Ўзбекистон Республикаси Президентининг 2017 йил 11 майдаги ПФ-5041-сон «Ўзбекистон Республикаси Ўрмон хўжалиги давлат қўмитасини ташкил этиш тўғрисида»ги Фармони ҳамда 2017 йил 11 майдаги ПҚ-2966-сон «Ўзбекистон Республикаси Ўрмон хўжалиги давлат қўмитаси фаолиятини ташкил этиш тўғрисида»ги қарорига мувофиқ республикада ўрмон фондини муҳофаза қилиш, кўпайтириш, ундан оқилона фойдаланиш бўйича қатор ташкилий ва амалий ишлар амалга оширилди.

Хусусан, қурғоқчилик ва чўлланишга ҳамда эрозияга қарши 582,6 минг гектар, шу жумладан, Орол денгизининг қуриган тубида 507,2 минг гектардан ортиқ майдонда ўрмон барпо этилди. 1436,4 тоннадан ортиқ ҳар хил турдаги дарахт ва буталар уруғи, 108,8 млн дона ниҳол ва кўчатлар тайёрланиб, 2786 гектар майдонда ниҳолхона ва кўчатхона ташкил этилди. Маданий ҳолда етиштириладиган доривор ва озуқабоп ўсимликлар турлари 61 турга етказилиб, 3 минг гектар майдонда доривор ўсимликлар плантациясида 4,5 минг тоннадан ортиқ доривор ва озуқабоп ўсимликлар хом ашёси тайёрланиб, 2,2 минг тоннадан ортиқ хом ашё етказиб берилди.

Амалга оширилган ишлар натижасида ўрмон хўжаликларининг хўжалик ҳисобидан олинган даромадлари 2016 йилга нисбатан 3,7 баробарга ошиб, 2018 йилда 133 млрд сўмга етказилди.

Шу билан бирга, ўтган йиллар давомида тўпланган тажриба ва амалга оширилган ишлар таҳлили, соҳада аниқланган янги муаммо ва камчиликлар ушбу йўналишдаги ишларни янги босқичга кўтариш зарурлигини кўрсатмоқда.

Республика ўрмон фонди ерларидан фойдаланиш самарадорлигини ошириш, соҳага хусусий капитални жалб қилишни рағбатлантириш, Ўзбекистон Республикаси Ўрмон хўжалиги давлат қўмитаси ва унинг тизимига кирувчи ташкилотлар фаолиятини янада самарали ташкил этиш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни бажариш мақсадида:

1. Ўзбекистон Республикаси Президентининг 2019 йил 17 июндаги ПФ-5742-сон «Қишлоқ хўжалигида ер ва сув ресурсларидан самарали фойдаланиш чора-тадбирлари тўғрисида»ги Фармони билан ўрмон фонди ерларини Ўзбекистон Республикаси фуқаролари ва қишлоқ хўжалиги корхоналарига инвестициявий шартнома ёки давлат-хусусий шериклик асосида 50 йилгача бўлган муддатга беришга рухсат берилганлиги маълумот учун қабул қилинсин.

3. Ўрмон хўжалиги давлат қўмитаси манфаатдор вазирликлар ва идоралар билан биргаликда икки ой муддатда Вазирлар Маҳкамасига:

Ўрмон фонди ерларини ижарага бериш тартиби тўғрисидаги низом;

Ўзбекистон Республикасида 2030 йилгача бўлган муддатда ўрмон хўжалигини ривожлантириш концепцияси лойиҳаларини киритсин.

4. Белгилансинки, юридик ва жисмоний шахсларга қурилиш-монтаж ишларини амалга оширишга ва реконструкция қилишга (ўрмондан ўрмон-овчилик, овчилик ва (ёки) балиқчилик хўжаликлари эҳтиёжлари учун, лимонарий ва иссиқхоналар илмий-тадқиқот, маданий-маърифий, тарбиявий, соғломлаштириш, рекреация ҳамда эстетик мақсадларда, шунингдек, экологик туризмни ривожлантириш мақсадида фойдаланиш билан боғлиқ) рухсат беришда давлат ўрмон хўжалиги билан тузилган шартномалар ўрмондан фойдаланувчи ёки ижарага олувчининг ер участкасига бўлган ҳуқуқини тасдиқловчи ҳужжат сифатида қабул қилинади.

