O‘zbekiston Respublikasi Prezidentining 2019-yil 5-fevraldagi PF-5656-son “Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar to‘g‘risida”gi Farmonining ijrosini ta’minlash maqsadida:

6. O‘zbekiston Respublikasi Vazirlar Mahkamasi bir oy muddatda:

O‘zbekiston Respublikasi Qishloq xo‘jaligi vazirligi huzuridagi Uzumchilik va vinochilikni rivojlantirish agentligi to‘g‘risidagi nizomni;

O‘zbekiston Respublikasi Qishloq xo‘jaligi vazirligi huzuridagi Uzumchilik va vinochilikni rivojlantirish agentligining Uzum yetishtiruvchilar va vino tayyorlovchilarni qo‘llab-quvvatlash jamg‘armasi to‘g‘risidagi nizomni tasdiqlasin.

7. O‘zbekiston Respublikasi Qishloq xo‘jaligi vazirligi bir oy muddatda Agentlikni unga yuklatilgan vazifalarni bajarish uchun zarur nazariy bilimlar va amaliy ko‘nikmalarga ega yuqori malakali mutaxassislar bilan ta’minlasin.

10. Uzum yetishtiruvchilarni Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamg‘armasi, shuningdek, Bog‘dorchilik va issiqxona xo‘jaligini rivojlantirish agentligining Bog‘dorchilik va issiqxona xo‘jaligini rivojlantirish jamg‘armasi mablag‘lari hisobidan qo‘llab-quvvatlashning shunday tartibi o‘rnatilsinki, unga muvofiq yangi uzum plantatsiyalarini yaratish uchun subsidiyalar:

tomchilatib sug‘orish texnologiyasini joriy etishga qonun hujjatlarida belgilangan miqdorda;

35 gektardan ziyod uzum plantatsiyalarida suv chiqarish uchun burg‘ilangan quduqlarni, shuningdek daryolar, kanallar va boshqa suv havzalaridan suv tortish uchun nasos stansiyalarini qurishga har 35 gektar uchun 120 million so‘mdan oshmaydigan miqdorda beriladi.

Bunda:

subsidiyalar texnik navli uzum plantatsiyalari uchun Jamg‘arma hamda xo‘raki va kishmishbop uzum plantatsiyalari uchun Bog‘dorchilik va issiqxona xo‘jaligini rivojlantirish agentligining Bog‘dorchilik va issiqxona xo‘jaligini rivojlantirish jamg‘armasi mablag‘lari hisobidan ajratiladi;

O‘zbekiston Respublikasi Vazirlar Mahkamasining qarori bilan subsidiyalarning boshqa summalari va uzum yetishtiruvchilarni moliyalashtirishning qo‘shimcha yo‘nalishlari belgilanishi mumkin.

Suvdan foydalanish maqsadida tutash hududlarda joylashgan har birining umumiy maydoni 35 gektardan oshmaydigan bir necha fermer va qishloq xo‘jaligi korxonalarining o‘zaro kelishuvi asosida suv chiqarish uchun burg‘ilangan quduqni, shuningdek daryolar, kanallar hamda boshqa suv havzalaridan suvni tortishga nasos stansiyasini qurish uchun suvdan maxsus foydalanish yoki suvni maxsus iste’mol qilish bo‘yicha vakolatli organlar tomonidan beriladigan tegishli ruxsatnomaga asosan har 35 gektar maydonga 120 million so‘mdan oshmaydigan miqdorda subsidiya ajratilishi belgilansin.

11. Uzum yetishtiruvchilarga O‘zbekiston Respublikasi Prezidentining “Paxta xom ashyosini yetishtirishda tomchilatib sug‘orish texnologiyalaridan keng foydalanish uchun qulay shart-sharoitlar yaratishga oid kechiktirib bo‘lmaydigan chora-tadbirlar to‘g‘risida” 2018-yil 27-dekabrdagi PQ-4087-son qarori 3-bandining “g” kichik bandi tatbiq etilsin.

12. Investitsiyalar va tashqi savdo vazirligi Tashqi ishlar vazirligi va Agentlik bilan birgalikda ikki oy muddatda O‘zbekiston Respublikasi Vazirlar Mahkamasiga mahalliy vino mahsulotlarini xorijiy mamlakatlardagi an’anaviy bozorlar hududida, shu jumladan import bojxona bojlarini kamaytirish (bekor qilish) va tartibga solishning tarifsiz choralarini soddalashtirish orqali ilgari surish bo‘yicha takliflar kiritsin.

13. Toshkent kimyo-texnologiya instituti va “Enologiya laboratoriyasi” DUKga Toshkent shahri, Sergeli tumani, 2-daha, Lutfikor ko‘chasi, 64a-uy manzilida joylashgan Sergeli sanoat kasb-hunar kollejining bino va inshootlari, shuningdek unga tutash hududni “Vinochilik texnologiyasi va sanoat uzumchiligi” fakulteti, Toshkent kimyo-texnologiya instituti qoshidagi Vinochilik sohasida mutaxassislarning malakasini oshirish va ularni qayta tayyorlash markazi va “Enologiya laboratoriyasi” DUKni joylashtirish uchun berilsin.

15. Agentlik ikki oy muddatda O‘zbekiston Respublikasi Vazirlar Mahkamasiga:

“O‘zstandart” agentligi va O‘zbekiston Respublikasi Sog‘liqni saqlash vazirligi bilan birgalikda xorijiy davlatlar tajribasini chuqur o‘rgangan holda alkogol mahsulotlarining organoleptik xususiyatlarini aniqlash bo‘yicha degustatsiya komissiyasi faoliyatini tashkil etish to‘g‘risida takliflarni;

qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida takliflarni;

vinochilik korxonalarining uzumni birlamchi qayta ishlash bo‘yicha mavjud shoxobchalarini modernizatsiya qilish dasturini kiritsin.

O‘zbekiston Respublikasi Investitsiyalar va tashqi savdo vazirligi mazkur dasturga kiritilgan loyihalarni moliyalashtirish imkoniyatini nazarda tutgan holda xalqaro moliya institutlari va xorijiy banklarning kamida 7 yil muddatga imtiyozli kredit liniyalarini jalb etish, shuningdek jalb etilgan mablag‘lardan mahalliy xaridlar uchun foydalanishni ta’minlasin.

16. Quyidagilarga:

O‘zbekiston Respublikasi qishloq xo‘jaligi vaziri J.A. Xodjayevga — Agentlik faoliyatini samarali tashkil etish bo‘yicha masalalarni, tashkiliy-texnik, moliyaviy, huquqiy va boshqa tadbirlarni amalga oshirish, shuningdek uzum plantatsiyalari va vinochilik sohasini rivojlantirishga qaratilgan maqsadli dasturlarni ishlab chiqish va amalga oshirish yuzasidan;

O‘zbekiston Respublikasi investitsiyalar va tashqi savdo vaziri S.U. Umurzakovga — yangi sotuv bozorlariga chiqish hamda tayyor alkogol va tamaki mahsulotlari eksporti hajmlarini oshirishga har tomonlama ko‘maklashish yuzasidan shaxsiy javobgarlik yuklansin.

17. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.