Qayd etib o‘tilsinki, maktabgacha ta’lim tizimini tubdan isloh qilish va takomillashtirish, maktabgacha ta’lim tashkilotlarini davlat tomonidan boshqarishning samarali tizimini yaratish hamda uning moddiy-texnika bazasini mustahkamlash maqsadida so‘nggi yilda qabul qilingan qat’iy chora-tadbirlar natijasida Maktabgacha ta’lim vazirligi va uning joylardagi hududiy bo‘linmalari tashkil qilindi.

2017 — 2021-yillarda Maktabgacha ta’lim tizimini yanada takomillashtirish bo‘yicha dastur tasdiqlandi, uning doirasida maktabgacha ta’lim tashkilotlari faoliyatini tizimli tashkillashtirish, qurish, rekonstruksiya qilish va mukammal ta’mirlash borasidagi ishlar boshlab yuborildi.

Shu bilan birga o‘tkazilgan tahlillar shuni ko‘rsatadiki, maktabgacha ta’lim tashkilotlarini qurish-ta’mirlash ishlarini tashkil etish, moddiy-texnika bazasini mustahkamlash, hududlarni obodonlashtirish, sanitariya-gigiyena talablariga rioya etilishini ta’minlash borasidagi vakolatli davlat organlarining faoliyati ayniqsa joylarda hamon past darajada qolmoqda.

Bundan tashqari, davlat maktabgacha ta’lim tashkilotlari infratuzilmasi va moddiy-texnika bazasining holati zamon talablariga to‘liq darajada mos kelmaydi va mamlakat aholisining o‘sib borishini e’tiborga olganda bolalarning maktabgacha ta’lim bilan zarur darajada qamrab olinishini ta’minlash imkonini bermaydi.

Maktabgacha ta’lim tizimini, shu jumladan maktabgacha ta’lim xizmatlari nodavlat sektorini yanada rivojlantirish, maktabgacha ta’lim tashkilotlari tarmog‘ini kengaytirish va moddiy-texnika bazasini mustahkamlash, bolalarning maktabgacha ta’lim tizimiga yanada kengroq qamrab olinishini ta’minlash hamda maktabgacha ta’lim sohasidagi davlat-xususiy sherikchiligi uchun qulay shart-sharoitlar yaratish maqsadida:

1. O‘zbekiston Respublikasi Maktabgacha ta’lim vazirligi, Moliya vazirligi, Davlat aktivlarini boshqarish agentligi, Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining maktabgacha ta’lim sohasida davlat-xususiy sheriklikning quyidagi shakllarini joriy etish to‘g‘risidagi takliflariga rozilik berilsin:

jamoat ehtiyojlari uchun doimiy foydalanishga berilgan yer uchastkalarini, shu jumladan faoliyat yuritayotgan davlat maktabgacha ta’lim tashkilotlarining bo‘sh turgan yer uchastkalarini nodavlat maktabgacha ta’lim tashkilotlarining binolarini qurish uchun bepul asosda ijaraga berish;

mavjud davlat maktabgacha ta’lim tashkilotlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat maktabgacha ta’lim tashkilotlari obyektlarini qurish uchun doimiy foydalanishdagi yer uchastkalarini bepul asosda ijaraga berish;

konsessiya asosida rekonstruksiya qilish va jihozlash uchun bino ajratish;

bo‘sh yotgan davlat mulki obyektlarini, shu jumladan faoliyat ko‘rsatmayotgan davlat maktabgacha ta’lim tashkilotlarining binolarini “nol” xarid qiymatida sotish;

to‘liq butlanmay qolgan davlat maktabgacha ta’lim tashkilotlarining foydalanilmayotgan xonalari yoki korpuslarini uzoq muddatli bepul maqsadli foydalanish uchun xususiy sheriklarga topshirish;

xususiy sherikning mol-mulki negizida tashkil qilingan nodavlat maktabgacha ta’lim tashkilotlarini moddiy-texnik va moliyaviy ta’minlash;

oilaviy nodavlat maktabgacha ta’lim tashkilotlarini moddiy-texnik va metodik ta’minlash;

otaliq shaklidagi xayriya faoliyatini olib borish.

Belgilansinki, maktabgacha ta’lim sohasida davlat-xususiy sheriklik O‘zbekiston Respublikasi Vazirlar Mahkamasi tomonidan o‘rnatiladigan boshqa shakllarda ham amalga oshirilishi mumkin.

2. Davlat-xususiy sherikchiligi shakliga qarab xususiy sherik zimmasiga investitsiya majburiyatlarining quyidagi turlari yuklanishi mumkinligi belgilab qo‘yilsin:

ijtimoiy ko‘makka muhtoj oilalar va maxsus kontingentdan muayyan miqdordagi tarbiyalanuvchilarni o‘qitish, ular uchun ota-onalar to‘lovining imtiyozli miqdorlarini (mazkur joydagi davlat maktabgacha ta’lim tashkilotlari uchun belgilanganidan oshmaydigan miqdorlarda) belgilab qo‘yish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi;

xususiy sherikka biriktirilgan davlat maktabgacha ta’lim tashkilotlarini qurish, rekonstruksiya qilish, mukammal ta’mirlash va jihozlash borasidagi ishlarni amalga oshirish;

davlat-xususiy sherikchiligi to‘g‘risidagi bitimda nazarda tutiladigan boshqa majburiyatlarni bajarish.

3. Maktabgacha ta’lim sohasida davlat-xususiy sherikchiligi to‘g‘risidagi Nizom 1-ilovaga muvofiq tasdiqlansin.

4. Belgilansinki:

davlat-xususiy sheriklik to‘g‘risidagi bitim Maktabgacha va maktab ta’limi vazirligi tomonidan o‘tkaziladigan tanlov natijalari bo‘yicha tuziladi. Mazkur qaror 1-bandining sakkizinchi — o‘ninchi xatboshilarida nazarda tutilgan hollarda tanlov o‘tkazilmaydi;

Maktabgacha va maktab ta’limi vazirligi 2023-yil 1-oktabrdan boshlab davlat-xususiy sheriklik asosidagi nodavlat maktabgacha ta’lim tashkilotlarini tashkil etishda davlat sherigi sifatida xususiy sherik bilan bitim tuzadi (2023-yil 1-oktabrga qadar tuzilgan bitimlar uchun davlat sherigi etib Maktabgacha ta’lim agentligi belgilanadi) hamda bitim shartlari xususiy sherik tomonidan lozim darajada bajarilishini monitoring qiladi;

Maktabgacha va maktab ta’limi vazirligi 2024-yil 1-oktabrdan boshlab oilaviy nodavlat maktabgacha ta’lim tashkilotlarini tashkil etishda davlat sherigi sifatida xususiy sherik bilan bitim tuzadi hamda bitim shartlari xususiy sherik tomonidan lozim darajada bajarilishini monitoring qiladi;

Qoraqalpog‘iston Respublikasi hududida Qoraqalpog‘iston Respublikasi Maktabgacha va maktab ta’limi vazirligi davlat-xususiy sheriklik asosidagi nodavlat maktabgacha ta’lim tashkilotlarini hamda oilaviy nodavlat maktabgacha ta’lim tashkilotlarini tashkil etishda davlat sherigi sifatida xususiy sherik bilan bitim tuzadi hamda bitim shartlari xususiy sherik tomonidan lozim darajada bajarilishini monitoring qiladi.

5. O‘zbekiston Respublikasi Maktabgacha ta’lim vazirligi, Moliya vazirligi, Iqtisodiyot vazirligi, Investitsiyalar bo‘yicha davlat qo‘mitasi, Xususiylashtirilgan korxonalarga ko‘maklashish va raqobatni rivojlantirish davlat qo‘mitasi hamda O‘zbekiston Respublikasi Tiklanish va taraqqiyot jamg‘armasining:

nodavlat maktabgacha ta’lim tashkilotlarining rivojlantirish va davlat-xususiy sheriklikni rag‘batlantirish tadbirlarini moliyalashtirishga yo‘naltiriladigan mablag‘larni O‘zbekiston Respublikasi Moliya vazirligining alohida ochiladigan hisobvaraq (keyingi o‘rinlarda — maxsus hisobvaraq)da jamlash to‘g‘risidagi;

2021-yil 1-iyuldan boshlab davlat-xususiy sheriklik asosidagi nodavlat maktabgacha ta’lim tashkilotlariga (oilaviy nodavlat maktabgacha ta’lim tashkilotlaridan tashqari) foydalangan elektr energiyasi va tabiiy gaz xizmatlari uchun qonunchilikda belgilangan tartibda Davlat budjeti mablag‘lari hisobidan oylik kompensatsiyalar to‘lash;

2021-yil 1-iyuldan boshlab olis va chekka hududlarda joylashgan davlat-xususiy sheriklik asosidagi nodavlat maktabgacha ta’lim tashkilotlariga (oilaviy nodavlat maktabgacha ta’lim tashkilotlaridan tashqari) har bir tarbiyalanuvchi bola uchun Davlat budjeti mablag‘lari hisobidan davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 75 foizi miqdorida subsidiya to‘lash;

olis va chekka hududlardan tashqari boshqa hududlarda joylashgan davlat-xususiy sheriklik asosidagi nodavlat maktabgacha ta’lim tashkilotlariga (oilaviy nodavlat maktabgacha ta’lim tashkilotlaridan tashqari) har bir tarbiyalanuvchi bola uchun Davlat budjeti mablag‘lari hisobidan davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi miqdorida subsidiya to‘lash tartibini joriy etish to‘g‘risidagi takliflari qabul qilinsin.

6. Quyidagilar maxsus hisobvaraqni shakllantirish manbalari etib belgilansin:

O‘zbekiston Respublikasi Tiklanish va taraqqiyot jamg‘armasining ekvivalenti 100,0 million AQSH dollari miqdoridagi bosqichma-bosqich ajratiladigan mablag‘lari;

O‘zbekiston Respublikasiga budjetni qo‘llab-quvvatlash uchun Jahon banki va Osiyo taraqqiyot banki tomonidan ajratiladigan 100,0 million AQSH dollari miqdoridagi kreditlari;

xalqaro moliya institutlari, xorijiy hukumat tashkilotlari va boshqa donorlarning xayriya ionalari, kreditlari (qarzlari) va grantlari;

maxsus hisobvaraqning vaqtincha bo‘sh mablag‘larini joylashtirishdan olinadigan daromadlar;

qonun hujjatlarida taqiqlanmagan boshqa manbalar.

7. Quyidagilar belgilansin:

maxsus hisobvaraqdagi mablag‘lar nodavlat maktabgacha ta’lim tashkilotlarini tashkil etish, davlat-xususiy sherikligi to‘g‘risidagi bitim obyektlarini qurish, rekonstruksiya qilish, ta’mirlash va jihozlashga imtiyozli kreditlarni berish uchun tijorat banklariga taqdim etiladi;

maxsus hisobvaraqdagi mablag‘lardan kreditlar tijorat banklari tomonidan maktabgacha ta’lim faoliyati bilan shug‘ullanuvchi tadbirkorlik subyektlariga qonun hujjatlarida belgilangan muddat va shartlar asosida ajratib beriladi.