5. Ўрмон хўжалиги давлат қўмитаси ҳамда Экология ва атроф-муҳитни муҳофаза қилиш давлат қўмитасининг 2020 йил 1 январдан бошлаб ўрмон фонди ерларида содир этилган, ўрмонлардан фойдаланиш ва уларни муҳофаза қилиш талабларини бузишга доир ҳуқуқбузарликлар юзасидан маъмурий ҳуқуқбузарлик тўғрисидаги баённомаларни тузиш ҳамда уларга асосан маъмурий ҳуқуқбузарликлар ҳақидаги ишларни кўриб чиқиш ваколатини (судлар томонидан кўриб чиқилиши белгиланган ишлар бундан мустасно) ўрмон хўжалиги органлари мансабдор шахсларига бериш тўғрисидаги таклифларига розилик берилсин.

Ўрмон хўжалиги давлат қўмитаси икки ой муддатда ушбу бандга мувофиқ маъмурий ҳуқуқбузарликлар ҳақидаги ишларни кўриб чиқиш ваколати берилган мансабдор шахслар ҳамда улар томонидан кўриб чиқиладиган маъмурий ҳуқуқбузарликларнинг аниқ рўйхатини белгилаш юзасидан Ўзбекистон Республикасининг Маъмурий жавобгарлик тўғрисидаги кодексига тегишли ўзгартириш ва қўшимчалар киритиш тўғрисидаги қонун лойиҳасини Вазирлар Маҳкамасига киритсин.

6. Ўзбекистон Республикаси Ер кодексининг 88-моддасига мувофиқ ўрмон хўжалиги ишлаб чиқариши нобудгарчиликларининг ўрнини қоплаш бўйича тушадиган маблағлар алоҳида ҳисобга олиб борилиши ҳамда улардан ўрмонлар ва ўрмон мевали дарахтзорларини барпо этиш ва тиклаш, қумли ерлар, сув ҳавзалари ҳамда дарёларнинг қирғоқбўйи минтақаларида дарахтзорлар барпо этиш, шунингдек, ўрмон ерлари ҳолатини яхшилашга қаратилган бошқа тадбирларни амалга ошириш учун фойдаланилиши маълумот учун қабул қилинсин.

Белгилансинки, 2020 йил 1 январдан бошлаб ўрмон хўжалиги ишлаб чиқариши нобудгарчиликларининг ўрнини қоплаш тартибида тушадиган маблағлар ҳамда ўрмон фонди ерларида ўсимлик ва ҳайвонот дунёсидан фойдаланиш учун бериладиган квоталардан тегишли ташкилотлар ихтиёрида қолдириладиган тушумлар Жамғарма даромадига ўтказилади.

9. Ўрмон хўжалиги давлат қўмитаси, Инвестициялар ва ташқи савдо вазирлиги ҳамда Молия вазирлигининг ўрмон хўжалиги соҳасини ривожлантириш бўйича инвестиция лойиҳаларини молиялаштириш учун Халқаро молия институтларининг имтиёзли кредит маблағларини жалб қилиш тўғрисидаги таклифига розилик берилсин.

Белгилаб қўйилсинки, ушбу бандга асосан жалб қилинадиган кредит маблағлари тегишли лойиҳани амалга оширишдан олинадиган даромадлар ҳисобига қайтарилади.

10. Ўрмон хўжалиги давлат қўмитаси томонидан Дархон илмий-тажриба хўжалигида хусусий инвесторлар маблағларини жалб қилган ҳолда экотуризм маскани, замонавий кўнгилочар, спорт-соғломлаштириш шароитларига эга дам олиш маскани, ўрмон маҳсулотларини қайта ишлаш ва қадоқлаш корхонаси, замонавий иссиқхона ташкил этиш орқали ўрмонлардан қўшимча фойдаланиш бўйича янги лойиҳалар амалга оширилаётганлиги маълумот учун қабул қилинсин.

Ўрмон хўжалиги давлат қўмитаси манфаатдор вазирликлар ва идоралар, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда икки ой муддатда ўрмон фонди ерларидан қўшимча фойдаланиш бўйича лойиҳаларни амалга ошириш дастурини ишлаб чиқиб, тасдиқласин ва бажарилишини таъминласин.

11. Ўзбекистон Республикаси Инновацион ривожланиш вазирлиги ҳар йилги давлат илмий-техникавий дастурлари лойиҳаларини шакллантиришда Ўрмон хўжалиги давлат қўмитаси, Қишлоқ хўжалиги вазирлигининг таклифларига асосан:

республикамизнинг тупроқ-иқлим шароитларига тўлиқ мослашган ноёб манзарали, мевали дарахтлар, буталар ва доривор ўсимликларнинг касаллик ва зараркунандаларга чидамли янги экспортбоп навларини яратиш;

ўрмон фонди ерларида дарахт кўчатлари экиш, парвариш қилиш, ҳосилни йиғиб-териб олиш ва бошқа агротехника тадбирларини амалга ошириш бўйича янги турдаги қишлоқ хўжалиги техникаси, агрегат ва асбоб-ускуналар ишлаб чиқаришни ташкил қилиш бўйича илмий лойиҳалар танлови эълон қилинишини таъминласин.

