Oʻzbekiston Respublikasining Budjet kodeksi hamda Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2010-yil 17-dekabrdagi 105-son buyrugʻi (roʻyxat raqami 2169, 2010-yil 22-dekabr) (Oʻzbekiston Respublikasi qonun hujjatlari toʻplami, 2010-y., 51-son, 502-modda) bilan tasdiqlangan Budjet tashkilotlarida buxgalteriya hisobi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 2-band va 114-bandning birinchi xatboshisidagi “Vazirliklar, qoʻmitalar va idoralar” degan soʻzlar “Vazirliklar va idoralar” degan soʻzlar bilan almashtirilsin.

2. 21-bandning birinchi xatboshisidagi “vazirliklar, qoʻmitalar va idoralarda” va “vazirlik, qoʻmita va idoraning” degan soʻzlar tegishli ravishda “vazirliklar va idoralarda” va “vazirlik va idoraning” degan soʻzlar bilan almashtirilsin.

3. 57-band quyidagi tahrirda bayon etilsin:

“57. Tashkilotlar buxgalteriya hisobini Oʻzbekiston Respublikasi budjet hisobining standarti (2-sonli BHS) “Yagona schyotlar rejasi”ga (roʻyxat raqami 3078, 2018-yil 20-oktabr) muvofiq yuritadilar.”.

4. III boʻlimning nomi quyidagi tahrirda bayon etilsin:

“III boʻlim. Nomoliyaviy aktivlar va asosiy vositalar hisobi”.

5. 1-bobning 1-paragrafi nomi quyidagi tahrirda bayon etilsin:

6. 59-band oʻz kuchini yoʻqotgan deb topilsin.

7. “01 “Asosiy vositalar” schyoti” chiqarib tashlansin.

8. 60, 61, 63-bandlar oʻz kuchini yoʻqotgan deb topilsin.

9. 64-bandning ikkinchi xatboshisi chiqarib tashlansin.

10. 66 — 77-bandlar oʻz kuchini yoʻqotgan deb topilsin.

11. 82-band quyidagi tahrirda bayon etilsin:

“82. Asosiy vositalarning butligi ustidan nazoratni yoʻlga qoʻyish va ularning hisobini tashkil etish uchun har bir obyekt (predmet)ga, kutubxona fondlaridan tashqari, oʻn toʻrt belgidan iborat inventar raqami beriladi.

Bunda, dastlabki olti belgi subschyotni bildiradi, yettinchi va sakkizinchi belgi — asosiy vositalar yillik eskirish meʼyorlarining guruhlari va kichik guruhlari tartib raqamini, qolgan olti belgi esa, predmetning guruhdagi tartib raqamini bildiradi. Bunda, guruhning kichik guruhi mavjud boʻlmaganda “Nol” bilan belgilanadi.

Masalan, 221 110 11 000001 — inventar raqamida 221 110 — “Turarjoy imoratlar” subschyotini, 11 — asosiy vositalar yillik eskirish meʼyorlarining guruhlari va kichik guruhlari tartib raqami, 000 001 — obyektning tartib raqamini bildiradi;

221 221 50 000001 — inventar raqamida 221 221 — “Informatsion, kompyuter va telekommunikatsion jihozlar” subschyotini, 50 — asosiy vositalar yillik eskirish meʼyorlarining guruhlari va kichik guruhlari tartib raqami, 000 001 — predmetning tartib raqamini bildiradi.”.

12. 87 va 88-bandlar oʻz kuchini yoʻqotgan deb topilsin.

13. 92-bandning birinchi xatboshisi quyidagi tahrirda bayon etilsin:

“92. AV-6-son shakldagi inventar kartochka turarjoy binolari, noturar joy binolari, inshootlar, mashina va jihozlar, harbiy asosiy vositalarni hisobga olish uchun moʻljallangan. Inventar kartochkalarni yuritishdan maqsad asosiy vositalarning barcha tavsifini va ulardagi oʻzgarishlarni aks ettirishdan iborat.”.

