1.1. O‘zbekiston Respublikasining “Arxiv ishi to‘g‘risida”gi Qonuni mulkchilik shakllaridan qat’iy nazar korxonalar, muassasalar, tashkilotlar (yuridik shaxs hisoblangan kichik tadbirkor subyektlari bundan mustasno)faoliyatida shakllanadigan boshqaruv (ish yuritish)ga oid, ilmiy-texnikaviy va boshqa hujjatlarning qimmatliligini aniqlash ekspertizasini o‘tkazish, arxiv saqloviga topshirishga tayyorlash uchun o‘rnatilgan tartibda doimiy faoliyat yurituvchi Ekspert Komissiyasi (keyingi o‘rinlarda EK deb yuritiladi) tashkil qilinadi.

1.2. 1.2. EK maslahat organi hisoblanadi. EK qarorlari tashkilot rahbari tomonidan tasdiqlanib va zarur holatlarda tegishli davlat arxivi tomonidan kelishilgandan so‘ng kuchga kiradi.

1.3. EK tashkilot rahbari buyrug‘i bilan tashkilotning yuqori malakali mutaxassislari orasidan, rahbarlardan biri rais etib tayinlanadi. Komissiyaning tarkibiga tashkilot ish yurituvchisi va tashkilot arxivi mudiri yoki arxivga mas’ul shaxs, tegishli arxiv muassasasining vakili bo‘lishi shart. Qoida ko‘ra komissiya kotibligi tashkilot ish yuritish xizmati xodimi yoki tashkilot arxivi mudiri (arxiv uchun mas’ul shaxs)ga yuklatiladi

1.4 EK o‘z faoliyatida O‘zbekiston Respublikasining “Arxivlar to‘g‘risida”gi Qonuni hamda boshqa qonun hujjatlariga asoslanadi.

1.5. Tashkilot tomonidan ushbu Namunaviy Nizomga muvofiq EK Nizomi ishlab chiqiladi, tegishli arxiv muassasasi bilan kelishilgan holda rahbar tomonidan tasdiqlanadi.

Tashkilot EKsi quyidagi funksiyalarni amalga oshiradi:

2.1. Ish yuritish xizmati va idoraviy arxiv bilan birgalikda, har yili kelgusida saqlash va yo‘q qilishga ajratish uchun tashkilotning hujjatlarni tanlab oladi. Tashkilotda ish yuritishni yo‘lga qo‘yish va olib borish nazoratini amalga oshiradi.

2.2. Ma’qullash va tasdiqlash uchun masalalarini belgilangan tartibda ko‘rib chiqadi va qaror chiqaradi:

hujjatlarni davlat saqloviga topshirishga tayyorlash va topshirish rejalari;

yig‘majildlar ro‘yxati doimiy va uzoq muddatli (10 yildan ortiq) saqlanadigan, shu jumladan shaxsiy tarkib bo‘yicha yig‘majildlar ro‘yxatlarini maqullaydi;

doimiy saqlanadigan ilmiy-texnik hujjatlar ro‘yxati, loyihalari va muammolarni ko‘rib chiqadi va ma’qullaydi;

saqlash muddati tugagan va yo‘q qilishga ajratilgan hujjatlarni;

tegishli tartibda izlash ishlari tashkil etilib, topilmagan yig‘majildlar to‘g‘risidagi dalolatnomalarni ;

shikastlangan va tuzatib bo‘lmaydigan yig‘majildlar to‘g‘risidagi dalolatnomalar.

2.3. tashkilotning yig‘majildlari nomenklaturasini tuzish va ko‘rib chiqish, ish yuritishda hujjatlarni tashkil etish bo‘yicha uslubiy qo‘llanmalarni, ularni qimmatliligini aniqlash ekspertizasini o‘tkazish va arxiv hujjatlarini saqlash uchun tayyorlashda va ko‘rib chiqish ishlarida ishtirok etadi.

2.4. O‘zbekiston Respublikasi Milliy arxiv fondi (MAF) hujjatlari tarkibini takomillashtirish yuzasidan takliflar ishlab chiqadi, hujjatlarning saqlov muddatlari ko‘rsatilgan tegishli ro‘yxatda ayrim hujjatlarga muddatlar qo‘yilmagan bo‘lsa, ularning tasnifi yoki taqdim etilmagan hujjatlar ro‘yxatini ko‘rib chiqadi va alohida hujjatlar saqlash muddatini aniqlash, o‘zgartirish va istisno tariqasida tegishli arxiv muassasasi tasdiqlashi to‘g‘risida qaror qabul qiladi.