12. Ўрмон хўжалиги давлат қўмитаси, Молия вазирлиги, Иқтисодиёт ва саноат вазирлигининг 2020 йил 1 январдан бошлаб:

а) Ўрмон хўжалиги давлат қўмитаси марказий аппарати тузилмасида:

Ўрмон хўжалиги давлат қўмитаси тизимига кирувчи бюджет ташкилотларининг 29 та штат бирликларини оптималлаштириш ҳисобига таркибий бўлинмаларни янада такомиллаштириш, шу жумладан, Инвестицияларни жалб қилиш ва давлат-хусусий шерикликни ривожлантириш бошқармаси ҳамда Ўрмон маҳсулотларини ишлаб чиқариш ва экспортни ташкил этиш бошқармасини ташкил этиш;

б) Қорақалпоғистон Республикасида Оролбўйи миллий табиат боғини, Қашқадарё, Хоразм, Бухоро, Навоий ва Жиззах вилоятларида тегишлича Муборак, Хоразм, Қоровулбозор, Нурота ва Фориш давлат ўрмон-ов хўжаликларини ташкил этиш тўғрисидаги таклифларига розилик берилсин.

Ўрмон хўжалиги давлат қўмитаси Қорақалпоғистон Республикаси Вазирлар Кенгаши, Қашқадарё, Хоразм, Бухоро, Навоий ва Жиззах вилоятлари ҳокимликлари билан биргаликда Оролбўйи миллий табиат боғи, Муборак, Хоразм, Қоровулбозор, Нурота ва Фориш давлат ўрмон-ов хўжаликларининг давлат рўйхатидан ўтказилишини таъминласин.

13. Белгилансинки, 2020 йил 1 январдан бошлаб:

Ўрмон хўжалиги давлат қўмитаси тизимига кирувчи бюджет ташкилотлари ходимларининг лавозим маошлари 1,5 коэффициентга оширилган ҳолда ҳисобланади, Ўрмон хўжалиги давлат қўмитаси марказий аппарати, Қорақалпоғистон Республикаси Ўрмон хўжалиги қўмитаси, вилоятлар ўрмон хўжалиги бошқармалари, Угом-Чотқол давлат миллий табиат боғи, Бурчмулла ва Оҳангарон давлат ўрмон хўжаликлари бундан мустасно;

ушбу бандга мувофиқ ходимларнинг лавозим маошини ошириш билан боғлиқ харажатларнинг 50 фоизи Ўзбекистон Республикасининг Давлат бюджети маблағлари ҳисобидан ҳамда қолган 50 фоизи Жамғарма маблағлари ҳисобидан қопланади.

14. Ўзбекистон Республикаси Молия вазирлиги ушбу қарор талабларига мувофиқ 2020 йилдан бошлаб ҳар йили тегишли маблағларни Ўзбекистон Республикаси Давлат бюджети параметрларида назарда тутсин.

15. Ўрмон хўжалиги давлат қўмитаси ва унинг тизимига кирувчи ташкилотларга ёш, малакали кадрларни жалб этиш, уларнинг турар жой шароитларини яхшилаш ва ижтимоий қўллаб-қувватлаш мақсадида Ўрмон хўжалиги давлат қўмитасининг:

олий таълим муассасаларининг ўрмончилик йўналиши бўйича тўлов-контракт асосида ўқишга қабул қилинган пайтда тўлиқ давлат таъминотида бўлган талабаларнинг тўлов-контракт пулларини кейинчалик Ўрмон хўжалиги давлат қўмитаси тизимидаги ташкилотларда камида 5 йил ишлаб бериш шарти билан Жамғарма маблағлари ҳисобидан тўлаш;

соҳа ходимларини имтиёзли шартларда турар жой билан таъминлаш мақсадида Дархон илмий-тажриба станцияси ҳудудидан 2 гектар ер участкаси ажратиш ва унда кўп қаватли арзон уй-жойлар қуриш;

Тошкент вилояти, Тошкент тумани, Дархон қўрғони, Чимкент йўли кўчаси, 2-уйда жойлашган Ижтимоий иқтисодиёт коллежининг фойдаланмасдан турган бино ва иншоотларини оператив бошқариш ҳуқуқи билан Ўрмон хўжалиги давлат қўмитасига бериш тўғрисидаги таклифларига розилик берилсин.