8. Davlat-xususiy sheriklik to‘g‘risidagi bitimlar amal qilishining quyidagi muddatlari belgilansin:

nodavlat maktabgacha ta’lim tashkilotlarining binolarini qurish uchun bepul asosda ijaraga yer maydonlari taqdim etish bitimi — kamida 30 yil;

bo‘sh yotgan davlat mulki obyektlarini, shu jumladan faoliyat ko‘rsatmayotgan davlat maktabgacha ta’lim tashkilotlarining binolarini “nol” xarid qiymatida sotish bitimi — kamida 30 yil;

to‘liq butlanmay qolgan davlat maktabgacha ta’lim tashkilotlarining foydalanilmayotgan xonalari yoki korpuslarini uzoq muddatli bepul maqsadli foydalanish uchun xususiy sheriklarga topshirish bitimi — kamida 30 yil;

nodavlat maktabgacha ta’lim tashkilotlari binolarini qurish uchun faoliyat yuritayotgan davlat maktabgacha ta’lim tashkilotlarining hududida bepul asosda ijaraga yer maydonlari taqdim etish bitimi — kamida 30 yil;

mavjud davlat maktabgacha ta’lim tashkilotlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat maktabgacha ta’lim tashkilotlari obyektlarini qurish uchun bepul asosda ijaraga yer maydonlarini taqdim etish bitimi — kamida 30 yil;

konsessiya asosida qurilish uchun yer maydoni yoki rekonstruksiya qilish va jihozlash uchun bino ajratish bitimi — 15 yilgacha;

xususiy sherikning mol-mulki negizida tashkil qilingan nodavlat maktabgacha ta’lim tashkilotlarini moddiy jihatdan ta’minlash bitimi — kamida 10 yil;

oilaviy nodavlat maktabgacha ta’lim tashkilotlarini moddiy-texnik va metodik ta’minlash bitimi — kamida 3 yil;

otaliq shaklidagi xayriya faoliyatini olib borish bitimi — kamida 1 yil.

O‘z faoliyatini olingan imtiyozli kredit asosida yoki davlat-xususiy sheriklik shartlarida tadbirkorlik subyektlariga topshirilgan obyektlarda boshlagan nodavlat maktabgacha ta’lim tashkilotining faoliyatini u tashkil etilgan kundan boshlab 30 yil mobaynida qayta ixtisoslashtirish taqiqlanadi.

9. Davlat-xususiy sherikchiligi shartlarida tashkil etilgan nodavlat maktabgacha ta’lim tashkilotlari:

tashkil qilinayotgan nodavlat maktabgacha ta’lim tashkilotlarining ehtiyojlari uchun o‘rnatilgan tartibda tasdiqlangan ro‘yxatlar bo‘yicha olib kelinadigan uskunalar, asbob-anjomlar, o‘quv qurollari va o‘yingohlar davlat-xususiy sherikchiligi to‘g‘risidagi bitim tuzilgan kundan boshlab 2 yil muddatga bojxona to‘lovlari (bojxonada rasmiylashtirish uchun yig‘imlardan tashqari) to‘lashdan;

nodavlat maktabgacha ta’lim tashkiloti o‘z faoliyatini amalga oshira boshlagandan keyin o‘n yil mobaynida barcha turdagi soliqlar va davlat maqsadli jamg‘armalariga majburiy ajratmalar to‘lashdan ozod qilinsin.

Belgilansinki:

ushbu bandda ko‘rsatilgan soliq va bojxona imtiyozlari maktabgacha ta’lim sohasida ko‘rsatilayotgan xizmatlaridan oladigan sof tushum ulushi umumiy realizatsiya hajmida hisobot (soliq) davri yakunlariga ko‘ra kamida 80 foizni tashkil etadigan nodavlat maktabgacha ta’lim tashkilotlariga nisbatan qo‘llaniladi;

ushbu bandning uchinchi xatboshida ko‘rsatilgan imtiyozlarning amal qilish muddati tugaydigan sana imtiyozlar amal qilishi muddati nihoyasiga yetadigan oyning oxirgi kuni hisoblanadi.

10. Quyidagilar:

2023-yilning 1-yanvariga qadar muddatda nodavlat maktabgacha ta’lim tashkilotlari uchun yagona ijtimoiy to‘lov stavkasi mehnatga haq to‘lash tarzida daromadlarning 10 foizi miqdorida, davlat-xususiy sherikchiligi asosida tashkil qilingan nodavlat maktabgacha ta’lim tashkilotlari uchun esa — davlat-xususiy sherikchiligi to‘g‘risidagi bitim imzolangan oydan boshlab o‘n yil muddatga 5 foiz miqdorida belgilanadi;

2018-yilning 15-aprelidan boshlab maktabgacha ta’lim tashkilotlarini kichik tadbirkorlik subyektlari jumlasiga kiritish uchun ularning o‘rtacha yillik xodimlari cheklangan soni 100 kishiga yetkaziladi;

mazkur qarorning 9-bandida ko‘rsatilgan imtiyozlarning amal qilish muddati tugagandan so‘ng davlat-xususiy sherikchiligi shartlari asosida tashkil qilingan nodavlat maktabgacha ta’lim tashkilotlariga ushbu qaror bilan tasdiqlangan davlat-xususiy sherikchiligi to‘g‘risidagi nizomda maktabgacha ta’lim sohasida belgilangan kvotalar bo‘yicha ota-onalar to‘lovining imtiyozli miqdorlariga asosan qabul qilingan tarbiyalanuvchilarga ta’lim xizmatlari ko‘rsatishdan olingan foyda (sof tushum) davlat-xususiy sherikchiligi to‘g‘risidagi bitimning amal qilish muddati mobaynida yuridik shaxslarning foyda solig‘i bo‘yicha soliqqa tortiladigan bazadan yoki yagona soliq to‘lovi bo‘yicha soliqqa tortiladigan bazadan chiqarib tashlanadi;

2021-yil 1-iyuldan boshlab oilaviy nodavlat maktabgacha ta’lim tashkilotlariga mavjud quvvatiga qarab 50 nafargacha bolalarni tarbiyalashga hamda tarbiyalanuvchilar sonidan kelib chiqib 4 nafargacha tarbiyachi va yordamchilarni yollashga ruxsat beriladi;

2021-yil 1-iyuldan boshlab oilaviy nodavlat maktabgacha ta’lim tashkilotlari hududiy maktabgacha ta’lim boshqarmalari orqali o‘quv materiallar bilan bepul ta’minlanadi;

2021-yil 1-iyuldan boshlab oilaviy nodavlat maktabgacha ta’lim tashkilotlarining rahbarlari va xodimlarining malakasini oshirish davlat maktabgacha ta’lim tashkilotlari uchun belgilangan tartibda amalga oshiriladi.

11. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:

O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi hamda O‘zbekiston Respublikasi Maktabgacha ta’lim vazirligi bilan hamkorlikda 2018-yilning 1-sentabriga qadar muddatda bo‘sh yotgan davlat mulki obyektlari, shuningdek, rekonstruksiya qilinishi va mukammal ta’mirlanishi lozim bo‘lgan davlat maktabgacha ta’lim muassasalarining ishlatilmayotgan (korpuslarini) xatlovdan o‘tkazib, ularning ro‘yxatini tuzsinlar;

har yili 1-fevralga qadar davlat-xususiy sheriklik shartlarida nodavlat maktabgacha ta’lim tashkilotlarining binolarini qurish uchun bepul asosda ijaraga ajratib berilishi lozim bo‘lgan yer maydonlarini aniqlab, ana shu yer maydonlarining tasdiqlangan ro‘yxatlarini Maktabgacha va maktab ta’limi vazirligiga taqdim etsinlar va yer uchastkalarini davlat sherigiga doimiy foydalanish uchun ajratib berilishini ta’minlasinlar;

mahalliy budjetlarning mablag‘lari hisobiga qurilayotgan va barpo etilgan nodavlat maktabgacha ta’lim tashkilotlarini barcha zarur tashqi muhandislik-kommunikatsiya infratuzilmasi (elektr energiyasi, gaz ta’minoti, suv ta’minoti, kanalizatsiya, avtomobil yo‘llari va boshqalar bilan) ta’minlasinlar;

O‘zbekiston Respublikasi Qurilish vazirligi bilan birgalikda qurilish uchun yer maydonlarini tanlash va ajratish hamda turar-joy massivlari (komplekslari) qurilishini loyihalashtirish bosqichida nodavlat maktabgacha ta’lim tashkilotlari qurilishi uchun joylarni nazarda tutsinlar.

12. O‘zbekiston Respublikasi Moliya vazirligi O‘zbekiston Respublikasi Maktabgacha ta’lim vazirligi va Investitsiyalar bo‘yicha davlat qo‘mitasi bilan birgalikda bir oy muddatda hukumat qarori loyihasini O‘zbekiston Respublikasi Vazirlar Mahkamasiga kiritsin, unda quyidagilar nazarda tutilsin:

maxsus hisobvaraq mablag‘laridan foydalanish tartibi;

davlat-xususiy sherikchiligi shartlari asosida faoliyat yuritadigan maktabgacha ta’lim tashkilotlariga O‘zbekiston Respublikasi Davlat budjeti mablag‘laridan subsidiyalar ajratish tartibi.

13. Quyidagilar:

a) Maktabgacha ta’lim agentligi tuzilmasida:

davlat-xususiy sherikchiligi asosidagi maktabgacha ta’lim tashkilotlari faoliyatini tashkil etish boshqarmasi;

davlat-xususiy sherikchiligi loyihalari monitoringi bo‘limi tuzilsin;

b) Qoraqalpog‘iston Respublikasi Maktabgacha va maktab ta’limi vazirligi, viloyatlar va Toshkent shahar maktabgacha va maktab ta’limi boshqarmalari tuzilmasida xodimlarining cheklangan soni 2 nafargacha bo‘lgan davlat-xususiy sherikchiligi asosidagi maktabgacha ta’lim tashkilotlari faoliyatini tashkil etish bo‘limi tuzilsin.

14. O‘zbekiston Respublikasi Prezidentining ba’zi qarorlari 5-ilovaga muvofiq o‘z kuchini yo‘qotgan deb hisoblansin.

15. O‘zbekiston Respublikasi Maktabgacha ta’lim vazirligi manfaatdor vazirliklar va idoralar bilan birgalikda:

bir oy muddatda Oilaviy maktabgacha ta’lim nodavlat muassasalari to‘g‘risidagi nizomni;

ikki oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risidagi takliflarni O‘zbekiston Respublikasi Vazirlar Mahkamasiga kiritsin.

16. Vazirlik va idoralar o‘zlari ilgari qabul qilgan me’yoriy-huquqiy hujjatlarni ushbu qarorga muvofiqlashtirsinlar.

17. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidentining Davlat maslahatchisi R.S. Qosimov, O‘zbekiston Respublikasi Bosh vazirining o‘rinbosari Q.V. Akmalov va O‘zbekiston Respublikasi maktabgacha ta’lim vaziri A.V. Shin zimmasiga yuklansin.

