Mashina-traktor parklarining moddiy-texnika bazasini yanada mustahkamlash va qishloq xoʻjaligiga ishlab chiqarish-texnika xizmati koʻrsatishda ularning ahamiyatini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Davlat mulki qoʻmitasi va Oʻzqishloqxoʻjaliktaʼminottuzatish” davlat-kooperativ qoʻmitasining faoliyat koʻrsatayotgan mashina-traktor parklari va qishloq xoʻjaligi texnikasiga ishlab chiqarish-texnik va servis xizmati koʻrsatish korxonalari negizida davlat-aksiyadorlik mashina-traktor parklari tashkil etish toʻgʻrisidagi taklifiga rozilik berilsin.

Aksiyadorlik jamiyati aksiyalarini quyidagi tartibda birlamchi joylashtirish nazarda tutilsin;

2. Davlat-aksiyadorlik mashina-traktor parkining namunaviy tashkiliy tuzilmasi va uning ijro etuvchi apparatining namunaviy tuzilmasi 1 va 1a-ilovalarga muvofiq tasdiqlansin.

3. “Oʻzqishloqxoʻjaliktaʼminottuzatish”” davlat-kooperativ qoʻmitasi, Davlat mulki qoʻmitasi, Adliya vazirligi davlat-aksiyadorlik mashina-traktor parkining namunaviy ustavini ikki hafta muddatda ishlab chiqsinlar va tasdiqlasinlar.

4. Quyidagilar maʼlumot uchun qabul qilinsin:

mashina-traktor parklarining aylanma mablagʻlarini toʻldirishga 1997-yilda respublika budjetidan 1314 mln. soʻm ajratish nazarda tutilgan;

“Oʻzqishloqxoʻjaliktaʼminottuzatish” davlat-kooperativ qoʻmitasi 1997-yilda respublika budjetiga 685 mln. soʻm qarzni qaytarishdan ozod qilingan, koʻrsatib oʻtilgan summa oʻz aylanma mablagʻlarini toʻldirishga yoʻnaltiriladi.

5. “Oʻzqishloqxoʻjaliktaʼminottuzatish” davlat-kooperativ qoʻmitasi Oʻzbekiston Respublikasi Qishloq va suv xoʻjaligi vazirligi, Davlat mulki qoʻmitasi, Moliya vazirligi bilan birgalikda bir oy muddatda:

qishloq xoʻjaligi korxonalaridan mashina va mexanizmlarni sotib olish tartibini;

xoʻjaliklardan qishloq xoʻjaligi texnikasini, ularni keyinchalik sotib olish huquqi bilan ijaraga olish tartibini;

mashina-traktor parklari tomonidan xorijiy texnikadan foydalangan holda bajariladigan mexanizatsiyalashtirilgan ishlar (xizmatlar) qiymatini, ulardan foydalanishning haqiqiy muddatlarini hisobga olgan holda, aniqlash metodikasini ishlab chiqsin va tasdiqlasin;

Qishloq xoʻjaligi mahsulotlari yetishtiruvchi mayda tovar ishlab chiqaruvchilarga, fermer va dehqon xoʻjaliklariga ularning buyurtmanomalari boʻyicha servis xizmati koʻrsatish masalalari “Oʻzqishloqxoʻjaliktaʼminottuzatish” davlat-kooperativ qoʻmitasiga yuklansin. Buning uchun mashina-traktor parklari tarkibida ixtisoslashtirilgan boʻlimlar tashkil etilsin, ularni shakllantirishning ahvoli alohida nazorat ostiga olinsin.

Ushbu masala boʻyicha takliflar bir oy muddatda Vazirlar Mahkamasiga kiritilsin.

6. “Oʻzqishloqxoʻjaliktaʼminottuzatish” davlat-kooperativ qoʻmitasi “Keys-Korporeyshn” korporatsiyasi bilan respublikada xorijiy qishloq xoʻjaligi texnikasiga servis xizmati koʻrsatish boʻyicha “OʻzKeysservis” qoʻshma korxonasi tashkil etish toʻgʻrisida shartnoma tuzganligi, muassislar ulushlari belgilanganligi (51 foiz — “Keys-Korporeyshn” korporatsiyasi ulushi, 49 foiz — oʻzbekistonlik muassislar ulushi) va shu yil may oyida korxonani tashkil etish boʻyicha taʼsis yigʻilishi oʻtkazish moʻljallanganligi maʼlumot uchun qabul qilinsin.

7. “Oʻzdavneftmahsulot” birlashmasi “Oʻzqishloqxoʻjaliktaʼminottuzatish” davlat-kooperativ qoʻmitasi buyurtmanomalari boʻyicha amaldagi normalar asosida mashina-traktor parklariga foydalanish ehtiyojlari va texnikaga texnik xizmat koʻrsatish uchun moylash materiallari yetkazib berilishini taʼminlasin.

8. “Oʻzqishloqxoʻjalikmash-xolding” kompaniyasi, “Oʻzmashsanoat” va “Oʻzavtosanoat” uyushmalari “Oʻzqishloqxoʻjaliktaʼminottuzatish” davlat-kooperativ qoʻmitasi bilan birgalikda qishloq xoʻjaligi texnikasiga ehtiyot qismlar, uzellar va agregatlar ishlab chiqarishni tashkil etish dasturini bir oy muddatda ishlab chiqsinlar va Oʻzbekiston Respublikasi Vazirlar Mahkamasiga kiritsinlar.

9. “Oʻzqishloqxoʻjaliktaʼminottuzatish” davlat-kooperativ qoʻmitasi mashina-traktor parklari mexanizatorlari va muhandis-texnik xodimlari chet el texnikasini ishlatish va ularga xizmat koʻrsatish qoidalari boʻyicha muntazam oʻqitilishini tashkil etsin va taʼminlasin.

10. Qoraqalpogʻiston Respublikasi Vazirlar Kengashi, viloyatlar hokimliklari mashina-traktor parklari shakllanishi va ular faoliyati tashkil etilishiga har tomonlama yordam koʻrsatsinlar hamda ularni qoʻllab-quvvatlasinlar. Qoraqalpogʻiston Respublikasi Vazirlar Kengashi Raisi va viloyatlar hokimlari mashina-traktor parklari faoliyati uchun shaxsan javob berajaklari toʻgʻrisida ogohlantirilsin.

12. Mazkur qarorning bajarilishini nazorat qilish Bosh vazirning birinchi oʻrinbosari Q. Gʻ. Obidov zimmasiga yuklansin.