“O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasining Qonuniga hamda O‘zbekiston Respublikasi Vazirlar Mahkamasining “O‘zbekiston Respublikasi Vazirlar Mahkamasining ijro etuvchi tuzilmasini tashkil etish to‘g‘risida” 2004-yil 12-oktabrdagi 475-son qaroriga muvofiq Vazirlar Mahkamasi qaror qiladi:

1. Quyidagilar:

O‘zbekiston Respublikasi Vazirlar Mahkamasi Apparatining Nazorat bo‘limi to‘g‘risidagi nizom 1-ilovaga muvofiq;

O‘zbekiston Respublikasi Vazirlar Mahkamasi Apparatining Kadrlar bo‘limi to‘g‘risidagi nizom 3-ilovaga muvofiq;

O‘zbekiston Respublikasi Vazirlar Mahkamasi Apparatining Umumiy bo‘limi to‘g‘risidagi nizom 4-ilovaga muvofiq;

O‘zbekiston Respublikasi Vazirlar Mahkamasi Apparatining Fuqarolarni qabul qilish, xat va arizalarni ko‘rib chiqish bo‘limi to‘g‘risidagi nizom 5-ilovaga muvofiq tasdiqlansin.

2. Mazkur qarorning bajarilishini nazorat qilish O‘zbekiston Respublikasi Vazirlar Mahkamasi Apparati Rahbari R.V. Abduqodirov zimmasiga yuklansin.

1. Nazorat bo‘limi (keyingi o‘rinlarda Bo‘lim deb yuritiladi) O‘zbekiston Respublikasi Oliy Majlisining qarorlari va topshiriqlari, O‘zbekiston Respublikasi Prezidentining farmonlari, qarorlari, farmoyishlari va topshiriqlari hamda uning Apparati topshiriqlari, shuningdek O‘zbekiston Respublikasi Vazirlar Mahkamasi va uning Prezidiumi qarorlari va topshiriqlarining tarkibiy bo‘linmalar tomonidan o‘z vaqtida ijro etilishi yuzasidan nazoratni tashkil etishni ta’minlovchi O‘zbekiston Respublikasi Hukumati Apparatining funksional tarkibiy bo‘linmasi hisoblanadi.

2. Bo‘lim o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

3. Bo‘lim o‘z faoliyatini O‘zbekiston Respublikasining Bosh vaziri rahbarligida amalga oshiradi.

Bo‘lim O‘zbekiston Respublikasi Vazirlar Mahkamasi Ijro etuvchi apparat boshqaruvchisiga bo‘ysunadi.

4. Bo‘lim o‘z faoliyatini O‘zbekiston Respublikasi Vazirlar Mahkamasi Apparatining boshqa tarkibiy bo‘linmalari, davlat va xo‘jalik boshqaruvi organlari, mahalliy davlat hokimiyati organlari, boshqa organlar va tashkilotlar bilan o‘zaro hamkorlikda amalga oshiradi.

5. Quyidagilar Bo‘limning asosiy vazifalari hisoblanadi:

O‘zbekiston Respublikasi Oliy Majlisining qarorlari va topshiriqlari, O‘zbekiston Respublikasi Prezidenti farmonlari, qarorlari, farmoyishlari va topshiriqlari hamda uning Apparati topshiriqlari, shuningdek O‘zbekiston Respublikasi Vazirlar Mahkamasi va uning Prezidiumi qarorlari va topshiriqlari, shuningdek O‘zbekiston Respublikasi Vazirlar Mahkamasi Ijro etuvchi apparat boshqaruvchisi topshiriqlarining tarkibiy bo‘linmalar tomonidan o‘z vaqtida ijro etilishi bo‘yicha ishlarni tashkil etish;

elektron ish yuritish va hujjatlar aylanishi tizimi asosida hujjatlar va topshiriqlarning o‘z vaqtida ijro etilishini hisobga olish, ularning aylanishi, tahlil va nazorat qilish yagona tizimi amalga oshirilishini ta’minlash;

Bosh vazir kotibiyati, Bosh vazirning o‘rinbosarlari apparatlari, Vazirlar Mahkamasining departamentlari va bo‘limlarida ijro nazoratini tashkil etishga metodik rahbarlik qilish;

ishlarni muvofiqlashtirish va Vazirlar Mahkamasi Apparatining barcha tarkibiy bo‘linmalarida ijro intizomi ahvolini o‘rganish, mavjud kamchiliklarni bartaraf etishda zarur yordam ko‘rsatish, kamchiliklar to‘g‘risida O‘zbekiston Respublikasi Bosh vazirini, uning o‘rinbosarlarini, O‘zbekiston Respublikasi Vazirlar Mahkamasi Ijro etuvchi apparat boshqaruvchisini va tarkibiy bo‘linmalar rahbarlarini xabardor qilish;

respublika vazirliklari, idoralari va hokimliklariga elektron ish yuritish va hujjatlar aylanishi tizimini joriy etish asosida hujjatlarning bajarilishini ro‘yxatga olish, hisobga olish, ularning aylanishi, tahlil va nazorat qilish yagona tizimini takomillashtirish masalalarida metodik yordam ko‘rsatish;

Vazirlar Mahkamasi Apparati tarkibiy bo‘linmalarining tarmoq axborot resurslaridan, shu jumladan Internet resurslaridan maqsadli va samarali foydalanish bo‘yicha ishlarini muvofiqlashtirish.

6. Bo‘lim o‘ziga yuklangan vazifalarni bajarish uchun quyidagi funksiyalarni amalga oshiradi:

Vazirlar Mahkamasi Apparatida Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq hujjatlar va topshiriqlarning o‘z vaqtida ijro etilishi bo‘yicha ishlarni muvofiqlashtiradi;

hujjatlar va topshiriqlarning avtomatlashtirilgan nazoratga qo‘yilishini, ularning bajarilishini kuzatib borishni, ogohlantiruvchi nazoratni, ijro intizomini yakunlashni ta’minlovchi elektron ish yuritish va hujjatlar aylanishi yagona tizimining ma’lumotlar bazasini yuritadi;

