Ўзбекистон Республикаси Президентининг «Ўзбекистон Республикаси Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида» 2017 йил 12 июндаги ПҚ-3051-сон қарорини бажариш юзасидан Вазирлар Маҳкамаси қарор қилади:

1. Қуйидагилар:

Ўзбекистон Республикаси Бош вазирининг ўринбосари — Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбарининг функционал вазифалари тўғрисидаги низом 1-иловага мувофиқ;

Иқтисодий ривожлантириш, таркибий ўзгартиришлар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаменти тўғрисидаги низом 2-иловага мувофиқ;

Инвестиция дастурларининг шакллантирилишини мувофиқлаштириш, амалга оширилиши мониторинги ва хорижий инвестицияларни жалб этиш масалалари ахборот-таҳлил департаменти тўғрисидаги низом 3-иловага мувофиқ тасдиқлансин.

2. Ўзбекистон Республикаси Бош вазирининг ўринбосари Ж.А. Қўчқоров департаментлар раҳбарлари ва мутахассисларининг функционал вазифалари тақсимотини бир ҳафта муддатда тасдиқласин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.

1. Ушбу Низом Ўзбекистон Республикаси Президентининг «Ўзбекистон Республикаси Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида» 2017 йил 12 июндаги ПҚ-3051-сон қарорига мувофиқ Ўзбекистон Республикаси Бош вазирининг ўринбосари — Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбарининг (кейинги ўринларда Бош вазир ўринбосари деб аталади) функционал вазифаларини белгилайди.

2. Бош вазир ўринбосари Ўзбекистон Республикаси Президентига ва Ўзбекистон Республикасининг Бош вазирига ҳисобот беради.

3. Бош вазир ўринбосари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, шунингдек ушбу Низомга амал қилади.

4. Бош вазир ўринбосарининг фаолияти макроиқтисодий мутаносибликни таъминлаш, банк-молия тизимини янада ислоҳ этиш, таркибий ўзгартиришларни чуқурлаштириш ва иқтисодиётни модернизация қилиш, қулай инвестиция муҳитини яратиш, хусусийлаштиришни жадаллаштириш, хусусий мулк ва тадбиркорликни, эркин иқтисодий ҳамда кичик саноат зоналарини ривожлантириш масалаларини ҳал этишга йўналтирилган.

5. Бош вазир ўринбосари мақомига кўра, Ўзбекистон Республикаси Ҳукуматининг аъзоси ҳисобланади ва Ўзбекистон Республикаси Вазирлар Маҳкамаси Раёсати таркибига киради.

Бош вазир ўринбосари Ўзбекистон Республикаси Вазирлар Маҳкамаси ва унинг Раёсати мажлисларида бевосита иштирок этади.

6. Бош вазир ўринбосарига Ўзбекистон Республикаси Президентининг «Маҳаллий ижроия ҳокимияти органлари фаолиятини янада такомиллаштириш тўғрисида» 2016 йил 22 декабрдаги ПҚ-2691-сон қарорига мувофиқ вилоятлар ва Тошкент шаҳри ҳокимларининг иқтисодиёт ва тадбиркорлик масалалари бўйича биринчи ўринбосарлари бўйсунади.

7. Қуйидагилар Бош вазир ўринбосарининг асосий вазифалари ҳисобланади:

а) макроиқтисодий ривожлантириш, банк ва молия тизимларини ислоҳ қилиш соҳасида:

макроиқтисодий мутаносиблик, иқтисодиётнинг барқарор юқори ўсиш суръатларини, мамлакат аҳолисининг бандлигини таъминлаш ва турмуш даражасини оширишнинг стратегик вазифаларини ҳал этишга йўналтирилган иқтисодий ва ижтимоий сиёсат самарадорлигини ошириш чора-тадбирларини амалга ошириш;

иқтисодий, таркибий, институционал ва маъмурий ислоҳотларнинг амалга оширилишини тизимли ва комплекс ўрганиш, марказий иқтисодий органлар, давлат ва хўжалик бошқарувининг бошқа органлари, маҳаллий давлат ҳокимияти органлари, шунингдек Вазирлар Маҳкамаси ахборот-таҳлил департаментларининг ахборот-таҳлилий фаолиятини мувофиқлаштириш;

Ўзбекистон Республикаси Давлат бюджети ва давлат мақсадли жамғармалари бюджетларининг лойиҳалари, шунингдек солиқ ва бюджет сиёсатининг асосий йўналишларини ишлаб чиқиш жараёнларини мувофиқлаштириш, бюджетнома лойиҳасининг кўриб чиқилиши ва тасдиқланишини таъминлаш ҳамда уларни Ўзбекистон Республикаси Олий Мажлиси палаталарига тақдим этиш;

тегишли даврлар учун Ўзбекистон Республикаси Давлат бюджети ва давлат мақсадли жамғармалари бюджетларининг ижро этилиши тўғрисидаги ҳисоботлар кўриб чиқилишини, шунингдек уларнинг Ўзбекистон Республикаси Олий Мажлисининг Қонунчилик палатасига тасдиқлаш учун тақдим этилишини таъминлаш;

бюджет ва давлат мақсадли жамғармаларига тўловлар интизомини мустаҳкамлаш, ҳисоб-китоблар механизмини такомиллаштириш, иқтисодиёт тармоқлари ва секторларида дебиторлик ҳамда кредиторлик қарздорликни камайтириш бўйича амалий чора-тадбирларни ишлаб чиқиш;

пул муомаласи ҳолатини таҳлил қилиш, бюджетга солиқлар ва бошқа мажбурий тўловларнинг ўз вақтида тушишини таъминлаш, бюджет ва давлат мақсадли жамғармалари олдидаги қарздорликни камайтириш ва қарздорлик ҳосил бўлишининг олдини олиш ҳамда уларнинг касса ижросини таъминлаш;

банк тизими ва молиявий инфратузилмани янада ислоҳ қилиш, умумий қабул қилинган халқаро нормалар, стандартлар ва баҳолаш кўрсаткичларига мувофиқ уларнинг барқарорлигини ошириш ва янада юқори даражага чиқишини таъминлайдиган чора-тадбирларни амалга ошириш ишларини мувофиқлаштириш;

кўрсатилаётган банк-молия хизматлари кўлами, унинг инфратузилмасини кенгайтириш, аҳоли ва хорижий инвесторларнинг банк-молия тизимига ишончини янада мустаҳкамлаш, тижорат банклари ва умуман, банк-молия тизимининг фаолиятини етакчи халқаро рейтинг ташкилотлари томонидан қўлланиладиган халқаро нормалар, мезонлар ва стандартларга асосланган баҳолаш ҳамда таҳлил қилишнинг замонавий тизимини жорий этиш бўйича тизимли чора-тадбирлар ишлаб чиқилиши ва амалга оширилишини ташкил этиш;

суғурта бозорини янада такомиллаштириш, кўрсатилаётган суғурта хизматларининг ҳажми ва турларини кенгайтириш ҳамда сифатини оширишга қаратилган дастурий чора-тадбирлар амалга оширилишини комплекс таҳлил қилиш, уларни ишлаб чиқиш ва мониторингини олиб бориш ишларини мувофиқлаштириш;

замонавий талабларга ҳамда умумий қабул қилинган халқаро нормалар ва стандартларга мувофиқ банк тизими ва молиявий инфратузилманинг норматив-ҳуқуқий базасини янада такомиллаштиришни таъминлаш;

иқтисодиётни либераллаштириш ва модернизациялаш кўламларини, мамлакатда ишбилармонлик муҳитини шакллантириш даражасини баҳолашнинг ҳар чораклик индикаторлари тизимини таҳлил қилиш асосида бозор ислоҳотларини янада чуқурлаштириш ҳамда иқтисодиётни либераллаштириш чора-тадбирларини амалга ошириш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар, шунингдек Вазирлар Маҳкамасининг ахборот-таҳлил департаментлари томонидан тайёрланадиган муҳим иқтисодий, ижтимоий муаммолар, институционал ва таркибий ислоҳотлар бўйича мақсадли дастурлар, Ўзбекистон Республикаси Президенти ва Ўзбекистон Республикаси Ҳукуматининг ҳужжатлари лойиҳаларини республиканинг стратегик манфаатлари ва мақсадларига мувофиқлиги юзасидан кўриб чиқиш, уларнинг макроиқтисодий кўрсаткичларга, иқтисодиёт тармоқларининг барқарор ривожланишига таъсирини баҳолаш;

макроиқтисодий ҳолат ва иқтисодиётдаги сифатли таркибий ўзгаришларнинг, банк-молия тизимини ривожлантириш ва ислоҳ қилишнинг комплекс мақсадли дастурлари, банк-молия тизимини ислоҳ қилиш, янги иш ўринлари ташкил этиш, аҳолининг бандлиги, турмуши даражаси ва фаровонлигини юксалтириш дастурлари амалга оширилишининг, жумладан тегишли маълумотлар базаларини шакллантириш ва уларни таҳлил қилиш йўли билан мониторинги олиб борилишини таъминлаш;

б) аҳоли бандлиги ва ҳаёт даражасини ошириш ҳамда уни ижтимоий ҳимоя қилиш соҳасида:

Янги иш ўринлари ташкил этиш, аҳоли бандлигини ошириш дастури ишлаб чиқилишини ва унинг белгиланган тартибда Ўзбекистон Республикаси Олий Мажлиси палаталарига тақдим этилишини, аҳолининг турмуши ва фаровонлик даражасини ошириш дастурларининг шакллантирилиши, тасдиқланиши ва амалга оширилишининг мониторинги олиб борилишини таъминлаш;

демографик омиллар ва иқтисодиётни ривожлантириш истиқболларини ҳисобга олган ҳолда, ишга жойлаштиришнинг илғор шаклларини жорий этишга йўналтирилган аҳоли бандлигини таъминлашнинг ҳудудий дастурларини шакллантириш, пенсионерлар, ногиронлар ва аҳолининг бошқа ижтимоий ночор гуруҳларини ижтимоий қўллаб-қувватлашга доир манзилли дастурлар ва самарали тадбирларни ишлаб чиқиш бўйича давлат ҳамда хўжалик бошқаруви органлари, маҳаллий ижро этувчи ҳокимият органлари ишларини мувофиқлаштириш;

меҳнат ва аҳоли бандлиги, меҳнатга ҳақ тўлашни тартибга солиш, фуқароларнинг пенсия таъминоти, ижтимоий нафақалар ва компенсация тўловларини, ижтимоий ёрдамнинг бошқа турларини тайинлаш, аҳолининг ночор тоифаларига кўрсатилаётган ижтимоий ёрдамнинг табақалаштирилганлиги ва манзиллилигини кучайтиришга йўналтирилган ижтимоий сиёсатни амалга ошириш механизмлари ва усулларини яхшилаш соҳасидаги қонунчиликни такомиллаштириш юзасидан таклифлар ишлаб чиқиш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар, шунингдек Вазирлар Маҳкамасининг ахборот-таҳлил департаментлари томонидан ишлаб чиқилган аҳоли бандлигини таъминлаш ва уни ижтимоий ҳимоя қилишнинг муҳим устувор йўналишларини амалга ошириш бўйича мақсадли дастурлар, Ўзбекистон Республикаси Президенти ва республика Ҳукуматининг ҳужжатлари лойиҳаларини кўриб чиқиш;

меҳнат, бандлик ва аҳолини ижтимоий ҳимоя қилиш, меҳнат муносабатларини мустаҳкамлаш, моддий рағбатлантириш механизмларини ва меҳнатни муҳофаза қилиш шароитларини яхшилаш соҳасидаги қонунчиликни такомиллаштиришга йўналтирилган мақсадли дастурлар, қабул қилинган қонунлар, Ўзбекистон Республикаси Президенти ва Вазирлар Маҳкамасининг қарорлари амалга оширилишини назорат қилиш;

в) таркибий ўзгаришлар ва ишлаб чиқаришни модернизация қилиш соҳасида:

саноатда таркибий ўзгаришларни янада чуқурлаштириш соҳасида жаҳон ва минтақа бозорларида барқарор харидоргир бўлган юқори қўшилган қийматга эга рақобатбардошбардош маҳсулотларни минерал ҳамда хомашё ресурсларини чуқур қайта ишлаш асосида ишлаб чиқаришни таъминлайдиган устувор саноат тармоқларини жадал ривожлантиришга йўналтирилган комплекс дастурларни шакллантириш ва уларни амалга ошириш ишларини мувофиқлаштириш;

иқтисодиётдаги таркибий ўзгаришлар, амалга оширилаётган бозор ислоҳотларини чуқурлаштириш, фаол инвестиция сиёсатини юритиш, иқтисодиёт тармоқларини инновацион ривожлантириш механизмларини изчил жорий этиш чора-тадбирларини амалга ошириш;

таркибий ўзгаришларга доир тармоқ ва ҳудудий дастурлар амалга оширилишини, ишлаб чиқаришни модернизациялаш ва маҳаллийлаштириш, иқтисодиётнинг асосий тармоқлари корхоналарида ишлаб чиқариш харажатлари камайтирилишини таъминлаш ва тасдиқланган параметрларга сўзсиз эришиш бўйича таклифлар ишлаб чиқиш;

саноат корхоналарини модернизациялаш ва технологик жиҳатдан янгилаш, уларда илғор инновация технологияларини жадал жорий этиш, меҳнат унумдорлигини ошириш, саноат учун юқори малакали кадрларни тайёрлаш чора-тадбирларини амалга ошириш;

ишлаб чиқаришни маҳаллийлаштириш даражасини янада чуқурлаштириш, рақобатбардошли ва импорт ўрнини босадиган маҳсулотлар ишлаб чиқаришни ташкил этиш, тайёр маҳсулотлар, бутловчи буюмлар ва материаллар ишлаб чиқаришни маҳаллийлаштиришнинг ўрта муддатли дастурларини бажариш доирасида импортни камайтиришга доир тасдиқланган параметрларга эришишни таъминлаш бўйича комплекс чора-тадбирларни амалга ошириш;

ишлаб чиқаришни модернизациялаш, техник ва технологик жиҳатдан янгилашнинг тармоқ ҳамда ҳудудий дастурларига киритилган лойиҳаларнинг ўз вақтида тайёрланиши ва амалга оширилишини таъминлаш бўйича Вазирлар Маҳкамаси ахборот-таҳлил департаментлари, давлат ва хўжалик бошқаруви органлари, маҳаллий ижро этувчи органларнинг ва бошқа ташкилотлар фаолиятини мувофиқлаштириш;

давлат ва хўжалик бошқаруви органлари томонидан моддий ва қиймат баланслари ишлаб чиқилишини мувофиқлаштириш, уларнинг бажарилиши юзасидан мониторинг олиб бориш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар, шунингдек Вазирлар Маҳкамасининг ахборот-таҳлил департаментлари томонидан ишлаб чиқилган муҳим таркибий ислоҳотлар, иқтисодиётни модернизациялаш, ҳудудларнинг иқтисодий ва ижтимоий муаммолари бўйича тармоқ ва ҳудудий дастурлар, Ўзбекистон Республикаси Президенти ва Ўзбекистон Республикаси Ҳукумати ҳужжатлари лойиҳаларини кўриб чиқиш;

г) хусусийлаштириш, рақобат муҳити, хусусий тадбиркорлик ва кичик бизнесни ривожлантириш соҳасида:

иқтисодиётни бошқаришда давлатнинг ролини стратегик ва иқтисодий асосланган даражагача босқичма-босқич пасайтириш, мулк тузилмасини янада ислоҳ қилиш ва ўзгартириш, хусусий мулкнинг устувор роли ва аҳамиятини таъминлаш, хусусийлаштириш жараёнларини чуқурлаштириш, иқтисодиётнинг ностратегик тармоқларидаги акциядорлик жамиятларининг давлат улушини хусусий инвесторларга сотишни тезлаштириш бўйича дастурий чора-тадбирларни амалга ошириш;

хусусий мулк, кичик ва хусусий тадбиркорлик субъектларининг манфаатларини ишончли ҳимоя қилиш, уларнинг жадал ривожланиш йўлидаги тўсиқ ва говларни бартараф этиш, тадбиркорлик тузилмалари фаолиятига тўсқинлик қилиш ҳамда ноқонуний аралашиш учун масъулиятни оширишга доир дастурий чора-тадбирлар амалга оширилишини таъминлаш;

акциядорлик жамиятларида фаолият самарадорлигини ошириш, уларнинг бўлажак инвесторлар учун очиқлиги ва жозибадорлигини таъминлаш, корпоратив бошқарувнинг замонавий усулларини жорий этиш, корхоналарни стратегик бошқаришда акциядорлар ролини кучайтириш чора-тадбирларини амалга ошириш;

давлат ва хўжалик бошқаруви органлари, маҳаллий ижро этувчи ҳокимият органлари томонидан қимматли қоғозлар бозорини фаол шакллантириш ва унинг фаолият кўрсатишини таъминлаш чора-тадбирлари амалга оширилишини мувофиқлаштириш;

муваффақиятли хорижий тажриба инобатга олинган ҳолда корпоратив бошқарув тизимини такомиллаштириш, уни ҳаётга татбиқ этишнинг замонавий услубларини жадал жорий қилиш чора-тадбирларини амалга ошириш;

рентабеллиги паст ва зарар кўриб ишлаётган корхоналарнинг молиявий-иқтисодий аҳволини чуқур таҳлил қилиш, уларни жумладан, янги инвесторларни жалб қилиш, ишлаб чиқаришни модернизациялаш ҳамда технологик қайта жиҳозлаш, маҳсулот таннархини камайтириш ҳамда янги турдаги рақобатбардош маҳсулотлар ишлаб чиқаришни ўзлаштириш ҳисобига молиявий соғломлаштириш борасида комплекс чора-тадбирлар ишлаб чиқиш ва амалга ошириш ишларини ташкил этиш;

товар ва молия бозорларида монополияга қарши самарали бошқарув ва рақобатнинг чекланишига йўл қўймаслик чора-тадбирларини амалга ошириш, шунингдек истеъмолчилар ҳуқуқларининг давлат томонидан ҳимоя қилинишини ташкил этиш;

д) инвестиция лойиҳаларини шакллантириш ва уларнинг амалга оширилиши мониторингини олиб бориш ҳамда хорижий инвестицияларни жалб этиш соҳасида:

Ўзбекистон Республикаси Инвестиция дастури, иқтисодиётнинг асосий тармоқларини модернизациялаш, техник янгилаш ва технологик қайта жиҳозлаш дастурлари амалга оширилишини назорат қилиш, тасдиқланган параметрларга сўзсиз эришиш бўйича таклифлар ва тадбирлар ишлаб чиқиш;

республикада инвестиция муҳитини, хорижий инвесторларга тақдим этилган преференциялар ҳамда имтиёзлар самарали қўлланишининг ҳар томонлама тизимли таҳлил этилишини таъминлаш, иқтисодиётни модернизациялаш, ишлаб чиқаришни техник ва технологик янгилашга доир устувор лойиҳаларни амалга ошириш учун хорижий инвестициялар ва грантлар, биринчи навбатда, тўғридан-тўғри инвестицияларни жалб қилиш бўйича янада қулай муҳитни шакллантиришга оид қўшимча чора-тадбирлар ишлаб чиқиш;

хорижий инвестициялар жалб этилиши, хорижий инвесторлар иштирокида инвестиция лойиҳаларининг ўз вақтида амалга оширилишини, шу жумладан хорижий инвесторлар ва кредиторларнинг қабул қилган мажбуриятларини бажаришини назорат қилиш, йирик ҳамда стратегик муҳим инвестиция лойиҳаларини молиялаштириш схемаларини белгилаш;

бўлажак инвесторларни Ўзбекистон Республикасидаги инвестиция муҳити, шу жумладан инвестиция киритиш жараёнининг асосий тартиб-таомил масалалари, шунингдек таклиф этиладиган инвестициялар ҳажми тўғрисида хабардор қилиш ишларини мувофиқлаштириш;

хорижий инвестициялар ва кредитларни жалб этиш учун инвестиция таклифлари ягона базасини шакллантириш ва янгилаш жараёнини таъминлаш;

республикага техникавий кўмаклашиш воситалари ва гуманитар ёрдамни жалб этиш, шунингдек давлат ҳамда хўжалик бошқаруви органлари, маҳаллий ижро этувчи ҳокимият органлари ва бошқа ташкилотларнинг Ўзбекистон Республикасига грантлар жалб қилиш ҳажмини тизимли асосда кўпайтиришни таъминлайдиган мансабдор шахсларини рағбатлантириш чораларини қўллаш ишларини мувофиқлаштириш;

Вазирлар Маҳкамасининг ахборот-таҳлил департаментлари, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотларнинг Инвестиция дастури, ишлаб чиқаришни модернизациялаш, техник ҳамда технологик янгилаш бўйича тармоқ ва ҳудудий дастурларга киритилган инвестиция лойиҳаларининг ўз вақтида тайёрланиши ҳамда амалга оширилишини таъминлаш бўйича фаолиятини мувофиқлаштириш;

Ўзбекистон Республикаси Президентининг хорижий давлатларга ташрифлари якунлари бўйича эришилган битимлар, хорижий давлатлар, халқаро иқтисодиёт ҳамда молия институтлари билан ташқи савдо, инвестициявий ва молиявий ҳамкорлик бўйича қабул қилинган дастурлар амалга оширилишини назорат қилиш, шунингдек хорижий мамлакатлар, халқаро тузилмалар, чет эл компаниялари ва банклари билан ташқи иқтисодий ҳамда ташқи савдо ҳамкорлигини чуқурлаштиришга доир таклифлар ишлаб чиқиш;

республиканинг давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотларининг ташқи иқтисодий алоқалар соҳасидаги фаолиятини мувофиқлаштириш ҳамда мамлакатни ривожлантиришнинг стратегик мақсадларидан келиб чиқиб, жаҳон бозоридаги конъюнктура ўзгаришлари асосида хорижий давлатлар, халқаро иқтисодиёт ҳамда молия институтлари, чет эл компаниялари ва банклари билан ташқи иқтисодий ҳамкорликнинг устувор йўналишлари бўйича таклифлар ишлаб чиқиш;

халқаро молия ва иқтисодиёт институтлари, бошқа инвесторлар билан хорижий инвестициялар ҳамда кредитларни жалб этиш масалалари бўйича ҳамкорлик дастурларини, шунингдек ҳамкорликнинг устувор ҳамда истиқболли йўналишлари бўйича таклифлар ишлаб чиқилишини мувофиқлаштириш.

8. Бош вазир ўринбосари ўз зиммасига юкланган вазифаларга мувофиқ қуйидаги функцияларни амалга оширади:

Ўзбекистон Республикаси Президенти Девонининг тегишли хизматлари билан ҳамкорлик қилади;

Ўзбекистон Республикаси Бош вазирининг топшириқларига биноан республиканинг тегишли ҳудудлари ва тармоқларида ижтимоий-иқтисодий ривожлантириш, и1сгисодий ислоҳотларнинг устувор вазифалари ҳамда дастурлари бажарилишини мувофиқлаштириб боради;

Иқтисодий ривожлантириш, таркибий ўзгартиришлар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаментига, шунингдек Инвестиция дастурларининг шакллантирилишини мувофиқлаштириш, амалга оширилиши мониторинги ва хорижий инвестицияларни жалб этиш масалалари ахборот-таҳлил департаментига бевосита раҳбарлик қилади;

иқтисодий ислоҳотларни амалга ошириш борасида мутасаддилик қилинадиган вазирликлар, идоралар, хўжалик бирлашмалари ва ҳудудлар фаолиятини мувофиқлаштиради ҳамда назорат қилади;

мутасаддилик қилинадиган давлат ва хўжалик бошқаруви органлари ҳамда бошқа ташкилотларда Ўзбекистон Республикаси Президенти ва Ўзбекистон Республикаси Президентининг Давлат маслаҳатчилари номенклатурасига кирадиган лавозимларга номзодлар бўйича таклифларни Ўзбекистон Республикаси Бош вазири билан келишган ҳолда белгиланган тартибда киритади;

комплекс юритадиган соҳага кирувчи масалалар бўйича Ўзбекистон Республикаси Вазирлар Маҳкамасига киритилган таклифлар ва ҳужжатлар лойиҳаларини кўриб чиқишда давлат манфаатларига қатъий риоя этилишини таъминлайди, ҳужжатларнинг тайёрланган лойиҳаларига виза қўяди. Тегишли ҳужжатлар қабул қилингандан сўнг уларнинг амалга оширилиши юзасидан тизимли назорат ташкил этилишини таъминлайди;

қонун ҳужжатлари, Ўзбекистон Республикаси Президентининг фармонлари, қарорлари ва фармойишлари, Ҳукумат қарорлари лойиҳаларининг экспертизадан ўтказилиши ва сифатли тайёрланишини ташкил этиш масалаларида Вазирлар Маҳкамаси аппарати бошқарувчиси билан ҳамкорлик қилади;

Ўзбекистон Республикаси қонунлари, Ўзбекистон Республикаси Президенти фармонлари, қарорлари, фармойишлари ва топшириқлари, Ҳукумат қарорларининг ижро этувчи ҳокимият органлари томонидан бажарилиши юзасидан назоратни таъминлайди;

Вазирлар Маҳкамаси аппарати бошқарувчиси билан биргаликда Иқтисодий ривожлантириш, таркибий ўзгартиришлар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаментига, шунингдек Инвестиция дастурларининг шакллантирилишини мувофиқлаштириш, амалга оширилиши мониторинги ва хорижий инвестицияларни жалб этиш масалалари ахборот-таҳлил департаментининг департамент мудири, шуъбалар мудирлари, бош ва етакчи мутахассислари лавозимларига кадрлар танлайди;

Иқтисодий ривожлантириш, таркибий ўзгартиришлар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаменти, шунингдек Инвестиция дастурларининг шакллантирилишини мувофиқлаштириш, амалга оширилиши мониторинги ва хорижий инвестицияларни жалб этиш масалалари ахборот-таҳлил департаментининг мудири ҳамда мутахассисларини қайта тайёрлаш, уларнинг малакасини ошириш, рағбатлантириш ва уларга нисбатан интизомий жазо чораларини қўллаш тўғрисида таклифлар киритади;

Иқтисодий ривожлантириш, таркибий ўзгартиришлар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаментида, шунингдек Инвестиция дастурларининг шакллантирилишини мувофиқлаштириш, амалга оширилиши мониторинги ва хорижий инвестицияларни жалб этиш масалалари ахборот-таҳлил департаментида кадрлар захирасини шакллантириш ишларини тизимли асосда ташкил қилади.

9. Бош вазир ўринбосари тегишли комиссиялар (кенгашлар)га раҳбарлик қилади, шунингдек Ўзбекистон Республикасининг Бош вазири раҳбарлик қиладиган комиссиялар (кенгашлар) фаолиятини, уларнинг қарорлари бажарилишини ташкил этиш юзасидан назоратни таъминлайди.

10. Бош вазир ўринбосари ўзига юкланган вазифалар ва функцияларни бажариш учун қуйидаги ҳуқуқларга эга:

Вазирлар Маҳкамасида кўриб чиқиладиган масалаларни таҳлил қилиш ва тайёрлаш учун зарур бўлган материаллар ва маълумотларни давлат ва хўжалик бошқаруви органлари, маҳаллий ижро этувчи ҳокимият органлари ҳамда бошқа органлар ва ташкилотлардан белгиланган тартибда сўраш ва олиш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар раҳбарлари ҳамда вакиллари иштирокида йиғилишлар ўтказиш;

мутасаддилик қилинадиган вазирликлар, давлат қўмиталари ва идоралар, хўжалик бошқаруви органлари коллегиал органларининг мажлисларида, шунингдек Ўзбекистон Республикасининг Бош вазири топшириқлари бўйича — давлат бошқа органларининг, нодавлат нотижорат ташкилотлари ва бошқа ташкилотларнинг комплекс юритадиган соҳага кирувчи масалалар бўйича ўтказиладиган мажлислари ва йиғилишларида қатнашиш;

давлат ва хўжалик бошқаруви органлари, илмий муассасалар ва бошқа ташкилотлар раҳбарлари ҳамда вакилларини Вазирлар Маҳкамасида кўриб чиқиладиган масалаларни ишлаб чиқиш учун белгиланган тартибда жалб этиш, тегишли масалалар бўйича вақтинчалик ишчи гуруҳлар тузиш;

«Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонуни ва Вазирлар Маҳкамаси Регламенти талаблари бузилган ҳолда келадиган ҳужжатларни қайтариш.

Бош вазир ўринбосарининг зарур материаллар, маълумотларни тақдим этиш, шунингдек Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамаси қарорлари ва бошқа ҳужжатлар лойиҳаларини пухта ишлаб чиқиш бўйича талаблари ва топшириқлари унинг томонидан белгиланган муддатларда бажарилиши шарт.

Бош вазир ўринбосарининг ўзи бошқарадиган масалалар бўйича вазирликлар, давлат қўмиталари, идоралар, хўжалик бошқаруви органлари ва бошқа ташкилотлар раҳбарларига бериладиган топшириқлари белгиланган тартибда бажарилиши мажбурийдир.

11. Бош вазир ўринбосари:

зиммасига юкланган вазифаларнинг тегишли даражада ва сифатли бажарилиши;

ўзи раҳбарлик қиладиган Комплексдаги ишларнинг ҳолати, тегишли давлат ва хўжалик бошқаруви органлари, бошқа ташкилотлар фаолиятининг мувофиқлаштирилиши ва назорат қилиниши, Комплекс юритадиган масалалар бўйича Вазирлар Маҳкамасига киритилган таклифлар ва ҳужжатлар лойиҳаларининг ҳар томонлама кўриб чиқилишини таъминлаш;

Вазирлар Маҳкамаси Регламентига мувофиқ тақдим этиладиган Ҳукумат қарорлари лойиҳаларини республика манфаатлари, иқтисодий самарадорлик назарда тутилиб ва улардаги масалаларни барча манфаатдор тузилмалар билан биргаликда пухта экспертизадан ўтказилиши юзасидан назоратни таъминлаш;

Ўзбекистон Республикаси Олий Мажлиси палаталарининг қарорлари, Ўзбекистон Республикаси Президенти фармонлари, қарорлари, фармойишлари, Ҳукумат қарорлари ва фармойишлари, Вазирлар Маҳкамаси раҳбарияти топшириқларининг Макроиқтисодий ривожлантириш, таркибий ўзгартиришлар ва хорижий инвестицияларни жалб этиш масалалари комплекси таркибига кирадиган давлат ва хўжалик бошқаруви органлари, бошқа ташкилотлар томонидан ўз вақтида ва сифатли бажарилишини таъминлаш;

Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига, шунингдек Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ ижро интизомига сўзсиз риоя этилиши учун жавоб беради.

