PDF-faylidagi rasmiy manba

Oʻzbekiston Respublikasi Prezidentining

Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida

Mansabdor shaxslarning xorijiy mamlakatlarga chiqish tartibini takomillashtirish, xizmat safarlarining samaradorligini oshirish, Oʻzbekiston Respublikasi milliy xavfsizligi va davlat sirlari himoyasini taʼminlash maqsadida:

1. Quyidagilar tasdiqlansin:

Xorijiy mamlakatlarga xizmat safariga chiqishi Oʻzbekiston Respublikasi Prezidenti bilan maxsus kelishuvni talab qiladigan mansabdor shaxslar roʻyxati 1-ilovaga muvofiq;

Xorijiy mamlakatlarga xizmat safariga chiqishi Oʻzbekiston Respublikasi Vazirlar Mahkamasi bilan maxsus kelishuvni talab qiladigan mansabdor shaxslar roʻyxati 2-ilovaga muvofiq;

Xorijiy mamlakatlarga xizmat safariga chiqishi Oʻzbekiston Respublikasi Prezidenti Administratsiyasining tegishli tarkibiy boʻlinmalari bilan maxsus kelishuvni talab qiladigan mansabdor shaxslar roʻyxati 3-ilovaga muvofiq.

(1-bandning toʻrtinchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

2. Oʻzbekiston Respublikasining “Davlat sirlari toʻgʻrisida”gi Qonunida davlat sirlarini tashkil etuvchi maʼlumotlar bilan ishlayotgan yoki ishlagan Oʻzbekiston Respublikasi fuqarolarining huquqlari ularning yozma ravishda bergan roziliklari bilan cheklanishi mumkinligi belgilangani maʼlumot uchun qabul qilinsin.

Belgilansinki, davlat sirlarini tashkil etuvchi maʼlumotlardan xabardor mansabdor shaxslar xorijiy mamlakatlarga chiqishi belgilangan tartibda maxsus kelishuvga asosan amalga oshiriladi.

(2-band Oʻzbekiston Respublikasi Prezidentining 2025-yil 11-sentabrdagi PF-171-sonli Farmoni tahririda)

3. Oʻzbekiston Respublikasi Oliy Majlisi Senati va Qonunchilik palatasiga Oʻzbekiston Respublikasi Oliy Majlisi Senati aʼzolari, Qonunchilik palatasi deputatlari, ularning devonlari masʼul xodimlarining xorijiy mamlakatlarga xizmat safarlariga tegishincha Oʻzbekiston Respublikasi Oliy Majlisi Senati va Qonunchilik palatasi kengashlari qarorlariga asosan chiqishi tartibini ishlab chiqish va tasdiqlash tavsiya qilinsin.

4. Oʻzbekiston Respublikasi Vazirlar Mahkamasi ikki oy muddatda Mansabdor shaxslarning xorijiy mamlakatlarga xizmat safarlarini tashkil etish qoidalarini tasdiqlasin, unda reja-topshiriq va xizmat safari natijalari boʻyicha hisobot tuzish tartibi, xizmat safariga yuborilayotgan mansabdor shaxslarning huquqlari va majburiyatlari, shu jumladan, xizmat safarining maqsadi va vazifalarini samarali amalga oshirish, Oʻzbekiston Respublikasi milliy manfaatlarini himoya qilish, rasmiy va norasmiy marosimlarni oʻtkazish paytida boʻlib turgan mamlakat qonunchiligiga va umumeʼtirof etilgan yurish-turish qoidalari (etiket)ga rioya etish, shuningdek davlat sirlaridan xabardor shaxslarning chet elga chiqishi munosabati bilan maxfiylik rejimini taʼminlash nazarda tutilsin.

