Suggestion to the document
Listen to audio
Get a link from a document elementOʻZBEKISTON RESPUBLIKASI PREZIDENTINING
Suggestion to the documentListen to audioGet a link from a document elementQARORI
Suggestion to the documentListen to audioGet a link from a document elementBuyuk vatandoshimiz, hadis va tasavvuf ilmining yetuk namoyandasi Hakim Termiziy tavalludining 1200-yilligini keng nishonlash toʻgʻrisida
Suggestion to the documentListen to audioGet a link from a document elementSuggestion to the documentListen to audioGet a link from a document elementKeyingi yillarda mamlakatimizda barcha sohalar qatori diniy-maʼrifiy yoʻnalishda ham ulkan islohotlar amalga oshirilmoqda. Xususan, islom dini va madaniyati ravnaqiga beqiyos hissa qoʻshgan ulugʻ allomalarimizning muborak nomlarini tiklash, xotirasini eʼzozlash, abadiy orom topgan maskanlarini obod qilish, ilmiy-maʼnaviy merosini har tomonlama chuqur oʻrganish va targʻib etishga alohida ahamiyat berilmoqda.
Suggestion to the documentListen to audioGet a link from a document elementYangi Oʻzbekiston durdonalari sifatida eʼtirof etilayotgan Toshkent shahridagi Islom sivilizatsiyasi markazining qurib foydalanishga topshirilgani, Samarqandda butunlay yangi qiyofada qad rostlagan Imom Buxoriy yodgorlik majmuasi, Margʻilonda “Burhoniddin Margʻinoniy” majmuasining bunyod etilgani bu boradagi ishlarimiz sifat jihatidan yangi bosqichga koʻtarilayotganidan dalolat beradi.
Suggestion to the documentListen to audioGet a link from a document elementInsonlarni yaxshilikka, iymon-eʼtiqodga daʼvat etuvchi oʻlmas asarlari bilan butun islom olamida shuhrat qozongan ulugʻ ajdodlarimiz orasida benazir olim va mutafakkir, hadis va tasavvuf ilmining yetuk namoyandasi Abu Abdulloh Muhammad ibn Ali ibn Hasan ibn Bishr Hakim Termiziy (keyingi oʻrinlarda — Hakim Termiziy) alohida oʻrin tutadi.
Suggestion to the documentListen to audioGet a link from a document elementMustaqillik yillarida bu tabarruk siymoning Termiz shahri yaqinidagi ziyoratgohi obodonlashtirilgani, asarlari oʻzbek tiliga ilmiy-izohli tarjima qilinib nashr etilgani, 1993-yildan buyon kurash boʻyicha Hakim Termiziy xotirasiga bagʻishlangan anʼanaviy xalqaro turnir oʻtkazib kelinayotgani va boshqa ezgu ishlar xalqimizning u zotga boʻlgan yuksak ehtiromining amaliy ifodasidir.
Suggestion to the documentListen to audioGet a link from a document elementYangi Oʻzbekistonning maʼnaviy-maʼrifiy asoslari tobora mustahkamlanib borayotgan hozirgi sharoitda Hakim Termiziyning ibratli hayot yoʻlini, uning islomiy tafakkur rivojiga qoʻshgan munosib hissasi va boy ilmiy merosini milliy va xalqaro miqyosda yanada chuqur oʻrganish hamda targʻib etish maqsadida qaror qilaman:
Suggestion to the documentListen to audioGet a link from a document elementI. Maqsad
Suggestion to the documentListen to audioGet a link from a document element1. Belgilansinki, ushbu qarorni qabul qilishdan koʻzlangan asosiy maqsad yurtimizda islom taʼlimoti va diniy ilmlar rivojiga beqiyos hissa qoʻshgan Hakim Termiziyning ibratli hayot yoʻli hamda ilmiy-maʼnaviy merosini chuqur oʻrganish, xalqimiz va jahon hamjamiyati oʻrtasida keng targʻib etishni yoʻlga qoʻyish hisoblanadi.