14. 93-bandning birinchi xatboshisi quyidagi tahrirda bayon etilsin:

“93. AV-8-son shakl inventar kartochka boshqa turdagi asosiy vositalarni hisobga olish uchun xizmat qiladi.”.

15. 95 — 111-bandlar oʻz kuchini yoʻqotgan deb topilsin.

16. “02 “Asosiy vositalarning eskirishi” schyoti” chiqarib tashlansin.

17. 113-band quyidagi tahrirda bayon etilsin:

“113. Eskirish imoratlar, inshootlar, uzatkich moslamalar, mashina va jihozlar, ish hayvonlari va transport vositalari, ishlab chiqarish (ashyolarni ham qoʻshib) va xoʻjalik inventarlari hamda foydalanish mumkin boʻlgan yoshga yetgan koʻp yillik daraxtlar, butalar va boshqa asosiy vositalar boʻyicha aniqlanadi va hisobga olinadi.”.

18. 116, 117, 119 va 120-bandlar oʻz kuchini yoʻqotgan deb topilsin.

19. 123-bandda:

ikkinchi xatboshi chiqarib tashlansin;

uchinchi xatboshi ikkinchi xatboshi deb topilsin.

20. 125 va 126-bandlar oʻz kuchini yoʻqotgan deb topilsin.

21. “03 “Boshqa uzoq muddatli nomoliyaviy aktivlar” schyoti” chiqarib tashlansin”.

22. 127 — 141-bandlar oʻz kuchini yoʻqotgan deb topilsin.

23. 143-band oʻz kuchini yoʻqotgan deb topilsin.

24. 144-band quyidagi tahrirda bayon etilsin:

“144. Har yili hisobot yilining oxirida erni obodonlashtirish xarajatlarining 10 foizi miqdoridagi summa haqiqiy xarajatlarni hisobga oluvchi subschyotlarning debetiga hisobdan chiqariladi.”.

25. I bobning 3-paragrafi nomi quyidagi tahrirda bayon etilsin:

26. 145 — 149-bandlar, 159-band, 161 — 165-bandlar va 168-band oʻz kuchini yoʻqotgan deb topilsin.

27. “05 “Tayyor mahsulot” schyoti” chiqarib tashlansin.

28. 169-band quyidagi tahrirda bayon etilsin:

“169. Tayyor mahsulotlarining analitik hisobi nomi, miqdori va qiymati hamda saqlanadigan joyi boʻyicha 296-son shakldagi material qimmatliklarning miqdor-qiymat hisobi daftari (kartochkasi)da alohida holda yuritiladi.”.

29. “06 “Boshqa tovar-moddiy zaxiralar” schyoti” chiqarib tashlansin.

30. 170 va 171-bandlar oʻz kuchini yoʻqotgan deb topilsin.

31. 172 va 173-bandlar quyidagi tahrirda bayon etilsin:

“172. Qurilish materiallarining analitik hisobi materiallarning nomi, miqdori va qiymati boʻyicha 296-son shakldagi material qimmatliklarning miqdor-qiymat hisobi daftari (kartochka)sida yuritiladi.

173. Kelib tushgan oziq-ovqat mahsulotlarining hisobi oziq-ovqat mahsulotlari kirimga olinadigan 300-son shakldagi oziq-ovqat mahsulotlarining kirimi boʻyicha jamlanma qaydnomada (mazkur Yoʻriqnomaning 40-ilovasi) yuritiladi.

Qaydnoma har bir moddiy javobgar shaxs boʻyicha alohida tuziladi. Qaydnomaga yozuvlar boshlangʻich hisob hujjatlar asosida miqdor va summa ifodasida yoziladi. Oy tugagandan soʻng qaydnomadagi raqamlarning jami hisoblab chiqiladi.

