Ўзбекистон Республикасининг 2022 йил 30 декабрдаги ЎРҚ-812-сон «Солиқ ва бюджет сиёсатининг 2023 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонуни, Ўзбекистон Республикаси Президентининг 2022 йил 30 декабрдаги ПҚ-471-сон «Ўзбекистон Республикасининг «2023 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ҳамда 2022 йил 21 апрелдаги ПҚ-214-сон «Касаначиликни ривожлантириш асосида аҳоли бандлигини таъминлашга доир қўшимча чора-тадбирлар тўғрисида»ги қарорларига мувофиқ буюраман:

1. Ўзбекистон Республикаси Давлат солиқ қўмитасининг 2020 йил 28 январдаги 2020-03-сон «Солиқ ҳисоботининг шаклларини тасдиқлаш тўғрисида»ги қарорининг (рўйхат рақами 3221, 2020 йил 24 февраль) (Қонун ҳужжатлари маълумотлари миллий базаси, 24.02.2020 й., 10/20/3221/0203-сон) 1 — 9-иловалари иловага мувофиқ таҳрирда баён этилсин.

2. Мазкур қарор расмий эълон қилинган кундан эътиборан кучга киради.

Қўшилган қиймат солиғи бўйича солиқ ҳисоботи шакллари 1-иловага мувофиқ.

Акциз солиғи бўйича солиқ ҳисоботи шакллари 2-иловага мувофиқ.

Фойда солиғи бўйича солиқ ҳисоботи шакллари 3-иловага мувофиқ.

Жисмоний шахслардан олинадиган даромад солиғи ва ижтимоий солиқ бўйича солиқ ҳисоботи шакллари 4-иловага мувофиқ.

Ер қаъридан фойдаланганлик учун солиқ бўйича солиқ ҳисоботи шакллари 5-иловага мувофиқ.

Сув ресурсларидан фойдаланганлик учун солиқ ҳисоботи шакллари 6-иловага мувофиқ.

Юридик шахсларнинг мол-мулкига солинадиган солиқ бўйича солиқ ҳисоботи шакллари 7-иловага мувофиқ.

Юридик шахслардан олинадиган ер солиғи бўйича солиқ ҳисоботи шакллари 8-иловага мувофиқ.

Айланмадан олинадиган солиқ бўйича солиқ ҳисоботи шакллари 9-иловага мувофиқ.