Suggestion to the documentListen to audioGet a link from a document elementII. Tashkiliy va amaliy chora-tadbirlar
Suggestion to the documentListen to audioGet a link from a document element2. Din ishlari boʻyicha qoʻmita, Oʻzbekiston musulmonlari idorasi, Oʻzbekiston Fanlar akademiyasi, Oʻzbekistondagi Islom sivilizatsiyasi markazi, Imom Termiziy xalqaro ilmiy-tadqiqot markazi va Surxondaryo viloyati hokimligining joriy yilda Hakim Termiziy tavalludining 1200-yilligini keng nishonlash toʻgʻrisidagi taklifi maʼqullansin.
Suggestion to the documentListen to audioGet a link from a document element3. Hakim Termiziy tavalludining 1200-yilligiga bagʻishlangan tadbirlarni tashkil etish va oʻtkazish boʻyicha tashkiliy qoʻmita (keyingi oʻrinda — Tashkiliy qoʻmita) tashkil etilsin hamda uning tarkibi ilovaga muvofiq tasdiqlansin.
Suggestion to the documentListen to audioGet a link from a document element4. Tashkiliy qoʻmita (A. Aripov) bir hafta muddatda Hakim Termiziy tavalludining 1200-yilligini nishonlash boʻyicha quyidagilarni nazarda tutuvchi chora-tadbirlar dasturini masʼul ijrochilar va moliyalashtirish manbalarini belgilagan holda tasdiqlasin:
Suggestion to the documentListen to audioGet a link from a document element(a) Termiz shahrida 2026-yil noyabr oyida “Hakim Termiziy ilmiy-maʼnaviy merosining bugungi kundagi ahamiyati” mavzusida xalqaro konferensiya oʻtkazish;
Suggestion to the documentListen to audioGet a link from a document element(b) Hakim Termiziyning “Navodirul usul” va “Bahrut tafsir” asarlari hamda allomaning ilmiy merosiga oid boshqa manbalarning oʻzbek va xorijiy tillardagi ilmiy-izohli akademik tarjimalarini nashr etish;
Suggestion to the documentListen to audioGet a link from a document element(v) 2026-yil davomida Hakim Termiziy ilmiy merosiga oid turkum risolalarni nashrga tayyorlash va chop etish;
Suggestion to the documentListen to audioGet a link from a document element(g) Hakim Termiziy tavalludining 1200-yilligiga bagʻishlangan esdalik buyumlarni muomalaga chiqarish hamda pochta markalari, taqvimlar, allomaning hayoti va ilmiy merosini yoritib beradigan boshqa koʻrgazmali axborot vositalari turkumini yaratish;
Suggestion to the documentListen to audioGet a link from a document element(d) Hakim Termiziy yodgorlik majmuasi va unga tutash hududlarni obodonlashtirish.
Suggestion to the documentListen to audioGet a link from a document element5. Fanlar akademiyasi, Oʻzbekistondagi Islom sivilizatsiyasi markazi va Imom Termiziy xalqaro ilmiy-tadqiqot markazi Madaniy meros agentligi bilan birgalikda Hakim Termiziy ilmiy merosiga mansub qoʻlyozmalar, qadimiy kitoblar, noyob asarlar va boshqa madaniy boyliklar tadqiq etilishi va restavratsiya qilinishini hamda ularning lozim darajada saqlanishini taʼminlasin.
Suggestion to the documentListen to audioGet a link from a document element6. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondiga Hakim Termiziy va termiziy allomalar ilmiy merosi, ular targʻib etgan bagʻrikenglik, insonparvarlik, maʼnaviy poklik kabi gʻoyalarni oʻrganish va ommalashtirish, yoshlarni ilm olish va kasb-hunarga ragʻbatlantirish, shuningdek, termiziyshunoslikka oid tadqiqotlarni qoʻllab-quvvatlash maqsadida 2026-yildan boshlab davlat ijtimoiy buyurtmalarini eʼlon qilib borish tavsiya etilsin.
