Saralab olish mexanizmi/Imtiyoz egalari

Imtihon/Imtiyoz mazmuni

Akademik litseylarga iqtidorli yoshlarni test sinovlari asosida saralab olish mexanizmi

Bilim va malakalarni baholash agentligi tomonidan maxsus pavilyonlarda oʻtkaziladigan test sinovlari.

Test sinovlari quyidagi boʻlimlardan tashkil topadi:

I boʻlim — tanlangan yoʻnalishga mos 2 ta fan boʻyicha test sinovlari;

II boʻlim — intellektual qobiliyat darajasi (IQ)ni aniqlash boʻyicha test.

Fan olimpiadalari, tanlovlar gʻoliblari va fanlarni oʻzlashtirish sertifikatiga ega boʻlganlar uchun imtiyozlar

Xalqaro matematika olimpiadasi (International Mathematical Olympiad (IMO), Xalqaro fizika olimpiadasi (International Physics Olympiad (IPhO), Xalqaro kimyo olimpiadasi (International Chemistry Olympiad (IChO), Xalqaro biologiya olimpiadasi (International Biology Olympiad (IBO), Xalqaro informatika olimpiadasi (International Olympiad in Informatics (IOI) xalqaro fan olimpiadalarida ishtirok etgan yoki Xalqaro Jautikov Olimpiadasi (International Zhautykov Olympiad (IZhO), Xalqaro Mendeleyev olimpiadasi, Oʻsmirlar oʻrtasida Xalqaro Tabiiy fanlar olimpiadasi (International Junior Science Olympiad (IJSO), Xalqaro Matematika musobaqasi (International Mathematics Competition (IMC)dagʻoliblikni qoʻlga kiritgan umumtaʼlim muassasalarining 8-9-sinf oʻquvchilari.

Akademik litseyning mos yoʻnalishiga qabul parametrlaridan tashqari imtihonsiz qabul qilinadilar.

Umumtaʼlim muassasalarining 9-sinf bitiruvchilari orasidan fan olimpiadasining respublika bosqichida 1 — 3-oʻrinlar gʻoliblari.

Akademik litseyning mos yoʻnalishiga hujjat topshirganda, dastlabki yozma imtihondan ozod etiladi va ixtisoslik fani boʻyicha test sinovidan maksimal ball beriladi.

Mazkur chet tili va fanlarni bilish darajasi toʻgʻrisidagi milliy yoki xalqaro sertifikatga ega boʻlgan oʻquvchilarga akademik litseylarga kirish test sinovlarining fanlar majmuasiga kiritilgan mos chet tili va fanlardan imtihonlarsiz maksimal ball beriladi.

Akademik litseylar tomonidan umumtaʼlim muassasalarining iqtidorli oʻquvchilarini jalb qilish maqsadida 8-9-sinf oʻquvchilari oʻrtasida oʻtkazilgan olimpiada va tanlovlar gʻoliblari.

Ikki bosqichli saralab olish tizimi joriy etilgan akademik litseylarga oʻqishga kirishda dastlabki yozma imtihondan ozod etiladi.

T/r

Tadbirlar nomi

Amalga oshirish mexanizmi

Ijro muddati

Moliyalashtirish manbalari

Masʼul ijrochilar

1.

Akademik litseyga oʻqishga qabul qilish, koʻchirish va oʻqishdan chetlatish tartibini takomillashtirish.

1. Akademik litseylarga umumiy oʻrta taʼlim maktablari oʻquvchilarini tanlab olish, oʻqishga qabul qilish, ularning oʻqishini koʻchirish va oʻqishdan chetlatish tartibi toʻgʻrisidagi Nizomni, shu jumladan, quyidagilar asosida takomillashtirishni nazarda tutuvchi Hukumat qarori loyihasini ishlab chiqish:

a) quyidagilarga ruxsat etilmasligini belgilash:

akademik litseydan oʻqishdan chetlatilgan oʻquvchilar oʻqishini tiklashga;