Vazirlar Mahkamasi Ijro etuvchi apparat boshqaruvchisiga va Bosh vazir kotibiyatiga ijro intizomining joriy (har kunlik) va har oylik tahlilini taqdim etadi;

nazorat samaradorligini oshirish, shuningdek yangi axborot texnologiyalarini joriy etish asosida hujjatlar va topshiriqlar bajarilishini hisobga olish, ularning aylanishi, tahlil va nazorat qilish yagona tizimini takomillashtirish yuzasidan takliflar ishlab chiqadi va Vazirlar Mahkamasi Ijro etuvchi apparat boshqaruvchisiga kiritadi;

ogohlantiruvchi nazoratni tashkil qiladi. Ushbu maqsadlarda har o‘n kunda Vazirlar Mahkamasi Apparati tarkibiy bo‘linmalari rahbarlariga navbatdagi o‘n kunlikda ishlari tugallanishi lozim bo‘lgan hujjatlarni shakllantiradi va ular to‘g‘risidagi ma’lumotnoma-eslatmalarni yozma va elektron shaklda yuboradi. Har oyda navbatdagi oy mobaynida ishlari tugatilishi lozim bo‘lgan hujjatlarni shakllantiradi va ular to‘g‘risida Vazirlar Mahkamasi Ijro etuvchi apparat boshqaruvchisiga axborot beradi hamda tarkibiy bo‘linmalar rahbarlariga eslatmalar yuboradi;

Vazirlar Mahkamasi Ijro etuvchi apparat boshqaruvchisiga Apparatning tarkibiy bo‘linmalaridagi ijro intizomi ahvolini o‘rganish natijalari to‘g‘risida axborot beradi, uning topshirig‘iga muvofiq aniqlangan kamchiliklar va qoida buzilishlarini bartaraf etish to‘g‘risida buyruq va farmoyishlar loyihalari tayyorlaydi;

har chorakdagi majlislarda ko‘rib chiqish va muhokama qilish uchun o‘tgan chorakdagi ijro intizomi ahvoli to‘g‘risida ma’lumotlarni ijrochilar bo‘yicha ularning mas’uliyatini oshirish yuzasidan ular tomonidan tegishli qarorlar qabul qilish uchun tayyorlaydi va Vazirlar Mahkamasi Apparati tarkibiy bo‘linmalari rahbarlariga beradi;

Vazirlar Mahkamasi Apparati tarkibiy bo‘linmalari mutaxassislari — hujjatlar ijrochilari tomonidan topshiriqlarni bajarganlik to‘g‘risida taqdim etilgan hujjatlar asosida ularni nazoratdan chiqarish ishlarini amalga oshiradi;

Vazirlar Mahkamasi Ijro etuvchi apparat boshqaruvchisi tomonidan tasdiqlangan jadval bo‘yicha muntazam ravishda respublika vazirliklari, idoralari va hokimliklarida ijro intizomi nazorati tashkil etilishini va uning ahvolini o‘rganadi, ularning natijalari bo‘yicha elektron ish yuritish va hujjatlar aylanishi tizimini joriy etish asosida ijroni ro‘yxatga olish, hisobga olish, ularning aylanishi, tahlil va nazorat qilish yagona tizimini takomillashtirish masalalarida metodik va amaliy yordam ko‘rsatadi;

Vazirlar Mahkamasi Apparati tarkibiy bo‘linmalarining tarmoq axborot resurslaridan, shu jumladan Internet resurslaridan maqsadli va samarali foydalanilishi yuzasidan muntazam monitoring o‘tkazadi va uning natijalari bo‘yicha har oyda O‘zbekiston Respublikasi Vazirlar Mahkamasi Ijro etuvchi apparat boshqaruvchisiga axborot beradi;

elektron ish yuritish va hujjatlar aylanishi yagona tizimiga yangi dasturiy vositalar joriy etilishiga qarab O‘zbekiston Respublikasi Vazirlar Mahkamasi Apparatining tarkibiy bo‘linmalari xodimlarini o‘qitadi;

o‘ziga yuklangan boshqa funksiyalarni belgilangan tartibda amalga oshiradi.

7. Bo‘lim o‘ziga yuklangan vazifalar va funksiyalarni bajarish uchun quyidagi huquqlarga ega:

o‘ziga yuklangan vazifalar va funksiyalarni bajarish uchun zarur bo‘lgan materiallar va ma’lumotlarni O‘zbekiston Respublikasi Vazirlar Mahkamasi Apparatining boshqa tarkibiy bo‘linmalaridan, davlat va xo‘jalik boshqaruvi organlaridan, mahalliy davlat hokimiyati organlaridan, boshqa organlar va tashkilotlardan belgilangan tartibda olish va so‘rash;

O‘zbekiston Respublikasi Ijro etuvchi apparat boshqaruvchisining topshirig‘iga binoan davlat organlari, xo‘jalik boshqaruvi organlari, nodavlat notijorat va boshqa tashkilotlarning majlislari va yig‘ilishlarida qatnashish;

hujjatlar va topshiriqlar bajarilishini hisobga olish, ularning aylanishi, tahlil va nazorat qilish yagona tizimini takomillashtirish masalalarini ishlab chiqish uchun, shuningdek elektron ish yuritish va hujjatlar aylanishi tizimining dasturiy-texnik kompleksini rivojlantirish bo‘yicha takliflar tayyorlashda davlat va xo‘jalik boshqaruvi organlarining, ilmiy muassasalar va boshqa tashkilotlarning rahbarlari va vakillarini zarurat bo‘lganda belgilangan tartibda jalb etish, ushbu maqsadlar uchun ishchi guruhlar tashkil etish.

Bo‘limning zarur materiallar, ma’lumotlar, shuningdek va boshqa hujjatlar taqdim etish bo‘yicha talablari, agar O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlarining va O‘zbekiston Respublikasi Vazirlar Mahkamasi Ijro etuvchi apparat boshqaruvchisining topshiriqlarida boshqa bajarish muddatlari belgilanmagan bo‘lsa, O‘zbekiston Respublikasi Vazirlar Mahkamasi Apparatining tarkibiy bo‘linmalari, davlat va xo‘jalik boshqaruvi organlari, mahalliy davlat hokimiyati organlari tomonidan Bo‘lim belgilagan muddatlarda bajarilishi kerak.

8. Bo‘lim:

o‘ziga yuklangan vazifalarning zarur darajada va samarali bajarilishi uchun;

O‘zbekiston Respublikasi Oliy Majlisi qarorlari va topshiriqlari, O‘zbekiston Respublikasi Prezidenti farmonlari, qarorlari, farmoyishlari va topshiriqlari hamda uning Apparati topshiriqlari, shuningdek O‘zbekiston Respublikasi Vazirlar Mahkamasi va uning Prezidiumi qarorlari va topshiriqlari, shuningdek Vazirlar Mahkamasi Ijro etuvchi apparat boshqaruvchisi topshiriqlarining O‘zbekiston Respublikasi Vazirlar Mahkamasi Apparati tarkibiy bo‘linmalari tomonidan o‘z vaqtida ijro etilishi yuzasidan nazoratni tashkil etishning kompleksliligi va sifati uchun javob beradi.

