Eksport-import operatsiyalarini bojxona-tarif jihatdan boshqarishni yanada takomillashtirish, Oʻzbekiston Respublikasi tashqi iqtisodiy faoliyati Tovar nomenklaturasini jahon tajribasida qoʻllanilayotgan Tovarlarni taʼriflash va kodlashning uygʻunlashtirilgan tizimi (2007-yilgi versiya) bilan unifikatsiya qilish maqsadida:

1. Maʼlumot uchun qabul qilinsinki, jahon savdosida aylanayotgan tovarlarning xalqaro klassifikatsiyasini uygʻunlashtirish maqsadida, Jahon bojxona tashkiloti tomonidan Tovarlarni taʼriflash va kodlashning uygʻunlashtirilgan tizimiga 2007-yilda kuchga kirgan oʻzgartish va qoʻshimchalar kiritildi.

2. 2008-yilning 1-aprelidan boshlab tovarlar oʻninchi raqam darajasigacha yanada aniq klassifikatsiya qilingan (2007-yilgi versiyada) Oʻzbekiston Respublikasi tashqi iqtisodiy faoliyatining yangilangan Tovar nomenklaturasi amalga kiritilsin

Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Davlat bojxona qoʻmitasi bilan birgalikda 2008-yilning 10-apreligacha boʻlgan muddatda Oʻzbekiston Respublikasi tashqi iqtisodiy faoliyatining yangilangan (2007-yilgi versiyada) Tovar nomenklaturasi chop etilishi hamda manfaatdor tuzilmalarga yetkazilishini taʼminlasin.

4. 2008-yilning 1-aprelidan Oʻzbekiston Respublikasi Prezidentining ayrim qarorlariga 2-ilovaga* muvofiq oʻzgartishlar kiritilsin.

Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Adliya vazirligi, Davlat bojxona qoʻmitasi boshqa manfaatdor vazirliklar va idoralar bilan birgalikda ikki hafta muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

5. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

4. Oʻzbekiston Respublikasi Prezidentining 2007-yil 19-fevraldagi “Germaniya taraqqiyot banki hamda Quvayt arab iqtisodiy taraqqiyot jamgʻarmasi ishtirokida “Toshkent (Toʻqimachi) — Angren” temir yoʻl uchastkasini elektrlashtirish” loyihasini amalga oshirish chora-tadbirlari toʻgʻrisida”gi PQ-582-son qarorining 6-bandidagi “drezinasi (TN TIF kodi 8604 000 00)” soʻzlari “drezinasi (TN TIF kodi 8604 000 000)” soʻzlari bilan almashtirilsin.