Oʻzbekiston Respublikasi Prezidentining 2020-yil 19-maydagi PF-5997-son “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2021-yil 4-martdagi 120-son “Oʻzbekiston Respublikasi Davlat mukofotlari berilgan shaxslarga bir yoʻla toʻlanadigan pul mukofotlarini toʻlashga mablagʻlar ajratish va toʻlash tartibi toʻgʻrisidagi nizomni tasdiqlash haqida”gi qaroriga muvofiq buyuraman:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi moliya vazirining 2005-yil 23-iyuldagi 67-son “Oʻzbekiston Respublikasi orden va medallari bilan mukofotlangan shaxslarga bir yoʻla toʻlanadigan pul mukofotlarini toʻlashga mablagʻlarni ajratish tartibi toʻgʻrisida”gi buyrugʻi (roʻyxat raqami 1505, 2005-yil 5-avgust) (Oʻzbekiston Respublikasi qonun hujjatlari toʻplami, 2005-y., 32-33-son, 257-modda);

Oʻzbekiston Respublikasi moliya vazirining 2018-yil 16-martdagi 62-son “Oʻzbekiston Respublikasi orden va medallari bilan mukofotlangan shaxslarga bir yoʻla toʻlanadigan pul mukofotlarini toʻlashga mablagʻlarni ajratish tartibi toʻgʻrisidagi nizomga oʻzgartirish va qoʻshimchalar kiritish haqida”gi buyrugʻi (roʻyxat raqami 1505-1, 2018-yil 9-aprel) (Qonun hujjatlari maʼlumotlari milliy bazasi, 10.04.2018-y., 10/18/1505-1/1031-son).

2. Mazkur buyruq Oʻzbekiston Respublikasi aksiyadorlik tijorat Xalq banki bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.