9. Bo‘limning tuzilmasiga Bo‘lim mudiri, bitta bosh mutaxassis va ikkita yetakchi mutaxassis kiradi.

Bo‘lim tuzilmasi O‘zbekiston Respublikasi Vazirlar Mahkamasi tomonidan tasdiqlanadi.

10. Bo‘lim ishlariga mudir rahbarlik qiladi.

11. Bo‘lim mudiri va mutaxassislari belgilangan tartibda lavozimga tayinlanadi va lavozimdan ozod qilinadi.

12. Bo‘lim ishlari “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, Vazirlar Mahkamasining Ish tartibiga, ushbu Nizomga, Vazirlar Mahkamasi Apparatida ish yuritish bo‘yicha yo‘riqnomaga, O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlarining topshiriqlariga, Vazirlar Mahkamasi Ijro etuvchi apparat boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejalari, Bo‘limning choraklik ish rejalari, mudir va mutaxassislarning shaxsiy ish rejalari asosida tashkil etiladi.

Bo‘limning choraklik ish rejalari, mudirning shaxsiy ish rejasi Vazirlar Mahkamasi Ijro etuvchi apparat boshqaruvchisi tomonidan tasdiqlanadi.

Mutaxassislarning shaxsiy ish rejalari Vazirlar Mahkamasi Ijro etuvchi apparat boshqaruvchisi bilan kelishiladi va Bo‘lim mudiri tomonidan tasdiqlanadi.

13. Bo‘lim mudiri:

Bo‘limga bevosita rahbarlikni amalga oshiradi, mutaxassislar ishlarini tashkil qiladi hamda mazkur Nizomga muvofiq Bo‘limga yuklangan vazifalar va funksiyalarning bajarilishi uchun to‘liq javob beradi;

Bo‘lim mutaxassislari o‘rtasida vazifalarni taqsimlaydi va ularning ishlarini muvofiqlashtiradi, zarur ijro intizomini ta’minlaydi, Vazirlar Mahkamasi Apparatida amalda bo‘lgan Yo‘riqnomaga muvofiq Bo‘limda ish yuritishni tashkil qiladi;

O‘zbekiston Respublikasi Vazirlar Mahkamasining va uning Prezidiumining majlislarida, O‘zbekiston Respublikasi Bosh vaziri, uning o‘rinbosarlari o‘tkazadigan yig‘ilishlarda, O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan Bo‘lim vakolati sohasiga kiruvchi masalalar bo‘yicha o‘tkaziladigan yig‘ilishlarda qatnashadi;

Vazirlar Mahkamasi Apparati mutaxassislarini hisoblash texnikasi vositalari, joriy etilayotgan yangi dasturlar bilan ishlashga, shuningdek “Internet” tizimida ishlashga o‘qitishni tashkil qiladi;

Bo‘lim ishlarini takomillashtirish, mutaxassislar ish malakasini oshirish chora-tadbirlarini ishlab chiqadi va amalga oshiradi;

Bo‘lim xodimlarini lavozimga tayinlash va lavozimdan ozod qilish, ularning malakasini oshirish, ularni rag‘batlantirish hamda ularga tanbeh berish to‘g‘risidagi takliflarni O‘zbekiston Respublikasi Vazirlar Mahkamasi Ijro etuvchi apparat boshqaruvchisiga taqdim etadi.

14. Bo‘lim mudiri vaqtinchalik bo‘lmagan taqdirda uning vazifasini bosh mutaxassis bajaradi.

15. Bo‘limning bosh mutaxassisi va yetakchi mutaxassislari o‘z faoliyatini belgilangan tartibda tasdiqlanadigan funksional vazifalariga muvofiq amalga oshiradi.

1. Kadrlar bo‘limi (keyingi o‘rinlarda Bo‘lim deb yuritiladi) O‘zbekiston Respublikasi Vazirlar Mahkamasi Apparati faoliyatini kadrlar jihatidan ta’minlovchi O‘zbekiston Respublikasi Hukumati Apparatining funksional tarkibiy bo‘linmasi hisoblanadi.

2. Bo‘lim o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

3. Bo‘lim o‘z faoliyatini O‘zbekiston Respublikasining Bosh vaziri rahbarligida amalga oshiradi.

Bo‘lim O‘zbekiston Respublikasi Vazirlar Mahkamasi Ijro etuvchi apparat boshqaruvchisiga bo‘ysunadi.

4. Bo‘lim o‘z faoliyatini O‘zbekiston Respublikasi Vazirlar Mahkamasi Apparatining boshqa tarkibiy bo‘linmalari, davlat va xo‘jalik boshqaruvi organlari, mahalliy davlat hokimiyati organlari, boshqa organlar va tashkilotlar bilan o‘zaro hamkorlikda amalga oshiradi.

5. Quyidagilar Bo‘limning asosiy vazifalari hisoblanadi:

a) O‘zbekiston Respublikasi Vazirlar Mahkamasi rahbariyatining topshirig‘iga binoan davlat va xo‘jalik boshqaruvi organlarining rahbar xodimlarini tasdiqlangan nomenklaturaga asosan lavozimga tayinlash va lavozimdan ozod qilish masalalari bo‘yicha hujjatlar loyihalarini tayyorlash;

b) O‘zbekiston Respublikasi Vazirlar Mahkamasi Apparatining tarkibiy bo‘linmalari bilan birgalikda:

talab qilinayotgan ixtisoslar bo‘yicha O‘zbekiston Respublikasi Vazirlar Mahkamasi Apparatini mas’ul xodimlar va xizmatchilar bilan o‘z vaqtida va sifatli butlashni;

O‘zbekiston Respublikasi Vazirlar Mahkamasi Apparatida ishlash uchun tegishli nomenklatura bo‘yicha kadrlar zaxirasini shakllantirish va tayyorlashni;

O‘zbekiston Respublikasi Vazirlar Mahkamasi Apparati xodimlarining ishlab chiqarish — iqtisodiy ta’lim olishini;

O‘zbekiston Respublikasi Vazirlar Mahkamasi Apparati mas’ul xodimlari va xizmatchilarini belgilangan tartibda attestatsiyadan o‘tkazishni tashkil etish;

v) O‘zbekiston Respublikasi Vazirlar Mahkamasi Apparatining shaxsiy tarkibi hisobini yuritish, muntazam (har yillik) asosda xodimlarning shaxsiy hujjatlari yig‘majildlarini yangilash.

