Oʻzbekiston Respublikasi Prezidentining “Qimmatli qogʻozlar bozorini rivojlantirishga oid qoʻshimcha chora-tadbirlar toʻgʻrisida”gi Farmonini bajarish yuzasidan tashkiliy chora-tadbirlar majmuini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari boʻyicha davlat komissiyasi toʻgʻrisidagi Nizom 1-ilovaga muvofiq tasdiqlansin.

2. Belgilab qoʻyilsinki, Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari boʻyicha davlat komissiyasi oʻz vakolatlari doirasida qabul qilgan qarorlar vazirliklar, idoralar, davlat boshqaruvi mahalliy organlari, xoʻjalik birlashmalari, mulkchilik shakllaridan qatʼi nazar, korxonalar va tashkilotlar, shuningdek, Oʻzbekiston Respublikasi va xorijiy davlatlarning fuqarolari tomonidan bajarilishi majburiydir.

3. Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari boʻyicha davlat komissiyasining tashkiliy tuzilmasi hamda uning hududiy boʻlinmalari namunaviy tuzilmasi 2 va 3-ilovalarga muvofiq tasdiqlansin.

Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari boʻyicha davlat komissiyasi xodimlarining cheklangan soni, bunga uning hududiy boʻlinmalari xodimlari ham kiradi, xizmat koʻrsatuvchi xodimlardan tashqari, 85 nafardan (shu jumladan, qimmatli qogʻozlar bozori boshqarmasi xodimlari — 28 nafar, ularning 15 nafari qoʻshimcha ravishda ajratiladi) iborat etib belgilansin.

Belgilab qoʻyilsinki, Davlat komissiyasining raisi — Oʻzbekiston Respublikasi Moliya vazirining oʻrinbosari hisoblanadi. Davlat komissiyasi raisining oʻrinbosari — Moliya vazirligi qimmatli qogʻozlar bozori boshqarmasining boshligʻi, hududiy boʻlinmalarning raislari Davlat komissiyasi raisining taqdimnomasiga binoan Oʻzbekiston Respublikasi Moliya vaziri tomonidan lavozimga tayinlanadilar va lavozimdan ozod qilinadilar.

Qimmatli qogʻozlar va fond birjalari boʻyicha davlat komissiyasi xodimlariga Oʻzbekiston Respublikasi Moliya vazirligi xodimlari uchun belgilangan mehnatga haq toʻlash shart-sharoitlari tatbiq etilsin.

4. Qimmatli qogʻozlar va fond birjalari boʻyicha davlat komissiyasi:

emitentlar va qimmatli qogʻozlar bozori professional qatnashchilarining masʼuliyatini tartibga soluvi standartlar hamda qoidalarni;

zarurat boʻlganda mustaqil auditor tashkilotlarning ekspert xulosalaridan foydalangan holda qimmatli qogʻozlarning boshlangʻich narxlarini, ularning likvidlilik darajasini aniqlash uchun qimmatli qogʻozlar emitentlarining moliyaviy ahvolini baholash mexanizmini bir oy muddatda ishlab chiqsin va tasdiqlasin.

5.Oʻzbekiston Respublikasi Davlat mulki qoʻmitasi:

davlat korxonalarini qayta tashkil qilish yoʻli bilan barpo etilgan aksionerlik jamiyatlarining roʻyxatlarini respublika matbuotida yilning har choragida albatta eʼlon qilinishini taʼminlasin;

aksiyalarini birja savdolari orqali va birjadan tashqari bozorda sotish yuzasidan shartnoma-topshiriqnomalar tuziщda investitsiya muassasalari bilan ishlash tartibini belgilasin.

