Vazirlar Mahkamasining Istiqbolni belgilash va statistika davlat qoʻmitasi huzuridagi Tovar bozorlari konʼyunkturasini oʻrganish markazi tomonidan xalq isteʼmol mollari va oziq-ovqatlarni, korxonalar va tashkilotlarning ishlab chiqarish ehtiyojlari uchun xomashyo, materiallar va mahsulotlarni import boʻyicha xarid qilishda maqbul variantlarni tanlashga oid konsalting xizmatlari koʻrsatish bilan bogʻliq vazifalarni hal etish, shuningdek ular boʻyicha tavsiyalar ishlab chiqish va berish maqsadida Vazirlar Mahkamasi qaror qiladi:

1. Tovar bozorlari konʼyunkturasini oʻrganish markazi Oʻzbekiston Respublikasi Vazirlar Mahkamasining Istiqbolni belgilash va statistika davlat qoʻmitasi huzuridagi Tovar bozorlari konʼyunkturasini oʻrganish respublika markaziga aylantirilsin.

2. Quyidagilar:

“Oʻzistiqbolstat” davlat qoʻmitasi huzuridagi Tovar bozorlari konʼyunkturasini oʻrganish respublika markazi toʻgʻrisidagi Nizom 1-ilovaga muvofiq;

Respublika markazining tuzilmasi va 21 nafardan iborat shtatdagi xodimlari soni (xizmat koʻrsatuvchi xodimlardan tashqari), shu jumladan 6 nafar xodim qoʻshimcha ravishda ajratiladi, 2-ilovaga muvofiq tasdiqlansin.

3. Oʻzbekiston Respublikasi Moliya vazirligi yangi tashkil etilayotgan boʻlinmalar xarajatlari uchun qoʻshimcha mablagʻ ajratsin.

Belgilansinki, Respublika markazi 1998-yil 1-yanvardan boshlab oʻz moliyaviy taʼminoti va faoliyat koʻrsatishi bilan bogʻliq barcha xarajatlarning 50 foizini xoʻjalik hisobi mablagʻlari hisobidan taʼminlaydi.

4. “Oʻzistiqbolstat” davlat qoʻmitasi bir oy muddatda Respublika markazining yangi tashkil etilgan boʻlimlarini yuqori malakali mutaxassislar bilan taʼminlasin.

6. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining Istiqbolni belgilash va statistika davlat qoʻmitasi huzurida Tovar bozorlari konʼyunkturasini oʻrganish markazini tashkil etish toʻgʻrisida” 1996-yil 23-yanvardagi 35-son qarorining 1-bandi, 3-bandining birinchi xatboshi va 6-bandining ikkinchi xatboshi oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ. Q. Ismoilov zimmasiga yuklansin.

1. Oʻzbekiston Respublikasi Vazirlar Mahkamasining Istiqbolni belgilash va statistika davlat qoʻmitasi huzuridagi Tovar bozorlari konʼyunkturasini oʻrganish respublika markazi (keyingi oʻrinlarda — Markaz) tovar bozorlarini muntazam oʻrganish, isteʼmol bozorining qisqa muddatli prognozlarini ishlab chiqish, uni toʻldirish chora-tadbirlarini belgilash, xalq isteʼmol tovarlarini va oziq-ovqatlarni hamda ishlab chiqarish maqsadlaridagi xom ashyo, materiallar va mahsulotlarni import boʻyicha xarid qilishda maqbul variantni tanlashga oid konsalting xizmatlari koʻrsatish maqsadida tashkil etilgan.

2. Markaz mustaqil yuridik shaxs hisoblanadi, alohida mol-mulkka, mustaqil balansga, bank muassasalarida hisob-kitob va valyuta schyotlariga, dumaloq muhrga, oʻz nomi yozilgan ish qogʻozlari va shtampga ega boʻladi.

3. Markaz oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Prezidentining farmonlariga, Vazirlar Mahkamasining qarorlari va farmoyishlariga, “Oʻzistiqbolstat” davlat qoʻmitasining qarorlari va buyruqlariga, shuningdek mazkur Nizomga amal qiladi.

4. Markaz:

davlat tilida — Tovar bozorlari konʼyunkturasini oʻrganish respublika markazi (qisqartirilgan holda — TBKOʻM);

rus tilida — Respublikanskiy sentr po izucheniyu konʼyunkturi tovarnix rinkov (qisqartirilgan holda — SIKTR) deb ataladi.

5. Markaz oʻz faoliyatini “Oʻzistiqbolstat” davlat qoʻmitasining topshiriqlari va buyurtmalari, korxonalar va tashkilotlarning isteʼmol tovarlari va ishlab chiqarish maqsadlaridagi mahsulotlar importini ekspertiza qilish yuzasidan tavsiyanomalarga bergan buyurtmalari, shuningdek ilmiy maqsadlardagi mahsulotlar (ishlar, xizmatlar) foydalanuvchilari bilan tuziladigan shartnomalar asosida amalga oshiradi.