6. Bo‘lim o‘ziga yuklangan vazifalarni bajarish uchun quyidagi funksiyalarni amalga oshiradi:

xodimlarni lavozimga tayinlashda (egallab turgan lavozimidan ozod etishda) hisobga olish hujjatlarini belgilangan tartibda rasmiylashtiradi, tegishli ko‘rsatma hujjatlarni tayyorlaydi;

xodimlarning sifat tarkibini yaxshilash, lavozimga ko‘tarish uchun puxta zaxira ishlarida foydalanish uchun O‘zbekiston Respublikasi Vazirlar Mahkamasi Apparati kadrlarining malaka, ma’lumot va yosh darajasi to‘g‘risida hamda boshqa ijtimoiy-demografik ma’lumotlar ko‘rsatkichlari bo‘yicha tahliliy materiallar tayyorlaydi;

O‘zbekiston Respublikasi Vazirlar Mahkamasi Apparati xodimlarini qayta tayyorlash va ularning malakasini oshirishning turli shakllari bo‘yicha ishlarni tashkil etadi;

O‘zbekiston Respublikasi Vazirlar Mahkamasi Apparatida kadrlar hisobini yuritadi, ushbu masala bo‘yicha axborotlar ishlab chiqadi;

O‘zbekiston Respublikasi Vazirlar Mahkamasi Apparati xodimlarini attestatsiyadan o‘tkazishni tashkil etadi, attestatsiya komissiyalari qarorlarini bajarish bo‘yicha chora-tadbirlarini ishlab chiqadi va ularning bajarilishi ustidan nazoratni amalga oshiradi;

O‘zbekiston Respublikasi Vazirlar Mahkamasi Apparati xodimlariga taalluqli tushadigan xatlar, shikoyatlar va arizalarni ko‘rib chiqadi;

Apparat xodimlarini O‘zbekiston Respublikasi davlat mukofotlari bilan mukofotlashga taqdim etish uchun hujjatlarni tayyorlaydi. Mukofotlar, rag‘batlantirishlar va tanbehlar hisobini yuritadi;

O‘zbekiston Respublikasi Vazirlar Mahkamasi Apparati xodimlariga pensiya tayinlash uchun zarur hujjatlarni tayyorlash va rasmiylashtirishni ta’minlaydi;

ichki mehnat tartibi qoidalariga rioya qilinishi yuzasidan nazoratni amalga oshiradi;

O‘zbekiston Respublikasi Vazirlar Mahkamasi nomenklaturasidagi xodimlar, uning Apparati xodimlarining xizmat guvohnomalarini rasmiylashtiradi, beradi va ularning hisobini yuritadi;

Bo‘limga yuklangan boshqa funksiyalarni belgilangan tartibda amalga oshiradi.

7. Bo‘lim o‘ziga yuklangan vazifalar va funksiyalarni bajarish uchun quyidagi huquqlarga ega:

o‘ziga yuklangan vazifalar va funksiyalarni bajarish uchun zarur bo‘lgan materiallar va ma’lumotlarni O‘zbekiston Respublikasi Vazirlar Mahkamasi Apparatining boshqa tarkibiy bo‘linmalaridan, davlat va xo‘jalik boshqaruvi organlaridan, mahalliy davlat hokimiyati organlaridan, boshqa organlar va tashkilotlardan belgilangan tartibda olish va so‘rash;

O‘zbekiston Respublikasining Bosh vaziri, O‘zbekiston Respublikasi Vazirlar Mahkamasi Ijro etuvchi apparat boshqaruvchisining topshirig‘iga binoan davlat organlari, xo‘jalik boshqaruvi organlari, nodavlat notijorat va boshqa tashkilotlarning majlislari hamda yig‘ilishlarida qatnashish;

zarurat bo‘lganda O‘zbekiston Respublikasi Vazirlar Mahkamasida ko‘rib chiqiladigan masalalarni ishlab chiqish uchun davlat va xo‘jalik boshqaruvi organlari, ilmiy muassasalar va boshqa tashkilotlarning rahbarlari va vakillarini belgilangan tartibda jalb etish, ushbu maqsadlarda ishchi guruhlar tashkil etish.

8. Bo‘lim:

Bo‘limga yuklangan vazifalarning to‘liq hajmda bajarilishi uchun;

O‘zbekiston Respublikasi Vazirlar Mahkamasi rahbariyatiga axborot berish uchun materiallar va hujjatlarni belgilangan muddatlarda tayyorlashning ta’minlanishi uchun;

kadrlar hisobga olinishining va ular bilan ishlash bo‘yicha hisobotlarning ahvoli, kadrlar bo‘yicha hujjatlarning saqlanishi va ishlarning yuritilishi uchun;

arizalar va xatlar bo‘yicha masalalarning o‘z vaqtida ko‘rib chiqilishi va hal qilinishi uchun javob beradi.

9. Bo‘limning tuzilmasiga Bo‘lim mudiri, shuningdek I toifali ish yurituvchi-kotiba kiradi.

Bo‘limning tuzilmasi O‘zbekiston Respublikasi Vazirlar Mahkamasi tomonidan tasdiqlanadi.

10. Bo‘lim ishlariga mudir rahbarlik qiladi.

11. Bo‘lim mudiri va I toifali ish yurituvchi-kotiba belgilangan tartibda lavozimga tayinlanadi va lavozimdan ozod qilinadi.

12. Bo‘lim ishlari “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, Vazirlar Mahkamasining Ish tartibiga, ushbu Nizomga, Vazirlar Mahkamasi Apparatida ish yuritish bo‘yicha yo‘riqnomaga, O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlarining topshiriqlariga, Vazirlar Mahkamasi Ijro etuvchi apparat boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejasi, Bo‘limning choraklik ish rejasi asosida tashkil etiladi.

Bo‘limning choraklik ish rejasi Vazirlar Mahkamasi Ijro etuvchi apparat boshqaruvchisi tomonidan tasdiqlanadi.