12. Бош вазир ўринбосарининг фаолияти «Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонунига, Ўзбекистон Республикаси Вазирлар Маҳкамаси Регламентига, ушбу Низомга, Ўзбекистон Республикаси Президентининг, Ўзбекистон Республикаси Бош вазирининг топшириқларига мувофиқ, шунингдек Вазирлар Маҳкамасининг иш режалари ҳамда Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплексининг иш режаси асосида ташкил этилади.

Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплексининг иш режаси Ўзбекистон Республикаси Вазирлар Маҳкамаси Раёсати томонидан тасдиқланади.

13. Бош вазир ўринбосарининг Ўзбекистон Республикаси қонунлари, Ўзбекистон Республикаси Президенти фармонлари, қарорлари ва фармойишлари, Ҳукумат қарорларининг мутасаддилик қилинадиган давлат ва хўжалик бошқаруви органлари, маҳаллий ижро этувчи ҳокимият органларида амалга оширилишининг тизимли мониторингини таъминлаш бўйича фаолияти Вазирлар Маҳкамасининг иш режасига, шунингдек Ўзбекистон Республикаси Бош вазирининг топшириқларига мувофиқ комплекс ўрганишларни амалга ошириш, Вазирлар Маҳкамасининг ҳамда Вазирлар Маҳкамаси Раёсатининг, Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплекси мажлисларида ҳисоботларни эшитган ҳолда ташкил этилади.

1. Иқтисодий ривожлантириш, таркибий ўзгартиришлар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаменти (кейинги ўринларда Йиғма департамент деб аталади) Ўзбекистон Республикаси Ҳукумати Ижро этувчи аппаратининг таркибий бўлинмаси ҳисобланади.

2. Йиғма департаментнинг фаолияти Вазирлар Маҳкамаси, унинг Раёсатини, шунингдек Вазирлар Маҳкамаси Ижро этувчи аппаратини макроиқтисодий мутаносиблик, банк-молия тизимини ислоҳ қилиш, аҳоли ҳаёти даражаси ва сифатини ошириш, ишлаб чиқаришни модернизациялаш ва маҳаллийлаштириш, иқтисодиётни таркибий ўзгартириш, хусусийлаштириш, рақобатни, кичик ва хусусий тадбиркорликни, эркин иқтисодий ва кичик саноат зоналарини ривожлантириш масалалари бўйича ахборот-таҳлилий жиҳатдан таъминлашга йўналтирилган.

3. Йиғма департамент ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлисининг палаталари қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек мазкур Низомга амал қилади.

4. Йиғма департамент ўз фаолиятини Ўзбекистон Республикасининг Бош вазири раҳбарлигида амалга оширади.

Йиғма департамент ўз ваколатига кирадиган масалалар бўйича Ўзбекистон Республикаси Бош вазирининг ўринбосари — Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбарига (кейинги ўринларда Бош вазир ўринбосари деб аталади) бўйсунади ва бир вақтнинг ўзида унинг фаолияти Вазирлар Маҳкамаси аппарати бошқарувчиси томонидан мувофиқлаштириб борилади.

5. Йиғма департамент ўз фаолиятини Ўзбекистон Республикаси Вазирлар Маҳкамаси Ижро этувчи аппаратининг бошқа таркибий бўлинмалари, давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар билан ҳамкорликда амалга оширади, шунингдек Вазирлар Маҳкамаси ахборот-таҳлил департаментлари, марказий иқтисодиёт органларининг иқтисодий ислоҳотларни амалга оширишга доир фаолиятини мувофиқлаштиради.

6. Қуйидагилар Йиғма департаментнинг асосий вазифалари ҳисобланади:

а) макроиқтисодий ривожлантириш, банк ва молия тизимларини ислоҳ қилиш соҳасида:

иқтисодий, таркибий, институционал ва маъмурий ислоҳотларнинг амалга оширилишини тизимли ва комплекс ўрганишни ташкил этиш, марказий иқтисодий органлар, давлат ва хўжалик бошқарувининг бошқа органлари, шунингдек Вазирлар Маҳкамаси ахборот-таҳлил департаментларининг ахборот-таҳлилий фаолиятини мувофиқлаштириш асосида мамлакатни макроиқтисодий ривожлантириш тенденциялари ва истиқболларини таҳлил қилиш;

макроиқтисодий мутаносиблик, иқтисодиётнинг барқарор юқори ўсиш суръатларини, мамлакат аҳолисининг бандлигини таъминлаш ва турмуш даражасини оширишнинг стратегик вазифаларини ҳал этишга йўналтирилган иқтисодий ва ижтимоий сиёсат самарадорлигини ошириш бўйича таклифлар ишлаб чиқиш;

Ўзбекистон Республикаси Давлат бюджети ва давлат мақсадли жамғармалари бюджетларининг лойиҳалари, шунингдек солиқ ва бюджет сиёсатининг асосий йўналишларини ишлаб чиқиш жараёнларини мувофиқлаштириш, бюджетнома лойиҳасининг кўриб чиқилиши ва тасдиқланишини таъминлаш ҳамда уларни Ўзбекистон Республикаси Олий Мажлиси палаталарига тақдим этиш;

тегишли даврлар учун Ўзбекистон Республикаси Давлат бюджети ва давлат мақсадли жамғармалари бюджетларининг ижро этилиши тўғрисидаги ҳисоботлар кўриб чиқилишини, шунингдек уларнинг Ўзбекистон Республикаси Олий Мажлисининг Қонунчилик палатасига тасдиқлаш учун тақдим этилишини таъминлаш;

ўзаро ҳисоб-китоблар ҳолатини тизимли таҳлил қилишни ташкил этиш, бюджет ва давлат мақсадли жамғармаларига тўловлар интизомини мустаҳкамлаш, ҳисоб-китоблар механизмини такомиллаштириш, иқтисодиёт тармоқлари ва секторларида дебиторлик ҳамда кредиторлик қарздорликни камайтириш бўйича амалий чора-тадбирларни ишлаб чиқиш;

пул массаси динамикаси ва тузилмасининг тизимли мониторингини олиб бориш, пул муомаласи ҳолатини таҳлил қилиш, бюджетга солиқлар ва бошқа мажбурий тўловларнинг ўз вақтида тушишини таъминлаш, бюджет ва давлат мақсадли жамғармалари олдидаги қарздорликни камайтириш ва қарздорлик ҳосил бўлишининг олдини олиш ҳамда уларнинг касса ижросини таъминлаш;

банк тизими ва молиявий инфратузилмани янада ислоҳ, умумий қабул қилинган халқаро нормалар, стандартлар ва баҳолаш кўрсаткичларига мувофиқ уларнинг барқарорлигини ошириш ва янада юқори даражага чиқишини таъминлайдиган чора-тадбирларни амалга ошириш ишларини мувофиқлаштириш;

кўрсатилаётган банк-молия хизматлари кўлами, унинг инфратузилмасини кенгайтириш, аҳоли ва хорижий инвесторларнинг банк-молия тизимига ишончини янада мустаҳкамлаш, тижорат банклари ва умуман, молия-банк тизимининг фаолиятини етакчи халқаро рейтинг ташкилотлари томонидан қўлланиладиган халқаро нормалар, мезонлар ва стандартларга асосланган баҳолаш ҳамда таҳлил қилишнинг замонавий тизимини жорий этиш бўйича тизимли чора-тадбирлар ишлаб чиқилиши ва амалга оширилишини ташкил этиш;

суғурта бозорини янада такомиллаштириш, кўрсатилаётган суғурта хизматларининг ҳажми ва кўламини кенгайтириш ҳамда сифатини оширишга қаратилган дастурий чора-тадбирлар амалга оширилишини комплекс таҳлил қилиш, уларни ишлаб чиқиш ва мониторингини олиб бориш ишларини мувофиқлаштириш;

замонавий талабларга ҳамда умумий қабул қилинган халқаро нормалар ва стандартларга мувофиқ банк тизими ва молиявий инфратузилманинг норматив-ҳуқуқий базасини янада такомиллаштиришга доир таклифлар ишлаб чиқиш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар, шунингдек Вазирлар Маҳкамасининг ахборот-таҳлил департаментлари томонидан тайёрланадиган муҳим иқтисодий, ижтимоий муаммолар, институционал ва таркибий ислоҳотлар бўйича мақсадли дастурлар, Ўзбекистон Республикаси Президенти ва Ўзбекистон Республикаси Ҳукуматининг ҳужжатлари лойиҳаларининг республиканинг стратегик манфаатлари ва мақсадларига мувофиқлигини, макроиқтисодий кўрсаткичларга, иқтисодиёт тармоқларининг барқарор ривожланишига таъсирини эксперт баҳолаш;

макроиқтисодий ҳолат ва иқтисодиётдаги сифатли таркибий ўзгаришларнинг, банк-молия тизимини ривожлантириш ва ислоҳ қилишнинг комплекс мақсадли дастурларининг амалга оширилиши, банк-молия тизимини ислоҳ қилиш, янги иш ўринлари ташкил этиш, аҳоли бандлиги, унинг турмуши даражаси ва фаровонлигини оширишнинг, жумладан тегишли маълумотлар базаларини шакллантириш ва уларни таҳлил қилиш йўли билан мониторингини олиб бориш тизимини ташкил этиш;

б) аҳоли бандлиги ва ҳаёти даражасини ошириш ҳамда уни ижтимоий ҳимоя қилиш соҳасида:

Янги иш ўринлари ташкил этиш, аҳоли бандлигини ошириш дастури ишлаб чиқилишини ва унинг белгиланган тартибда Ўзбекистон Республикаси Олий Мажлиси палаталарига тақдим этилишини, аҳолининг турмуши ва фаровонлик даражасини ошириш дастурлари шакллантирилиши, уларнинг тасдиқланиши ва амалга оширилишининг мониторинги олиб борилишини таъминлаш;

демографик омиллар ва иқтисодиётни ривожлантириш истиқболларини ҳисобга олган ҳолда, ишга жойлаштиришнинг илғор шаклларини жорий этишга йўналтирилган аҳоли бандлигини таъминлашнинг ҳудудий дастурларини шакллантириш, пенсионерлар, ногиронлар, кам таъминланган оилалар, аҳолининг бошқа ижтимоий ночор гуруҳларини ижтимоий қўллаб-қувватлашга доир манзилли дастурлар ва самарали тадбирларни ишлаб чиқиш бўйича давлат ва хўжалик бошқаруви органлари, маҳаллий ижро этувчи ҳокимият органлари ишларини мувофиқлаштириш;

республиканинг демографик ривожланиш прогнозлари ва ҳудудлар меҳнат ресурсларининг балансларини тайёрлаш, аҳоли бандлигини таъминлаш ҳамда уни ижтимоий ҳимоя қилиш бўйича самарали комплекс чора-тадбирлар ишлаб чиқиш мақсадида демографик жараёнлар, меҳнат ресурсларининг сони ва тузилмасининг сон ҳамда сифат жиҳатидан ўзгаришининг чуқур таҳлил қилиниши ва мониторинги олиб борилишини, аҳолининг турмуш ва фаровонлик даражаси тадқиқ этилишини ташкил этиш;

меҳнат ва аҳоли бандлиги, меҳнатга ҳақ тўлашни тартибга солиш, фуқароларнинг пенсия таъминоти, ижтимоий нафақалар ва компенсация тўловларини, ижтимоий ёрдамнинг бошқа турларини тайинлаш, аҳолининг заиф тоифаларига кўрсатилаётган ижтимоий ёрдамнинг табақалаштирилганлиги ва манзиллилигини кучайтиришга йўналтирилган ижтимоий сиёсатни амалга ошириш механизмлари ва усулларини яхшилаш соҳасидаги қонунчиликни такомиллаштириш юзасидан таклифлар ишлаб чиқиш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар, шунингдек Вазирлар Маҳкамасининг ахборот-таҳлил департаментлари томонидан ишлаб чиқилган аҳоли бандлигини таъминлаш ва уни ижтимоий ҳимоя қилишнинг муҳим устувор йўналишларини амалга ошириш бўйича мақсадли дастурлар, Ўзбекистон Республикаси Президенти ва республика Ҳукуматининг ҳужжатлари лойиҳаларини эксперт баҳолаш;

меҳнат, бандлик ва аҳолини ижтимоий ҳимоя қилиш, меҳнат муносабатларини мустаҳкамлаш, моддий рағбатлантириш механизмларини ва меҳнатни муҳофаза қилиш шароитларини яхшилаш соҳасидаги қонунчиликни такомиллаштиришга йўналтирилган мақсадли дастурлар, қабул қилинган қонунлар, Ўзбекистон Республикаси Президенти ва Вазирлар Маҳкамасининг қарорлари амалга оширилишини назорат қилиш;

в) таркибий ўзгаришлар ва ишлаб чиқаришни модернизация қилиш соҳасида:

саноатда таркибий ўзгаришларни янада чуқурлаштириш соҳасида жаҳон ва минтақа бозорларида барқарор харидоргир бўлган юқори қўшилган қийматга эга рақобатбардошли маҳсулотларни минерал ҳамда хом ашё ресурсларини чуқур қайта ишлаш асосида ишлаб чиқаришни таъминлайдиган устувор саноат тармоқларини жадал ривожлантиришга йўналтирилган комплекс дастурларни шакллантириш ва уларни амалга ошириш ишларини мувофиқлаштириш;

ишлаб чиқаришни маҳаллийлаштириш даражасини янада чуқурлаштириш чора-тадбирларининг амалга оширилишини тизимли таҳлил ва назорат қилишни ташкил этиш, ишлаб чиқаришни маҳаллийлаштириш лойиҳаларини ҳаётга татбиқ этиш доирасида импортни камайтириш, импорт ўрнини босадиган рақобатбардошли маҳсулотлар, шунингдек тайёр маҳсулот турлари, бутловчи буюмлар ҳамда материаллар ишлаб чиқаришни ташкил этиш бўйича тасдиқланган параметрларга эришишни таъминлаш;

импорт ҳажмлари ва номенклатурасини йўналишлар бўйича чуқур таҳлил қилиш асосида маҳсулот ишлаб чиқаришни янада маҳаллийлаштириш дастурлари ишлаб чиқилишини, маҳаллий ишлаб чиқарувчилар томонидан ўзлаштириш учун тайёр маҳсулотлар, бутловчи буюмлар ва материаллар рўйхати бўйича таклифлар тайёрлашни мувофиқлаштириш;

саноат корхоналарини модернизациялаш ва технологик янгилаш, уларда илғор инновация технологияларини жадал жорий этиш, меҳнат унумдорлигини ошириш, саноат учун юқори малакали кадрларни тайёрлашга қаратилган чора-тадбирлар амалга оширилишини таҳлил қилиш;

иқтисодиётнинг барқарор юқори ўсиш суръатларини, мамлакат аҳолисининг бандлигини таъминлаш ва турмуш даражасини ошириш мақсадида иқтисодиётда таркибий ўзгаришлар, амалга оширилаётган бозор ислоҳотларини чуқурлаштириш, инновацион тараққиёт механизмини изчил жорий этиш бўйича таклифлар ишлаб чиқиш;

