Ўзбекистон Республикаси Солиқ кодекси, «Давлат солиқ хизмати тўғрисида»ги Ўзбекистон Республикаси Қонунининг 7-моддаси ва Ўзбекистон Республикасининг халқаро молия институтлари, шунингдек чет эл ҳукуматлари молия ташкилотлари билан тузилган халқаро шартномалари ва битимларига мувофиқ Ўзбекистон Республикаси Молия вазирлиги, Давлат солиқ қўмитаси ва Давлат божхона қўмитаси қарор қилади:

1. Ўзбекистон Республикаси томонидан жалб қилинадиган ва кафолатланадиган қарз маблағлари ҳисобига халқаро молия институтлари ва чет эл ҳукуматлари молия ташкилотлари иштирокидаги инвестиция лойиҳалари доирасида Ўзбекистон Республикаси ҳудудига олиб кириладиган ва сотиб олинадиган товарлар (ишлар, хизматлар)га солиқ солиш тўғрисида низом иловага мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киритилсин.

Мазкур Низом Ўзбекистон Республикаси Солиқ кодексига ,Ўзбекистон Республикасининг «Давлат солиқ хизмати тўғрисида»ги Қонуннинг 7-моддаси ва Ўзбекистон Республикасининг халқаро молиявий институтлар (ХТТБ, ХТА, ОТБ, ЕТТБ, ИТБ, ОПЕК Фонди ва бошқалар, кейинги ўринларда ХМИ деб аталади) билан халқаро кредит (қарз) ва (ёки) кафолат шартномалари ва келишувлари ҳамда чет эл ҳукуматлари молиявий ташкилотлари томонидан тақдим этиладиган имтиёзли кредитларга (Корея Республикаси иқтисодий ривожланишига кўмаклашув фонди, Испания Қироллиги расмий кредитлар институти, Қувайт араб иқтисодиёти юксалиши фонди ва бошқалар, кейинги ўринларда ХҲМТ деб аталади) мувофиқ ишлаб чиқилган бўлиб, Ўзбекистон Республикаси ҳудудига ХМИ ва ХҲМТ инвестицион лойиҳалари иштироки доирасида олиб кирилаётган маҳсулотлар (иш, хизматлар) ни солиққа тортиш тартибини белгилайди.

1. Ўзбекистон Республикаси Солиқ кодексининг 4-моддасига кўра, агарда Ўзбекистон Республикасининг халқаро шартномаларида ушбу кодексда назарда тутилмаган бошқа шартлар қўйилган тақдирда халқаро шартнома қоидалари қўлланилади.

2. Кредит (қарз) ва (ёки) кафолат шартномалари ва келишувлари (кейинги ўринларда қарз келишуви деб аталади) асосида тақдим этилган қарз маблағлари ҳисобидан Қарздор ёки Кафилнинг ҳар қандай солиқлар тўлови учун ҳисоб рақамидан тўловлар ундирилмайди ёки уларнинг ҳудудида товарлардан ва хизматдан ёки импортдан, ишлаб чиқариш, харид қилиш ва тақдим қилиш агарда бу қарз келишувларида назарда тутилган бўлса.

3. Қарз/кредитнинг асосий суммаси, фоизлари ва у бўйича ҳисобланган бошқа комиссиялар Ўзбекистон Республикаси томонидан ундириладиган солиқларни кўзда тутмаган ҳолда тўланади, агар қарз келишувида белгиланган бўлса, Қарздор ёки Кафил улардан озод қилинади.

4. Агар Ўзбекистон Республикасининг ХМИ ва ХҲМТ билан тузилган қарз шартномаси низомида қарз маблағлари ҳисобига харид қилинган товарлар (иш, хизматлар)ни сотиб олишда солиқлар (йиғимлар) ва божхона тўловларидан озод этиш шартлари бўлса, бундай холларда шундай халқаро шартномаларнинг талаблари қўлланилади.

