1-modda. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasining Davlat bayrogʻi toʻgʻrisida”gi 407-XII-sonli Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 27-modda; Oʻzbekiston Respublikasi Oliy Majlisining Axborotnomasi, 1999-yil, № 5, 124-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2010-yil, № 12, 473-modda; 2017-yil, № 9, 510-modda; 2019-yil, № 2, 47-modda) 5-moddasining birinchi qismiga quyidagi qoʻshimcha va oʻzgartishlar kiritilsin:

1-band:

quyidagi mazmundagi yettinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmatining”;

yettinchi — oʻn toʻrtinchi xatboshilari tegishincha sakkizinchi — oʻn beshinchi xatboshilar deb hisoblansin;

2-band:

quyidagi mazmundagi sakkizinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmatining”;

sakkizinchi — oʻn beshinchi xatboshilari tegishincha toʻqqizinchi — oʻn oltinchi xatboshilar deb hisoblansin;

3-band:

quyidagi mazmundagi oʻninchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmati raisining”;

oʻninchi — oʻn oltinchi xatboshilari tegishincha oʻn birinchi — oʻn yettinchi xatboshilar deb hisoblansin.

2-modda. Oʻzbekiston Respublikasining 1992-yil 13-yanvarda qabul qilingan “Aholini ish bilan taʼminlash toʻgʻrisida”gi 510-XII-sonli Qonuniga (Oʻzbekiston Respublikasining 1998-yil 1-mayda qabul qilingan 616-I-sonli Qonuni tahririda) (Oʻzbekiston Respublikasi Oliy Majlisining Axborotnomasi, 1998-yil, № 5-6, 97-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 5, 89-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 6, 260-modda; 2009-yil, № 12, 470-modda; 2013-yil, № 10, 263-modda; 2014-yil, № 1, 2-modda; 2016-yil, № 12, 383-modda; 2018-yil, № 1, 1-modda, № 7, 431-modda, № 10, 677-modda; 2019-yil, № 2, 47-modda, № 5, 261-modda) quyidagi qoʻshimcha va oʻzgartishlar kiritilsin:

1) 2-modda toʻrtinchi qismining oltinchi xatboshisi “Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

2) 30-modda:

nomidagi “va Davlat xavfsizlik xizmati” degan soʻzlar “Davlat xavfsizlik xizmati va Oʻzbekiston Respublikasi Prezidenti davlat xavfsizlik xizmati” degan soʻzlar bilan almashtirilsin;

birinchi va ikkinchi qismlaridagi “va Davlat xavfsizlik xizmati” degan soʻzlar “Davlat xavfsizlik xizmati va Oʻzbekiston Respublikasi Prezidenti davlat xavfsizlik xizmati” degan soʻzlar bilan almashtirilsin.

3-modda. Oʻzbekiston Respublikasining 1992-yil 2-iyulda qabul qilingan “Oʻzbekiston Respublikasi Davlat gerbi toʻgʻrisida”gi 616-XII-sonli Qonuni (Oʻzbekiston Respublikasi Oliy Kengashining Axborotnomasi, 1992-yil, № 9, 328-modda; Oʻzbekiston Respublikasi Oliy Majlisining Axborotnomasi, 1999-yil, № 5, 124-modda; 2003-yil, № 5, 67-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2010-yil, № 12, 473-modda; 2017-yil, № 9, 510-modda; 2018-yil, № 4, 224-modda; 2019-yil, № 2, 47-modda) 4-moddasining birinchi qismiga quyidagi qoʻshimcha va oʻzgartishlar kiritilsin:

1-band:

quyidagi mazmundagi yettinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmatining”;

yettinchi — oʻn beshinchi xatboshilari tegishincha sakkizinchi — oʻn oltinchi xatboshilar deb hisoblansin;

2-band:

quyidagi mazmundagi sakkizinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmatining”;

sakkizinchi — oʻn beshinchi xatboshilari tegishincha toʻqqizinchi — oʻn oltinchi xatboshilar deb hisoblansin;

3-band:

quyidagi mazmundagi oʻninchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmati raisining”;

oʻninchi — oʻn oltinchi xatboshilari tegishincha oʻn birinchi — oʻn yettinchi xatboshilar deb hisoblansin;

5-band:

quyidagi mazmundagi sakkizinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmati organlarining”;

sakkizinchi — oʻn sakkizinchi xatboshilari tegishincha toʻqqizinchi — oʻn toʻqqizinchi xatboshilar deb hisoblansin.