тармоқлар ва республика ҳудудларида таркибий ислоҳотларнинг амалга оширилиши тўғрисида маълумотлар базасининг мониторингини олиб бориш ҳамда уни шакллантириш тизимини, иқтисодиёт асосий тармоқлари корхоналарини модернизациялаш, техникавий янгилаш ва технологик қайта жиҳозлаш, ишлаб чиқариш харажатларини камайтириш дастурларининг бажарилишини назорат қилишни ташкил этиш;

таркибий ўзгаришларнинг тармоқ ва ҳудудий дастурлари амалга оширилишини, ишлаб чиқаришни модернизациялаш ҳамда маҳаллийлаштириш мониторинги натижаларини умумлаштириш ва комплекс таҳлил қилиш ҳамда улар асосида тасдиқланган параметрларга албатта эришиш бўйича таклифлар ва тадбирлар ишлаб чиқиш;

давлат ва хўжалик бошқаруви органлари томонидан моддий ва қиймат баланслари ишлаб чиқилишини мувофиқлаштириш, уларнинг бажарилиши юзасидан мониторинг олиб бориш;

Вазирлар Маҳкамасининг таркибий бўлинмалари билан биргаликда ТИА (ТИҲ) ва йирик ҳамда стратегик муҳим инвестиция лойиҳаларини молиялаштириш схемаларини кўриб чиқишда иштирок этиш;

Ўзбекистон Республикаси Президенти ва Ўзбекистон Республикаси Ҳукуматининг аниқ инвестиция лойиҳалари бўйича ҳужжатлари лойиҳаларини ҳар томонлама таҳлилқилиш ҳамда комплекс экспертизадан ўтказиш, лойиҳаларни амалга оширишнинг самарали ва энг маъқул схемаларини танлаш бўйича таклифлар тайёрлаш;

Вазирлар Маҳкамасининг ахборот-таҳлил департаментлари, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотларнинг ишлаб чиқаришни модернизациялаш, техник ҳамда технологик янгилаш бўйича тармоқ ва ҳудудий дастурларга киритилган инвестиция лойиҳаларининг ўз вақтида тайёрланишини ҳамда амалга оширилишини таъминлаш бўйича фаолиятини мувофиқлаштириш;

давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар, шунингдек Вазирлар Маҳкамасининг ахборот-таҳлил департаментлари томонидан ишлаб чиқилган муҳим таркибий ислоҳотлар, иқтисодиётни модернизациялаш, ҳудудларнинг иқтисодий ва ижтимоий муаммолари бўйича тармоқ ва ҳудудий дастурлар, Ўзбекистон Республикаси Президенти ва Ўзбекистон Республикаси Ҳукумати ҳужжатлари лойиҳаларини эксперт баҳолаш;

иқтисодий ислоҳотлар, иқтисодий ривожланиш дастурлари, қабул қилинган қонунлар, Ўзбекистон Республикаси Президенти ва Вазирлар Маҳкамасининг тармоқ ҳамда ҳудудлар даражасида қабул қилинган қарорлари амалга оширилишини назорат қилиш;

г) хусусийлаштириш, рақобат муҳити, хусусий тадбиркорлик ва кичик бизнесни ривожлантириш соҳасида:

иқтисодиётда хусусий мулк даражаси ва ролини тубдан ошириш, хусусийлаштириш жараёнларини чуқурлаштириш, хусусий инвесторларга давлат активларини сотишни тезлаштириш, давлат тасарруфидан чиқаришнинг янги шакллари ва усулларини жорий этиш бўйича дастурий чора-тадбирлар амалга оширилишини назорат қилиш;

давлат улушига эга хўжалик бирлашмалари фаолиятининг мониторингини олиб бориш ва таҳлил қилиш, шунингдек давлат активларини хусусий мулкдорларга, жумладан «нол» харид қиймати бўйича сотиш борасида қабул қилинган дастурлар ҳамда тадбирлар амалга оширилишини назорат қилиш, инвесторларнинг қабул қилган инвестиция ва ижтимоий мажбуриятларини бажаришини таъминлаш;

хусусийлаштирилган корхоналар фаолиятининг молиявий-иқтисодий ва ишлаб чиқариш кўрсаткичларини доимий асосда чуқур таҳлилқилиш, аввал хусусийлаштирилган корхоналар самарадорлигининг пастлиги ҳамда фаолият кўрсатмаслигининг сабаблари ва омилларини аниқлаш, уларни, жумладан янги инвесторларни жалб қилиш, ишлаб чиқаришни модернизациялаш ҳамда технологик қайта жиҳозлаш, маҳсулот таннархини камайтириш ҳамда янги турдаги рақобатбардошли маҳсулотлар ишлаб чиқаришни ўзлаштириш ҳисобига молиявий соғломлаштириш борасида комплекс чора-тадбирлар ишлаб чиқилиши ва амалга оширилишини ташкил этиш;

янги иш ўринларини яратиш ва рақобатбардошли маҳсулотлар ишлаб чиқаришни йўлга қўйиш мақсадида хусусийлаштирилган муайян корхоналарни ривожлантириш, фойдаланилмаётган ишлаб чиқариш қувватлари, бўша турган ва қурилиши тугалланмаган объектларни самарали ишга туширишнинг «йўл хариталари» ҳамда дастурларини ишлаб чиқиш ва амалга ошириш, уларга рухсат берувчи ҳужжатларни олиш, коммуникацияларга уланиш ҳамда тижорат банкларида кредитлар ажратилишига кўмаклашиш ишларини мувофиқлаштириш;

кичик бизнес ва хусусий тадбиркорликни жадал ривожлантириш, ишончли ҳимоя қилиш, уларга кўпроқ эркинлик бериш, давлат органларининг улар фаолиятига аралашувини тубдан қисқартириш, тадбиркорликни ривожлантириш йўлидаги бюрократик тўсиқларни бартараф этишга доир комплекс дастурий чора-тадбирлар амалга оширилишининг мувофиқлаштирилишини ҳамда назорат қилинишини таъминлаш;

акциядорлик жамиятлари фаолиятининг самарадорлигини тубдан ошириш, уларнинг бўлажак инвесторлар учун очиқлиги ва жозибадорлигини таъминлаш, корпоратив бошқарувнинг замонавий усулларини жорий этиш, корхоналарни стратегик бошқаришда акциядорлар ролини кучайтириш бўйича дастурий чора-тадбирлар амалга оширилишини таҳлил қилиш;

давлат ва хўжалик бошқаруви органлари, маҳаллий ижро этувчи ҳокимият органлари томонидан қимматли қоғозлар бозорини фаол шакллантириш ва унинг фаолият кўрсатишини таъминлаш чора-тадбирлари амалга оширилишини мувофиқлаштириш;

иқтисодиётни либераллаштириш ва модернизациялаш кўламларини, мамлакатда ишбилармонлик муҳитини шакллантириш даражасини баҳолашнинг ҳар чораклик индикаторлари тизимини таҳлил қилиш асосида бозор ислоҳотларини янада чуқурлаштириш ҳамда иқтисодиётни либераллаштириш жараёнларининг тизимли мониторингини олиб бориш ҳамда таҳлил қилиш;

товар ва молия бозорларида монополияга қарши самарали бошқарув ва рақобатнинг чекланишига йўл қўймаслик чора-тадбирларини амалга ошириш, шунингдек истеъмолчилар ҳуқуқларининг давлат томонидан ҳимоя қилинишини ташкил этиш;

д) эркин иқтисодий ва кичик саноат зоналарини ривожлантириш соҳасида:

эркин иқтисодий ва кичик саноат зоналарининг маъмурий кенгашлари ҳамда дирекцияларининг, жумладан тўғридан-тўғри хорижий инвестициялар ва маҳаллий инвесторларни жалб этиш масаласида фаолиятини мувофиқлаштириш ҳамда самарадорлигини таҳлил қилиш, эркин иқтисодий зоналар маъмурий кенгашларига ташқи бозорларда харидоргир бўлган ва юқори қўшилган қийматга эга, импорт ўрнини босадиган маҳсулот ишлаб чиқариш бўйича замонавий корхоналар ташкил этишга кўмаклашиш;

эркин иқтисодий ва кичик саноат зоналарида саноат ҳамда қишлоқ хўжалиги маҳсулотларини чуқур қайта ишлаш, юқори технологияли маҳсулотларни, жумладан маҳаллий хом ашё ва материаллар асосида ишлаб чиқаришни маҳаллийлаштириш соҳасида замонавий янги ишлаб чиқаришларни ташкил этиш бўйича жойлаштирилган инвестиция лойиҳалари амалга оширилишининг мониторинги олиб борилиши ҳамда таҳлил этилишини ташкил қилиш;

инвестиция лойиҳаларини таҳлилқилиш ва танлашда, эркин иқтисодий ва кичик саноат зоналари ҳудудларида транспорт, муҳандислик-коммуникация ҳамда ижтимоий инфратузилмани жадал ривожлантириш ва ундан самарали фойдаланишни таъминлаш дастурларини ишлаб чиқишда иштирок этиш;

эркин иқтисодий ва кичик саноат зоналарини янада ривожлантириш, уларда республика ҳудудларининг мавжуд ишлаб чиқариш ҳамда ресурс салоҳияти ҳисобга олинган ҳолда, маҳаллий хом ашё ва материалларни маҳаллийлаштириш жараёнларини чуқурлаштириш асосида юқори технологияли маҳсулотлар ишлаб чиқаришни таъминлайдиган лойиҳаларни жойлаштириш бўйича таклифлар ҳамда дастурларни шакллантириш;

7. Йиғма департамент ўзига юкланган вазифаларни бажариш учун қуйидаги функцияларни бажаради:

мамлакатни макроиқтисодий ва ижтимоий ривожлантириш, модернизация ва таркибий ўзгаришлар масалалари бўйича маълумотлар базаларини ташкил этиш, юритиш ҳамда мунтазам янгилаб бориш, тармоқлар ва ҳудудларда иқтисодий ислоҳотларни ҳаётга татбиқ этиш бўйича давлат мақсадли дастурлари амалга оширилишини таъминлайди;

ўзи юритадиган соҳага доир масалалар тўғрисидаги ахборотни умумлаштиради ва тахлилий қайта ишлайди, Ўзбекистон Республикаси Президенти, Ўзбекистон Республикасининг Бош вазири, Бош вазир ўринбосари учун, шунингдек, Вазирлар Маҳкамасида кўриб чиқиш учун тегишли маълумотнома, тахлилий материаллар ҳамда таклифлар тайёрлайди;

ҳудудлардаги иқтисодий ва ижтимоий аҳволни, жумладан жойига бориб ўрганади, ижтимоий-иқтисодий, таркибий ва маъмурий ислоҳотлар бўйича Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари ижросини ўрганади ҳамда Вазирлар Маҳкамаси раҳбариятига ҳисобот бериш учун тегишли тахлилий материаллар ва таклифлар тайёрлайди;

Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишларининг, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчиси топшириқларининг бажарилишини назорат қилади;

Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари ҳамда бошқа ҳужжатларнинг Вазирлар Маҳкамасига киритилган лойиҳаларини экспертизадан ўтказади, қайта ишлайди ва келишади, уларга зарур тахлилий ҳамда маълумотнома материалларининг сифатли тайёрланишини таъминлайди;

республикани ижтимоий-иқтисодий ривожлантириш якунлари бўйича Вазирлар Маҳкамаси мажлисларига тайёргарлик кўриш билан боғлиқ материалларни ишлаб чиқиш ва қарорларни расмийлаштиришда иштирок этади, ушбу материалларни Бош вазир ўринбосари, Вазирлар Маҳкамаси аппарати бошқарувчисига тақдим этади, шунингдек Вазирлар Маҳкамасининг тегишли протокол қарорлари ижросининг назоратини таъминлайди;

Ўзбекистон Республикаси Президенти, Ўзбекистон Республикасининг Бош вазири ва унинг ўринбосари ўтказадиган йиғилишлар учун материаллар тайёрлашда ҳамда уларда қабул қилинадиган қарорларни расмийлаштиришда иштирок этади;

материаллар, Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишларининг комплекс равишда сифатли тайёрланиши ҳамда ишлаб чиқилишини, шунингдек уларни манфаатдор давлат ва хўжалик бошқаруви органлари, маҳаллий ижро этувчи ҳокимият органлари, ташкилотлар, Вазирлар Маҳкамасининг Ижро этувчи аппаратининг таркибий бўлинмалари билан келишишни таъминлайди;

қонун лойиҳаларининг ишлаб чиқилиши ва Ўзбекистон Республикаси Олий Мажлисига белгиланган тартибда тақдим этилишини, Йиғма департамент ваколатига кирадиган масалалар бўйича уларни ҳимоя қилишни ташкил этади;

мутасаддилик қилинадиган давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар фаолиятини уларга юкланган вазифаларга мувофиқ мувофиқлаштиради;

Ўзбекистон Республикасининг Бош вазири, Бош вазир ўринбосари раҳбарлик қиладиган тегишли ҳукумат ва идоралараро комиссиялар ҳамда кенгашларнинг самарали ишлашини таъминлайди ва улар қабул қилган қарорларнинг бажарилишини назорат қилади;

жисмоний ва юридик шахсларнинг, жумладан электрон шаклда келадиган мурожаатларини кўриб чиқади, уларда қўйилган масалаларни ҳал этишга оид таклифлар тайёрлайди, ушбу мурожаатларни тегишли давлат ва хўжалик бошқаруви органлари, маҳаллий ижро этувчи ҳокимият органлари ҳамда бошқа ташкилотларга кўриб чиқиш ва чоралар кўриш учун юборади, уларнинг ўз вақтида кўриб чиқилишини назорат қилади, жисмоний шахсларни ва юридик шахслар вакилларини қабул қилади;

республика ҳудудлари бўйича макроиқтисодий ривожланиш, банк-молия тизимини ислоҳ қилиш, иқтисодиётни модернизациялаш ва таркибий ўзгартириш, хусусийлаштириш, рақобатни, кичик ва хусусий тадбиркорлик, эркин иқтисодий ҳамда кичик саноат зоналарини ривожлантириш, аҳолининг ҳаёт даражаси ва сифатини ошириш масалалари, шунингдек иқтисодиёт соҳалари бўйича мақсадли дастурлар, Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамаси қарорлари ва фармойишларининг амалга оширилишини мувофиқлаштиришни таъминлайди ҳамда натижаларини умумлаштиради;

Департаментга юкланган бошқа вазифаларни ҳам белгиланган тартибда амалга оширади.