16. Ўзбекистон Республикаси Президенти ва Ҳукуматнинг айрим қарорларига 2020 йил 1 январдан 8-иловага мувофиқ ўзгартириш ва қўшимчалар киритилсин.

17. Ўрмон хўжалиги давлат қўмитаси Адлия вазирлиги ва бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.

18. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

1. Ўзбекистон Республикаси Президентининг 2017 йил 11 майдаги ПҚ-2966-сон «Ўзбекистон Республикаси Ўрмон хўжалиги давлат қўмитаси фаолиятини ташкил этиш тўғрисида»ги қарорида:

е) 3-илованинг рус тилидаги матни қуйидаги таҳрирда баён қилинсин:

ж) 3а-илованинг рус тилидаги матни қуйидаги таҳрирда баён қилинсин:

з) 4-илованинг рус тилидаги матни қуйидаги таҳрирда баён қилинсин:

и) 5-илованинг рус тилидаги матни қуйидаги таҳрирда баён қилинсин:

2. Ўзбекистон Республикаси Президентининг 2018 йил 27 сентябрдаги ПҚ-3953-сон қарори билан тасдиқланган Давлат буюртмачилари томонидан тўғридан-тўғри шартномалар бўйича харид қилинадиган товарлар (ишлар, хизматлар) рўйхатига қуйидаги мазмундаги 33-банд қўшилсин:

«33. Ўзбекистон Республикаси ўрмон хўжалиги давлат қўмитаси тизимидаги ташкилотлар томонидан етиштирилган кўчат ва ниҳоллар».

3. Вазирлар Маҳкамасининг 2011 йил 25 майдаги 146-сон «Шаҳарсозлик фаолиятини амалга ошириш ҳамда қишлоқ хўжалигига оид бўлмаган бошқа эҳтиёжлар учун ер участкалари бериш тартибини такомиллаштириш чора-тадбирлари тўғрисида»ги қарорида:

2-иловада:

16-бандга қуйидаги таҳрирдаги иккинчи хатбоши қўшилсин:

«Ўрмон фонди ер участкаларини олиб қўйиш, ҳақ тўлаб олиш ёки вақтинча эгаллаб туриш, шунингдек, юридик ва жисмоний шахсларнинг ер участкаларига бўлган ҳуқуқлари чекланиши ёхуд ўрмон фонди ерларининг сифати ёмонлашуви туфайли улар кўрган зарарни, шу жумладан, бой берилган фойдани қоплаш учун мўлжалланган маблағлар уларга ер участкаси ажратиладиган тегишли юридик ва жисмоний шахслар томонидан Ўзбекистон Республикаси Ўрмон хўжалиги давлат қўмитасининг Ўрмон хўжалигини ривожлантириш жамғармасининг шахсий ғазна ҳисоб варағига ўтказилади.»;

21-банддаги:

«ва ўрмон хўжалиги» деган сўзлар чиқариб ташлансин;

қуйидаги таҳрирдаги иккинчи хатбоши қўшилсин:

«ўрмон хўжалиги ишлаб чиқариши нобудгарчиликларининг ўрнини қоплаш бўйича маблағлар ер участкалари берилаётган юридик ва жисмоний шахслар томонидан Ўзбекистон Республикаси Ўрмон хўжалиги давлат қўмитасининг Ўрмон хўжалигини ривожлантириш жамғармасининг шахсий ғазна ҳисоб варағига ўтказилади.»;

22-23-бандлар қуйидаги таҳрирда баён қилинсин:

«22. Давергеодезкадастр қўмитаси ва унинг ҳудудий бошқармалари қишлоқ хўжалиги ишлаб чиқариши нобудгарчиликларининг ўрнини қоплаш бўйича маблағларнинг ўз вақтида тушишини ва ҳисобга олинишини, объектлар режалаштирилиши, лойиҳалаштирилиши ва қурилишини ҳамда ишлар белгиланган тартибда қабул қилинишини таъминлайди.