umumtaʼlim muassasalaridan akademik litseylarga oʻqishni koʻchirishga;

akademik litseylararo oʻqishni koʻchirishga, qonun hujjatlarida oliy taʼlim muassasalari talabalariga oʻqishni koʻchirish uchun belgilangan uzrli sabablar hamda umumtaʼlim muassasalarining 9-sinf bitiruvchilari orasidan respublika, shuningdek 8-9-sinflar bitiruvchilari orasidan xalqaro nufuzli fan olimpiadalari gʻoliblarining boshqa akademik litseylar mos yoʻnalishlariga oʻqishni koʻchirishi bundan mustasno;

b) semestr yakuni boʻyicha ikki yoki undan ortiq fanni “qoniqarsiz” bahoga oʻzlashtirgan va tartib-qoidalarni qoʻpol ravishda buzgan oʻquvchilarni oʻqishdan chetlatish;

akademik litseylardan chetlatilgan oʻquvchilar oʻqishini yashash joyi boʻyicha umumtaʼlim muassasasiga koʻchirish.

2021-yil 1-aprel

-

Oliy va oʻrta maxsus taʼlim vazirligi (I. Madjidov), Xalq taʼlimi vazirligi (Sh. Shermatov), tizimida oliy taʼlim muassasalari hamda akademik litseylar mavjud boʻlgan vazirlik va idoralar

2. Hukumat qarori loyihasini Vazirlar Mahkamasiga kiritish.

2021-yil 15-aprel

2.

Barcha fanlardan eng yuqori oʻzlashtirish koʻrsatkichlariga ega boʻlgan 10 nafar oʻquvchiga akademik litsey pedagogik kengashi qaroriga koʻra “Akademik litseyimiz iftixori” stipendiyasini toʻlash.

1. Davlat budjetidan akademik litseylarga ajratilgan mablagʻlar hisobidan har semestrda bir marotaba uning yakuni boʻyicha barcha fanlardan eng yuqori oʻzlashtirish koʻrsatkichlariga ega boʻlgan 10 nafar oʻquvchiga akademik litsey pedagogik kengashi qaroriga koʻra bazaviy hisoblash miqdorining 2 baravari miqdorida “Akademik litseyimiz iftixori” stipendiyasi toʻlash tartibini belgilash.

2021-yil 1-may

Oʻzbekiston Respublikasi Davlat budjeti

Oliy va oʻrta maxsus taʼlim vazirligi (I. Madjidov), Moliya vazirligi (T. Ishmetov), tizimida oliy taʼlim muassasalari mavjud boʻlgan vazirlik va idoralar

2. Mazkur tartib asosida oʻzlashtirish koʻrsatkichi yuqori boʻlgan oʻquvchilarga stipendiyalar toʻlab borish.

2021/2022 oʻquv yilidan boshlab doimiy

3.

Akademik litseylar uchun ikki yillik tizimga moslashtirilgan hamda oʻquvchilarda muayyan kompetensiyalarni shakllantirishga qaratilgan taʼlim va fan dasturlari asosida oʻquv adabiyotlari — darsliklar, oʻquv va oʻquv-metodik qoʻllanmalar yaratish tizimini takomillashtirish.

1. Akademik litseylar uchun ikki yillik tizimga moslashtirilgan hamda oʻquvchilarda muayyan kompetensiyalarni shakllantirishga qaratilgan oʻquv va fan dasturlari asosida oʻquv adabiyotlari — darsliklar (shu jumladan, multimedia ilovalari bilan), oʻquv va oʻquv-metodik qoʻllanmalarni yaratish tizimini xalqaro tajribalar (xususan, YUNESKO tavsiyalari) asosida isloh qilish, bu borada quyidagilarni nazarda tutuvchi chora-tadbirlar dasturi loyihasini ishlab chiqish:

dars va fakultativ mashgʻulotlar olib borishda ilgʻor xorijiy mamlakatlar oʻquv adabiyotlaridan foydalanishga ruxsat berish;

muqobil oʻquv adabiyotlarini yaratish tizimiga bosqichma-bosqich oʻtish;