1. Ushbu Nizom maktabgacha ta’lim sohasidagi davlat-xususiy sheriklikni amalga oshirish tartibini belgilab beradi.

2. Ushbu Nizomda quyidagi tushunchalardan foydalaniladi:

davlat-xususiy sheriklik — xususiy investitsiyalarni jalb qilish, resurslarni birlashtirish va xavf-xatarlarni taqsimlash maqsadida davlat sherigi va xususiy sherikning aniq muddatga yuridik rasmiylashtirilgan maktabgacha ta’lim sohasidagi o‘zaro samarali hamkorligi;

davlat-xususiy sheriklik to‘g‘risida bitim (keyingi o‘rinlarda matnda bitim deb yuritiladi) — tomonlarning huquqlari, majburiyatlari va javobgarligini, shuningdek davlat-xususiy sheriklik loyihasini ijro etishning boshqa shartlarini belgilab beradigan davlat sherigi va xususiy sherik o‘rtasida tuzilgan yozma shartnoma;

davlat-xususiy sheriklik to‘g‘risidagi bitim tomonlari (keyingi o‘rinlarda matnda tomonlar deb yuritiladi) — davlat sherigi va xususiy sherik;

davlat sherigi — Maktabgacha va maktab ta’limi vazirligi (Qoraqalpog‘iston Respublikasi hududida — Qoraqalpog‘iston Respublikasi Maktabgacha va maktab ta’limi vazirligi);

xususiy sherik — bitim tuzgan yoki bitim tuzish istagini bildirgan yuridik yoxud jismoniy shaxs. Davlat tashkilotlari xususiy sheriklar bo‘la olmaydi, shuningdek xususiy sheriklar tarafida ishtirok eta olmaydi;

davlat-xususiy sheriklik to‘g‘risidagi bitim obyekti (keyingi o‘rinlarda matnda obyekt deb yuritiladi) — bitim bo‘yicha maktabgacha ta’lim tashkilotlarini tashkil etish maqsadida foydalanilishi mumkin bo‘lgan yer uchastkalari, bo‘sh turgan binolar, shu jumladan ishlamaydigan va but qilinmagan davlat maktabgacha ta’lim tashkilotlari hamda boshqa obyektlar;

but qilinmagan davlat maktabgacha ta’lim tashkilotlari — rejadagi quvvatining 50 foizi ham but qilinmagan davlat maktabgacha ta’lim tashkilotlari;

davlat-xususiy sheriklik loyihasi — muhim davlat, ijtimoiy, iqtisodiy va ilmiy-texnik ahamiyatga ega bo‘lgan maktabgacha ta’lim sohasidagi investitsiyaviy, innovatsion, infratuzilmaviy va boshqa tadbirlar majmui;

filantropik faoliyat — jismoniy va yuridik shaxslarning fuqarolarga yoki yuridik shaxslarga mol-mulkni, shu jumladan pul mablag‘larini beg‘araz (bepul) o‘tkazish, bepul tarzda ishlarni bajarish, xizmatlar ko‘rsatish, boshqacha ko‘mak berish bo‘yicha ixtiyoriy faoliyati;

ijtimoiy ko‘makka muhtoj oilalar — Ijtimoiy reyestrga kiritilgan oilalar, a’zolari nogironligi bo‘lgan shaxslardan iborat bo‘lgan oilalar, boquvchisini yo‘qotgan oilalar, bolaning ota-onasi kvotalar bo‘yicha mintaqalarga taqsimlangan ijtimoiy soha xodimlari bo‘lgan oilalar, to‘rt yoki undan ko‘p bolalari bo‘lgan oilalar.

maxsus kontingent — harbiy xizmatchilarning va huquqni muhofaza qiluvchi organlar xodimlarining bolalari, maktabgacha ta’lim tizimi xodimlari va davlat umumta’lim maktablari pedagog xodimlarining bolalari;

konsessiya (konsession bitim) — muayyan muddatga tuzilgan bitim, unga ko‘ra davlat konsessionerga qurilish ishlarini amalga oshirish uchun yer uchastkalariga, shuningdek maktabgacha ta’lim tashkilotini qayta qurish va jihozlash uchun binolarga egalik qilish (tasarruf etish huquqisiz) va ulardan foydalanish huquqini beradi, konsession faoliyat natijasida konsessioner ega bo‘lgan mahsulot va daromadlar konsession bitimda belgilangan hajmda va shartlarda uning mulki hisoblanadi;

otaliq — otaliqqa olingan maktabgacha ta’lim tashkilotiga jismoniy yoki yuridik shaxs (otaliq) tomonidan iqtisodiy, moliyaviy, madaniy, ta’lim yoki boshqa beg‘araz tizimli yordam ko‘rsatish bo‘yicha faoliyat.

3. Davlat-xususiy sheriklikning asosiy prinsiplari quyidagilardan iborat:

davlat sherigining va xususiy sherikning qonun oldida tengligi;

davlat-xususiy sheriklikni amalga oshirishdagi qoidalar va tartib-taomillarning shaffofligi;

xususiy sherikni tanlashdagi bahslashuv va xolislik;

kamsitishga yo‘l qo‘ymaslik;

korrupsiyaga yo‘l qo‘ymaslik.

4. Davlat-xususiy sheriklik quyidagi shakllarda amalga oshiriladi:

nodavlat maktabgacha ta’lim tashkilotlari binolarini qurish uchun doimiy foydalanishdagi yer uchastkalarini bepul asosda ijaraga berish;

davlat mulki bo‘lgan bo‘sh turgan obyektlarni, shu jumladan ishlamaydigan davlat maktabgacha ta’lim tashkilotlarining binolarini “nol” xarid qiymati bo‘yicha realizatsiya qilish;

but qilinmagan davlat maktabgacha ta’lim tashkilotlarining foydalanilmaydigan binolari yoki korpuslarini uzoq muddat bepul foydalanish uchun xususiy sheriklarga o‘tkazish;

ishlab turgan davlat maktabgacha ta’lim tashkilotlari hududidagi yer uchastkalarini nodavlat maktabgacha ta’lim tashkilotlari binolarini qurish uchun ijaraga bepul berish;

mavjud davlat maktabgacha ta’lim tashkilotlarini qayta qurish va jihozlash hamda keyinchalik otaliqqa olish sharti bilan nodavlat maktabgacha ta’lim tashkilotlari obyektlarini qurish uchun yer uchastkalarini ijaraga bepul taqdim etish;

konsessiya asosida qurish, qayta qurish va jihozlash uchun ijaraga yer uchastkasi yoki bino ajratish;

xususiy sherik mulki negizida tashkil etilgan nodavlat maktabgacha ta’lim tashkilotlarini moddiy-texnik va moliyaviy jihatdan ta’minlash;

oilaviy nodavlat maktabgacha ta’lim tashkilotlarini moddiy-texnik va uslubiy jihatdan ta’minlash;

otaliq shaklidagi filantropik faoliyat.

Davlat-xususiy sheriklik tanlov asosida amalga oshiriladi, bundan ushbu bandning sakkizinchi — o‘ninchi xatboshilarida nazarda tutilgan hollar mustasno.

5. Xususiy sherikni tanlab olish O‘zbekiston Respublikasining “Davlat-xususiy sheriklik to‘g‘risida” gi Qonuni talablari asosida amalga oshiriladi.

6. Komissiya tomonidan xususiy sherikning arizasi ko‘rib chiqilishi uchun O‘zbekiston Respublikasi qonun hujjatlarida belgilangan bitta bazaviy hisoblash miqdorida davlat sherigining maxsus hisobvarag‘iga o‘tkazib beriladigan yig‘im undiriladi.

7. Davlat-xususiy sheriklik loyihasini davlat sherigi yoki xususiy sherik tomonidan taklif etilishi maktabgacha ta’lim sohasida bitim uchun asos hisoblanadi.

8. Ushbu Nizomga muvofiq nodavlat maktabgacha ta’lim tashkilotlarini tashkil etish uchun xususiy sheriklarga yer uchastkalarini taqdim etishda ularga O‘zbekiston Respublikasi Prezidentining va O‘zbekiston Respublikasi Hukumatining ayrim qarorlarida belgilangan yuridik va jismoniy shaxslarga yer uchastkalarini taqdim etish tartibi tatbiq etilmaydi.

9. Davlat-xususiy sheriklik shartlari asosida nodavlat maktabgacha ta’lim xizmatini ko‘rsatish istagini bildirgan xususiy sherik davlat sherigiga tegishli ariza beradi.

10. Arizada quyidagilar ko‘rsatilgan bo‘lishi kerak:

yuridik shaxslar uchun — xususiy sherikning nomi va joylashgan yeri, jismoniy shaxslar uchun — shaxsiy ma’lumotlar va yashash manzili;

loyihani amalga oshirish maqsadi;

bitimning taxmin qilingan obyekti yoki yer uchastkasi to‘g‘risidagi ma’lumotlar.

11. Davlat-xususiy sheriklik loyihasini amalga oshirish to‘g‘risida kelib tushgan ariza u kelib tushgan kundan boshlab o‘n kun ichida davlat sherigi tomonidan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda Davlat aktivlarini boshqarish agentligi bilan birgalikda ko‘rib chiqiladi.

12. Kelib tushgan ariza ko‘rib chiqilgach hamda Qoraqalpog‘iston Respublikasi Vazirlar Kengashining, viloyatlar va Toshkent shahar hokimliklarining hamda Davlat aktivlarini boshqarish agentligining ijobiy xulosalari olingach, davlat sherigi tanlovni e’lon qiladi.

Tanlov ushbu Nizomning 3-bobida nazarda tutilgan tartibda o‘tkaziladi.

13. Ariza ushbu Nizomda nazarda tutilgan talablar buzilgan holda berilgan bo‘lsa, hujjatlar ariza beruvchiga bir ish kuni mobaynida qaytariladi.

Taqdim etilgan arizada talablar buzilganligi haqidagi xabar yozma shaklda, shu jumladan elektron axborot tizimi orqali xususiy sherikka topshiriladi (jo‘natiladi). Xabarda qanday talablar buzilganligi, qonun hujjatlarining aniq normalari va xususiy sherik ko‘rsatilgan talablar buzilishini bartaraf etib, hujjatlarni davlat sherigiga takroran ko‘rib chiqish uchun taqdim etishi mumkin bo‘lgan muddat ko‘rsatiladi.

Xususiy sherik talablar buzilishini bartaraf etishga va hujjatlarni takroran ko‘rib chiqish uchun taqdim etishga haqli bo‘lgan muddat yozma yoki elektron xabar olingan kundan boshlab o‘n ish kunidan kam bo‘lishi mumkin emas.

Takroran yuborilgan hujjatlar ular takroran yuborilgan kun qabul qilingan hisoblanadi. Arizani takroran ko‘rib chiqish uchun yig‘im undirilmaydi.

14. Davlat sherigi mintaqa aholisining ehtiyojlaridan kelib chiqib, shu jumladan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda Davlat aktivlarini boshqarish agentligi, fuqarolarning o‘zini o‘zi boshqarish organlari, shuningdek jismoniy va yuridik shaxslardan kelib tushgan takliflarni o‘rganish natijalari bo‘yicha ushbu Nizomning ilovasidagi sxemaga muvofiq tanlovni e’lon qilish orqali davlat-xususiy sheriklikning loyihasini amalga oshirishni taklif qilishi mumkin.

15. Davlat sherigi tanlov boshlanishidan 30 kun avval tanlov savdolari o‘tkazilishi haqidagi e’lonni davlat sherigi rasmiy saytining maxsus bo‘limiga, boshqa ommaviy axborot vositalariga, shu jumladan Qoraqalpog‘iston Respublikasi Vazirlar Kengashining, viloyatlar va Toshkent shahri hokimliklarining hamda Davlat aktivlarini boshqarish agentligi hududiy organlarining davriy bosma nashrlariga va “Maktabgacha ta’lim metodikasi” jurnaliga, ijtimoiy tarmoqlarga majburiy tartibda joylashtiradi, shuningdek ushbu axborotni Kambag‘allikni qisqartirish va bandlik vazirligi va boshqa manbalar orqali tarqatadi.

16. Tanlov haqidagi e’londa quyidagi ma’lumotlar bo‘lishi kerak:

davlat sherigining nomi va pochta manzili, uning telefon raqami va elektron pochta manzili;

obyekt nomi, joylashgan yeri, soni, tavsifi;

davlat-xususiy sheriklik loyihasini amalga oshirish shartlari;

davlat-xususiy sheriklikni amalga oshirish shakllariga qarab talab etiladigan investitsiya va ijtimoiy majburiyatlarning eng kichik hajmi;

tanlov o‘tkaziladigan sana, vaqt va joy;

tanlov takliflari qabul qilinadigan oxirgi muddat (kuni va soati ko‘rsatilgan holda).