5. Davlat hokimiyati va xoʻjalik organlari rahbarlari zimmasiga xizmat safarlarining asoslantirilganligi, samarali tashkil etilishi va natijadorligi, xizmat safari xarajatlari uchun ajratilgan mablagʻlarning maqsadli va oqilona sarflanishi, ushbu Qaror talablarining bajarilishi uchun shaxsiy javobgarlik yuklansin.

6. Oʻzbekiston Respublikasi Adliya vazirligi Oliy sud, Bosh prokuratura, Milliy xavfsizlik xizmati, Ichki ishlar vazirligi va Tashqi ishlar vazirligi bilan birgalikda bir oy muddatda Vazirlar Mahkamasiga qonunga xilof ravishda chet elga chiqqanlik uchun jinoiy va maʼmuriy javobgarlikni takomillashtirish boʻyicha takliflar kiritsin.

7. Oʻzbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda:

qonun hujjatlariga ushbu Qarordan kelib chiqadigan oʻzgartish va qoʻshimchalar toʻgʻrisida takliflar kiritsin;

idoraviy normativ-huquqiy hujjatlarni ushbu Qarorga muvofiqlashtirilishini taʼminlasin.

8. Oʻzbekiston Respublikasi Vazirlar Mahkamasining 1995-yil 6-yanvardagi 8-son “Oʻzbekiston Respublikasi fuqarolarining chet elga borishlari tartibini va Oʻzbekiston Respublikasining diplomatik pasporti toʻgʻrisidagi nizomni tasdiqlash haqida”gi qarorining 2-bandi toʻrtinchi va beshinchi xatboshilari, shuningdek qarorga 4-ilova oʻz kuchini yoʻqotgan deb topilsin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri Sh. Mirziyoyev va Oʻzbekiston Respublikasi Prezidentining Davlat maslahatchisi I. Abdullayev zimmasiga yuklansin.

Oʻzbekiston Respublikasi Prezidenti I. KARIMOV

2014-yil 5-mart,

Oʻzbekiston Respublikasi Prezidentining 2014-yil 5-martdagi PQ-2142-sonli qaroriga
1-ILOVA

Xorijiy mamlakatlarga xizmat safariga chiqishi Oʻzbekiston Respublikasi Prezidenti bilan maxsus kelishuvni talab qiladigan mansabdor shaxslarning

1. Oʻzbekiston Respublikasining Bosh vaziri, Oʻzbekiston Respublikasi Bosh vazirining oʻrinbosarlari;

2. Oʻzbekiston Respublikasi Oliy Majlisi Senati Raisi, uning oʻrinbosarlari;

3. Oʻzbekiston Respublikasi Oliy Majlisining Qonunchilik palatasi Spikeri, uning oʻrinbosarlari;

4. Oʻzbekiston Respublikasi Prezidenti yordamchilari, Oʻzbekiston Respublikasi Prezidentining maslahatchilari, Oʻzbekiston Respublikasi Prezidenti huzuridagi Xavfsizlik kengashi kotibi, Oʻzbekiston Respublikasi Prezidenti Administratsiyasi Moliya-xoʻjalik departamenti rahbari, Oʻzbekiston Respublikasi Prezidenti Administratsiyasining boshqa mustaqil tarkibiy boʻlinmalari rahbarlari, shuningdek ularning oʻrinbosarlari.

(4-band Oʻzbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

(5-band Oʻzbekiston Respublikasi Prezidentining 2024-yil 25-oktabrdagi PF-168-sonli Farmoniga asosan oʻz kuchini yoʻqotgan)

6. Oʻzbekiston Respublikasi Prezidenti huzuridagi Davlat boshqaruvi akademiyasining rektori;

7. Oʻzbekiston Respublikasi Prezidenti huzuridagi Strategik va mintaqalararo tadqiqotlar institutining direktori;

(8-band Oʻzbekiston Respublikasi Prezidentining 2018-yil 5-iyundagi PF-5456-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 07.06.2018-y., 06/18/5456/1316-son)

