O‘zbekiston Respublikasi Oliy Majlisi qaror qiladi:

O‘zbekiston Respublikasining quyidagi qonun hujjatlariga o‘zgartishlar va qo‘shimchalar kiritilsin:

II. O‘zbekiston Respublikasining 1991-yil 19-noyabrda qabul qilingan “Ijara to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1992-yil, № 1, 45-modda; 1993-yil, № 9, 329-modda) 12-moddasi ikkinchi qismining ikkinchi jumlasi quyidagi tahrirda bayon etilsin:

“Bunda, basharti davlat mol-mulki ijaraga berilgan bo‘lsa, ijara haqi qonun hujjatlarida belgilangan tartibda taqsimlanishi lozim”.

V. O‘zbekiston Respublikasining 1992-yil 9-dekabrda qabul qilingan “Tabiatni muhofaza qilish to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1993-yil, № 1, 38-modda; O‘zbekiston Respublikasi Oliy Majlisining Axborotnomasi, 1995-yil, № 6, 118-modda; 1997-yil, № 4—5, 126-modda; 1999-yil, № 1, 20-modda) 34-moddasining:

1) uchinchi qismi quyidagi tahrirda bayon etilsin:

“Atrof tabiiy muhitga ifloslantiruvchi moddalar chiqarganlik va oqizganlik uchun hamda chiqindilarni joylashtirganlik uchun to‘lov miqdorlari O‘zbekiston Respublikasi Vazirlar Mahkamasi tomonidan tasdiqlanadi”;

2) sakkizinchi qismi quyidagi tahrirda bayon etilsin:

“Atrof tabiiy muhitga ifloslantiruvchi moddalar chiqarganlik va oqizganlik uchun hamda ishlab chiqarish va iste’mol chiqindilarini joylashtirganlik uchun to‘lov tushumi, shuningdek bu mablag‘lardan foydalanish tartibi qonun hujjatlari bilan belgilanadi”.

VI. 1993-yil 7-mayda qabul qilingan O‘zbekiston Respublikasining Havo kodeksi (O‘zbekiston Respublikasi Oliy Kengashining Axborotnomasi, 1993-yil, № 6, 247-modda; O‘zbekiston Respublikasi Oliy Majlisining Axborotnomasi, 1998-yil, № 3, 38-modda):

1) 2-moddasining birinchi qismi quyidagi tahrirda bayon etilsin:

“O‘zbekiston Respublikasining samoviy hududidan foydalanishga hamda undan foydalanuvchilarning barchasi faoliyatiga, shu jumladan aviatsiya faoliyatiga taalluqli munosabatlar respublika hududida ushbu Kodeks, respublikaning boshqa qonunlari bilan, O‘zbekiston Respublikasi Vazirlar Mahkamasi tomonidan tasdiqlanadigan O‘zbekiston Respublikasi samoviy hududidan foydalanish to‘g‘risidagi Nizom bilan, shuningdek tegishincha Aviatsiya ma’muriyati hamda Mudofaa vazirligi tomonidan tasdiqlanadigan O‘zbekiston Respublikasi Samoviy hududida fuqaro aviatsiyasi va eksperimental aviatsiyaning parvoz qilish qoidalari hamda O‘zbekiston Respublikasi Samoviy hududida davlat aviatsiyasining parvoz qilish qoidalari bilan tartibga solinadi”;

2) 3-moddasining matnidan “57” raqami chiqarib tashlansin;

3) 29-moddasining matni quyidagi tahrirda bayon etilsin:

“O‘zbekiston Respublikasining, shuningdek O‘zbekiston Respublikasining xalqaro shartnomalariga asosan o‘zga davlatning muayyan aerodromga mulk huquqi asosida (aerodrom egasi), ijara shartnomasiga binoan yoki O‘zbekiston Respublikasi qonun hujjatlarida nazarda tutilgan boshqa asoslarga kura tegishli bo‘lgan hamda aerodromning muvofiqlik sertifikatiga ega bo‘lgan yuridik shaxsi yoki fuqarosi shu aerodromning ekspluatanti deb e’tirof etiladi”;