17. Tanlovda ishtirok etish uchun xususiy sherik davlat sherigiga quyidagi hujjatlarni ilova qilgan holda ariza beradi:

yuridik shaxs ro‘yxatdan o‘tkazilganligi to‘g‘risida guvohnoma yoki pasportning ko‘chirma nusxasi (agar ariza jismoniy shaxs tomonidan berilgan bo‘lsa);

tanlovda ishtirok etish uchun ariza taqdim etiladigan kundan kamida bir oy oldin soliqlar, yig‘imlar, boshqa majburiy to‘lovlar bo‘yicha qarzdorlik hamda boshqa moliyaviy sanksiyalar yo‘qligi to‘g‘risida ariza;

xususiy sherikning sof aktivlari to‘g‘risida axborot, davlat-xususiy sheriklik loyihasini realizatsiya qilishning moliyaviy imkoniyatini tasdiqlovchi o‘z ulushi miqdoridagi mablag‘ning bank depozitlarida mavjudligi va ushbu mablag‘ faqat nodavlat maktabgacha ta’lim tashkiloti qurilishi uchun yo‘naltirilishini kafolatlovchi hujjat;

maktabgacha ta’lim tashkiloti binosini qurish (qayta qurish) uchun eskiz loyihaviy taklif;

maktabgacha ta’lim tashkiloti binosini qurish uchun dastlabki texnik-iqtisodiy ko‘rsatkichlar;

xususiy sherik tomonidan uning arizasi Komissiya tomonidan ko‘rib chiqilishi uchun davlat sherigining budjetdan tashqari maxsus hisobvarag‘iga yig‘im kiritilganligini tasdiqlovchi hujjat.

Qayta tashkil etilayotgan, tugatilayotgan yoki to‘lovga qobiliyatsizligi to‘g‘risida ish qo‘zg‘atilgan, mol-mulki xatlangan da’vogarlarning tanlovda ishtirok etishiga yo‘l qo‘yilmaydi.

18. Tanlov bo‘yicha taklifi davlat-xususiy sheriklik loyihasini realizatsiya qilish uchun eng maqbul deb topilgan ishtirokchi tanlov g‘olibi deb e’tirof etiladi.

Shuningdek tanlov yakunlari bo‘yicha takliflarining parametrlari tanlov shartlariga mos keladigan, biroq tanlov hujjatlariga muvofiq g‘olib tomonidan taklif etilgan parametrlar darajasidan pastroq bo‘lgan zaxiradagi g‘olib aniqlab olinadi.

Tanlov g‘olibi davlat-xususiy sheriklik to‘g‘risidagi bitimni ushbu Nizomning 22-bandida nazarda tutilgan muddatlarda imzolashni rad etsa yoki imzolashdan bo‘yin tovlasa, zaxiradagi g‘olib bilan tegishli bitim tuzishga ruxsat beriladi. Tanlovning zaxiradagi g‘olibi bilan bitim tanlov g‘olibi bilan bitim tuzish tartibiga o‘xshash tartibda tuziladi.

19. Faqat bir ishtirokchidan ariza kelib tushgan taqdirda, tanlov o‘tkazilmaydi, qaror esa ishtirokchi arizasini va arizaga ilova qilinadigan hujjatlarni tanlov e’lon qilingan vaqtdan boshlab o‘ttiz kunlik muddat tugagandan keyin 5 ish kuni ichida o‘rganish yakunlari bo‘yicha Komissiya tomonidan qabul qilinadi. Komissiya xususiy sherikning takliflari tanlov talablariga muvofiqligidan kelib chiqib, ijobiy yoki salbiy qaror qabul qiladi.

20. Davlat sherigi Komissiyaning tanlov yakunlari bo‘yicha qarori qabul qilingan kunda o‘z rasmiy veb-saytiga axborot joylashtirish orqali tanlov natijalari haqida tanlov ishtirokchilarini xabardor qilishi shart.

21.Tanlov ishtirokchisi qabul qilingan qarorga rozi bo‘lmasa, u qaror ustidan sudda shikoyat qilish huquqiga ega.

22. Komissiyaning ijobiy qarori asosida u qabul qilingan kundan boshlab 10 kun ichida davlat sherigi va xususiy sherik qonun hujjatlari va ushbu Nizom talablariga rioya qilgan holda bitim tuzadi.

23. Bitimda uni amalga oshirish shakliga qarab quyidagilar keltirilgan bo‘lishi kerak:

xususiy investitsiyalar obyekti va hajmi;

bitimning amal qilish muddati va shartlari;

maktabgacha ta’lim tashkiloti foydalanishga topshiriladigan va faoliyati boshlanadigan muddatlar;

bitim tomonlarining huquqlari va majburiyatlari;

loyiha-smeta hujjatlarini tayyorlash, pudrat ishlari uchun shartnomalar tuzish muddatlari, loyihani moliyalashtirish manbalari, amalga oshirish jadvallari, loyiha bajarilishining borishi ustidan texnik nazorat qilish tartibi to‘g‘risida axborot;

davlat-xususiy sheriklik loyihasi bajarilishi ustidan monitoring o‘tkazish tartibi va u qay darajada bajarilganligiga berilgan baho;

infratuzilmaviy obyektlar, davlat-xususiy sheriklik loyihasini amalga oshirish jarayonida ishlab chiqariladigan va (yoki) ko‘rsatiladigan xizmatlar sifatiga qo‘yiladigan talablar;

xususiy sherik tomonidan o‘z majburiyatlarini bajarish jarayoni to‘g‘risida hisobotlar taqdim etish tartibi va muddatlari;

davlat subsidiyalarini ajratish zarur bo‘lsa, maktabgacha ta’lim tashkilotiga haqiqatda qatnaydigan bolalar soni to‘g‘risidagi hisobotlarni va to‘lov hujjatlarini xususiy sherik tomonidan taqdim etish tartibi;

davlat sherigi va xususiy sherik o‘rtasida bitim tuzish bilan bog‘liq xavf-xatarlarni taqsimlash tartibi va shartlari;

davlat sherigi tomonidan xususiy sherikka davlat-xususiy sheriklik loyihasini amalga oshirish uchun o‘tkazib beriladigan infratuzilma obyektiga egalik qilish va undan foydalanish tartibi;

maktabgacha ta’lim tashkilotidan foydalanish, unga texnik xizmat ko‘rsatish, uni loyihalashtirish, qurish, qayta qurish, ta’mirlash, modernizatsiyalash tartibi;

bitimning amal qilish muddati tugagandan keyin bitimni ijro etish jarayonida yaratilgan obyektga va boshqa mulkka doir huquqlarni taqsimlash tartibi;

bitim shartlariga rioya qilmaganligi uchun tomonlarning javobgarligi;

bitimga o‘zgartish va qo‘shimchalar kiritish tartibi;

bitimni bekor qilish tartibi, shuningdek bitimni muddatidan oldin bekor qilish natijasida yetkazilgan zararlarning o‘rnini to‘ldirish yoki qoplash tartibi;

xususiy sherik tomonidan majburiyatlar bajarilmasligi yoki tegishlicha bajarilmasligi uchun sanksiyalar;

bitimni amalga oshirishda yuzaga keladigan munozaralarni hal qilish tartibi.

Bitimda qonun hujjatlariga zid bo‘lmagan boshqa shartlar ham keltirilishi mumkin.

24. Bitimni imzolashga tayyorlash uchun davlat sherigi xususiy sherikka bitim loyihasining matnini taqdim etadi.

25. Agar zarur bo‘lsa, bitim qoidalarini davlat sherigi va xususiy sherik o‘rtasida kelishib olish maqsadida muzokaralar o‘tkaziladi.

26. Bitim davlat sherigi va xususiy sherik o‘rtasida ikki nusxada, tomonlarning har biri uchun bittadan nusxada imzolanadi.

27. Davlat-xususiy sheriklik loyihasining konsepsiyasi tasdiqlangandan hamda bitim imzolangandan keyin uch kalendar kuni mobaynida davlat sherigi rasmiy tartibda uch nusxadan iborat loyiha konsepsiyasi, loyihani baholash hujjatlari va bitimni elektron axborot almashinuvi tizimi orqali O‘zbekiston Respublikasi Iqtisodiyot va moliya vazirligiga DXSH loyihalarining reyestriga kiritish uchun taqdim qiladi.

28. Bitim tomonlar tarafidan imzolangan vaqtdan boshlab kuchga kiradi va bitim muddati tugashigacha yoki bekor qilinishigacha amal qiladi.

29. Bitim tuzilgandan keyin xususiy sherik qonun hujjatlarida belgilangan tartibda nodavlat ta’lim tashkilotlari faoliyatini amalga oshirish uchun litsenziya oladi, bundan oilaviy nodavlat maktabgacha ta’lim tashkilotlarini moddiy-texnik va uslubiy jihatdan ta’minlash shakllari mustasno.

30. Bitimga o‘zgartish va qo‘shimchalar quyidagi hollarda kiritilishi mumkin:

tomonlarning o‘zaro roziligi bilan;

davlat sherigining talabi bo‘yicha — davlat sherigi va xususiy sherikning shartnoma asosidagi munosabatlariga doir maktabgacha ta’limni tartibga solish to‘g‘risidagi qonun hujjatlari o‘zgarishi munosabati bilan;

sudning hal qiluv qarori bo‘yicha.

31. Bitim quyidagi hollarda bekor qilinadi:

tomonlarning o‘zaro roziligi bilan;

xususiy sherik bankrot bo‘lsa va tugatilsa;

davlat sherigining talabi bo‘yicha — xususiy sherik o‘z majburiyatlarini bajarmagan taqdirda;

xususiy sherikning talabi bo‘yicha — davlat sherigi o‘z majburiyatlarini bajarmagan taqdirda.

Ushbu bandning to‘rtinchi va beshinchi xatboshilarida nazarda tutilgan hollarda bitim sud orqali bekor qilinadi.

32. Bitim amal qilish muddati tugagandan keyin to‘xtatiladi.

Bitimning amal qilish muddati to‘xtatilishi tomonlarni uni buzganlik uchun javobgarlikdan ozod qilmaydi.

33. Xususiy sherik:

davlat sherigidan davlat-xususiy sheriklik loyihasini amalga oshirish uchun zarur bo‘lgan va erkin foydalaniladigan axborotni olishga;

davlat-xususiy sheriklik loyihasini taklif qilish to‘g‘risidagi taklifni ko‘rib chiqish uchun davlat sherigiga taqdim etishga;

yer uchastkalarini, bo‘sh turgan binolarni, shu jumladan ishlamayotgan davlat maktabgacha ta’lim tashkilotlarini, shuningdek but qilinmagan davlat maktabgacha ta’lim tashkilotlarining foydalanilmayotgan binolari yoki korpuslarini bitim amal qiladigan muddatga bepul asosda olishga hamda ulardan foydalanishga;

davlat-xususiy sheriklik loyihasi oilaviy nodavlat maktabgacha ta’lim tashkiloti shaklida amalga oshirilgan taqdirda, moddiy-texnik va uslubiy ta’minlanishga;

nodavlat maktabgacha ta’lim tashkilotlarining bino va inshootlarini qurish, rekonstruksiya qilish, ta’mirlash va jihozlash uchun imtiyozli kredit olishga;

bitim shartlari davlat sherigi tomonidan buzilgan taqdirda, uni sud tartibida bekor qilishni talab qilishga haqli.

Xususiy sherik qonun hujjatlariga muvofiq boshqa huquqlarga ham ega bo‘lishi mumkin.