8. Йиғма департамент ўзига юкланган вазифалар ва функцияларни бажариш учун қуйидаги ҳуқуқларга эга:

Вазирлар Маҳкамасида кўриб чиқиладиган масалаларни таҳлил қилиш ва тайёрлаш учун зарур бўлган материаллар ва маълумотларни Вазирлар Маҳкамаси Ижро этувчи аппаратининг бошқа таркибий бўлинмаларидан, давлат ва хўжалик бошқаруви, маҳаллий давлат ҳокимияти органларидан, бошқа органлар ва ташкилотлардан белгиланган тартибда сўраш ва олиш;

давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотларнинг, шунингдек Вазирлар Маҳкамаси Ижро этувчи аппарати ахборот-таҳлил департаментларининг макроиқтисодий ривожлантириш, таркибий ва институционал ислоҳотлар, иқтисодиёт тармоқлари, секторлари ва ҳудудларни иқтисодий ривожлантириш стратегияси ва дастурларини ишлаб чиқиш масалалари бўйича ахборот-таҳлилий ҳамда прогнозлаш фаолиятини мувофиқлаштириш;

давлат ва хўжалик бошқаруви, маҳаллий ижро этувчи ҳокимият органлари, бошқа органлар ва ташкилотлар раҳбарлари ҳамда вакиллари иштирокида йиғилишлар ўтказиш;

марказий иқтисодиёт органлари, илмий-тадқиқот марказлари ва институтлари ходимлари, маҳаллий ва хорижий экспертларни жалб этган ҳолда ахборот-таҳлилий тадқиқотлар ўтказиш учун эксперт гуруҳларини ташкил этиш;

халқаро конференциялар, конгресслар, симпозиумлар, семинарлар ва кенгашларда, шунингдек иқтисодий, ижтимоий, институционал ва таркибий ислоҳотлар муаммолари бўйича ахборот-таҳлилий тадқиқотлар соҳасидаги халқаро лойиҳаларда қатнашиш;

ташқи иқтисодий фаолият масалалари бўйича давлат ва хўжалик бошқаруви органлари, шунингдек халқаро, хорижий молиявий ва иқтисодий ташкилотлар, хорижий ҳукумат муассасалари билан белгиланган тартибда ёзишмаларни юритиш;

мутасаддилик қилинадиган давлат ва хўжалик бошқаруви органлари, бошқа ташкилотларнинг коллегиал органлари мажлисларида, Ўзбекистон Республикасининг Бош вазири, Бош вазир ўринбосарининг топшириғига биноан — давлат бошқа органларининг, нодавлат нотижорат ва бошқа ташкилотларнинг Йиғма департамент юритадиган соҳага кирувчи масалалар бўйича ўтказиладиган мажлислари ва йиғилишларида қатнашиш;

зарур ҳолларда, Вазирлар Маҳкамасида кўриб чиқиладиган масалаларни ишлаб чиқиш учун давлат ва хўжалик бошқаруви органлари, маҳаллий ижро этувчи ҳокимият органлари, илмий муассасалар ва бошқа ташкилотларнинг раҳбарлари ва мутахассисларини белгиланган тартибда жалб этиш, тегишли масалалар бўйича вақтинчалик ишчи гуруҳлар ташкил этиш;

зарур бўлганда, «Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонуни ва Вазирлар Маҳкамасининг Регламенти ва бошқа норматив-ҳуқуқий ҳужжатлар талаблари бузилган ҳолда келган ҳужжатларни қайтариш.

Йиғма департаментнинг зарур материаллар, маълумотларни тақдим этиш, шунингдек Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, бошқа ҳужжатлар лойиҳаларини пухта ишлаб чиқиш бўйича талаблари, агар Ўзбекистон Республикаси Президенти, Ўзбекистон Республикасининг Бош вазири, унинг ўринбосарлари ва Вазирлар Маҳкамаси аппарати бошқарувчисининг топшириқларида бажаришнинг бошқа муддатлари белгиланмаган бўлса, департамент белгилаган муддатларда бажарилиши лозим.

9. Йиғма департамент:

ўзига юкланган вазифаларнинг тегишли даражада ва самарали бажарилиши;

Вазирлар Маҳкамасига киритилган ҳужжатлар лойиҳалари, таклифлар ва масалаларнинг эксперт жиҳатидан сифатли ишлаб чиқилишини ташкил этиш;

Ўзбекистон Республикаси қонунлари, Ўзбекистон Республикаси Олий Мажлиси палаталари қарорлари, Ўзбекистон Республикаси Президенти фармонлари, қарорлари ва фармойишлари, Ҳукумат қарорлари, фармойишлари, Вазирлар Маҳкамаси раҳбарияти топшириқларининг мутасаддилик қилинадиган давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар томонидан ўз вақтида ва сифатли бажарилиши юзасидан назоратнинг таъминланиши;

Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига, шунингдек Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ ижро интизомига сўзсиз риоя этилиши учун жавоб беради.

10. Йиғма департаментнинг тузилмасига Йиғма департамент мудири, Йиғма департамент мудирининг ўринбосари ва инспектор, шунингдек:

макроиқтисодий таҳлил ва иқтисодиёт ривожланишини прогнозлаштириш шуъбаси;

банк ва молия тизимларини ислоҳ қилиш шуъбаси;

таркибий ўзгартиришлар ва ишлаб чиқаришни модернизация қилиш шуъбаси;

хусусийлаштирилган корхоналарга кўмаклашиш, рақобат муҳитини, хусусий тадбиркорлик ва кичик бизнесни ривожлантириш масалалари шуъбаси;

эркин иқтисодий ва кичик саноат зоналарини ривожлантириш масалалари шуъбаси киради.

Ҳар бир шуъба таркибига шуъба мудири, бош ва етакчи мутахассислар киради.

Йиғма департамент тузилмаси Ўзбекистон Республикаси Президенти томонидан тасдиқланади.

11. Йиғма департамент ишларига Йиғма департамент мудири раҳбарлик қилади.

12. Йиғма департамент мудири, мудир ўринбосари, шуъбалар мудирлари ва мутахассислари белгиланган тартибда лавозимга тайинланади ва лавозимдан озод қилинади.

13. Йиғма департамент фаолияти «Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонунига, Вазирлар Маҳкамасининг Регламентига, Ўзбекистон Республикаси Вазирлар Маҳкамасининг Ижро этувчи аппарати тўғрисидаги Низом, ушбу Низомга, Вазирлар Маҳкамаси Ижро этувчи аппаратида иш юритиш бўйича йўриқномага, Ўзбекистон Республикаси Президентининг, Ўзбекистон Республикаси Бош вазирининг, Бош вазир ўринбосарининг топшириқларига, Вазирлар Маҳкамаси аппарати бошқарувчисининг буйруқлари ва топшириқларига мувофиқ, шунингдек Вазирлар Маҳкамасининг иш режалари, Йиғма департаментнинг иш режалари, Йиғма департамент мудири, мудирнинг ўринбосари, шуъба мудирлари ва мутахассисларининг шахсий иш режалари асосида ташкил этилади.

Департаментнинг иш режаси Вазирлар Маҳкамасининг Вазирлар Маҳкамаси Раёсати томонидан тасдиқланадиган иш режаси асосида шакллантирилади.

Йиғма департаментнинг иш режалари, Йиғма департамент мудирининг шахсий иш режаси Вазирлар Маҳкамаси аппарати бошқарувчиси билан келишилади ва Ўзбекистон Республикаси Бош вазирининг ўринбосари томонидан тасдиқланади.

Мудир ўринбосари, шуъба мудирлари ва мутахассисларнинг шахсий иш режалари Йиғма департамент мудири томонидан тасдиқланади.

Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ҳукумат қарорлари ва фармойишларининг мутасаддилик қилинадиган давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотларда амалга оширилишининг тизимли мониторингини олиб бориш бўйича Йиғма департамент фаолияти Вазирлар Маҳкамасининг иш режасига мувофиқ комплекс ўрганишлар асосида, шунингдек Ўзбекистон Республикасининг Бош вазири, Ўзбекистон Республикаси Бош вазирининг ўринбосари, Вазирлар Маҳкамаси аппарати бошқарувчисининг топшириқларига биноан, Вазирлар Маҳкамаси, Вазирлар Маҳкамаси Раёсати, Комплекси, Йиғма департамент мажлисларида ҳисоботларни эшитиш ва маълумотларнинг тегишли банкини юритиш орқали ташкил этилади.

14. Йиғма департамент мудири:

Йиғма департаментга бевосита раҳбарлик қилади, ўз ўринбосари, шуъбалар мудирлари ва мутахассислар ишларини ташкил этади, Йиғма департаментга юкланган вазифалар ва функцияларнинг бажарилиши учун шахсан жавоб беради;

Йиғма департамент юритадиган соҳага оид масалалар бўйича Вазирлар Маҳкамасига киритилган таклифлар ва норматив-ҳуқуқий ҳужжатлар лойиҳаларини кўриб чиқишда давлат принципларига қатъий риоя этилишини таъминлайди, уларнинг эксперт жиҳатдан ишлаб чиқилишини ташкил этади ва ҳужжатларнинг тайёрланган лойиҳаларига виза қўяди. Тегишли норматив-ҳуқуқий ҳужжатлар қабул қилингандан сўнг уларнинг амалга оширилиши юзасидан тизимли назоратни таъминлайди;

республиканинг тегишли тармоқлари, соҳалари ва ҳудудларида иқтисодий ислоҳотларнинг аҳволи ва самарадорлигининг тизимли мониторинги ташкил этилиши ва бу ҳақдаги маълумотлар банкининг шакллантирилишини, шунингдек муаммоли масалаларни ҳал этишга доир амалий чора-тадбирлар ишлаб чиқилиши ва амалга оширилишини, республика тармоқлари ва ҳудудларини ривожлантиришнинг истиқболли вазифалари амалга оширилишини таъминлайди;

Йиғма департаментнинг тасдиқланган тузилмаси ва штатлар жадвалига, шуъба мудирлари ва мутахассисларнинг касб даражаси ва амалий малакасини ошириш, уларни рағбатлантириш ҳамда жазолаш чораларига мувофиқ лавозимларга тавсия этилаётган номзодлар бўйича таклифларни пухта ишлаб чиқади ва Вазирлар Маҳкамаси аппарати бошқарувчиси билан келишган ҳолда Комплекс раҳбарига кўриб чиқиши учун киритади;

вазифаларнинг ўринбосар, шуъба мудирлари ва мутахассислар ўртасида тақсимланишини, шунингдек Комплекснинг ярим йиллик иш режаси лойиҳасини ишлаб чиқади ва Комплекс раҳбарига тасдиқлаш учун киритади, Йиғма департамент мудири ўринбосари, шуъбалар мудирлари ва мутахассисларининг иш режаларини тасдиқлайди;

Вазирлар Маҳкамасига келган ва республика Ҳукуматининг қарори талаб этилмайдиган ҳужжатларни давлат ва хўжалик бошқарувининг тегишли органлари, маҳаллий ижро этувчи ҳокимият органлари ва бошқа ташкилотларга кўриб чиқиш учун юборади;

Вазирлар Маҳкамаси ва унинг Раёсати мажлисларида, Ўзбекистон Республикасининг Бош вазири, унинг ўринбосарлари ўтказадиган йиғилишларда, Ҳукумат комиссиялари ва идоралараро комиссиялар, кенгашлар мажлисларида ва Йиғма департамент юритадиган соҳага кирадиган масалалар бўйича Вазирлар Маҳкамаси аппарати бошқарувчиси ўтказадиган йиғилишларда қатнашади;

Йиғма департамент кадрлар захираси шакллантирилиши ва янгиланишини, кадрлар захирасига киритилган шахслар билан тизимли ишлар олиб бориш ташкил этилишини таъминлайди.

Вазирлар Маҳкамаси Ижро этувчи аппаратида амалда бўлган Йўриқномага мувофиқ ишларнинг юритилишини таъминлайди;

чиқувчи хат-хабарларни имзолайди.

15. Йиғма департамент мудири вақтинчалик бўлмаган тақдирда унинг вазифасини ўринбосар бажаради.

16. Йиғма департамент мудирининг ўринбосари:

шуъбалар мудирлари ва мутахассислар фаолиятини мувофиқлаштиради, ўзига биркитилган масалалар бўйича Йиғма департаментга юкланган вазифалар ва функцияларнинг бажарилиши ҳамда ижро интизомининг ҳолати учун шахсан жавоб беради;

ўзига биркитилган масалалар бўйича материаллар ва ҳужжатлар лойиҳаларининг сифатли ва ўз вақтида тайёрланишини ташкил қилади, топшириқларнинг бажарилиши юзасидан назоратни таъминлайди;

тегишли масалалар бўйича тизимлаштирилган маълумотлар базаси яратилиши ва юритилиши, уларни мунтазам янгилаб туриш юзасидан назоратни амалга оширади;

материаллар тўғрисида Йиғма департамент мудирига, шунингдек белгиланган тартибда Бош вазир ўринбосарига, Вазирлар Маҳкамаси аппарати бошқарувчисига ахборот беради;

ислоҳотларни чуқурлаштириш, республикани, тармоқлар ва ҳудудларни янада ижтимоий-иқтисодий ривожлантириш, шунингдек тегишли соҳалардаги мавжуд камчиликларни бартараф этиш бўйича таклифлар ишлаб чиқилишини ташкил қилади ва уларни Йиғма департамент мудирига тақдим этади;

Вазирлар Маҳкамаси ва унинг Раёсати мажлисларида, Ўзбекистон Республикасининг Бош вазири, унинг ўринбосарлари ўтказадиган йиғилишларда, Ҳукумат комиссиялари ҳамда идоралараро комиссиялар ва кенгашлар мажлисларида, ўзи юритадиган масалалар бўйича Вазирлар Маҳкамаси аппарати бошқарувчиси ўтказадиган йиғилишларда белгиланган тартибда қатнашади;

Вазирлар Маҳкамаси ва унинг Раёсати мажлисларида, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчиси ўтказадиган йиғилишларда кўриб чиқишга материаллар тайёрлаш, шунингдек ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини муҳокама қилиш учун ўзига биркитилган масалалар бўйича давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар раҳбарлари, олимлар ва мутахассислар иштирокида йиғилишлар ўтказади;

Йиғма департамент мудирининг топшириғига биноан чиқувчи хат-хабарларни имзолайди;

Йиғма департамент мудирига тегишли мутахассислар ўртасида вазифаларни тақсимлаш бўйича таклифлар киритади;

Йиғма департамент мудирига мутахассисларни лавозимга тайинлаш ва лавозимдан озод қилиш, уларнинг малакасини ошириш, рағбатлантириш ҳамда жазолаш тўғрисида таклифлар тақдим этади.