4) 30-moddasi:

ikkinchi qismining birinchi xatboshisi quyidagi tahrirda bayon etilsin:

“Aerodromlarning, shuningdek ulardagi asbob-uskunalarning foydalanishga yaroqliligi normalari va ularni sertifikatlashtirish tartibi:”;

uchinchi qismidagi “uning foydalanishga yaroqliligi haqida sertifikat” degan so‘zlar “aerodromning muvofiqlik sertifikati” degan so‘zlar bilan almashtirilsin;

5) 62-moddasining ikkinchi qismidagi, 64-moddasining uchinchi qismidagi, 65-moddasidagi, 66-moddasining uchinchi qismidagi, 71-moddasining uchinchi qismi va 73-moddasidagi tegishli kelishikdagi “O‘zbekiston Respublikasi samoviy hududida parvoz qilish Qoidalari” degan so‘zlar shunday kelishikdagi “O‘zbekiston Respublikasi Samoviy hududida fuqaro aviatsiyasi va eksperimental aviatsiyaning parvoz qilish qoidalari yoki O‘zbekiston Respublikasi Samoviy hududida davlat aviatsiyasining parvoz qilish qoidalari” degan so‘zlar bilan almashtirilsin;

6) 77-moddasi quyidagi tahrirda bayon etilsin:

Havo transportida xalqaro ko‘lamda tashishga mo‘ljallangan, bojxona, chegara va sanitariya-karantin nazorati ta’minlanadigan aeroportlar, aerodromlar havo kemalarining xalqaro parvozlari uchun mo‘ljallangan aeroportlar, aerodromlar deb e’tirof etiladi.

Havo kemalarining xalqaro parvozlari uchun mo‘ljallangan aeroportlarni, aerodromlarni ochish haqidagi qaror O‘zbekiston Respublikasi Vazirlar Mahkamasi tomonidan qabul qilinadi.

Xalqaro havo yo‘llarini ochish haqidagi qaror Aviatsiya ma’muriyati tomonidan O‘zbekiston Respublikasi Mudofaa vazirligi va Milliy xavfsizlik xizmati bilan kelishilgan holda qabul qilinadi.

Havo kemalarining xalqaro parvozlari uchun mo‘ljallangan aeroportlar, aerodromlar va havo yo‘llarini ochish tartibi O‘zbekiston Respublikasi samoviy hududidan foydalanish to‘g‘risidagi Nizom bilan belgilanadi”;

7) 92-moddasining birinchi qismi “shahar aerovokzalida yoxud” degan so‘zlardan keyin “aerodromda” degan so‘z bilan to‘ldirilsin.

VII. “O‘zbekiston Respublikasining Havo kodeksini amalga kiritish tartibi to‘g‘risida”gi O‘zbekiston Respublikasi Oliy Kengashining 1993-yil 7-mayda qabul qilingan Qarori (O‘zbekiston Respublikasi Oliy Kengashining Axborotnomasi, 1993-yil, № 6, 248-modda) 2-bandining uchinchi xatboshisi quyidagi tahrirda bayon etilsin:

“O‘zbekiston Respublikasi havo kodeksida bayon etilgan Aviatsiya ma’muriyatining vazifalarini O‘zbekiston Respublikasi Parvozlar xavfsizligi nazorati davlat inspeksiyasi zimmasiga yuklasin”.

XI. O‘zbekiston Respublikasining 1993-yil 28-dekabrda qabul qilingan “Metrologiya to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1994-yil, № 2, 48-modda):

1) 1-moddasi quyidagi mazmundagi xatboshilar bilan to‘ldirilsin:

“o‘lchov vositalarini metrologik attestatsiya qilish” — yagona namunalarda ishlab chiqariladigan (yoki O‘zbekiston hududiga yagona namunalarda olib kiriladigan) o‘lchov vositalarining xossalarini sinchiklab tadqiq etish asosida ular qo‘llanish uchun haqqoniy ekanligining metrologiya xizmati tomonidan e’tirof etilishi;

