Ўзбекистон Республикаси Молия вазирлиги ва «Ўздонмаҳсулот» АК томонидан 2004 йил 2 октябрда МА-05-05-8/670-сон ва 3-4/170-сон билан тасдиқланган Ғалла, ғаллани дастлабки қайта ишлашдан олинадиган қўшимча маҳсулот ва ғалла чиқиндиларининг эркин нархини келишув 19-сонли Баённомасига асосан, ғалла ва уннинг янги улгуржи харид нархлари белгиланганлиги муносабати билан қарор қиламиз:

1. Ўзбекистон Республикаси Молия вазирлиги ва Марказий банкининг 1999 йил 8 февралдаги 10-01-сонли ва 111-В-сонли қарори билан тасдиқланган «Давлат эҳтиёжлари учун харид қилинадиган ғалла ва гуруч-шолига Жамғарма томонидан аванс бериш ва ҳисоб-китоб қилиш учун ажратилган маблағларни қайтариш учун дон маҳсулотлари корхоналарининг ғалла, ун ва гуруч-шолини сотишдан тушаётган маблағларини аккумуляция қилиш тартиби»га (1999 йил 27 февраль, рўйхат рақами 653) иловага* мувофиқ ўзгартириш киритилсин.

2. Ушбу қарор Ўзбекистон Республикаси Адлия вазирлигида рўйхатдан ўтган кундан бошлаб ўн кундан сўнг кучга киради.