6. Oʻzbekiston Respublikasi Moliya vazirligi:

Oʻzbekiston Respublikasi Prezidentining “Qimmatli qogʻozlar bozorini rivojlantirishga oid qoʻshimcha chora-tadbirlar toʻgʻrisida”gi Farmonidan kelib chiqadigan soliq imtiyozlarini qoʻllash tartibini Davlat soliq qoʻmitasi bilan birgalikda manfaatdor vazirliklar va idoralarga yetkazsin;

Davlat komissiyasini taʼminlashga, shuningdek uning moddiy-texnika bazasini yaratishga belgilangan tartibda zarur mablagʻlar ajratsin.

7. Oʻzbekiston Respublikasi Aloqa vazirligi Davlat komissiyasini va uning hududiy boʻlinmalarini, shuningdek “Toshkent” Respublika fond birjasini hamda “Vaqt” milliy depozitariysini birja savdolarining elektron tizimini tashkil etish, hududiy boʻlinmalar va viloyatlar depozitar tuzilmalari bilan axborotlar almashish uchun aloqaning umumdavlat vositalari bilan, shuningdek investorlarning qimmatli qogʻozlar va fond birjalari boʻyicha davlat komissiyasining emitentlar toʻgʻrisidagi maʼlumotlari bankidan foydalanishi tizimini taʼminlasin.

8. Oʻzbekiston Respublikasi Oliy va oʻrta maxsus taʼlim vazirligi 1996-1997 oʻquv yilidan boshlab oliy oʻquv yurtlarida qimmatli qogʻozlar bozori sohasi mutaxassislarini tayyorlashni nazarda tutsin.

9. “Oʻzdavteleradio” kompaniyasi va boshqa ommaviy axborot vositalari Oʻzbekiston Respublikasi Davlat mulki qoʻmitasi hamda qimmatli qogʻozlar va fond birjalari boʻyicha davlat komissiyasi bilan birgalikda aksionerlashtirish, qimmatli qogʻozlarning har xil turlarini chiqarish xususiyatlari, Davlat komissiyasi, fond birjasi Milliy depozitariy va qimmatli qogʻozlar bozorining boshqa muassasalari faoliyati bilan bogʻliq masalalarni aholiga muntazam tushuntirib borishni taʼminlasinlar.

10. Toshkent shahar hokimligi Qimmatli qogʻozlar va fond birjalari boʻyicha davlat komissiyasining ishchi apparatini Mustaqillik maydoni, 5-uydagi 20 qavatli maʼmuriy binoga joylashtirsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari Davlat komissiyasining hududiy boʻlinmalarini joylashtirish uchun zarur joylar ajratilishini taʼminlasinlar.

11. Mazkur qarorning bajarilishini nazorat qilish Bosh vazir oʻrinbosari B. S. Hamidov zimmasiga yuklansin.

1. Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari boʻyicha davlat komissiyasi (keyingi oʻrinlarda Komissiya deb ataladi) davlat boshqaruvi organi hisoblanadi.

2. Komissiya oʻz faoliyatida Oʻzbekiston Respublikasi qonunlari, Oʻzbekiston Respublikasi Oliy Majlisining boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, boshqa normativ hujjatlarga, shuningdek, Oʻzbekiston Respublikasi Moliya vazirligining buyruqlari, yoʻriqnomalari va koʻrsatmalariga hamda mazkur Nizomga amal qiladi.

3. Komissiyaning oʻz vakolati doirasida qabul qilgan qarorlari davlat boshqaruvi barcha organlari, xoʻjalik yurituvchi subyektlar, shuningdek, fond birjalari (birjalarning fond boʻlimlari), investitsiya muassasalari va malaka attestatiga ega boʻlgan, joylardagi davlat hokimiyati organlarida roʻyxatdan oʻtgan hamda belgilangan tartibda bankda hisob-kitob schyoti ochgan jismoniy shaxslar (keyingi oʻrinlarda qimmatli qogʻozlar bozori qatnashchilari deb ataladi) tomonidan bajarilishi majburiydir.

4. Komissiya yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, banklarda hisob-kitob va valyuta schyotlariga ega boʻladi.