13. Bo‘lim mudiri:

Bo‘limga bevosita rahbarlikni amalga oshiradi hamda Bo‘limga yuklangan vazifalar va funksiyalarning bajarilishi, ijro intizomining ahvoli uchun shaxsan javob beradi;

tasdiqlangan nomenklatura bo‘yicha davlat va xo‘jalik boshqaruvi organlari rahbar xodimlarini lavozimga tayinlash va lavozimdan ozod qilish bilan bog‘liq hujjatlarni tayyorlash borasida O‘zbekiston Respublikasi Prezidentining Davlat maslahatchisi — Devonning Tashkiliy-kadrlar xizmati rahbari bilan o‘zaro hamkorlik qiladi;

Bo‘lim vakolati sohasiga kiruvchi masalalar bo‘yicha O‘zbekiston Respublikasi Vazirlar Mahkamasiga kiritilgan hujjatlar loyihalari ko‘rib chiqilishini tashkil qiladi, ko‘rsatib o‘tilgan loyihalarga rozilik beradi;

O‘zbekiston Respublikasi Vazirlar Mahkamasi va uning Prezidiumining majlislarida, O‘zbekiston Respublikasi Bosh vaziri, uning o‘rinbosarlari o‘tkazadigan yig‘ilishlarda, O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan Bo‘lim vakolati sohasiga kiruvchi masalalar bo‘yicha o‘tkaziladigan yig‘ilishlarda qatnashadi;

Bo‘lim xodimlari o‘rtasida vazifalarni taqsimlaydi;

Vazirlar Mahkamasi Apparatida amalda bo‘lgan yo‘riqnomaga muvofiq Bo‘limda ish yuritilishini ta’minlaydi;

chiquvchi xat-xabarlarni imzolaydi;

Bo‘lim ishlarini takomillashtirish, mutaxassislarning ish malakasini oshirish chora-tadbirlarini ishlab chiqadi va amalga oshiradi;

Bo‘lim xodimlarini lavozimga tayinlash va lavozimdan ozod qilish, ularning malakasini oshirish, ularni rag‘batlantirish hamda ularga tanbeh berish to‘g‘risidagi takliflarni O‘zbekiston Respublikasi Vazirlar Mahkamasi Ijro etuvchi apparat boshqaruvchisiga taqdim etadi.

14. I toifali ish yurituvchi-kotiba ish yuritishni ta’minlaydi, Bo‘limda hujjatlarning o‘tishini nazorat qiladi, yig‘majildlarni arxivda saqlashga tayyorlash va ularning o‘z vaqtida berilishini ta’minlaydi, o‘ziga yuklangan boshqa funksiyalarni bajaradi.

1. Umumiy bo‘lim (keyingi o‘rinlarda Bo‘lim deb yuritiladi) O‘zbekiston Respublikasi Vazirlar Mahkamasi Apparatida ish yuritishni ta’minlaydigan, O‘zbekiston Respublikasi Vazirlar Mahkamasi, uning Prezidiumi majlislarini texnik jihatdan tayyorlaydigan va ularga xizmat ko‘rsatadigan O‘zbekiston Respublikasi Hukumati Apparatining funksional tarkibiy bo‘linmasi hisoblanadi.

2. Bo‘lim o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

3. Bo‘lim o‘z faoliyatini O‘zbekiston Respublikasining Bosh vaziri rahbarligida amalga oshiradi.

Bo‘lim O‘zbekiston Respublikasi Vazirlar Mahkamasi Ijro etuvchi apparat boshqaruvchisiga bo‘ysunadi.

4. Bo‘lim o‘z faoliyatini O‘zbekiston Respublikasi Vazirlar Mahkamasi Apparatining boshqa tarkibiy bo‘linmalari, davlat va xo‘jalik boshqaruvi organlari, mahalliy davlat hokimiyati organlari, boshqa organlar va tashkilotlar bilan o‘zaro hamkorlikda amalga oshiradi.

5. Quyidagilar Bo‘limning asosiy vazifalari hisoblanadi:

tasdiqlangan normativ-huquqiy hujjatlarga muvofiq O‘zbekiston Respublikasi Vazirlar Mahkamasi Apparatida ish yuritishni ta’minlash;

Vazirlar Mahkamasi va uning Prezidiumi majlislarini texnik jihatdan tayyorlash va ularga xizmat ko‘rsatish;

Vazirlar Mahkamasi va uning Apparati faoliyatida vujudga keladigan hujjatlar va ish yuritish tugallangan hujjatlar yig‘majildlari saqlanishini ta’minlash;

O‘zbekiston Respublikasi Vazirlar Mahkamasi Apparatida ish yuritish tartibini va arxiv ishini yanada takomillashtirishga doir takliflarni ishlab chiqish va kiritish.

6. Bo‘lim o‘ziga yuklangan vazifalarni bajarish uchun quyidagi funksiyalarni amalga oshiradi:

O‘zbekiston Respublikasi Vazirlar Mahkamasi Apparatining tarkibiy bo‘linmalarida ish yuritishga metodik rahbarlik qiladi;

O‘zbekiston Respublikasi Vazirlar Mahkamasi Apparatining tarkibiy bo‘linmalarida Ish yuritish bo‘yicha yo‘riqnoma talablariga rioya etilishini nazorat qiladi;

ish yuritish jarayonlarini takomillashtirish va avtomatlashtirish tadbirlarini ishlab chiqadi va amalga oshiradi;

Hukumat qarorlari, Vazirlar Mahkamasi va uning Prezidiumi majlislari bayonnomalarini ro‘yxatdan o‘tkazadi, hisobga oladi, rasmiylashtiradi, ko‘paytiradi va jo‘natadi, ulardan va boshqa hujjatlardan ko‘chirmalar tayyorlaydi va jo‘natadi, zarurat bo‘lganda ularni ommaviy axborot vositalarida e’lon qiladi;

Vazirlar Mahkamasining har oylik Qarorlar to‘plami, shuningdek Huquqiy ekspertiza va xalqaro shartnomalar boshqarmasi bilan birgalikda respublika Hukumatining qarorlari to‘plami chiqarilishini ta’minlaydi;

tarkibiy bo‘linmalar bilan birgalikda Vazirlar Mahkamasi va uning Prezidiumiga texnik xizmat ko‘rsatilishini ta’minlaydi, shu jumladan: taklif etilganlarning umumlashtirilgan ro‘yxatini tuzadi, tarkibiy bo‘linmalar mutaxassislari bilan birgalikda materiallarni Vazirlar Mahkamasiga va uning Prezidiumi majlislariga tanlaydi, ko‘paytiradi, ularni majlis qatnashchilariga jo‘natadi; hujjatlar yozilishini, taklif etilganlar ro‘yxatdan o‘tkazilishini, Vazirlar Mahkamasi va uning Prezidiumi majlislari stenografiya va sinxron tarjima qilinishini ta’minlaydi;

