«Давлат кадастрлари тўғрисида»ги Ўзбекистон Республикаси Қонунига ва Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизимини яратиш ва юритиш тартиби тўғрисидаги низомга мувофиқ Вазирлар Маҳкамаси қарор қилади:

1. Қуйидагилар:

Автомобиль йўллари давлат кадастрини юритиш тартиби тўғрисидаги низом 1-иловага мувофиқ;

Темир йўллар давлат кадастрини юритиш тартиби тўғрисидаги низом 2-иловага мувофиқ;

Етказиб бериш қувурлари давлат кадастрини юритиш тартиби тўғрисидаги низом 3-иловага мувофиқ;

Алоқа объектлари давлат кадастрини юритиш тартиби тўғрисидаги низом 4-иловага мувофиқ;

Энергетика объектлари давлат кадастрини юритиш тартиби тўғрисидаги низом 5-иловага мувофиқ;

Табиий хавф юқори бўлган зоналар давлат кадастрини юритиш тартиби тўғрисидаги низом 6-иловага мувофиқ;

Техноген хавф юқори бўлган зоналар давлат кадастрини юритиш тартиби тўғрисидаги низом 7-иловага мувофиқ тасдиқлансин.

2. «Ергеодезкадастр» давлат қўмитаси тегишли ваколатли органлар билан биргаликда ушбу қарор билан тасдиқланган низомларга мувофиқ давлат кадастрларининг шакллантирилиши ва юритилиши тўғрисида 2006 ва 2007 йил июлида Вазирлар Маҳкамасига ахборот берсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг тегишли ўринбосарлари зиммасига юклансин.

1. Автомобиль йўллари давлат кадастри (АЙДК) «Давлат кадастрлари тўғрисида», «Автомобиль йўллари тўғрисида»ги Ўзбекистон Республикаси қонунларига ва Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ва мазкур Низомга мувофиқ юритилади.

2. АЙДК — бу автомобиль йўллари объектлари, уларнинг жуғрофий ҳолати, ҳуқуқий мақоми, миқдор ва сифат тавсифлари ва иқтисодий баҳолаш тўғрисидаги янгиланиб туриладиган ишончли ахборот тизими.

3. АЙДК ДКЯТнинг таркибий қисми ҳисобланади ҳамда автомобиль йўллари объектларини ҳисобга олиш ва уларнинг ҳолатини баҳолаш мақсадида юритилади.

4. Мавжуд бўлган ва қурилаётган автомобиль йўллари, махсус иншоотлар ҳамда Ўзбекистон Республикаси ҳудудида жойлашган автомобиль йўлларининг бошқа объектлари АЙДК объектлари ҳисобланади.

5. «Ўзавтойўл» давлат-акциядорлик компанияси АЙДКни юритиш бўйича ваколатли орган ҳисобланади.

6. АЙДК давлат ҳокимияти ва бошқарув органларини, «Ўзавтойўл» давлат-акциядорлик компаниясини, манфаатдор юридик ва жисмоний шахсларни автомобиль йўллари объектлари тўғрисидаги ишончли кадастр ахборотлари билан таъминлаш учун мўлжалланган.

7. Қуйидагилар АЙДКни юритишнинг асосий принциплари ҳисобланади:

Ўзбекистон Республикасининг автомобиль йўллари объектларини тўлиқ қамраб олиш;

макон координаталарининг ягона тизимини ва ягона топография асосларини қўллаш;

барча объектлар бўйича кадастр ахборотларини шакллантиришнинг ягона методологияси;

кадастр ахборотларининг ишончлилиги, кўргазмалилиги ва ҳужжатлилиги;

кадастр ахборотларининг очиқлиги.

8. АЙДКни юритиш автомобиль йўллари объектларини хатлаш, ҳисобга олиш, баҳолаш билан таъминланади ҳамда давлат ер кадастри кадастр ахборотларидан ҳамда бинолар ва иншоотлар давлат кадастридан мажбурий фойдаланилишини назарда тутади.

9. Автомобиль йўллари объектларига тегишли бўлган ер участкалари, бинолар ва иншоотларга бўлган ҳуқуқларни давлат рўйхатидан ўтказиш кўчмас мулкка бўлган ҳуқуқларни рўйхатдан ўтказиш учун белгиланган тартибда ваколатли органлар томонидан амалга оширилади.

10. Автомобиль йўллари объектларига тегишли бўлган, давлат ер кадастридан АЙДКга берилаётган ер участкалари тўғрисидаги ер-кадастр ахборотида мақсадли фойдаланилиши бўйича ернинг таркиби тўғрисидаги, ер участкаларига бўлган ҳуқуқ давлат рўйхатидан ўтказилганлиги (шу жумладан ердан фойдаланишда сервитутларда белгиланган мавжуд чеклашлар ва тақиқлар тўғрисидаги маълумотлар), ернинг миқдори ва сифати тўғрисидаги маълумотлар бўлиши керак.

11. Бино ва иншоотлар давлат кадастридан АЙДКга берилаётган автомобиль йўллари объектларига тегишли бўлган бинолар ва иншоотлар тўғрисидаги кадастр ахборотида улардан мақсадли фойдаланилиши, ҳуқуқларнинг давлат рўйхатидан ўтказилиши, асосий миқдор ва сифат тавсифлари тўғрисидаги маълумотлар бўлиши керак.

12. АЙДКни юритиш қоғоз ва/ёки электрон манбаларда амалга оширилади.

13. Автомобиль йўллари объектлари тўғрисидаги тизимлаштирилган кадастр ахбороти ДКЯТга белгиланган тартибда берилади.

14. АЙДКни яратиш ва юритиш ишларини молиялаштириш Ўзбекистон Республикаси Молия вазирлиги ҳузуридаги Республика йўл жамғармаси маблағлари ҳисобига амалга оширилади.

15. АЙДКни юритиш «Ўзавтойўл» давлат-акциядорлик компаниясининг қуйидаги таркибий бўлинмалари:

«Ўзавтойўл» давлат-акциядорлик компаниясининг ваколатли ташкилоти;

ҳудудий шўъба йўл-қурилиш ташкилотларининг кадастр бўлинмаси томонидан амалга оширилади.

АЙДКни юритиш ишларига умумий раҳбарликни «Ўзавтойўл» давлат-акциядорлик компанияси раиси амалга оширади.

АЙДКни юритишни методик таъминлаш «Ўзавтойўл» давлат-акциядорлик компанияси томонидан амалга оширилади.

16. АЙДКни юритиш мазкур Низомга иловага мувофиқ схемага биноан амалга оширилади.

17. «Ўзавтойўл» давлат-акциядорлик компаниясининг ваколатли ташкилоти:

автомобиль йўллари давлат кадастрининг автоматлаштирилган ахборот тизими жорий этилиши ва мавжуд бўлишини таъминлайди;

маълумотлар базаси тузилмасини ишлаб чиқади, уни йўл корхоналарига беради, маълумотлар базаси тўғри тўлдирилиши устидан назорат қилади;

ҳудудий шўъба йўл-қурилиш ташкилотларининг кадастр билан ишлайдиган ходимларини автомобиль йўллари давлат кадастрининг автоматлаштирилган ахборот тизими билан ишлашга ўқитишни ташкил этади;

ҳудудий шўъба йўл-қурилиш ташкилотлари томонидан тақдим этилган кадастр ахборотларини тизимлаштиради ва уни автомобиль йўллари давлат кадастрининг автоматлаштирилган ахборот тизимига киритади;

автомобиль йўлларининг янги объектлари тўғрисидаги ҳисобга олиш ва баҳолаш маълумотлари тўпланиши устидан назорат қилади;

кадастр ахборотлари ДКЯТга тезкор берилишини амалга оширади;

ҳар йили белгиланган тартибда ДКЯТга «Ўзавтойўл» давлат-акциядорлик компаниясининг автомобиль йўллари объектларининг ҳолати ва улардан фойдаланиш тўғрисида ҳисобот тақдим этади.

18. «Ўзавтойўл» давлат-акциядорлик компаниясининг ҳудудий шўъба йўл-қурилиш ташкилотлари:

автомобиль йўллари объектларининг миқдор ва сифат ҳолатидаги жорий ўзгаришлар, уларнинг атроф муҳитга таъсири, экологик-иқтисодий баҳолаш тўғрисидаги ахборотларни тўплайди ва тизимлаштиради;

автомобиль йўллари объектлари кадастр дафтарларини юритади, маълумотлар базасини тўлдиради ва уларни тизимлаштириш ва автомобиль йўллари давлат кадастрининг автоматлаштирилган ахборот тизимига киритиш учун «Ўзавтойўл» давлат-акциядорлик компанияси ваколатли ташкилотининг кадастр бўлимига беради;

автомобиль йўлларининг янги объектларини ҳисобга қўяди, улар тўғрисидаги ҳисобга олиш ва баҳолаш маълумотларини тўплайди.

19. «Ўзавтойўл» давлат-акциядорлик компанияси тизимидан ташқарида мавжуд бўлган автомобиль йўллари объектларининг эгалари/фойдаланувчилар «Ўзавтойўл» давлат-акциядорлик компаниясининг ваколатли ташкилотига кадастр объектларининг жуғрофий ҳолати, ҳуқуқий мақоми, миқдор тавсифлари ва баҳоланиши, шунингдек улар ҳолатининг жорий ўзгаришлари тўғрисидаги ахборотни тақдим этиши шарт.

20. АЙДКни юритиш автомобиль йўллари объектларининг барча турларини рўйхатдан ўтказишдан, уларнинг миқдор ва сифат тавсифларини ҳисобга олишдан, объектларни экологик-иқтисодий баҳолашдан, шунингдек кадастр ахборотларини тўплаш, таҳлил қилиш, тизимлаштириш, сақлаш, янгилашдан ва уни қонунда белгиланган тартибда манфаатдор фойдаланувчиларга тақдим этишдан иборатдир.

21. Автомобиль йўллари объектлари рўйхати уларнинг миқдор ва сифат тавсифларини ҳисобга олиш, экологик-иқтисодий баҳолаш учун асос ҳисобланади.

22. Автомобиль йўллари объектларининг барча турлари бирламчи рўйхатга олиниши керак. Бунда асосий кўрсаткичлар қайд этилади. Асосий кўрсаткичларнинг таркиби «Ергеодезкадастр» давлат қўмитаси билан келишув бўйича «Ўзавтойўл» давлат-акциядорлик компанияси томонидан тасдиқланадиган тегишли норматив ҳужжатлар билан белгиланади. Рўйхат натижалари бўйича ҳар бир объектга паспорт тузилади.

23. Миқдор ва сифат тавсифларининг асосий ҳисобга олиниши ҳисобга қўйиш пайтида фойдаланишга топширилган ва мавжуд бўлган автомобиль йўлларининг ҳар бир объекти бўйича амалга оширилади.

Автомобиль йўллари объектлари тавсифларида юз берадиган бундан кейинги ўзгаришлар жорий ҳисобга олишда қайд этилади.

24. Автомобиль йўллари объектларининг миқдор ва сифат тавсифлари ҳисобга қўйилиши уларнинг иқтисодий, технологик ва экологик белгилар бўйича таснифланишини ўз ичига олади, уларнинг таркиби АЙДКни юритиш бўйича норматив ҳужжатлар билан белгиланади.

Автомобиль йўллари объектларининг миқдор ва сифат тавсифларини ҳисобга олиш учун «Ергеодезкадастр» давлат қўмитаси билан келишув бўйича «Ўзавтойўл» давлат-акциядорлик компанияси томонидан техник параметрлар ва кадастр ахборотини тақдим этиш форматлари ишлаб чиқилади.

Ҳисобга олиш ахбороти корхонанинг кадастр дафтарига ёзилади ва автомобиль йўллари давлат кадастрининг автоматлаштирилган ахборот тизимига киритилади.

25. Автомобиль йўллари объектларини иқтисодий баҳолаш автомобиль йўллари ҳар бир объектининг қийматини белгилаш, солиқ солиш, хусусийлаштириш ва бошқа мақсадлар учун ўтказилади.

Автомобиль йўллари объектларини иқтисодий баҳолаш ўзига хосликлар ҳисобга олинган ҳолда қонун ҳужжатларида белгиланган тартибда амалга оширилади.

26. Автомобиль йўллари объектлари тўғрисидаги кадастр ахборотининг ишончлилиги учун таркибий бўлинмалар раҳбарлари ва «Ўзавтойўл» давлат-акциядорлик компаниясининг АЙДКни юритадиган ваколатли шахслари жавоб берадилар.