5. Komissiyaning asosiy vazifalari quyidagilar hisoblanadi:

respublikada qimmatli qogʻozlar bozorini shaklantirish, rivojlantirish, nazorat qilish va tartibga solish sohasida davlat siyosatini amalga oshirish;

oʻzbekistonlik va xorijiy emitentlarning qimmatli qogʻozlarini chiqarish hamda ularning qimmatli qogʻozlar milliy va xalqaro bozorlarida samarali muomalada boʻlishi uchun zarur huquqiy shart-sharoitlarni taʼminlaydigan normativ hujjatlarni ishlab chiqish;

qimmatli qogʻozlarning muomalada boʻlishini, ularning roʻyxatga olinishini va qimmatli qogʻozlar, shu jumladan xorijiy emitentlarning qimmatli qogʻozlar bozoriga kiritilishini tartibga solib borish;

qimmatli qogʻozlar bilan operatsiyalarni amalga oshiruvchi ham yuridik, ham jismoniy shaxs sifatidagi investorlarning huquq va manfaatlarini himoya qilish;

davlat qimmatli qogʻozlarining chiqarishni, ularga xizmat koʻrsatishni va ularni toʻlashni tashkil etish;

tegishli davlat organlari bilan birgalikda qimmatli qogʻozlar bozorining samarali infrastrukturasini barpo etishda qatnashish;

Oʻzbekiston Respublikasi vazirliklari, idoralari, mahalliy boshqaruv organlarining va bevosita qatnashchilarning qimmatli qogʻozlar bozoridagi faoliyatini muvofiqlashtirish;

respublikada roʻyxatga olingan qimmatli qogʻozlar chiqarishning, shuningdek investitsiya muassasalari sifatida faoliyat koʻrsatishga litsenziya olgan yuridik va jismoniy shaxslarning yagona reyestrlarini yuritish;

qimmatli qogʻozlar emissiyasi va ularning muomalada boʻlishi masalalariga doir qonunchilikka rioya etilishini nazorat qilish;

hisobga olish va hisobotni yuritish, qimmatli qogʻozlar bozorini tashkil etish va rivojlantirish boʻyicha maʼlumotlar bankini shakllantirish, investorlar va jamoatchilikni keng xabardor qilish.

6. Komissiya oʻziga yuklangan vazifalarga muvofiq quyidagi funksiyalarni bajaradi:

respublikada qimmatli qogʻozlar bozorini shaklantirish, rivojlantirish, nazorat qilish va tartibga solib borish boʻyicha davlat siyosatini amalga oshirish chora-tadbirlarini koʻrish;

“Qimmatli qogʻozlar va fond birjasi toʻgʻrisida” Oʻzbekiston Respublikasi Qonuni hamda qimmatli qogʻozlar emissiyasi va muomalasiga, shuningdek, qimmatli qogʻozlar bozori qatnashchilari faoliyatiga taaluqli boshqa qonunchilik va normativ hujjatlarning bajarilishi ustidan nazoratni amalga oshirish;

Oʻzbekiston Respublikasining tegishli organlari bilan birgalikda qimmatli qogʻozlar bozori va uning qatnashchilari faoliyatini shakllantirish va tartibga solish, oʻzbekistonlik va xorijiy emitentlarning qimmatli qogʻozlarini chiqarish hamda qimmatli qogʻozlarning milliy va xalqaro bozorlarida samarali muomalada boʻlishi uchun huquqiy shart-sharoitlarni taʼminlash masalalari boʻyicha qonunchilik va normativ hujjatlarni ishlab chiqishda va takomillashtirishda qatnashish;

qimmatli qogʻozlar bozori va uning infrastrukturasini shakllantirish, rivojlantirish modellari, dasturlari va mexanizmlarini ishlab chiqish;

oʻzbekistonlik va xorijiy emitentlar qimmatli qogʻozlarining Oʻzbekiston Respublikasi hududida muomalada boʻlishini tartibga solib borish;

