Т/р

Чора-тадбирлар номи

Амалга ошириш механизми

Ижро муддати

Масъул ижрочилар

I. Зўравонликдан жабрланган болаларни ижтимоий қўллаб-қувватлаш тизимини жорий этиш

1.

Зўравонликдан жабрланган болаларни «Нажот» болалар марказига йўналтириш ҳамда терговга қадар текширув ва дастлабки тергов жараёнида улар билан боғлиқ процессуал ҳаракатларни амалга оширишни ташкиллаштириш тартибини ишлаб чиқиш.

Идоралараро қўшма қарор

2026 йил октябрь

Бош прокуратура,

Ички ишлар вазирлиги,

Ижтимоий ҳимоя миллий агентлиги,

Соғлиқни сақлаш вазирлиги,

Олий суд

2.

«Нажот» болалар марказида зўравонликдан жабрланган болаларга хизмат кўрсатиш стандартини ишлаб чиқиш.

Стандарт лойиҳасини ишлаб чиқиш

2026 йил октябрь

Ижтимоий ҳимоя миллий агентлиги,

Бош прокуратура,

Ички ишлар вазирлиги,

Соғлиқни сақлаш вазирлиги

3.

«Нажот» болалар маркази ходимларини халқаро стандартларга мувофиқ ишлаб чиқарилган дастур асосида махсус тайёргарликдан ўтказиш ва малакасини ошириш.

Ташкилий чора-тадбирлар

2026 йил октябрь — декабрь

Ижтимоий ҳимоя миллий агентлиги

4.

Самарқанд вилоятида камида 2 нафардан прокуратура органининг ходими (интервьюер сифатида), суд-тиббий экспертизасини амалга оширувчи мутахассис, судья ва терговчиларни халқаро стандартларга асосланган дастур асосида махсус тайёргарликдан ўтказиш.

Бунда махсус тайёргарликдан ўтказишда аёл ходимларга устуворлик берилишига эътибор қаратиш.

Ташкилий чора-тадбирлар

2026 йил октябрь — декабрь

Бош прокуратура,

Ички ишлар вазирлиги,

Соғлиқни сақлаш вазирлиги,

Олий суд

5.

Самарқанд вилояти Самарқанд шаҳар суди биносида болалар учун ихтисослашган хона ташкил этиш. Ушбу хонани болаларнинг ёши ва руҳий ҳолатини инобатга олган ҳолда мослаштириш.

Ташкилий чора-тадбирлар

2026 йил декабрь

Олий суд

6.

Ижобий натижаларини инобатга олган ҳолда «Нажот» болалар маркази намунасидаги марказларни республиканинг қолган ҳудудларида ташкил этиш бўйича таклифлар ишлаб чиқиш ва Ўзбекистон Республикаси Президенти Администрациясига киритиш.

Ахборот таҳлилий маълумотнома

2028 йил декабрь

Ижтимоий ҳимоя миллий агентлиги,

Бош прокуратура,

Ички ишлар вазирлиги,

Олий суд

II. Зўравонликдан жабрланган ёки унга гувоҳ бўлган болаларга ҳуқуқий хизмат кўрсатиш тизимини такомиллаштириш

7.

Ваколатли органлар сўровлари асосида жиноят иши бўйича жабрланувчи ёки гувоҳ сифатида жалб қилинган болаларни махсус тайёргарликдан ўтган адвокатлар билан таъминлаш. Бунда:

а) Вазирлар Маҳкамасининг 2024 йил 21 ноябрдаги 774-сон қарори билан тасдиқланган Давлат ҳисобидан юридик ёрдам кўрсатадиган адвокатларни жалб этиш ва уларга ҳақ тўлаш тартиби тўғрисидаги низомни қайта кўриб чиқиш ҳамда унда ваколатли органлар сўровлари асосида процессуал хатти-ҳаракатларга жалб этилган зўравонликдан жабрланган ва зўравонликка гувоҳ бўлган болаларни махсус тайёргарликдан ўтган адвокатлар билан таъминлаш тартибини киритиш;

б) «Юридик ёрдам» ахборот тизимида ваколатли органлар сўровлари асосида процессуал хатти-ҳаракатларга жалб этилган зўравонликдан жабрланган ва зўравонликка гувоҳ бўлган болаларни махсус тайёргарликдан ўтган адвокатлар билан таъминлаш имкониятини яратиш.

Норматив-ҳуқуқий ҳужжат лойиҳасини ишлаб чиқиш

2026 йил декабрь

Адлия вазирлиги,

Иқтисодиёт ва молия вазирлиги,

манфаатдор вазирлик ва идоралар

III. «Ишонч телефони» фаолиятини ташкил этиш

8.

Болаларни зўравонликнинг барча шаклларидан ҳимоя қилиш, уларга ижтимоий, психологик ва ҳуқуқий хизмат кўрсатиш мақсадида туну кун фаолият кўрсатувчи «1246» махсус қисқа рақамли «ишонч телефони» орқали келиб тушган мурожаатларни таҳлил қилиш.

Ташкилий чора-тадбирлар

2026 йил декабрь

Ижтимоий ҳимоя миллий агентлиги

9.

Зўравонликдан жабрланган болаларнинг мурожаатларини тегишлилиги бўйича прокуратура, соғлиқни сақлаш ёки ички ишлар органларига йўналтириш (стандарт операцион) тартибини ишлаб чиқиш ҳамда тасдиқлаш.

Идоралараро қўшма қарор

2026 йил октябрь

Ижтимоий ҳимоя миллий агентлиги,

Ички ишлар вазирлиги,

Соғлиқни сақлаш вазирлиги

10.

«1246» махсус қисқа рақамли «ишонч телефони»ни «112» қисқа рақам орқали фуқароларнинг чақирувларини қабул қилиш ва автоматлаштирилган тарзда қайта ишлаш имконини берувчи ягона диспетчерлик хизмати билан «Рақамли ҳукумат» тизимининг идоралараро интеграциялашув платформаси орқали интеграция қилиш.

Ташкилий чора-тадбирлар

2026 йил октябрь

Рақамли технологиялар вазирлиги,

Ижтимоий ҳимоя миллий агентлиги

11.

Болаларни зўравонликнинг барча шаклларидан ҳимоя қилиш, уларга ижтимоий, психологик ва ҳуқуқий хизмат кўрсатиш мақсадида туну кун фаолият кўрсатувчи «1246» махсус қисқа рақамли «ишонч телефони» медиа тарғиботини амалга ошириш.

Ташкилий чора-тадбирлар

2026 йил декабрь

Ижтимоий ҳимоя миллий агентлиги,

Ўзбекистон Миллий телерадиокомпанияси,

Ўзбекистон Миллий ахборот агентлиги