Oʻzbekiston Respublikasi Vazirlar Mahkamasining 2006-yil 18-iyuldagi “Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisida”gi nizomga oʻzgartirish va qoʻshimchalar kiritish” haqidagi 139-sonli qaroriga asosan Oʻzbekiston Respublikasi Bosh prokuraturasi, Oliy sudi, Milliy xavfsizlik xizmati, Ichki ishlar vazirligi, Adliya vazirligi, Mudofaa vazirligi, Davlat bojxona qoʻmitasi qaror qiladi:

1. Tergov, surishtirish va sud davomida jinoiy ishlar va materiallar boʻyicha ashyoviy dalillar va moddiy boyliklarni olib qoʻyish, hisobga olish, saqlash, berish, sotish, qaytarish, yoʻq qilib tashlash tartibi toʻgʻrisidagi yoʻriqnoma* tasdiqlansin.

2. Mazkur qaror kuchga kirgan kundan boshlab Oʻzbekiston Respublikasi Bosh prokuraturasi, Adliya vazirligi, Ichki ishlar vazirligi, Oliy sudi, Milliy xavfsizlik xizmati, Mudofaa vazirligi tomonidan 1995-yil 23-martda 14/1-3-son bilan tasdiqlangan “Jinoyat ishlari boʻyicha olingan ashyoviy dalillar, oʻq otar qurollar, moddiy boyliklar va boshqa mulklarni olib qoʻyish, hisobga olish, saqlash, berish, yoʻq qilib tashlash tartibi toʻgʻrisida”gi yoʻriqnoma oʻz kuchini yoʻqotgan deb hisoblansin.

3. Ushbu qaror Oʻzbekiston Respublikasi Adliya vazirligida davlat roʻyxatidan oʻtgan kundan boshlab oʻn kundan soʻng kuchga kiradi.