“metrologiya xizmatlari, markazlari, laboratoriyalarini akkreditatsiya qilish” — o‘lchovlarning yagona birligini ta’minlash ishlarini akkreditatsiya qilishni belgilangan sohada o‘tkazishga metrologiya xizmatlari, markazlari, laboratoriyalarining vakolatli ekanligining rasmiy e’tirof etilishi;

“o‘lchov vositalarini kalibrlash huquqiga ega bo‘lishi uchun yuridik shaxslar metrologiya xizmatini akkreditatsiya qilish” — yuridik shaxslar metrologiya xizmatining belgilangan sohada o‘lchov vositalarini kalibrlashdan o‘tkazishga vakolatli ekanligining rasmiy e’tirof etilishi;

“o‘lchovlarning bajarilish uslubiyotlarini metrologik attestatsiya qilish” — o‘lchovdagi xatolik xususiyatlarini tadqiq qilish va baholash;

“davlat metrologiya tekshiruvi” — o‘lchov vositalarining turini tasdiqlash va tekshiruvdan o‘tkazish, ularning tayyorlanishi, ta’mirlanishi, sotilishi va ijaraga berilishini litsenziyalash bo‘yicha davlat metrologiya xizmati tomonidan amalga oshiriladigan faoliyat”;

2) 8-moddasining:

birinchi qismi quyidagi mazmundagi jumla bilan to‘ldirilsin:

“O‘lchovlar belgilangan tartibda attestatsiya qilingan o‘lchovlarning bajarilish uslubiyotlariga muvofiq holda amalga oshirilishi lozim”;

ikkinchi qismidagi “attestatsiya” degan so‘z “metrologik attestatsiya” degan so‘zlar bilan almashtirilsin;

3) 14-moddasi birinchi qismining to‘rtinchi xatboshisi quyidagi tahrirda bayon etilsin:

“savdo-tijorat, bojxona, pochta va soliq operatsiyalarini o‘tkazish, telekommunikatsiya xizmatlarini ko‘rsatish”;

4) 15-moddasining matni quyidagi tahrirda bayon etilsin:

“Davlat metrologiya tekshiruvi quyidagi tarzda amalga oshiriladi:

o‘lchov vositalarining turlarini sinash va tasdiqlash;

o‘lchov vositalarini metrologik attestatsiya qilish;

o‘lchov vositalarini, shu jumladan etalonlarni tekshiruvdan o‘tkazish, kalibrlash;

o‘lchov vositalarini hamda o‘lchovlarning bajarilish uslubiyotlarini sinash, tekshiruvdan o‘tkazish, metrologik attestatsiya qilish, o‘lchov vositalarini va metrologiya faoliyatning boshqa muayyan turlarini kalibrlash huquqiga ega bo‘lishi uchun metrologiya xizmatlari, markazlari, laboratoriyalarini akkreditatsiya qilish;

yuridik va jismoniy shaxslarning o‘lchov vositalarini tayyorlash, ta’mirlash, realizatsiya qilish, ijaraga berishga doir faoliyatini litsenziyalashda mazkur shaxslarning belgilangan metrologiya qoidalari va normalariga rioya etishlarini guvohlantirish (attestatsiya qilish).

Davlat metrologiya nazorati o‘lchov vositalarini, shu jumladan o‘lcham birliklarining etalonlarini chiqarish, ularning holati va qo‘llanilishi, belgilangan metrologiya qoidalari va normalariga rioya etilishi ustidan, shuningdek akkreditatsiya qilingan metrologiya xizmatlari, markazlari va laboratoriyalari faoliyati ustidan amalga oshiriladi.

Zarur hollarda “O‘zdavstandart” qaroriga binoan metrologiya tekshiruvi va nazoratning boshqa turlari va shakllari ham belgilanishi mumkin”;

5) quyidagi mazmundagi 17-1-modda bilan to‘ldirilsin:

Ushbu Qonunning 14-moddasida ko‘rsatib o‘tilganidan bo‘lak sohalarda qo‘llaniladigan va majburiy tekshiruvdan o‘tkazilmaydigan o‘lchov vositalari ularni ishlab chiqarish, realizatsiya qilish, ishlatish, ijaraga berish, ta’mirlashda va O‘zbekiston Respublikasi hududiga olib kirishda kalibrlashdan o‘tkazilishi mumkin.