qimmatli qogʻozlar va ularning hosilalari emissiyasini (chiqarilishini), emitentlarning, shu jumladan Oʻzbekiston Respublikasi hududida (dastlabki emissiyasida Oʻzbekiston Respublikasi Davlat mulki qoʻmitasi bilan birgalikda) qimmatli qogʻozlar emissiyasini amalga oshiruvchi xorijiy emitentlarning qimmatli qogʻozlari emissiyasi prospektlari roʻyxatga olishni amalga oshirish;

investitsiya muassasalari sifatida qimmatli qogʻozlar bozorida faoliyat koʻrsatishga, lotereya oʻyinlari oʻtkazishga, qimorxonalar tashkil etishga litsenziya berishni amalga oshirish;

investorlar-aksionerlarning korxonani (aksiyanerlik jamiyatini) boshqarishdagi qatnashishdagi, dividendlar va emitentlarning faoliyati toʻgʻrisida ishonchli axborot olishdagi huquqlari va manfaatlarini himoya qilish chora-tadbirlarini amalga oshirish;

tegishli davlat organlari bilan birgalikda qimmatli qogʻozlar bozorining samarali infrastrukturasini tashkil etishda qatnashish;

qimmatli qogʻozlar bozori qatnashchilari faoliyatini muvofiqlashtirish, qimmatli qogʻozlar bilan malakali faoliyatni amalga oshirish qoidalariga nisbatan yagona talablarni ishlab chiqish va tasdiqlash;

qimmatli qogʻozlar bilan operatsiyalar oʻtkazilishi ustidan nazoratni va qimmatli qogʻozlar bozori qatnashchilari faoliyatini nazorat qilishni, Oʻzbekiston Respublikasi Vazirlar Mahkamasi tomonidan belgilangan xorijiy emitentlar qimmatli qogʻozlarining Oʻzbekiston Respublikasi qimmatli qogʻozlar bozorida muomalada boʻlishiga ruxsat berish qoidalari va kvotalariga rioya qilish ustidan nazoratni amalga oshirish hamda ushbu qoidalar va kvotalarni buzuvchilarga nisbatan amaldagi qonunchilikda nazarda tutilgan choralarni qoʻllash;

qimmatli qogʻozlar bilan bitishuvlarni amalga oshirish nizomlarini, qoidalarini ishlab chiqish, fond birjalari ustavlarini (birjaning fond boʻlimi toʻgʻrisidagi nizomlarni) koʻrib chiqish;

qimmatli qogʻozlar bozori qatnashchilariga qoʻyiladigan malaka talablarini belgilash, ularni attestatsiyadan oʻtkazish, guvohnomalar berish;

qimmatli qogʻozlar egalari reyestrini yuritishga doir majburiy talablarni belgilash;

Oʻzbekiston Respublikasi Markaziy banki bilan birgalikda qimmatli qogʻozlar bozorida aksionerlik-tijorat banklari faoliyati ustidan nazoratni amalga oshirish;

vazirliklar, idoralar va davlat boshqaruvi boshqa organlarining, shuningdek jamoat birlashmalari, korxonalar va tashkilotlarning qonunchilik va normativ hujjatlarning bajarilishini nazorat qilish, qimmatli qogʻozlarni chiqarish, kiritish, muomalaga qoʻyish va saqlashni birxillashtirish, qimmatli qogʻozlar bilan operatsiyalar oʻtkazish hisobi va hisoboti, aksionerlik jamiyatlari va qimmatli qogʻozlar bozori boshqa qatnashchilarining ishini nazorat qilish boʻyicha faoliyatini muvofiqlashtirish;

qimmatli qogʻozlar bilan operatsiyalar, ularni chiqarish, hisobga olish, saqlash, hisobot va investorlarga axborotlar berish boʻyicha birxillashtirilgan standartlar va qoidalarni belgilash;

respublikada roʻyxatga olingan qimmatli qogʻozlarning, shuningdek, investitsiya muassasalari sifatida faoliyatni amalga oshirishga litsenziya olgan yuridik va jismoniy shaxslarning Yagona davlat reyestrlarini yuritish hamda ularning roʻyxatini eʼlon qilish;