Oziq-ovqat mahsulotlari sarfining hisobi oziq-ovqat mahsulotlari sarfi boʻyicha 399-son shakldagi jamlanma qaydnomada (mazkur Yoʻriqnomaning 41-ilovasi) yuritiladi. Bu jamlanma qaydnoma moddiy javobgar shaxslar boʻyicha yuritiladi. Unga yozuvlar 299-son shakldagi oziq-ovqat mahsulotlari berish uchun menyu-talabnoma va boshqa hujjatlar asosida yoziladi.

Oy tugagandan keyin qaydnomadagi raqamlarning jami hisoblab chiqiladi, bu esa, sarflangan oziq-ovqat mahsulotlarining qiymatini aniqlashga xizmat qiladi. Bir vaqtning oʻzida taʼlim muassasalarida taʼminlanadigan bolalar soni bilan, davolash muassasalarida esa, bemorlar haqidagi maʼlumotlar bilan va boshqa maʼlumotlar bilan taqqoslanadi.”.

32. 176-band oʻz kuchini yoʻqotgan deb topilsin.

33. 177-band quyidagi tahrirda bayon etilsin:

“177. Inventar va xoʻjalik jihozlarining hisobi moddiy javobgar shaxslar tomonidan buyumlarning nomi va miqdori boʻyicha M-17-son shakldagi materiallarning ombor hisobi daftarida yuritiladi. Bu buyumlarning ombordan berilishi 434-son shakldagi yuk-xati (talabnoma) boʻyicha amalga oshiriladi.

Buyumlar ombordan berilayotganda tashkilotning, boʻlimning nomi, foydalanishga topshirilgan yili va oyi koʻrsatilgan markirovkali shtamp qoʻyiladi. Markirovka boʻyoq (yuvganda va kimyoviy vositalar taʼsirida oʻchmaydigan boʻlishi lozim) yordamida qilinadi yoki jeton bilan mahkamlanadi.”.

34. 179-band oʻz kuchini yoʻqotgan deb topilsin.

35. 180-band quyidagi tahrirda bayon etilsin:

“180. “Xoʻjalik va kanselyariya mahsulotlari” hamda “Kiyim-kechak, poyabzal va choyshab-gʻiloflar” schyotlarining analitik hisobi predmetlarning nomi, miqdori, qiymati va moddiy javobgar shaxslar boʻyicha 296-son shakldagi material qimmatliklarning miqdor-qiymat hisobi daftarida (kartochkasida) yuritiladi.”.

36. 181-band oʻz kuchini yoʻqotgan deb topilsin.

37. 182 va 183-bandlar quyidagi tahrirda bayon etilsin:

“182. Ehtiyot qismlarning analitik hisobi ehtiyot qismlarning nomi, turi, zavod bergan raqami, miqdori, qiymati va moddiy javobgar shaxslar 296-son shakldagi material qimmatliklarning miqdor-qiymat hisobi daftari (kartochkasi)da yuritiladi.

183. Boshqa tovar-moddiy zaxiralarning analitik hisobi 296-son shakldagi material qimmatliklarning miqdor-qiymat hisobi daftari (kartochkasi)da materiallarning nomi, navi, miqdori, qiymati va moddiy javobgar shaxslar boʻyicha yuritiladi.

Yosh chorva mollarining analitik hisobi ularning turi va yosh guruhiga qarab, boʻrdoqiga boqilayotgan mollarning analitik hisobi esa, faqat turlariga qarab chorva mollarini hisobga olish daftari (395-son shakl)da (mazkur Yoʻriqnomaning 43-ilovasi) olib boriladi.”.

38. 184 — 186-bandlar oʻz kuchini yoʻqotgan deb topilsin.

39. 188-band oʻz kuchini yoʻqotgan deb topilsin.

40. “07 “Asosiy vositalarga qoʻyilmalar” schyoti” chiqarib tashlansin.

41. 189-band oʻz kuchini yoʻqotgan deb topilsin.