1. Quyidagilar Markazning asosiy vazifalari va faoliyat yoʻnalishlari hisoblanadi:

umuman respublika va hududlar boʻyicha isteʼmol bozori konʼyunkturasini oʻrganish;

isteʼmol tovarlarining ayrim turlari bozorlari konʼyunkturasini va nomenklaturasini oʻrganishi;

umuman va tovarlarning asosiy guruhlari boʻyicha isteʼmol bozorining ahvoli toʻgʻrisidagi oylik tahliliy maʼlumotnomalar va choraklik konʼyunktura sharhlarini tayyorlash;

isteʼmol bozorini aholining talabi yuqori boʻlgan tovarlar bilan toʻldirishga doir tavsiyalar va takliflarni tayyorlash;

isteʼmol bozorining qisqa muddatli prognozlarini ishlab chiqish;

vazirliklar, idoralar, xoʻjalik birlashmalarining va mulkchilik shakllaridan qatʼi nazar, korxonalarning, shu jumladan xorijiy sarmoya ishtirokidagi korxonalarning buyurtmalari boʻyicha shartnoma asosida marketing konʼyunktura tadqiqotlarini oʻtkazish;

kontraktlar tuzilayotganda, korxonalar, tashkilotlar va firmalar uchun xalq isteʼmol mollari va oziq-ovqat, shuningdek ishlab chiqarish ehtiyojlari uchun xom ashyo, materiallar va mahsulotlarni import qilishning maqbul variantini tanlash yuzasidan, shu jumladan xarid qilishning maqsadga muvofiqligi toʻgʻrisida qarorlar qabul qilish uchun tavsiyalar berish;

korxonalar, tashkilotlar va firmalarning buyurtmalari boʻyicha isteʼmol tovarlari va ishlab chiqarish maqsadlaridagi mahsulotlar importining, xarid qilish-sotishning maqbul variantini tanlash boʻyicha marketing va maslahat xizmatlari koʻrsatish.

2. Markaz asosiy vazifalari va faoliyat yoʻnalishlariga muvofiq:

tovar bozorlari konʼyunkturasini oʻrganish sohasida ilmiy-tadqiqot ishlarini bajaradi, shuningdek tarmoq va xalqaro loyihalarda qatnashadi;

qoʻshma seminarlar, simpoziumlar tashkil etadi va oʻtkazadi, shuningdek xalqaro tashkilotlar, xorijiy mamlakatlarning tashkilotlari va alohida xorijiy fondlar va firmalar bilan birgalikda marketing va konʼyunktura sohasida tadqiqot dasturlarini amalga oshiradi;

marketing va konʼyunktura tadqiqotlari boʻyicha uslubiy tavsiyalarni ishlab chiqadi;

korxonalar va tashkilotlarning rahbarlari, aholi bilan bozor konʼyunkturasini, talab va taklifni oʻrganish masalalari boʻyicha savol-javob oʻtkazishni va boshqa sotsiologik soʻrovlar oʻtkazishni tashkil etadi va amalga oshiradi, “Oʻzistiqbolstat” davlat qoʻmitasi Bosh hisoblash markazi va uning hududiy organlari xodimlarini, shuningdek, intervyu beruvchilar va respondentlarni shartnoma asosida jalb etadi;

“Oʻzistiqbolstat” davlat qoʻmitasi, respublika ilmiy-tadqiqot tashkilotlari bilan birgalikda yirik ijtimoiy-iqtisodiy muammolarni hal etish uchun prognoz hujjatlarni, kompleks va maqsadli milliy dasturlarni ishlab chiqishda qatnashadi;

tovar bozorlari konʼyunkturasini oʻrganish sohasidagi xorijiy tajribani oʻrganadi va umumlashtiradi;

tovar bozorlarini toʻldirishni taʼminlashning muhim muammolarini hal etish maqsadida respublika va xorijiy mamlakatlarning ilmiy-tadqiqot tashkilotlari bilan ilmiy hamkorlik qiladi;

tovar bozorlari konʼyunkturasini oʻrganish muammolari boʻyicha kengashlar, kurslar va maslahatlashuvlar tashkil etadi;

davlat organlari, chet tashkilotlar va firmalarning buyurtmalari boʻyicha tahliliy sharhlarni, shuningdek tovar bozorlari konʼyunkturasiga oid maʼlumotnomalarni tayyorlaydi;

shakllanayotgan konʼyunkturadan kelib chiqqan holda tovarlarning aniq turlarini respublikaga keltirishning maqsadga muvofiqligini baholash yuzasidan tahliliy ishlarni amalga oshiradi va tegishli tavsiyalar tayyorlaydi;