9. Oʻzbekiston Respublikasi Sudyalar oliy kengashi raisi va uning oʻrinbosari;

(9-band Oʻzbekiston Respublikasi Prezidentining 2017-yil 16-iyundagi PF-5086-sonli Farmoni tahririda — OʻR QHT, 2017-y., 25-son, 521-modda)

10. Oʻzbekiston Respublikasi Oliy Majlisining Inson huquqlari boʻyicha vakili (Ombudsman) va Bola huquqlari boʻyicha vakili (Bolalar ombudsmani);

(10-band Oʻzbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

10¹. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili;

(10¹-band Oʻzbekiston Respublikasi Prezidentining 2017-yil 16-iyundagi PF-5086-sonli Farmoniga asosan kiritilgan — OʻR QHT, 2017-y., 25-son, 521-modda)

11. Oʻzbekiston Respublikasi Markaziy saylov komissiyasining raisi;

12. Oʻzbekiston Respublikasi Markaziy banki boshqaruvi raisi, uning oʻrinbosarlari;

13. Oʻzbekiston Respublikasi Konstitutsiyaviy sudi, Oliy sudi raislari, shuningdek ularning oʻrinbosarlari;

(13-band Oʻzbekiston Respublikasi Prezidentining 2017-yil 11-sentabrdagi PF-5187-sonli Farmoni tahririda — OʻR QHT, 2017-y., 37-son, 980-modda)

14. Vazirlar va davlat qoʻmitalarining rahbarlari, shuningdek ularning oʻrinbosarlari;

14¹. Oʻzbekiston Respublikasi Milliy gvardiyasi qoʻmondoni va uning oʻrinbosarlari.

(14¹-band Oʻzbekiston Respublikasi Prezidentining 2018-yil 31-oktabrdagi PF-5567-son Farmoniga asosan kiritilgan — Qonun hujjatlari maʼlumotlari milliy bazasi, 31.10.2018-y., 06/20/5567/0802-son)

14². Oʻzbekiston Respublikasi Elektron texnologiyalarini rivojlantirish markazi boshligʻi va uning oʻrinbosarlari.

(14²-band Oʻzbekiston Respublikasi Prezidentining 2021-yil 30-apreldagi PF-6218-sonli Farmoniga asosan kiritilgan — Qonunchilik maʼlumotlari milliy bazasi, 30.04.2021-y., 06/21/6218/0398-son)

15. Oʻzbekiston Respublikasi Davlat xavfsizlik xizmatining raisi va uning oʻrinbosarlari;

(15-band Oʻzbekiston Respublikasi Prezidentining 2018-yil 5-iyundagi PF-5456-sonli Farmoni tahririda — Qonun hujjatlari maʼlumotlari milliy bazasi, 07.06.2018-y., 06/18/5456/1316-son)

16. Oʻzbekiston Respublikasi Bosh prokurori, uning oʻrinbosarlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti boshligʻi;

(16-band Oʻzbekiston Respublikasi Prezidentining 2018-yil 30-sentabrdagi PF-5547-sonli Farmoni tahririda — Qonun hujjatlari maʼlumotlari milliy bazasi, 01.10.2018-y., 06/18/5547/1975-son)

17. Oʻzbekiston Respublikasi Bosh vaziri kotibiyati rahbari;

(17-band Oʻzbekiston Respublikasi Prezidentining 2023-yil 31-oktabrdagi PF-186-sonli Farmoni tahririda)

18. Oʻzbekiston Respublikasi Hisob palatasining raisi va uning oʻrinbosarlari;

(18-band Oʻzbekiston Respublikasi Prezidentining 2024-yil 10-iyuldagi PF-100-sonli Farmoni tahririda — Qonunchilik maʼlumotlari milliy bazasi, 12.07.2024-y., 06/24/100/0502-son)