1. «Ўзавтойўл» давлат-акциядорлик компанияси тизимида ва «Ўзавтойўл» давлат-акциядорлик компанияси тизимидан ташқарида мавжуд бўлган автомобиль йўллари объектлари эгалари/фойдаланувчилар кадастр ахборотларини автомобиль йўллари объектлари бўйича ҳудудий шуъба йўл-қурилиш ташкилотларининг кадастр бўлинмаларига тақдим этадилар.

2. Ҳудудий шуъба йўл-қурилиш ташкилотларининг кадастр бўлинмалари ушбу объектларнинг эгалари ва фойдаланувчилардан автомобиль йўллари объектлари бўйича кадастр ахборотларини тўплайдилар, ўз ҳудудлари доирасида кадастр ишини шакллантирадилар, автомобиль йўллари объектлари бўйича ахборотни АЙДКни юритиш бўйича ваколатли ташкилотга тақдим этадилар.

3. АЙДКни юритиш бўйича ваколатли ташкилот давлат ер кадастридан ҳамда бинолар ва иншоотлар давлат кадастридан ер участкалари, бинолар ва иншоотлар тўғрисидаги ахборотни олади.

4. АЙДКни юритиш бўйича ваколатли ташкилот автомобиль йўллари объекти АЙДКга киритилгандан кейин кадастр ахборотларини «Ергеодезкадастр» давлат қўмитаси ДКЯТнинг маълумотлар базасига беради.

5. АЙДКни юритиш бўйича ваколатли ташкилот сўров бўйича ДКЯТ маълумотлар базасидан автомобиль йўллари объектлари бўйича ахборот олиши мумкин.

6. АЙДКни юритиш бўйича ваколатли ташкилот автомобиль йўллари объектлари бўйича зарур ахборотни ҳудудий шуъба-йўл қурилиш ташкилотларининг кадастр бўлинмаларига юборади.

7. ДКЯТ маълумотлар базасидан фойдаланувчилар сўров бўйича автомобиль йўллари объектлари бўйича кадастр ахборотларини олишлари мумкин.

1. Темир йўллар давлат кадастри (ТЙДК) «Давлат кадастрлари тўғрисида»ги Ўзбекистон Республикаси Қонунига ва Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ва мазкур Низомга мувофиқ юритилади.

2. ТЙДК — бу темир йўллар объектлари, уларнинг жуғрофий ҳолати, ҳуқуқий мақоми, миқдор ва сифат тавсифлари ва иқтисодий баҳолаш тўғрисидаги янгиланиб туриладиган ишончли ахборот тизими.

3. ТЙДК ДКЯТнинг таркибий қисми ҳисобланади ҳамда темир йўллар объектларини ҳисобга олиш ва уларнинг ҳолатини баҳолаш мақсадида юритилади.

4. Мавжуд бўлган ва қурилаётган темир йўллар, станциялар ҳамда Ўзбекистон Республикаси ҳудудида жойлашган темир йўлларнинг бошқа объектлари ТЙДК объектлари ҳисобланади.

5. «Ўзбекистон темир йўллари» давлат-акциядорлик компанияси ТЙДКни юритиш бўйича ваколатли орган ҳисобланади.

6. ТЙДК давлат ҳокимияти ва бошқарув органларини, «Ўзбекистон темир йўллари» давлат-акциядорлик компаниясини, манфаатдор юридик ва жисмоний шахсларни темир йўл объектлари тўғрисидаги ишончли кадастр ахборотлари билан таъминлаш учун мўлжалланган.

7. Қуйидагилар ТЙДКни юритишнинг асосий принциплари ҳисобланади:

Ўзбекистон Республикаси бутун ҳудудининг темир йўл объектларини тўлиқ қамраб олиш;

макон координаталарининг ягона тизимини ва ягона топография асосларини қўллаш;

барча объектлар бўйича кадастр ахборотларини шакллантиришнинг ягона методологияси;

кадастр ахборотларининг ишончлилиги, кўргазмалилиги ва ҳужжатлилиги;

кадастр ахборотларининг очиқлиги.

8. ТЙДКни юритиш темир йўл объектларини хатлаш, ҳисобга олиш, баҳолаш билан таъминланади ҳамда давлат ер кадастри кадастр ахборотларидан ҳамда бинолар ва иншоотлар давлат кадастридан мажбурий фойдаланилишини назарда тутади.

9. Темир йўл объектларига тегишли бўлган ер участкалари, бинолар ва иншоотларга бўлган ҳуқуқларни давлат рўйхатидан ўтказиш кўчмас мулкка бўлган ҳуқуқларни рўйхатдан ўтказиш учун белгиланган тартибда ваколатли органлар томонидан амалга оширилади.

10. Темир йўл объектларига тегишли бўлган, давлат ер кадастридан ТЙДКга берилаётган ер участкалари тўғрисидаги ер-кадастр ахборотида мақсадли фойдаланилиши бўйича ернинг таркиби тўғрисидаги, ер участкаларига бўлган ҳуқуқ давлат рўйхатидан ўтказилганлиги (шу жумладан ердан фойдаланишда сервитутларда белгиланган мавжуд чеклашлар ва тақиқлар тўғрисидаги маълумотлар), ернинг миқдори ва сифати тўғрисидаги маълумотлар бўлиши керак.

11. Бино ва иншоотлар давлат кадастридан ТЙДКга берилаётган темир йўл объектларига тегишли бўлган бинолар ва иншоотлар тўғрисидаги кадастр ахборотларида улардан мақсадли фойдаланилиши, ҳуқуқларнинг давлат рўйхатидан ўтказилиши, асосий миқдор ва сифат тавсифлари тўғрисидаги маълумотлар бўлиши керак.

12. ТЙДКни юритиш қоғоз ва/ёки электрон манбаларда амалга оширилади.

13. Темир йўл объектлари тўғрисидаги тизимлаштирилган кадастр ахбороти ДКЯТга белгиланган тартибда берилади.

14. ТЙДКни яратиш ва юритиш ишларини молиялаштириш «Ўзбекистон темир йўллари» давлат-акциядорлик компанияси маблағлари ҳисобига амалга оширилади.

15. ТЙДКни юритиш «Ўзбекистон темир йўллари» давлат-акциядорлик компаниясининг қуйидаги таркибий бўлинмалари:

«Ўзбекистон темир йўллари» давлат-акциядорлик компаниясининг Стратегик ривожланиш бошқармасининг темир йўллар давлат кадастри бўлими;

темир йўл корхоналарининг кадастр бўлинмалари томонидан амалга оширилади.

ТЙДКни юритиш бўйича ишларга умумий раҳбарлик қилишни «Ўзбекистон темир йўллари» давлат-акциядорлик компаниясининг бош менежери – бош муҳандиси амалга оширади.

ТЙДКни юритишни методик таъминлашни «Ўзбекистон темир йўллари» давлат-акциядорлик компанияси амалга оширади.

16. ТЙДКни юритиш мазкур Низомга иловага мувофиқ схемага биноан амалга оширилади.

17. Темир йўллар давлат кадастри бўлими:

темир йўллар давлат кадастрининг автоматлаштирилган ахборот тизими жорий этилиши ва мавжуд бўлишини таъминлайди;

маълумотлар базаси тузилмасини ишлаб чиқади, уни темир йўл корхоналарига беради, маълумотлар базаси тўғри тўлдирилиши устидан назорат қилади;

корхоналарнинг кадастр билан ишлайдиган ходимларини темир йўллар давлат кадастрининг автоматлаштирилган ахборот тизими билан ишлашга ўқитишни ташкил этади;

корхоналар томонидан тақдим этилган кадастр ахборотини тизимлаштиради ва уни темир йўллар давлат кадастрининг автоматлаштирилган ахборот тизимига киритади;

темир йўлларнинг янги объектлари тўғрисидаги ҳисобга олиш ва баҳолаш маълумотлари тўпланиши устидан назорат қилади;

кадастр ахборотлари ДКЯТга тезкор берилишини амалга оширади;

ҳар йили белгиланган тартибда ДКЯТга «Ўзбекистон темир йўллари» давлат-акциядорлик компаниясининг темир йўл объектларининг ҳолати ва улардан фойдаланиш тўғрисида ҳисобот тақдим этади.

18. Темир йўл корхоналарининг кадастр бўлинмалари:

темир йўл объектларининг миқдор ва сифат ҳолатидаги жорий ўзгаришлар, уларнинг атроф муҳитга таъсири, экологик-иқтисодий баҳолаш тўғрисидаги ахборотларни тўплайди ва тизимлаштиради;

темир йўл объектлари кадастр дафтарларини юритади, маълумотлар базасини тўлдиради ва уларни тизимлаштириш ва темир йўллар давлат кадастрининг автоматлаштирилган ахборот тизимига киритиш учун ТЙДК бўлимига беради;

темир йўлларнинг янги объектларини ҳисобга қўяди, улар тўғрисидаги ҳисобга олиш ва баҳолаш маълумотларини тўплайди.

19. «Ўзбекистон темир йўллари» давлат-акциядорлик компанияси тизимидан ташқарида мавжуд бўлган темир йўл объектларининг эгалари/фойдаланувчилар «Ўзбекистон темир йўллари» давлат-акциядорлик компаниясининг кадастр хизматига кадастр объектларининг жуғрофий ҳолати, ҳуқуқий мақоми, миқдор тавсифлари ва баҳоланиши, шунингдек улар ҳолатининг жорий ўзгаришлари тўғрисидаги ахборотни тақдим этиши шарт.

20. ТЙДКни юритиш темир йўл объектларининг барча турларини рўйхатдан ўтказишдан, уларнинг миқдор ва сифат тавсифларини ҳисобга олишдан, объектларни экологик-иқтисодий баҳолашдан, шунингдек кадастр ахборотларини тўплаш, таҳлил қилиш, тизимлаштириш, сақлаш, янгилашдан ва уни қонунда белгиланган тартибда манфаатдор фойдаланувчиларга тақдим этишдан иборатдир.

21. Темир йўл объектлари рўйхати уларнинг миқдор ва сифат тавсифларини ҳисобга олиш, экологик-иқтисодий баҳолаш учун асос ҳисобланади.

22. Темир йўл объектларининг барча турлари бирламчи рўйхатга олиниши керак. Бунда асосий кўрсаткичлар қайд этилади. Асосий кўрсаткичларнинг таркиби «Ергеодезкадастр» давлат қўмитаси билан келишув бўйича «Ўзбекистон темир йўллари» давлат-акциядорлик компанияси томонидан тасдиқланадиган тегишли норматив ҳужжатлар билан белгиланади. Рўйхат натижалари бўйича ҳар бир объектга паспорт тузилади.

23. Миқдор ва сифат тавсифларининг асосий ҳисобга олиниши ҳисобга қўйиш пайтида фойдаланишга топширилган ва мавжуд бўлган темир йўлларнинг ҳар бир объекти бўйича амалга оширилади.

Темир йўл объектлари тавсифларида юз берадиган бундан кейинги ўзгаришлар жорий ҳисобга олишда қайд этилади.

24. Темир йўл объектларининг миқдор ва сифат тавсифлари ҳисобга қўйилиши уларнинг иқтисодий, технологик ва экологик белгилар бўйича таснифланишини ўз ичига олади, уларнинг таркиби темир йўллар давлат кадастрини юритиш бўйича норматив ҳужжатлар билан белгиланади.

Темир йўл объектларининг миқдор ва сифат тавсифларини ҳисобга олиш учун «Ергеодезкадастр» давлат қўмитаси билан келишув бўйича «Ўзбекистон темир йўллари» давлат-акциядорлик компанияси томонидан техник параметрлар ва кадастр ахборотларини тақдим этиш форматлари ишлаб чиқилади.

Ҳужжатлар билан расмийлаштирилган ва белгиланган тартибда тасдиқланган ҳисобга олиш ахбороти корхонанинг кадастр дафтарига ёзилади ва темир йўллар давлат кадастрининг автоматлаштирилган ахборот тизимига киритилади.

25. Темир йўл объектларини иқтисодий баҳолаш ҳар бир объектнинг қийматини белгилаш, солиқ солиш, хусусийлаштириш ва бошқа мақсадлар учун ўтказилади.

Темир йўл объектларини иқтисодий баҳолаш ўзига хосликлар ҳисобга олинган ҳолда қонун ҳужжатларида белгиланган тартибда амалга оширилади.