vazirlik tomonidan muqobil oʻquv adabiyotlariga qoʻyiladigan aniq talab va mezonlarni belgilash hamda keng jamoatchilik eʼtiboriga havola etish;

muqobil oʻquv adabiyotlarining ekspertizasi jarayonini raqamlashtirgan holda uni xolislik, oshkoralik asosida qisqa muddatlarda tashkil etish;

oʻrnatilgan talab va mezonlar hamda tegishli aprobatsiya natijalari asosida ekspertizadan oʻtgan muqobil oʻquv adabiyotlariga grif berish;

boʻysunuv boʻyicha oliy taʼlim muassasasi kengashi qarori asosida muqobil oʻquv adabiyotlaridan oʻquv jarayonida foydalanish huquqini berish;

akademik litseylar kutubxonalarini zarur miqdordagi zamonaviy oʻquv va badiiy adabiyotlar bilan muntazam taʼminlab borish manbalarini belgilash.

2021-yil 15-may

-

Oliy va oʻrta maxsus taʼlim vazirligi (I. Madjidov), Taʼlim sifatini nazorat qilish davlat inspeksiyasi (U. Tashkenbayev), tizimida oliy taʼlim muassasalari mavjud boʻlgan vazirlik va idoralar

2. Chora-tadbirlar dasturi loyihasini tasdiqlash uchun Vazirlar Mahkamasiga kiritish.

2021-yil 1-iyun

4.

Akademik litsey pedagog xodimlarini ishga qabul qilish tartibini takomillashtirish.

Akademik litsey pedagog xodimlariga qoʻyiladigan talablarni kuchaytirish, onlayn tarzda vakant oʻrinlarga oʻtkazilayotgan tanlovlarga oid maʼlumotlarni eʼlon qilish hamda arizalarni qabul qilish, shuningdek, tanlov asosida ishga qabul qilishning shaffof va markazlashtirilgan elektron mexanizmi yaratilishini nazarda tutuvchi normativ-huquqiy hujjat loyihasini ishlab chiqish va belgilangan tartibda tasdiqlash.

2021-yil 1-aprel

-

Oliy va oʻrta maxsus taʼlim vazirligi (I. Madjidov), Bandlik va mehnat munosabatlari vazirligi (N. Xusanov), tizimida oliy taʼlim muassasalari mavjud boʻlgan vazirlik va idoralar

5.

Akademik litseylar rahbar va pedagog xodimlarining uzluksiz malakasini oshirish tizimini joriy etish.

1. Akademik litseylar rahbar va pedagog xodimlarining uzluksiz malakasini oshirish tizimini joriy etish boʻyicha Hukumat qarori loyihasini ishlab chiqish.

2020-yil 1-sentabr

-

Oliy va oʻrta maxsus taʼlim vazirligi (I. Madjidov), Taʼlim sifatini nazorat qilish davlat inspeksiyasi (U. Tashkenbayev) tizimida oliy taʼlim muassasalari mavjud boʻlgan vazirlik va idoralar

2. Hukumat qarori loyihasini Vazirlar Mahkamasiga kiritish.

2021-yil 15-sentabr

6.

Akademik litseylarda guruh jurnali, reyting daftarchasi, oʻquv mashgʻulotlari, imtihon jadvallari, oʻquvchilar oʻzlashtirishi, davomati, diplom va akademik maʼlumotnomalarni raqamlashtirishni nazarda tutuvchi axborot tizimini joriy etish.

