Oʻzbekiston Respublikasini jadal ijtimoiy-iqtisodiy rivojlantirish uchun zarur shart-sharoitlarni yaratish, tashqi iqtisodiy faoliyatni avj oldirish, ichki bozorni eng zarur mollar bilan toʻldirish, qoʻshimcha kapital mablagʻlarni, ilgʻor texnikani va boshqarish tajribasini jalb etish, xorijiy sarmoyadorlarning huquqlarini himoya qilishda ishonchli kafolatlarni taʼminlash, respublikaning eksport imkoniyatlaridan samarali foydalanish maqsadida:

1. 1992-yilning 1-avgustidan boshlab:

respublikaga olib kelinadigan barcha turdagi mollarning importiga soliqlar 1994-yil 1-yanvarga qadar bekor qilinsin;

respublikaga olib kelinadigan, xalq isteʼmol qiladigan import mollar, oziq-ovqat mahsulotlari, dori-darmonlar, tibbiyot texnikasi, shuningdek mashina-uskunalar, butlovchi buyumlar va ularni ishlab chiqarishga moʻljallangan xomashyo uchun ilovaga* muvofiq 1994-yil 1-yanvariga kadar boj toʻlashdan ozod qilinsin.

3. Markaziy bank 1992-yilning 15-avgustidan boshlab hamma turdagi bitimlar va operatsiyalar uchun respublika hududida valyuta bozoridagi joriy kurs asosida belgilanadigan chet el valyutalarining yagona kursini joriy etsin.

Oʻzbekiston Respublikasining Moliya vazirligi Tashqi iqtisodiy aloqalar vazirligi va Tashqi iqtisodiy faoliyat milliy banki bilan birgalikda ikki hafta muddat ichida Oʻzbekiston Respublikasining hududida valyuta bilan bogʻliq ishlarni tartibga solishga doir meʼyoriy hujjatlarining loyihalarini ishlab chiqsin.

4. Vazirlar Mahkamasi:

bir oy muddat ichida litsenziya beriladigan eksport va import mollari (ishlar, xizmatlarning) roʻyxatini hamda litsenziya berish tartibini taʼkidlasin;

litsenziya beriladigan va keyinchalik eksport qilinadigan mollarni birjalar orqali sotish miqdorlarini belgilasin;

Oʻzbekiston Respublikasining Investitsiya dasturini ikki oy ichida ishlab chiqib, eʼlon qilinsin. Dasturda respublika hayot faoliyatining dolzarb muammolari hal qilinishini taʼminlaydigan xalq xoʻjaligining ustuvor tarmoqlariga mablagʻ sarflash boʻyicha eng muhim loyihalarning roʻyxati va texnikaviy-iqtisodiy taʼrifi berilishi zarur.

5. Tashqi iqtisodiy aloqalar vazirligi:

miqdori belgilanadigan mollarni eksport qilishga, litsenziyalarni kim oshdi savdosida sotishni amalda joriy etsin;

respublikaning manfaatdor tashkilotlari bilan birgalikda, xorijiy kompaniyalarni va xalqaro moliya tashkilotlarini jalb etib Oʻzbekistonda xalqaro paxta birjasini tashkil etish toʻgʻrisidagi masalani puxta ishlab chiqsin va hal qilsin;

respublikaning transport tashkilotlari bilan birgalikda tashqi savdoga xizmat koʻrsatish va tashqi savdo transport korxonalarining faoliyatini muvofiqlashtirish uchun transport-ekspeditor aksionerlik kompaniyasini tashkil qilsin.

6. Bojxona komiteti Oʻzbekiston Respublikasining Adliya vazirligi bilan birgalikda 1992-yilning 1-sentabrigacha bojxona kodeksi haqidagi boj tavsifi toʻgʻrisidagi qonunlarning loyihalarini Vazirlar Mahkamasiga taqdim etsin.

Moliya vazirligi bilan birgalikda mazkur Farmonning, shuningdek tuziladigan hukumatlararo bitimlarning qoidalarini eʼtiborga olgan holda boj taʼriflarining yangi tabaqalashtirilgan miqdorlari va ularni undirib olish tartibi ishlab chiqilsin hamda ikki tomonlama asosda eng koʻp qulaylik yaratib berilsin.

7. Qonunlarga muvofiq Oʻzbekiston Respublikasi hududida xorijiy sarmoyadorlarga va ularning sheriklariga tanlov asosida va faqat investitsiya maqsadlarida ishlab chiqarish xonalarini, binolarni, mashina uskunalarini, uy-joylarni sotib olish, shuningdek yer uchastkalarini uzoq muddatli ijaraga olish huquqi berilsin.

Davlat mulkini boshqarish va xususiylashtirish komiteti Qoraqalpogʻiston Respublikasining Vazirlar Kengashi, viloyatlarning va Toshkent shahrining hokimiyatlari bilan birgalikda mazkur bandni amalga oshirish borasidagi taklifni 10 kun muddat ichida ishlab chiqib, taqdim etsin.

9. Xorijiy sarmoyadorlarning zarur moliyaviy-iqtisodiy kafolatlarini taʼminlash uchun xorijiy sarmoyalarni himoya qiluvchi Milliy sugʻurta jamgʻarmasi, shu jumladan Oʻzbekiston Respublikasi valyuta boyliklarining bir qismini chet el banklarini depozitga qoʻyish, respublika hududida xorijiy sarmoya ishtirokidagi sugʻurta kompaniyalarini ochish yoʻli bilan shunday jamgʻarma tashkil qilinsin.

10. Vazirlar Mahkamasi ushbu Farmonni bajarish yuzasidan 10 kun muddat ichida qaror qabul qilsin.