Oʻzbekiston Respublikasi Prezidentining 2026-yil 12-sentabrdagi PQ-326-son “Aholini suyultirilgan gaz bilan taʼminlash tizimini isloh qilish va bozor mexanizmlarini bosqichma-bosqich joriy etish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi qishloq xoʻjaligi vazirining 2026-yil 30-iyundagi 51-son buyrugʻi (roʻyxat raqami 3912, 2026-yil 29-iyul) (Qonunchilik maʼlumotlari milliy bazasi, 29.07.2026 y., 10/26/3912/0796-son) bilan tasdiqlangan Qishloq xoʻjaligi korxonalari tomonidan birja savdolari orqali xarid qilingan dizel yoqilgʻisi qiymatining bir qismini qoplash uchun subsidiya ajratish tartibi toʻgʻrisidagi vaqtinchalik nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Bosh prokuraturasi, Iqtisodiyot va moliya vazirligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Savdo-sanoat palatasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. 3-band quyidagi tahrirda bayon etilsin:

“3. Subsidiya agrotexnologik xaritada nazarda tutilgan paxta va bugʻdoy yetishtirish hamda hosilni yigʻib-terib olishga oid agrotexnik tadbirlarni amalga oshirish uchun isteʼmolchi tomonidan birja savdolari orqali xarid qilingan dizel yoqilgʻisining har bir tonnasi uchun quyidagi miqdorlarda proaktiv shaklda ajratiladi:

2026-yil 1-apreldan 1-iyulga qadar — uning qiymatining 13 million soʻmdan oshgan qismi uchun, biroq 2 million soʻmdan koʻp boʻlmagan miqdorda;

2026-yil 1-iyuldan 1-dekabrga qadar — uning qiymatining 15 million soʻmdan oshgan qismi uchun, biroq 2 million soʻmdan koʻp boʻlmagan miqdorda.

Bunda isteʼmolchi subsidiyani olish uchun oʻziga tegishli ekin yer maydonlarini konturlar hamda qishloq xoʻjaligi mahsulotlari turlari kesimida belgilangan tartibda Agroportalga kiritgan boʻlishi lozim.”.

2. 4-band “13 million soʻmdan” degan soʻzlardan keyin “, 2026-yil 1-iyuldan 2026-yil 1-dekabrga qadar har bir tonnasi 15 million soʻmdan” degan soʻzlar bilan toʻldirilsin.

3. 5-bandning birinchi xatboshisi “2026-yil aprel — iyun” degan soʻzlardan keyin “va (yoki) 2026-yil iyul — noyabr” degan soʻzlar bilan toʻldirilsin.

4. 9-bandning yettinchi va sakkizinchi xatboshilari “aprel — iyun” degan soʻzlardan keyin “va (yoki) iyul — noyabr” degan soʻzlar bilan toʻldirilsin.

5. 10-bandning oltinchi xatboshisidagi “(13 000 000 soʻm)” degan soʻzlar “(aprel — iyun oylari uchun 13 000 000 soʻm, iyul — noyabr oylari uchun 15 000 000 soʻm)” degan soʻzlar bilan almashtirilsin.

6. 12-bandning toʻrtinchi xatboshisi “aprel — iyun” degan soʻzlardan keyin “hamda iyul — noyabr” degan soʻzlar bilan toʻldirilsin.