turlari boʻyicha roʻyxatga olingan qimmatli qogʻozlarning miqdorlari toʻgʻrisida yilning har choragida hisobotlar tuzish va Oʻzbekiston Respublikasi Moliya vazirligiga taqdim etish;

qimmatli qogʻozlar bozorini tashkil etish va rivojlantirishga taalluqli maʼlumotlar bankini belgilangan tartibda shakllantirish va investorlar va jamoatchilikni keng xabardor qilishni taʼminlash;

qimmatli qogʻozlar bilan bajariladigan ishlarning axborot tizimini yaratish, ularni avtomatlashtirish va kompyuterlashtirish chora-tadbirlarini amalga oshirish;

qimmatli qogʻozlar boʻyicha qonunchilik va normativ hujjatlar bajarilishini nazorat qilish, qimmatli qogʻozlar ichki va tashqi bozorlarida qimmatli qogʻozlar bilan operatsiyalar oʻtkazishni birxillashtirish, ularning qatnashchilari faoliyatini nazorat qilish boʻyicha birgalikdagi faoliyatni muvofiqlashtirish sohasida qimmatli qogʻozlar bozorini tartibga soluvchi xalqaro va xorijiy organlar bilan hamkorlik qilish;

Oʻzbekiston Respublikasining amaldagi qonunchiligiga muvofiq Komissiyaning vazifalari va vakolatlaridan kelib chiquvchi boshqa funksiyalarni bajarish.

7. Komissiya quyidagi huquqlarga egadir:

barcha emitentlar va qimmatli qogʻozlar bozori qatnashchilari tomonidan axborotlarni berish va eʼlon qilish qoidalarini belgilash;

oʻzining qimmatli qogʻozlarini ommaviy sotish uchun borayotgan istalgan emitentdan, qimmatli qogʻozlar bozori faoliyat koʻrsatishini professional taʼminlovchi har qanday shaxsdan, shuningdek, fond birjalaridan Oʻzbekiston Respublikasi qonunchiligiga muvofiq tuzish va eʼlon qilish uchun majburiy boʻlgan qoidalar, ustavlar, ish tartiblari, yoʻriqnomalar, namunaviy hujjatlarining nusxalarini taqdim etishni talab qilish;

emitentlarning va qimmatli qogʻozlar bozori qatnashchilarining buxgalteriya hujjatlarini qimmatli qogʻozlar va ular boʻyicha bajarilgan operatsiyalar toʻgʻrisida eʼlon qilingan axborotning ishonchliligi yuzasidan, shuningdek, qonunchilik va normativ hujjatlarning buzilganligi yoki buzilishi mumkinligi toʻgʻrisida maʼlumotlar tushganda tekshirish oʻtkazish;

investorlarning, shuningdek, qimmatli qogʻozlar bozori qatnashchilarining qimmatli qogʻozlar chiqarishga, ularning muomalada boʻlishiga, ular bilan operatsiyalar oʻtkazishga taalluqli qonuniy huquq va manfaatlari buzilishi yuzasidan shikoyatlarini koʻrib chiqish;

emitentlarning roʻyxatdan oʻtkazish uchun taqdim etgan hujjatlarini tekshirish va ularga Oʻzbekiston Respublikasining qonunchilik va normativ hujjatlariga muvofiq oʻzgartirishlar va qoʻshimchalar kiritilishini talab qilish;

qimmatli qogʻozlar bozorining faoliyat koʻrsatishi va rivojlanishi sohasida xalqaro darajada Oʻzbekiston Respublikasi manfaatlarini ifodalash;

xorijiy va mamlakatimizning yuqori malakali mutaxassislarini kontrakt asosida maslahatchi va ekspertlar sifatida ishga taklif etish;

fond birjalarining birja kengashlari, boshqa birjalarning fond boʻlimlari majlislarida qatnashish, birja faoliyati ustidan nazoratni amalga oshirish uchun Komissiyaning vakillari sifatida davlat birja inspektorlarini tayinlash;

