Ўзбекистон Республикаси Президенти Администрациясининг Давлат резиденцияларига хизмат кўрсатиш ва тадбирларни ташкил этиш бошқармаси «Ko`ksaroy qarorgohi» давлат муассасасининг ҳудудида ҳудудларни ободонлаштириш, ноёб манзарали дарахт навларини, мевали боғларни сақлаб қолиш, шунингдек, йўл хўжалиги, ирригация ва суғориш тизимларига сифатли хизмат кўрсатиш борасидаги ишларни ташкил этиш ҳамда амалга ошириш тизимини янада такомиллаштириш мақсадида Вазирлар Маҳкамаси қарор қилади:

1. Тошкент шаҳар ҳокимлигининг юридик шахс ташкил этмасдан, Тошкент шаҳри ҳокимлиги ҳузуридаги Ободонлаштириш бош бошқармасининг Ҳукумат объектларига хизмат кўрсатиш ихтисослаштирилган бошқармасининг «Ko`ksaroy qarorgohi» давлат муассасаси ҳудудини ободонлаштириш дирекциясини (кейинги ўринларда — Дирекция) ташкил этиш тўғрисидаги таклифи қабул қилинсин.

2. Тошкент шаҳри ҳокимлиги ҳузуридаги Ободонлаштириш бош бошқармасининг Ҳукумат объектларига хизмат кўрсатиш ихтисослаштирилган бошқармасининг «Ko`ksaroy qarorgohi» давлат муассасаси ҳудудини ободонлаштириш дирекцияси бошқарув ходимларининг чекланган умумий сони 4 нафардан иборат бўлган тузилмаси 1-иловага мувофиқ тасдиқлансин.

3. Белгилансинки, Дирекция директори бир вақтнинг ўзида Тошкент шаҳри ҳокимлиги ҳузуридаги Ободонлаштириш бош бошқармасининг Ҳукумат объектларига хизмат кўрсатиш ихтисослаштирилган бошқармаси бошлиғининг ўринбосари ҳисобланади.

4. Белгилаб қўйилсинки, 2020 йил 1 ноябрдан бошлаб Тошкент шаҳри ҳокимлиги ҳузуридаги Ободонлаштириш бош бошқармасининг Ҳукумат объектларига хизмат кўрсатиш ихтисослаштирилган бошқармаси ходимларининг лавозим маошларини белгилашда, «Qorasuv Qarorgohi» ҳудудини ободонлаштириш дирекцияси ходимлари бундан мустасно, Вазирлар Маҳкамасининг «Ободонлаштириш ходимларини моддий рағбатлантиришни кучайтириш чора-тадбирлари тўғрисида» 2009 йил 1 апрелдаги 91-сон қарорига 1-иловада назарда тутилган тармоқ тариф сеткаси 1,5 баравар оширилган ҳолда қўлланилади.

Ушбу бандда назарда тутилган чора-тадбирларни амалга ошириш билан боғлиқ харажатлар 2020 йилда Тошкент шаҳар маҳаллий бюджетига прогноздан ортиқча тушган даромадлар ҳамда бюджет харажатларида иқтисод қилинган маблағлар ҳисобидан амалга оширилади, 2021 йилдан бошлаб эса Ўзбекистон Республикаси Давлат бюджетининг параметрларида назарда тутилади.

5. Тошкент шаҳар ҳокимлиги:

Тошкент шаҳар маҳаллий бюджетининг қўшимча манбалари ҳисобидан Дирекцияга 2-иловага мувофиқ рўйхат бўйича ихтисослаштирилган автотранспорт ва махсус техника сотиб олиш учун зарур маблағлар ажратсин;

Дирекцияни малакали агрономлар, муҳандис-техник ва ишлаб чиқариш ходимлари билан таъминлаш чораларини кўрсин;

Дирекция ходимларини Ўзбекистон Республикаси Президенти Администрациясининг Давлат резиденцияларига хизмат кўрсатиш ва тадбирларни ташкил этиш бошқармаси «Ko`ksaroy qarorgohi» давлат муассасасига туташ ҳудуддаги мавжуд маъмурий ва ишлаб чиқариш хоналарига жойлаштирсин.

6. Ўзбекистон Республикаси Ҳукуматининг 3-иловага мувофиқ айрим қарорларига ўзгартиришлар киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Тошкент шаҳар ҳокими Ж.А. Артикходжаев зиммасига юклансин.

1. Вазирлар Маҳкамасининг «Тошкент шаҳрини ободонлаштириш ишларини ташкил этишни такомиллаштириш чора-тадбирлари тўғрисида» 2010 йил 11 ноябрдаги 251-сон қарорига (Ўзбекистон Республикаси ҚТ, 2010 й. 46-сон, 414-модда) 4з-илованинг матни қуйидаги таҳрирда баён этилсин:

2. Вазирлар Маҳкамасининг «Ўзбекистон Республикаси Президенти Аппарати Ишлар бошқармаси Давлат резиденциялари дирекциясининг 1-сон Пансионати ҳудудини ободонлаштириш ишларини ташкил этиш ва амалга оширишни такомиллиштириш тўғрисида» 2018 йил 1 августдаги 612-сон қарорига 3-илованинг 1-банди ўз кучини йўқотган деб ҳисоблансин.