O‘zbekiston Respublikasi Vazirlar Mahkamasi Apparatining tarkibiy bo‘linmalari mutaxassislari bilan birgalikda Vazirlar Mahkamasi va uning Prezidiumi majlislari bayonnomalari tayyorlanishini ta’minlaydi;

tushayotgan xat-xabarlarni qabul qiladi, ro‘yxatdan o‘tkazadi, hisobga oladi, taqsimlaydi va mansubligiga ko‘ra yetkazib beradi, chiqadigan xat-xabarlarni qabul qiladi va jo‘natadi;

tarkibiy bo‘linmalarda hujjatlar yig‘majildining nomenklaturasini aniqlashtiradi, Vazirlar Mahkamasi Apparati uchun yig‘ma nomenklatura tuzadi, unga rioya etilishini nazorat qiladi;

ish yuritish tugallangan hujjatlar yig‘majildlarini Vazirlar Mahkamasi Apparatining tarkibiy bo‘linmalaridan qabul qiladi, hisobga oladi va saqlaydi, joriy arxiv shakllantirilishini ta’minlaydi, hujjatlar yig‘majildlari va hujjatlarni belgilangan tartibda O‘zbekiston Respublikasi Davlat arxiviga beradi;

xodimlarga ish yuritish bo‘yicha yo‘l-yo‘riqlar beradi, Vazirlar Mahkamasi Apparatining yangi xodimlarini hujjatlar bilan ishlashni tashkil etish masalalari bo‘yicha o‘qitish va tanishtirishni tashkil etadi;

Hukumatning qarorlari, farmoyishlari loyihalari va Vazirlar Mahkamasi Apparatining boshqa materiallari tahrir etilishi, tarjima qilinishini amalga oshiradi;

Vazirlar Mahkamasi Apparatida ish yuritishni tashkil etish uchun tegishli muhrlar, shtamplar va blankalarni tayyorlaydi, ularning hisobga olinishi va saqlanishini ta’minlaydi;

o‘ziga yuklangan boshqa funksiyalarni belgilangan tartibda amalga oshiradi.

7. Bo‘lim o‘ziga yuklangan vazifalar va funksiyalarni bajarish uchun quyidagi huquqlarga ega:

o‘ziga yuklangan vazifalar va funksiyalarni bajarish uchun zarur bo‘lgan materiallar va ma’lumotlarni O‘zbekiston Respublikasi Vazirlar Mahkamasi Apparatining boshqa tarkibiy bo‘linmalaridan, davlat va xo‘jalik boshqaruvi organlaridan, mahalliy davlat hokimiyati organlaridan, boshqa organlar va tashkilotlardan belgilangan tartibda olish va so‘rash;

tegishli materiallar va hujjatlarni ishlab chiqish va tayyorlash maqsadida O‘zbekiston Respublikasi Vazirlar Mahkamasi Apparatining tarkibiy bo‘linmalari rahbarlari va mutaxassislari ishtirokida yig‘ilishlar o‘tkazish;

O‘zbekiston Respublikasi Vazirlar Mahkamasi Apparatida ish yuritishning yo‘lga qo‘yilganligini tekshirish, tekshirilayotgan masalalar bo‘yicha tarkibiy bo‘linmalarda barcha hujjatlar va materiallar bilan tanishish;

Bo‘limning zarur materiallar, ma’lumotlar taqdim etish bo‘yicha talablari, agar O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va O‘zbekiston Respublikasi Vazirlar Mahkamasi Ijro etuvchi apparat boshqaruvchisining topshiriqlarida bajarishning boshqa muddatlari belgilanmagan bo‘lsa, Bo‘lim belgilagan muddatlarda bajarilishi kerak.

8. Bo‘lim:

o‘ziga yuklangan vazifalarning zarur darajada va samarali bajarilishi uchun;

O‘zbekiston Respublikasi Vazirlar Mahkamasi Apparatida ish yuritishning sifati uchun javob beradi.

9. Bo‘limning tuzilmasiga Bo‘lim mudiri, bosh va yetakchi mutaxassislar, mutaxassis, arxiv va mashinkada yozish bo‘linmasi mudirlari, ish yurituvchi kotibalar, mashinkada yozuvchilar, shuningdek stenografistka kiradi.

Bo‘lim tuzilmasi O‘zbekiston Respublikasi Vazirlar Mahkamasi tomonidan tasdiqlanadi.

10. Bo‘lim ishlariga mudir rahbarlik qiladi.

11. Bo‘lim mudiri va mutaxassislari belgilangan tartibda lavozimga tayinlanadi va lavozimdan ozod qilinadi.

12. Bo‘lim ishlari “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, Vazirlar Mahkamasining Ish tartibiga, ushbu Nizomga, Vazirlar Mahkamasi Apparatida ish yuritish bo‘yicha yo‘riqnomaga, O‘zbekiston Respublikasi Prezidenti, O‘zbekiston Respublikasi Bosh vaziri, uning o‘rinbosarlarining topshiriqlariga, Vazirlar Mahkamasi Ijro etuvchi apparat boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejalari, Bo‘limning choraklik ish rejalari asosida tashkil etiladi.

13. Bo‘lim mudiri:

Bo‘limga bevosita rahbarlikni amalga oshiradi, Bo‘lim mutaxassislari, boshqa xodimlari ishini tashkil qiladi hamda Bo‘limga yuklangan vazifalar va funksiyalarning bajarilishi, ijro intizomining ahvoli uchun shaxsan javob beradi;

O‘zbekiston Respublikasi Vazirlar Mahkamasi va uning Prezidiumining majlislarida, O‘zbekiston Respublikasining Bosh vaziri, uning o‘rinbosarlari o‘tkazadigan yig‘ilishlarda, Hukumat komissiyalari va idoralararo komissiyalar, kengashlar va tashkiliy qo‘mitalar majlislarida, O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan Bo‘lim yuritadigan sohaga kiradigan masalalar bo‘yicha o‘tkaziladigan yig‘ilishlarda qatnashadi;

Bo‘lim mutaxassislari va boshqa xodimlari o‘rtasida vazifalarni taqsimlaydi:

Vazirlar Mahkamasi Apparatida amalda bo‘lgan Yo‘riqnomaga muvofiq ish yuritilishini ta’minlaydi;

chiqadigan xat-xabarlarni imzolaydi;

Bo‘lim ishlarini takomillashtirish, mutaxassislarning ish malakasini oshirish chora-tadbirlarini ishlab chiqadi va amalga oshiradi;

Bo‘lim xodimlarini lavozimga tayinlash va lavozimdan ozod qilish, ularning malakasini oshirish, ularni rag‘batlantirish hamda ularga tanbeh berish to‘g‘risidagi takliflarni O‘zbekiston Respublikasi Vazirlar Mahkamasi Ijro etuvchi apparat boshqaruvchisiga taqdim etadi.

14. Bo‘lim mudiri vaqtincha bo‘lmagan taqdirda uning vazifasini O‘zbekiston Respublikasi Vazirlar Mahkamasi Ijro etuvchi apparatining boshqaruvchisi tomonidan belgilanadigan Bo‘limning bosh mutaxassislaridan biri bajaradi.

15. Bo‘limning bosh va yetakchi mutaxassislari, mutaxassisi, boshqa xodimlari o‘z faoliyatini belgilangan tartibda tasdiqlanadigan funksional vazifalar taqsimlanishiga muvofiq amalga oshiradilar.