Barcha akademik litseylarda guruh jurnali, reyting daftarchasi, oʻquv mashgʻulotlari, imtihon jadvallari, oʻquvchilar oʻzlashtirishi, davomati, diplom va akademik maʼlumotnomalarni raqamlashtirishni nazarda tutuvchi axborot tizimini ishlab chiqish va unda, shu jumladan quyidagilarni koʻzda tutish:

oʻquvchilar hamda jamoatchilik nazoratini taʼminlash uchun ularning ota-onalari (ular oʻrnini bosuvchi shaxslar, vasiylar, homiylar) uchun mazkur axborot tizimidan foydalanish imkoniyatini yaratish;

axborot tizimida har bir akademik litsey oʻquvchilari va pedagoglari orasida yiliga kamida ikki marotaba anonim ijtimoiy soʻrov oʻtkazish imkoniyatining yaratilishi;

soʻrovda oʻquvchi-yoshlarning akademik faoliyati, taʼlim muassasasida yaratilgan sharoit, taʼlim sifatiga oid muammolar kabi masalalarning qamrab olinishi;

soʻrovnoma Taʼlim inspeksiyasi bilan birgalikda ishlab chiqilishi;

soʻrovnoma natijalaridan akademik litsey va boʻysunuvi boʻyicha tegishli oliy taʼlim muassasasi rahbariyatlari, shuningdek, Oliy va oʻrta maxsus taʼlim vazirligi hamda Taʼlim inspeksiyasi foydalanishlari mumkinligi.

2021-yil 1-avgust

Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi, Oʻzbekiston Respublikasi Davlat budjeti

Oliy va oʻrta maxsus taʼlim vazirligi (I. Madjidov), Axborot texnologiyalari vazirligi (Sh. Sodiqov), Taʼlim sifatini nazorat qilish davlat inspeksiyasi (U. Tashkenbayev), tizimida oliy taʼlim muassasalari mavjud boʻlgan vazirlik va idoralar

2. Axborot tizimini joriy etish.

2021/2022 oʻquv yili

7.

Akademik litseylarga oʻqishga qabul qilish parametrlarini belgilash.

1. Akademik litseylarga oʻqishga qabul qilish parametrlarini shakllantirish.

Har yili 1-may

-

Oliy va oʻrta maxsus taʼlim vazirligi (I. Madjidov), Moliya vazirligi (T. Ishmetov), Iqtisodiy taraqqiyot va kambagʻallikni qisqartirish vazirligi (A. Ortiqov), tizimida oliy taʼlim muassasalari boʻlgan vazirlik va idoralar

2. Akademik litseylarga qabul parametrlarini Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasi tomonidan tasdiqlash.

Har yili 1-iyun

8.

Akademik litseylarga oʻquvchilarni qabul qilish uchun imtihonlarni tashkil etish.

1. Akademik litseylarga kirish test sinovlarini oʻtkazishning aniq sana va joylari haqida Oliy va oʻrta maxsus taʼlim vazirligi, oliy taʼlim muassasalari, akademik litseylar veb-saytlarida, shuningdek, ommaviy axborot vositalarida eʼlon qilish.

Test sinovlarini oʻtkazishdan kamida 15 kun avval

-

Oliy va oʻrta maxsus taʼlim vazirligi (I. Madjidov),

Taʼlim sifatini nazorat qilish davlat inspeksiyasi (U. Tashkenbayev),

tizimida oliy taʼlim muassasalari mavjud boʻlgan vazirlik va idoralar

2. Test sinovlarini oʻtkazish.

Har yili iyun-iyul oylari

9.

Akademik litseylarga oʻqishga qabul qilish uchun oʻtkaziladigan test sinovlari majmuasini tasdiqlash.

1. Navbatdagi oʻquv yilida yoʻnalishlar boʻyicha test sinovlari oʻtkaziladigan fanlar majmuasini tasdiqlash hamda ularni navbatdagi oʻquv yili uchun eʼlon qilib borish.

2. Mantiqiy fikrlash darajasi (IQ)ni aniqlash boʻyicha test uchun tayyorlanishi lozim boʻlgan adabiyotlar roʻyxatini tasdiqlash va eʼlon qilish.

2021-yil 15-yanvar

2021/2022 oʻquv yilidan boshlab har yili 1-noyabr

-

Oliy va oʻrta maxsus taʼlim vazirligi (I. Madjidov), Davlat test markazi (M. Karimov)

10.

Akademik litseylar oʻqituvchilarining malakasini oshirish.

