| T/r | Tadbirlar | Amalga oshirish shakli | Bajarish muddatlari | Masʼul bajaruvchilar |
| I. Sugʻurtalash, sugʻurta faoliyati va sugʻurta nazoratining qonunchilik va normativ-huquqiy bazasini yanada takomillashtirish |
| 1. | “Transport vositalari egalarining javobgarligini majburiy sugʻurtalash toʻgʻrisida”gi Oʻzbekiston Respublikasi qonuni loyihasini ishlab chiqish. | Qonun loyihasi | 2007-yil II chorak | Moliya vazirligi, Ichki ishlar vazirligi, Oʻzbekiston transport va transport kommunikatsiyalari uyushmasi, boshqa manfaatdor vazirliklar va idoralar, sugʻurta kompaniyalari |
| 2. | “Ish beruvchining javobgarligini majburiy sugʻurtalash toʻgʻrisida”gi Oʻzbekiston Respublikasi qonuni loyihasini ishlab chiqish. | Qonun loyihasi | 2007-yil IV chorak | Moliya vazirligi, Mehnat va aholini ijtimoiy muhofaza qilish vazirligi, boshqa manfaatdor vazirliklar va idoralar, sugʻurta kompaniyalari |
| 3. | “Tibbiy sugʻurta toʻgʻrisida”gi Oʻzbekiston Respublikasi qonuni loyihasini ishlab chiqish. | Qonun loyihasi | 2007-yil IV chorak | Sogʻliqni saqlash vazirligi, Moliya vazirligi, Iqtisodiyot vazirligi, boshqa manfaatdor vazirliklar va idoralar, sugʻurta kompaniyalari |
| 1.2. Amaldagi qonunlarga oʻzgartirish va qoʻshimchalar kiritish |
| 4. | “Sugʻurta faoliyati toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida”gi Oʻzbekiston Respublikasi qonuni loyihasini ishlab chiqish, unda sugʻurta bozorining professional qatnashchilari tarkibini aniqlashtirish va kengaytirish, ularning huquq va majburiyatlarini, faoliyatni amalga oshirish tartibini belgilash. | Qonun loyihasi | 2007-yil II chorak | Moliya vazirligi, boshqa manfaatdor vazirliklar va idoralar, sugʻurta kompaniyalari |
| 5. | “Maʼmuriy javobgarlik toʻgʻrisidagi Oʻzbekiston Respublikasi kodeksiga oʻzgartirish va qoʻshimchalar kiritish haqida”gi Oʻzbekiston Respublikasi qonuni loyihasini ishlab chiqish, unda sugʻurta qilinmagan transport vositalarini boshqarayotgan haydovchilar javobgarligini belgilash. | Qonun loyihasi | 2007-yil II chorak | Moliya vazirligi, Ichki ishlar vazirligi, Oʻzbekiston transport va transport kommunikatsiyalari uyushmasi, boshqa manfaatdor vazirliklar va idoralar, sugʻurta kompaniyalari |
| 1.3. Idoraviy normativ-huquqiy hujjatlarni qabul qilish |
| 6. | Sugʻurtalovchilar moliyaviy-xoʻjalik faoliyati buxgalteriya hisobining hisob raqamlari rejasini va uni qoʻllash boʻyicha yoʻriqnomani ishlab chiqish va tasdiqlash. | Hisob raqamlari rejasi va uni qoʻllash boʻyicha yoʻriqnoma | 2007-yil III chorak | Moliya vazirligi |
| 7. | Sugʻurtalovchilar moliyaviy hisoboti shakllari va ularni toʻldirish qoidalarini ishlab chiqish va tasdiqlash. | Moliyaviy hisobot shakllari va ularni toʻldirish qoidalari | 2007-yil III chorak | Moliya vazirligi |
| 8. | Umumiy sugʻurta va hayotni sugʻurtalash sohasida sugʻurta tariflarini hisoblab chiqarish boʻyicha metodik koʻrsatmalarni ishlab chiqish va tasdiqlash. | Metodik koʻrsatmalar | 2007-yil III chorak | Moliya vazirligi, sugʻurta tashkilotlari |
| 9. | Sugʻurta kompaniyalarini reyting jihatdan baholash boʻyicha metodik tavsiyalarni tayyorlash. | Metodik tavsiyalar | 2007-yil III chorak | Moliya vazirligi, sugʻurta kompaniyalari |