Oʻzbekiston Respublikasi qonunchiligiga muvofiq qimmatli qogʻozlar bozori qatnashchilari boʻlgan uyushmalarning va ular aʼzolarining faoliyatini muvofiqlashtirish;

qimmatli qogʻozlar bozori qatnashchilari boʻlgan uyushmalarga Oʻzbekiston Respublikasi qonunchiligi talablarini bajarish sharti bilan uning aʼzolari faoliyati oʻzlari tartibga solish huquqini berish;

qimmatli qogʻozlar boʻyicha qonunlar va boshqa normativ hujjatlarni buzuvchilarga nisbatan vakolatlari doirasida quyidagi sanksiyalarni qoʻllash:

a) qimmatli qogʻozlar bozorining professional qatnashchilari koʻrib chiqishi majburiy boʻlgan koʻrsatmalar kiritish;

b) fond birjalaridan (yoki boshqa birjalarning fond boʻlimlaridan) ularning aʼzolari tomonidan qimmatli qogʻozlar boʻyicha Oʻzbekiston Respublikasi qonunchiligi va Komissiya talablari buzilgan taqdirda ular aʼzolarining bittasini yoki bir nechtasini aʼzolikdan chiqarish yoki faoliyatdan chetlashtirishni talab qilish;

v) emitentlardan qimmatli qogʻozlar emissiyasi prospekti belgilangan tartibda tasdiqlanmasdan qimmatli qogʻozlarni ochiq sotishni taklif etish boʻyicha oʻtkazilayotgan reklama kompaniyasini toʻxtatishni talab qilish;

g) emitentlar tomonidan amaldagi qonunchilik buzilgan taqdirda ularning qimmatli qogʻozlari emissiyasini va muomalada boʻlinishi toʻxtatib qoʻyish yoki cheklash;

d) qimmatli qogʻozlar bozorining professional qatnashchilari tomonidan Oʻzbekiston Respublikasining qimmatli qogʻozlar toʻgʻrisidagi qonunchiligi bir necha marta yoki qoʻpol ravishda buzilgan taqdirda investitsiya muassasalari va qimmatli qogʻozlar bozori qatnashchilari sifatida qimmatli qogʻozlar bilan faoliyat yuritishga berilgan litsenziyalarni toʻxtatib qoʻyish yoki bekor qilish toʻgʻrisida qaror qabul qilish;

e) qimmatli qogʻozlar toʻgʻrisida qonunchilikning buzilishlari boʻyicha aniqlangan faktlar boʻyicha materiallarni amaldagi qonunchilikka muvofiq huquqni muhofaza qilish organlariga oshirish;

j) Oʻzbekiston Respublikasi qonunchiligi va Komissiya talablari buzilgan taqdirda emitentlarning, qimmatli qogʻozlar bozori qatnashchilarining faoliyatini toʻxtatish toʻgʻrisida sud organlariga iltimosnoma kiritish;

z) fuqarolarga qimmatli qogʻozlar boʻyicha professional faoliyatni yuritish huquqlari beruvchi malaka attestatlari berish, shuningdek, ular amaldagi qonunchilikni buzgan taqdirda ularning attestatlari amal qilishini toʻxtatib qoʻyish yoki ulardan mahrum qilish;

i) birjalar ishi va qimmatli qogʻozlar bilan operatsiyalar oʻtkazish qoidalari buzilgan taqdirda fond birjasida operatsiyalarni toʻxtatib qoʻyish va operatsiyalar boʻyicha kliring va hisob-kitoblarni muayyan davrga toʻxtatish toʻgʻrisida Oʻzbekiston Respublikasi qonunchiligiga muvofiq qaror qabul qilish;

k) respublika qonunchiligi talablari buzilgan taqdirda Komissiya tomonidan aniqlangan aksionerlik jamiyatlari taʼsis etilishini sodir boʻlmagan deb tan olishga taalluqli maʼlumotlarni qonunchilikda belgilangan tartibda vakil qilingan davlat organlariga taqdim etish;

l) belgilangan tartib buzilgan va hujjatlar amaldagi qonunchilik talablariga muvofiq boʻlmagan taqdirda qimmatli qogʻozlarni roʻyxatdan oʻtkazishni rad etish.

