacha

Vazirlar Mahkamasi (A. Aripov), MV (K. Berdiyev),
Moliya vazirligi (B. Xodjayev), Oliy va oʻrta maxsus taʼlim vazirligi (R. Qosimov),
Iqtisodiyot vazirligi (G. Saidova)

3.

Quyidagilarni nazarda tutuvchi hukumatning tegishli qarorlari loyihalarini tayyorlash va qabul qilish:

oliy harbiy taʼlim muassasalariga kirish uchun nomzodlarni saralab olishga qoʻyiladigan talablarni oshirish;

oliy harbiy taʼlim muassasalariga kirish uchun nomzodlarni tayyorlash boʻyicha qoʻshimcha vazifalar yuklanayotgan kollejlar va litseylar faoliyatini samarali tashkil qilish yuzasidan zarur kompleks tashkiliy-texnik va boshqa chora-tadbirlarni belgilash va amalga oshirish

2017-yil
20-martgacha

Vazirlar Mahkamasi (A. Aripov),
Oliy va oʻrta maxsus taʼlim vazirligi (R. Qosimov),
MV (K. Berdiyev), MXX (R. Yusupov), IIV (A. Azizov),

Moliya vazirligi (B. Xodjayev), QR Vazirlar Kengashi

(K. Sariyev), viloyatlar (Sh. Abdurahmonov, Oʻ. Barnoyev, U. Uzoqov, 3. Roʻziyev, K. Tursunov, X. Bozarov, X. Oqboʻtayev,
G. Mirzayev, E. Turdimov, Sh. Boboyev, Sh. Gʻaniyev,
P. Bobojonov) va Toshkent shahri (R. Usmanov) hokimliklari

4.

Qurolli Kuchlar Akademiyasi va oliy harbiy taʼlim muassasalarining professor-oʻqituvchilar tarkibini yetakchi milliy va xalqaro, shu jumladan Buyuk Britaniya, Germaniya, Rossiya, AQSH, Fransiya, Janubiy Koreya va ushbu sohada taraqqiy topgan mamlakatlarning oʻquv muassasalarida tayyorlash va ularning malakasini oshirish boʻyicha aniq choralarni ishlab chiqish va amalga oshirish

2017-yil iyundan boshlab doimiy

MV (K. Berdiyev), MXX (R. Yusupov), IIV (A. Azizov),
Oliy va oʻrta maxsus taʼlim vazirligi (R. Qosimov),
TIV (A. Kamilov), Moliya vazirligi(B. Xodjayev), aloqador vazirliklar va idoralar

V. Qoʻshinlarni zamonaviy turdagi qurol-aslaha va harbiy texnika bilan qayta jihozlash

1.

Qoʻshinlarni zamonaviy qurol-aslaha va harbiy texnika bilan jihozlash va modernizatsiya qilish boʻyicha 2017 — 2021-yillarga moʻljallangan, 2017-yilda amalga oshirish boʻyicha batafsil rejasi bilan kompleks dasturni hamda uni tasdiqlash boʻyicha Oʻzbekiston Respublikasi Prezidenti Farmoni loyihasini ishlab chiqish

2017-yil
1-aprelgacha

MV (K. Berdiyev),
Moliya vazirligi (B. Xodjayev), Tashqi iqtisodiy aloqalar, investitsiyalar va savdo vazirligi
(E. Gʻaniyev), “Oʻzmaxsusimpeks” DK
(F. Toshov), aloqador vazirliklar va idoralar

2.

Mamlakatning harbiy-sanoat kompleksini tashkil etish toʻgʻrisidagi takliflarni tayyorlash va kelishish. Oʻzbekiston Respublikasi Prezidentining ushbu masala boʻyicha tegishli qarori loyihasini ishlab chiqish.

2017-yil
1-avgustgacha

Vazirlar Mahkamasi (A. Ramatov),
MV (K. Berdiyev), Moliya vazirligi
(B. Xodjayev) Iqtisodiyot vazirligi
(G. Saidova), aloqador vazirliklar va idoralar

3.