| 10. | Aktuar malaka sertifikatini berish tartibi toʻgʻrisidagi nizomni ishlab chiqish va tasdiqlash. | Nizom | 2007-yil III chorak | Moliya vazirligi |
| 11. | Adjaster, aktuar, syurveyer va assistans xizmatlari koʻrsatish faoliyatini tashkil etish boʻyicha metodik tavsiyalar ishlab chiqish. | Metodik tavsiyalar | 2007-yil III chorak | Moliya vazirligi, sugʻurta tashkilotlari |
| 12. | Sugʻurtalovchilar va qayta sugʻurtalovchilarning toʻlovga qodirligi toʻgʻrisidagi nizomni ishlab chiqish va tasdiqlash. | Nizom | 2007-yil IV chorak | Moliya vazirligi |
| 13. | Sugʻurta kompaniyalarini auditorlar tomonidan tekshirish boʻyicha metodik tavsiyalar ishlab chiqish. | Metodik tavsiyalar | 2007-yil IV chorak | Moliya vazirligi |
| 14. | Sugʻurta faoliyati va sugʻurta nazoratini tartibga soluvchi xalqaro standartlar ayrim normalarini qayta koʻrib chiqish va normativ-huquqiy bazaga joriy etish. | Normativ-huquqiy bazaga oʻzgartirish va qoʻshimchalar | 2007-2008-yillar | Moliya vazirligi |
| 15. | Tadbirkorlik tavakkalchiliklarini (foydani boy berishdan, loyihalashdagi xatoliklardan, bankrotlikdan sugʻurtalash va h. k.) sugʻurtalashning namunaviy qoidalarini ishlab chiqish va tasdiqlash. | Namunaviy qoidalar | 2008-yil I chorak | Moliya vazirligi, sugʻurta kompaniyalari |
| 16. | Biznes sohasi uchun sugʻurta xizmatlari koʻrsatishning yagona talablari va standartlarini belgilash. | Nizom | 2008-yil I chorak | Moliya vazirligi, sugʻurta kompaniyalari |
| 17. | Sugʻurtalovchilarning sugʻurta vositachilari bilan oʻzaro munosabatlarini tartibga soluvchi namunaviy qoidalarni ishlab chiqish va tasdiqlash. | Namunaviy qoidalar | 2008-yil I chorak | Moliya vazirligi, sugʻurta kompaniyalari |
| 18. | Qayta sugʻurtalash xizmatlari koʻrsatishning yagona talablari va standartlarini belgilash. | Nizom | 2008-yil I chorak | Moliya vazirligi, sugʻurta kompaniyalari |
| 19. | Daʼvo ishlarining yagona texnologiyasini joriy etish. | Metodik tavsiyalar | 2008-yil III chorak | Moliya vazirligi, sugʻurta kompaniyalari |
| 20. | Sugʻurtalovchi va qayta sugʻurtalovchining investitsiya faoliyati toʻgʻrisidagi nizomni ishlab chiqish va tasdiqlash. | Nizom | 2009-yil I chorak | Moliya vazirligi |
| II. Koʻrsatilayotgan sugʻurta xizmatlari hajmini, koʻlamini kengaytirish va sifatini oshirish |
| 21. | 2007—2010-yillarda sugʻurta xizmatlari hajmini 3 baravar, sugʻurtalovchilar sugʻurta zaxirasini 2,5 baravardan ortiq, sugʻurta kompaniyalari yalpi kapitalini 2 baravardan ortiq koʻpaytirish. | Chora-tadbirlar kompleksi | Ishlab chiqish — 2007-yil II chorak Amalga oshirish — 2007—2010-yillar | Moliya vazirligi, sugʻurta tashkilotlari |
| 22. | Aholi va yuridik shaxslarni, ayniqsa biznesni sugʻurtalash sohasida, shuningdek qishloq joylarda sugʻurtalovchi alohida boʻlinmalar va sugʻurta agentlari sonini koʻpaytirish hisobiga sugʻurta xizmatlari bilan qamrab olish darajasini oshirish. | 2006—2010-yillarda xizmat koʻrsatish sohasi va servisni rivojlantirish dasturiga muvofiq chora-tadbirlar kompleksi | 2007—2010-yillar | Moliya vazirligi, sugʻurta tashkilotlari |
