Oʻzbekiston Respublikasi Vazirlar Mahkamasining “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonuniga muvofiq, shuningdek tadbirkorlik subyektlarini rivojlantirish uchun yanada qulay shart-sharoitlar yaratish maqsadida Vazirlar Mahkamasi qaror qiladi: Tadbirkorlik faoliyati sohasidagi ruxsat etish xususiyatiga ega hujjatlar roʻyxati 1-ilovaga * muvofiq; Vakolatli organlar tomonidan berilgan ruxsat etish xususiyatiga ega hujjatlar reyestrlarini yuritish tartibi toʻgʻrisidagi nizom 2-ilovaga muvofiq tasdiqlansin. 2. Qonun hujjatlariga muvofiq ruxsat berish tartib-taomillarining qonunda nazarda tutilmagan yangi turlarini joriy etish taqiqlanishi maʼlumot uchun qabul qilinsin. 3. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga qonun hujjatlariga ushbu qarordan kelib chiquvchi oʻzgartirish va qoʻshimchalar toʻgʻrisida takliflar kiritsin. Vazirliklar va idoralar Oʻzbekiston Respublikasi Adliya vazirligi bilan birgalikda, oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar. 4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin. Oʻzbekiston Respublikasining Bosh vaziri Sh. MIRZIYOYEV Vazirlar Mahkamasining 2013-yil 15-avgustdagi 225-son qaroriga 2-ILOVA Vakolatli organlar tomonidan berilgan ruxsat etish xususiyatiga ega hujjatlar reyestrlarini yuritish tartibi toʻgʻrisida 1. Ushbu Nizom “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonuniga muvofiq vakolatli organlar tomonidan tadbirkorlik subyektlariga — yuridik va jismoniy shaxslarga beriladigan ruxsat etish xususiyatiga ega hujjatlar reyestrlarini yuritish tartibini belgilaydi. 2. Tadbirkorlik faoliyati sohasidagi ruxsat etish xususiyatiga ega hujjatlar reyestri (keyingi oʻrinlarda reyestr deb ataladi) oʻzida ruxsat etish xususiyatiga ega berilgan, qayta rasmiylashtirilgan, bekor qilingan hujjatlar, shuningdek amal qilishi toʻxtatib turilgan, tiklangan yoki toʻxtatilgan ruxsat etish xususiyatiga ega hujjatlar toʻgʻrisidagi maʼlumotlar va boshqa maʼlumotlar mavjud boʻlgan barchaning tanishishi uchun ochiq boʻlgan davlat reyestrini ifodalaydi. 3. Vakolatli organlar reyestrni yuritish bilan bogʻliq tartib-taomillarni amalga oshirishda “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonuniga, ruxsat berish tartib-taomillaridan oʻtish tartibi toʻgʻrisidagi nizomlarga, boshqa qonun hujjatlariga va ushbu Nizomga amal qiladi. 4. Reyestr xatti-harakatni sodir etish va (yoki) muayyan faoliyatni amalga oshirish uchun ruxsat etish xususiyatiga ega hujjatlar berilgan tadbirkorlik subyektlarining davlat hisobini yuritishni taʼminlash va ular toʻgʻrisidagi maʼlumotlarni taqdim etish maqsadida yuritiladi. 5. Ruxsat etish xususiyatiga ega hujjat berilganligi toʻgʻrisidagi maʼlumotlar reyestrga tadbirkorlik subyektiga ruxsat etish xususiyatiga ega hujjat berish toʻgʻrisida qaror qabul qilingan kunda kiritiladi. Reyestrdagi barcha qaydlarga sana qoʻyiladi hamda ular imzo va muhr bilan tasdiqlanadi. 6. Har bir reyestrda quyidagilar koʻrsatilishi kerak: tadbirkorlik subyektlari toʻgʻrisidagi asosiy maʼlumotlar (tadbirkorlik subyektlari — yuridik shaxslarning nomi, ularning tashkiliy-huquqiy shakli, pochta manzili, telefoni, tadbirkorlik subyektlari — jismoniy shaxslarning familiyasi, ismi, otasining ismi, ularning pasportiga oid maʼlumotlar, pochta manzili, telefoni); ruxsat etish xususiyatiga ega hujjatlar berilgan sana va ularning tartib raqami; ruxsat etish xususiyatiga ega hujjatlarning amal qilish muddatlari (amal qilishining cheklangan muddatiga beriladigan ruxsat etish xususiyatiga ega hujjatlar uchun); ruxsat etish xususiyatiga ega hujjatlarni qayta rasmiylashtirishning, amal qilish muddatini uzaytirishning asosi va sanasi (amal qilishining cheklangan muddatiga beriladigan ruxsat etish xususiyatiga ega hujjatlar uchun), amal qilishini toʻxtatib turish va tiklash; ruxsat etish xususiyatiga ega hujjatlarning amal qilishini toʻxtatish uchun asos va sana; ruxsat etish xususiyatiga ega hujjatlarni bekor qilishning asosi va sanasi; ruxsat etish xususiyatiga ega hujjatlarning dublikatlarini berishning asosi va sanasi; ruxsat berish tartib-taomillaridan oʻtish tartibi toʻgʻrisidagi nizomda belgilangan boshqa maʼlumotlar. 