34. Xususiy sherik:

bitim va O‘zbekiston Respublikasi qonun hujjatlari talablariga, shu jumladan davlat ta’lim talablariga qat’iy rioya qilishi;

bitim amal qiladigan butun muddat davomida obyekt faoliyatining ixtisosligini saqlashi;

nodavlat maktabgacha ta’lim tashkilotida sanitariya qoidalari, normalari va gigiyena normalariga rioya qilishi;

nodavlat maktabgacha ta’lim tashkilotini yuqori malakali pedagogika kadrlari va boshqa kadrlar bilan to‘ldirish, o‘quv-tarbiya jarayonini qonun hujjatlariga qat’iy muvofiq holda o‘tkazish uchun zarur shart-sharoitlar yaratish choralarini ko‘rishi;

tarbiyalash va o‘qitishning yuqori sifatini ta’minlovchi qulay shart-sharoitlar yaratishi, shu jumladan iste’dodli bolalarni aniqlashi va qo‘llab-quvvatlashi;

ilg‘or xalqaro tajribani hisobga olgan holda o‘qitishning innovatsion pedagogik shakllari, usullari va zamonaviy texnologiyalaridan foydalanish asosida maktabgacha ta’lim sohasidagi ta’lim jarayonining samaradorligini va natijadorligini oshirish choralarini ko‘rishi;

ijtimoiy ko‘makka muhtoj oilalar tarbiyalanuvchilarini maxsus kontingentni va maktabgacha ta’lim tuman (shahar) bo‘limi tomonidan yuboriladigan muayyan miqdordagi tarbiyalanuvchilarni o‘qitishi, ular uchun ota-onalar to‘lovini imtiyozli shartlarda (ushbu joydagi davlat maktabgacha ta’lim tashkilotlari uchun belgilangan miqdordan ortiq bo‘lmagan hajmda) o‘rnatishi;

o‘qitish muddatlari va shartlari, haq to‘lash miqdorlari, tomonlar huquqlari va majburiyatlari hamda boshqa shartlar belgilangan shartnomaga muvofiq tahsil oluvchilarning ota-onalari yoki boshqa qonuniy vakillari bilan o‘zaro munosabatlarni yo‘lga qo‘yishi;

obyektning to‘liq yoki qisman moliyalashtirilishini, undan foydalanilishini, unga texnik xizmat ko‘rsatilishini, shuningdek loyihalashtirilishi, qurilishi, qayta qurilishi, ta’mirlanishi, modernizatsiyalanishini ta’minlashi shart.

Xususiy sherik zimmasida ushbu Nizomda va qonun hujjatlarida nazarda tutilgan boshqa majburiyatlar ham bo‘lishi mumkin.

Bitim amal qilish muddati davomida xususiy sherik tomonidan unga tegishli bo‘lgan mulkni tasarruf etish, shu jumladan boshqa majburiyatlar bo‘yicha garovga qo‘yish man etiladi (ushbu nizomning 12-13-boblarida ko‘rsatilgan shakllardan tashqari), bundan xususiy sherik O‘zbekiston Respublikasi qonun hujjatlariga muvofiq almashtirilishi mustasno.

Davlat-xususiy sheriklik doirasida ijaraga berilgan yer uchastkasida nodavlat maktabgacha ta’lim tashkiloti binosini qurgan xususiy sherikka ushbu binoni bank kreditlari bo‘yicha garovga qo‘yishga ruxsat etiladi.

35. Davlat-xususiy sheriklikka asoslangan nodavlat maktabgacha ta’lim tashkilotlari tashkilot, uning xodimlari va tarbiyalanuvchilari to‘g‘risidagi ma’lumotlarni o‘zgargan vaqtdan boshlab bir ish kuni ichida Maktabgacha va maktab ta’limi vazirligining axborot tizimiga (keyingi o‘rinlarda — axborot tizimi) kiritib borilishini ta’minlaydilar.

Nodavlat maktabgacha ta’lim tashkilotlarida bo‘sh joylarning elektron hisobini yuritish, ijtimoiy ko‘makka muhtoj oilalar va maxsus kontingent uchun ajratilgan kvotalar bo‘yicha yo‘llanmalarni (keyingi o‘rinlarda — yo‘llanma) shakllantirish va bu yo‘llanmalar asosida bolalarni tashkilotlarga qabul qilish bo‘yicha elektron navbatni shakllantirish axborot tizimi tomonidan avtomatik ravishda amalga oshiriladi.

Nodavlat maktabgacha ta’lim tashkiloti imtiyozli shartlarda ta’lim oladigan bolalarni yo‘llanma asosida qabul qiladi.

Nodavlat maktabgacha ta’lim tashkilotiga imtiyozsiz qabul qilinadigan bolalar uchun yo‘llanma olinmaydi, ushbu bolalar haqida ma’lumot axborot tizimiga xususiy sheriklar tomonidan kiritib boriladi.

36. Davlat sherigi:

davlat-xususiy sheriklik loyihalarini tayyorlash uchun maslahatchilarni jalb qilishga;

xususiy sherikdan har chorakda O‘zbekiston Respublikasi Iqtisodiyot va moliya vazirligi bilan birgalikda bitim shartlarini bajarish jarayoni to‘g‘risida hisobot olishga;

bitim shartlarini bajarish jarayoni ustidan monitoring o‘tkazishga va davlat-xususiy sheriklik loyihalari amalga oshishini baholashga;

O‘zbekiston Respublikasi qonun hujjatlariga va bitim shartlariga rioya etilishi ustidan monitoring o‘tkazish doirasida aniqlangan qonunbuzarliklar bartaraf etilishini talab qilishga;

xususiy sherik aybi bilan yuzaga kelgan obyekt bo‘yicha zararlar qoplanishini talab qilishga;

bitim shartlari xususiy sherik tomonidan buzilgan taqdirda, bitimning sud tartibida bekor qilinishini talab qilishga;

davlat-xususiy sheriklik loyihasining amalga oshishini moliyalashtirishda ishtirok etishga haqli.

Davlat sherigi qonun hujjatlariga muvofiq boshqa huquqlarga ham ega bo‘lishi mumkin.

37. Davlat sherigi:

xususiy sherikka obyektni bitimni belgilangan muddatlarda, tartibda va shartlarda bepul asosda taqdim etishi;

xususiy sheriklarga soliq imtiyozlari va qonun hujjatlarida nazarda tutilgan boshqa preferensiyalar taqdim etilishida ko‘maklashishi;

nodavlat maktabgacha ta’lim tashkilotlarini tashkil etish, qurish, rekonstruksiya qilish, ta’mirlash, jihozlash hamda zamonaviy o‘quv uskunalari va o‘qitish vositalarini xarid qilish uchun xususiy sherik imtiyozli kreditlar olishida ko‘maklashishi;

xususiy sherikning xo‘jalik faoliyatini olib borishiga aralashmasligi shart.

Davlat sherigi zimmasida ushbu Nizomda va qonun hujjatlarida nazarda tutilgan boshqa majburiyatlar ham bo‘lishi mumkin.

38. Nodavlat maktabgacha ta’lim tashkilotlarini tashkil etish uchun aholi punktlari tarkibiga kiradigan yer uchastkalari ajratiladi.

39. Davlat sherigi 30 yillik muddatga bitim tuzilgan kundan boshlab bir kun ichida xususiy sherikning — tanlov g‘olibining arizasini yer uchastkasini bitimda ko‘rsatilgan shartlarda taqdim etish yuzasidan qaror qabul qilish uchun Qoraqalpog‘iston Respublikasi Vazirlar Kengashiga, viloyat va Toshkent shahar hokimiyatiga yoki tuman (shahar) hokimiyatiga yuboradi.

40. Qoraqalpog‘iston Respublikasi Vazirlar Kengashi, viloyat va Toshkent shahar hokimiyati yoki tuman (shahar) hokimiyati xususiy sherik arizasini va Komissiya qarorini obyekt qurilishi uchun yer uchastkasi taqdim etish bo‘yicha materiallar tayyorlash uchun O‘zbekiston Respublikasi Qurilish vazirligining hududiy bo‘linmasiga yuboradi.

41. Qoraqalpog‘iston Respublikasi Qurilish vazirligi, viloyatlar va Toshkent shahar bosh boshqarmalari (keyingi o‘rinlarda matnda hududiy organ deb yuritiladi) yigirma ish kuni ichida yer uchastkasini taqdim etishga doir materiallarni tayyorlaydi va vakolatli organlar (tashkilotlar) bilan kelishib oladi hamda yer uchastkasini tanlash va taqdim etishga doir materiallarni Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga yoki tuman (shahar) hokimiyatiga yuboradi.

42. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari yoki tuman (shahar) hokimiyati uch kun ichida:

nodavlat maktabgacha ta’lim tashkilotlarini tashkil etish maqsadida yer uchastkasini davlat sherigiga doimiy foydalanish uchun taqdim etish to‘g‘risida qaror qabul qiladi;

42¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish bo‘yicha ijara shartnomasi imzolanishini ta’minlaydi.

44. Yer uchastkasini taqdim etishga doir materiallarni tayyorlash va kelishish bilan bog‘liq xarajatlar xususiy sherik bilan bitim tuzilgandan keyin u tomonidan qoplanadi.

45. Davlat sherigi loyihani amalga oshirishda:

moliyaviy mablag‘lar yetarli bo‘lmasa, imtiyozli kreditlar olishda ko‘maklashishi;

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart.

46. Loyihani amalga oshirishda xususiy sherik:

maktabgacha yoshdagi bolalar uchun to‘garaklar va boshqa ta’lim xizmatlari tashkil etish;

davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (O‘zbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida O‘zbekiston Respublikasi Davlat budjetidan subsidiyalar olish;

foyda olish huquqiga ega.

47. Loyihani amalga oshirishda xususiy sherik zimmasiga qo‘shimcha ravishda quyidagilar yuklatiladi:

tutash hududni qurish, jihozlash, obod qilish va maktabgacha ta’lim tashkilotini bitimda ko‘rsatilgan muddatlarda foydalanishga topshirish bo‘yicha choralar ko‘rish;

mulk xususiy sherik ixtiyorida qoldirilsa (bekor qilish huquqi bilan), tarbiyalanuvchilar umumiy sonining 20 foizi miqdorida va mulk bitimning amal qilish muddati tugagandan keyin davlat sherigi ixtiyorida qoldirilsa, tarbiyalanuvchilar umumiy sonining 15 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan miqdordan oshmaydigan hajmda) o‘rnatish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi.

Bitim mulkni bitimning amal qilish muddati tugagandan keyin davlat sherigida qoldirish sharti bilan tuzilgan taqdirda, xususiy sherik bitimni uzaytirish borasida ustuvor huquqqa ega bo‘ladi.

48. Davlat sherigi davlat mulki bo‘lgan bo‘sh turgan obyektlarni, shu jumladan ishlamaydigan davlat maktabgacha ta’lim tashkilotlarining binolarini “nol” xarid qiymati bo‘yicha o‘tkazish jarayonini tashkil etish uchun Davlat aktivlarini boshqarish agentligiga bitim tuzilgan vaqtdan boshlab bir kun ichida tanlov g‘olibi haqidagi axborotni va bitimning ko‘chirma nusxasini yuboradi.

49. Davlat aktivlarini boshqarish agentligining topshirig‘iga binoan uning hududiy organi axborot olgan vaqtdan boshlab uch kun ichida davlat mulki bo‘lgan bo‘sh turgan obyektni, shu jumladan ishlamaydigan davlat maktabgacha ta’lim tashkilotlarining binolarini balansda saqlovchiga (keyingi o‘rinlarda matnda balansda saqlovchi deb yuritiladi) mulkni Buxgalteriya hisobi milliy standartlariga muvofiq inventarizatsiyadan o‘tkazish to‘g‘risidagi yozma talabni yuboradi.

50. Balansda saqlovchi o‘n ish kunidan ortiq bo‘lmagan muddatda inventarizatsiya o‘tkazadi va Davlat aktivlarini boshqarish agentligining hududiy organiga:

inventarizatsiya komissiyasini tashkil etish to‘g‘risidagi buyruqning ko‘chirma nusxasini;

inventarizatsiya komissiyasi majlislarining bayonnomalarini;

inventarizatsiya komissiyasi a’zolari va rahbari tomonidan imzolangan mulkni inventarizatsiya qilish hujjatlarini;

kadastr hujjatlari, shu jumladan kadastr xaritasi (rejasi) va huquqni o‘rnatuvchi boshqa hujjatlarni (agar ular bor bo‘lsa);

yer uchastkasiga, yerosti boyliklariga va boshqa tabiiy resurslarga bo‘lgan huquqni tasdiqlovchi hujjatlarni;

balansda saqlovchining jamiyat ro‘yxatdan o‘tkazilgan joy bo‘yicha soliq organi tomonidan tasdiqlangan balansini;

Davlat aktivlarini boshqarish agentligi tomonidan tasdiqlangan shakl bo‘yicha davlat mulki bo‘lgan obyektlarning pasportini fotosuratlarni (kamida to‘rtta) ilova qilgan holda taqdim etadi.