8. Komissiya majburiyatlariga quyidagilar kiradi:

oʻz faoliyatida xalqaro huquq va Oʻzbekiston Respublikasining amaldagi qonunchiligi normalariga qatʼiy rioya qilish, shuningdek, qimmatli qogʻozlar bozori qatnashchilaridan ham shuni talab etish;

Komissiyaga yuklangan vazifalar va funksiyalarni oʻz vaqtida va sifatli bajarish;

oʻzining barcha majlislarining zarur tartibda saqlanishi kerak boʻlgan bayonlarini yuritish;

Oʻzbekiston Respublikasi Moliya vazirligi belgilangan tartibda yillik hisobotlar taqdim etish, bu hisobotlarga Komissiyasi faoliyati natijalari, qimmatli qogʻozlar bozori rivojlanishi tahlili va prognozi, huquqni buzishlar statistikasi va qonuni buzuvchilarga nisbatan koʻrilgan choralar, qimmatli qogʻozlar bozori faoliyat koʻrsatishi va rivojlanishini takomillashtirish yuzasidan takliflar oʻz aksini topishi kerak;

qimmatli qogʻozlar toʻgʻrisidagi va qimmatli qogʻozlar bozori qatnashchilarining faoliyati, tekshirishlar va surishtirishlar natijalari haqidagi axborotning oshkoraligini va ishonchliligini taʼminlash;

qimmatli qogʻozlar va investitsiya muassasalari Yagona davlat reyestrlariga kiritilgan qimmatli qogʻozlar va investitsiya muassasalari roʻyxatini eʼlon qilish;

qimmatli qogʻozlar bilan operatsiyalarni amalga oshirishning belgilangan qoidalariga rioya etilishni nazorat qilish.

9. Komissiya faoliyati Qimmatli qogʻozlar bozori boshqarmasi va Komissiyaning Qoraqalpogʻiston Respublikasi, viloyatlar va Toshkent shahridagi boʻlinmalaridan iborat ishchi apparati tomonidan taʼminlanadi.

Markaziy ijro etuvchi apparat funksional tarkibiy boʻlinmalardan iborat boʻladi, ularning tarkibi, tuzilmasi va vakolatlari Komissiya boshqaruvi tomonidan belgilanadi va tasdiqlanadi.

Boʻlinmalar bevosita Komissiyaga boʻysunadilar, yuridik shaxslar hisoblanadilar, bankda oʻz hisob-kitob schyotiga va Oʻzbekiston Respublikasi Davlat gerbi tasviri tushirilgan muhrga ega boʻladilar.

10. Komissiyaning raisi Oʻzbekiston Respublikasi Moliya vazirining oʻrinbosari hisoblanadi va Oʻzbekiston Respublikasi Vazirlar Mahkamasi tomonidan tayinlanadi. Komissiya boshqaruvi aʼzolari Komissiya raisining taqdimnomasiga koʻra Oʻzbekiston Respublikasi Moliya vaziri tomonidan tayinlanadilar.

Komissiya boʻlinmalarining raislari va ularning aʼzolari Oʻzbekiston Respublikasi Moliya vaziri tomonidan lavozimga tayinlanadilar va lavozimdan ozod qilinadilar.

