Oʻzbekiston Respublikasi Prezidentining 2019-yil 20-noyabrdagi PQ-4525-son “Mamlakatda biznes muhitini yanada yaxshilash va tadbirkorlikni qoʻllab-quvvatlash tizimini takomillashtirish chora-tadbirlari toʻgʻrisida”gi qaroriga muvofiq, Oʻzbekiston Respublikasi Energetika vazirligi, Qishloq xoʻjaligi vazirligi, Suv xoʻjaligi vazirligi va Transport vazirligi qaror qiladi:

1. Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi, Qishloq va suv xoʻjaligi vazirligi hamda Oʻzbekiston avtomobil va daryo transporti agentligining 2009-yil 25-dekabrdagi 01/07-1220, 7/2, 1/141-son qarori (roʻyxat raqami 2072, 2010-yil 23-yanvar) (Oʻzbekiston Respublikasi qonun hujjatlari toʻplami, 2010-y., 3-4-son, 30-modda) bilan tasdiqlangan Ruxsatnomalar, tarqatish vedomostlari va limit kitobchalari boʻyicha avtotransport vositalariga yonilgʻi quyish uchun neft mahsulotlari, suyultirilgan va siqilgan tabiiy gazni berish qoidalariga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 6-band quyidagi tahrirda bayon etilsin:

“6. Neft mahsulotlarini berish ruxsatnomasi mahsulot yetkazib beruvchining rahbari yoki unga vakolatli shaxs tomonidan imzolanadi, shuningdek mahsulot yetkazib beruvchining rahbari tomonidan tasdiqlanadigan roʻyxatga binoan buxgalteriya va marketing boʻlimi xodimlari tomonidan mazkur Qoidalarning 5-ilovasiga muvofiq shakldagi ruxsatnomalar berish reyestriga kiritiladi hamda isteʼmolchiga va yonilgʻi quyish shoxobchasiga taqdim qilinadi.”.

2. 10-band quyidagi tahrirda bayon etilsin:

“10. Gaz berish ruxsatnomasi mahsulot yetkazib beruvchining rahbari yoki unga vakolatli shaxs tomonidan imzolanadi, mahsulot yetkazib beruvchining rahbari tomonidan tasdiqlanadigan roʻyxatga muvofiq buxgalteriya va marketing boʻlimi xodimlari tomonidan mazkur Qoidalarning 7-ilovasiga muvofiq shakldagi ruxsatnomalar berish reyestrida rasmiylashtiriladi.”.

3. 12-band quyidagi tahrirda bayon etilsin:

“12. Haydovchining yoʻl varaqasi avtotransport vositasiga yonilgʻi quyish uchun asos hisoblanadi va yoʻl varaqasining “yonilgʻi berilsin” satrida berilishi lozim boʻlgan neft mahsulotining miqdori soʻz bilan yozib koʻrsatiladi.”.

4. 19-band quyidagi tahrirda bayon etilsin:

“19. Haydovchining yoʻl varaqasi avtotransport vositasiga yonilgʻi quyish uchun asos hisoblanadi va yoʻl varaqasining “yonilgʻi berilsin” satrida gaz miqdori soʻz bilan yozib koʻrsatiladi.”.

5. 41-bandning ikkinchi xatboshisi quyidagi tahrirda bayon etilsin:

“Kitoblar raqamlangan, tikilgan, mahsulot yetkazib beruvchining rahbari va bosh buxgalteri tomonidan imzolangan boʻlishi lozim. Blankalarni roʻyxatga olish kitobidagi ularning kirim qilinganligi va hisobdan chiqarilganligi boʻyicha yozuv rasmiylashtirish kuni amalga oshiriladi.”.

6. 4-ilovadan “M.Oʻ.” qisqartmasi va “muhr oʻrni” degan soʻzlar chiqarib tashlansin.