26. Темир йўл объектлари тўғрисидаги кадастр ахборотининг ишончлилиги учун «Ўзбекистон темир йўллари» давлат-акциядорлик компаниясининг ТЙДКни юритувчи таркибий бўлинмалари раҳбарлари жавоб берадилар.

1. «Ўзбекистон темир йўллари» давлат-акциядорлик компанияси тизимида ва «Ўзбекистон темир йўллари» давлат-акциядорлик компанияси тизимидан ташқарида мавжуд бўлган темир йўл объектлари эгалари/фойдаланувчилари темир йўл объектлари бўйича кадастр ахборотларини темир йўл корхоналарининг кадастр бўлинмаларига тақдим этадилар.

2. Темир йўл корхоналарининг кадастр бўлинмалари ушбу объектларнинг эгалари ва фойдаланувчилардан темир йўл объектлари бўйича кадастр ахборотларини тўплайдилар, ўз ҳудудлари доирасида кадастр ишини шакллантирадилар, темир йўл объектлари бўйича ахборотни Стратегик ривожланиш бошқармасининг темир йўллар давлат кадастри бўлимига тақдим этадилар.

3. Стратегик ривожланиш бошқармасининг темир йўллар давлат кадастри бўлими давлат ер кадастридан ҳамда бинолар ва иншоотлар давлат кадастридан ер участкалари, бинолар ва иншоотлар тўғрисидаги ахборотни олади.

4. Стратегик ривожланиш бошқармасининг темир йўллар давлат кадастри бўлими темир йўл объекти ТЙДКга киритилгандан кейин кадастр ахборотларини «Ергеодезкадастр» давлат қўмитаси ДКЯТнинг маълумотлар базасига беради.

5. Стратегик ривожланиш бошқармасининг темир йўллар давлат кадастри бўлими сўров бўйича «Ергеодезкадастр» давлат қўмитасининг ДКЯТ маълумотлар базасидан темир йўл объектлари бўйича ахборот олиши мумкин.

6. Стратегик ривожланиш бошқармасининг темир йўллар давлат кадастри бўлими темир йўл объектлари бўйича зарур ахборотни темир йўл корхоналари кадастр бўлинмаларига юборади.

7. ДКЯТдан фойдаланувчилар сўров бўйича темир йўл объектлари бўйича кадастр ахборотларини олишлари мумкин.

1. Етказиб бериш қувурлари давлат кадастри (ЕБҚДК) «Давлат кадастрлари тўғрисида»ги Ўзбекистон Республикаси Қонунига ва Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ва мазкур Низомга мувофиқ юритилади.

2. ЕБҚДК — бу етказиб бериш қувурлари объектлари, уларнинг жуғрофий ҳолати, ҳуқуқий мақоми, миқдор ва сифат тавсифлари ва иқтисодий баҳолаш тўғрисидаги янгиланиб туриладиган ишончли ахборот тизими.

3. ЕБҚДК ДКЯТнинг таркибий қисми ҳисобланади ҳамда етказиб бериш қувурлари объектларини ҳисобга олиш ва уларнинг ҳолатини баҳолаш мақсадида юритилади.

4. Нефть, газ ва газ конденсатини етказиб беришга мўлжалланган Ўзбекистон Республикаси ҳудудидаги мавжуд ва қурилаётган етказиб бериш қувурлари ва уларга хизмат кўрсатиш объектлари: белгиланган арматурали ва ер усти иншоотлари билан биргаликда етказиб бериш қувурларининг линияли қисми, компрессор ва насос станциялари, электрокимёвий ҳимоя воситалари, газ тақсимлаш станциялари ва нефть, газ ва газ конденсати транспорти корхоналари балансида бўлган, катта узунликдаги, юқори босимли, уларнинг юқори хавфлилиги муносабати билан қўриқлаш зонасига эга бўлган бошқа кўчмас мулк ЕБҚДК объектлари ҳисобланади.

5. «Ўзбекнефтгаз» миллий-холдинг компанияси ЕБҚДКни юритиш бўйича ваколатли орган ҳисобланади.

6. ЕБҚДК давлат ҳокимияти ва бошқарув органларини, «Ўзбекнефтгаз» миллий-холдинг компаниясини, манфаатдор юридик ва жисмоний шахсларни етказиб бериш қувурлари объектлари тўғрисидаги ишончли кадастр ахборотлари билан таъминлаш учун мўлжалланган.

7. Қуйидагилар ЕБҚДКни юритишнинг асосий принциплари ҳисобланади:

Ўзбекистон Республикасининг бутун ҳудудида локал ва магистрал қувурларнинг бутун тизимини ва уларга хизмат кўрсатиш объектларини қамраб олиш;

макон координаталарининг ягона тизимини ва ягона топография асосларини қўллаш;

барча объектлар бўйича кадастр ахборотларини шакллантиришнинг ягона методологияси;

кадастр ахборотларининг ишончлилиги, кўргазмалилиги ва ҳужжатлилиги;

кадастр ахборотларининг очиқлиги.

8. ЕБҚДКни юритиш етказиб бериш қувурлари объектларини хатлаш, ҳисобга олиш, баҳолаш билан таъминланади ҳамда давлат ер кадастри кадастр ахборотларидан ҳамда бинолар ва иншоотлар давлат кадастридан мажбурий фойдаланилишини назарда тутади.

9. Етказиб бериш қувурлари объектларига тегишли бўлган ер участкалари, бинолар ва иншоотларга бўлган ҳуқуқларни давлат рўйхатидан ўтказиш кўчмас мулкка бўлган ҳуқуқларни рўйхатдан ўтказиш учун белгиланган тартибда ваколатли органлар томонидан амалга оширилади.

10. Етказиб бериш қувурлари объектларига тегишли бўлган, давлат ер кадастридан ЕБҚДКга берилаётган ер участкалари тўғрисидаги ер-кадастр ахборотида мақсадли фойдаланилиши бўйича ернинг таркиби тўғрисидаги, ер участкаларига бўлган ҳуқуқ давлат рўйхатидан ўтказилганлиги (шу жумладан ердан фойдаланишда сервитутларда белгиланган мавжуд чеклашлар ва тақиқлар тўғрисидаги маълумотлар), ернинг миқдори ва сифати тўғрисидаги маълумотлар бўлиши керак.

11. Бино ва иншоотлар давлат кадастридан ЕБҚДКга берилаётган етказиб бериш қувурлари объектларига тегишли бўлган бинолар ва иншоотлар тўғрисидаги кадастр ахборотида улардан мақсадли фойдаланилиши, ҳуқуқларнинг давлат рўйхатидан ўтказилиши, асосий миқдор ва сифат тавсифлари тўғрисидаги маълумотлар бўлиши керак.

12. ЕБҚДКни юритиш қоғоз ва/ёки электрон манбаларда амалга оширилади.

13. Етказиб бериш қувурлари объектлари тўғрисидаги тизимлаштирилган кадастр ахбороти ДКЯТга белгиланган тартибда берилади.

14. ЕБҚДКни яратиш ва юритиш ишларини молиялаштириш «Ўзбекнефтгаз» миллий-холдинг компаниясининг тегишли корхоналари маблағлари ҳисобига амалга оширилади.

15. ЕБҚДКни юритиш «Ўзбекнефтгаз» миллий-холдинг компаниясининг қуйидаги таркибий бўлинмалари:

«ЎзЛИТИнефтгаз» очиқ акциядорлик жамияти ҳузуридаги ЕБҚДК хизмати;

нефть-газ-транспорт корхоналарининг кадастр бўлинмалари томонидан амалга оширилади.

ЕБҚДКни юритиш ишларига умумий раҳбарликни «Ўзбекнефтгаз» миллий-холдинг компанияси бошқарувининг раиси амалга оширади.

16. ЕБҚДКни юритиш мазкур Низомга иловага мувофиқ схемага биноан амалга оширилади.

17. Ҳисобга олиш ва баҳолаш кадастр ахборотларини шакллантириш етказиб бериш қувурлари бўйича маълумотлар банки ташкил этилган ҳолда «ЎзЛИТИнефтгаз» очиқ акциядорлик жамияти томонидан амалга оширилади.

18. «Ўзбекнефтгаз» миллий-холдинг компаниясининг етказиб бериш қувурлари объектларини қурувчи, фойдаланувчи, реконструкция қилувчи ва таъмирловчи бўлинмалари бир ой мобайнида маълумотлар базасига етказиб бериш қувурлари объектларининг миқдор ва сифат ўзгаришлари, ҳолати ва улардан фойдаланиш тўғрисидаги ахборотни киритишлари шарт.

19. ЕБҚДК хизмати:

етказиб бериш қувурлари давлат кадастрининг автоматлаштирилган ахборот тизими жорий этилиши ва мавжуд бўлишини таъминлайди;

маълумотлар базаси тузилмасини ишлаб чиқади, уни нефть-газ-транспорт корхоналарига беради, маълумотлар базаси тўғри тўлдирилиши устидан назорат қилади;

ходимларни етказиб бериш қувурлари давлат кадастрининг автоматлаштирилган ахборот тизими билан ишлашга ўқитишни ташкил этади;

корхоналар томонидан тақдим этилган кадастр ахборотларини тизимлаштиради ва уларни етказиб бериш қувурлари давлат кадастрининг автоматлаштирилган ахборот тизимига киритади;

етказиб бериш қувурларининг янги объектлари тўғрисидаги ҳисобга олиш ва баҳолаш маълумотлари тўпланиши устидан назорат қилади;

шакллантирилаётган кадастр маълумотлари сифати устидан назорат олиб боради, унинг ишончлилиги ва ўз вақтида ЕБҚДК автоматлаштирилган ахборот тизимига киритилиши учун жавобгар бўлади.

кадастр ахборотларининг хилма хиллиги ва сифатига талабни мунтазам ўрганади, кадастрни юритиш технологияси такомиллаштирилишини таъминлайди;

кадастр ахборотлари ДКЯТга тезкор берилишини амалга оширади;

ЕБҚДК юритишни методик таъминлаш «Ўзбекнефтгаз» миллий-холдинг компанияси томонидан амалга оширилади.

20. Нефть-газ-транспорт корхоналарининг кадастр бўлинмалари:

етказиб бериш қувурлари объектларининг миқдор ва сифат ҳолатидаги жорий ўзгаришлар, уларнинг атроф муҳитга таъсири, экологик-иқтисодий баҳолаш тўғрисидаги ахборотларни тўплайди ва тизимлаштиради;

етказиб бериш қувурлари объектлари кадастр дафтарларини юритади, маълумотлар базасини тўлдиради ва уларни тизимлаштириш ва етказиб бериш қувурлари давлат кадастрининг автоматлаштирилган ахборот тизимига киритиш учун кадастр хизматига беради;

етказиб бериш қувурларининг янги объектларини ҳисобга қўяди, улар тўғрисидаги ҳисобга олиш ва баҳолаш маълумотларини тўплайди.

21. «Ўзбекнефтгаз» миллий-холдинг компанияси:

умуман тармоқ бўйича ЕБҚДКни юритиш бўйича «Ўзбекнефтгаз» миллий-холдинг компаниясининг таркибий бўлинмалари ишини мувофиқлаштиради;

ҳар йили белгиланган тартибда «Ергеодезкадастр» давлат қўмитасига уларни ДКЯТга киритиш учун етказиб бериш қувурлари объектларининг ҳолати ва улардан фойдаланиш тўғрисида ҳисобот тақдим этади.

22. «Ўзбекнефтгаз» миллий-холдинг компанияси тизимидан ташқарида мавжуд бўлган етказиб бериш қувурлари объектларининг эгалари/фойдаланувчилар «Ўзбекнефтгаз» миллий-холдинг компаниясининг кадастр хизматига кадастр объектларининг жуғрофий ҳолати, ҳуқуқий мақоми, миқдор тавсифлари ва баҳоланиши, шунингдек улар ҳолатининг жорий ўзгаришлари тўғрисидаги ахборотни тақдим этиши шарт.

23. ЕБҚДКни юритиш магистрал ва локал қувурларнинг барча турларини ва уларнинг хизмат кўрсатиш объектларини рўйхатга олишдан, уларнинг миқдор ва сифат тавсифларини ҳисобга олишдан, объектларни экологик-иқтисодий баҳолашдан, шунингдек кадастр ахборотларини тўплаш, таҳлил қилиш, тизимлаштириш, сақлаш, янгилашдан ва уни қонунда белгиланган тартибда манфаатдор фойдаланувчиларга тақдим этишдан иборатдир.

24. Етказиб бериш қувурлари объектлари рўйхати уларнинг миқдор ва сифат тавсифларини ҳисобга олиш, экологик-иқтисодий баҳолаш учун асос ҳисобланади.