23. Давергеодезкадастр қўмитаси ва унинг ҳудудий бошқармалари ўзининг махсус ҳисоб рақамларига қишлоқ хўжалиги ишлаб чиқариши нобудгарчиликларининг ўрнини қоплаш бўйича тушган суммалар доирасида ушбу Низомнинг 24-бандида назарда тутилган ишларнинг буюртмачилари ҳисобланади, ишлар режаларини тасдиқлайди, молиялаштиришни бошлайди ва ишларни ташкил этади.»;

24-бандда:

биринчи хатбошидаги «ва ўрмон хўжалиги» деган сўзлар чиқариб ташлансин;

олтинчи, еттинчи ва саккизинчи хатбошилар чиқариб ташлансин;

тўққизинчи — ўн саккизинчи хатбошилар тегишлича олтинчи — ўн бешинчи хатбошилар деб ҳисоблансин;

ўн учинчи ва ўн бешинчи хатбошилардан «ва ўрмон хўжалиги» деган сўзлар чиқариб ташлансин;

24¹-банднинг биринчи хатбоши қуйидаги таҳрирда баён қилинсин:

«24¹. Қишлоқ хўжалиги ишлаб чиқариши нобудгарчиликлари ўрнини қоплаш ҳисобига тушган маблағларнинг 10 фоизи қишлоқ хўжалиги ишлаб чиқариши нобудгарчиликлари ўрнини қоплаш бўйича қарзларни тўлаш учун судларга даъволар киритилганда давлат божларини ва суд харажатларини тўлаш учун тегишли тартибда тақсимланади:»;

Қуйидаги таҳрирдаги 24²-банд қўшилсин:

«24². Ўрмон хўжалиги ишлаб чиқариши нобудгарчиликларининг ўрнини қоплаш тартибида тушадиган маблағлар алоҳида ҳисобга олиб борилади. Улардан қуйидаги мақсадларда:

ўрмонлар ва ўрмон мевали дарахтзорларини барпо этиш ва тиклаш, қумли ерлар, сув ҳавзалари ҳамда дарёларнинг қирғоқбўйи минтақаларида дарахтзорлар барпо этиш, шунингдек, ўрмон ерлари ҳолатини яхшилашга қаратилган бошқа тадбирларни амалга ошириш;

тоғ ёнбағирларида супа олиш ва эрозияга қарши бошқа тадбирларни амалга ошириш;

янги ерларни ўзлаштириш ва суғориладиган ерларни комплекс реконструкция қилиш;

коллектор-дренаж тармоқларини қуриш ва қайта қуриш, суғориладиган ерларни капитал режалаштириш ҳамда уларнинг сув билан таъминланиши даражасини ошириш;

пичанзорлар ва яйловларни тубдан яхшилаш;

ўрмон тузиш, ўрмон кадастри, ўрмонзорлар мониторинги бўйича лойиҳа ҳужжатларини ҳамда бошқа ҳужжатларни тайёрлаш ёки тузатиш;

автоматлаштирилган ахборот тизимларини яратиш ва жорий этиш;

ўрмон хўжалиги ишлаб чиқариши нобудгарчиликлари ўрнини қоплаш бўйича қарзларни ундириш учун судларга даъволар киритилганда давлат божларини ва суд харажатларини тўлаш учун белгиланган тартибда фойдаланилади.»;

25-банднинг биринчи хатбошидаги «ва ўрмон» сўзлари чиқариб ташлансин.

4. Вазирлар Маҳкамасининг 2014 йил 20 октябрдаги 290-сон «Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида»ги қарорига 4-илованинг 5-банди қуйидаги мазмундаги бешинчи хатбоши билан тўлдирилсин:

«давлат ўрмон фонди ерларида содир этилган маъмурий ҳуқуқбузарлик бўйича маблағларнинг 100 фоизи қонун ҳужжатларига мувофиқ Ўзбекистон Республикаси Ўрмон хўжалиги давлат қўмитаси тизимига кирадиган ўрмонни, ўрмон-овчилик, ихтисослаштирилган ўрмон хўжаликлари, миллий табиат боғларини, шунингдек, илмий-тажриба станцияларини ривожлантириш жамғармаларининг ҳисоб рақамига ўтказилади. Ушбу ундирилган маблағларнинг 50 фоизи Ўрмон хўжалиги давлат қўмитасининг Ўрмон хўжалигини ривожлантириш жамғармасининг ғазначилик шахсий ҳисоб рақамига йўналтирилади.».