O‘lchov vositalarini kalibrlash huquqi yuridik shaxslarning akkreditatsiya qilingan metrologiya xizmatlariga berilishi mumkin.

Yuridik shaxslarning metrologiya xizmatlarini o‘lchov vositalarini kalibrlash huquqiga ega bo‘lishi uchun akkreditatsiya qilish tartibi va kalibrlashni o‘tkazish tartibi “O‘zdavstandart” tomonidan belgilanadi”.

XII. O‘zbekiston Respublikasining 1994-yil 5-mayda qabul qilingan “Do‘stlik” ordenini ta’sis etish to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1994-yil, № 5, 117-modda) bilan tasdiqlangan “Do‘stlik” ordenining tavsifi quyidagi tahrirda bayon etilsin:

“Do‘stlik” ordeni 1 mikron qalinlikda tilla qoplangan tompakdan tayyorlanadi va u bir-biriga joylashtirilgan turli kattalikdagi, markazi bitta bo‘lgan ikkita sakkiz qirrali yulduz shaklida bo‘ladi. Katta va kichik yulduzlar oraligi moviy emal bilan to‘ldirilgan. Yulduzning burchaklari orasida taraluvchi zarhal, uchlari yumaloqlangan nur tutamlari joylashgan. Katta yulduzning qarama-qarshi qirralari oraligi 47 millimetr, kichik yulduzning qarama-qarshi qirralari oraligi esa 41 millimetr.

Ordenning markazida, diametri 12 millimetrli doira ichida oq kumushrang fonda ko‘lni ko‘lga berib ko‘rishish ramziy tasvirlangan bo‘lib, qo‘llar tasvirining ayrim yerlari zarhallangan. Tasvir atrofida, moviy emal berilgan fonda o‘n ikki insoniy fazilat ramzi sifatida o‘n ikkita kumushrang yulduz joylashgan. Sathida yulduzlar joylashgan doira diametri 24 millimetr. Butun tasvir atrofida aylana joylashgan bo‘lib, uning yuqori qismiga qizil emal bilan naqsh etilgan “DO’STLIK” degan yozuv, pastki qismiga esa zarhal dafna barglari jo bo‘lgan. Aylana diametri 33 millimetr.

Orqa tomonining pastki qismida ordenning tartib raqami 1 millimetr kattalikdagi botiq shrift bilan yozig‘liq.

Orden moviy, yashil, sariq, qizil rangli, bir-biridan oq yo‘l bilan ajratilgan, eni bir xil rangdor yo‘lli shoyi lenta sirilgan qadag‘ichga halqa va ilmoqcha yordamida ulanadi”.

XVI. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasining Jinoyat kodeksi (O‘zbekiston Respublikasi Oliy Kengashining Axborotnomasi, 1995-yil, № 1, 3-modda; O‘zbekiston Respublikasi Oliy Majlisining Axborotnomsi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda):

1) quyidagi mazmundagi 185-1-modda bilan to‘ldirilsin:

Qimmatbaho metallar sirasiga kirmaydigan rangli metallar, ularning parcha va rezgi-chiqitlarini tayyorlash, olish, ulardan foydalanish hamda ularni o‘tkazish qoidalarini buzish, shunday qilmish uchun ma’muriy jazo qo‘llanilganidan keyin sodir etilgan bo‘lsa, —

mol-mulk musodara qilinib yoki musodara qilinmay, eng kam oylik ish haqining ellik baravaridan yuz baravarigacha miqdorda jarima yoki besh yilgacha muayyan huquqdan mahrum qilish yoxud uch yilgacha axloq tuzatish ishlari yoki olti oygacha qamoq bilan jazolanadi”;