HSKning ilmiy-ishlab chiqarish bazasini, servis markazlari va qoʻshma korxonalarni, shuningdek, mamlakatning yetakchi korxonalarida harbiy maqsadlarga moʻljallangan mahsulotlarning ayrim turlarini mahalliylashtirishni tashkil etish boʻyicha tegishli Davlat dasturini ishlab chiqish va qabul qilish

2017-yil
25-dekabrgacha

VI. Harbiy xizmatchilarni ijtimoiy himoya qilish chora-tadbirlarining samaradorligini oshirish

1.

“Harbiy xizmatni, ichki ishlar, bojxona organlarida xizmatni oʻtagan shaxslar va ular oila aʼzolarining pensiya taʼminoti toʻgʻrisida”gi Qonunni qabul qilish

2017-yil
1-aprelgacha

Xavfsizlik kengashi apparati
(Sh. Shokirov), Oliy Majlis (R. Komilov),
MV (J. Meliboyev), MXX (R. Yusupov),
IIV (A. Azizov), FVV (K Aripov),
DBQ (M. Tohiriy), Moliya vazirligi (B. Xodjayev)

2.

Harbiy xizmatni oʻtash tartibini, harbiy xizmatchilarning front orti, uy-joy va tibbiy taʼminotini takomillashtirishga qaratilgan normativ-huquqiy hujjatlarni ishlab chiqish (qayta ishlash) boʻyicha chora-tadbirlar rejasini tuzish va tasdiqlash

2017-yil 18-fevralgacha

MV (K. Berdiyev),
Oliy Majlis (R. Komilov), MXX (R. Yusupov),
IIV (A. Azizov), FVV (K. Aripov), DBQ (M. Tohiriy) ,

Adliya vazirligi (M. Ikromov), Moliya vazirligi
(B. Xodjayev), Iqtisodiyot vazirligi (G. Saidova)

3.

Yuqorida koʻrsatib oʻtilgan masalalar boʻyicha normativ-huquqiy hujjatlarni ishlab chiqish (qayta ishlash) va tasdiqlash

yil davomida

4.

Harbiy xizmatchilarning oilalari uchun 56 ta, shu jumladan Qoraqalpogʻiston Respublikasida 2 ta, Andijon viloyatida 2 ta, Namangan viloyatida 2 ta, Fargʻona viloyatida 4 ta, Xorazm viloyatida 2 ta, Toshkent viloyatida 8 ta, Sirdaryo viloyatida 2 ta, Jizzax viloyatida 2 ta, Samarqand viloyatida 4 ta, Buxoro viloyatida 2 ta, Qashqadaryo viloyatida 3 ta, Navoiy viloyatida 2 ta, Surxondaryo viloyatida 3 ta va Toshkent shahrida 18 ta uch qavatli uy-joylar qurish boʻyicha Oʻzbekiston Respublikasi Prezidentining qarori loyihasini ishlab chiqish

2017-yil
10-fevralgacha

MV (K. Berdiyev, D. Muratov), Moliya vazirligi
(B. Xodjayev), Iqtisodiyot vazirligi (G. Saidova), Davarxitektqurilish (B. Zokirov), QR Vazirlar Kengashi (K. Sariyev), viloyatlar (Sh. Abdurahmonov, Oʻ. Barnoyev,
U. Uzoqov, 3. Roʻziyev, K. Tursunov, X. Bozarov, X. Oqboʻtayev,
G. Mirzayev, E. Turdimov, Sh. Boboyev, Sh. Gʻaniyev,
P. Bobojonov) va Toshkent shahri (R. Usmanov) hokimliklari, aloqador vazirliklar va idoralar

5.