4-modda. Oʻzbekiston Respublikasining 1993-yil 2-sentabrda qabul qilingan “Sudlar toʻgʻrisida”gi 924-XII-sonli Qonuni (Oʻzbekiston Respublikasining 2000-yil 14-dekabrda qabul qilingan 162-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 1-2, 10-modda; 2002-yil, № 1, 20-modda; 2004-yil, № 1-2, 18-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 249-modda, № 7, 324-modda; 2009-yil, № 12, 470-modda; 2011-yil, № 4, 104-modda; 2012-yil, № 9/2, 244-modda; 2014-yil, № 1, 2-modda; 2017-yil, № 3, 47-modda, № 4, 136-modda; 2018-yil, № 7, 431-modda, № 10, 672-modda; 2019-yil, № 2, 47-modda, № 5, 261-modda) 41-moddasining ikkinchi xatboshisi “Davlat xavfsizlik xizmatining” degan soʻzlardan keyin “Oʻzbekiston Respublikasi Prezidenti davlat xavfsizlik xizmatining” degan soʻzlar bilan toʻldirilsin.

5-modda. Oʻzbekiston Respublikasining 1994-yil 5-mayda qabul qilingan 1044-XII-sonli Qonuni bilan tasdiqlangan “Jasorat” medali toʻgʻrisidagi nizomga (Oʻzbekiston Respublikasi Oliy Kengashining Axborotnomasi, 1994-yil, № 5, 119-modda; Oʻzbekiston Respublikasi Oliy Majlisining Axborotnomasi, 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2019-yil, № 2, 47-modda) quyidagi qoʻshimchalar kiritilsin:

1) 3-band “Oʻzbekiston Respublikasi Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

2) 4-band “Oʻzbekiston Respublikasi Davlat xavfsizlik xizmati raisi” degan soʻzlardan keyin “Oʻzbekiston Respublikasi Prezidenti davlat xavfsizlik xizmati raisi” degan soʻzlar bilan toʻldirilsin.

6-modda. Oʻzbekiston Respublikasining 1994-yil 22-sentabrda qabul qilingan 2013-XII-sonli Qonuni bilan tasdiqlangan Oʻzbekiston Respublikasining Jinoyat-protsessual kodeksiga (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11, 23-moddalar, № 9-10, 165, 182-moddalar; 2002-yil, № 9, 165-modda; 2003-yil, № 5, 67-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2006-yil, № 6, 261-modda; 2007-yil, № 4, 166-modda, № 6, 248, 249-moddalar, № 9, 422-modda, № 12, 594, 595, 607-moddalar; 2008-yil, № 4, 177, 187-moddalar, № 9, 482, 484, 487-moddalar, № 12, 636, 641-moddalar; 2009-yil, № 1, 1-modda, № 4, 136-modda, № 9, 335-modda, № 12, 469, 470-moddalar; 2010-yil, № 6, 231-modda, № 9, 334, 336, 337, 342-moddalar, № 12, 477-modda; 2011-yil, № 4, 103, 104-moddalar, № 9, 252-modda, № 12/2, 363-modda; 2012-yil, № 1, 3-modda, № 9/2, 244-modda, № 12, 336-modda; 2014-yil, № 9, 244-modda; 2015-yil, № 8, 310, 312-moddalar, № 12, 452-modda; 2016-yil, № 4, 125-modda, № 9, 276-modda, № 12, 385-modda; 2017-yil, № 3, 47-modda, № 6, 300-modda, № 9, 506, 510-moddalar, № 10, 605-modda; 2018-yil, № 1, 1, 5-moddalar, № 4, 218, 224-moddalar, № 7, 430, 431-moddalar, № 10, 679-modda; 2019-yil, № 1, 3, 5-moddalar, № 2, 47-modda, № 3, 161-modda, № 5, 259, 267-moddalar, № 7, 386-modda) quyidagi qoʻshimchalar va oʻzgartish kiritilsin:

1) 39¹-modda:

birinchi qismi quyidagi mazmundagi 14-band bilan toʻldirilsin:

“14) Oʻzbekiston Respublikasi Prezidenti davlat xavfsizlik xizmati — uning yurituviga taalluqli ishlar boʻyicha”;

ikkinchi qismining ikkinchi jumlasi “davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

2) 78-moddaning ikkinchi qismi “davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

3) 313-moddaning matni quyidagi tahrirda bayon etilsin:

“Reabilitatsiya qilingan harbiy xizmatchilarning xizmatga oid, pensiya olish, uy-joydan foydalanish va boshqa shaxsiy hamda mulkiy huquqlarini tiklash va ularga yetkazilgan mulkiy zararning oʻrnini qoplash, maʼnaviy ziyon oqibatlarini bartaraf etish ushbu bobda belgilangan qoidalarga muvofiq va Oʻzbekiston Respublikasi Bosh prokurori, mudofaa vaziri, ichki ishlar vaziri, Davlat xavfsizlik xizmati raisi, Oʻzbekiston Respublikasi Prezidenti davlat xavfsizlik xizmati raisi va Oʻzbekiston Respublikasi Milliy gvardiyasining qoʻmondoni tomonidan belgilanadigan tartibda amalga oshiriladi”.

7-modda. Oʻzbekiston Respublikasining 1995-yil 30-avgustda qabul qilingan 116-I-sonli Qonuni bilan tasdiqlangan “Shon-sharaf” ordeni toʻgʻrisidagi nizomga (Oʻzbekiston Respublikasi Oliy Majlisining Axborotnomasi, 1995-yil, № 9, 191-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2019-yil, № 2, 47-modda) quyidagi qoʻshimchalar kiritilsin:

1) 4-band “Oʻzbekiston Respublikasi Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

2) 5-band “Oʻzbekiston Respublikasi Davlat xavfsizlik xizmati raisi” degan soʻzlardan keyin “Oʻzbekiston Respublikasi Prezidenti davlat xavfsizlik xizmati raisi” degan soʻzlar bilan toʻldirilsin.

8-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuniga (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda) quyidagi qoʻshimchalar kiritilsin:

1) 12-moddaning birinchi qismi “Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

2) 14-moddaning ikkinchi qismi “Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin.

9-modda. Oʻzbekiston Respublikasining 1996-yil 29-avgustda qabul qilingan “Fuqarolar sogʻligʻini saqlash toʻgʻrisida”gi 265-I-sonli Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 128-modda; 1999-yil, № 5, 124-modda; 2001-yil, № 5, 89-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2007-yil, № 10, 473-modda; 2010-yil, № 5, 177-modda; 2016-yil, № 12, 383-modda; 2017-yil, № 6, 300-modda; 2018-yil, № 1, 1-modda; 2019-yil, № 2, 47-modda, № 5, 265-modda) 38-moddasining birinchi qismidagi “ichki ishlar va Davlat xavfsizlik xizmati” degan soʻzlar “ichki ishlar, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati” degan soʻzlar bilan almashtirilsin.

10-modda. Oʻzbekiston Respublikasining 2000-yil 15-dekabrda qabul qilingan “Terrorizmga qarshi kurash toʻgʻrisida”gi 167-II-sonli Qonuniga (Oʻzbekiston Respublikasi Oliy Majlisining Axborotnomasi, 2001-yil, № 1-2, 15-modda; 2004-yil, № 5, 90-modda; Oʻzbekiston Respublikasi Oliy Majlisi palatalarining Axborotnomasi, 2015-yil, № 8, 310-modda; 2016-yil, № 4, 125-modda; 2019-yil, № 1, 5-modda, № 2, 47-modda) quyidagi qoʻshimcha va oʻzgartishlar kiritilsin:

1) 8-moddaning:

birinchi qismi quyidagi mazmundagi toʻrtinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmati”;

toʻrtinchi — sakkizinchi xatboshilari tegishincha beshinchi — toʻqqizinchi xatboshilar deb hisoblansin.