42. 190-band quyidagi tahrirda bayon etilsin:

“190. “Oʻrnatish uchun moʻljallangan asbob-uskunalar” subschyotida montajni talab qiluvchi asbob-uskunalarga ularning qismlari yigʻilganidan soʻng va fundamentga yoki tayanchga, polga, qavatlar oʻrtasidagi ustunlarga va boshqa bino va inshootlarning konstruksiyalariga mustahkamlangandan soʻng ishga tushiriladigan koʻtarma asbob-uskunalar shuningdek, shu kabi asbob-uskunalarning ehtiyot qismlari kiradi. Bunday asbob-uskunalar tarkibiga shuningdek, nazorat-oʻlchov apparatlari yoki oʻrnatiladigan asbob-uskuna tarkibida yigʻish-oʻrnatish uchun moʻljallangan boshqa asboblar kiradi.”.

43. 192 — 198-bandlar oʻz kuchini yoʻqotgan deb topilsin.

44. 199-band quyidagi tahrirda bayon etilsin:

“199. Oʻrnatiladigan asbob-uskunalarni qayta baholash — ularning tiklash qiymatini hozirgi bozor narxlari darajasiga moslash maqsadida ularni vaqti-vaqti bilan aniqlashtirishdir. Oʻrnatiladigan asbob-uskunalar qayta baholash natijasida hisob va hisobotda joriy qiymat boʻyicha aks ettiriladi.”.

45. 200-band oʻz kuchini yoʻqotgan deb topilsin.

46. 201-band quyidagi tahrirda bayon etilsin:

“201. “Oʻrnatish uchun moʻljallangan asbob-uskunalar” subschyoti boʻyicha analitik hisob jihozlar, konstruksiyalar va detallarning turi, miqdori va qiymati boʻyicha 296-son shakldagi material qimmatliklarning miqdor-qiymat hisobi daftari (kartochkasi)da yuritiladi.”.

47. 202 — 205-bandlar oʻz kuchini yoʻqotgan deb topilsin.

48. “08 “Nomoddiy aktivlarga qoʻyilmalar” schyoti” chiqarib tashlansin.

49. 206-band oʻz kuchini yoʻqotgan deb topilsin.

50. “09 “Boshqa nomoliyaviy aktivlarga qoʻyilmalar” schyoti” chiqarib tashlansin.

51. 207 — 211-bandlar oʻz kuchini yoʻqotgan deb topilsin.

52. 212-band quyidagi tahrirda bayon etilsin:

“212. Analitik hisob xarajatlarning turlari va chiqarilayotgan mahsulotlarning turlari boʻyicha 292-son shakldagi joriy hisoblar va hisob-kitoblar daftarida (kartochkasida) yuritiladi (mazkur Yoʻriqnomaning 44-ilovasi).”.

53. 213-band oʻz kuchini yoʻqotgan deb topilsin.

54. II bobning nomi quyidagi tahrirda bayon etilsin:

55. 214 — 216-bandlar oʻz kuchini yoʻqotgan deb topilsin.

56. 217-band quyidagi tahrirda bayon etilsin:

“217. Pul mablagʻlarini inventarizatsiya qilinishi qonunchilikka muvofiq amalga oshiriladi.

Inventarizatsiya natijasida ortiqcha chiqqan pul mablagʻlari (pul ekvivalentlaridan tashqari) tegishli budjet daromadiga oʻtkazib beriladi va hisobda pul mablagʻlari belgilangan tartibda kirim qilinishi uchun Yagona schyotlar rejasining tegishli subschyotlari orqali buxgalteriya oʻtkazmalari amalga oshiriladi.”.

57. 218 va 219-bandlar oʻz kuchini yoʻqotgan deb topilsin.

58. “10 “Hisobvaraqlardagi budjet mablagʻlari” schyoti” chiqarib tashlansin.

59. 220-band quyidagi tahrirda bayon etilsin:

“220. Tashkilotlarning budjet hisobvaraqlaridagi mablagʻlarining harakati boʻyicha operatsiyalar hisobi 381-shakldagi jamlanma qaydnoma (2-memorial order)da yuritiladi.”.