Suggestion to the documentListen to audioGet a link from a document element7. Din ishlari boʻyicha qoʻmita:
Suggestion to the documentListen to audioGet a link from a document element(a) Oliy taʼlim, fan va innovatsiyalar vazirligi, Oʻzbekiston xalqaro islomshunoslik akademiyasi, Oʻzbekiston musulmonlari idorasi, Imom Termiziy xalqaro ilmiy-tadqiqot markazi bilan birgalikda termiziy allomalar merosiga doir dolzarb mavzularni tizimli tadqiq etish va ommalashtirishni yoʻlga qoʻysin;
Suggestion to the documentListen to audioGet a link from a document element(b) Oʻzbekiston musulmonlari idorasi bilan birgalikda diniy taʼlim muassasalari talabalari oʻrtasida “Hakim Termiziy asarlari bilimdoni” tanlovini oʻtkazish va gʻoliblarni munosib taqdirlash choralarini koʻrsin.
Suggestion to the documentListen to audioGet a link from a document element8. Sport vazirligi, Oʻzbekiston Milliy olimpiya qoʻmitasi, Oʻzbekiston kurash federatsiyasi, Surxondaryo viloyati hokimligi hamda boshqa manfaatdor vazirlik va idoralar:
Suggestion to the documentListen to audioGet a link from a document element(a) alloma tavalludining 1200-yilligi munosabati bilan Hakim Termiziy xotirasiga bagʻishlangan kurash turnirini 2026-yil noyabr oyida “Mardlar maydoni” shiori asosida yuqori saviyada oʻtkazish;
Suggestion to the documentListen to audioGet a link from a document element(b) Xalqaro kurash assotsiatsiyasi bilan kelishilgan holda mazkur turnirning maqomini yanada oshirish hamda xalqaro brendini yaratish choralarini koʻrsin.
Suggestion to the documentListen to audioGet a link from a document element9. Surxondaryo viloyati hokimligi, Raqamli texnologiyalar vazirligi va Turizm qoʻmitasi uch oy muddatda tegishli tashkilotlar bilan birgalikda Hakim Termiziy yodgorlik majmuasini zamonaviy maʼrifat va ziyorat maskaniga aylantirish, mahalliy va xorijiy sayyohlar uchun qulay shart-sharoitlar yaratish choralarini koʻrsin.
Suggestion to the documentListen to audioGet a link from a document element10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Respublika Maʼnaviyat va maʼrifat markazi, Oʻzbekiston Yozuvchilar uyushmasi, Oʻzbekiston xalqaro islomshunoslik akademiyasi, Oʻzbekiston musulmonlari idorasi bilan birgalikda joylarda 2026-yil davomida Hakim Termiziyning ilmiy merosiga bagʻishlangan davra suhbatlarini tashkil etsin.
Suggestion to the documentListen to audioGet a link from a document element11. Oʻzbekiston Milliy teleradiokompaniyasi, Oʻzbekiston Milliy axborot agentligi va Oʻzbekiston milliy media birlashmasiga Imom Termiziy xalqaro ilmiy-tadqiqot markazi bilan hamkorlikda “Termiziy hikmatlari” rukni ostida koʻrsatuv, eshittirish va infografikalar tayyorlash va eʼlon qilib borish tavsiya etilsin.
Suggestion to the documentListen to audioGet a link from a document elementIII. Qaror ijrosini tashkil etish, taʼminlash va nazorat
Suggestion to the documentListen to audioGet a link from a document element12. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media birlashmasi va “Dunyo” axborot agentligiga Hakim Termiziy tavalludining 1200-yilligini nishonlash bilan bogʻliq tadbirlarni ommaviy axborot vositalarida keng yoritib borish tavsiya etilsin.
Suggestion to the documentListen to audioGet a link from a document element13. Mazkur qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.
Suggestion to the documentListen to audioGet a link from a document element14. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining diniy-maʼrifiy masalalar boʻyicha maslahatchisi M.M. Kamilov zimmasiga yuklansin.