2) 9-moddaning:

sakkizinchi xatboshisi chiqarib tashlansin;

toʻqqizinchi — oʻn birinchi xatboshilari tegishincha sakkizinchi — oʻninchi xatboshilar deb hisoblansin;

3) quyidagi mazmundagi 9²-modda bilan toʻldirilsin:

Oʻzbekiston Respublikasi Prezidenti davlat xavfsizlik xizmati:

Oʻzbekiston Respublikasi Prezidenti, uning oila aʼzolari, shuningdek Oʻzbekiston Respublikasi hududida boʻlgan davrda qoʻriqlanishi lozim boʻlgan chet davlatlar va hukumatlar boshliqlarining, xalqaro tashkilotlar rahbarlarining va boshqa shaxslarning xavfsizligini hamda shaxsiy daxlsizligini taʼminlaydi;

qoʻriqlanuvchi shaxslarning doimiy va vaqtinchalik tashrif buyuradigan joylari, shuningdek harakatlanish yoʻnalishlari xavfsizligini taʼminlaydi;

qonun hujjatlariga muvofiq boshqa vakolatlarni amalga oshiradi”.

11-modda. Oʻzbekiston Respublikasining 2001-yil 11-mayda qabul qilingan “Aholini sil kasalligidan muhofaza qilish toʻgʻrisida”gi 215-II-sonli Qonuni (Oʻzbekiston Respublikasi Oliy Majlisining Axborotnomasi, 2001-yil, № 5, 84-modda; Oʻzbekiston Respublikasi Oliy Majlisi palatalarining Axborotnomasi, 2009-yil, № 12, 470-modda; 2013-yil, № 4, 98-modda; 2017-yil, № 10, 605-modda; 2019-yil, № 2, 47-modda) 6-moddasining birinchi qismi “Davlat xavfsizlik xizmatining” degan soʻzlardan keyin “Oʻzbekiston Respublikasi Prezidenti davlat xavfsizlik xizmatining” degan soʻzlar bilan toʻldirilsin.

12-modda. Oʻzbekiston Respublikasining 2002-yil 12-dekabrda qabul qilingan “Umumiy harbiy majburiyat va harbiy xizmat toʻgʻrisida”gi 436-II-sonli Qonuniga (Oʻzbekiston Respublikasi Oliy Majlisining Axborotnomasi, 2002-yil, № 12, 217-modda; 2003-yil, № 9-10, 149-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 6, 262-modda; 2008-yil, № 9, 481-modda, № 12, 630-modda; 2009-yil, № 12, 470-modda; 2016-yil, № 9, 276-modda; 2017-yil, № 6, 300-modda; 2018-yil, № 4, 224-modda, № 7, 431-modda) quyidagi oʻzgartish va qoʻshimchalar kiritilsin:

1) 3-modda:

nomidagi “Harbiy qasamyod” degan soʻzlar “Vatanga qasamyod” degan soʻzlar bilan almashtirilsin;

oltinchi qismi quyidagi tahrirda bayon etilsin:

“Harbiy xizmatga birinchi marta chaqirilgan yoki ixtiyoriy ravishda (kontrakt boʻyicha) kirgan fuqarolar Oʻzbekiston Respublikasi davlat bayrogʻi oldida quyidagi mazmunda Vatanga qasamyod qabul qiladilar:

“Men, (familiyasi, ismi, otasining ismi), Oʻzbekiston Respublikasi Qurolli Kuchlari safiga kirar ekanman, davlatim timsoli boʻlmish muqaddas bayroqni oʻpib, buyuk ajdodlarimning pok ruhlari oldida, vatanim oldidagi burchimni halol bajarishga bel bogʻlab, vijdonim, or-nomus va shaʼnimni oʻrtaga qoʻyib:

Oʻzbekiston Respublikasiga, xalqimga va Prezidentimga bir umr sodiq boʻlishga,

Vatanimning mustaqilligini, uning sarhadlarini, ona xalqimning tinchligi va osoyishtaligini, milliy manfaatlarini soʻnggi nafasimgacha himoya qilishga,

Oʻzbekiston Respublikasiga qarshi qaratilgan har qanday tajovuz va gʻarazli harakatlarga qarshi ayovsiz kurashishga,

Oʻzbekiston Respublikasi Konstitutsiyasiga, qonunlari va umumharbiy nizomlarga qatʼiy amal qilishga, davlat va harbiy sirlarni saqlashga,

Quruqlikda, suvda, havoda — har qanday sharoitda ham oʻz burchimni vijdonan bajarishga,

Har qanday mashaqqatli sinov va qiyinchiliklarda ham el-yurtimning yuksak ishonchini oqlashga tantanali ravishda qasamyod qilaman!”;

yettinchi qismidagi “Harbiy qasamyod” degan soʻzlar “Vatanga qasamyod” degan soʻzlar bilan almashtirilsin;

sakkizinchi qismidagi “Harbiy qasamyod” degan soʻzlar “Vatanga qasamyod” degan soʻzlar bilan almashtirilsin;