60. 222 — 225-bandlar oʻz kuchini yoʻqotgan deb topilsin.

61. “11 “Hisobvaraqlardagi budjetdan tashqari mablagʻlar” schyoti” chiqarib tashlansin.

62. 226-band va 228 — 233-bandlar oʻz kuchini yoʻqotgan deb topilsin.

63. 234-band quyidagi tahrirda bayon etilsin:

“234. Chet el valyutasi boʻyicha mablagʻlarning sintetik hisobi 381-son jamlanma qaydnomada (3-memorial orderda), analitik hisobi 292-son shakldagi joriy hisoblar va hisob-kitoblar daftarida (kartochkasida) chet el valyutasi turlari boʻyicha alohida holda yuritiladi.”.

64. 235-band oʻz kuchini yoʻqotgan deb topilsin.

65. “12 “Kassa” schyoti” chiqarib tashlansin.

66. 236-band oʻz kuchini yoʻqotgan deb topilsin.

67. 241-band quyidagi tahrirda bayon etilsin:

“241. Koʻplab boʻlinmalarga ega boʻlgan tashkilotlarda ish haqi, stipendiyalar, pensiyalar, vaqtincha mehnatga qobiliyatsizlik nafaqalari va boshqa toʻlovlarni toʻlashga kassirlardan boshqa shaxslarga tashkilot rahbarining yozma buyrugʻi bilan ruxsat berilishi mumkin. Bunday hollarda mazkur shaxslar bilan ham moddiy javobgarlik toʻgʻrisida shartnoma tuzilishi shart.

Ishonchli shaxslarga kassadan naqd pul berilganda ularning hisobi kassir tomonidan 320-son shakldagi ish haqi, stipendiya va boshqa toʻlovlarni berish uchun tarqatuvchilarga berilgan pullarni hisobga olish daftari (mazkur Yoʻriqnomaning 49-ilovasi) yuritiladi.”.

68. “13 “Boshqa pul mablagʻlari” schyoti” chiqarib tashlansin.

69. 243 va 244-bandlar oʻz kuchini yoʻqotgan deb topilsin.

70. 245-band quyidagi tahrirda bayon etilsin:

“245. “Akkreditivlar” subschyoti boʻyicha analitik hisob qoʻyilgan har bir akkreditiv boʻyicha 292-son shakldagi joriy hisoblar va hisob-kitoblar daftari (kartochkasi)da yuritiladi.”.

71. 246-band oʻz kuchini yoʻqotgan deb topilsin.

72. 247-bandda:

ikkinchi — oltinchi xatboshilar chiqarib tashlansin;

yettinchi xatboshi ikkinchi xatboshi deb topilsin.

73. “14 “Moliyaviy qoʻyilmalar” schyoti” chiqarib tashlansin.

74. 248-band oʻz kuchini yoʻqotgan deb topilsin.

75. 249-band quyidagi tahrirda bayon etilsin:

“249. Bu bobda mol yetkazib beruvchilar va pudratchilar bilan ular yetkazib bergan tovar moddiy qimmatliklari, bajargan ishlari va koʻrsatgan xizmatlari uchun olib boriladigan hisob-kitoblar, budjet hamda ijtimoiy sugʻurta toʻlovlariga ajratmalar boʻyicha, kasaba uyushma tashkilotlari, hisobdor shaxslar, xodimlar, stipendiya oluvchilar, deponent qilingan summalar, taʼlim muassasalarida bolalarni saqlaganlik uchun ularning ota-onalari, shuningdek boshqa debitor va kreditorlar bilan hisob-kitoblar hisobi olib boriladi.

Tashkilotlar oʻrtasida avans toʻlovlarini amalga oshirish, shuningdek debitorlik va kreditorlik qarzlarni hisobdan chiqarish qonunchilikka muvofiq amalga oshiriladi.”.