Бундай меъёр ХМИ ва ХҲМТ дан олинган қарз маблағлари ҳисобига импорт қилинган ва Ўзбекистон Республикаси ҳудудида харид қилинган товарлар (иш, хизматлар) учун татбиқ этилади.

Бунда, ХМИ ва ХҲМТнинг қарз маблағлари доирасида фаолият олиб бораётган лойиҳа иштирокчилари қуйидагилар учун тўловларни амалга оширмайди:

қўшилган қиймат солиғи;

акциз солиғи;

божхона божлари;

Ўзбекистон Республикаси Ички ишлар вазирлиги идораларида рўйхатдан ўтказиш давомида сотиб олувчилар томонидан лойиҳа доирасида харид қилинган автотранспорт воситаларининг нархидан Республика йўл жамғармасига йиғимлар;

Бюджетдан ташқари Пенсия жамғармасига, Республика йўл жамғармаси ва бюджетдан ташқари мактаб таълимини ривожлантириш жамғармасига мажбурий ажратмалар.

Агар Ўзбекистон Республикаси Ҳукумати алоҳида қарори билан ёки қарз шартномасида кўрсатилган бўлса, Ўзбекистон томонидан биргаликда молиялаштириш ҳисобидан сотиб олинган товарлар (ишлар, хизматлар) бўйича ҳам кўрсатилган солиқлар (йиғимлар) ва божхона тўловлари учун тўловлар амалга оширилмайди.

ХМИ ва ХҲМТнинг қарз маблағлари доирасида фаолият олиб бораётган лойиҳа иштирокчиларига қуйидагилар киради:

лойиҳа бўйича ижрочи орган (Лойиҳани амалга ошириш гуруҳи ёки Лойиҳани бошқариш гуруҳи ва бошқа);

буюртма берувчи-ижрочи органга лойиҳа бўйича ишлар бажарувчилар, шу жумладан, бажарилган иш ҳажмини «тайёр» ҳолатида топширувчи пудратчи-юридик шахслар;

товарлар (ишлар, хизматлар)ни амалга оширувчи юридик шахслар (субпудратчилар, етказиб берувчилар) лойиҳа бўйича бажарувчилар, шунингдек пудратчилар, тендерда ғолиб бўлган, тузилган шартнома бўйича лойиҳани амалга оширувчи.

5. Лойиҳа иштирокчиларига маҳсулотлар(ишлар, хизматлар)ни амалга оширишда қўшимча қиймат солиғи ҳисоб-фактурада кўрсатилмайди ва «қўшимча қиймат солиғисиз» штампи қўйилади (ёки ёзиб қўйилади). Бунда лойиҳа қатнашчилари қўшимча қиймат солиғи суммасини улар томонидан олинадиган моддий ресурслар ишлаб чиқариш харажатларига киритилади.

Юридик шахслар (субпудратчилар, етказиб берувчилар), лойиҳани амалга ошириш бўйича тендерда ғолиб бўлган пудратчига маҳсулотни (иш, хизматларни) сотувчилар, ҳисоб-фактурада лойиҳа бўйича ижрочи орган ва пудратчи ўртасида тузилган асосий шартномага ҳавола келтиради.

6. Божхона тўловлари бўйича имтиёз лойиҳани бажарувчи органга шунингдек лойиҳани ижро этувчи бўйича тендерда ғолиб бўлган пудратчиларга берилади. Бунда имтиёзни олиш учун божхона органларига лойиҳа доирасида амалга ошириладиган, шунингдек, имтиёзларга эга бўлиш учун лойиҳани ижро этувчи орган лойиҳани молиялаштириш манбалари ҳақидаги тасдиғини божхона органларига тақдим қилади.

7. Агарда Низом ишга тушгунига кадар корхоналар солиқларни Низом нормаларини ҳисобга олмаган холда чиқариб ташлаган бўлса, бу тоифага кирувчи корхоналарга қайта солиқ ҳисоблаш ва молиявий санкциялар қўлланилмайди.