5. Вазирлар Маҳкамасининг 2017 йил 19 июлдаги 530-сон «Ўрмон хўжалигини бошқариш тизимини янада такомиллаштириш чора-тадбирлари тўғрисида»ги қарорида:

а) 6-иловада:

3-банд қуйидаги таҳрирда баён қилинсин:

«3. Жамғарма маблағлари қуйидаги манбалар ҳисобига шакллантирилади:

а) ўрмон фонди ерларида Ўзбекистон Қизил китобига киритилмаган ўсимликлар турларини табиий муҳитда тайёрлаш (тўплаш) учун олиб қўйиш, йиғишга рухсатнома олиш учун аризалар кўриб чиқилганлиги ва рухсатномалар берилганлиги ҳамда ўрмон фонди ерларида ўсимлик ва ҳайвонот дунёсидан фойдаланиш учун бериладиган квоталар учун ундириладиган тушумнинг 100 фоизи;

б) ўрмон фонди ерларидаги ўсимлик ва ҳайвонот дунёсига етказилган зарарни қоплаш учун ундириладиган маблағларнинг 100 фоизи;

в) ўрмон фондининг рухсат этилган ҳудудларида чорва молларини ўтлатиш, ўрмон фонди участкаларида пичан ўриш, ўрмон фонди участкаларида асалари уялари ва қутиларини жойлаштириш, ўрмон фонди участкаларида дарахт ва буталарни кесмаган ҳолда ўтин ва шох-шаббаларни йиғиш, давлат ўрмон фонди участкаларидан маданий-маърифий, тарбиявий, соғломлаштириш, рекреацион ва эстетик мақсадларда фойдаланганлик учун тўловларнинг (ўрмон фонди ерларида ўрмон хўжалигини юритиш билан боғлиқ бўлмаган ишларни амалга оширишда дарахтлар ва буталар кесилганлиги, шунингдек, ўсимлик қопламаси шикастланганлиги учун) 50 фоизи;

г) Ўзбекистон Республикаси Ўрмон хўжалиги давлат қўмитаси тизимига кирадиган ўрмон хўжаликлари, ўрмон-овчилик, ихтисослаштирилган ўрмон хўжаликлари, миллий табиат боғларини ривожлантириш жамғармаларига тушган маблағларнинг 10 фоизи миқдоридаги ажратмалар (ушбу банднинг «а», «б», «в» кичик бандларида белгиланган тўловлар чегириб ташланган ҳолда);

д) ўрмон фонди ерларида соғломлаштириш, парвариш қилиш учун кесиш натижасида олинган ёғоч ва шох-шаббаларни сотишдан тушган маблағларнинг 50 фоизи;

е) ўрмон фонди ерларини жисмоний ва юридик шахсларга ижара шартномаси асосида фойдаланишга беришдан тушган маблағларнинг 100 фоизи;

ж) ўрмон фонди ерлари давлат ва жамоат манфаатлари учун олиб қўйилиши муносабати билан ундириладиган ўрмон хўжалиги ишлаб чиқаришнинг нобудгарчилиги суммасининг 100 фоизи;

и) ўрмон хўжалиги ишлаб чиқариши нобудгарчиликларининг ўрнини қоплаш учун тушадиган маблағларинг 100 фоизи;

з) юридик ва жисмоний шахсларнинг ҳомийлик хайриялари, шу жумладан, Ўзбекистон Республикаси норезидентларининг маблағлари;

к) Жамғарманинг вақтинча бўш маблағларини тижорат банкларида жойлаштиришдан олинган даромадлар, белгиланган тартибда ташкил этилган ташкилотларнинг устав фондидаги улушлар (акциялар) бўйича дивидендлар (даромадлар) ва қонун ҳужжатларида тақиқланмаган бошқа тушумлар.»;

5-бандда:

«а» кичик банддан «давлат қўриқхоналар» деган сўзлар чиқариб ташлансин;

«в» кичик банднинг учинчи хатбошидаги «ўрмон муҳофазаси ва инспекцияси автомобилларига» сўзлари «тизимдаги автомобилларга» сўзлари билан алмаштирилсин;

«г» кичик банд қуйидаги таҳрирда баён қилинсин:

«г) табиий питомниклар, шу жумладан, ўрмон фонди ерларидаги муҳофаза қилинадиган табиий ҳудудларда уларнинг режимига мувофиқ питомниклар ва серпентарийлар барпо этиш;»;

«и» кичик банддаги «ва» деган сўз «, техник-иқтисодий асосларини ишлаб чиқиш ва» деган сўзлар билан алмаштирилсин

«м» кичик банддаги «ўрмон» деган сўз «Ўзбекистон Республикаси Ўрмон хўжалиги давлат қўмитаси марказий аппарати, тизимдаги республика ташкилотлари, ўрмон» деган сўзлар билан алмаштирилсин;

қуйидаги мазмундаги «у — ц» кичик бандлар қўшилсин:

«у) йил якуни бўйича ҳамда умумхалқ байрам кунлари учун мукофотлар;