76. 251-bandning uchinchi va toʻrtinchi xatboshilaridagi “05 schyotda” degan soʻzlar “04 schyotda” degan soʻzlar bilan almashtirilsin.

77. 252-bandning uchinchi xatboshisi quyidagi tahrirda bayon etilsin:

“Bunda, daʼvo qilish muddati tugagan, budjetdan tashqari mablagʻlar boʻyicha yuzaga kelgan deponent qilingan qarz summalari Budjet tashkilotlarining qonunchilik hujjatlariga muvofiq boshqa turdagi hisoblangan daromadlari subschyotida daromad sifatida aks ettiriladi.”.

78. 254-band oʻz kuchini yoʻqotgan deb topilsin.

79. “15 “Turli debitor va kreditorlar bilan hisob-kitoblar” schyoti” chiqarib tashlansin.

80. 255-band quyidagi tahrirda bayon etilsin:

“255. Budjet tashkilotlarining debitor qarzlari va kreditor qarzlari subschyotlari boʻyicha analitik hisob budjet va budjetdan tashqari mablagʻlar boʻyicha hisob-kitoblarni alohida ajratgan holda 292-son shakldagi joriy hisoblar va hisob-kitoblar daftari (kartochkasi)da, 285-son shakldagi aylanma qaydnomada va boshqa tegishli hisob registrlarida yuritiladi.”.

81. 256 — 258-bandlar oʻz kuchini yoʻqotgan deb topilsin.

82. 259-band quyidagi tahrirda bayon etilsin:

“259. Depozit summalar analitik hisobi har bir oluvchi boʻyicha 292-son shakldagi joriy hisoblar va hisob-kitoblar daftarida (kartochkasi)da olib boriladi.”.

83. 260 va 262-bandlar oʻz kuchini yoʻqotgan deb topilsin.

84. 264-bandlar quyidagi tahrirda bayon etilsin:

“264. Ota-onalar bilan olib boriladigan hisob-kitoblarning analitik hisobi har bir tarbiyalanuvchi boʻyicha alohida holda 327-son shakldagi taʼlim muassasalarida bolalar saqlanganligi uchun ularning ota-onalari bilan olib boriladigan hisob-kitoblar qaydnomasida yuritiladi.”.

85. 265 va 266-bandlar oʻz kuchini yoʻqotgan deb topilsin.

86. 267-band quyidagi tahrirda bayon etilsin:

“267. Ovqatlanish uchun olib boriladigan hisob-kitoblarning hisobi 285-son shakldagi aylanma qaydnomada yuritiladi. Bu qaydnomada xodimlarning familiyasi va ismi koʻrsatiladi.”.

87. 268-band oʻz kuchini yoʻqotgan deb topilsin.

88. “16 “Budjet va budjetdan tashqari jamgʻarmalar bilan hisob-kitoblar” schyoti” chiqarib tashlansin.

89. 270-band oʻz kuchini yoʻqotgan deb topilsin.

90. 271 — 273-bandlar quyidagi tahrirda bayon etilsin:

“271. Budjet tashkilotlarining budjet va budjetdan tashqari jamgʻarmalar bilan debitor va kreditor qarzlari boʻyicha analitik hisob har bir turdagi hisob-kitoblar turlari boʻyicha 292-son shakldagi joriy hisoblar va hisob-kitoblar daftarida (kartochkasi)da olib boriladi.

272. Budjet tashkilotlarining ijtimoiy soliq boʻyicha debitor va kreditor qarzlari subschyotlari boʻyicha analitik hisob 292-son shakldagi joriy hisoblar va hisob-kitoblar daftarida (kartochkasida) olib boriladi.

273. Analitik hisob har bir shaxsiy jamgʻarib boriladigan pensiya hisobvaraqlariga majburiy badallarni oʻtkazuvchi xodimlar boʻyicha alohida holda yuritiladi.”.