17. Шуъба мудири:

шуъба мутахассислари ишларини мувофиқлаштиради ва шуъбага юкланган вазифалар ҳамда функцияларнинг бажарилиши учун шахсан жавоб беради;

шуъбага бириктирилган масалалар бўйича мутахассислар томонидан маълумотнома, таҳлилий, статистика ва бошқа материалларнинг, шунингдек қонун ҳужжатлари ва бошқа норматив-ҳуқуқий ҳужжатлар лойиҳаларининг сифатли ва ўз вақтида тайёрланишини ташкил этади;

қабул қилинган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамаси қарорлари ва фармойишларини амалга ошириш бўйича мутахассислар томонидан ташкилий чора-тадбирлар ёки назорат режалари тайёрланишини, Ўзбекистон Республикаси Бош вазири ёки унинг ўринбосари уларни тасдиқлашини мувофиқлаштиради, эришилган натижаларнинг доимий мониторингини таъминлайди;

масалаларни ўрганиб чиқишни мувофиқлаштириш ва Вазирлар Маҳкамаси, Йиғма департаментнинг тегишли давр учун иш режаларида, шунингдек мутахассисларнинг шахсий иш режаларида назарда тутилган чора-тадбирлар амалга оширилишини таъминлайди, таклифларни танқидий таҳлил қилиш асосида Йиғма департамент мудирининг ўринбосари, Йиғма департамент мудири ва Бош вазир ўринбосарига кўриб чиқиш учун киритади;

мутахассислар томонидан иқтисодиётнинг тегишли тармоқлари, соҳалари ва секторлари, шунингдек республика ҳудудлари бўйича тизимлаштирилган маълумотлар базасининг яратилиши ва юритилишини назорат қилади;

маълумотнома материаллар ва ҳужжатлар лойиҳалари тўғрисида Йиғма департамент мудирининг ўринбосарига, Йиғма департамент мудирига, шунингдек белгиланган тартибда Ўзбекистон Республикаси Бош вазирининг ўринбосарига, Вазирлар Маҳкамаси аппарати бошқарувчисига, Ўзбекистон Республикасининг Бош вазирига ахборот беради;

ислоҳотларни чуқурлаштириш, республикани, тармоқлар ва ҳудудларни янада ижтимоий-иқтисодий ривожлантириш, шунингдек тегишли масалалар бўйича мавжуд камчиликларни бартараф этиш юзасидан таклифлар ишлаб чиқилишини ташкил қилади ва уларни Йиғма департамент мудирининг ўринбосарига, мудирига тақдим этади;

Вазирлар Маҳкамаси ва унинг Раёсати мажлисларида, Ўзбекистон Республикасининг Бош вазири, унинг ўринбосарлари ўтказадиган йиғилишларда, Ҳукумат комиссиялари ҳамда идоралараро комиссиялар ва кенгашлар мажлисларида, шуъба юритадиган соҳага оид масалалар бўйича Вазирлар Маҳкамаси аппарати бошқарувчиси ўтказадиган йиғилишларда қатнашади;

Йиғма департамент мудири топшириғига биноан чиқувчи хат-хабарларни имзолайди;

Вазирлар Маҳкамаси ва унинг Раёсати мажлисларида, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчиси ўтказадиган йиғилишларда кўриб чиқишга материаллар тайёрлаш, шунингдек ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини муҳокама қилиш учун ўзига биркитилган масалалар бўйича давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар раҳбарлари ҳамда вакиллари, олимлар ва мутахассислар иштирокида йиғилишлар ўтказади;

вазифалар тақсимотига мувофиқ бошқа функцияларни амалга оширади.

18. Йиғма департаментнинг бош мутахассиси:

таклифларнинг ва норматив-ҳуқуқий ҳужжатлар лойиҳаларининг сифати, ишончлилиги ва ўз вақтида тайёрланиши, функционал вазифаларга мувофиқ топшириқлар ва қабул қилинган ҳужжатлар бажарилиши юзасидан назоратни таъминлаш учун шахсан жавоб беради;

тегишли давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар томонидан тақдим этилган таклифлар ҳамда ҳужжатлар лойиҳаларини ҳар томонлама таҳлил қилади, улар бўйича зарур таҳлилий материаллар ва эксперт хулосалар тайёрлайди, шунингдек Ўзбекистон Республикаси Вазирлар Маҳкамасининг Регламентига мувофиқ уларнинг келишилишини таъминлайди;

материаллар ва ҳужжатлар лойиҳалари тўғрисида Йиғма департамент мудири, унинг ўринбосари, шуъба мудирига, шунингдек белгиланган тартибда Ўзбекистон Республикаси Бош вазирининг ўринбосарига ва Вазирлар Маҳкамаси аппарати бошқарувчисига ахборот беради;

қабул қилинган ҳужжатлар бўйича назорат режасини ёки ташкилий чора-тадбирларни ишлаб чиқади ва тасдиқлаш учун киритади, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар томонидан Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, Ўзбекистон Республикаси Президентининг, Ўзбекистон Республикасининг Бош вазири ва унинг ўринбосарларининг иқтисодиётнинг тегишли тармоқлари ва соҳалари ёки республика ҳудудлари бўйича топшириқлари бажарилиши юзасидан тизимли назоратни амалга оширади;

тегишли функционал масалалар ва ҳужжатлар бўйича тизимлаштирилган маълумотлар базасининг шакллантирилиши ва юритилишини, унинг мунтазам янгилаб борилишини ташкил этади;

тегишли давлат ва хўжалик бошқаруви органларининг марказий аппаратлари таркибий бўлинмалари (иқтисодий, молиявий ва юридик хизматлар), маҳаллий ижро этувчи хокимият органлари ишларининг аҳволи ва самарадорлигини доимий асосда ўрганади, уларнинг фаолияти самарадорлигини ошириш юзасидан таклифлар киритади;

ўзига биркитилган масалалар бўйича ўтказиладиган Ўзбекистон Республикаси Вазирлар Маҳкамаси ва унинг Раёсати мажлислари, Ўзбекистон Республикасининг Бош вазири ва унинг ўринбосарлари ўтказадиган йиғилишларда, Ҳукумат комиссиялари ва идоралараро комиссиялар ҳамда кенгашлар мажлисларида, Вазирлар Маҳкамаси аппарати бошқарувчиси ўтказадиган йиғилишларда белгиланган тартибда қатнашади;

Вазирлар Маҳкамаси ва унинг Раёсати мажлисларида, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчиси ўтказадиган йиғилишларда кўриб чиқишга материаллар тайёрлаш, шунингдек ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини муҳокама қилиш учун ўзига биркитилган масалалар бўйича давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар вакиллари, олимлар ва мутахассислар иштирокида йиғилишлар ўтказади;

тегишли масалалар бўйича етакчи мутахассис фаолиятини назорат қилади;

вазифалар тақсимотига мувофиқ бошқа функцияларни амалга оширади.

19. Йиғма департаментнинг етакчи мутахассиси:

таклифларнинг ва норматив-ҳуқуқий ҳужжатлар лойиҳаларининг сифати, ишончлилиги ва ўз вақтида тайёрланиши, функционал вазифаларга мувофиқ топшириқлар ва қабул қилинган ҳужжатлар бажарилиши юзасидан назоратнинг таъминланиши учун шахсан жавоб беради;

давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар томонидан тақдим этилган таклифлар ва ҳужжатлар лойиҳаларини ҳар томонлама таҳлил қилади, улар бўйича зарур таҳлилий материаллар ва эксперт таклифларни тайёрлайди, шунингдек Вазирлар Маҳкамаси Регламентига мувофиқ уларнинг келишилишини таъминлайди;

материаллар ва ҳужжатлар лойиҳалари тўғрисида Йиғма департамент мудири, унинг ўринбосари, шуъба мудири ва бош мутахассисга, шунингдек белгиланган тартибда Ўзбекистон Республикасининг Бош вазири ўринбосарига ва Вазирлар Маҳкамаси аппарати бошқарувчисига ахборот беради;

қабул қилинган ҳужжатлар бўйича назорат режасини ёки ташкилий чора-тадбирларни ишлаб чиқади ва тасдиқлаш учун киритади, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар томонидан Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, Ўзбекистон Республикаси Президентининг, Ўзбекистон Республикасининг Бош вазири ва унинг ўринбосарларининг иқтисодиётнинг тегишли тармоқлари ва соҳалари ёки республика ҳудудлари бўйича топшириқлари бажарилиши юзасидан тизимли назоратни амалга оширади;

тегишли функционал масалалар ва ҳужжатлар бўйича тизимлаштирилган маълумотлар базасининг шакллантирилиши ва юритилишини, мунтазам янгилаб борилишини ташкил этади;

тегишли давлат ва хўжалик бошқаруви органларининг марказий аппаратлари таркибий бўлинмалари (иқтисодий, молиявий ва юридик хизматлар), маҳаллий ижро этувчи ҳокимият органлари, бошқа органлар ва ташкилотлар ишларининг аҳволи ва самарадорлигини доимий асосда ўрганади, уларнинг фаолияти самарадорлигини ошириш юзасидан таклифлар киритади;

ўзига биркитилган масалалар бўйича ўтказиладиган Ўзбекистон Республикаси Вазирлар Маҳкамаси ва унинг Раёсати мажлисларида, Ўзбекистон Республикасининг Бош вазири ва унинг ўринбосарлари ўтказадиган йиғилишларда, Ҳукумат комиссиялари ва идоралараро комиссиялар ҳамда кенгашлар мажлисларида, Вазирлар Маҳкамаси аппарати бошқарувчиси ўтказадиган йиғилишларда белгиланган тартибда қатнашади;

шуъба мудири билан келишган ҳолда давлат ва хўжалик бошқаруви органлари ва бошқа ташкилотлар вакиллари, олимлар ва мутахассислар билан ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини тайёрлаш мақсадида уларни муҳокама қилади;

вазифалар тақсимотига мувофиқ бошқа функцияларни амалга оширади.

20. Инспектор Йиғма департаментда иш юритилишини таъминлайди, ҳужжатларнинг ўтишини назорат қилади, ҳужжатлар Йиғма жилдларининг тайёрланишини ва архивда сақлашга ўз вақтида берилишини таъминлайди, ўзига юкланган бошқа функцияларни бажаради.

1. Инвестиция дастурларининг шакллантирилишини мувофиқлаштириш, амалга оширилиши мониторинги ва хорижий инвестицияларни жалб этиш масалалари ахборот-таҳлил департаменти (кейинги ўринларда Йиғма департамент деб аталади) Ўзбекистон Республикаси Президентининг «Ўзбекистон Республикаси Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида» 2017 йил 12 июндаги ПҚ-3051-сон қарорига мувофиқ ташкил этилган.

2. Департамент Ўзбекистон Республикаси Ҳукумати Ижро этувчи аппаратининг таркибий бўлинмаси ҳисобланади, унинг фаолияти инвестиция дастурларини шакллантириш ва уларнинг амалга оширилишининг мониторингини олиб бориш, хорижий инвестицияларни жалб этиш соҳасида халқаро ҳамкорлик масалалари бўйича Вазирлар Маҳкамаси, унинг Раёсатини, шунингдек Вазирлар Маҳкамаси Ижро этувчи аппаратини ахборот-таҳлилий жиҳатдан таъминлашга йўналтирилган.

3. Департамент ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлисининг палаталари қарорлари, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишлари, шунингдек мазкур Низомга амал қилади.

4. Департамент ўз фаолиятини Ўзбекистон Республикасининг Бош вазири раҳбарлигида амалга оширади.

Департамент ўз ваколатига кирувчи масалалар бўйича Ўзбекистон Республикаси Бош вазирининг ўринбосари — Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбарига (кейинги ўринларда Бош вазир ўринбосари деб аталади) бўйсунади ва бир вақтда унинг фаолияти Вазирлар Маҳкамаси аппарати бошқарувчиси томонидан мувофиқлаштириб борилади.

5. Департамент ўз фаолиятини Ўзбекистон Республикаси Вазирлар Маҳкамаси Ижро этувчи аппаратининг бошқа таркибий бўлинмалари, давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар билан ҳамкорликда амалга оширади, шунингдек Вазирлар Маҳкамаси ахборот-таҳлил департаментлари, марказий иқтисодиёт органларининг иқтисодий ислоҳотларни амалга оширишга доир фаолиятини мувофиқлаштиради.

6. Соҳа вазирликлари, идоралари ва хўжалик бирлашмаларининг инвестиция бўлинмалари ҳамда департаментлари бошлиқлари, дипломатик ваколатхоналарнинг савдо-иқтисодий масалалар бўйича маслаҳатчилари ва халқаро ташкилотлардаги доимий вакиллар лавозимга Департамент мудири билан келишган ҳолда тегишли равишда уларнинг раҳбарлари томонидан белгиланган тартибда тайинланадилар.

7. Қуйидагилар Департаментнинг асосий вазифалари ҳисобланади:

иқтисодиёт тармоқлари ва ҳудудларни комплекс ривожлантириш ҳамда инвестиция сиёсати мақсадларига эришишни таъминлайдиган давлат ва хўжалик бошқаруви органлари, маҳаллий ижро этувчи ҳокимият органлари, бошқа ҳудудлар ҳамда ташкилотларнинг таклифлари асосида қисқа ва ўрта муддатли инвестиция дастурларини шакллантириш ишларини мувофиқлаштириш;

Вазирлар Маҳкамаси ахборот-таҳлил департаментлари, давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотларнинг Инвестиция дастурига киритилган инвестиция лойиҳаларининг ўз вақтида тайёрланиши ва амалга оширилишини таъминлаш бўйича фаолиятини мувофиқлаштириш;

Ўзбекистон Республикаси Инвестиция дастури, тармоқ ҳамда ҳудудий инвестиция дастурларининг бажарилишининг тизимли мониторингида, мониторинг натижаларини умумлаштириш ҳамда комплекс таҳлил қилишда иштирок этади ва улар асосида тасдиқланган параметрларга албатта эришишга доир таклифлар ҳамда тадбирлар ишлаб чиқиш;

инвестиция фаолиятининг норматив-ҳуқуқий базасини янада ривожлантириш ва такомиллаштириш ишларини мувофиқлаштириш;

устувор инвестиция лойиҳаларини амалга ошириш учун хорижий инвестицияларни жалб қилиш бўйича комплекс чора-тадбирларни ишлаб чиқиш ҳамда амалга ошириш;

халқаро молия ва иқтисодиёт институтлари ҳамда бошқа инвесторлар билан хорижий инвестициялар, кредитлар ва техник кўмаклашиш маблағларини (грантлари) жалб қилиш масалалари бўйича ҳамкорлик дастурларини, шунингдек ҳамкорликнинг устувор ва истиқболли йўналишларига доир таклифлар ишлаб чиқишни мувофиқлаштириш;

хорижий инвестициялар ва кредитларни жалб қилиш, хорижий инвесторлар иштирокида инвестиция лойиҳаларининг ўз вақтида амалга оширилиши, шу жумладан хорижий инвесторлар ва кредиторларнинг қабул қилган мажбуриятларини бажаришининг мониторингини олиб бориш ва тизимли назорат қилиш;

хорижий инвестициялар, кредитлар ва техник кўмаклашиш маблағларини (грантлари) жалб қилиш бўйича дипломатик ваколатхоналарнинг савдо-иқтисодий масалалар бўйича маслаҳатчилари ва халқаро ташкилотлардаги доимий вакиллар фаолиятини мувофиқлаштириш.