2.5. Ish yuritishini olib borish hujjatlar qimmatliligini aniqlash ekspertizasini o‘tkazish va kelgusida saqlash uchun topshirishga tayyorlash masalalari yuzasidan tashkilot xodimlariga maslahatlar va instruktaj o‘tkazilishini ta’minlaydi.

Tashkilot EKsi quyidagi huquqlarga ega:

3.1. Ish yuritishda hujjatlarni tashkil etish, hujjatlar qimmatliligini aniqlash ekspertizasini o‘tkazish va kelgusida saqlash uchun topshirishga tayyorlash masalalariga javobgar tegishli xodimlarga, tarkibiy bo‘linmalariga o‘rnatilgan talablarga muvofiq ko‘rsatmalar berish.

3.2. Hujjatlar yo‘qolgan taqdirda tarkibiy bo‘linmalar rahbarlaridan ularni izlab topishni talab qilish, davlat arxivida saqlanishi shart bo‘lgan hujjatning yo‘qolganligi to‘g‘risida yozma tushuntirish taqdim etishini talab qilish.

3.3. Hujjatlarlar qimmatliligi va saqlov muddatlarini aniqlash uchun zarur ma’lumot va xulosalarni tashkilotning tarkibiy bo‘limlaridan so‘rab olish.

3.4. O‘z yig‘ilishlarida ish yuritish xizmati bo‘yicha javobgar yoki arxiv ishi bo‘yicha mas’ul shaxs (arxiv mudiri)ning tashkilot idoraviy arxiviga qabul qilinadigan hujjatlarini rasmiylashtirish va ish yuritishda yig‘majildlarni shakllantirish, uzoq muddatli hamda doimiy saqlanuvchi hujjatlarning ahvoli to‘g‘risida axborotlarini tinglash.

3.5. EK yig‘ilishlariga maslahatchi va ekspertlar sifatida tegishli tashkilotlarning mutaxassislarini, zarur hollarda arxiv muassasalarining xodimlarini taklif qilish.

3.6. Sohaviy va hududiy jamoaviy ko‘riklarda va arxivning ish yuritish holatini tekshirishda ishtirok etish.

3.7. EK vakolatiga doir masalalar yuzasidan tashkilot rahbariyatini xabardor qilish.

4.1. Tashkilot EKsi o‘z faoliyatini yuqori turuvchi tashkilotning MEKi va tegishli davlat arxivi Ekspert-tekshiruv uslubiy komissiyasi (ETK, ETUK) bilan bevosita hamkorlikda olib boradi va ulardan zarur tashkiliy-uslubiy ko‘rsatmalar olish.

4.2. EK tashkilot rahbari tasdiqlagan reja asosida ish olib boradi va unga o‘z ishi bo‘yicha hisob beradi

4.3. EK faoliyati va uning vakolat doirasiga tegishli masalalar zarur bo‘lganda chaqiriladigan, lekin o‘tkazish yiliga ikki martadan kam bo‘lmagan uning yig‘ilishlarida ko‘rib chiqiladi.

4.4. EK qarorlari har bir masala bo‘yicha alohida ko‘pchilik ovoz bilan qabul qilinadi. EK yig‘ilishlari bayonnoma orqali rasmiylashtirib boriladi.

4.5. Tegishli arxiv muassasasi tomonidan quyidagilar majburiy tasdiqlanishi lozim bo‘lgan: EK tomonidan ma’qullangan doimiy va uzoq muddatli (10 yildan ortiq) saqlanishi lozim bo‘lgan yig‘majildlar ro‘yxatlari; amaldagi sohaviy ro‘yxat va taxminiy yig‘majildlar nomenklaturasida ko‘zda tutilmagan hujjatlarning saqlash muddatini belgilash bo‘yicha takliflar, O‘zbekiston Respublikasi MAF hujjatlari tarkibiga kiritish yuzasidan takliflarni ma’qullash bo‘yicha EK qarori.

4.6. EK hujjatlarini yuritish va uning hujjatlarini saqlash komissiyaning kotibiga yuklatiladi.