91. 274 va 275-bandlar oʻz kuchini yoʻqotgan deb topilsin.

92. “17 “Xodimlar va stipendiya oluvchilar bilan hisob-kitoblar” schyoti” chiqarib tashlansin.

93. 276 va 277-bandlar oʻz kuchini yoʻqotgan deb topilsin.

94. 278-band quyidagi tahrirda bayon etilsin:

“278. Xodimlar va stipendiya oluvchilar bilan hisob-kitoblar schyotlarining analitik hisobi 292-son shakldagi joriy hisoblar va hisob-kitoblar daftari (kartochkasi)da har bir aybdor shaxs boʻyicha ularning familiyasi, ismi va otasining ismi, qarzning vujudga kelgan sanasi hamda kamomad summasi koʻrsatilgan holda, shuningdek budjet va budjetdan tashqari mablagʻlarga ajratilgan holda yuritiladi.”.

95. 279, 280, 282, 284, 290 — 294-bandlar oʻz kuchini yoʻqotgan deb topilsin.

96. 295-band quyidagi tahrirda bayon etilsin:

“295. Xodimlar bilan boshqa hisob-kitoblar boʻyicha analitik hisobi 292-son shakldagi joriy hisoblar va hisob-kitoblar daftarida (kartochkasida) har bir xodim boʻyicha alohida holda olib boriladi.”.

97. “18 “Boshqa hisob-kitoblar” schyoti” chiqarib tashlansin.

98. 296 — 298-bandlar oʻz kuchini yoʻqotgan deb topilsin.

99. IV bobning nomi quyidagi tahrirda bayon etilsin:

100. IV bobning 1-paragrafi oʻz kuchini yoʻqotgan deb topilsin.

101. 299-band oʻz kuchini yoʻqotgan deb topilsin.

102. “20 “Mahsulot (ish, xizmat)lar realizatsiyasi” schyoti” chiqarib tashlansin.

103. 300 — 305-bandlar oʻz kuchini yoʻqotgan deb topilsin.

104. “21 “Boshqa xarajatlar” schyoti” chiqarib tashlansin.

105. 306 — 308-bandlar oʻz kuchini yoʻqotgan deb topilsin.

106. IV bobning 2-paragrafi nomi quyidagi tahrirda bayon etilsin:

107. 309-band oʻz kuchini yoʻqotgan deb topilsin.

108. “23 “Budjet mablagʻlari boʻyicha joriy yilga moliyaviy natijalar” schyoti” chiqarib tashlansin.

109. 310 — 316-bandlar oʻz kuchini yoʻqotgan deb topilsin.

110. 317-band quyidagi tahrirda bayon etilsin:

“317. Budjetdan moliyalashtirish va budjet mablagʻlaridan hisoblangan haqiqiy xarajatlar subschyotlari boʻyicha analitik hisob 294-son shakldagi kassa va haqiqiy xarajatlarni hisobga olish daftarida yuritiladi.”.

111. “24 “Toʻlovlarning maxsus turlariga doir hisob-kitoblar boʻyicha joriy yilga moliyaviy natijalar” schyoti” chiqarib tashlansin.

112. 318 — 320-bandlar oʻz kuchini yoʻqotgan deb topilsin.

113. 321-band quyidagi tahrirda bayon etilsin:

“321. Toʻlovlarning maxsus turlariga doir hisob-kitoblar boʻyicha hisoblangan daromadlar schyoti boʻyicha analitik hisob 292-son shakldagi joriy hisoblar va hisob-kitoblar daftarida yuritiladi.”.

114. “25 “Taʼlim muassasalarida oʻqitishning toʻlov-kontrakt mablagʻlari boʻyicha joriy yilga moliyaviy natijalar” schyoti” chiqarib tashlansin.

115. 322 — 328-bandlar oʻz kuchini yoʻqotgan deb topilsin.

116. “26 “Budjet tashkilotlarini rivojlantirish jamgʻarmasi mablagʻlari boʻyicha joriy yilga moliyaviy natijalar” subschyoti” chiqarib tashlansin.