2) 209-moddasi:

birinchi qismining sanksiyasidagi “ellik baravarigacha” degan so‘zlar “ellik baravaridan yetmish besh baravarigacha” degan so‘zlar bilan almashtirilsin;

ikkinchi qismining sanksiyasi quyidagi tahrirda bayon etilsin:

“eng kam oylik ish haqining yetmish besh baravaridan yuz baravarigacha miqdorda jarima yoki uch yilgacha muayyan huquqdan mahrum etilgan holda uch yildan besh yilgacha ozodlikdan mahrum qilish bilan jazolanadi”;

3) 227-moddasi:

birinchi qismining dispozitsiyasidan “yoxud shunday harakatlar pasport, harbiy bilet yoki boshqa muhim shaxsiy hujjatlarga nisbatan sodir etilgan bo‘lsa” degan so‘zlar chiqarib tashlansin;

ikkinchi qismi quyidagi tahrirda bayon etilsin:

“O‘sha harakatlar:

a) pasport, harbiy bilet yoki boshqa muhim shaxsiy hujjatlarga nisbatan yoxud o‘ta muhim ahamiyatga ega bo‘lgan hujjatlar, shtamplar, muhrlar, blankalarga nisbatan sodir etilgan bo‘lsa;

b) og‘ir oqibatlarga sabab bo‘lsa, —

eng kam oylik ish haqining ellik baravaridan yuz baravarigacha miqdorda jarima yoki ikki yildan uch yilgacha axloq tuzatish ishlari yoxud uch yilgacha ozodlikdan mahrum qilish bilan jazolanadi”;

4) 228-moddasi:

birinchi qismining sanksiyasi quyidagi tahrirda bayon etilsin:

“eng kam oylik ish haqining ellik baravaridan yuz baravarigacha miqdorda jarima yoki uch yilgacha axloq tuzatish ishlari yoxud olti oygacha qamoq bilan jazolanadi”;

ikkinchi qismining sanksiyasidagi “uch yilgacha ozodlikdan mahrum qilish” degan so‘zlar “uch yildan besh yilgacha ozodlikdan mahrum qilish” degan so‘zlar bilan almashtirilsin;

uchinchi qismining sanksiyasi quyidagi tahrirda bayon etilsin:

“eng kam oylik ish haqining yigirma besh baravaridan ellik baravarigacha miqdorda jarima yoki ikki yilgacha axloq tuzatish ishlari yoxud ikki yilgacha ozodlikdan mahrum qilish bilan jazolanadi”;

5) quyidagi mazmundagi 228-1-modda bilan to‘ldirilsin:

G‘arazgo‘ylik yoki boshqa shaxsiy manfaatlarni ko‘zlab davlat proba tamg‘asini qonunga xilof ravishda tayyorlash, o‘tkazish yoki undan foydalanish, shuningdek uni qalbakilashtirish —

mol-mulk musodara qilinib, eng kam oylik ish haqining ellik baravarigacha miqdorda jarima yoki ikki yilgacha axloq tuzatish ishlari yoxud olti oygacha ozodlikdan mahrum qilish bilan jazolanadi.

O‘sha harakatlar:

a) takroran;

b) bir guruh shaxslar tomonidan oldindan til biriktirib sodir etilgan bo‘lsa, —

mol-mulk musodara qilinib, ikki yildan uch yilgacha axloq tuzatish ishlari yoki uch yilgacha ozodlikdan mahrum qilish bilan jazolanadi”;

6) quyidagi mazmundagi 255-1-modda bilan to‘ldirilsin:

O‘zbekiston Respublikasining xalqaro shartnomalari bilan taqiqlangan bakteriologik (biologik), kimyoviy va boshqa xil yalpi qirg‘in qurollari turlarini ishlab chiqish, ishlab chiqarish, to‘plash, olish, birovga o‘tkazish, saqlash, qonunga xilof ravishda egallash va ular bilan boshqa harakatlarni sodir etish —

mol-mulk musodara qilinib, besh yildan sakkiz yilgacha ozodlikdan mahrum qilish bilan jazolanadi.