Akademik litseylarning iqtidorli oʻqituvchilarini Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasining stipendiyasi asosida xorijiy mamlakatlarda magistratura va doktoranturada oʻqitishni, buyurtmachi tashkilotning toʻgʻridan-toʻgʻri buyurtmalari asosida malaka oshirish va stajirovka oʻtashini tashkil etish.

Doimiy

Oliy va oʻrta maxsus taʼlim vazirligi va tizimida oliy taʼlim muassasasi mavjud boʻlgan vazirliklar va idoralar uchun Davlat budjetida nazarda tutilgan maqsadli mablagʻlar, ularning budjetdan tashqari mablagʻlari, Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi mablagʻlari va qonun hujjatlari bilan taqiqlanmagan boshqa manbalar

Oliy va oʻrta maxsus taʼlim vazirligi (I. Madjidov), tizimida oliy taʼlim muassasalari mavjud boʻlgan vazirlik va idoralar, “El-yurt umidi” jamgʻarmasi

11.

Akademik litseylarga iqtidorli oʻquvchilarni jalb qilish.

Akademik litseylarga iqtidorli oʻquvchilarni jalb qilish maqsadida umumtaʼlim muassasalari 8-9-sinf oʻquvchilari oʻrtasida shaffo? tarzda olimpiada va turli tanlovlar oʻtkazish, shuningdek umumtaʼlim muassasalarining 5-6-sinf oʻquvchilarining bilimi, qiziqishi va shaxsiy sifatlarini oʻrganish asosida yagona maʼlumotlar bazasini yaratish hamda umumtaʼlim maktablarida akademik litseylar faoliyati, qabul shartlari va imtiyozlar toʻgʻrisida oʻquvchilarni xabardor qilish boʻyicha keng targʻibot ishlarini olib borish.

Doimiy

-

Oliy va oʻrta maxsus taʼlim vazirligi (I. Madjidov), Xalq taʼlimi vazirligi (Sh. Shermatov), tizimida akademik litseylar boʻlgan oliy taʼlim muassasalari

12.

Akademik litseylar bitiruvchilarining oliy taʼlim muassasasiga oʻqishga kirishi darajasi boʻyicha tahlillar olib borish.

Akademik litseylarga umumiy oʻrta taʼlim maktablari oʻquvchilarini tanlab olish, oʻqishga qabul qilish, ularning oʻqishini koʻchirish va oʻqishdan chetlatish tartibiga muvofiq belgilangan talablarning tegishli oʻquv yilidagi ijrosi doirasida akademik litseylar bitiruvchilarining oliy taʼlim muassasasiga oʻqishga kirishi darajasi, taʼlim muassasalari rahbarlari va pedagog xodimlariga nisbatan koʻrilgan choralar boʻyicha tahlillar oʻtkazib, Vazirlar Mahkamasi va Prezident Administratsiyasiga axborot kiritish.

2021-yil 1-may

2021/2022 oʻquv yilidan boshlab har yili 1-oktabr

-

Oliy va oʻrta maxsus taʼlim vazirligi (I. Madjidov), Taʼlim sifatini nazorat qilish davlat inspeksiyasi (U. Tashkenbayev), Davlat test markazi (M. Karimov), tizimida oliy taʼlim muassasalari mavjud boʻlgan vazirlik va idoralar

Oʻ.R. Salomov

—

Oʻzbekiston Respublikasi oliy va oʻrta maxsus taʼlim vazirining birinchi oʻrinbosari, komissiya raisi

U.U. Sharifxodjayev

—

Oʻzbekiston Respublikasi xalq taʼlimi vazirining birinchi oʻrinbosari

Sh.U. Turdikulova

—

Oʻzbekiston Respublikasi innovatsion rivojlanish vazirining birinchi oʻrinbosari

A.J.. Ortiqov

—

Oʻzbekiston Respublikasi iqtisodiy taraqqiyot  va kambagʻallikni qisqartirish vazirining birinchi oʻrinbosari

E.M. Muxitdinov

—

Oʻzbekiston Respublikasi bandlik va mehnat munosabatlari vazirining birinchi oʻrinbosari