| 23. | Eksport kreditlar va eksport-import operatsiyalarining samarali sugʻurta himoyasini taʼminlovchi eksportni sugʻurtalash boʻyicha yangi kompleks sugʻurta xizmatlari turlarini, shu jumladan siyosiy va tijorat tavakkalchiliklaridan sugʻurtalash, toʻlov muddatini kechiktirish shartlarini sugʻurtalash, “yetkazib beruvchi krediti” tipi boʻyicha sugʻurtalash, “xaridorga kredit” tipi boʻyicha sugʻurtalash, eksport-import kontraktlarini bajarish va investitsiya loyihalarini amalga oshirish bilan bogʻliq tavakkalchiliklarni sugʻurtalash, eksport-import yuklarini tashishni sugʻurtalash, xorijiy sherikning iqtisodiy nochorligidan (bankrotligidan) sugʻurtalash va boshqa sugʻurta xizmatlari turlarini ishlab chiqish va joriy etish. | Chora-tadbirlar kompleksi | Ishlab chiqish —2007-yil II chorak amalga oshirish — 2007—2010-yillar | Moliya vazirligi, sugʻurta tashkilotlari |
| 24. | Hayotni uzoq muddatli sugʻurtalashni, shu jumladan sugʻurtaning jamgʻarma turlarini (hayotni aralash sugʻurtalash, nikohdan oʻtishni sugʻurtalash, annuitetlarni sugʻurtalash, qoʻshimcha pensiyani sugʻurtalash, taʼlim olish xarajatlarini sugʻurtalash, davolanishni, shu jumladan chet elda davolanishni sugʻurtalash, balogʻat yoshiga yetganlikni sugʻurtalash va boshqalar) kengaytirish. | Chora-tadbirlar kompleksi | Ishlab chiqish — 2007-yil IV chorak Amalga oshirish — 2008—2010-yillar | Moliya vazirligi, sugʻurta tashkilotlari |
| 25. | Kichik biznes va xususiy tadbirkorlik subyektlarini sugʻurtalashni jadal rivojlantirish, biznesni sugʻurtalash sohasida (bankrotlikdan, foydani boy berishdan, koʻzda tutilmagan xarajatlardan, sud xarajatlaridan, professional javobgarlikdan va shu kabilardan sugʻurtalash) sugʻurtaning yangi turlarini joriy etish, ularning aniq manzilliligi, tabaqalashtirilganligi, sifati va samaradorligini oshirish. | Chora-tadbirlar kompleksi | Ishlab chiqish — 2008-yil I chorak Amalga oshirish — 2008—2010-yillar | Moliya vazirligi, sugʻurta tashkilotlari |
| 26. | Sugʻurta xizmatlariga talabni baholash boʻyicha marketing tadqiqotlarini, sugʻurta bozorini rivojlantirish boʻyicha tahliliy ishlanmalarni tashkil etish. | Marketing va boshqa tahliliy tadqiqotlar | 2007-yil III chorakdan boshlab doimo | Sugʻurta bozorining professional qatnashchilari uyushmasi |
| 27. | Oʻzbekiston Respublikasi Moliya vazirligi huzuridagi Sugʻurta nazorati davlat inspeksiyasida maʼlumotlarni yigʻish va qayta ishlashning avtomatlashtirilgan tizimini ishlab chiqish va joriy etish. | Avtomatlashtirilgan tizim | 2008-yil II chorak | Moliya vazirligi |
| 28. | Tavakkalchiliklarning barvaqt oldini olish boʻyicha test oʻtkazishning tavakkalchiliklarni baholash tizimiga asoslangan mexanizmini ishlab chiqish va joriy etish. | Chora-tadbirlar kompleksi | 2008-yil IV chorakdan boshlab | Moliya vazirligi |
| 29. | Oʻzbekistonning Sugʻurta nazorati organlari xalqaro uyushmasiga kirishi boʻyicha chora-tadbirlar kompleksini amalga oshirish. | Chora-tadbirlar kompleksi | 2008-yil mobaynida | Moliya vazirligi |
| 30. | Sugʻurta bozorining professional qatnashchilari va ularning birlashmalari bilan birgalikda aholi oʻrtasida sugʻurta madaniyatini oshirish boʻyicha maʼrifiy va tushuntirish ishlarini amalga oshirish. | Seminarlar, radio va televideniyeda eshittirishlar, koʻrsatuvlar va reklama kompaniyalari, ommaviy axborot vositalarida materiallar eʼlon qilish | doimo | Moliya vazirligi, sugʻurta kompaniyalari |
| 31. | Aholini sugʻurta bozoridagi, shu jumladan sugʻurta agentlarining noqonuniy yoxud qonunga xilof faoliyati toʻgʻrisida xabardor qilish. | Ommaviy axborot vositalarida axborotlar berish | doimo | Moliya vazirligi, sugʻurta kompaniyalari |