O‘sha qilmish:

a) odam o‘lishiga;

b) boshqa og‘ir oqibatlarga sabab bo‘lsa, —

mol-mulk musodara qilinib, sakkiz yildan o‘n besh yilgacha ozodlikdan mahrum qilish bilan jazolanadi”.

XVII. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasining Jinoyat-protsessual kodeksi (O‘zbekiston Respublikasi Oliy Kengashining Axborotnomasi, 1995-yil, № 2, 5-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5—6, 102-modda, №9, 181-modda; 1999-yil, № 1, 20-modda, № 5, 124-modda, № 9, 229-modda) 345-moddasining beshinchi qismi “185” raqamidan keyin “185-1” degan raqam bilan to‘ldirilsin.

XVIII. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksi (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda):

1) quyidagi mazmundagi 219-1-modda bilan to‘ldirilsin:

Qimmatbaho metallar sirasiga kirmaydigan rangli metallar, ularning parcha va rezgi-chiqitlarini tayyorlash, olish, ulardan foydalanish hamda ularni o‘tkazish qoidalarini buzish —

rangli metallarni, ularning parcha va rezgi-chiqitlarini musodara qilib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — o‘n baravaridan o‘n besh baravarigacha miqdorda jarima solishga sabab bo‘ladi”;

2) 245-moddasining birinchi qismi “218” raqamidan keyin “219-1” degan raqam bilan to‘ldirilsin;

3) 267-moddasi quyidagi tahrirda bayon etilsin:

O‘zbekiston Respublikasi Makroiqtisodiyot va statistika vazirligining organlariga ushbu Kodeksning 215-moddasida nazarda tutilgan ma’muriy huquqbuzarliklar to‘g‘risidagi ishlar taalluqlidir.

O‘zbekiston Respublikasi makroiqtisodiyot va statistika vaziri hamda uning o‘rinbosarlari, Qoraqalpog‘iston Respublikasi iqtisodiyot va statistika vaziri hamda uning o‘rinbosarlari, viloyatlar va Toshkent shahar hokimliklarining iqtisodiyot va statistika bosh boshqarmalari boshliqlari va ularning o‘rinbosarlari, tuman, shahar hokimliklarining iqtisodiyot va statistika bo‘limlari boshliqlari ushbu moddaning birinchi qismida ko‘rsatilgan organlar nomidan ma’muriy huquqbuzarlik to‘g‘risidagi ishlarni ko‘rib chiqish va ma’muriy jazo chorasini qo‘llanishiga haqlidirlar”.

XXI. O‘zbekiston Respublikasining 1996-yil 26-aprelda qabul qilingan “O‘zbekiston Respublikasining faxriy unvonlarini ta’sis etish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1996-yil, № 5-6, 64-modda; 1997-yil, № 2, 64-modda; 1998-yil, № 5-6,114-modda, № 9, 164-modda):

1) 1-moddasi “O‘zbekiston Respublikasi xalq artisti” degan so‘zlardan keyin quyidagi mazmundagi xatboshi bilan to‘ldirilsin:

“O‘zbekiston Respublikasi xalq baxshisi”;

2) mazkur Qonun bilan tasdiqlangan O‘zbekiston Respublikasining faxriy unvonlari to‘g‘risidagi Nizom “O‘zbekiston Respublikasi xalq artisti” faxriy unvoni to‘g‘risidagi matndan keyin quyidagi mazmundagi xatboshi bilan to‘ldirilsin:

“O‘zbekiston Respublikasi xalq baxshisi” faxriy unvoni baxshichilik san’atini yanada rivojlantirishdagi, milliy qadriyatlarimizni e’zozlash va o‘zbek xalq og‘zaki ijodiyotini keng targ‘ib etishdagi, o‘z ijodi va ijrochilik faoliyati bilan xalqimizni, ayniqsa yoshlarni ko‘p ming yillik madaniyatimiz sarchashmalaridan bahramand qilishdagi hamda Vatan istiqloli va shon-sharafini ulug‘lash yo‘lidagi salmoqli hissalari uchun O‘zbekiston Respublikasi fuqarolariga beriladi”;

3) mazkur Qonun bilan tasdiqlangan O‘zbekiston Respublikasi faxriy unvonlarining ko‘krak nishonlari tavsifining:

“O‘zbekiston iftixori” ko‘krak nishoni tavsifi matni quyidagi tahrirda bayon etilsin:

Ko‘krak nishoni 1 mikron qalinlikda tilla qoplangan 925 probali kumushdan tayyorlanib, diametri 36 millimetrli doira shaklida bo‘ladi.