1. Fuqarolarni qabul qilish, xat va arizalarni ko‘rib chiqish bo‘limi (keyingi o‘rinlarda Bo‘lim deb yuritiladi) jismoniy va yuridik shaxslar murojaatlarining O‘zbekiston Respublikasi Vazirlar Mahkamasi va uning Apparati tomonidan ko‘rib chiqilishini ta’minlovchi O‘zbekiston Respublikasi Hukumati Apparatining funksional tarkibiy bo‘linmasi hisoblanadi.

2. Bo‘lim o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

3. Bo‘lim o‘z faoliyatini O‘zbekiston Respublikasining Bosh vaziri rahbarligida amalga oshiradi.

Bo‘lim O‘zbekiston Respublikasi Vazirlar Mahkamasi Ijro etuvchi apparat boshqaruvchisiga bo‘ysunadi.

4. Bo‘lim o‘z faoliyatini O‘zbekiston Respublikasi Vazirlar Mahkamasi Apparatining boshqa tarkibiy bo‘linmalari, davlat va xo‘jalik boshqaruvi organlari, mahalliy davlat hokimiyati organlari, boshqa organlar va tashkilotlar bilan o‘zaro hamkorlikda amalga oshiradi.

5. Quyidagilar Bo‘limning asosiy vazifalari hisoblanadi:

jismoniy va yuridik shaxslarning O‘zbekiston Respublikasi Vazirlar Mahkamasiga, davlat va xo‘jalik boshqaruvi organlariga, mahalliy davlat hokimiyati organlariga kelib tushgan yozma, og‘zaki va elektron tarzdagi murojaatlari bilan ishlash monitoringini olib borish va ularni tahlil qilish;

O‘zbekiston Respublikasi Vazirlar Mahkamasi rahbariyati, shuningdek tarkibiy bo‘linmalarning rahbarlari va mutaxassislari tomonidan, zarur hollarda davlat va xo‘jalik boshqaruvi organlari, mahalliy davlat hokimiyati organlari vakillarini jalb etgan holda, jismoniy shaxslar va yuridik shaxslarning vakillari qabul qilinishini tashkil etish;

respublika Hukumatiga tushgan hamda ko‘rib chiqish uchun davlat va xo‘jalik boshqaruvi organlariga, mahalliy davlat hokimiyati organlariga yuborilgan, shuningdek O‘zbekiston Respublikasi Vazirlar Mahkamasi Apparatining tarkibiy bo‘linmalarida ko‘rib chiqishga berilgan jismoniy va yuridik shaxslarning yozma, og‘zaki va elektron tarzdagi murojaatlarini ko‘rib chiqish yuzasidan nazoratni yuritish;

jismoniy va yuridik shaxslarning murojaatlari masalalari bo‘yicha qonun hujjatlari loyihalarini tayyorlashda qatnashish;

jismoniy va yuridik shaxslarning murojaatlari bilan ishlashni takomillashtirish va uning samaradorligini oshirishga doir takliflarni ishlab chiqish va kiritish.

6. Bo‘lim o‘ziga yuklangan vazifalarni bajarish uchun quyidagi funksiyalarni amalga oshiradi:

jismoniy shaxslarni va yuridik shaxslarning vakillarini qabul qiladi, ularning O‘zbekiston Respublikasi Vazirlar Mahkamasiga yozma, og‘zaki va elektron tarzdagi murojaatlarini ro‘yxatdan o‘tkazadi va hisobini yuritadi;

jismoniy shaxslarni va yuridik shaxslarning vakillarini qabul qilish va ularning O‘zbekiston Respublikasi Vazirlar Mahkamasiga murojaatlarini ko‘rib chiqish bo‘yicha tahliliy, ma’lumotnoma materiallar va boshqa materiallarni muntazam ravishda tayyorlaydi;

jismoniy shaxslarning va yuridik shaxslar vakillarining O‘zbekiston Respublikasining Bosh vaziri va uning o‘rinbosarlari, O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan shaxsan qabul qilinishini tashkil etadi;

davlat va xo‘jalik boshqaruvi organlari, mahalliy davlat hokimiyati organlarining jismoniy va yuridik shaxslarning yozma, og‘zaki va elektron tarzdagi murojaatlari bilan ishlashi monitoringini olib boradi;

jismoniy shaxslarni va yuridik shaxslarning murojaatlari bilan ishlashni takomillashtirish bo‘yicha metodik tavsiyanomalar va takliflar ishlab chiqadi;

O‘zbekiston Respublikasi Vazirlar Mahkamasi Apparatining tarkibiy bo‘linmalarida jismoniy shaxslarni va yuridik shaxslarning murojaatlari bo‘yicha amaldagi qonun hujjatlari talablariga rioya etilishi yuzasidan nazoratni amalga oshiradi;

jismoniy shaxslarni va yuridik shaxslarning murojaatlarini O‘zbekiston Respublikasi Vazirlar Mahkamasi Apparatining tegishli tarkibiy bo‘linmalariga, davlat va xo‘jalik boshqaruvi organlariga, mahalliy davlat hokimiyati organlariga belgilangan tartibda ko‘rib chiqish va tegishli chora-tadbirlar ko‘rish uchun yuboradi;

Bo‘lim vakolatiga tegishli masalalar bo‘yicha O‘zbekiston Respublikasi Hukumatining qarorlari ijrosi nazoratini ta’minlaydi hamda qarorlar va topshiriqlarning bajarilishi to‘g‘risida rahbariyatga vaqti-vaqti bilan axborot beradi;

o‘ziga yuklangan boshqa funksiyalarni belgilangan tartibda amalga oshiradi.

7. Bo‘lim o‘ziga yuklangan vazifalar va funksiyalarni bajarish uchun quyidagi huquqlarga ega:

o‘ziga yuklangan vazifalar va funksiyalarni bajarish uchun zarur bo‘lgan materiallar va ma’lumotlarni O‘zbekiston Respublikasi Vazirlar Mahkamasi Apparatining boshqa tarkibiy bo‘linmalaridan, davlat va xo‘jalik boshqaruvi organlaridan, mahalliy davlat hokimiyati organlaridan, boshqa organlar va tashkilotlardan belgilangan tartibda olish va so‘rash;

jismoniy shaxslarni va yuridik shaxslarning murojaatlari bilan ishlashni takomillashtirish va uning samaradorligini oshirish maqsadida davlat va xo‘jalik boshqaruvi organlari, mahalliy davlat hokimiyati organlari, boshqa organlar va tashkilotlarning mansabdor shaxslari ishtirokida yig‘ilishlar o‘tkazish;