25. Етказиб бериш қувурлари объектларининг барча турлари бирламчи рўйхатга олиниши керак. Бунда асосий кўрсаткичлар қайд этилади. Асосий кўрсаткичларнинг таркиби «Ергеодезкадастр» давлат қўмитаси билан келишув бўйича «Ўзбекнефтгаз» миллий-холдинг компанияси томонидан тасдиқланадиган тегишли норматив ҳужжатлар билан белгиланади. Рўйхат натижалари бўйича ҳар бир объектга паспорт тузилади.

26. Миқдор ва сифат тавсифларининг асосий ҳисобга олиниши ҳисобга қўйиш пайтида фойдаланишга топширилган ва мавжуд бўлган (саноат юкламаси остида) етказиб бериш қувурларининг ҳар бир объекти бўйича амалга оширилади.

Етказиб бериш қувурлари объектлари тавсифларида юз берадиган бундан кейинги ўзгаришлар жорий ҳисобга олишда қайд этилади.

27. Етказиб бериш қувурлари объектларининг миқдор ва сифат тавсифлари ҳисобга қўйилиши уларнинг иқтисодий, технологик ва экологик белгилар бўйича таснифланишини ўз ичига олади, уларнинг таркиби етказиб бериш қувурлари давлат кадастрини юритиш бўйича норматив ҳужжатлар билан белгиланади.

Етказиб бериш қувурлари объектларининг миқдор ва сифат тавсифларини ҳисобга олиш учун «Ергеодезкадастр» давлат қўмитаси билан келишув бўйича «Ўзбекнефтгаз» миллий-холдинг компанияси томонидан техник параметрлар ва кадастр ахборотини тақдим этиш форматлари ишлаб чиқилади.

Ҳужжатлар билан расмийлаштирилган ва белгиланган тартибда тасдиқланган ҳисобга олиш ахбороти корхонанинг кадастр дафтарига ёзилади ва ЕБҚДК автоматлаштирилган ахборот тизимига киритилади.

28. Етказиб бериш қувурлари объектларини иқтисодий баҳолаш ҳар бир объектнинг қийматини белгилаш, солиқ солиш, хусусийлаштириш ва бошқа мақсадлар учун ўтказилади.

Етказиб бериш қувурлари объектларини иқтисодий баҳолаш ўзига хосликлар ҳисобга олинган ҳолда қонун ҳужжатларида белгиланган тартибда амалга оширилади.

29. Етказиб бериш қувурлари объектлари тўғрисидаги кадастр ахборотларининг ишончлилиги учун нефть-газ-транспорт корхоналарининг мансабдор шахслари ва «Ўзбекнефтгаз» миллий-холдинг компаниясининг «ЎзЛИТИнефтгаз» очиқ акциядорлик жамияти ҳузуридаги ЕБҚДКни юритиш юкланган ЕБҚДК хизмати жавоб беради.

1. «Ўзбекнефтгаз» миллий-холдинг компанияси тизимида ва «Ўзбекнефтгаз» миллий-холдинг компанияси тизимидан ташқарида мавжуд бўлган етказиб бериш қувурлари объектлари эгалари/фойдаланувчилар кадастр ахборотларини нефть-газ-транспорт корхоналарининг кадастр бўлинмаларига тақдим этадилар .

2. Нефть-газ-транспорт корхоналарининг кадастр бўлинмалари ушбу объектларнинг эгалари ва фойдаланувчилардан етказиб бериш қувурлари объектлари бўйича кадастр ахборотларини тўплайдилар, ўз ҳудудлари доирасида кадастр ишини шакллантирадилар, уларни «Ўзбекнефтгаз» миллий-холдинг компаниясининг «ЎзЛИТИнефтгаз» очиқ акциядорлик жамияти ҳузуридаги ЕБҚДК хизматига тақдим этадилар.

3. «Ўзбекнефтгаз» миллий-холдинг компаниясининг «ЎзЛИТИнефтгаз» очиқ акциядорлик жамияти ҳузуридаги ЕБҚДК хизмати давлат ер кадастридан ҳамда бинолар ва иншоотлар давлат кадастридан ер участкалари, бинолар ва иншоотлар тўғрисидаги ахборотни олади.

4. «Ўзбекнефтгаз» миллий-холдинг компаниясининг «ЎзЛИТИнефтгаз» очиқ акциядорлик жамияти ҳузуридаги ЕБҚДК хизмати етказиб бериш қувурлари объекти ЕБҚДКга киритилгандан кейин кадастр ахборотларини «Ергеодезкадастр» давлат қўмитаси ДКЯТнинг маълумотлар базасига беради.

5. «Ўзбекнефтгаз» миллий-холдинг компаниясининг «ЎзЛИТИнефтгаз» очиқ акциядорлик жамияти ҳузуридаги ЕБҚДК хизмати транспорт корхоналари объектлари бўйича ахборотни сўров бўйича «Ергеодезкадастр» давлат қўмитаси ДКЯТнинг маълумотлар базасидан олиши мумкин.

6. «Ўзбекнефтгаз» миллий-холдинг компаниясининг «ЎзЛИТИнефтгаз» очиқ акциядорлик жамияти ҳузуридаги ЕБҚДК хизмати транспорт корхоналари объектлари бўйича зарур ахборотни нефть-газ-транспорт корхоналарининг кадастр бўлинмаларига юборади.

7. ДКЯТдан фойдаланувчилар сўров бўйича етказиб бериш қувурлари объектлари бўйича кадастр ахборотларини «Ергеодезкадастр» давлат қўмитаси ДКЯТ маълумотлар базасидан олишлари мумкин.

1. Алоқа объектлари давлат кадастри (АОДК) «Давлат кадастрлари тўғрисида»ги Ўзбекистон Республикаси Қонунига, Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ҳамда ушбу Низомга мувофиқ юритилади.

2. ДКЯТ — бу алоқа объектлари, уларнинг жуғрофий ҳолати, ҳуқуқий мақоми, миқдор ва сифат тавсифлари ҳамда иқтисодий баҳоси тўғрисидаги янгилаб бориладиган ишончли маълумотлар тизимидир.

3. ДКЯТ АОДКнинг таркибий қисми ҳисобланади ва Ўзбекистон Республикасининг барча ҳудудидаги алоқа объектларини ҳисобга олиш ва баҳолаш мақсадида юритилади.

4. Қуйидагилар АОДК объектлари ҳисобланади:

халқаро, шаҳарлараро, вилоят ва туман аҳамиятига эга бўлган телефон-телеграф станциялари, шу жумладан турғун алоқа асбоб-ускуналари ва магистрал линиялари;

алоқанинг тармоқ узеллари;

шаҳар алоқа телефон узеллари, шу жумладан станциялари ва линия иншоотлари;

туман телекоммуникация узеллари, шу жумладан станция асбоб-ускуналари, ҳудудий ва қишлоқ линия иншоотлари;

алоқа радиореле линиялари станция ва иншоотлари;

йўлдошли алоқа станциялари;

қабул қилиш — узатиш радиостанциялари;

кўчма объектларга эга бўлган қуруқликдаги радиоалоқа станциялари (шахсан радиочақирув, радиал тизимлар, уяли телефонлар);

радиотелевизион станциялар ва рентрансляторлар;

симли эшиттириш станциялари ва тармоқлари;

почта ва махсус алоқа объектлари.

5. Ўзбекистон Республикаси Ахборот технологиялари ва коммуникацияларини ривожлантириш вазирлиги АОДКни юритиш бўйича ваколатли орган ҳисобланади.

6. АОДК давлат ҳокимияти ва бошқарув органларини, Ўзбекистон Республикаси Ахборот технологиялари ва коммуникацияларини ривожлантириш вазирлиги, манфаатдор юридик ва жисмоний шахсларни алоқа объектлари тўғрисидаги ишончли кадастр маълумотлари билан таъминлаш учун мўлжалланган.

7. Қуйидагилар АОДКни юритишнинг асосий принциплари ҳисобланади:

Ўзбекистон Республикаси ҳудудидаги барча алоқа объектларини қамраб олиш;

макон координатлари ягона тизимини ва ягона топографик асосни қўлланиш;

барча объектлар бўйича кадастр ахборотларини шакллантириш методологиясининг ягоналиги;

кадастр ахборотларининг ишончлилиги, кўргазмалилиги ва ҳужжатлилиги;

кадастр ахборотларининг очиқлиги.

8. ДКЯТни юритиш алоқа объектларини хатловдан ўтказиш, ҳисобга олишни таъминлайди ҳамда давлат ер кадастри маълумотларидан ва бино ва иншоотлар давлат кадастри маълумотларидан мажбурий фойдаланишни назарда тутади.

9. Алоқа объектларига тегишли ер участкалари, бино ва иншоотларга бўлган ҳуқуқларни давлат рўйхатидан ўтказиш ваколатли органлар томонидан, кўчмас мулкка бўлган ҳуқуқларни рўйхатдан ўтказиш учун белгиланган тартибда амалга оширилади.

10. Давлат ер кадастридан АОДКга бериладиган алоқа объектларига тегишли ер участкалари тўғрисидаги ер кадастри ахборотлари мақсадли фойдаланиладиган ерлар тузилмаси, ер участкаларига бўлган ҳуқуқларнинг давлат рўйхатидан ўтказилиши (шу жумладан ерлардан фойдаланишда сервитутларда белгиланган мавжуд чеклашлар ва тақиқлар тўғрисидаги маълумотлар), ерларнинг миқдори ва сифати тўғрисидаги маълумотларга эга бўлиши керак.

11. Бино ва иншоотлар давлат кадастридан АОДКга бериладиган алоқа объектларига тегишли бўлган бино ва иншоотлар тўғрисидаги кадастр ахборотлари уларнинг мақсадли фойдаланилиши, ҳуқуқларнинг давлат рўйхатидан ўтказилиши, асосий миқдор ва сифат тавсифлари тўғрисидаги маълумотларга эга бўлиши керак.

12. АОДКни юритиш қоғоз ва/ёки электрон манбаларда амалга оширилади.

13. Алоқа объектлари тўғрисидаги тизимлаштирилган кадастр ахборотлари ДКЯТга белгиланган тартибда, геоахборот тизимининг тугалланган лойиҳаси тарзида берилади.

Маълумотлар электрон-рақамли базаларининг техник параметрлари (классификаторлар, шартли белгилар ва бошқалар) «Ергеодезкадастр» давлат қўмитаси билан келишилиши керак.

14. АОДКни яратиш ва юритиш ишларини молиялаштириш Ўзбекистон Республикаси Ахборот технологиялари ва коммуникацияларини ривожлантириш вазирлиги аппарати таъминоти учун сметада назарда тутилган маблағлар, шунингдек қонун ҳужжатларида тақиқланмаган бошқа манбалар ҳисобига амалга оширилади.

15. АОДКни юритиш Ўзбекистон Республикаси Ахборот технологиялари ва коммуникацияларини ривожлантириш вазирлигининг қуйидаги таркибий бўлинмалари ҳамда ваколатли шахслари томонидан амалга оширилади:

функцияси Ўзбекистон Республикаси Ахборот технологиялари ва коммуникацияларини ривожлантириш вазирлигининг Илмий-техника ва маркетинг тадқиқотлари марказига юкланадиган АОДК хизмати;

Ўзбекистон Республикаси Ахборот технологиялари ва коммуникацияларини ривожлантириш вазирлиги тизимида фаолият кўрсатадиган мулкдорлар ёки алоқа объектларига бошқа ҳуқуқлар эгаларининг кадастр хизматлари.

АОДКни юритиш бўйича ишларни мувофиқлаштириш Ўзбекистон Республикаси Ахборот технологиялари ва коммуникацияларини ривожлантириш вазирлигининг АОДК хизмати томонидан амалга оширилади.

АОДКни юритишни методик таъминлаш Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан амалга оширилади.

16. АОДКни юритиш ушбу Низомга иловадаги схемага мувофиқ амалга оширилади.

17. Ўзбекистон Республикаси Ахборот технологиялари ва коммуникацияларини ривожлантириш вазирлигининг АОДК хизмати:

кадастр хизматлари (ваколатли шахслар) ишларини мувофиқлаштиради;

тушаётган ахборотлар сифатини назорат қилади, уларнинг ишончлилиги ва Алоқа объектларининг геоахборот тизимига киритилиши учун жавоб беради;

кадастр ахборотларининг турличалиги ва сифатига талабни мунтазам равишда ўрганади, кадастр юритиш технологиясининг такомиллаштирилишини таъминлайди.