ф) ўрмонларни кўпайтириш, қўриқлаш, муҳофаза қилиш, фойдаланиш ва ўрмонларга бўлган меҳр-оқибатни уйғотишга қаратилган ижтимоий аҳамиятга эга бўлган реклама роликлари, мультфильм, кино, ҳужжатли фильм, театр-концерт дастурларини ишлаб чиқиш, намойиш этиш ва тарқатиш харажатларини қоплаш;

х) ўрмонни тарғиб қилувчи ҳар ҳил буклетлар, почта маркалари, кўкрак белгилари ва бошқа эсдалик совғалари ишлаб чиқиш билан боғлиқ харажатларни молиялаштириш;

ц) тизим ходимларининг халқаро конференция ва семинарлар, кадрлар тайёрлаш амалиёти машғулотларида қатнашиши билан боғлиқ харажатларни қоплаш».»

б) 7-иловада:

5-банднинг биринчи хатбошидаги «тизимларида» деган сўз «ҳамда иқтисод, ҳисобчи, ҳуқуқ ва таълим соҳаларида» сўзлари билан алмаштирилсин;

7-банд қуйидаги таҳрирда баён қилинсин:

«7. Иш кўрсаткичларининг бажарилишига қараб иқтисодий имкониятдан келиб чиққан ҳолда ой, чорак ва йил якуни бўйича ходимлар ойлик иш ҳақининг беш баробаригача миқдорида мукофотлар берилади.»;

8-банд қуйидаги таҳрирда баён қилинсин:

«8. Ўзбекистон Республикасининг Мустақиллик куни, Конституция куни, Наврўз, Янги йил ва ҳайит байрамлари, 8-март — Халқаро хотин қизлар куни, Халқаро ўрмончилар куни учун ходимлар ойлик иш ҳақининг бир бараваригача миқдорда рағбатлантирилади.»;

6. Вазирлар Маҳкамасининг 2018 йил 5 июндаги 422-сон «Суғориладиган ерларни шамол эрозиясига ҳамда сув хўжалиги объектларини қум босишига қарши иҳота дарахтзорлари барпо этиш ва реконструкция қилиш чора-тадбирлари тўғрисида»ги қарорининг 3-банди тўққизинчи хатбошиси «шу жумладан, буюртмачи функциясини бажариш учун буюртма суммасининг 2,5 фоизи миқдорида маблағлар» деган сўзлар билан тўлдирилсин;

7. Вазирлар Маҳкамасининг 2018 йил 14 августдаги 657-сон «Угом-Чотқол давлат миллий табиат боғи ва унинг таркибига кирувчи Чотқол давлат биосфера қўриқхонаси, Бурчмулла ва Оҳангарон давлат ўрмон хўжаликлари фаолиятини янада такомиллаштириш чора-тадбирлари ҳақида»ги қарорига 5-илова қуйидаги таҳрирда баён қилинсин:

1. Угом-Чотқол давлат миллий табиат боғи, Чотқол давлат биосфера қўриқхонаси, Бурчмулла ва Оҳангарон давлат ўрмон хўжаликлари ходимлари меҳнатига ҳақ тўлаш Ўзбекистон Республикасининг Меҳнат кодекси, ушбу Тартиб ва бошқа қонун ҳужжатларига мувофиқ амалга оширилади ва қуйидагиларни ўз ичига олади:

лавозим маошлари (тариф ставкалари);

лавозим маошларига қўшимчалар ва устамалар.

2. Угом-Чотқол давлат миллий табиат боғи, Чотқол давлат биосфера қўриқхонаси, Бурчмулла ва Оҳангарон давлат ўрмон хўжаликлари раҳбарлари ва ходимларига бюджет маблағлари ҳисобига лавозим маошлари ҳамда қуйидаги қўшимчалар тўланади:

а) Ўзбекистон Республикаси Президенти, Вазирлар Маҳкамасининг ҳужжатлари асосида лавозимга тайинланган мансабдор шахсларнинг умумий иш стажи, муҳофаза этиладиган табиий ҳудудлар ҳамда атроф муҳитни, шу жумладан, ўсимлик ва ҳайвонот дунёсини муҳофаза қилиш, ўрмон хўжалиги тизимларида фаолият юритаётган ходимларнинг соҳадаги умумий иш стажи учун қатъий белгиланган лавозим маошига қўшимча устама ҳар ойда тариф сеткаси ва штат жадвалига мувофиқ ҳолда қуйидаги миқдорда:

1 — 3 йилгача — 5 фоиз;

3 — 5 йилгача — 10 фоиз;

5 — 8 йилгача — 15 фоиз;

8 — 10 йилгача — 20 фоиз;

