Gʻalla va dukkakli don ekinlari seleksiyasi va urugʻchiligini rivojlantirish, ularni sugʻoriladigan yerlarda ekish texnologiyalarini takomillashtirish maqsadida Vazirlar Mahkamasi qaror qiladi:

1. Oʻzbekiston Qishloq xoʻjaligi ilmiy-ishlab chiqarish markazi, Oʻzbekiston Respublikasi Qishloq va suv xoʻjaligi vazirligining “Gʻalla” ilmiy-ishlab chiqarish birlashmasining Andijon filiali negizida Sugʻoriladigan yerlarda gʻalla va dukkakli oʻsimliklar ilmiy-tadqiqot institutini tashkil etish toʻgʻrisidagi taklifi qabul qilinsin. Institut boʻlinmalarining tuzilmasi 1-ilovaga muvofiq tasdiqlansin.

2. Gʻallaorol shahridagi “Gʻalla” ilmiy-ishlab chiqarish birlashmasi Gʻalla va dukkakli oʻsimliklar institutining filialiga aylantirilsin, unga lalmi dehqonchilik zonasida gʻalla, dukkakli va moyli ekinlar seleksiyasi, urugʻchiligi, ekish texnologiyalarini rivojlantirishning ilmiy muammolarini hal etish yuklansin.

4. Seleksiya va urugʻchilik, gʻalla, dukkakli don ekinlari va moyli ekinlar ekish texnologiyalari, takroriy va oraliq ekinlarni keng qoʻllash asosida sugʻoriladigan yerlardan yil davomida foydalanish boʻyicha tadqiqotlarni kengaytirish va chuqurlashtirish, gʻalla yetishtiruvchi yuksak rivojlangan mamlakatlarning yetakchi ilmiy muassasalari bilan aloqalarni mustahkamlash va rivojlantirish, ushbu mamlakatlar boshoqli don ekinlarining eng yaxshi navlarini oʻrganish va joriy etish, Gʻalla va dukkakli oʻsimliklar institutining asosiy vazifalari hisoblansin.

5. Oʻzbekiston Respublikasi Fan va texnika davlat qoʻmitasi gʻalla, dukkakli don ekinlari va moyli ekinlar yetishtirishni rivojlantirish muammolari boʻyicha tadqiqotlarni, respublikaning tabiiy-iqlim sharoitlari uchun boshoqli don ekinlarining yuqori unumli navlarini yaratishni ustuvor deb hisoblasin.

6. Boshoqli don ekinlari seleksiyasi va urugʻchiligi ilmiy taʼminlanishini rivojlantirish uchun “Oʻzdonmahsulot” davlat-aksiyadorlik korporatsiyasiga Andijon viloyatida yetishtirilgan 1997-yil hosilidan olingan boshoqli don ekinlari urugʻini xoʻjaliklarga sotish narxiga 0,025 foiz ustama bilan sotishga ruxsat berilsin, ushbu mablagʻlar keyinchalik Oʻzbekiston Qishloq xoʻjaligi ilmiy-ishlab chiqarish markaziga berilsin.

8. Andijon viloyati hokimligi (Obidov) bir oy muddatda Institutni zarur ishlab chiqarish binolari va telefon aloqasi bilan taʼminlash masalalarini hal etsin, Institutga ilmiy-tadqiqot ishlari olib borish uchun 300 ga sugʻoriladigan yer ajratsin.

9. Mazkur qarorning bajarilishini nazorat qilish Bosh vazirning oʻrinbosari A.I. Muhitdinov zimmasiga yuklansin.