Nishonning hoshiyalangan tekis yuz tomonida kumushrang aylanma yugurish yo‘lkalari bilan o‘ralgan, yashil rangli emal qoplangan stadion maydoni tasvirlangan bo‘lib, uning markazida olimpiya ramzi — ichki sathi ham kumushrang beshta o‘zaro tutash halqalar joylashgan. Stadion maydoni uzra O‘zbekiston Respublikasi Davlat gerbini tutib turgan ikkita kumushrang qo‘l tasvirlangan. Gerbning yuqori qismida, musamman joylashgan yerda diametri 1,5 millimetrli yoqut joylashtiriladi. Nishonning yuqori yarim aylanasi bo‘ylab, gerb uzra “O’ZBEKISTON IFTIXORI” degan yozuv joylashgan. Nishonning pastki yarim aylanasida yashil shaffof emal qoplangan dafna navdasi joylashgan bo‘lib, uning o‘rtasidan O‘zbekiston Respublikasining Davlat bayrog‘i ranglaridagi lenta o‘tgan.

Nishonning orqa tomonida O‘zbekiston Respublikasining Davlat gerbi tasvirlangan.

Tasvirlar va yozuv qabariq.

Ko‘krak nishoni ichki qismiga O‘zbekiston Respublikasi Davlat bayrog‘i ranglaridagi shoyi lenta sirilgan qadag‘ichga halqa va ilmoqcha yordamida ulanadi”;

tavsif “O‘zbekiston Respublikasi xalq artisti” faxriy unvonining ko‘krak nishoni tavsifi matnidan keyin quyidagi mazmundagi matn bilan to‘ldirilsin:

Ko‘krak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida bo‘ladi. Nishonning qalinligi 2,2 millimetr.

Nishonning hoshiyalangan tekis yuz tomonida milliy cholg‘u asbobi — do‘mbira chalib kuylayotgan baxshi, pastki o‘ng chekkasida dafna navdasi tasvirlangan. Ramzlarning yuqorirog‘idan “XALQ BAXSHISI” degan yozuv gorizontal holatda joy olgan.

Nishonning orqa tomonida O‘zbekiston Respublikasining Davlat gerbi tasvirlangan.

Tasvirlar va yozuv qabariq.

Ko‘krak nishoni ichki qismiga O‘zbekiston Respublikasining Davlat bayrog‘i ranglaridagi shoyi lenta sirilgan qadag‘ichga halqa va ilmoqcha yordamida ulanadi”.

XXV. O‘zbekiston Respublikasining 1997-yil 26-dekabrda qabul qilingan “O‘simlik dunyosini muhofaza qilish va undan foydalanish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1998-yil, № 1, 12-modda) 4-moddasining ikkinchi qismidagi hamda 24-moddasining ikkinchi qismidagi “O‘zbekiston Respublikasi Davlat o‘rmon qo‘mitasi” degan so‘zlar “O‘zbekiston Respublikasi Qishloq va suv xo‘jaligi vazirligi huzuridagi o‘rmon xo‘jaligi bosh boshqarmasi” degan so‘zlar bilan almashtirilsin.

XXVI. O‘zbekiston Respublikasining 1997-yil 26-dekabrda qabul qilingan “Hayvonot dunyosini muhofaza qilish va undan foydalanish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1998-yil, № 1, 14-modda) 6 va 37-moddalaridagi “O‘zbekiston Respublikasi Davlat o‘rmon qo‘mitasi” degan so‘zlar “O‘zbekiston Respublikasi Qishloq va suv xo‘jaligi vazirligi huzuridagi o‘rmon xo‘jaligi bosh boshqarmasi” degan so‘zlar bilan almashtirilsin.