2) 5-moddaning ikkinchi qismi quyidagi tahrirda bayon etilsin:

“Muddatli harbiy xizmat muddati kalendar hisobida oʻn ikki oy etib belgilanadi”;

3) 6-moddaning birinchi qismidagi “Muddatli harbiy xizmatni oʻtashga yaroqli” degan soʻzlar “Harbiy xizmatga yaroqli, shu jumladan cheklovlar bilan yaroqli boʻlgan” degan soʻzlar bilan almashtirilsin;

4) 14-modda:

birinchi qismidagi “Oʻzbekiston Respublikasi mudofaasiga koʻmaklashuvchi “Vatanparvar” tashkilotining oʻquv muassasalarida” degan soʻzlar “mudofaa ishlari boshqarmalari huzuridagi chaqiriluvchilarni harbiy-texnika mutaxassisliklari boʻyicha tayyorlash markazlarida (bundan buyon matnda mudofaa ishlari boshqarmalari huzuridagi markazlar deb yuritiladi)” degan soʻzlar bilan almashtirilsin;

uchinchi qismidagi “Oʻzbekiston Respublikasi mudofaasiga koʻmaklashuvchi “Vatanparvar” tashkilotining oʻquv muassasalarida” degan soʻzlar “mudofaa ishlari boshqarmalari huzuridagi markazlarda” degan soʻzlar bilan almashtirilsin;

oltinchi qismi quyidagi tahrirda bayon etilsin:

“Chaqiriluvchilarning mudofaa ishlari boshqarmalari huzuridagi markazlardagi tayyorgarligini moliyalashtirish Mudofaa vazirligi orqali Oʻzbekiston Respublikasi Davlat budjeti mablagʻlari va moliyalashtirishning qonun hujjatlarida nazarda tutilgan boshqa manbalari hisobidan amalga oshiriladi”;

5) 15-moddaning birinchi qismidagi “Oʻzbekiston Respublikasi mudofaasiga koʻmaklashuvchi “Vatanparvar” tashkilotining oʻquv muassasalarida” degan soʻzlar “mudofaa ishlari boshqarmalari huzuridagi markazlarda” degan soʻzlar bilan almashtirilsin;

6) 17-moddaning birinchi qismidagi “Oʻzbekiston Respublikasi mudofaasiga koʻmaklashuvchi “Vatanparvar” tashkilotining oʻquv muassasalarida” degan soʻzlar “Mudofaa ishlari boshqarmalari huzuridagi markazlarda” degan soʻzlar bilan almashtirilsin;

7) 18-moddaning uchinchi qismidagi “oʻn olti yoshga toʻlgan yili aprel — iyun” degan soʻzlar “umumtaʼlim maktabidagi yoki oʻrta-maxsus taʼlim muassasasidagi oxirgi oʻqish yilining aprel-may” degan soʻzlar bilan almashtirilsin;

8) 19-moddaning birinchi qismidagi “fevral-mart” degan soʻzlar “mart-aprel” degan soʻzlar bilan almashtirilsin;

9) 20-moddaning beshinchi qismi:

uchinchi xatboshisi “yaroqliligi” degan soʻzdan keyin “shu jumladan cheklovlar bilan yaroqliligi” degan soʻzlar bilan toʻldirilsin;

quyidagi mazmundagi sakkizinchi xatboshi bilan toʻldirilsin:

“yigirma yetti yoshga toʻlganligi sababli Qurolli Kuchlar zaxirasiga oʻtkazish toʻgʻrisida”;

sakkizinchi xatboshisi toʻqqizinchi xatboshi deb hisoblansin;

10) 21-modda:

quyidagi mazmundagi beshinchi qism bilan toʻldirilsin:

“Oliy taʼlim muassasalaridagi taʼlimning kunduzgi va kechki shaklida tahsil olayotgan talabalar oʻz roziligi bilan safarbarlik chaqiruvi rezervi xizmatiga olinishi mumkin. Bunda talabalar bir oylik harbiy yigʻinlarni oʻtashga iyul-avgustda jalb etiladi”;

beshinchi va oltinchi qismlari tegishincha oltinchi va yettinchi qismlar deb hisoblansin;