117. 329 — 341-bandlar oʻz kuchini yoʻqotgan deb topilsin.

118. “27 “Boshqa daromadlar boʻyicha joriy yilga moliyaviy natijalar” subschyoti” chiqarib tashlansin.

119. 342 — 345-bandlar va 347 — 350-bandlar oʻz kuchini yoʻqotgan deb topilsin.

120. IV bobning 3-paragrafi oʻz kuchini yoʻqotgan deb topilsin.

121. 351 — 359-bandlar oʻz kuchini yoʻqotgan deb topilsin.

122. V bobning nomi quyidagi tahrirda bayon etilsin:

123. 360 — 363-bandlar oʻz kuchini yoʻqotgan deb topilsin.

124. 364 — 374-bandlar quyidagi tahrirda bayon etilsin:

“364. Ijaraga olingan asosiy vositalarning analitik hisobi ijaraga beruvchilar va asosiy vositalarning obyektlarini ijaraga oluvchilarda ijaraga beruvchilarning inventar raqamlari bilan 296-son shakl daftarida yuritiladi.

365. Masʼul saqlashga olingan tovar-moddiy qimmatliklarning analitik hisobi buyurtmachilar, materiallarning turlari va turadigan joylari boʻyicha 296-son shakl daftarida olib boriladi.

366. Qatʼiy hisob blankalarining analitik hisobi blankalarning turlari va saqlanadigan joyi boʻyicha 448-son shakldagi qatʼiy hisobot blankalari hisobga olinadigan daftarda yuritiladi.

367. Ishonchsiz debitorlarning qarzlarini xarajatga chiqazilishi boʻyicha analitik hisob 292-son shakldagi daftarda qarzdorning familiyasi, ismi va otasining ismi (tashkilotning toʻliq nomi) koʻrsatilgan holda yuritiladi.

368. Markazlashgan holda olingan yoki berilgan moddiy qiymatliklarni analitik hisobi 322-son shakldagi markazlashgan tartibda toʻlangan moddiy qimmatliklar hisobi daftarida (mazkur Yoʻriqnomaning 62-ilovasi) har bir mol-mulk qabul qilib oluvchi muassasalar boʻyicha yuritiladi.

369. Oʻquvchilar va talabalar tomonidan qaytarilmagan moddiy qimmatliklar balansdan tashqari hisobda hisobga olinadi va belgilangan tartibda undirib olishga qoʻyiladi. 05 schyot boʻyicha analitik hisob har bir oʻquvchi va talaba boʻyicha 292-son shakl daftarida olib boriladi.

370. “Koʻchma sport sovrinlari va kuboklari” schyotining analitik hisobi har bir predmet va uning qiymati boʻyicha 296-son shakl daftarida yuritiladi.

371. “Toʻlanmagan yoʻllanmalar” schyotining analitik hisobi yoʻllanmalarning turlari, miqdori va nominal qiymati boʻyicha 296-son shakl daftarida yuritiladi.

372. Foydalanishdagi inventar va xoʻjalik jihozlari schyoti boʻyicha analitik hisob 296-son shakldagi daftarda foydalanuvchilar va tashkilotning boʻlinmalari boʻyicha alohida holda yuritiladi.

373. Harbiy texnikalarning oʻquv predmetlari boʻyicha analitik hisobi ularning nomlari, turarjoylari, moddiy javobgar shaxslar boʻyicha 296-son shakldagi daftarda olib boriladi.

374. Eskirganlarining oʻrniga berilgan transport vositalarining ehtiyot qismlari hisobi 296-son shakldagi daftarda oluvchilarning familiyasi, ismi, otasining ismi, lavozimi, olgan sanasi va boshqa zaruriy rekvizitlarni koʻrsatgan holda yuritiladi.”.

125. 25-ilova oʻz kuchini yoʻqotgan deb topilsin.