8. Департамент ўзига юкланган вазифаларни амалга ошириш учун куйидаги функцияларни бажаради:

а) қисқа ва ўрта муддатли инвестиция дастурларини шакллантириш ишларини мувофиқлаштириш соҳасида:

Инвестиция дастури, қисқа ва ўрта муддатли тармоқ ҳамда ҳудудий инвестиция дастурларининг лойиҳаларини шакллантириш тадбирларини мувофиқлаштириш;

инвестициялардан самарали ва оқилона фойдаланиш соҳасида давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар, шунингдек Вазирлар Маҳкамасининг ахборот-таҳлил департаментлари томонидан ишлаб чиқилган муҳим таркибий ислоҳотлар, иқтисодиётни модернизациялаш, ҳудудларнинг иқтисодий ва ижтимоий муаммолари бўйича тармоқ ва ҳудудий дастурлар, Ўзбекистон Республикаси Президенти ва Ўзбекистон Республикаси Ҳукумати ҳужжатлари лойиҳаларини кўриб чиқиш;

турли молиялаштириш манбалари, жумладан тўғридан-тўғри хорижий инвестициялар ҳисобидан иқтисодий ўсиш суръатларининг ва иқтисодиёт тармоқлари ҳамда ижтимоий соҳани мутаносиб ривожлантиришнинг инвестиция ресурсларига бўлган эҳтиёж билан боғлиқлигини таъминлашга доир таклифлар ишлаб чиқиш;

давлат ва хўжалик бошқаруви органлари томонидан инвестицион моддий ва қиймат балансларининг ишлаб чиқилиши, уларни бажариш мониторингини мувофиқлаштириш;

б) Вазирлар Маҳкамасининг ахборот-таҳлил департаментлари, давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотларнинг инвестиция лойиҳаларининг ўз вақтида тайёрланиши ҳамда амалга оширилишини таъминлаш бўйича фаолиятини мувофиқлаштириш соҳасида:

Вазирлар Маҳкамасининг таркибий бўлинмалари билан биргаликда йирик ва стратегик муҳим инвестиция лойиҳаларини молиялаштириш схемаларини кўриб чиқиш;

Инвестиция лойиҳалари ва бошқа ҳужжатларни, шу жумладан Ўзбекистон Республикаси Президенти ва Ўзбекистон Республикаси Ҳукуматининг аниқ инвестиция лойиҳалари бўйича ҳужжатлари лойиҳаларини кўриб чиқиш, лойиҳаларни амалга оширишнинг самарали ва энг маъқул схемаларини танлаш бўйича таклифлар тайёрлаш;

Ўзбекистон Республикаси Инвестиция дастурига киритилган инвестиция лойиҳалари, тармоқ ва ҳудудий инвестиция дастурларининг амалга оширилишини таҳлил қилиш, мониторинги давомида аниқланган муаммоларни бартараф этишга оид таклифлар киритиш;

в) Ўзбекистон Республикаси Инвестиция дастури, тармоқ ва ҳудудий инвестиция дастурларининг амалга оширилишининг мониторингини олиб бориш тизимини ташкил этиш соҳасида:

Инвестиция дастурига киритилган лойиҳалар, тармоқ ва ҳудудий инвестиция дастурларининг ўз вақтида амалга оширилиши, шунингдек лойиҳаларни ҳаётга татбиқ этиш ҳамда маблағларни ўзлаштириш бўйича тасдиқланган прогноз параметрлар бажарилишининг тизимли мониторингини ва қатъий назоратини ташкил этиш;

инвестиция дастурларига киритилган инвестиция лойиҳалари бўйича маълумотлар базани яратиш, юритиш ва унинг мунтазам янгиланишини таъминлаш;

Инвестиция дастурига киритилган лойиҳалар, тармоқ ва ҳудудий инвестиция дастурларини амалга ошириш ҳолатини, жумладан жойига чиқиб ўрганиш, Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишларини, Ўзбекистон Республикаси Вазирлар Маҳкамасининг уларни амалга ошириш масалалари бўйича қарорлари ва фармойишлари ижросини ўрганиш, Вазирлар Маҳкамаси раҳбариятига ахборот бериш учун тегишли таҳлилий материаллар ҳамда таклифлар тайёрлаш;

мониторинг натижаларини умумлаштириш ва комплекс таҳлил қилиш, улар асосида тасдиқланган параметрларга албатта эришиш бўйича таклифлар ҳамда тадбирлар ишлаб чиқиш;

инвестиция лойиҳаларини амалга оширишга қаратилган инвестициялар самарадорлигини ошириш бўйича таклифлар ишлаб чиқиш;

г) инвестиция фаолиятининг норматив-ҳуқуқий базасини янада ривожлантириш ва такомиллаштириш ишларини мувофиқлаштириш соҳасида:

инвестиция фаолиятини такомиллаштириш бўйича Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари ҳамда бошқа ҳужжатларнинг Вазирлар Маҳкамасига киритилган лойиҳаларини ишлаб чиқиш ва келишиш, уларга зарур таҳлилий ҳамда маълумотнома материалларининг сифатли тайёрланишини таъминлаш;

республикада яратилган инвестиция муҳитини, хорижий инвесторларга тақдим этилган преференциялар ҳамда имтиёзлар самарали қўлланишини ҳар томонлама тизимли таҳлил этилишини, устувор ва стратегик муҳим инвестиция лойиҳаларини амалга ошириш учун хорижий инвестициялар, биринчи навбатда тўғридан-тўғри инвестицияларни жалб қилиш бўйича янада қулай муҳитни шакллантиришга оид қўшимча чора-тадбирлар ишлаб чиқишни таъминлаш;

қонун лойиҳаларини ишлаб чиқиш ва уларни Ўзбекистон Республикаси Олий Мажлисига белгиланган тартибда тақдим этиш ҳамда Департамент ваколатига кирадиган масалалар юзасидан уларни ҳимоя қилишни ташкил этиш;

д) устувор инвестиция лойиҳаларини амалга ошириш учун хорижий инвестициялар, биринчи навбатда тўғридан-тўғри инвестицияларни жалб этиш бўйича комплекс чора-тадбирлар ишлаб чиқиш ҳамда амалга ошириш соҳасида:

республика ҳудудида вазирликлар, идоралар, уюшмалар, компаниялар, тижорат тузилмалари, корхоналар ва ташкилотларнинг хорижий инвестицияларни жалб қилиш соҳасидаги фаолиятини мувофиқлаштириш ва келишишни таъминлаш, бунинг учун зарур шароитлар ҳамда преференциялар яратиш;

мамлакатни ривожлантиришнинг стратегик мақсадларидан келиб чиқиб, хорижий давлатлар, халқаро иқтисодиёт ва молия институтлари, чет эл компаниялари, фирмалар ва банклари билан инвестицион ҳамкорликнинг устувор йўналишлари бўйича таклифлар ишлаб чиқиш;

хорижий инвестициялар ва кредитларни жалб қилиш, шунингдек амалга ошириш учун таклиф этилаётган инвестиция таклифлари тўғрисидаги ахборотни бўлажак хорижий инвесторлар ва кредиторларга етказиш учун инвестиция таклифлари ягона базасини шакллантириш ҳамда янгилаш жараёни мувофиқлаштирилишини таъминлаш;

бўлажак инвесторларни Ўзбекистон Республикасидаги инвестиция муҳити, шу жумладан инвестиция киритиш жараёнининг асосий тартиб-таомил масалалари, шунингдек таклиф этиладиган инвестициялар ҳажми тўғрисида хабардор қилиш ишларини мувофиқлаштириш;

е) хорижий инвестициялар, кредитлар, грантлар ва техник кўмаклашиш маблағларини жалб қилиш масаласи бўйича халқаро молия ҳамда иқтисодиёт институтлари, бошқа инвесторлар билан ҳамкорлик дастурлари ишлаб чиқилишини мувофиқлаштириш соҳасида:

халқаро молия институтлари, хорижий ҳукумат молия ташкилотлари ва бошқа инвесторлар билан қисқа ҳамда ўрта муддатли ҳамкорлик дастурлари ишлаб чиқилишини мувофиқлаштириш;

вазирликлар ва идораларнинг халқаро молия институтлари, хорижий ҳукумат молия ташкилотлари ва бошқа инвесторлар билан тасдиқланган ҳамкорлик дастурларининг ўз вақтида ҳамда сифатли бажаришини назорат қилишни таъминлаш;

халқаро молия ва иқтисодиёт институтлари ва бошқа инвесторлар билан ҳамкорликнинг устувор ҳамда истиқболли йўналишлари бўйича таклифлар ишлаб чиқиш;

ж) республикага грантлар ва техника воситалари жалб этиш бўйича тадбирларни мувофиқлаштириш;

халқаро молия ва иқтисодиёт институтлари билан ҳамкорлик дастурига киритилган инвестиция, грант ва техник кўмаклашиш лойиҳаларининг амалга оширилиши тўғрисида тизимли маълумотлар базасини шакллантириш ҳамда юритиш, уларнинг амалга оширилишининг мониторингини олиб бориш;

9. Департамент қуйидаги функцияларни ҳам бажаради:

Ўзбекистон Республикаси қонунлари, Ўзбекистон Республикаси Президентининг фармонлари, қарорлари, фармойишлари, Ўзбекистон Республикаси Вазирлар Маҳкамасининг қарорлари, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчининг топшириқлари ижросини назорат қилади;

Материаллар тайёрлаш ва Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари ўтказадиган йиғилишларда қабул қилинадиган қарорларни расмийлаштиришда иштирок этади;

Материаллар, Ўзбекистон Республикаси қонунлари, Ўзбекистон Республикаси Президентининг фармонлари, қарорлари, фармойишлари, Вазирлар Маҳкамаси қарорлари ва фармойишлари лойиҳаларини комплекс ҳамда сифатли ишлаб чиқиш, тайёрлашни, шунингдек уларни манфаатдор давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ҳамда ташкилотлар, Вазирлар Маҳкамасининг Ижро этувчи аппаратининг таркибий бўлинмалари билан келишинилишини таъминлайди;

жисмоний ва юридик шахсларнинг, жумладан электрон шаклда келадиган мурожаатларини кўриб чиқади, уларда қўйилган масалаларни ҳал этишга оид таклифлар тайёрлайди, ушбу мурожаатларни тегишли давлат ва хўжалик бошқаруви органлари, маҳаллий ижро этувчи ҳокимият органлари ҳамда бошқа ташкилотларга кўриб чиқиш ва чоралар кўриш учун юборади, уларнинг ўз вақтида кўриб чиқилишини назорат қилади, жисмоний шахслар ва юридик шахслар вакилларини қабул қилади;

республика ҳудудлари кесимида хорижий инвестицияларни жалб қилиш соҳасида инвестиция дастурлари ва ҳамкорликни шакллантириш ҳамда уларнинг амалга оширилишининг мониторингини олиб бориш, шунингдек иқтисодиёт соҳалари бўйича инвестиция дастурлари, Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамаси қарорлари ва фармойишларининг амалга оширилишини мувофиқлаштиришни таъминлайди ҳамда натижаларини умумлаштиради;

Департамент ўзига юклатилган бошқа функцияларни ҳам белгиланган тартибда амалга оширади.

10. Департамент ўзига юкланган вазифалар ва функцияларни бажариш учун қуйидаги ҳуқуқларга эга:

Вазирлар Маҳкамасида кўриб чиқиладиган масалаларни таҳлил қилиш ва тайёрлаш учун зарур бўлган материаллар ва маълумотларни Вазирлар Маҳкамаси Ижро этувчи аппаратининг бошқа таркибий бўлинмаларидан, давлат ва хўжалик бошқаруви, маҳаллий давлат ҳокимияти органларидан, бошқа органлар ва ташкилотлардан белгиланган тартибда сўраш ва олиш;

хорижий инвестицияларни жалб қилиш соҳасида инвестиция дастурлари ҳамда ҳамкорликни, иқтисодиёт тармоқлари, секторлари ва ҳудудларни иқтисодий ривожлантириш дастурларини шакллантириш ҳамда уларнинг амалга оширилишининг мониторингини олиб бориш масалалари бўйича давлат ва хўжалик бошқаруви органлари, маҳаллий ижро этувчи ҳокимият органларининг ва бошқа ташкилотларнинг, шунингдек Вазирлар Маҳкамаси Ижро этувчи аппарати ахборот-таҳлил департаментларининг ахборот-таҳлил ва прогнозлаш фаолиятини мувофиқлаштириш;

давлат ва хўжалик бошқаруви, маҳаллий давлат ҳокимияти органлари, бошқа органлар ва ташкилотлар раҳбарлари ҳамда вакиллари иштирокида йиғилишлар ўтказиш;

марказий иқтисодиёт органлари, илмий-тадқиқот марказлари ва институтлари ходимларини, маҳаллий ва хорижий экспертларни жалб этган ҳолда ахборот ва таҳлилий тадқиқотлар ўтказиш учун эксперт гуруҳлари ташкил этиш;

халқаро конференциялар, конгресслар, симпозиумлар, семинарлар ва кенгашларда, шунингдек инвестиция муаммолари бўйича ахборот-таҳлилий тадқиқотлар соҳасидаги халқаро лойиҳаларда қатнашиш;

инвестицион ҳамкорлик масалаларида давлат ва хўжалик бошқаруви органлари, шунингдек халқаро, хорижий молиявий ва иқтисодий ташкилотлар, хорижий ҳукумат муассасалари билан белгиланган тартибда ёзишмаларни юритиш;

мутасаддилик қилинадиган давлат ва хўжалик бошқаруви органлари ва бошқа ташкилотларнинг коллегиал органлари мажлисларида, Ўзбекистон Республикасининг Бош вазири, Бош вазир ўринбосарининг топшириғига биноан — давлат бошқа органларининг, нодавлат нотижорат ва бошқа ташкилотларнинг Департамент юритадиган соҳага кирувчи масалалар бўйича ўтказиладиган мажлислари ва йиғилишларида қатнашиш;

зарур ҳолларда, Вазирлар Маҳкамасида кўриб чиқиладиган масалаларни ишлаб чиқиш учун давлат ва хўжалик бошқаруви органлари, маҳаллий ижро этувчи ҳокимият органларининг, илмий муассасалар ва бошқа ташкилотларнинг раҳбарлари ва мутахассисларини белгиланган тартибда жалб этиш, тегишли масалалар бўйича вақтинчалик ишчи гуруҳлар ташкил этиш;

зарур бўлганда, «Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонуни ва Вазирлар Маҳкамасининг Регламенти ва бошқа норматив-ҳуқуқий ҳужжатлар талаблари бузилган ҳолда тушган ҳужжатларни қайтариш.

Департаментнинг зарур материалларни, маълумотларни тақдим этиш, шунингдек Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, бошқа ҳужжатлар лойиҳаларини пухта ишлаб чиқиш бўйича талаблари, агар Ўзбекистон Республикаси Президенти, Ўзбекистон Республикасининг Бош вазири, унинг ўринбосарларининг ва Вазирлар Маҳкамасининг аппарати бошқарувчисининг топшириқларида бажаришнинг бошқа муддатлар белгиланмаган бўлса, Департамент белгилаган муддатларда бажарилиши шарт.

11. Департамент:

ўзига юкланган вазифаларнинг тегишли даражада ва самарали бажарилиши;

Вазирлар Маҳкамасига киритилган ҳужжатлар лойиҳалари, таклифлар ва масалаларнинг эксперт жиҳатидан сифатли ишлаб чиқилишини ташкил этиш;

Ўзбекистон Республикаси қонунлари, Ўзбекистон Республикаси Олий Мажлиси палаталари қарорлари, Ўзбекистон Республикаси Президенти фармонлари, қарорлари ва фармойишлари, Ҳукумат қарорлари, фармойишлари, Вазирлар Маҳкамаси раҳбарияти топшириқларининг мутасаддилик қилинадиган давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар томонидан ўз вақтида ва сифатли бажарилиши юзасидан назоратнинг таъминланиши;

Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига, шунингдек Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ ижро интизомига сўзсиз риоя этилиши учун жавоб беради.

12. Департаментнинг тузилмасига Департамент мудири, шунингдек:

Инвестиция дастурлари шакллантирилиши ва амалга оширилиши мониторинги масалалари шуъбаси;

Хорижий инвестицияларни жалб этиш соҳасида ҳамкорлик масалалари шуъбаси.

Ҳар бир шуъба таркибига шуъба мудири, бош ва етакчи мутахассислар киради.

Департамент тузилмаси Ўзбекистон Республикаси Президенти томонидан тасдиқланади.

13. Департамент ишларига департамент мудири раҳбарлик қилади.

14. Департамент мудири, шуъбалар мудирлари ва мутахассислар белгиланган тартибда лавозимга тайинланади ва лавозимдан озод қилинади.