J.I. Abruyev

—

Oʻzbekiston Respublikasi moliya vazirining oʻrinbosari

O.A. Pekos

—

Oʻzbekiston Respublikasi axborot texnologiyalari va kommunikatsiyalarini rivojlantirish vazirining birinchi oʻrinbosari

Sh.I. Asadov

—

Oʻzbekiston Respublikasi tashqi ishlar vazirining oʻrinbosari

O.A. Qoʻysinov

—

Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻining oʻrinbosari

S.B. Radjabov

—

Oʻzbekiston Respublikasi Vazirlar Mahkamasi huzuridagi Davlat test markazi direktori oʻrinbosari

U.P. Umurzakov

—

Respublika oliy taʼlim kengashi raisi

R.I. Xolmurodov

—

Samarqand davlat universiteti rektori

K.X. Karimov

—

Jahon iqtisodiyoti va diplomatiya universiteti rektori

S.S. Niyazbekov

—

Oʻzbekiston Respublikasi oliy va oʻrta maxsus taʼlim vazirligi bosh boshqarma boshligʻi, komissiya kotibi

T/r

Tashkil etiladigan ixtisoslashtirilgan maktab/akademik litsey nomi

Ixtisoslashtirilgan maktab/akademik litsey joylashtiriladigan bino

I. 2020/2021 oʻquv yilidan boshlab faoliyati tashkil etiladigan taʼlim muassasalari

1.

Urganch davlat universiteti huzuridagi fizika-matematika va informatika fanlariga ixtisoslashtirilgan maktab

Xorazm viloyati, Urganch shahar 6-son umumiy oʻrta taʼlim maktabi

2.

Nukus davlat pedagogika instituti huzuridagi matematika faniga ixtisoslashtirilgan maktab

Nukus davlat pedagogika instituti qoshidagi faoliyati tugatilgan akademik litsey

II. 2021/2022 oʻquv yilidan boshlab faoliyati tashkil etiladigan taʼlim muassasalari

1.

Oʻzbekiston milliy universiteti huzuridagi aniq va tabiiy fanlarga ixtisoslashtirilgan maktab

Oʻzbekiston Milliy universiteti qoshidagi faoliyati tugatilgan akademik litsey

2.

Samarqand davlat universiteti huzuridagi aniq fanlarga ixtisoslashtirilgan maktab

Samarqand davlat universiteti qoshidagi Urgut tumani 3-sonli faoliyati tugatilgan akademik litsey

3.

Toshkent irrigatsiya va qishloq xoʻjaligini mexanizatsiyalash muhandislari instituti huzuridagi aniq fanlarga ixtisoslashtirilgan maktab

Toshkent irrigatsiya va qishloq xoʻjaligini mexanizatsiyalash muhandislari instituti qoshidagi faoliyati tugatilgan Yunusobod akademik litseyi

4.

Qarshi muhandislik-iqtisodiyot instituti huzuridagi aniq va tabiiy fanlarga ixtisoslashtirilgan maktab

Qarshi muhandislik-iqtisodiyot instituti qoshidagi faoliyati tugatilgan akademik litsey

5.

Toshkent davlat pedagogika universitetining Shahrisabz filiali huzuridagi akademik litsey

Faoliyati tugatilgan Shahrisabz axborot texnologiyalari kasb-hunar kolleji filiali

6.

Toshkent kimyo-texnologiya instituti Yangiyer filiali huzuridagi akademik litsey

Faoliyati tugatilgan Oqoltin sanoat kasb-hunar kolleji

7.

Termiz agrotexnologiyalar va innovatsion rivojlanish instituti huzuridagi akademik litsey

Faoliyati tugatilgan Qiziriq qishloq xoʻjalik va servis kasb-hunar kolleji

8.

Toshkent davlat texnika universiteti Olmaliq filiali huzuridagi akademik litsey

Faoliyati tugatilgan Angren xizmat koʻrsatish kasb-hunar kolleji