XXVIII. O‘zbekiston Respublikasining 1998-yil 28-avgustda qabul qilingan “El-yurt hurmati” ordenini ta’sis etish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1998-yil, № 9, 163-modda) bilan tasdiqlangan “El-yurt hurmati” ordenining tavsifi quyidagi tahrirda bayon etilsin:

“El-yurt hurmati” ordeni 1 mikron qalinlikdagi tilla qoplangan 925 probali kumushdan tayyorlanadi va u ikki yoqlama nurlar taraluvchi sakkiz qirrali yulduz shaklida bo‘ladi. Yulduz burchaklari orasida moviy rangdagi shaffof emal qoplangan, taraluvchi nur tutamlari joylashgan. Yulduzning qarama-qarshi qirralari oraligi 52 millimetr. Nurlarni o‘z ichiga olgan doira diametri — 49 millimetr.

Ordenning markazida, doirada qizil rangli yo‘l bilan hoshiyalangan Registon arxitektura majmui tasvirlangan. Uning orqasida, fon bilan berilgan, rangli emal qoplangan vodiylar va tog‘lar, ular uzra esa moviy osmon fonida chiqib kelayotgan quyosh tasvirlangan. Butun tasvir shaffof emal bilan qoplangan bo‘lib, u tasvir uzra yarim doira segmentini tashkil etadi.

Tasvir atrofi aylana bilan hoshiyalangan bo‘lib, aylananing yuqori qismida, oq fonda “YEL-UYRT HURMATI” degan yozuv, aylananing pastki qismida yashil shaffof emal bilan qoplangan dafna novdasi joylashgan.

Orqa tomonining pastki qismida ordenning tartib raqami 1 millimetr kattalikdagi botiq shrift bilan yozig‘liq.

Orden O‘zbekiston Respublikasining Davlat bayrog‘i ranglaridagi shoyi lenta sirilgan qadag‘ichga halqa va ilmoqcha yordamida ulanadi”.

XXIX. O‘zbekiston Respublikasining 1998-yil 28-avgustda qabul qilingan “O‘zbekiston Respublikasining “O‘zbekiston iftixori” faxriy unvonini ta’sis etish to‘g‘risida”gi Qonunining (O‘zbekiston Respublikasi Oliy Majlisining Axborotnomasi, 1998-yil, № 9, 164-modda) 4-moddasi o‘z kuchini yo‘qotgan deb hisoblansin.

XXX. O‘zbekiston Respublikasining 1998-yil 24-dekabrda qabul qilingan “Xo‘jalik yurituvchi subyektlar faoliyatini davlat tomonidan nazorat qilish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1999-yil, № 1, 8-modda) 17-moddasining birinchi qismi quyidagi mazmundagi xatboshi bilan to‘ldirilsin:

“rejali tekshirishlarni o‘tkazish muddatini ko‘chirish to‘g‘risida, basharti buncha obyektiv asoslar bo‘lsa, maxsus vakolatli organga taqdimnoma kiritish”.

XXXI. O‘zbekiston Respublikasining 1999-yil 15-aprelda qabul qilingan “O‘rmon to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1999-yil, № 5, 122-modda) 9-moddasidagi, 12-moddasining ikkinchi qismidagi, 15-moddasining ikkinchi qismidagi, 16-moddasining uchinchi qismidagi, 26-moddasining yettinchi qismidagi, 27-moddasining uchinchi qismidagi, 29-moddasining to‘rtinchi qismidagi, 33-moddasining ikkinchi qismidagi, 34-moddasining ikkinchi qismidagi tegishli kelishikdagi “O‘zbekiston Respublikasi Davlat o‘rmon qo‘mitasi” degan so‘zlar shunday kelishikdagi “O‘zbekiston Respublikasi Qishloq va suv xo‘jaligi vazirligi huzuridagi o‘rmon xo‘jaligi bosh boshqarmasi” degan so‘zlar bilan almashtirilsin.