51. Inventarizatsiya balansda saqlovchi tomonidan oraliq balans tuzilgan sanada o‘tkaziladi, bunda balansning har bir qatori tegishli inventar ro‘yxatlari bilan tasdiqlangan bo‘lishi kerak.

52. Xarid qiluvchi Vazirlar Mahkamasining 2014-yil 6-oktabrdagi 279-sonli qarori bilan tasdiqlangan shartlarda investitsiya va ijtimoiy majburiyatlarni qabul qilishi sharti bilan inventarizatsiya hujjatlari Davlat mulki bo‘lgan obyektlarni “nol” xarid qiymati bo‘yicha realizatsiya qilish tartibi to‘g‘risidagi nizomda nazarda tutilgan shakllar bo‘yicha tuziladi, inventarizatsiya komissiyasi raisi va a’zolari tomonidan imzolanadi.

53. Balansda saqlovchi va xususiy sherik o‘rtasida inventarizatsiya hujjati tuzilgach, obyektni qabul qilish-o‘tkazish hujjati uning balansi qiymati ko‘rsatilgan holda imzolanadi.

54. Obyektni qabul qilish-o‘tkazish hujjati imzolangach va xususiy sherik tomonidan davlat boji to‘langanligini tasdiqlovchi hujjat taqdim etilgach, besh ish kuni ichida Davlat aktivlarini boshqarish agentligining hududiy organi xususiy sherikka “tasarruf etish huquqisiz” belgisi bilan egalik qilish huquqi uchun davlat orderini beradi.

55. Bitimning amal qilish muddati tugashi bilan xususiy sherik o‘z majburiyatlarini va bitim shartlarini bajargan taqdirda, davlat sherigi tomonidan taqdim etilgan axborot bo‘yicha Davlat aktivlarini boshqarish agentligining hududiy organi xususiy sherik tomonidan egalik qilish huquqi uchun davlat orderining asl nusxasi taqdim etilgan kundan boshlab besh ish kunidan oshmaydigan muddatda qabul qiluvchi komissiyaning hujjati, shuningdek audit xulosasi asosida “tasarruf etish huquqi bilan” belgisini qo‘yadi.

56. Davlat sherigi loyihani amalga oshirishda:

moliyaviy mablag‘lar yetarli bo‘lmasa, xususiy sherik imtiyozli kreditlar olishiga ko‘maklashishi;

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart.

57. Xususiy sherik loyihani amalga oshirishda:

maktabgacha yoshdagi bolalar uchun to‘garaklar va boshqa ta’lim xizmatlari tashkil etish;

davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (O‘zbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida O‘zbekiston Respublikasi Davlat budjetidan subsidiyalar olish;

foyda olish huquqiga ega.

58. Loyihani amalga oshirishda xususiy sherik zimmasiga qo‘shimcha ravishda quyidagilar yuklatiladi:

tutash hududni qayta qurish va jihozlash, obod qilish hamda maktabgacha ta’lim tashkilotlarini bitimda ko‘rsatilgan muddatlarda foydalanishga topshirish bo‘yicha choralar ko‘rish;

mulk xususiy sherik ixtiyorida qoldirilsa (bekor qilish huquqi bilan), tarbiyalanuvchilar umumiy sonining 20 foizi miqdorida va mulk bitimning amal qilish muddati tugagandan keyin davlat sherigi ixtiyorida qoldirilsa, tarbiyalanuvchilar umumiy sonining 15 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan miqdordan oshmaydigan hajmda) o‘rnatish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi.

59. Davlat sherigi 30 yillik muddatga bitim tuzilgan vaqtdan boshlab bir ish kuni ichida bitimni ro‘yxatdan o‘tkazadi va obyektni balansida saqlovchiga yuboradi.

60. Tuzilgan bitim shartlariga muvofiq balansda saqlovchi o‘n kunlik muddat ichida xususiy sherikka obyektni taqdim etadi, xususiy sherik esa bitimning amal qilish muddati tugashi bilan yoki bitim muddatidan oldin bekor qilinsa, balansda saqlovchiga obyektni bitim shartlariga mos holda qaytarishi shart.

61. Obyekt xususiy sherikka beriladi va u tomonidan obyektning barcha buyumlari va unga taalluqli bo‘lgan texnik hujjatlar bilan birga qaytariladi.

62. Obyekt tomonlarning vakolatli vakillari hozirligida ikki tomonlama o‘tkazish to‘g‘risida hujjat tuzilgan holda o‘tkaziladi va qaytariladi. Mazkur hujjatda quyidagilar ko‘rsatiladi:

hujjat tuzilgan joy va sana;

bitim rekvizitlari (tuzilgan sana, raqam);

davlat mulkining texnik holati.

O‘tkazish to‘g‘risidagi hujjat tomonlarning vakolatli vakillari tomonidan imzolanadi va tomonlarning muhrlari bilan tasdiqlanadi.

63. Balansda saqlovchi va xususiy sherik o‘rtasida o‘tkazish to‘g‘risidagi hujjat imzolangach, bir haftalik muddatda kommunal va ekspluatatsiya xizmatlarini yetkazib beruvchilar tomonidan belgilangan tariflarni hisobga olgan holda kommunal va ekspluatatsiya xizmatlari bo‘yicha to‘lovlar miqdorini, ularni kiritish tartibi va muddatlarini tartibga soluvchi bitim tuziladi. Elektr energiyani, suv va gazni hisobga oluvchi zarur uskunalar balansda saqlovchi yoki xususiy sherik tomonidan bitim shartlariga muvofiq o‘rnatiladi.

64. Davlat sherigi loyihani amalga oshirishda:

moliyaviy mablag‘lar yetarli bo‘lmasa, xususiy sherik imtiyozli kreditlar olishiga ko‘maklashishi;

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart.

65. Xususiy sherik loyihani amalga oshirishda:

maktabgacha yoshdagi bolalar uchun to‘garaklar va boshqa ta’lim xizmatlari tashkil etish;

davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (O‘zbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida O‘zbekiston Respublikasi Davlat budjetidan subsidiyalar olish;

foyda olish huquqiga ega.

66. Loyihani amalga oshirishda xususiy sherik zimmasiga qo‘shimcha ravishda quyidagilar yuklatiladi:

but qilinmagan davlat maktabgacha ta’lim tashkilotlarining foydalanilmaydigan binolarini (korpuslarini) qayta qurish, hududni obod qilish, but qilinmagan davlat maktabgacha ta’lim tashkilotining binosini joriy ta’mirlash va muhandislik kommunikatsiyalarini tegishli holatda saqlash yuzasidan choralar ko‘rish, shuningdek maktabgacha ta’lim xizmatlarini ko‘rsatish uchun foydalanilmaydigan binolarni (korpuslarni) bitimda ko‘rsatilgan muddatlarda foydalanishga topshirish;

tarbiyalanuvchilar umumiy sonining 15 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun 30 yil mobaynida ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan miqdordan oshmaydigan hajmda) obyektni o‘z mulki qilib olish huquqisiz o‘rnatish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi.

67. Nodavlat maktabgacha ta’lim tashkilotlari tashkil etish uchun nodavlat maktabgacha ta’lim tashkilotlari binolarini qurish uchun yetarli hajmda ortiqcha maydonga ega bo‘lgan ishlab turgan davlat maktabgacha ta’lim tashkilotlari hududidagi yer uchastkalari davlat sherigi, xususiy sherik va davlat maktabgacha ta’lim tashkiloti o‘rtasida tuziladigan ijara shartnomasi asosida taqdim etiladi.

Yer uchastkasini ijaraga olish huquqi belgilangan tartibda davlat ro‘yxatidan o‘tkaziladi.

74. Davlat sherigi loyihani amalga oshirishda:

moliyaviy mablag‘lar yetarli bo‘lmasa, xususiy sherik imtiyozli kreditlar olishiga ko‘maklashishi;

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart.

75. Xususiy sherik loyihani amalga oshirishda:

maktabgacha yoshdagi bolalar uchun to‘garaklar va boshqa ta’lim xizmatlari tashkil etish;

davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (O‘zbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida O‘zbekiston Respublikasi Davlat budjetidan subsidiyalar olish;

foyda olish huquqiga ega.

76. Loyihani amalga oshirishda xususiy sherik zimmasiga qo‘shimcha ravishda quyidagilar yuklatiladi:

nodavlat maktabgacha ta’lim tashkilotlarini qurish va jihozlash, tutash hududni obod qilish, ishlab turgan davlat maktabgacha ta’lim tashkiloti va nodavlat maktabgacha ta’lim tashkiloti o‘rtasida to‘siq qurish, nodavlat maktabgacha ta’lim tashkilotini bitimda ko‘rsatilgan muddatlarda foydalanishga topshirish;

mulk bitimning amal qilish muddati tugagandan keyin davlat sherigi ixtiyorida qolsa, tarbiyalanuvchilar umumiy sonining 15 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan miqdordan oshmaydigan hajmda) o‘rnatish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi.

77. Xususiy sherik bilan aholi punktidagi yer uchastkasini taqdim etish hamda mazkur yer uchastkasida nodavlat maktabgacha ta’lim tashkilotini qurish, qayta qurishga muhtoj bo‘lgan biriktirilgan davlat maktabgacha ta’lim tashkilotini qayta qurish va jihozlash, shuningdek uni keyinchalik otaliqqa olish sharti nazarda tutilgan bitim tuziladi.

78. Xususiy sherikka 20 yil va undan ortiq davr mobaynida qayta qurish va kapital ta’mirlash bo‘yicha kompleks ishlar olib borilmagan va kapital ta’mirga muhtoj bo‘lgan hamda yer uchastkasi ajratilayotgan tumanda joylashgan davlat maktabgacha ta’lim tashkiloti biriktiriladi.

79. Bitim tuzilgach, davlat sherigi bir kunlik muddatda xususiy sherik-tanlov g‘olibi arizasini yer uchastkasini davlat sherigiga taqdim etish yuzasidan qaror qabul qilish uchun Qoraqalpog‘iston Respublikasi Vazirlar Kengashiga, viloyat va Toshkent shahar hokimliklariga yoki tuman (shahar) hokimligiga yuboradi.

80. Qoraqalpog‘iston Respublikasi Vazirlar Kengashi, viloyat va Toshkent shahar hokimliklari yoki tuman (shahar) hokimligi xususiy sherikning arizasini va Komissiyaning qarorini obyekt qurilishi uchun yer uchastkasini taqdim etishga doir materiallarni tayyorlash uchun O‘zbekiston Respublikasi Qurilish vazirligining hududiy bo‘linmasiga yuboradi.

81. O‘zbekiston Respublikasi Qurilish vazirligining hududiy bo‘linmasi yigirma kun ichida yer uchastkasini taqdim etishga doir materiallarni tayyorlaydi va vakolatli organlar (tashkilotlar) bilan kelishib oladi hamda xulosani Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga yoki tuman (shahar) hokimiyatiga yuboradi.

82. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari yoki tuman (shahar) hokimiyati uch kun ichida:

nodavlat maktabgacha ta’lim tashkilotlarini tashkil etish maqsadida yer uchastkasini davlat sherigiga doimiy foydalanish uchun taqdim etish to‘g‘risida qaror qabul qiladi;

82¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish bo‘yicha ijara shartnomasi imzolanishini ta’minlaydi.