11) 25-moddaning beshinchi qismi “ish staji” degan soʻzlardan keyin “Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda belgilangan tartibda” degan soʻzlar bilan toʻldirilsin;

12) 30-moddaning uchinchi qismidagi “urush davridagi” degan soʻzlar “harbiy hisobdan chiqarilgan holda” degan soʻzlar bilan almashtirilsin;

13) 36-moddaning matnidagi “urush davridagi” degan soʻzlar “harbiy hisobdan chiqarilgan holda” degan soʻzlar bilan almashtirilsin;

14) 39-moddaning birinchi qismidagi “Harbiy qasamyod” degan soʻzlar “Vatanga qasamyod” degan soʻzlar bilan almashtirilsin.

13-modda. Oʻzbekiston Respublikasining 2007-yil 6-iyulda qabul qilingan OʻRQ-98-sonli Qonuni bilan tasdiqlangan “Sodiq xizmatlari uchun” medali toʻgʻrisidagi nizomga (Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 250-modda; 2019-yil, № 2, 47-modda) quyidagi qoʻshimchalar kiritilsin:

1) 3-bandi “Oʻzbekiston Respublikasi Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

2) 4-bandi “Oʻzbekiston Respublikasi Davlat xavfsizlik xizmati raisi” degan soʻzlardan keyin “Oʻzbekiston Respublikasi Prezidenti davlat xavfsizlik xizmati raisi” degan soʻzlar bilan toʻldirilsin.

14-modda. Oʻzbekiston Respublikasining 2007-yil 25-dekabrda qabul qilingan OʻRQ-136-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar, № 12, 470, 472, 473-moddalar; 2010-yil, № 5, 178-modda, № 9, 334, 335, 336, 337-moddalar, № 10, 380-modda, № 12, 474-modda; 2011-yil, № 1, 1-modda, № 9, 248-modda, № 12/2, 364, 365-moddalar; 2012-yil, № 4, 106-modda, № 9/1, 238-modda, № 12, 334, 336-moddalar; 2013-yil, № 10, 263-modda, № 12, 349-modda; 2014-yil, № 1, 2-modda, № 9, 244-modda, № 12, 341, 343-moddalar; 2015-yil, № 8, 312-modda, № 12, 452, 454-moddalar; 2016-yil, № 4, 125-modda, № 9, 276-modda, № 12, 383, 384, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda, № 12, 772, 773-moddalar; 2018-yil, № 1, 1, 4-moddalar, № 4, 224-modda, № 7, 431, 433-moddalar, № 10, 676-modda, № 12, 781, 783-moddalar; 2019-yil, № 1, 1, 2, 3-moddalar, № 2, 47-modda, № 3, 161, 166-moddalar) quyidagi oʻzgartish va qoʻshimchalar kiritilsin:

1) 172-modda ikkinchi qismining toʻrtinchi xatboshisi quyidagi tahrirda bayon etilsin:

“Oʻzbekiston Respublikasi mudofaa, ichki ishlar, favqulodda vaziyatlar vazirliklarining, Oʻzbekiston Respublikasi Davlat xavfsizlik xizmatining, Oʻzbekiston Respublikasi Prezidenti davlat xavfsizlik xizmatining va Oʻzbekiston Respublikasi Milliy gvardiyasining harbiy xizmatchilariga, ichki ishlar organlarining oddiy askarlar, serjantlar va ofitserlar tarkibiga hamda Oʻzbekiston Respublikasi Davlat bojxona qoʻmitasining xodimlariga xizmatni oʻtashi (xizmat majburiyatlarini bajarishi) munosabati bilan toʻlanadigan pul taʼminoti, pul mukofotlari va boshqa toʻlovlar”;

2) 180-modda ikkinchi qismining 7-bandi “Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin;

3) 275-modda birinchi qismining 7-bandi “Davlat xavfsizlik xizmati” degan soʻzlardan keyin “Oʻzbekiston Respublikasi Prezidenti davlat xavfsizlik xizmati” degan soʻzlar bilan toʻldirilsin.