Алоқа объектларининг геоахборот тизимини жорий этади ва унинг фаолият кўрсатишини таъминлайди;

кадастр хизматларининг алоқа объектларининг мавжудлиги, миқдори ва сифати, баҳоси ва улардан фойдаланиш тўғрисидаги ҳисоботларини ўрганади, таҳлил қилади ва умумлаштиради;

Ўзбекистон Республикаси ҳудудида алоқа объектларининг жойлашиш харитаси тузилишини таъминлайди;

манфаатдор юридик ва жисмоний шахслар томонидан кадастр ахборотларидан фойдаланиш тартиби ва шартларини белгилайди;

ДКЯТга зарур кадастр ахборотларининг тезкорлик билан тақдим этилишини амалга оширади;

ҳар йили, белгиланган тартибда «Ергеодезкадастр» давлат қўмитасига ДКЯТ маълумотлар базасига киритиш учун алоқа объектларининг ҳолати ва улардан фойдаланилиши тўғрисидаги ҳисоботни тақдим этади.

18. Мулкдорлар ва алоқа кадастр объектларига бошқа ҳуқуқлар эгаларининг кадастр хизматлари:

тасарруфидаги бўлинмалар ваколатли шахсларининг фаолиятини мувофиқлаштиради;

тасарруфидаги бўлинмалар ваколатли шахсларининг ҳисоботларини тизимлаштиради ва умумлаштиради;

Қорақалпоғистон Республикаси, вилоятлар ва Тошкент шаҳри даражасида кадастр ахборотларини шакллантиради;

ҳар йили 1 мартгача Ўзбекистон Республикаси Ахборот технологиялари ва коммуникацияларини ривожлантириш вазирлиги АОДК хизматига тақдим этиш учун тасарруфидаги алоқа объектларининг ҳолати, баҳоси, улардан фойдаланилиши тўғрисидаги йиғма ҳисоботларни тузади.

19. Тасарруфдаги бўлинмаларнинг ваколатли шахслари бошланғич даражада:

янги алоқа объектларини ҳисобга қўяди, улар тўғрисидаги ҳисобга олиш ва баҳолаш ахборотларини йиғади;

алоқа объектларининг кадастр дафтарларини юритади;

алоқа объектларининг кадастр режалари (хариталари, схемалари)ни тузади ва уларга тузатишлар киритади;

алоқа объектларининг миқдори ва сифатидаги жорий ўзгаришлар, уларнинг қиймат баҳоси, атроф муҳитга таъсири тўғрисидаги ахборотларни тўплайди ҳамда уларни кадастр дафтарлари, режалари (хариталари, схемалари)га киритади;

ҳар йили 15 февралгача мулкдорлар ва алоқа кадастр объектларига бошқа ҳуқуқлар эгаларининг кадастр хизматларига алоқа объектларининг ҳолати ва баҳоси тўғрисидаги ҳисоботни тақдим этади.

20. Ўзбекистон Республикаси Ахборот технологиялари ва коммуникацияларини ривожлантириш вазирлиги тизимидан ташқарида фаолият кўрсатувчи алоқа объектлари мулкдорлари/фойдаланувчилари Ўзбекистон Республикаси Ахборот технологиялари ва коммуникацияларини ривожлантириш вазирлиги АОДК хизматига кадастр объектларининг жуғрофий ҳолати, ҳуқуқий мақоми, миқдорий тавсифлари ва баҳоси, шунингдек уларнинг ҳолатидаги жорий ўзгаришлар тўғрисидаги ахборотларни тақдим этишлари шарт.

21. АОДКни юритиш алоқа объектларининг барча турлари рўйхатини, уларнинг миқдор ва сифат тавсифларини ҳисобга олишни, иқтисодий баҳолашни, шунингдек кадастр ахборотларини тўплаш, таҳлил қилиш, ишлаш, тизимлаштириш, сақлаш, янгилашни ҳамда уларни қонун ҳужжатларида белгиланган тартибда манфаатдор фойдаланувчиларга беришни ўз ичига олади.

22. АОДКни юритишда шаҳарлараро алоқанинг линия иншоотлари учун ерлар фақат қурилиш даврида ажратилади. Алоқанинг линия иншоотларидан фойдаланиш жараёнида ерлардан фойдаланиш тартиби Ўзбекистон Республикаси Вазирлар Маҳкамасининг 1998 йил 15 майдаги 210-сон қарори билан тасдиқланган Телекоммуникациялар линиялари ва иншоотларини муҳофаза қилиш қоидалари, бошқа норматив-ҳуқуқий ҳужжатлар билан белгиланади.

23. Алоқа объектлари рўйхати уларнинг миқдор ва сифат тавсифларини ҳисобга олиш ҳамда экологик-иқтисодий баҳолаш учун асос ҳисобланади.

24. Алоқа объектларининг барча турлари бошланғич рўйхатга киритилади. Бунда асосий кўрсаткичлар қайд этилади, ушбу кўрсаткичларнинг таркиби «Ергеодезкадастр» давлат қўмитаси билан келишган ҳолда Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан тасдиқланадиган тегишли норматив ҳужжатлар билан белгиланади. Рўйхатга киритиш натижалари бўйича ҳар қайси объект учун паспорт тузилади.

25. Миқдор ва сифат тавсифларини асосий ҳисобга олиш ҳисобга қўйиш вақтида фойдаланишга топширилган ва фаолият кўрсатаётган (саноат мақсадида ишлатилаётган) ҳар қайси алоқа объекти бўйича амалга оширилади.

Алоқа объектлари тавсифларидаги кейинги ўзгаришлар жорий ҳисобга олишда қайд этилади.

26. Алоқа объектларининг миқдор ва сифат тавсифларини ҳисобга олиш уларнинг иқтисодий, технологик ва экологик белгилари бўйича классификация қилишни ўз ичига олади, ушбу белгилар таркиби алоқа объектлари давлат кадастрини юритиш бўйича норматив ҳужжатларда белгиланади.

Алоқа объектларининг миқдор ва сифат тавсифларини ҳисобга олиш учун Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан «Ергеодезкадастр» давлат қўмитаси билан келишган ҳолда кадастр ахборотларини тақдим этишнинг техник параметрлари ва ҳажмлари ишлаб чиқилади.

Ҳужжатли расмийлаштирилган ва белгиланган тартибда тасдиқланган ҳисобга олиш ахборотлари корхонанинг кадастр дафтарига ёзилади ва Алоқа объектларининг геоахборот тизимига киритилади.

27. Алоқа объектларини иқтисодий баҳолаш солиқ солиш, хусусийлаштириш ва бошқа мақсадлар учун ҳар қайси объект қийматини баҳолаш учун амалга оширилади.

Алоқа объектларини иқтисодий баҳолаш уларнинг хусусиятларини ҳисобга олган ҳолда, қонун ҳужжатларида белгиланган тартибда амалга оширилади.

Ҳар қайси алоқа объекти бўйича баҳолаш кадастр кўрсаткичлари тизими қуйидаги натурал (алоқа объектининг ҳар қайси тури учун хос бўлган) ва қиймат кўрсаткичлари йиғиндисини ўз ичига олади:

қувват;

смета қиймати;

баланс қиймати;

ишловчиларнинг сон таркиби;

экологик кўрсаткичлар;

мазкур алоқа турининг хизматлар билан таъминланганлиги;

шовқин, радиация ва электромагнит таъсири;

атмосфера ҳавоси, ер, сувнинг ифлосланиши;

объектнинг техник ҳолати;

асосий асбоб-ускуналар ва уларнинг техник ҳамда маънавий эскирганлиги.

28. АОДКни юритиш зиммасига юкланган ваколатли мансабдор шахслар кадастр ахборотларининг ишончлилиги ва уларнинг ДКЯТга ўз вақтида тақдим этилиши учун жавоб беришади.

1. Ўзбекистон Республикаси Ахборот технологиялари ва коммуникацияларини ривожлантириш вазирлиги тизимида ҳамда унинг тизимидан ташқарида фаолият кўрсатадиган алоқа корхоналари объектлари мулкдорлари/фойдаланувчилари алоқа корхоналари объектлари бўйича кадастр ахборотларини кадастр хизматларига тақдим этадилар.

2. Кадастр хизматлари ушбу объектлар мулкдорлари ва фойдаланувчиларидан алоқа корхоналари объектлари бўйича кадастр ахборотларини тўплайди, ўз ҳудудлари доирасида кадастр ишини шакллантиради, алоқа корхоналари объектлари бўйича ахборотларни ИТМТМ АОДК хизматига беради.

3. ИТМТМ АОДК хизмати давлат ер кадастридан ҳамда бинолар ва иншоотлар давлат кадастридан ер участкалари, бино ва иншоотлар тўғрисидаги ахборотларни олади.

4. ИТМТМ АОДК хизмати алоқа корхоналари объекти АОДКга киритилгандан кейин кадастр ахборотларини «Ергеодезкадастр» давлат қўмитасининг ДКЯТ маълумотлар базасига беради.

5. ИТМТМ АОДК хизмати сўров бўйича «Ергеодезкадастр» давлат қўмитасининг ДКЯТ маълумотлар базасидан алоқа корхоналари объектлари бўйича ахборотларни олиши мумкин.

6. ИТМТМ АОДК хизмати алоқа корхоналари объектлари бўйича зарур ахборотларни кадастр хизматларига юборади.

7. ДКЯТдан фойдаланувчилар сўров бўйича «Ергеодезкадастр» давлат қўмитасининг ДКЯТ маълумотлар базасидан алоқа корхоналари объектлари бўйича кадастр ахборотларини олиши мумкин.

1. Энергетика объектлари давлат кадастри (ЭОДК) «Давлат кадастрлари тўғрисида»ги Ўзбекистон Республикаси Қонунига, Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ҳамда ушбу Низомга мувофиқ юритилади.

2. ЭОДК — бу энергетика объектлари, уларнинг жуғрофий ҳолати, ҳуқуқий мақоми, миқдор ва сифат тавсифлари ҳамда иқтисодий баҳоси тўғрисидаги янгилаб бориладиган ишончли маълумотлар тизимидир.

3. ЭОДК ДКЯТнинг таркибий қисми ҳисобланади ва энергетика объектларини ҳисобга олиш ва баҳолаш мақсадида юритилади.

4. Фаолият кўрсатаётган ва қурилаётган гидравлик ҳамда иссиқлик электр станциялари, ўз ичига ёрдамчи станцияларни оладиган электр тармоқлари, «Ўзбекэнерго» давлат-акциядорлик компанияси таркибида жамланган ҳаво ва кабель линиялари ҳамда Ўзбекистон Республикаси ҳудудида жойлашган, технологик жараённинг яхлитлиги воситасида энергия тизими билан боғланган бошқа энергия объектлари ЭОДК объектлари ҳисобланади.

5. «Ўзбекэнерго» давлат-акциядорлик компанияси ЭОДКни юритиш бўйича ваколатли орган ҳисобланади.

6. ЭОДК давлат ҳокимияти ва бошқарув органларини, «Ўзбекэнерго» давлат-акциядорлик компаниясини, манфаатдор юридик ва жисмоний шахсларни энергетика объектлари тўғрисидаги ишончли кадастр маълумотлари билан таъминлаш учун мўлжалланган.

7. Қуйидагилар ЭОДКни юритишнинг асосий принциплари ҳисобланади:

Ўзбекистон Республикаси энергетика объектларини тўлиқ қамраб олиш;

макон координаталарининг ягона тизимини ва ягона топографик асосни қўлланиш;

барча объектлар бўйича кадастр ахборотларини шакллантириш методологиясининг ягоналиги;

кадастр ахборотларининг ишончлилиги, кўргазмалилиги ва ҳужжатлилиги;

кадастр ахборотларининг очиқлиги.

8. ЭОДКни юритиш энергетика объектларини хатловдан ўтказиш, ҳисобга олиш, баҳолаш билан таъминланади ҳамда давлат ер кадастри кадастр маълумотларидан ва бинолар ва иншоотлар давлат кадастри маълумотларидан мажбурий фойдаланишни назарда тутади.

9. Энергетика объектларига тегишли ер участкалари, бинолар ва иншоотларга бўлган ҳуқуқларни давлат рўйхатидан ўтказиш ваколатли органлар томонидан, кўчмас мулкка бўлган ҳуқуқларни рўйхатдан ўтказиш учун белгиланган тартибда амалга оширилади.