Harbiy xizmatchilarni uy-joy bilan taʼminlash tizimiga shaxsiy uy-joy qurish uchun uzoq muddatli imtiyozli ipoteka kreditlarini taqdim etish boʻyicha yangi tizimni joriy qilish yuzasidan Oʻzbekiston Respublikasi Prezidenti qarori loyihasini ishlab chiqish

2017-yil 1-martgacha

MV (K. Berdiyev, D. Muratov), Moliya vazirligi
(B. Xodjayev), Iqtisodiyot vazirligi (G. Saidova), aloqador vazirliklar va idoralar

VII. Yoshlarni vatanparvarlik ruhida tarbiyalash, fuqarolarda yot gʻoyalar salbiy taʼsiriga qarshi barqaror immunitetni shakllantirish hamda Vatan taqdiriga masʼullik hissini mustahkamlash

1.

Mudofaa ishlari boʻyicha boʻlimlar va boshqarmalarning mahalliy hokimiyat organlar bilan hamkorlik qilish va armiyaning jasurlik, qatʼiyat va Vatanga sadoqat bilan xizmat qilish maktabini oʻtagan yoshlar bilan uzluksiz aloqani taʼminlash borasidagi vakolatlarini kengaytirish boʻyicha Oʻzbekiston Respublikasi Prezidenti qarori loyihasini ishlab chiqish;

2017-yil
1-aprelgacha

Xavfsizlik kengashi apparati
(Sh. Shokirov), Vazirlar Mahkamasi (M. Kuranov), MV
(Sh. Normatov), “Kamolot” YOIH
(B. Gʻaniyev), QR Vazirlar Kengashi (K. Sariyev), viloyatlar

(Sh. Abdurahmonov, Oʻ. Barnoyev, U. Uzoqov, 3. Roʻziyev,

K. Tursunov, X. Bozarov, X. Oqboʻtayev, G. Mirzayev,

E. Turdimov, Sh. Boboyev, Sh. Gʻaniyev, P. Bobojonov) va Toshkent shahri (R. Usmanov) hokimliklari

2.

Muddatli xizmat va safarbarlik chaqiruvi rezervidagi xizmatni oʻtagan fuqarolarni ishga joylashtirish boʻyicha respublika komissiyasini hamda Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari huzurida bevosita rais va hokimlar rahbarligi ostida tegishli komissiyalar tashkil etish toʻgʻrisida Hukumat qarorini ishlab chiqish va qabul qilish

Vazirlar Mahkamasi (A. Aripov),

MV (M. Saliyev) ,“Kamolot” YOIH (B. Gʻaniyev), Mehnat vazirligi (A. Abduhakimov),

QR Vazirlar Kengashi
(K. Sariyev), viloyatlar (Sh. Abdurahmonov, Oʻ. Barnoyev,

U. Uzoqov, 3. Roʻziyev, K. Tursunov, X. Bozarov, X. Oqboʻtayev,

G. Mirzayev, E. Turdimov, Sh. Boboyev, Sh. Gʻaniyev,

P. Bobojonov) va Toshkent shahri (R. Usmanov) hokimliklari, harbiy okruglar qoʻmondonligi

3.

Oʻzbekiston Respublikasi Prezidentining viloyatlar hokimliklari tarkibida Mudofaa vazirligi qoshidagi Jamoatchilik kengashining hududiy boʻlinmalarini shakllantirish, shuningdek, kengash toʻgʻrisidagi yangi nizomni tasdiqlashni nazarda tutuvchi tegishli qarori loyihasini ishlab chiqish

2017-yil 1-maygacha

MV (M. Saliyev),
MV qoshidagi Jamoatchilik kengashi (I. Mirzaaliyev), Vazirlar Mahkamasi

(M. Kuranov), QR Vazirlar Kengashi
(K. Sariyev), viloyatlar (Sh. Abdurahmonov, Oʻ. Barnoyev,

U. Uzoqov, 3. Roʻziyev, K. Tursunov, X. Bozarov, X. Oqboʻtayev,

G. Mirzayev, E. Turdimov, Sh. Boboyev, Sh. Gʻaniyev, P. Bobojonov) va Toshkent shahri

(R. Usmanov) hokimliklari, harbiy okruglar qoʻmondonligi