1. Markaz vazifalarni bajarish uchun quyidagi huquqlarga ega:

aholi hamda korxonalar va tashkilotlar rahbarlari oʻrtasida tekshiruvlar va sotsiologik soʻrovlar oʻtkazish;

Markaz ishi sohasi boʻyicha zarur boʻlgan noshirlik faoliyatini amalga oshirish, maʼlumotnomalar, konʼyunkturaviy sharhlar va boshqa zarur axborot materiallarini chop etish;

Markaz faoliyati xususiyatidan kelib chiquvchi maslahat, axborot xizmati va xizmatlarning boshqa turlarini koʻrsatish;

isteʼmol bozoriga va ishlab chiqarish-texnika maqsadlaridagi mahsulotlar bozoriga xizmat koʻrsatuvchi korxonalar, firmalar va tashkilotlarning investitsiya loyihalarini va biznes-rejalarini ishlab chiqish va ekspertizaga qabul qilish;

Markaz filiallarini, kichik va qoʻshma korxonalar, vaqtinchalik va joriy qiluvchi jamoalarni hamda Markaz faoliyatini yaxshilashga yordam beruvchi boshqa boʻlinmalarni tashkil etish;

Markazning asosiy faoliyati bilan bogʻliq muammolarni yanada chuqurroq tahlil etish uchun, asosiy vazifalarga zarar yetkazmagan holda, konkurs grantlari, chet, shu jumladan xalqaro va xorijiy tashkilotlar, fondlar va firmalar buyurtmalari tomonidan mablagʻ bilan taʼminlanadigan ilmiy-tadqiqot ishlarini bajarish;

isteʼmol bozorini va ishlab chiqarish maqsadlaridagi mahsulotlar bozorini toʻldirishga yordam beruvchi kontraktlar tuzishga shartnoma asosida koʻmaklashish;

Markazning faoliyat sohasi boʻyicha, shu jumladan Markaz faoliyati yoʻnalishlari boʻyicha xorijiy tadqiqot markazlari va eksport qiluvchilar bilan toʻgʻridan toʻgʻrialoqalar boʻyicha tashqi iqtisodiy faoliyatni amalga oshirish;

Markazga yuklangan vazifalarni bajarish uchun, mulkchilik shakllaridan qatʼi nazar, respublika korxonalari va tashkilotlaridan statistika, ilmiy va boshqa axborotlarni hamda hujjatlarni toʻsqinliksiz olish;

Markazning asosiy vazifalarini bajarish boʻyicha normal faoliyati uchun zarur boʻlgan texnik vositalar, asbob-uskunalar, nou-xau va boshqa mahsulotlarni sotib olish;

vatanimizning buyurtmachilari va xorijiy sheriklar va buyurtmachilar bilan marketing va konʼyunktura tadqiqotlari oʻtkazish uchun shartnomalar tuzish;

isteʼmol tovarlari va ishlab chiqarish maqsadlaridagi mahsulotlarni import qilishning maqbul variantini tanlash yuzasidan tavsiyalar ishlab chiqish va berish tartibini belgilash;

Markazning ish sohasi boʻyicha reklama faoliyatini amalga oshirish;

Markazning faoliyat yoʻnalishlari boʻyicha kengashlar, simpoziumlar va konferensiyalar tashkil etish;

muhim ijtimoiy-iqtisodiy muammolarni hal etish maqsadida respublika va xorijiy mamlakatlar ilmiy-tadqiqot tashkilotlari bilan ilmiy hamkorlik qilish, Markaz sohasi boʻyicha oʻzaro uzviy reja va dasturlar boʻyicha ular bilan birgalikda tadqiqotlar oʻtkazish;

konʼyunktura sharhlari va ilmiy-uslubiy adabiyotlar ayirboshlash hamda boshqa oʻxshash soha tashkilotlari bilan hamkorlik qilish;

ilmiy xodimlar tayyorlashni va stajirovkalar, shuningdek mutaxassislarni xorijiy mamlakatlarga joʻnatish orqali ularning malakasini oshirishni tashkil etish;

xayriya jamgʻarmalari va boshqa tashkilotlarning homiylik yordamini olish.

2. Markaz:

isteʼmol bozorining ahvoli toʻgʻrisidagi konʼyunktura sharhlari va tahliliy maʼlumotnomalar oʻz vaqtida tayyorlanishini;

ham “Oʻzistiqbolstat” davlat qoʻmitasi uchun, ham chet tashkilotlarning buyurtmalari boʻyicha bajariladigan tahliliy ishlanmalarning sifati va ilmiy darajasini;

korxonalar va tashkilotlarning buyurtmalari boʻyicha isteʼmol tovarlarining aniq turlarini va ishlab chiqarish maqsadlaridagi mahsulotlarni import qilishning maqbulligi va maqsadga muvofiqligi toʻgʻrisida tavsiyalarning oʻz vaqtida tayyorlanishini;

isteʼmol bozori konʼyunkturasi qisqa muddatli prognozlarining iqtisodiy asoslanganligini;

isteʼmol tovarlari va ishlab chiqarish maqsadlaridagi mahsulotlar importining maqbul variantlarini tanlash yuzasidan buyurtmachilar oldidagi majburiyatlarning soʻzsiz bajarilishini taʼminlashga majburdir.