19. Oʻzbekiston Respublikasi Fanlar akademiyasi Prezidenti;

20. Oʻzbekiston Respublikasi Inson huquqlari boʻyicha milliy markazi direktori;

(21-band Oʻzbekiston Respublikasi Prezidentining 2017-yil 16-iyundagi PF-5086-sonli Farmoniga asosan oʻz kuchini yoʻqotgan — OʻR QHT, 2017-y., 25-son, 521-modda)

(22-band Oʻzbekiston Respublikasi Prezidentining 2017-yil 16-iyundagi PF-5086-sonli Farmoniga asosan oʻz kuchini yoʻqotgan — OʻR QHT, 2017-y., 25-son, 521-modda)

23. Oʻzbekiston Respublikasi Tiklanish va taraqqiyot jamgʻarmasi Ijrochi direktori;

24. Qoraqalpogʻiston Respublikasi Joʻqorgʻi Kenesi Raisi, Qoraqalpogʻiston Respublikasi Vazirlar Kengashi Raisi;

25. Viloyatlar va Toshkent shahri hokimlari

mazkur Roʻyxatda koʻrsatilgan mansabdor shaxslar oʻrindoshlik asosida boshqa lavozimlarni egallagan taqdirda, oʻrindoshlik asosida egallagan lavozimi yoʻnalishi boʻyicha chet elga xizmat safariga chiqishini ham Oʻzbekiston Respublikasi Prezidenti bilan maxsus kelishish talab etiladi;

mazkur Roʻyxatning 4-bandida nazarda tutilmagan Oʻzbekiston Respublikasi Prezidenti Administratsiyasi boshqaruv xodimlarining xorijiy mamlakatlarga xizmat safariga chiqishi Oʻzbekiston Respublikasi Prezidentining yordamchisi bilan kelishilgan holda amalga oshiriladi.

(izoh Oʻzbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

Oʻzbekiston Respublikasi Prezidentining 2014-yil 5-martdagi PQ-2142-sonli qaroriga
2-ILOVA

Xorijiy mamlakatlarga xizmat safariga chiqishi Oʻzbekiston Respublikasi Vazirlar Mahkamasi bilan maxsus kelishuvni talab qiladigan mansabdor shaxslarning

1. Oʻzbekiston Respublikasi Bosh vaziri kotibiyatining tarkibiy boʻlinmalari, Bosh vazir oʻrinbosarlari kotibiyatlarining rahbarlari, Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili;

(1-band Oʻzbekiston Respublikasi Prezidentining 2023-yil 31-oktabrdagi PF-186-sonli Farmoni tahririda)

2. Oʻzbekiston Respublikasi Bosh vaziri kotibiyatining tarkibiy boʻlinmalari, Bosh vazir oʻrinbosarlari kotibiyatlarining masʼul xodimlari;

(2-band Oʻzbekiston Respublikasi Prezidentining 2023-yil 31-oktabrdagi PF-186-sonli Farmoni tahririda)

3. Respublika davlat boshqaruvi organlarining rahbarlari va ularning oʻrinbosarlari (vazirliklar va davlat qoʻmitalari bundan mustasno);

4. Xoʻjalik boshqaruvi organlarining rahbarlari va ularning oʻrinbosarlari;

5. Oʻzbekiston Respublikasi Vazirlar Mahkamasi huzurida tashkil etilgan tashkilotlar va muassasalar rahbarlari;

6. Oʻzbekiston Milliy axborot agentligi bosh direktori;

7. Oʻzbekiston Milliy teleradiokompaniyasi raisi, uning oʻrinbosarlari;

8. Oʻzbekiston Respublikasi Savdo-sanoat palatasi Ijroiya qoʻmitasining raisi;

9. Davlat oliy taʼlim muassasalarining rahbarlari (rektorlari) (DXX, Milliy gvardiya, Ichki ishlar, Mudofaa, Adliya vazirliklarining taʼlim muassasalari bundan mustasno);