10. Давлат ер кадастридан ЭОДКга бериладиган, энергетика объектларига тегишли ер участкалари тўғрисидаги ер кадастри ахборотлари мақсадли фойдаланиладиган ерлар тузилмаси, ер участкаларига бўлган ҳуқуқларнинг давлат рўйхатидан ўтказилиши (шу жумладан ерлардан фойдаланишда сервитутларда белгиланган мавжуд чеклашлар ва тақиқлар тўғрисидаги маълумотлар), ерларнинг миқдори ва сифати тўғрисидаги маълумотларга эга бўлиши керак.

11. Бинолар ва иншоотлар давлат кадастридан ЭОДКга бериладиган, энергетика объектларига тегишли бўлган бинолар ва иншоотлар тўғрисидаги кадастр ахборотлари уларнинг мақсадли фойдаланилиши, ҳуқуқларнинг давлат рўйхатидан ўтказилиши, асосий миқдор ва сифат тавсифлари тўғрисидаги маълумотларга эга бўлиши керак.

12. ЭОДКни юритиш қоғоз ва/ёки электрон манбаларда амалга оширилади.

13. Энергетика объектлари тўғрисидаги тизимлаштирилган кадастр ахборотлари ДКЯТга белгиланган тартибда берилади.

14. ЭОДКни яратиш ва юритиш ишларини молиялаштириш «Ўзбекэнерго» давлат-акциядорлик компанияси маблағлари ҳисобига амалга оширилади.

15. ЭОДКни юритиш «Ўзбекэнерго» давлат-акциядорлик компаниясининг қуйидаги таркибий бўлинмалари:

«Ўзбекэнерго» давлат-акциядорлик компаниясининг «Ўзэнергосозлаш» унитар корхонаси кадастр хизмати;

энергетика объектлари кадастр хизматлари (ЭОКХ) – ЭОДКни яратиш бўйича бўлинмалар томонидан амалга оширилади.

ЭОДКни юритиш бўйича ишларга умумий раҳбарликни «Ўзбекэнерго» давлат-акциядорлик компанияси раиси амалга оширади.

ЭОДКни юритишни методик таъминлаш «Ўзбекэнерго» давлат-акциядорлик компанияси томонидан амалга оширилади.

16. ЭОДКни юритиш ушбу Низомга иловадаги схемага мувофиқ амалга оширилади.

17. «Ўзэнергосозлаш» унитар корхонаси:

энергетика объектлари давлат кадастрининг автоматлаштирилган ахборот тизими ЭОДК ААТ жорий этилишини ва фаолият кўрсатишини таъминлайди;

маълумотлар базаси тузилмасини ишлаб чиқади, уни энергетика корхоналарига беришни амалга оширади, маълумотлар базаси тўлдирилишининг тўғрилигини назорат қилади;

ЭОКХ кадастр ходимларини ЭОДК ААТ билан ишлашга ўқитишни ташкил қилади;

ЭОКХга тақдим этилган кадастр ахборотларини тизимлаштиришни ва уларни ЭОДК ААТга киритишни амалга оширади;

янги энергетика объектлари тўғрисидаги ҳисобга олиш ва баҳолаш ахборотлари тўпланишини назорат қилади;

кадастр ахборотларининг ДКЯТга тезкорлик билан берилишини амалга оширади;

ҳар йили, белгиланган тартибда «Ўзбекэнерго» давлат-акциядорлик компанияси энергетика объектларининг ҳолати ва улардан фойдаланилиши тўғрисидаги ҳисоботни ДКЯТга тақдим этади.

18. ЭОКХ:

энергетика объектларининг миқдор ва сифат бўйича ҳолатидаги жорий ўзгаришларни, уларнинг атроф муҳитга таъсирини, экологик-иқтисодий баҳосини тўплайди ва тизимлаштиради;

энергетика объектларининг кадастр дафтарларини юритади, маълумотлар базасини тўлдиради ва уларни тизимлаштириш ҳамда ЭОДК ААТга киритиш учун «Ўзбекэнерго» давлат-акциядорлик компанияси ваколатли ташкилотининг кадастр бўлимига беради;

янги энергетика объектларини ҳисобга қўяди, улар тўғрисидаги ҳисобга олиш ва баҳолаш ахборотларини тўплайди.

19. «Ўзбекэнерго» давлат-акциядорлик компанияси тизимидан ташқарида фаолият кўрсатувчи энергетика объектлари мулкдорлари/фойдаланувчилари «Ўзбекэнерго» давлат-акциядорлик компанияси кадастр хизматига кадастр объектларининг жуғрофий ҳолати, ҳуқуқий мақоми, миқдорий тавсифлари ва баҳоси, шунингдек уларнинг ҳолатидаги жорий ўзгаришлар тўғрисидаги ахборотларни тақдим этишлари шарт.

20. ЭОДКни юритиш энергетика объектларининг барча турлари рўйхатини, уларнинг миқдор ва сифат тавсифларини ҳисобга олишни, объектларни экологик-иқтисодий баҳолашни, шунингдек кадастр ахборотларини тўплаш, таҳлил қилиш, ишлаш, тизимлаштириш, сақлаш, янгилашни ҳамда уларни қонун ҳужжатларида белгиланган тартибда манфаатдор фойдаланувчиларга беришни ўз ичига олади.

21. Энергетика объектлари рўйхати уларнинг миқдор ва сифат тавсифларини ҳисобга олиш ҳамда уларни экологик-иқтисодий баҳолаш учун асос ҳисобланади.

22. Энергетика объектларининг барча турлари бошланғич рўйхатга киритилади. Бунда асосий кўрсаткичлар қайд этилади, ушбу кўрсаткичларнинг таркиби «Ергеодезкадастр» давлат қўмитаси билан келишган ҳолда «Ўзбекэнерго» давлат-акциядорлик компанияси томонидан тасдиқланадиган тегишли норматив ҳужжатлар билан белгиланади. Рўйхатга киритиш натижалари бўйича ҳар қайси объект учун паспорт тузилади.

23. Миқдор ва сифат тавсифларини асосий ҳисобга олиш ҳисобга қўйиш вақтида фойдаланишга топширилган ва фаолият кўрсатаётган ҳар қайси энергетика объекти бўйича амалга оширилади.

Энергетика объектлари тавсифларидаги кейинги ўзгаришлар жорий ҳисобга олишда қайд этилади.

24. Энергетика объектларининг миқдор ва сифат тавсифларини ҳисобга олиш уларни иқтисодий, технологик ва экологик белгилари бўйича классификация қилишни ўз ичига олади, уларнинг таркиби энергетика объектлари давлат кадастрини юритиш бўйича норматив ҳужжатларда белгиланади.

Энергетика объектларининг миқдор ва сифат тавсифларини ҳисобга олиш учун «Ўзбекэнерго» давлат-акциядорлик компанияси томонидан «Ергеодезкадастр» давлат қўмитаси билан келишган ҳолда кадастр ахборотларини тақдим этишнинг техник параметрлари ва форматлари ишлаб чиқилади.

Ҳисобга олиш ахборотлари корхонанинг кадастр дафтарига ёзилади ва ЭОДК ААТга киритилади

25. Энергетика объектларини иқтисодий баҳолаш солиқ солиш, хусусийлаштириш ва бошқа мақсадлар учун ҳар қайси объект қийматини баҳолаш учун амалга оширилади.

Энергетика объектларини иқтисодий баҳолаш уларнинг хусусиятларини ҳисобга олган ҳолда, қонун ҳужжатларида белгиланган тартибда амалга оширилади.

26. Энергетика объектлари кадастр ахборотларининг ишончлилиги учун «Ўзбекэнерго» давлат-акциядорлик компаниясининг ЭОДКни юритишни амалга оширувчи таркибий бўлинмалари раҳбарлари жавоб беришади.

1. «Ўзбекэнерго» давлат-акциядорлик компанияси тизимида ҳамда унинг тизимидан ташқарида фаолият кўрсатадиган энергетика объектлари мулкдорлари/фойдаланувчилари энергетика объектлари бўйича кадастр ахборотларини ЭОКХга тақдим этадилар.

2. ЭОКХ ушбу объектлар мулкдорлари ва фойдаланувчиларидан энергетика объектлари бўйича кадастр ахборотларини тўплайди, ўз ҳудудлари доирасида кадастр ишини шакллантиради, энергетика объектлари бўйича ахборотларни «Ўзбекэнерго» давлат-акциядорлик компаниясининг «Ўзэнергосозлаш» унитар корхонаси кадастр хизматига беради.

3. «Ўзбекэнерго» давлат-акциядорлик компаниясининг «Ўзэнергосозлаш» унитар корхонаси кадастр хизмати давлат ер кадастридан ҳамда бинолар ва иншоотлар давлат кадастридан ер участкалари, бино ва иншоотлар тўғрисидаги ахборотларни олади.

4. «Ўзбекэнерго» давлат-акциядорлик компаниясининг «Ўзэнергосозлаш» унитар корхонаси кадастр хизмати энергетика объекти ЭОДКга киритилгандан кейин кадастр ахборотларини «Ергеодезкадастр» давлат қўмитасининг ДКЯТ маълумотлар базасига беради.

5. «Ўзбекэнерго» давлат-акциядорлик компаниясининг «Ўзэнергосозлаш» унитар корхонаси кадастр хизмати сўров бўйича «Ергеодезкадастр» давлат қўмитасининг ДКЯТ маълумотлар базасидан энергетика объектлари бўйича ахборотларни олиши мумкин.

6. «Ўзбекэнерго» давлат-акциядорлик компаниясининг «Ўзэнергосозлаш» унитар корхонаси кадастр хизмати энергетика объектлари бўйича зарур ахборотларни ЭОКХга юборади.

7. ДКЯТдан фойдаланувчилар сўров бўйича «Ергеодезкадастр» давлат қўмитасининг ДКЯТ маълумотлар базасидан энергетика объектлари бўйича кадастр ахборотларини олиши мумкин.

1. Табиий хавф юқори бўлган зоналар давлат кадастри (ТХЮЗДК) «Давлат кадастрлари тўғрисида»ги Ўзбекистон Республикаси Қонунига, Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ҳамда ушбу Низомга мувофиқ юритилади.

2. ТХЮЗДК ДКЯТнинг таркибий қисми ҳисобланади ва тизимли кузатишлар, тадқиқотлар ҳамда ахборотлар тўплаш натижалари бўйича тайёрланадиган, доимо янгилаб бориладиган ва зарурат бўлганда аниқлаштириладиган табиий хавф юқори бўлган зоналар (ТХЮЗ)нинг унификация қилинган тавсифлари ва тасвирлари тўпламидан, ҳар йили рўй берган хавфли табиий ҳодисалар тўғрисидаги маълумотлар тўпламидан иборат бўлади.

3. ТХЮЗДК кадастр объектларини ҳисобга олишни, уларнинг ҳолатини ва рўй берган хавфли табиий (геологик, гидрометерологик) жараёнлар (ҳодисалар) оқибатларини баҳолашни таъминлаш мақсадида юритилади.

4. ТХЮЗДКни юритиш қуйидаги ваколатли органлар:

хавфли геологик жараёнлар рўй берадиган зоналар (ХГЖРЗ) бўйича — Давлат геология қўмитасининг «Ўзбекгидрогеология» давлат геология корхонаси томонидан;

сейсмик хавф юқори бўлган зоналар (СХЮЗ) бўйича — СХЮЗ бўйича кадастр ахборотларини тайёрлаш ва реализация қилиш (сейсмология хулосалари, уларни экспертизадан ўтказиш, даврий баҳолаш, муфассал тадқиқ этиш) учун ягона масъул бўлган Ўзбекистон Республикаси Фанлар академиясининг Сейсмология институти томонидан;

гидрометерология ҳодисалари хавфи юқори бўлган зоналар (ГМЎХЮЗ) бўйича — «Ўзгидромет» маркази томонидан амалга оширилади.

5. ТХЮЗДКни юритиш:

кадастр ахборотларини тўплаш, тизимлаштириш, сақлаш, ҳисобга олиш ва баҳолаш;

ДКЯТга киритиш учун ҳар йилги ахборот ҳисоботларини тузиш;

фойдаланувчиларни ТХЮЗДК бўлимларини юритиш бўйича ваколатли вазирликлар ва идоралар томонидан белгиланган тартибда кадастр ахборотлари билан таъминлаш йўли билан амалга оширилади.