10 — 15 йилгача — 25 фоиз;

15 — 20 йилгача — 30 фоиз;

20 — 25 йилгача — 35 фоиз;

25 йилдан ортиқ — 40 фоиз;

б) ходимлар ва инспекторлар таркибига хизмат вазифаларига кўра доимий яшаш жойидан бошқа жойда бўлганлиги учун меҳнатга ҳақ тўлаш энг кам миқдорининг бир баравари миқдорида қўшимча ҳақ;

в) ходимларнинг баланд тоғли шароитда ишлаганлиги учун денгиз сатҳидан баландлик даражасига қараб иш ҳақига қуйидаги миқдорларда коэффициентлар белгиланади:

1500 дан 1700 метргача — 1,1;

1701 дан 2000 метргача — 1,15;

2000 дан 3000 метргача — 1,3;

3001 метрдан юқори — 1,4;

г) ходимларни ижтимоий қўллаб-қувватлаш ва улар иш самарадорлигини ошириш мақсадида ҳар ойда (жамоа шартномасига мувофиқ) йўл транспортига меҳнатга ҳақ тўлаш энг кам миқдорининг 35 фоизигача ҳамда ходимлар тушлик овқатланиш харажатларига кўмаклашиш мақсадида меҳнатга ҳақ тўлаш энг кам миқдорининг 70 фоизигача миқдорда тўловлар амалга оширилади;

д) тегишли моддий рағбатлантириш фонди доирасида ходимларга, касаба уюшмаси билан келишган ҳолда фаолият натижаларига ҳамда иш кўрсаткичлари бажарилишига қараб ой ва чорак якуни бўйича қўшимча ҳамда мукофот пуллари белгилаш;

е) автомобиль транспорти ҳайдовчиларининг тариф ставкасига 1,228 миқдорида тармоқ коэффициент ҳамда малака даражаси учун иккинчи даражали ҳайдовчиларга Меҳнатга ҳақ тўлаш бўйича ягона тариф сеткасининг тегишли разряди бўйича ҳайдовчи базавий тариф ставкасининг — 10 фоизи миқдорида, биринчи даражали ҳайдовчиларга — 25 фоизи миқдорида қўшимча устама ҳақ тўланади.

3. Угом-Чотқол давлат миллий табиат боғи, Чотқол давлат биосфера қўриқхонаси, Бурчмулла ва Оҳангарон давлат ўрмон хўжаликлари ташкилотларининг тегишли бюджетдан ташқари маблағлари ҳисобига қўшимча штат бирликлари, шу жумладан, бюджет маблағлари ҳисобига сақлаш кўзда тутилмаган штат бирликларини сақлаш, раҳбар ва ходимларга қуйидаги қўшимчалар тўлаш мумкин:

а) ташкилотнинг фаолият натижаларига ҳамда иш кўрсаткичлари бажарилишига қараб миллий боғ, қўриқхона ва ўрмон хўжаликлари раҳбарияти касаба уюшмаси ташкилоти билан келишган ҳолда ходимларга ой ва чорак якуни бўйича ходимлар ойлик иш ҳақининг бир бараваригача миқдорда, йил якуни бўйича ходимлар ойлик иш ҳақининг уч бараваригача миқдорда мукофотлар бериш;

б) Ўзбекистон Республикасининг Мустақиллик куни, Конституция куни, Наврўз, Янги йил ва ҳайит байрамлари учун ходимлар ойлик иш ҳақининг бир бараваригача миқдорда рағбатлантирилади;

в) ходим хизмат бурчини бажариш вақтида шикастланганда, жароҳат олган ёки майиб бўлган тақдирда — ходимга, шунингдек, ходим ўрмонларда ёнғинни ўчиришда ва хизматнинг бошқа турларини амалга оширишда қатнашиш жараёнида ҳалок бўлган ҳолларда унинг оиласига қонун ҳужжатларига мувофиқ йиллик ўртача иш ҳақининг камида олти баравари миқдорида бир йўла бериладиган тўловлар ва моддий ёрдам белгиланади;

г) зарур ҳолларда иш ҳақи фонди доирасида (кам таъминланган оилаларга, ходимнинг даволаниши учун, тўй, маърака, навбатдаги таътилга чиқишда ва бошқалар) ходимларга касаба уюшмаси билан келишган ҳолда моддий ёрдам пули тўланади;

д) ходимларга қишлоқ хўжалиги маҳсулотларини сотиб олиш учун йилда бир марта меҳнатга ҳақ тўлаш энг кам миқдорининг тўрт бараваригача миқдорда пул маблағи тўланади.».