84. Yer uchastkasini taqdim etishga doir materiallarni tayyorlash va kelishish bilan bog‘liq xarajatlar xususiy sherik bilan bitim tuzilgandan keyin u tomonidan qoplanadi.

85. Davlat sherigi loyihani amalga oshirishda:

moliyaviy mablag‘lar yetarli bo‘lmasa, xususiy sherik imtiyozli kreditlar olishiga ko‘maklashishi;

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart.

86. Loyihani amalga oshirishda xususiy sherik zimmasiga qo‘shimcha ravishda quyidagilar yuklatiladi:

tutash hududni qayta qurish va jihozlash, obod qilish hamda biriktirilgan davlat maktabgacha ta’lim tashkilotini bitimda ko‘rsatilgan muddatlarda foydalanishga topshirish bo‘yicha choralar ko‘rish;

o‘ziga ajratilgan yer uchastkasida nodavlat maktabgacha ta’lim tashkiloti qurilishini va bitimda ko‘rsatilgan muddatlarda foydalanishga topshirilishini ta’minlash;

biriktirilgan maktabgacha ta’lim tashkilotini otaliqqa olish, jumladan uni bitim amal qiladigan muddatda, biroq 30 yildan kam bo‘lmagan davrda jihozlar, ashyo va anjomlar, o‘yinchoqlar va o‘quv qo‘llanmalari bilan ta’minlash.

87. Ajratilgan yer uchastkasida tashkil etilgan nodavlat maktabgacha ta’lim tashkilotiga davlat-xususiy sheriklikning boshqa shakllari asosida tashkil etilgan maktabgacha ta’lim tashkilotlari uchun belgilangan imtiyozlar tatbiq etilmaydi.

88. Maktabgacha ta’lim tashkilotlarini qurish, qayta qurish va jihozlash uchun davlat sherigi va xususiy sherik o‘rtasida konsessiya asosida bitim tuzilishi mumkin.

Konsessiya asosidagi bitim o‘n besh yil muddatga tuziladi.

Maktabgacha ta’lim tashkilotini qurish uchun davlat sherigiga yer uchastkasi aholi punktlari yerlari tarkibiga kiradigan bo‘sh turgan yerlardan keyinchalik xususiy sherikka ijaraga berish uchun doimiy foydalanishga beriladi.

Maktabgacha ta’lim tashkilotini qayta qurish va jihozlash uchun xususiy sherikka bo‘sh turgan, shu jumladan foydalanilmayotgan, davlat maktabgacha ta’lim tashkilotlari hududida joylashgan binolar ajratiladi.

Yer uchastkasi yoki bino bepul asosda taqdim etiladi.

Xususiy sherik taqdim etilgan yer uchastkasiga va binolarga tasarruf etish huquqisiz egalik qiladi va ulardan foydalanadi.

Maktabgacha ta’lim tashkilotini qurish, qayta qurish, jihozlash va undan foydalanish natijasida xususiy sherik tomonidan olingan daromadlar konsessiya bitimida belgilab beriladigan miqdorlarda uning mulki hisoblanadi.

Xususiy sherikning maktabgacha ta’lim tashkilotini qurish, qayta qurish va jihozlash bilan bog‘liq xarajatlari davlat sherigining talabnomalari bo‘yicha 15 yil davomida bitimda belgilangan tartibda qoplanadi.

89. Davlat sherigi loyihani amalga oshirishda:

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart.

90. Loyihani amalga oshirishda xususiy sherik:

maktabgacha yoshdagi bolalar uchun to‘garaklar va boshqa ta’lim xizmatlari tashkil etish;

davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (O‘zbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida O‘zbekiston Respublikasi Davlat budjetidan subsidiyalar olish;

asosiy faoliyatdan, shuningdek boshqa qo‘shimcha faoliyatdan foyda olish huquqiga ega. Qo‘shimcha faoliyatni amalga oshirish davlat sherigi bilan oldindan kelishib olinadi va bunday faoliyatni amalga oshirishda taqdim etilgan yer uchastkasining ko‘pi bilan 30 foizidan foydalaniladi.

91. Davlat-xususiy sheriklik konsessiya asosida amalga oshirilsa, xususiy sherik quyidagi majburiyatlarni o‘z zimmasiga oladi:

tutash hududni qurish, jihozlash, obod qilish va maktabgacha ta’lim tashkilotini bitimda ko‘rsatilgan muddatlarda konsessiya asosida foydalanishga topshirish bo‘yicha choralar ko‘rish;

tarbiyalanuvchilar umumiy sonining 20 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun 15 yil davomida ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan miqdorda) o‘rnatish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi.

92. Konsessiya asosidagi bitimning amal qilish muddati tugashi bilan maktabgacha ta’lim tashkiloti davlat sherigi mulkiga o‘tkaziladi.

93. Xususiy sherik mulki negizida tashkil etilgan nodavlat maktabgacha ta’lim tashkilotlarini moddiy ta’minlash shaklidagi davlat-xususiy sheriklik loyihasi xususiy sherik tashabbusi bilan tanlov o‘tkazilmay va taqdim etilgan hujjatlarni o‘rganish asosida u bilan to‘g‘ridan-to‘g‘ri muzokaralar o‘tkazish orqali amalga oshiriladi.

Davlat-xususiy sheriklik asosidagi maktabgacha ta’lim tashkilotlarining faoliyati, shu jumladan, ko‘p kvartirali uy-joylarning noturar qavatlarida va/yoki yuridik yoki jismoniy shaxslarga qarashli noturar binolarni ijaraga olish orqali ham amalga oshirilishi mumkin.

Bunda:

noturar ko‘chmas mulk ijara shartnomasi soliq organlarining avtomatlashtirilgan axborot tizimida hisobga qo‘yilgan;

ijaraga olinayotgan obyekt davlat maktabgacha ta’lim tashkilotlari va umumiy o‘rta ta’lim maktabiga tegishli yer maydoni va bino-inshootlarida tashkil etilmagan bo‘lishi lozim.

Bitim amal qilish davrida ijara shartnomasi bekor bo‘lgan yoki ijara muddati tugagan taqdirda, Davlat budjeti mablag‘lari hisobidan ajratiladigan subsidiya vaqtincha to‘xtatiladi.

Davlat-xususiy sheriklikning mazkur shakli 75 nafardan kam bo‘lmagan bola o‘rnini yaratishni nazarda tutuvchi davlat-xususiy sheriklik shartlari asosida amalga oshiriladi.

94. Davlat-xususiy sheriklikni mazkur shaklda amalga oshirish uchun xususiy sherik davlat sherigiga quyidagi hujjatlar ilova qilingan arizani taqdim etadi:

yuridik shaxs ro‘yxatdan o‘tkazilganligi haqida guvohnoma;

yer uchastkasiga bo‘lgan huquq davlat ro‘yxatidan o‘tkazilganligi haqida guvohnoma;

binolarga bo‘lgan huquq davlat ro‘yxatidan o‘tkazilganligi haqida guvohnoma;

yong‘in nazorati organlarining mavjud binolar va xonalarning yong‘in xavfsizligi talablariga mosligi haqidagi xulosasi;

sanitariya-epidemiologiya nazoratining mavjud binolar va xonalarning gigiyena qoidalari, normalari va normativlariga mosligi haqidagi xulosasi;

xususiy sherik pedagogika xodimlarining oliy yoki o‘rta maxsus pedagogik ma’lumoti borligini tasdiqlovchi hujjatlar.

95. Xususiy sherikning loyihani amalga oshirish to‘g‘risidagi arizasi davlat sherigi tomonidan ariza kelib tushgan kundan boshlab 15 kun ichida ko‘rib chiqiladi.

Loyihani amalga oshirish maqsadga muvofiqligi to‘g‘risida qaror qabul qilingan taqdirda, davlat sherigi va xususiy sherik o‘rtasida yetti kun ichida bitim tuziladi.

96. Bitim tomonlar tarafidan imzolangan vaqtdan boshlab kuchga kiradi.

97. Davlat sherigi loyihani amalga oshirishda:

moliyaviy mablag‘lar yetarli bo‘lmasa, xususiy sherik imtiyozli kreditlar olishiga ko‘maklashishi;

barcha zarur tashqi muhandislik-kommunikatsiya infratuzilmasi (elektr energiya, gaz ta’minoti, suv ta’minoti, kanalizatsiya, avtomobil yo‘llari va hokazolar) bilan ta’minlashda ko‘maklashishi;

zarur bo‘lsa, maktabgacha ta’lim sohasida uslubiy va konsultativ yordam berishi shart;

Loyihani amalga oshirishda xususiy sherik:

maktabgacha yoshdagi bolalar uchun to‘garaklar va boshqa ta’lim xizmatlari tashkil etish;

foyda olish;

davlat maktabgacha ta’lim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (O‘zbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida O‘zbekiston Respublikasi Davlat budjetidan subsidiyalar olish;

maktabgacha ta’lim tashkilotining direktorlari, direktor o‘rinbosarlari, tarbiyachilari, defektologlari, psixologlari, musiqa xodimlari ish haqiga sarflanadigan xarajatlarni qoplash uchun davlat maktabgacha ta’lim muassasalari uchun belgilangan shartlarda qo‘shimcha budjet subsidiyalarini olish huquqiga ega. Ushbu imtiyoz faqat shu bobga tegishli bo‘lib, boshqa maktabgacha ta’lim sohasidagi davlat-xususiy sheriklik shakllariga tatbiq etilmaydi.

98. Loyihani amalga oshirishda xususiy sherik zimmasiga qo‘shimcha ravishda tarbiyalanuvchilar umumiy sonining 25 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun kamida 30 yil davomida ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan hajmlardan oshmaydigan miqdorlarda) o‘rnatish yuklatiladi. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi.

99. 50 nafargacha bolani tarbiyalashni nazarda tutuvchi oilaviy nodavlat maktabgacha ta’lim tashkilotlarini moddiy-texnik va uslubiy jihatdan ta’minlash shaklidagi davlat-xususiy sheriklik loyihasi bitimi xususiy sherikning tashabbusi bilan tanlov o‘tkazilmay axborot tizimi orqali elektron shaklda tuziladi va taraflarning elektron raqamli imzosi bilan tasdiqlanadi.

100. Oilaviy nodavlat maktabgacha ta’lim tashkiloti shaklidagi davlat-xususiy sheriklik loyihasini amalga oshirish uchun xususiy sherik axborot tizimi orqali elektron shaklda ariza bilan murojaat qiladi.

Ariza to‘ldirilishida axborot tizimi tomonidan so‘ralgan ma’lumotlar kiritiladi. Xususiy sherik axborot tizimiga kiritiladigan ma’lumotlarning ishonchliligi uchun shaxsan javobgar bo‘ladi.

Ariza qonunchilikda belgilangan tartibda mas’ul idoralar tomonidan ko‘rib chiqiladi.

Ariza axborot tizimi orqali shakllantirilgandan so‘ng:

xususiy sherikning arizada ko‘rsatilgan elektron pochta manzili yoki mobil telefon raqamiga, arizaning ID-raqami va ariza qabul qilingan sana va vaqti ko‘rsatilgan holda ma’lumot jo‘natiladi;

oilaviy nodavlat maktabgacha ta’lim tashkilotining joylashuvi bo‘yicha tegishli tuman (shahar) Sanitariya-epidemiologiya xizmati hamda Davlat yong‘in nazorati organiga axborot tizimi orqali elektron so‘rovlar jo‘natilib, 3 (uch) ish kuni ichida tegishli xulosalar olinadi.