Komissiya raisi:

Komissiyaga yuklangan vazifalarning bajarilishi uchun javob beradi, Komissiyaning va uning joylaridagi boʻlinmalarining faoliyatini tashkil etadi, Komissiya xodimlarining vazifalarini taqsimlaydi va ularning javobgarligi darajasini belgilaydi, Komissiya xodimlarini ishga qabul qiladi va ishdan boʻshatadi hamda boshqa vakolatlarni amalga oshiradi;

oʻz vakolati doirasida va Oʻzbekiston Respublikasining amaldagi qonunchiligi asosida buyruqlar, yoʻriqnomalar va qarorlar chiqaradi, koʻrsatmalar beradi hamda ularning bajarilishini tekshiradi, Komissiyaning tarkibiy boʻlinmalari toʻgʻrisida Nizomni tasdiqlaydi;

Komissiyaning tasdiqlangan tuzilmasiga, xodimlari soni va ular mehnatiga haq toʻlashga oʻzgartirishlar kiritish toʻgʻrisida belgilangan tartibda takliflar kiritishga haqlidir;

oʻziga qonunchilik va mazkur Nizom bilan berilgan boshqa funksiyalarni bajaradi.

11. Komissiya raisi boshqaradigan Muvofiqlashtiruvchi kengash Komissiyaning yuqori organi hisoblanadi.

Muvofiqlashtiruvchi kengash tarkibi Oʻzbekiston Respublikasi Prezidentining farmoni bilan tasdiqlanadi.

Qimmatli qogʻozlar bozorini shakllantirish va rivojlantirishga konseptual yondashish, fond bozorini davlat tomonidan tartibga solish boʻyicha tavsiyalar ishlab chiqish, shuningdek ushbu sohadagi qonunchilikni takomillashtirishga doir takliflarni tayyorlash Muvofiqlashtiruvchi kengashning asosiy vazifalari hisoblanadi.

12. Komissiyaning va uning mintaqaviy boʻlinmalarining faoliyati respublika budjetidan mablagʻ bilan taʼminlanadi.

13. Komissiya qimmatli qogʻozlar chiqarish roʻyxatga olinganligi (xoʻjalik yurituvchi subyektlar aksiyalaridan tashqari), qimmatli qogʻozlar boʻyicha professional faoliyatni yuritish huquqini beruvchi litsenziyalar va guvohnomalar (malaka attestatlari) berilganligi uchun komission yigʻimlarni hamda boshqa yigʻimlarni oʻz vakolati doirasida belgilangan tartibda undiradi.

14. Komissiya materiallarni pulli chop etishga va qimmatli qogʻozlar bozori masalalari boʻyicha pulli xizmatlar koʻrsatishga haqlidir. Olingan mablagʻlar reklama, eʼlonlar, axborot materiallarini chop etishga, litsenziyalar, guvohnomalrni, roʻyxatga olish kartalarini tayyorlashga hamda qimmatli qogʻozlar bozorini rivojlantirish bilan bogʻliq boshqa xarajatlarga, shuningdek, Oʻzbekiston Respublikasi Moliya vazirligi bilan kelishilgan holda Komissiya tomonidan tasdiqlangan Nizomga muvofiq ijtimoiy masalalarni hal etishga va xodimlarni ragʻbatlantirishga yoʻnaltiriladi.

15. Komissiyaga yuklangan vazifalar va funksiyalarni bajarishda Komissiya Oʻzbekiston Respublikasi Moliya vazirligi, Markaziy banki, Davlat soliq qoʻmitasi, Davlat mulki qoʻmitasi va davlat boshqaruvi boshqa organlarining tegishli tarkibiy boʻlinmalari bilan mustahkam oʻzaro hamkorlik qiladi.

Izohlar:

1. Davlat komissiyasining ishchi apparati Moliya vazirligining Qimmatli qogʻozlar bozori boshqarmasi va hududiy boʻlinmalardan iborat boʻladi.

2. Davlat komissiyasi xodimlarining umumiy soni — 85 kishi.

Boʻlinma raisi

Qimmatli qogʻozlar bozori qatnashchilari faoliyatini nazorat qilish boʻlimi (guruhi)

Roʻyxatdan oʻtkazish va litsenziyalar berish boʻlimi (guruhi)