O‘zbekiston Respublikasi Vazirlar Mahkamasi Apparatining tarkibiy bo‘linmalarida jismoniy shaxslarni va yuridik shaxslarning murojaatlarini ko‘rib chiqish bo‘yicha ishlarning ahvolini tekshirish;

O‘zbekiston Respublikasi Vazirlar Mahkamasi rahbariyatining topshirig‘iga binoan davlat va xo‘jalik boshqaruvi organlari, mahalliy davlat hokimiyati organlarining Bo‘lim vakolatiga tegishli masalalar bo‘yicha majlislari hamda yig‘ilishlarida qatnashish;

jismoniy shaxslarni va yuridik shaxslarning murojaatlarida bayon qilingan holatlarning xolisligini aniqlashtirish uchun, zarurat bo‘lganda, davlat va xo‘jalik boshqaruvi organlari, mahalliy davlat hokimiyati organlarining mansabdor shaxslarini jalb etish, shuningdek jismoniy shaxslarni va yuridik shaxslarning murojaatlarini joyning o‘ziga borib ko‘rib chiqish;

zarurat bo‘lganda “O‘zbekiston Respublikasi Vazirlar Mahkamasi to‘g‘risida”, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi qonunlari va O‘zbekiston Respublikasi Vazirlar Mahkamasining Ish tartibi talablari buzilgan holda tushgan hujjatlarni qaytarib yuborish.

Bo‘limning zarur materiallar, ma’lumotlar taqdim etish bo‘yicha talablari, agar O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlarining va O‘zbekiston Respublikasi Vazirlar Mahkamasi Ijro etuvchi apparat boshqaruvchisining topshiriqlarida boshqa bajarish muddatlari belgilanmagan bo‘lsa, Bo‘lim belgilagan muddatlarda bajarilishi kerak.

8. Bo‘lim:

o‘ziga yuklangan vazifalarning zarur darajada va samarali bajarilishi uchun;

O‘zbekiston Respublikasi Vazirlar Mahkamasida jismoniy shaxslarni va yuridik shaxslarning murojaatlari bilan ishlash natijadorligi uchun javob beradi.

9. Bo‘limning tuzilmasiga Bo‘lim mudiri, ikkita yetakchi mutaxassis, shuningdek I toifali ish yurituvchi-kotiba kiradi.

Bo‘lim tuzilmasi O‘zbekiston Respublikasi Vazirlar Mahkamasi tomonidan tasdiqlanadi.

10. Bo‘lim ishlariga mudir rahbarlik qiladi.

11. Bo‘lim mudiri va mutaxassislari belgilangan tartibda lavozimga tayinlanadi va lavozimdan ozod qilinadi.

12. Bo‘lim ishlari “O‘zbekiston Respublikasi Vazirlar Mahkamasi to‘g‘risida”, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi qonunlariga, Vazirlar Mahkamasining Ish tartibiga, ushbu Nizomga, Vazirlar Mahkamasi Apparatida ish yuritish bo‘yicha yo‘riqnomaga, O‘zbekiston Respublikasi Prezidentining, O‘zbekiston Respublikasi Bosh vazirining topshiriqlariga, Vazirlar Mahkamasi Ijro etuvchi apparat boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejasi, Bo‘limning choraklik ish rejasi, mudir va mutaxassislarning shaxsiy ish rejalari asosida tashkil etiladi.

Bo‘limning choraklik ish rejalari, mudirning shaxsiy ish rejasi Vazirlar Mahkamasi Ijro etuvchi apparat boshqaruvchisi tomonidan tasdiqlanadi.

Mutaxassislarning shaxsiy ish rejalari Vazirlar Mahkamasi Ijro etuvchi apparat boshqaruvchisi bilan kelishiladi va Bo‘lim mudiri tomonidan tasdiqlanadi.

13. Bo‘lim mudiri:

Bo‘limga bevosita rahbarlikni amalga oshiradi, mutaxassislar ishini tashkil qiladi hamda Bo‘limga yuklangan vazifalar va funksiyalarning bajarilishi va ijro intizomining ahvoli uchun shaxsan javob beradi;

O‘zbekiston Respublikasi Vazirlar Mahkamasining va uning Prezidiumining majlislarida, O‘zbekiston Respublikasining Bosh vaziri, uning o‘rinbosarlari o‘tkazadigan yig‘ilishlarda, O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan Bo‘lim vakolati sohasiga kiruvchi masalalar bo‘yicha o‘tkaziladigan yig‘ilishlarda qatnashadi;

jismoniy shaxslarning va yuridik shaxslar vakillarining O‘zbekiston Respublikasining Bosh vaziri va uning o‘rinbosarlari, O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan shaxsan qabul qilinishini tashkil etadi;

Bo‘limdan chiquvchi xat-xabarlarni imzolaydi;

zarur hollarda jismoniy va yuridik shaxslarning yozma, og‘zaki va elektron tarzdagi murojaatlarini ko‘rib chiqishda qatnashish uchun davlat va xo‘jalik boshqaruvi organlarining, mahalliy davlat hokimiyati organlarining mansabdor shaxslarini jalb etadi;

Bo‘lim mutaxassislari o‘rtasida vazifalarni taqsimlaydi;

jismoniy va yuridik shaxslarning murojaatlarini ko‘rib chiqish natijalariga aniqlik kiritish uchun zarur materiallar va asoslarni so‘rab oladi;

O‘zbekiston Respublikasi Vazirlar Mahkamasi Apparatida amalda bo‘lgan Yo‘riqnomaga muvofiq ish yuritilishini ta’minlaydi;

Bo‘lim ishlarini takomillashtirish va mutaxassislarning ish malakasini oshirish chora-tadbirlarini ishlab chiqadi va amalga oshiradi;

Bo‘lim mutaxassislarini lavozimga tayinlash va lavozimdan ozod qilish, ularning malakasini oshirish, ularni rag‘batlantirish hamda ularga tanbeh berish to‘g‘risidagi takliflarni O‘zbekiston Respublikasi Vazirlar Mahkamasi Ijro etuvchi apparat boshqaruvchisiga taqdim etadi.

14. Bo‘lim mudiri vaqtincha bo‘lmagan taqdirda uning vazifasini O‘zbekiston Respublikasi Vazirlar Mahkamasi Ijro etuvchi apparat boshqaruvchisi tomonidan belgilanadigan Bo‘limning yetakchi mutaxassislaridan biri bajaradi.

15. Bo‘limning yetakchi mutaxassislari, I toifali ish yurituvchi-kotibasi o‘z faoliyatini belgilangan tartibda tasdiqlangan funksional vazifalarning taqsimlanishiga muvofiq amalga oshiradilar.