6. Кадастр объектларини ҳисобга олиш тўғрисидаги, ҳар йили — рўй берган хавфли табиий жараёнлар, уларнинг миқдор ва сифат тавсифлари, рўй берган қуйидаги хавфли табиий жараёнлар, (ҳодисалар) оқибатлари тўғрисидаги мунтазам равишда янгилаб ва тўлдириб бориладиган маълумотлар ТХЮЗДКнинг асосини ташкил қилади:

хавфли геологик жараёнлар рўй берадиган зоналарда — ХГЖРЗ (зилзилалар, кўчкилар, емирилишлар, чўкишлар, ўпирилишлар, суффозиялар, карстлар ва бошқалар);

гидрометерология ҳодисалари хавфи юқори бўлган зоналарда — ГМЎХЮЗ (сув тошқинлари, селлар, қор кўчкилари, кучли шамоллар, жалалар, қурғоқчилик, сув босиши ва бошқалар).

7. Қуйидагилар ТХЮЗДКнинг асосий принциплари ҳисобланади:

Ўзбекистон Республикасининг бутун ҳудудини қамраб олиш;

координаталарнинг ягона тизимини ва ягона топография асосларини қўлланиш;

ҳисобга олиш ягона тизимини, кадастр ахборотларини ишлаш ва тақдим этиш методикасини қўлланиш;

автоматлаштирилган геоахборот технологияларини қўлланиш;

маълумотларнинг ишончлилиги ва кўргазмалилиги, кадастр ахборотларини ҳар йили тўлдириб ва янгилаб бориш;

кадастр ахборотларининг очиқлиги.

8. ТХЮЗДКни яратиш ва юритиш билан боғлиқ ишлар тегишли вазирликлар ва идораларга мақсадли фойдаланиш учун ажратиладиган давлат бюджети маблағлари ҳисобига молиялаштирилади.

9. Қуйидагилар ТХЮЗДК объектлари ҳисобланади:

ХГЖРЗ бўйича — хавфли геологик жараёнлар рўй бериш зонаси (дарёлар ҳавзаси) элементлари – хавфли геология жараёнлари ривожланадиган кичик зоналар (сой ҳавзаси), участкалар;

СХЮЗ бўйича —зилзила марказлари пайдо бўлиши муқаррар зоналар (сейсмоген зоналар) ва турлича тоифадаги сейсмик таъсир зоналари;

ГМҲХЮЗ бўйича — хавфли гидрометеорология ҳодисалари рўй бериш зоналари (дарёлар ҳавзаси), элементлари — хавфли гидрометеорология ҳодисалари ривожланадиган кичик зоналар.

Қуйидагилар ҳисобга олишнинг бошланғич ҳудудий бирлиги ҳисобланади;

ХГЖРЗ бўйича — 1,0 минг куб метрдан ортиқ ҳажмли хавфли геология жараёнларининг номунтазам рўй бериши. Шунингдек кадастр объектлари доирасида хавфли геология жараёнларига ҳар йили дуч келадиган майдон ҳам ҳисобга олинади. График ҳисобга олиш белгиланган шартли белгилардан фойдаланган ҳолда 1:25000 ва 1:200000 масштабли топография хариталарида амалга оширилади;

СХЮЗ бўйича — зилзилалар рўй берадиган зона ва 25 кв. км майдондаги турлича тоифада таъсир кўрсатиш зонаси ҳудуди. Шунингдек сейсмоген зонадан ташқарида зилзилалар рўй берганда, яъни силкиниш зонасида ёки сейсмик хавф анча паст бўлган зонада зилзила рўй берганда сейсмик хавфнинг юқори тоифасига ўтадиган майдонлар ҳам ҳисобга олинади. Сейсмик хавфли зоналарни акс эттириш учун картография материаллари белгиланган тегишли шартли белгилардан фойдаланган ҳолда 1:1000000 ёки 1:500000 ва 1:200000 (айрим ҳудудлар учун) масштабда тузилади.

ГМҲХЮЗ бўйича — хавфли гидрометеорология ҳодисалари содир бўладиган зона ҳудуди, дарё ҳавзаси (юқори, ўрта, қуйи оқим), тоғ массиви (ёнбағир экспозицияси). Хавфли гидрометеорология зоналарини акс этириш учун картография материаллари белгиланган тегишли шартли белгилардан фойдаланган ҳолда 1:1000000 ёки 1:500000 ва 1:200000 (айрим ҳудудлар учун) масштабда тузилади.

10. ТХЮЗДК маълумотлари таркибига қуйидагилардан иборат бўлган ҳисобга олиш ва баҳолаш ахборотлари киради:

ХГЖРЗ бўйича:

кадастр объектининг (хавфли геология жараёнлари рўй бериш зонаси) ва кадастр объекти элементларининг (кичик зона ва участка) номи;

кадастр номери (сой ҳавзаси, хавфли геология жараёнлари — ХГЖ ривожланиш участкаси);

кадастр объектининг, ривожланиши мумкин бўлган ва ҳар йили ХГЖ билан зарарланадиган майдон ҳажмлари;

жойлашган ўрни (ХГЖ рўй берган жой, маъмурий манзили, координаталари);

ХГЖнинг ривожланиш турлари (кўчкилар, ўпирилишлар, чўкишлар, емирилишлар, суффизиялар ва карстлар);

хавфли геология жараёнлари рўй бериш зонасида жойлашган объектлар рўйхати;

хавфли геология жараёнлари етказган зарар тўғрисидаги маълумотлар;

1:25000 масштабли хавфли геология жараёнлари рўй бериш зоналарининг кадастр хариталари (ҳисобдаги, оператив) ҳамда қоғоз ва электрон манбалардаги 1:200000 масштабли кадастр объектлари хариталари;

СХЮЗ бўйича:

кадастр объектининг номи —турлича тоифали сейсмик хавфли зоналар, кадастр объекти элементлари — сейсмоген зоналар, тоифалар бўйича табақалаштирилган сейсмик таъсирнинг сейсмогенлараро майдонлари, кучли зилзилалар маркази (плейстосейст) ҳудудлари;

сейсмоген зоналарнинг, сейсмик хавф тоифалари бўйича сейсмик таъсирнинг сейсмогенлараро майдонлари кадастр номери;

сейсмоген зоналарнинг ва сейсмик таъсир зоналарининг характерли таъсирлари (кенглиги ва узунлиги) билан белгиланадиган кадастр объекти ҳажмлари;

юқори сейсмик хавфнинг ривожланиш турлари (сейсмоген зоналар доирасида кучли зилзилаларнинг такрорланувчанлиги, муайян майдонда силкинишлар такрорланувчанлигининг муқаррарлик баҳоси);

юқори сейсмик хавф зоналаридаги объектлар рўйхати;

юқори сейсмик хавф етказган зарар тўғрисидаги маълумотлар (ижтимоий, иқтисодий, экологик);

айрим ҳудудлар учун 1:1000000, 1:500000, 1:200000 масштабли табиий хавф юқори бўлган сейсмик зоналарнинг қоғоз ва электрон манбалардаги кадастр хариталари;

ГМҲХЮЗ бўйича:

кадастр объектининг (гидрометерология ҳодисаларининг юқори хавфли зоналари, дарёлар ҳавзаси, тизматоғ ёнбағирлари, котловина), кадастр объекти элементлари (кичик зона — сой ҳавзаси, ёнбағир жойлашуви, гидрометерология хавфининг рўй бериш участкаси) номи;

кадастр номери (дарё ва сой ҳавзаси, тизматоғ ёнбағири, котловина бўйича);

жойлашган ўрни (маъмурий манзили, хавфли гидрометеорология ҳодисаси рўй бериш участкаси);

хавфли гидрометеорология ҳодисасининг турлари (тавсифи);

пайдо бўлишининг асосий сабаблари;

хавфли гидрометеорология ҳодисаларининг рўй бериш зонасида жойлашган объектлар рўйхати;

хавфли гидрометеорология ҳодисалари етказган зарар тўғрисидаги маълумотлар;

хавфли гидрометеорология ҳодисалари рўй бериш зоналарининг қоғоз ва электрон манбалардаги 1:25000, 1:200000 масштабли кадастр хариталари.

11. ТХЮЗДКни ҳар йили баҳолаш мазмуни қуйидагилардан иборат бўлади:

ер юзасининг амалда зарарланишини баҳолаш;

хавфли табиий жараёнлар ва ҳодисалар рўй бериши интенсивлигини баҳолаш;

хавфли табиий жараёнлар ва ҳодисалар рўй беришидан ижтимоий, моддий ва экологик соҳаларда кўрилган зарарни баҳолаш.

12. Қуйидагилар кадастр ҳужжатларининг асосий турлари ҳисобланади:

объектнинг кадастр иши (табиий хавф юқори зона паспорти);

кадастр хариталари (1:25000 масштабли ҳисоб хариталари, 1:200000 масштабли кадастр хариталари, сейсмик районлаштириш (ОСР, ДСР) ва сейсмоген зоналарнинг 1:1000000, 1:500000, 1:200000 масштабли хариталари);

кадастр дафтари (бошланғич кадастр ахборотлари шакллари);

кадастр объектларининг ҳолати тўғрисидаги ҳисобот.

Кадастр ҳужжатлари қоғоз, электрон ва бошқа манбаларда тузилади.

13. ТХЮЗДК бўйича маълумотлар «Ергеодезкадастр» давлат қўмитасига ваколатли органлар томонидан ҳар йили ҳисобот йилидан кейинги йилнинг 1 январигача бўлган ҳолатга кўра, «Ергеодезкадастр» давлат қўмитаси билан келишилган шакл бўйича ва муддатларда берилади.

14. ТХЮЗДКни юритиш ушбу Низомга иловадаги схемага мувофиқ амалга оширилади.

15. ХГЖРЗ бўйича Давлат геология қўмитаси «Ергеодезкадастр» давлат қўмитасига ДКЯТ маълумотлар базасига киритиш учун ХГЖ рўй бериши тўғрисида қуйидаги йиғма ахборотларни тақдим этади:

хавфли зоналарнинг номи;

хавфли геология жараёнлари рўй берадиган зоналар ва зарарланиши мумкин бўлган майдонларнинг ҳажмлари;

жойлашган ўрни (содир бўлган жой: вилоят, туман, координаталар, эгаллаган майдони);

хавфли геология жараёнлари ривожланишининг энг кўп тури;

хавфли геология жараёнлари таъсир кўрсатадиган зонада жойлашган объектлар рўйхати;

хавфли геология жараёнлари рўй бериш зоналарининг 1:200000 масштабли жойлашиш схемаси.

16. СХЮЗ бўйича Ўзбекистон Республикаси Фанлар академиясининг Сейсмология институти «Ергеодезкадастр» давлат қўмитасига ДКЯТ маълумотлар базасига киритиш учун ҳудуднинг сейсмик хавфлилиги тўғрисида қуйидаги йиғма ахборотларни тақдим этади:

сейсмик хавфли зоналарнинг номи;

сейсмик хавфли зоналарнинг макондаги ҳолати ва характерли ҳажмлари;

сейсмик хавфлиликнинг энг кўп тури (пайдо бўлиш зоналари, силкиниш зоналари, ҳар хил турдаги сейсмик жойлашув ҳолати);

зилзилалар каталоги;

кучли зилзилалар марказлари (плейстосейс);

сейсмоген зоналар ва сейсмик силкинишлар таъсир кўрсатадиган зоналарнинг 1:1000000 масштабли ҳамда айрим ҳудудлар учун 1:500000, 1:200000 масштабли жойлашиш хариталари.

17. ГМҲХЮЗ бўйича «Ўзгидромет» маркази «Ергеодезкадастр» давлат қўмитасига ДКЯТ маълумотлар базасига киритиш учун хавфли гидрометерология ҳодисалари пайдо бўлиши мумкин бўлган зоналар тўғрисида қуйидаги йиғма ахборотларни тақдим этади:

хавфли зоналарнинг номи;

жойлашган ўрни (вилоят, туман);

гидрометеорология ҳодисаларининг энг кўп тури;

хавфли гидрометеорология ҳодисаларининг вужудга келиш зоналарининг ва зарарланиши мумкин бўлган майдоннинг ҳажмлари;

1:200000 масштабли кадастр хариталари (хавфли гидрометеорология ҳодисалари пайдо бўлиши мумкин бўлган зоналар ҳисоби);

хавфли гидрометеорология ҳодисалари таъсир кўрсатадиган зонада жойлашган объектлар рўйхати.

18. ТХЮЗ кадастр ахборотларининг ишончлилиги учун ТХЮЗДКни юритиш зиммасига юкланган ваколатли органларнинг мансабдор шахслари жавоб берадилар.