7. Reyestr qogʻozda va elektron manbalarda yuritiladi. Qogʻozdagi va elektron manbalardagi yozuvlar oʻrtasida nomuvofiqlik mavjud boʻlgan taqdirda qogʻoz manbalardagi yozuvlar ustuvor ahamiyatga ega boʻladi. Qogʻoz manbadagi reyestr vakolatli organ tomonidan bir nusxada yuritiladi. Reyestr jurnali ip oʻtkazib tikiladi, tartib raqami qoʻyiladi va uning orqa tomonida sahifalar soni, jurnalni yuritish boshlangan sana (yil, oy, kun) koʻrsatiladi, vakolatli organing muhri bosiladi va rahbarining imzosi qoʻyiladi. Reyestr vakolatli organlarning rasmiy veb-saytlarida joylashtiriladi. Ushbu Nizomning 6-bandida koʻrsatilgan reyestr maʼlumotlari ushbu maʼlumotlarni tasdiqlaydigan hujjatlardagi mavjud maʼlumotlarga muvofiq boʻlmagan taqdirda ushbu Nizomning 6-bandida koʻrsatilgan maʼlumotlar ularga tegishli oʻzgartirishlar kiritilgunga qadar ishonchli hisoblanadi. 8. Vakolatli organlar ruxsat etish xususiyatiga ega hujjatlarni qayta rasmiylashtirish, amal qilish muddatini uzaytirish, amal qilishini toʻxtatib turish, tiklash, toʻxtatish toʻgʻrisida qaror qabul qilingan va ruxsat etish xususiyatiga ega hujjatlar bekor qilingan kunda reyestrga tegishli qaydlarni kiritadi. 9. Reyestrdagi mavjud maʼlumotlardan umumiy ravishda foydalaniladi, qonun hujjatlarida nazarda tutilgan holatlar bundan mustasno. Ruxsat etish xususiyatiga ega hujjatlar berilgan aniq tadbirkorlik subyektlari toʻgʻrisidagi maʼlumotlar tegishli reyestrdan koʻchirma tarzida beriladi. Reyestrdagi mavjud maʼlumotlarni taqdim etish muddati vakolatli organ tomonidan tegishli soʻrov olingan kundan boshlab bir ish kunidan ortiq boʻlishi mumkin emas. 10. Ushbu Nizom talablarining buzilishida aybdor boʻlgan shaxslar qonun hujjatlariga muvofiq javob beradilar. (Oʻzbekiston Respublikasi qonun hujjatlari toʻplami, 2013-y., 33-son, 442-modda; 2014-y., 15-son, 167-modda, 31-son, 380-modda; 2015-y., 46-son, 584-modda, 49-son, 613-modda; 2016-y., 9-son, 90-modda, 18-son, 192-modda, 23-son, 269-modda, 25-son, 308-modda, 45-son, 525-modda; 2017-y., 11-son, 166-modda, 14-son, 228-modda, 19-son, 345-modda, 26-son, 592-modda, 30-son, 734-modda, 33-son, 857-modda, 863-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son, 23.11.2017-y., 09/17/933/0303-son; 12.01.2018-y., 09/18/17/0552-son, 26.06.2018-y., 09/18/467/1391-son, 09.07.2018-y., 09/18/508/1477-son, 19.07.2018-y., 09/18/553/1538-son, 20.08.2018-y., 09/18/676/1780-son, 03.10.2018-y., 09/18/784/1986-son, 10.10.2018-y., 09/18/813/2027-son, 30.10.2018-y., 09/18/884/2128-son, 04.12.2018-y., 09/18/977/2260-son, 17.12.2018-y., 09/18/1012/2321-son; 11.02.2019-y., 09/19/111/2596-son, 12.02.2019-y., 09/19/112/2597-son, 20.12.2018-y., 09/18/1030/2348-son, 01.04.2019-y., 09/19/265/2858-son, 04.06.2019-y., 09/19/457/3235-son, 28.06.2019-y., 09/19/532/3344-son, 02.07.2019-y., 09/19/548/3362-son, 11.07.2019-y., 09/19/567/3404-son; 20.12.2019-y., 09/19/1014/4173-son; 08.05.2020-y., 09/20/271/0565-son, 16.05.2020-y., 09/20/288/0600-son, 11.08.2020-y., 09/20/472/1155-son; 28.12.2020-y., 09/20/810/1673-son; Qonunchilik maʼlumotlari milliy bazasi, 09.06.2021-y., 06/21/6243/0540-son)
|