(9-band Oʻzbekiston Respublikasi Prezidentining 2018-yil 31-oktabrdagi PF-5567-sonli Farmoni tahririda — Qonun hujjatlari maʼlumotlari milliy bazasi, 31.10.2018-y., 06/20/5567/0802-son)

10. “Sharq” NMAK, “Navoiy kon-metallurgiya kombinati” Davlat korxonasi, “Olmaliq kon-metallurgiya kombinati” OAJ, “Oʻzbekiston metallurgiya kombinati” OAJ bosh direktorlari;

11. Oʻzbekiston Badiiy akademiyasining raisi;

12. Qoraqalpogʻiston Respublikasi Vazirlar Kengashi Raisining oʻrinbosarlari;

13. Ustav fondida davlat ulushi mavjud boʻlgan tijorat banklari boshqaruvi raislari;

14. Viloyatlar va Toshkent shahar hokimlarining oʻrinbosarlari;

15. Tumanlar va shaharlar hokimlari (Toshkent shahri bundan mustasno).

1. Mazkur Roʻyxatda koʻrsatilgan mansabdor shaxslar oʻrindoshlik asosida boshqa lavozimlarni egallagan taqdirda, oʻrindoshlik asosida egallagan lavozimi yoʻnalishi boʻyicha chet elga xizmat safariga chiqishi ham Oʻzbekiston Respublikasi Vazirlar Mahkamasi bilan maxsus kelishish talab etiladi.

2. Vazirlar Mahkamasi tomonidan chet elga xizmat safariga chiqishi Vazirlar Mahkamasi bilan maxsus kelishuvni talab qiladigan qoʻshimcha lavozimlar ham belgilanishi mumkin.

Oʻzbekiston Respublikasi Prezidentining 2014-yil 5-martdagi PQ-2142-sonli qaroriga
3-ILOVA

Xorijiy mamlakatlarga xizmat safariga chiqishi Oʻzbekiston Respublikasi Prezidenti Administratsiyasining tegishli tarkibiy boʻlinmalari bilan maxsus kelishuvni talab qiladigan mansabdor shaxslarning

(3-ilovaning nomi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

Huquqni muhofaza qiluvchi va nazorat organlari faoliyatini muvofiqlashtirish masalalari boʻyicha maslahatchi boʻlinmalari

(boʻlim nomi Oʻzbekiston Respublikasi Prezidentining 2021-yil 27-avgustdagi PQ-5235-sonli qarori tahririda — Qonunchilik maʼlumotlari milliy bazasi, 28.08.2021-y., 07/21/5235/0840-son)

1. Oʻzbekiston Respublikasi Sudyalar oliy kengashi sudyalari;

2. Oʻzbekiston Respublikasi Konstitutsiyaviy sudi va Oliy sudi sudyalari;

3. Oʻzbekiston Respublikasi Huquqni muhofaza qilish akademiyasi, Adliya vazirligi huzuridagi Yuridik kadrlarni qayta tayyorlash va malakasini oshirish instituti, Toshkent davlat yuridik universiteti, X. Sulaymonova nomidagi Respublika sud ekspertizasi markazi, Oʻzbekiston Respublikasi Jamoat xavfsizligi universiteti, Ichki ishlar vazirligi Akademiyasi rahbarlari.

(3-band Oʻzbekiston Respublikasi Prezidentining 2025-yil 26-noyabrdagi PF-232-sonli Farmoni tahririda — Qonunchilik maʼlumotlari milliy bazasi, 27.11.2025-y., 06/25/232/1102-son)

Kadrlar siyosati masalalari boʻyicha maslahatchi boʻlinmalari

(boʻlim nomi Oʻzbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

1. Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi ijrochi direktori.

