T/r

Chora-tadbirlar nomi

Ijro muddati

Mas’ul ijrochilar

1.

Urug‘lik kartoshka ekilgan maydonlarda kasallik va zararkunandalarga qarshi kurashish maqsadida dala nazorati monitoringini yuritish hamda aniqlangan kasallik va zararkunandalarni o‘z vaqtida bartaraf etish choralarini ko‘rish.

Doimiy

O‘simliklar karantini va himoyasi agentligi

2.

Respublikada kartoshkachilikni ilm-fan yutuqlari asosida yanada rivojlantirish maqsadida ilmiy faoliyatga oid davlat dasturlari doirasida turli tuproq-iqlim sharoitlariga mos, serhosil, iste’mol sifati yuqori, kasallik va zararkunandalarga bardoshli kartoshkaning mahalliy navlarini yaratish va birlamchi urug‘chiligini yo‘lga qo‘yish bo‘yicha maqsadli fundamental, amaliy-tadqiqot va innovatsiya loyihalari tanlovini e’lon qilib borish hamda moliyalashtirish.

2026-yildan boshlab har yili

Oliy ta’lim, fan va innovatsiyalar vazirligi huzuridagi

Innovatsion rivojlanish agentligi,

Qishloq xo‘jaligi vazirligi huzuridagi

Qishloq xo‘jaligida bilim va innovatsiyalar milliy markazi

3.

1. Ilmiy muassasalar, soha olimlari va mutaxassislarini jalb etib, ilg‘or innovatsiya va resurs tejaydigan agrotexnologiyalarga asoslangan holda yuqori avlodli kartoshka urug‘liklarini yetishtirish bo‘yicha qo‘llanma ishlab chiqib, kartoshkachilikka ixtisoslashgan hududlarga yetkazish.

Bir oy muddatda

Qishloq xo‘jaligi vazirligi huzuridagi

Qishloq xo‘jaligida bilim va innovatsiyalar milliy markazi

2. Kartoshka urug‘liklari yetishtiruvchi subyektlarga yer tayyorlash, ekish, vegetatsiya davrida agrotexnika tadbirlarini o‘tkazish va kartoshkadan yuqori hosil olish bo‘yicha o‘quv-amaliy dala seminarlarini tashkil etish hamda tavsiyalar berib borish.

Doimiy

4.

Quyidagilar bo‘yicha idoraviy normativ-huquqiy hujjatlarni tasdiqlash va Adliya vazirligida ro‘yxatdan o‘tkazish:

1) Virusli va bakterial kasalliklardan holi bo‘lgan kartoshkaning mini tuganaklarini yetishtirish xarajatlarini moliyalashtirish uchun Qishloq xo‘jaligi vazirligiga respublika budjetidan ajratiladigan transfert mablag‘larini ishlatish tartibi;

2) “Bulung‘ur — Agro Star” mas’uliyati cheklangan jamiyati hamda ixtisoslashgan tumanlardagi kartoshka yetishtiruvchi subyektlarga ilmiy muassasalar va tadbirkorlik subyektlari tomonidan 2026-yil hosilidan boshlab yetishtirilib yetkazib beriladigan kartoshkaning mini tuganaklarini topshirish — qabul qilishga doir shartnomaviy munosabatlarni Qishloq xo‘jaligi vazirligining “Raqamli qishloq xo‘jaligi” yagona integratsion platformasida hisobga olish va yuritish tartibi;

3) Kartoshkaning “in-vitro” o‘simligi, mikro va mini tuganaklarini tayyorlash hamda yuqori avlodli urug‘lik kartoshka yetishtiriladigan hududlar va yetishtiruvchi subyektlarga qo‘yiladigan talablar.

Ikki oy muddatda

Qishloq xo‘jaligi vazirligi,

Adliya vazirligi,

manfaatdor vazirlik va idoralar

5.

Quyidagilar bo‘yicha normativ-huquqiy hujjatlar loyihalarini Vazirlar Mahkamasiga kiritish:

1) kartoshka yetishtiruvchilar tomonidan yer maydonlarini sug‘orishda foydalaniladigan nasos agregatlarini muqobil energiya manbalari bilan ta’minlash maqsadida quyosh panellarini o‘rnatish xarajatlarining bir qismini, shuningdek, o‘z balansidagi nasos agregatlari sarflaydigan elektr energiyasi xarajatlarining bir qismini Davlat budjetidan qoplab berish tartibi;

2) qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risidagi takliflar.

Ikki oy muddatda

Qishloq xo‘jaligi vazirligi,

O‘zagroinspeksiya,

manfaatdor vazirlik va idoralar