| III. Mamlakat sugʻurta bozorining ochiq-oydinligini va ishonchliligini taʼminlash, sugʻurtalovchilarning kapitallashuv darajasini oshirish, ularning moliyaviy barqarorligini va toʻlovga qodirligini mustahkamlash |
| 32. | Faoliyat koʻrsatayotgan sugʻurta kompaniyalarining ustav kapitallarini sugʻurta faoliyatining amalga oshirilayotgan turlaridan kelib chiqqan holda belgilangan eng kam miqdorlargacha koʻpaytirish. | Chora-tadbirlar kompleksi | 2008-yil 1-yanvargacha | Moliya vazirligi, sugʻurta kompaniyalari |
| 33. | Ustav kapitalining eng kam miqdorini belgilangan muddatlarda shakllantirishni taʼminlash imkoniyatiga ega boʻlmagan sugʻurtalovchilarni aniqlash chora-tadbirlari kompleksini amalga oshirish, ularga sugʻurta faoliyati sohasini oʻzgartirishda va qayta tashkil etishda (qoʻshilish, birlashishda) koʻmaklashish. | Chora-tadbirlar kompleksi | 2007-yil II chorak | Moliya vazirligi |
| 34. | “Oʻzagrosugʻurta”, “Kafolat” davlat-aksiyadorlik sugʻurta kompaniyalari va aksiyadorlik kompaniyasiga aylantirilayotgan “Oʻzbekinvest” kompaniyasi ustav fondlaridagi davlat ulushlarini sotish. | Tadbirlar | Hukumatning tegishli qarorlarida belgilangan muddatlarda | Davlat mulki qoʻmitasi, Moliya vazirligi, “Oʻzagrosugʻurta”, “Kafolat” davlat-aksiyadorlik sugʻurta kompaniyalari, “Oʻzbekinvest” kompaniyasi |
| 35. | Xorijiy kapital ishtirokida sugʻurta kompaniyalari tashkil etishni ragʻbatlantirish chora-tadbirlarini ishlab chiqish va amalga oshirish. | Chora-tadbirlar kompleksi | 2007-yil II chorak | Moliya vazirligi, sugʻurta kompaniyalari |
| IV. Sugʻurta sohasi xodimlarini tayyorlash, qayta tayyorlash va ularning malakasini oshirish tizimini takomillashtirish |
| 36. | Bank-moliya akademiyasi huzurida sugʻurta bozorining professional qatnashchilari xodimlari malakasini oshirish va ularni qayta tayyorlash boʻyicha doimiy faoliyat koʻrsatadigan ixtisoslashtirilgan kurslar tashkil etish. | Ixtisoslashtirilgan oʻquv kurslari | 2007-yil III chorak | Sugʻurta bozorining professional qatnashchilari uyushmasi, Bank-moliya akademiyasi |
| 37. | Sugʻurta bozorining professional qatnashchilari xodimlari uchun sugʻurtalash va sugʻurta faoliyatining dolzarb masalalari boʻyicha oʻquv-amaliy konferensiyalar va seminarlar tashkil etish. | Konferensiyalar va seminarlar | muntazam ravishda | Sugʻurta bozorining professional qatnashchilari uyushmasi, sugʻurta kompaniyalari, sugʻurta bozorining boshqa professional qatnashchilari |
| 38. | Koʻrsatib oʻtilgan tuzilmalarning qoʻshadigan ulushi hisobiga sugʻurta bozorining professional qatnashchilari xodimlari malakasini oshirish va ularni qayta tayyorlash oʻquv markazini tashkil etish. | Chora-tadbirlar kompleksi | 2008-yil I chorak | Sugʻurta bozorining professional qatnashchilari uyushmasi, sugʻurta kompaniyalari, sugʻurta bozorining boshqa professional qatnashchilari |
| 39. | Sugʻurta bozorining professional qatnashchilari uchun professional etika normalarini ishlab chiqish. | Professional etika normalari | 2008-yil II chorak | Sugʻurta bozorining professional qatnashchilari uyushmasi, sugʻurta kompaniyalari, sugʻurta bozorining boshqa professional qatnashchilari |