Suggestion to the documentListen to audioGet a link from a document elementOʻzbekiston Respublikasi Prezidenti Sh. MIRZIYOYEV
Suggestion to the documentListen to audioGet a link from a document elementToshkent sh.,
Suggestion to the documentListen to audioGet a link from a document element2026-yil 24-iyul,
Suggestion to the documentListen to audioGet a link from a document elementPQ-275-son
Suggestion to the documentListen to audioGet a link from a document elementSuggestion to the documentListen to audioGet a link from a document elementOʻzbekiston Respublikasi Prezidentining 2026-yil 24-iyuldagi PQ-275-son qaroriga
ILOVA
ILOVA
Suggestion to the documentListen to audioGet a link from a document elementHakim Termiziy tavalludining 1200-yilligiga bagʻishlangan tadbirlarni tashkil etish va oʻtkazish boʻyicha tashkiliy qoʻmita
Suggestion to the documentListen to audioGet a link from a document elementTARKIBI
Suggestion to the documentListen to audioGet a link from a document elementSuggestion to the documentListen to audioGet a link from a document element1. | A.N. Aripov | — | Oʻzbekiston Respublikasi Bosh vaziri, Tashkiliy qoʻmita raisi |
2. | M.M. Kamilov | — | Oʻzbekiston Respublikasi Prezidentining diniy-maʼrifiy masalalar boʻyicha maslahatchisi, Tashkiliy qoʻmita raisi oʻrinbosari |
3. | X.M. Sultonov | — | Oʻzbekiston Respublikasi Prezidenti maslahatchisi — Spichrayter |
4. | J.A. Qoʻchqorov | — | Oʻzbekiston Respublikasi Bosh vazirining oʻrinbosari — iqtisodiyot va moliya vaziri |
5. | S.D. Toshboyev | — | Din ishlari boʻyicha qoʻmita raisi |
6. | U.B. Qosimov | — | Surxondaryo viloyati hokimi |
7. | B.O. Saidov | — | tashqi ishlar vaziri |
8. | A.A. Tashpulatov | — | ichki ishlar vaziri |
9. | K.A. Sharipov | — | oliy taʼlim, fan va innovatsiyalar vaziri |
10. | I.R. Maxkamov | — | transport vaziri |
11. | O.A. Nazarbekov | — | madaniyat vaziri |
12. | Sh.S. Xidoyatov | — | qurilish va uy-joy kommunal xoʻjaligi vaziri |
13. | Sh.X. Shermatov | — | raqamli texnologiyalar vaziri |
14. | N.M. Xoliqnazar | — | Oʻzbekiston musulmonlari idorasi raisi, muftiy |
15. | A.Oʻ. Aqqulov | — | Turizm qoʻmitasi raisi |
16. | A.V. Nuridinov | — | Oʻzbekiston Badiiy akademiyasi raisi |
17. | F.F. Abduxalikov | — | Oʻzbekistondagi Islom sivilizatsiyasi markazi direktori |
18. | B.A. Abduxalimov | — | Oʻzbekiston Fanlar akademiyasi vitse-prezidenti |
19. | O.A. Xasanov | — | Respublika Maʼnaviyat va maʼrifat markazi rahbari |
20. | J.O. Axmedov | — | madaniyat vazirining birinchi oʻrinbosari — Kinematografiya agentligi direktori |
21. | B.G. Abdikarimov | — | Madaniy meros agentligi direktori |
22. | S.S. Saidov | — | Oʻzbekiston Yozuvchilar uyushmasi raisi |
23. | A.A. Djurabayev | — | Oʻzbekiston Milliy teleradiokompaniyasi raisi |
24. | A.X. Xamidov | — | “Davlat belgisi” MCHJ bosh direktori |
25. | Sh.Sh. Xudaykulov | — | “Uzbekistan Airways” AJ boshqaruvi raisi |
26. | A.X. Toshqulov | — | Termiz davlat universiteti rektori |
27. | G.Sh. Rixsiyeva | — | Toshkent davlat sharqshunoslik universiteti rektori |
28. | M.F. Joniyev | — | Imom Termiziy xalqaro ilmiy-tadqiqot markazi direktori, Tashkiliy qoʻmita kotibi |
Suggestion to the documentListen to audioGet a link from a document elementIzoh. Tashkiliy qoʻmita aʼzosi boshqa ishga oʻtgan taqdirda, uning tarkibiga ushbu lavozimga yangi tayinlangan yoki zimmasiga tegishli funksiyalarni bajarish yuklatilgan shaxs kiritiladi.
(Qonunchilik maʼlumotlari milliy bazasi, 25.07.2026-y., 07/26/275/0777-son)