1. Ҳудудий бўлинмалар ва ваколатли ташкилотлар хизматлари ТХЮЗ бўйича кадастр ахборотларини тўплайди.

2. Ваколатли ташкилотлар — Давлат геология қўмитасининг «Ўзбекгидрогеология» ДГК, Фанлар академиясининг Сейсмология институти, «Ўзгидромет» маркази ТХЮЗ бўйича кадастр ахборотларини умумлаштирадилар ва «Ергеодезкадастр» давлат қўмитасининг ДКЯТ маълумотлар базасига беради.

3. Ваколатли ташкилотлар — Давлат геология қўмитасининг «Ўзбекгидрогеология» ДГК, Фанлар академиясининг Сейсмология институти, «Ўзгидромет» маркази сўров бўйича «Ергеодезкадастр» давлат қўмитасининг ДКЯТ маълумотлар базасидан ТХЮЗ бўйича кадастр ахборотларини олишлари мумкин.

4. ДКЯТдан фойдаланувчилар сўров бўйича «Ергеодезкадастр» давлат қўмитасининг ДКЯТ маълумотлар базасидан ТХЮЗ бўйича кадастр ахборотларини олишлари мумкин.

1. Техноген хавф юқори бўлган зоналар давлат кадастри (ТХЮЗДК) «Давлат кадастрлари тўғрисида»ги Ўзбекистон Республикаси Қонунига, Ўзбекистон Республикаси Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизими (ДКЯТ)ни яратиш ва юритиш тартиби тўғрисидаги низомга, бошқа норматив-ҳуқуқий ҳужжатларга ҳамда ушбу Низомга мувофиқ юритилади.

2. ТХЮЗДК ДКЯТнинг таркибий қисми ҳисобланади ва тизимли кузатишлар, ўлчашлар, тадқиқотлар ҳамда ахборотлар тўплаш натижалари бўйича тайёрланадиган техноген хавф юқори бўлган зоналар (ТХЮЗ)нинг унификация қилинган қисқача тавсифлари ва тасвирлари тўпламидан иборат бўлади.

3. ТХЮЗДК кадастр объектларини ҳисобга олишни, уларнинг ҳолатини ва рўй берган хавфли техноген ҳодисалар оқибатларини баҳолаш мақсадида юритилади.

4. ТХЮЗДКни юритиш ТХЮЗни хатловдан ўтказиш, унинг тавсифлари ва параметрларини баҳолаш, кадастр ахборотларини ҳужжатлаштириш, ҳисобга олиш ҳамда ундан техноген авариялар ва ҳалокатларни олдини олиш бўйича профилактика ва огоҳлантириш чораларини ўз вақтида ва самарали амалга ошириш, улар вужудга келган тақдирда эса — уларни тезкорлик билан маҳаллийлаштириш ва бартараф этишни таъминлаш орқали таъминланади.

5. Ўзбекистон Республикасининг «Хавфли ишлаб чиқариш объектларининг саноат хавфсизлиги тўғрисида»ги Қонунига мувофиқ белгиланган хавфли ишлаб чиқариш объектларида рўй бериши мумкин бўлган техноген ҳодисалар (ёнғинлар, портлашлар, хавфли зарарли моддаларни ташқарига чиқариш, бинолар, иншоотлар, техник қурилмалар ва шу кабилар) зоналари ҳамда:

а) радиоактив моддалар ва материаллар ишлаб чиқариладиган, улардан фойдаланиладиган, улар қайта ишланадиган, ҳосил бўладиган, сақланадиган, ташиладиган, йўқ қилиб ташланадиган объектлар;

б) барча турдаги саноат электр қурилмалари қўлланадиган объектлар;

в) гидротехника иншоотларидан, шу жумладан йирик корхоналар чиқиндихоналари ва тиндиргичларидан фойдаланиладиган объектлар;

г) ионли нурланишлар манбаларидан фойдаланиладиган объектлар;

д) фавқулодда вазиятларга (сув, газ, иссиқлик ва электр энергияси таъминотининг тўхтаб қолишига, уй-жой массивларини сув босишига, канализация ва сувни тозалаш тизимларининг ишдан чиқишига) олиб келувчи бузилишлар (зарарланишлар) содир бўлиши мумкин бўлган объектлар ТХЮЗДК объектлари ҳисобланади.

6. ТХЮЗДКни юритиш қуйидаги бўлинмалар томонидан:

ушбу Низомнинг 5-бандида кўрсатилган объектлардан фойдаланадиган ташкилотлар томонидан,

ишлаб чиқариш объектларида, портлаш-ёнғин чиқиши ва радиация хавфи мавжуд бўлган объектларда авария ҳоллари содир бўлиши мумкин бўлган юқори хавфли зоналар бўйича — Ўзбекистон Республикаси Вазирлар Маҳкамаси ҳузуридаги Ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекциясининг, унинг тармоқ ва минтақавий инспекцияларининг Техноген хавф юқори бўлган зоналарнинг бош кадастр маркази (кейинги ўринларда ТХЮЗ БКМ деб аталади) томонидан;

одамларни эвакуация қилишни ёки кўчиришни талаб қиладиган хавф юқори бўлган зоналар бўйича — Ўзбекистон Республикаси Фавқулодда вазиятлар вазирлигининг Техноген хавф юқори бўлган зоналарнинг кадастр маркази томонидан;

портлаш ва ёнғин чиқиши хавфи юқори бўлган зоналар (объектлар) бўйича —Ўзбекистон Республикаси Ички ишлар вазирлиги Давлат ёнғин хавфсизлиги хизматининг ТХЮЗ КМ томонидан;

кучли таъсир қилувчи заҳарли химикатлар, пестцидлар, радиоизотоп буюмлар, радиоактив ва бошқа моддаларни ишлаб чиқариш, қайта ишлаш, сақлаш ва улардан фойдаланиш объектлари бўйича — Ўзбекистон Республикаси Соғлиқни сақлаш вазирлиги Давлат санитария-эпидемиология назорати республика маркази ва унинг ҳудудий марказлари ТХЮЗ КМ томонидан;

ядро физикаси корхоналарида радиация хавфи юқори бўлган зоналар бўйича — Ўзбекистон Республикаси Фанлар академияси Ядро физикаси институтининг ТХЮЗ КМ томонидан амалга оширилади.

7. ТХЮЗ БКМ ТХЮЗДКни юритишни мувофиқлаштиради.

8. Қуйидагилар ТХЮЗДКни юритишнинг асосий принциплари ҳисобланади:

ТХЮЗ билан республиканинг бутун ҳудудини қамраб олишнинг тўлиқлиги;

кадастр ахборотларининг ишончлилиги, кўргазмалилиги ва ҳужжатлилиги;

барча объектлар бўйича кадастр ахборотларини шакллантириш ва уларни ҳар йили янгилаб бориш методологиясининг ягоналиги;

макон координаталари ягона тизимини ва ягона топография асосларини қўлланиш;

кадастр ахборотларининг очиқлиги.

9. Қуйидагилар ТХЮЗДКнинг асосий вазифалари ҳисобланади:

ТХЮЗ тўғрисидаги ахборотларни тўплаш, таҳлил қилиш, ишлаш, ҳисобга олиш, тизимлаштириш, сақлаш, янгилаб бориш;

ТХЮЗ паспортларини тузиш ва юритиш;

кадастр дафтарини юритиш, ТХЮЗ кадастр режаларини ва хариталарини тузиш;

давлат ҳокимияти ва бошқарув органларини, манфаатдор юридик ва жисмоний шахсларни зарур кадастр ахборотлари билан қонун ҳужжатларида белгиланган тартибда таъминлаш.

10. ТХЮЗДКни юритиш бўйича ишлар давлат бюджети маблағлари ва қонун ҳужжатларида тақиқланмаган бошқа манбалар ҳисобига молиялаштирилади.

11. ТХЮЗДК тегишли ваколатли органларнинг раҳбарлари томонидан тасдиқланадиган дастурлар ва жадваллар асосида юритилади, уларда кузатишлар, ТХЮЗнинг бошланғич ва жорий кадастр ахборотларини тўплаш, ишлаш, тадқиқотлар тартиби белгиланади.

12. Ушбу Низомнинг 5-бандида кўрсатилган объектлардан фойдаланувчи ташкилотлар:

объектларни идентификация қилади;

бошланғич ва жорий кадастр ахборотларини ҳамда ТХЮЗнинг миқдор ва сифат бўйича ҳолатидаги, иқтисодий баҳолашдаги, уларнинг атроф муҳитга таъсир кўрсатишидаги ўзгаришларни тўплаш ва тизимлаштиришни амалга оширади.

ТХЮЗ кадастр дафтарларини юритади, маълумотлар базасини тўлдиради ва уларни тизимлаштириш ҳамда ТХЮЗДК ААТга киритиш учун ТХЮЗДК БКМга беради;

ТХЮЗ кадастр паспортларини ишлаб чиқади;

ўзгаришларни кадастр паспортларига ўз вақтида киритишни таъминлайди;

янги ТХЮЗлар ҳисобини юритади, улар тўғрисидаги баҳолаш ахборотларини тўплайди;

кадастр ахборотларининг ишончлилиги ва уларнинг ТХЮЗДК ААТга киритиш учун ўз вақтида тақдим этилиши учун жавоб беради.

13. Ҳар қайси ТХЮЗ учун «Саноатгеоконтехназорат» давлат инспекцияси билан келишган ҳолда белгиланган намунадаги кадастр паспорти расмийлаштирилади ва тасдиқланади.

14. Қуйидагилар объектнинг кадастр паспортини тузиш учун бошланғич маълумотлар ҳисобланади:

ўз кузатишлари, ўлчашлари ва тадқиқотлари натижалари бўйича олинадиган маълумотлар;

санитария-техника паспортлари, саноат хавфсизлиги декларацияси, ишлаб чиқариш-техника, конструкторлик, технологик, фойдаланиш ҳужжатлари;

ТХЮЗ тўғрисида корхоналар, ташкилотлар ва бошқа расмий манбалардан олинадиган ахборотлар.

15. Кадастр паспортларини ишлаб чиққан ваколатли органлар 5 кун муддатда уларнинг нусхаларидан бир нусхадан:

ТХЮЗ БКМга;

ТХЮЗ БКМнинг тегишли минтақавий бўлинмасига;

ТХЮЗ КМга;

ТХЮЗ КМнинг тегишли минтақавий бўлинмасига тақдим этади.

16. ТХЮЗ БКМ ва ТХЮЗДК КМ ваколати бўйича кадастр паспортларини текширади ҳамда тегишли рўйхатдан ўтказиш ахборотларини ва бошқа асосий ахборотларни кадастр дафтарига ёзиб қўяди.

17. ТХЮЗ БКМ ҳар йили ДКЯТга киритиш учун ҳисобот йилидан кейинги йилнинг 1 мартигача «Ергеодезкадастр» давлат қўмитасига зарур кадастр ахборотларини тақдим этади. Кадастр маълумотларини тақдим этиш шакли ва уларнинг ҳажми «Саноатгеоконтехназорат» давлат инспекцияси томонидан тасдиқланади ва «Ергеодезкадастр» давлат қўмитаси билан келишилади.

18. ТХЮЗДК техноген хавф юқори (ТХЮ) бўлган ҳодисаларнинг рўй бериши мумкин бўлган ҳар қайси зонаси ёки маркази бўйича маълумотларга эга бўлади.

19. ТХЮЗДКни юритиш ушбу Низомга иловадаги схемага мувофиқ амалга оширилади.

20. Қуйидагилар ТХЮЗДКнинг таркибий қисмлари ҳисобланади:

объектларни идентификация қилиш ва ТХЮ ҳодисалар рўй бериши мумкин бўлган зоналарни рўйхатдан ўтказиш;

ТХЮЗнинг миқдор ва сифат тавсияларини ҳисобга олиш;

ТХЮЗни иқтисодий, экологик ва ижтимоий баҳолаш.

21. ТХЮЗнинг кадастр ахборотлари қуйидагилардан иборат бўлади:

ТХЮЗнинг рўй бериши мумкин бўлган тури кўрсатилган ҳолда кадастр объектининг номи;

ТХЮЗнинг жойлашган ўрни;

ТХЮ ҳодисаларни вужудга келтирадиган объектнинг идоравий мансублиги ва уни фойдаланишга киритиш санаси;

объектнинг фойдаланиш мақсади (агар хавф антропоген омиллар таъсирида вужудга келса ва табиий ҳодиса бўлмаса);

объектни ҳисобга олиш санаси;