15-modda. Oʻzbekiston Respublikasining 2009-yil 30-sentabrda qabul qilingan “Yongʻin xavfsizligi toʻgʻrisida”gi OʻRQ-226-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2009-yil, № 9, 340-modda; 2018-yil, № 1, 4-modda; 2019-yil, № 2, 47-modda) 34-moddasining uchinchi qismi “Oʻzbekiston Respublikasi Davlat xavfsizlik xizmatining” degan soʻzlardan keyin “Oʻzbekiston Respublikasi Prezidenti davlat xavfsizlik xizmatining” degan soʻzlar bilan toʻldirilsin.

16-modda. Oʻzbekiston Respublikasining 2012-yil 25-dekabrda qabul qilingan “Tezkor-qidiruv faoliyati toʻgʻrisida”gi OʻRQ-344-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2012-yil, № 12, 335-modda; 2016-yil, № 4, 125-modda; 2017-yil, № 9, 506-modda, № 10, 605-modda; 2019-yil, № 1, 5-modda, № 2, 47-modda) 10-moddasining birinchi qismiga quyidagi qoʻshimcha va oʻzgartish kiritilsin:

quyidagi mazmundagi toʻrtinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmatining”;

toʻrtinchi, beshinchi va oltinchi xatboshilari tegishincha beshinchi, oltinchi va yettinchi xatboshilar deb hisoblansin.

17-modda. Oʻzbekiston Respublikasining 2014-yil 14-mayda qabul qilingan “Huquqbuzarliklar profilaktikasi toʻgʻrisida”gi OʻRQ-371-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2014-yil, № 5, 129-modda; 2015-yil, № 8, 310-modda; 2016-yil, № 12, 383-modda; 2017-yil, № 9, 510-modda; 2018-yil, № 1, 1-modda; 2019-yil, № 1, 5-modda, № 2, 47-modda, № 5, 267-modda) quyidagi qoʻshimcha va oʻzgartishlar kiritilsin:

1) 9-moddaning birinchi qismi:

quyidagi mazmundagi beshinchi xatboshi bilan toʻldirilsin:

“Oʻzbekiston Respublikasi Prezidenti davlat xavfsizlik xizmati organlari”;

beshinchi — oʻn birinchi xatboshilari tegishincha oltinchi — oʻn ikkinchi xatboshilar deb hisoblansin;

2) quyidagi mazmundagi 12¹-modda bilan toʻldirilsin:

Oʻzbekiston Respublikasi Prezidenti davlat xavfsizlik xizmati organlari:

huquqbuzarliklar profilaktikasiga doir davlat dasturlarini ishlab chiqish va amalga oshirishda ishtirok etadi;

huquqbuzarliklar profilaktikasini amalga oshiradi, shu jumladan huquqbuzarliklarning sodir etilishi sabablarini va ularga imkon berayotgan shart-sharoitlarni aniqlaydi, bartaraf etadi;

qoʻriqlanuvchi shaxslarning manfaatlari, xavfsizligi va daxlsizligiga qarshi huquqbuzarliklar sodir etishga moyil boʻlgan shaxslarning hisobini yuritadi;

huquqbuzarliklar profilaktikasini bevosita amalga oshiruvchi va unda ishtirok etuvchi boshqa organlar hamda muassasalar bilan hamkorlik qiladi.

Oʻzbekiston Respublikasi Prezidenti davlat xavfsizlik xizmati organlari qonun hujjatlariga muvofiq boshqa vakolatlarni ham amalga oshirishi mumkin”.

18-modda. Oʻzbekiston Respublikasining 2016-yil 20-yanvarda qabul qilingan OʻRQ-400-sonli Qonuni bilan tasdiqlangan Oʻzbekiston Respublikasi Bojxona kodeksi (Oʻzbekiston Respublikasi Oliy Majlisi palatalarining Axborotnomasi, 2016-yil, 1-songa ilova; 2017-yil, № 9, 510-modda; 2018-yil, № 4, 224-modda, № 7, 433-modda, № 10, 670-modda; 2019-yil, № 1, 5-modda, № 2, 47-modda, № 5, 267-modda) 299-moddasining 7-bandi “Davlat xavfsizlik xizmatining” degan soʻzlardan keyin “Oʻzbekiston Respublikasi Prezidenti davlat xavfsizlik xizmatining” degan soʻzlar bilan toʻldirilsin.

19-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

20-modda. Ushbu Qonun rasmiy eʼlon qilingan kundan eʼtiboran kuchga kiradi.