(boʻlim Oʻzbekiston Respublikasi Prezidentining 2021-yil 9-noyabrdagi PF-3-sonli Farmoni tahririda — Qonunchilik maʼlumotlari milliy bazasi, 09.11.2021-y., 06/21/3/1037-son)

Moliya-xoʻjalik departamenti

(boʻlim nomi Oʻzbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

1.Oʻzbekiston Respublikasi Prezidenti huzuridagi Oʻzbekiston Respublikasining Birinchi Prezidenti Islom Karimov nomidagi ilmiy-maʼrifiy yodgorlik majmuasining rahbari;

Oʻzbekiston Respublikasi Prezidenti huzuridagi Xavfsizlik kengashi kotibiyati

(boʻlim nomi Oʻzbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

1. Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti direktori oʻrinbosarlari;

1¹. Oʻzbekiston Respublikasi Hisob palatasining boshqaruv, texnik va yordamchi xodimlari — Oʻzbekiston Respublikasi Tashqi ishlar vazirligi bilan kelishuvdan soʻng;

(1¹-band Oʻzbekiston Respublikasi Prezidentining 2024-yil 10-iyuldagi PF-100-sonli Farmoniga asosan kiritilgan — Qonunchilik maʼlumotlari milliy bazasi, 12.07.2024-y., 06/24/100/0502-son)

2. Tashqi ishlar va Ichki ishlar vazirliklari, DXX, DXX chegara qoʻshinlari, Elektron texnologiyalarini rivojlantirish markazi, Adliya, Mudofaa, Favqulodda vaziyatlar vazirliklari, Milliy gvardiya, Oliy sud, Bosh prokuratura, Davlat bojxona qoʻmitasining, shu jumladan ularning hududiy va tarkibiy boʻlinmalarining masʼul xodimlari — xalqaro va mintaqaviy tashkilotlarning (BMT, SHHT, MDH va boshqalar) rasmiy tadbirlarida qatnashish uchun;

(2-band Oʻzbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik maʼlumotlari milliy bazasi, 30.04.2021-y., 06/21/6218/0398-son)

3. Mudofaa vazirligining oliy taʼlim muassasalari rahbarlari, shuningdek ularning oʻrinbosarlari.

1. Mazkur Roʻyxatda koʻrsatilgan mansabdor shaxslar oʻrindoshlik asosida boshqa lavozimlarni egallagan taqdirda, oʻrindoshlik asosida egallagan lavozimi yoʻnalishi boʻyicha chet elga xizmat safariga chiqishi ham Oʻzbekiston Respublikasi Prezidenti Administratsiyasining tegishli tarkibiy boʻlinmalari bilan maxsus kelishuvni talab etadi.

(izohning 1-bandi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

2. Mansabdor shaxslarning xalqaro va mintaqaviy tashkilotlarning rasmiy tadbirlarida qatnashishini kelishish Tashqi ishlar vazirligi orqali amalga oshiriladi.

(3-ilova Oʻzbekiston Respublikasi Prezidentining 2017-yil 16-iyundagi PF-5086-sonli Farmoni tahririda — OʻR QHT, 2017-y., 25-son, 521-modda)

(Oʻzbekiston Respublikasi qonun hujjatlari toʻplami, 2014-y., 10-son, 103-modda; 2017-y., 25-son, 521-modda, 37-son, 980-modda; Qonun hujjatlari maʼlumotlari milliy bazasi, 19.01.2018-y., 0618/5306/0593-son, 10.05.2018-y., 06/18/5438/1189-son, 07.06.2018-y., 06/18/5456/1316-son, 08.06.2018-y., 06/18/5457/1324-son, 01.10.2018-y., 06/18/5547/1975-son, 31.10.2018-y., 06/20/5567/0802-son; 24.02.2021-y., 06/21/6176/0156-son; Qonunchilik maʼlumotlari milliy bazasi, 30.04.2021-y., 06/21/6218/0398-son, 28.08.2021-y., 07/21/5235/0840-son, 09.11.2021-y., 06/21/3/1037-son; 29.11.2022-y., 06/22/257/1049-son; 12.07.2024-y., 06/24/100/0502-son; 27.11.2025-y., 06/25/232/1102-son)