Ijobiy xulosalar olingan taqdirda davlat sherigi 10 ish kuni mobaynida rejalashtirilayotgan hududda 3 — 7 yoshdagi bolalar soni, o‘sha hududda mavjud davlat va nodavlat maktabgacha ta’lim tashkilotlari, qamralgan va qamralmagan bolalar soni bo‘yicha ma’lumotlardan kelib chiqib hamda oilaviy nodavlat maktabgacha ta’lim tashkilotlariga subsidiyalar ajratish uchun tegishli moliya yilida Davlat budjetida nazarda tutilgan mablag‘lar hajmini hisobga olgan holda oilaviy nodavlat maktabgacha ta’lim tashkilotlari tashkil etilishi maqsadga muvofiqligi yoki muvofiq emasligi bo‘yicha ma’lumotni axborot tizimiga kiritadi.

Oilaviy nodavlat maktabgacha ta’lim tashkilotini tashkil etish to‘g‘risidagi ariza rad etilganida, bu haqda rad etish sabablari aniq ko‘rsatilgan holda, arizada ko‘rsatilgan elektron pochta manzili yoki mobil telefon raqamiga SMS-xabar yuborish orqali xususiy sherikka ma’lum qilinadi.

101. Oilaviy nodavlat maktabgacha ta’lim tashkiloti tashkil etilishi rad etilmasa, xususiy sherik axborot tizimi orqali bitimga elektron imzo qo‘yadi hamda bitim elektron imzo qo‘yish uchun davlat sherigiga avtomatik ravishda yuboriladi.

Oilaviy nodavlat maktabgacha ta’lim tashkiloti o‘z faoliyatini davlat-xususiy sheriklik to‘g‘risidagi bitim davlat sherigi tomonidan imzolanganidan keyin boshlashga haqli.

102. Bitim imzolangan kundan boshlab qonun hujjatlarida belgilangan tartibda kuchga kiradi.

Oilaviy nodavlat maktabgacha ta’lim tashkiloti faoliyatini boshlash yoki tugatish Davlat xizmatlari markaziga xabarnoma berish orqali amalga oshiriladi.

103. Davlat sherigi zimmasiga loyihani amalga oshirishda qo‘shimcha ravishda quyidagilarni ta’minlash yuklatiladi:

a) 2024-yil 1-avgustdan boshlab Toshkent shahrida faoliyat yuritayotgan oilaviy nodavlat maktabgacha ta’lim tashkilotlari tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan miqdorlarda ish haqi to‘lash;

b) 2024-yil 1-avgustdan boshlab Qoraqalpog‘iston Respublikasi va viloyatlarning 1 va 2-toifadagi tuman (shahar)larida faoliyat yuritayotgan oilaviy nodavlat maktabgacha ta’lim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan ish haqining 75 foizi miqdorida haq to‘lash;

ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarining 75 foizini qoplash;

v) 2024-yil 1-avgustdan 2025-yil 1-yanvarga qadar 3-toifadagi tuman (shahar)larda faoliyat yuritayotgan oilaviy nodavlat maktabgacha ta’lim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan ish haqining 90 foizi miqdorida haq to‘lash;

ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarining 90 foizini qoplash;

g) 2025-yil 1-yanvardan boshlab 3-toifadagi tuman (shahar)larda faoliyat yuritayotgan oilaviy nodavlat maktabgacha ta’lim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan ish haqining 85 foizi miqdorida haq to‘lash;

ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarining 85 foizini qoplash;

d) 4 va 5-toifadagi tuman (shahar)larda faoliyat yuritayotgan oilaviy nodavlat maktabgacha ta’lim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan miqdorlarda ish haqini to‘lash;

ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarini qoplash;

e) 2021-yil 1-maydan boshlab boquvchisini yo‘qotgan ayollar farzandlarining ota-onalar badali to‘lovlarini tegishli hududdagi 9 soatlik davlat maktabgacha ta’lim tashkilotlari uchun belgilangan miqdorlarda qoplash;

j) maktabgacha ta’lim tuman bo‘limi tomonidan uslubiy yordam ko‘rsatish;

z) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, tuman (shahar) hokimliklari bilan birgalikda ta’lim tashkilotini maktabgacha ta’lim tashkilotlari uchun mo‘ljallangan mebel, ashyo va anjomlar bilan jihozlashga ko‘maklashish;

i) jihozlar, asbob-uskunalar va o‘quv materiallarini foydalanishga berish;

k) tegishli qishloq vrachlik punktidan yoki qishloq oilaviy poliklinikasidan tibbiyot xodimini biriktirish;

l) oilaviy nodavlat maktabgacha ta’lim tashkilotlarini hududiy maktabgacha ta’lim boshqarmalari orqali o‘quv materiallari bilan bepul ta’minlash.

104. Loyihani amalga oshirishda xususiy sherik zimmasiga qo‘shimcha ravishda quyidagilar yuklatiladi:

boquvchisini yo‘qotgan ayollar farzandlarini bepul o‘qitish;

tarbiyalanuvchilar umumiy sonining 35 foizi miqdorida ijtimoiy ko‘makka muhtoj oilalar farzandlarini va maxsus kontingentni o‘qitish, ular uchun kamida 3 yil davomida ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan hajmlardan oshmaydigan miqdorlarda) o‘rnatish. Bunda ijtimoiy ko‘makka muhtoj oilalar farzandlari ustuvor ravishda o‘qishga qabul qilinadi;

agar boshqa normativ hujjatlarda boshqa muddat nazarda tutilmagan bo‘lsa, bitimning amal qilish muddati tugashidan kamida 2 oy oldin bitimning amal qilish muddatini uzaytirish istagi yo‘qligi haqida xabardor qilish;

bolalarning tegishli tarzda parvarish qilinishini va ularni davlat talablariga muvofiq ta’minlash uchun maqbul sharoitlar yaratilishini kafolatlash;

maktabgacha ta’lim tuman bo‘limi tomonidan yuborilgan bolani qabul qilishni jiddiy asoslarsiz rad etmaslik;

tegishli bilim va ko‘nikmalarga ega bo‘lish va bunday bilim va ko‘nikmalarni orttirish, shuningdek malakani oshirish;

O‘zbekiston Respublikasining Davlat budjetidan ajratiladigan mablag‘lardan maqsadli foydalanilishini ta’minlash.

105. Xususiy sherik loyihani amalga oshirishda qo‘shimcha tarzda:

ota-onalar bilan kelishuv bo‘yicha qo‘shimcha xizmatlar ko‘rsatish (shu jumladan o‘qituvchilar, murabbiylar, tibbiyot xodimlarini taklif qilish);

xizmatlar ko‘rsatishdan tushgan mablag‘lar hisobiga tarbiyachi va uning yordamchisi ishini qo‘shimcha ravishda rag‘batlantirish;

foyda olish huquqiga ega.

106. Otaliq shaklidagi filantropik faoliyat tarzida davlat-xususiy sheriklik loyihasi xususiy sherikning tashabbusi bilan tanlov o‘tkazilmay va taqdim etilgan hujjatlarni o‘rganish asosida ular bilan to‘g‘ridan-to‘g‘ri muzokaralar o‘tkazish orqali amalga oshiriladi.

107. Otaliq shaklidagi filantropik faoliyat tarzida davlat-xususiy sheriklik loyihasi yuridik va jismoniy shaxslarning ixtiyoriy beg‘araz yordami (faoliyati) orqali amalga oshiriladi. Bu ishlar bajarish, xizmatlar ko‘rsatish va xayriya maqsadida boshqacha ko‘mak berish uchun mol-mulkni, shu jumladan pul mablag‘larini davlat maktabgacha ta’lim tashkilotlariga bepul yoki imtiyozli shartlarda o‘tkazishda ifodalanadi.

108. Otaliq shaklidagi filantropik faoliyat tarzida davlat-xususiy sheriklik loyihasini amalga oshirish uchun xususiy sherik davlat sherigiga quyidagi hujjatlar ilova qilingan arizani taqdim etadi:

yuridik shaxs davlat ro‘yxatidan o‘tkazilganligi haqidagi guvohnomaning ko‘chirma nusxasi (agar ariza jismoniy shaxs tomonidan berilgan bo‘lsa);

o‘tkazib berilayotgan mulk va pul mablag‘lari to‘g‘risida ma’lumotlar;

ishlar va xizmatlarni imtiyozli asosda taqdim etish shartlari;

xususiy sherikning moliyaviy resurslari to‘g‘risida ma’lumotlar.

109. Xususiy sherikning loyihani amalga oshirish to‘g‘risidagi arizasi davlat sherigi tomonidan ariza kelib tushgan kundan boshlab 10 kun ichida ko‘rib chiqiladi va mintaqa aholisining ehtiyojlaridan kelib chiqib, loyihani amalga oshirish to‘g‘risida 1 yillik muddatga bitim tuzish to‘g‘risida qaror qabul qilinadi.

110. Xususiy sherik loyihani amalga oshirishda:

o‘z xodimlarining farzandlarini otalig‘i ostidagi davlat maktabgacha ta’lim tashkilotiga yuborishda ustuvorlikka ega bo‘lish;

otalig‘i ostidagi davlat maktabgacha ta’lim tashkiloti ish rejimi o‘zgarishini kelishish;

o‘z xayr-ehsonlaridan foydalanish maqsadi va tartibini belgilab olish;

taqdim etilayotgan mablag‘lar va mol-mulkdan maqsadli foydalanish to‘g‘risida hisobot talab qilish huquqiga ega.

Bunda qonun hujjatlariga muvofiq xususiy sherikning soliq solish bazasi biriktirilgan davlat maktabgacha ta’lim tashkilotiga homiylik va xayriya yordami tarzida yuboriladigan mablag‘lar summasiga kamayadi.

111. Xususiy sherik loyihani amalga oshirishda:

bitimda belgilangan hajmlarda va muddatlarda homiylik yordamini ko‘rsatishi;

otalig‘i ostidagi davlat maktabgacha ta’lim tashkilotiga ta’lim jarayonini rivojlantirish va uning sifatini oshirishdan boshqa maqsadlarda yordam yubormasligi shart.

112. Davlat sherigi loyihani amalga oshirishda:

olingan mablag‘lardan maqsadli foydalanilishini ta’minlashi;

olingan xayr-ehsonlar hisobini yuritishi;

xayr-ehsonlar olingan kundan boshlab o‘n kun ichida ular to‘g‘risida ommaviy axborot vositalarida, shuningdek agar o‘z rasmiy veb-saytlari mavjud bo‘lsa, mazkur veb-saytlarda axborot berishi;

qonun hujjatlarida nazarda tutilgan imtiyozlardan foydalanish uchun xususiy sherikka tasdiqlovchi hujjatlar taqdim etishi shart.

113. Davlat sherigi nodavlat maktabgacha ta’lim tashkilotining moliyalashtirish hajmlari to‘g‘risidagi barcha zarur hisob-kitoblarni o‘z ichiga olgan davlat subsidiyalari ajratilishi to‘g‘risidagi murojaatini ko‘rib chiqib, Komissiya ijobiy qaror qabul qilgan bo‘lsa, xususiy sherik bilan 3 yildan ortiq bo‘lmagan muddatga bitim tuzadi.

114. Davlat sherigi har oyda O‘zbekiston Respublikasi Iqtisodiyot va moliya vazirligiga bitimlar ro‘yxatini O‘zbekiston Respublikasi Davlat budjeti mablag‘lari hisobidan amalga oshiriladigan qo‘shimcha xarajatlarni ko‘rsatgan holda taqdim etib boradi.

116. Xususiy sherik xodimlari va tarbiyalanuvchilarining davomati bo‘yicha qayd etilgan elektron ma’lumotlar axborot tizimida avtomatik ravishda shakllanadi.

117. Mahalliy moliya organlari hisobot oyidan keyingi har oyning 10 sanasiga qadar O‘zbekiston Respublikasi Vazirlar Mahkamasi tomonidan tasdiqlanadigan tartibga muvofiq nodavlat maktabgacha ta’lim tashkilotiga subsidiya ajratadi.