1. Markaz direktori “Oʻzistiqbolstat” davlat qoʻmitasi raisi tomonidan lavozimiga tayinlanadi va “Oʻzistiqbolstat” davlat qoʻmitasi hayʼati tomonidan tasdiqlanadi.

2. Markaz direktori amaldagi qonunchilikka, mazkur Nizomga, “Oʻzistiqbolstat” davlat qoʻmitasining buyruqlari hamda qoʻmita hayʼati karorlariga asosan rahbarlikni amalga oshiradi va Markazning faoliyati uchun shaxsan javob beradi.

3. Direktor:

Markaz tomonidan amalga oshirilayotgan ishlanmalarning yuksak ilmiy-uslubiy darajasi va sifatini;

isteʼmol bozori konʼyunkturasini tahlil etish va prognoz qilish uchun Markaz mutaxassislari malaka darajasining doimiy oʻsib borishini;

Markaz mutaxassislariga nisbatan qoʻyiladigan malaka talablari ishlab chiqilishini va tasdiqlanishini, ularning vakolatlari va funksional vazifalari belgilanishini;

ijtimoiy rivojlanish, xodimlarning mehnat va turmush sharoitlarini yaxshilash masalalari hal etilishini taʼminlashga majburdir.

4. Markaz direktori quyidagi huquqlarga egadir:

Markaz faoliyatini oʻzi ishlab chiqqan va “Oʻzistiqbolstat” davlat qoʻmitasi hayʼati tomonidan tasdiqlangan joriy va istiqbol rejalari hamda dasturlar asosida shtatdagi va shtatda boʻlmagan mutaxassislar kuchi bilan mustaqil ravishda belgilash va amalga oshirish;

Markaz xodimlarining lavozim maoshiga 70 foizgacha miqdorda shaxsiy ustamalar belgilash va shaxsiy ustamalarni olib tashlash;

Markaz sohasiga mos boʻlgan tashabbus va qidiruv tariqasidagi tadqiqotlar mavzuini ishlab chiqish;

mamlakatimizdagi va xorijdagi muassasalar va tashkilotlarda Markaz manfaatlarini ifodalash;

Markaz mulki va mablagʻlarini boshqarish;

yuridik va jismoniy shaxslar bilan, shu jumladan xorijiy yuridik va jismoniy shaxslar bilan shartnomalar tuzish;

Markaz faoliyatini taʼminlash uchun boshqa xoʻjalik masalalarini hal etish;

Direktor oʻrinbosarining va tarkibiy boʻlinmalar rahbarlarining shaxsiy javobgarlik darajasini belgilash.

1. Markaz faoliyatini mablagʻ bilan taʼminlash davlat budjeti mablagʻlari, shartnoma asosida bajariladigan ishlar uchun xoʻjalik hisobi faoliyatidan olingan mablagʻlar hisobidan amalga oshiriladi.

2. Markaz mulki asosiy fondlar va aylanma mablagʻlar, shuningdek, qiymati uning mustaqil balansida aks ettiriladigan boshqa boyliklardan tashkil topadi.

3. Davlat budjeti mablagʻlari, shuningdek, mahsulotlar sotishdan va shartnoma asosida bajariladigan ishlardan olingan daromadlar hamda Oʻzbekiston Respublikasi qonun hujjatlari bilan taqiqlanmagan boshqa manbalar Markaz mulkini shakllantirish manbalari hisoblanadi.

4. Shartnoma asosida bajarilgan ishlar uchun Markaz tomonidan olingan foyda va isteʼmol tovarlari va ishlab chiqarish-texnika maqsadlaridagi mahsulotlar importi boʻyicha kontraktlar ekspertizasini amalga oshirganlik uchun olingan mablagʻlar Markaz mablagʻlarini tashkil etadi. Ular asosiy fondlarni sotib olishga va aylanma mablagʻlarni toʻldirishga, shuningdek ijtimoiy rivojlantirishga va moddiy ragʻbatlantirishga yoʻnaltirilishi mumkin.

1. Markaz belgilangan tartibda buxgalteriya hisobini yuritadi va davlat hisobotini taqdim etadi.

2. Markazni qayta tashkil etish va tugatish qonun bilan belgilangan tartibda amalga oshiriladi.