Oʻzbekiston Respublikasining Soliq kodeksi, “Oʻzbekiston Respublikasining Markaziy banki toʻgʻrisida”gi va “Faoliyatning ayrim turlarini litsenziyalash toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2008-yil 19-apreldagi 10/3-sonli qarori (roʻyxat raqami 1815, 2008-yil 22-may) (Oʻzbekiston Respublikasi qonun hujjatlari toʻplami, 2008-yil, 20-21-son, 195-modda) bilan tasdiqlangan Kredit uyushmalarini tugatish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 65-bandning yettinchi xatboshisidagi “boshqa majburiy toʻlovlar” degan soʻzlar “yigʻimlar” degan soʻzga almashtirilsin.

2. 67-bandning ikkinchi xatboshisi quyidagi tahrirda bayon etilsin:

“Tugatish natijasida faoliyati tugatilgan kredit uyushmalari toʻgʻrisidagi eʼlon ommaviy axborot vositalarida chop etiladi hamda Markaziy bankning rasmiy veb-saytida eʼlon qilinadi.”.