15. Департамент фаолияти «Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонуни, Вазирлар Маҳкамасининг Регламентига, Ўзбекистон Республикаси Вазирлар Маҳкамасининг Ижро этувчи аппарати тўғрисидаги Низомга, ушбу Низомга, Вазирлар Маҳкамаси Ижро этувчи аппаратида иш юритиш бўйича йўриқномага, Ўзбекистон Республикаси Президенти, Ўзбекистон Республикаси Бош вазири, Бош вазир ўринбосарининг топшириқларига, Вазирлар Маҳкамаси аппарати бошқарувчисининг буйруқлари ва топшириқларига мувофиқ, шунингдек Вазирлар Маҳкамасининг иш режалари, Департаментнинг иш режалари, Департамент мудири, мудир ўринбосарлари, шуъба мудирлари ва мутахассисларнинг шахсий иш режалари асосида ташкил этилади.

Департаментнинг иш режалари, Департамент мудирининг шахсий иш режаси Вазирлар Маҳкамаси аппарати бошқарувчиси билан келишилади ва Ўзбекистон Республикаси Бош вазирининг ўринбосари томонидан тасдиқланади.

Шуъба мудирлари ва мутахассисларнинг шахсий иш режалари Департамент мудири томонидан тасдиқланади.

Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Ҳукумат қарорлари ва фармойишларининг мутасаддилик қилинадиган давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотларда амалга оширилишининг тизимли мониторингини олиб бориш бўйича Департамент фаолияти Вазирлар Маҳкамасининг иш режасига мувофиқ комплекс ўрганишлар асосида, шунингдек Ўзбекистон Республикасининг Бош вазири, Бош вазирининг ўринбосари, Вазирлар Маҳкамаси аппарати бошқарувчисининг топшириқларига биноан, Вазирлар Маҳкамаси, Вазирлар Маҳкамаси Раёсати, Комплекси, Департамент мажлисларида ҳисоботларни эшитиш ва маълумотларнинг тегишли банкини юритиш орқали ташкил этилади.

16. Департамент мудири:

Департаменти бевосита раҳбарлик қилади, шуъбалар мудирлари, мутахассислар ишларини ташкил қилади ҳамда Департаментга юкланган вазифалар ва функцияларнинг бажарилиши учун шахсан жавоб беради;

Департамент юритадиган соҳага оид масалалар бўйича Вазирлар Маҳкамасига киритилган таклифлар ва норматив-ҳуқуқий ҳужжатлар лойиҳаларини кўриб чиқишда давлат принципларига қатъий риоя этилишини таъминлайди, уларнинг ишлаб чиқилишини ташкил этади ва ҳужжатларнинг тайёрланган лойиҳаларига виза қўяди. Тегишли норматив-ҳуқуқий ҳужжатлар қабул қилингандан сўнг уларнинг амалга оширилиши юзасидан тизимли назоратни таъминлайди;

республиканинг тегишли тармоқлари, соҳалари ва ҳудудларида инвестиция лойиҳаларининг аҳволи ва натижадорлигининг тизимли мониторинги ташкил этилиши ва маълумотлар банки шакллантирилишини, шунингдек муаммоли масалаларни ҳал этишга доир амалий чора-тадбирлар ишлаб чиқилиши ва амалга оширилишини, республика тармоқлари ва ҳудудларининг Инвестиция дастурларида белгиланган истиқболли вазифалар амалга оширилишини таъминлайди;

халқаро молия институтлари, хорижий ҳукумат ташкилотлари ва инвесторлар билан ҳамкорлик дастурларини шакллантириш ва амалга ошириш, хорижий инвестициялар, шу жумладан тўғридан-тўғри хорижий инвестициялар, кредитлар, грантлар ҳамда техник кўмаклашиш маблағларини жалб қилиш жараёнини назорат қилиш ишларини ташкил этади;

Департаментнинг тасдиқланган тузилмаси ва штатлар жадвалига, шуъба мудирлари ва мутахассисларнинг касб даражаси ва амалий малакасини ошириш, уларни рағбатлантириш ҳамда жазолаш чораларига мувофиқ лавозимларга тавсия этилаётган номзодлар бўйича таклиф л арни пухта ишлаб чиқади ва Вазирлар Маҳкамасининг Аппарат бошқарувчиси билан келишган ҳолда Комплекс раҳбарига кўриб чиқиши учун киритади;

шуъба мудирлари ва мутахассислар ўртасида вазифаларнинг тақсимланишини, шунингдек Комплекснинг ярим йиллик иш режаси лойиҳасини ишлаб чиқади ва тасдиқлаш учун Комплекс раҳбарига киритади, Департамент шуъбалари мудирлари ва мутахассисларининг иш режаларини тасдиқлайди;

Вазирлар Маҳкамасига келган, республика Ҳукуматининг қарори талаб этилмайдиган ҳужжатларни давлат ва хўжалик бошқаруви тегишли органлари, маҳаллий ижро этувчи ҳокимият органлари ва бошқа ташкилотларга кўриб чиқиш учун юборади;

Вазирлар Маҳкамаси ва унинг Раёсати мажлисларида, Ўзбекистон Республикасининг Бош вазири, унинг ўринбосарлари ўтказадиган йиғилишларда, Ҳукумат комиссиялари ва идоралараро комиссиялар, кенгашлар мажлисларида ва Вазирлар Маҳкамаси аппарати бошқарувчиси томонидан Департамент юритадиган соҳага оид масалалар бўйича ўтказиладиган йиғилишларда қатнашади;

Департамент кадрлар захираси шакллантирилиши ва янгиланишини, кадрлар захирасига киритилган шахслар билан тизимли ишлаш ташкил этилишини таъминлайди;

Вазирлар Маҳкамаси Ижро этувчи аппаратида амалда бўлган Йўриқномага мувофиқ ишларнинг юритилишини таъминлайди;

чиқувчи хат-хабарларни имзолайди.

17. Департамент мудири вақтинчалик бўлмаган тақдирда унинг вазифасини шуъба мудирлари бажаради.

18. Шуъба мудири:

шуъба мутахассислари ишларини мувофиқлаштиради ва шуъбага юкланган вазифалар ва функцияларнинг бажарилиши учун шахсан жавоб беради;

шуъбага бириктирилган масалалар бўйича маълумотнома, таҳлилий, статистика ва бошқа материаллар, шунингдек қонун ҳужжатлари ва бошқа норматив-ҳуқуқий ҳужжатлар лойиҳаларининг мутахассислар томонидан сифатли ва ўз вақтида тайёрланишини ташкил этади;

қабул қилинган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамаси қарорлари ва фармойишларини амалга ошириш бўйича мутахассислар томонидан ташкилий чора-тадбирлар ёки назорат режалари тайёрланишини, Ўзбекистон Республикаси Бош вазири ёки унинг ўринбосари уларни тасдиқлашини мувофиқлаштиради, эришилган натижаларнинг доимий мониторингини таъминлайди;

масалаларни ўрганиб чиқишни мувофиқлаштириш ва Вазирлар Маҳкамаси, Департаментнинг тегишли давр учун иш режаларида, шунингдек мутахассисларнинг шахсий иш режаларида назарда тутилган чора-тадбирлар амалга оширилишини таъминлайди, таклифларни танқидий таҳлил асосида департамент мудири ва Бош вазир ўринбосарига кўриб чиқиш учун киритади;

мутахассислар томонидан иқтисодиётнинг тегишли тармоқлари, соҳалари ва секторлари, шунингдек республика ҳудудлари бўйича тизимлаштирилган маълумотлар базасининг яратилиши ва юритилишини назорат қилади;

маълумотнома материаллар ва ҳужжатлар лойиҳалари тўғрисида Департамент мудирига, шунингдек белгиланган тартибда Ўзбекистон Республикаси Бош вазирининг ўринбосарига, Вазирлар Маҳкамаси аппарати бошқарувчисига, Ўзбекистон Республикаси Бош вазирига ахборот беради;

Вазирлар Маҳкамаси ва унинг Раёсати мажлисларида, Ўзбекистон Республикасининг Бош вазири, унинг ўринбосарлари ўтказадиган йиғилишларда, Ҳукумат комиссиялари ҳамда идоралараро комиссиялар ва кенгашлар мажлисларида, шуъба юритадиган соҳага оид масалалар бўйича Вазирлар Маҳкамаси аппарати бошқарувчиси ўтказадиган йиғилишларда қатнашади;

Департамент мудирининг топшириғига биноан чиқувчи хат-хабарларни имзолайди.

Вазирлар Маҳкамаси ва унинг Раёсати мажлисларида, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчиси ўтказадиган йиғилишларда кўриб чиқишга материаллар тайёрлаш, шунингдек ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини муҳокама қилиш учун ўзига биркитилган масалалар бўйича давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар раҳбарлари ҳамда вакиллари, олимлар ва мутахассислар иштирокида йиғилишлар ўтказади;

вазифалар тақсимотига мувофиқ бошқа функцияларни амалга оширади.

19. Департаментнинг бош мутахассиси:

таклифларнинг ва норматив-ҳуқуқий ҳужжатлар лойиҳаларининг сифати, ишончлилиги ва ўз вақтида тайёрланиши, функционал вазифаларга мувофиқ топшириқлар ва қабул қилинган ҳужжатлар бажарилиши юзасидан назоратни таъминлаш учун шахсан жавоб беради;

тегишли давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар томонидан тақдим этилган таклифлар ҳамда ҳужжатлар лойиҳаларини ҳар томонлама таҳлил қилади, улар бўйича зарур таҳлилий материаллар ва хулосалар тайёрлайди, шунингдек Ўзбекистон Республикаси Вазирлар Маҳкамасининг Регламентига мувофиқ уларнинг келишилишини таъминлайди;

материаллар ва ҳужжатлар лойиҳалари тўғрисида Департамент мудири, шуъба мудирига, шунингдек белгиланган тартибда Ўзбекистон Республикаси Бош вазирининг ўринбосарига ва Вазирлар Маҳкамаси аппарати бошқарувчисига ахборот беради;

қабул қилинган ҳужжатлар бўйича назорат режасини ёки ташкилий чора-тадбирларни ишлаб чиқади ва тасдиқлаш учун киритади, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар томонидан Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, Ўзбекистон Республикаси Президентининг, Ўзбекистон Республикасининг Бош вазири ва унинг ўринбосарларининг иқтисодиётнинг тегишли тармоқлари ва соҳалари ёки республика ҳудудлари бўйича топшириқлари бажарилиши юзасидан тизимли назоратни амалга оширади;

тегишли функционал масалалар ва ҳужжатлар бўйича тизимлаштирилган маълумотлар базасининг шакллантирилиши ва юритилишини, унинг мунтазам янгилаб турилишини ташкил этади;

тегишли давлат ва хўжалик бошқаруви органларининг марказий аппаратлари таркибий бўлинмалари (иқтисодий, молиявий ва юридик хизматлар), маҳаллий ижро этувчи ҳокимият органлари ишларининг аҳволи ва самарадорлигини доимий асосда ўрганади, уларнинг фаолияти самарадорлигини ошириш юзасидан таклифлар киритади;

ўзига биркитилган масалалар бўйича ўтказиладиган Ўзбекистон Республикаси Вазирлар Маҳкамаси ва унинг Раёсати мажлислари, Ўзбекистон Республикасининг Бош вазири ва унинг ўринбосарлари ўтказадиган йиғилишларда, Ҳукумат комиссиялари ва идоралараро комиссиялар ҳамда кенгашлар мажлислари, Вазирлар Маҳкамаси аппарати бошқарувчиси ўтказадиган йиғилишларда белгиланган тартибда қатнашади;

Вазирлар Маҳкамаси ва унинг Раёсати мажлисларида, Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари, Вазирлар Маҳкамаси аппарати бошқарувчиси ўтказадиган йиғилишларда кўриб чиқишга материаллар тайёрлаш, шунингдек ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини муҳокама қилиш учун ўзига биркитилган масалалар бўйича давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар вакиллари, олимлар ва мутахассислар иштирокида йиғилишлар ўтказади;

тегишли масалалар бўйича етакчи мутахассис фаолиятини назорат қилади;

вазифалар тақсимотига мувофиқ бошқа функцияларни амалга оширади.

20. Департаментнинг етакчи мутахассиси:

таклифларнинг ва норматив-ҳуқуқий ҳужжатлар лойиҳаларининг сифати, ишончлилиги ва ўз вақтида тайёрланиши, функционал вазифаларга мувофиқ топшириқлар ва қабул қилинган ҳужжатлар бажарилиши юзасидан назоратнинг таъминланиши учун шахсан жавоб беради;

давлат ва хўжалик бошқаруви органлари, маҳаллий ижро этувчи ҳокимият органлари, бошқа органлар ва ташкилотлар томонидан тақдим этилган таклифлар ва ҳужжатлар лойиҳаларини ҳар томонлама таҳлил қилади, улар бўйича зарур таҳлилий материаллар ва эксперт таклифларни тайёрлайди, шунингдек Вазирлар Маҳкамаси Регламентига мувофиқ уларнинг келишилишини таъминлайди;

материаллар ва ҳужжатлар лойиҳалари тўғрисида Департамент мудири, шуъба мудири ва бош мутахассисга, шунингдек белгиланган тартибда Ўзбекистон Республикасининг Бош вазири ўринбосари ва Вазирлар Маҳкамаси аппарати бошқарувчисига ахборот беради;

қабул қилинган ҳужжатлар бўйича назорат режасини ёки ташкилий чора-тадбирларни ишлаб чиқади ва тасдиқлаш учун киритади, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар томонидан Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, Ўзбекистон Республикаси Президентининг, Ўзбекистон Республикасининг Бош вазири ва унинг ўринбосарларининг иқтисодиётнинг тегишли тармоқлари ва соҳалари ёки республика ҳудудлари бўйича топшириқлари бажарилиши юзасидан тизимли назоратни амалга оширади;

тегишли функционал масалалар ва ҳужжатлар бўйича тизимлаштирилган маълумотлар базасининг шакллантирилиши ва юритилишини, мунтазам янгилаб турилишини ташкил этади;

тегишли давлат ва хўжалик бошқаруви органларининг марказий аппаратлари таркибий бўлинмалари (иқтисодий, молиявий ва юридик хизматлар), маҳаллий ижро этувчи хокимият органлари, бошқа органлар ва ташкилотлар ишларининг аҳволи ва самарадорлигини доимий асосда ўрганади, уларнинг фаолияти самарадорлигини ошириш юзасидан таклифлар киритади;

ўзига биркитилган масалалар бўйича ўтказиладиган Ўзбекистон Республикаси Вазирлар Маҳкамаси ва унинг Раёсати мажлислари, Ўзбекистон Республикасининг Бош вазири ва унинг ўринбосарлари ўтказадиган йиғилишларда, Ҳукумат комиссиялари ва идоралараро комиссиялар ҳамда кенгашлар мажлислари, Вазирлар Маҳкамаси аппарати бошқарувчиси ўтказадиган йиғилишларда белгиланган тартибда қатнашади;

шуъба мудири билан келишган ҳолда давлат ва хўжалик бошқаруви органлари ва бошқа ташкилотлар вакиллари, олимлар ва мутахассислар билан ижрода турган Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари лойиҳаларини тайёрлаш мақсадида уларни муҳокама қилади;

вазифалар тақсимотига мувофиқ бошқа функцияларни амалга оширади.

21. Инспектор Департаментда иш юритилишини таъминлайди, ҳужжатларнинг ўтишини назорат қилади, ҳужжатлар Йиғма жилдларининг тайёрланишини ва архивда сақлашга ўз вақтида берилишини таъминлайди, ўзига юкланган бошқа функцияларни бажаради.