O‘zbekiston Respublikasi Prezidentining 2017-yil 18-apreldagi PF-5016-son “O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasini tashkil etish to‘g‘risida”gi, 2017-yil 21-apreldagi PF-5024-son “Ekologiya va atrof-muhitni muhofaza qilish sohasida davlat boshqaruvi tizimini takomillashtirish to‘g‘risida”gi hamda 2017-yil 24-maydagi PF-5052-son “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari to‘g‘risida”gi farmonlariga muvofiq buyuraman:

1. O‘zbekiston Respublikasi adliya vazirining 2013-yil 1-fevraldagi 29-mh-son buyrug‘i (ro‘yxat raqami 2420, 2013-yil 1-fevral) (O‘zbekiston Respublikasi qonun hujjatlari to‘plami, 2013-y., 5-son, 65-modda) bilan tasdiqlangan Mahalliy davlat hokimiyati organlari tomonidan qabul qilinadigan normativ-huquqiy hujjatlar loyihalarini tayyorlash, yuridik-texnik rasmiylashtirish va huquqiy ekspertizadan o‘tkazish tartibi to‘g‘risidagi yo‘riqnomaga ilovaga muvofiq o‘zgartirish va qo‘shimchalar kiritilsin.

2. Mazkur buyruq davlat ro‘yxatidan o‘tkazilsin va Idoraviy normativ-huquqiy hujjatlarni davlat ro‘yxatidan o‘tkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Huquqiy targ‘ibot va axborot boshqarmasi mazkur idoraviy normativ-huquqiy hujjatni “O‘zbekiston Respublikasi qonun hujjatlari to‘plami” — “Sobraniye zakonodatelstva Respubliki Uzbekistan”da nashr etilishini ta’minlasin.

4. Mazkur buyruq rasmiy e’lon qilingan kundan e’tiboran kuchga kiradi.

5. Mazkur buyruqning ijrosini nazorat qilish vazirning birinchi o‘rinbosari N. Jo‘rayev zimmasiga yuklansin.

1. 44-bandning ikkinchi xatboshisidagi “arabcha raqamlar” degan so‘zlar “arab raqamlari” degan so‘zlar bilan almashtirilsin.

2. 58-banddagi “tabiatni muhofaza qilish organlari” degan so‘zlar “ekologiya va atrof-muhitni muhofaza qilish organlari” degan so‘zlar bilan almashtirilsin.

3. 59-banddagi “O‘zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasining” degan so‘zlar “O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasining” degan so‘zlar bilan almashtirilsin.

4. 60-banddagi “O‘zbekiston Respublikasi Mehnat va aholini ijtimoiy muhofaza qilish vazirligining” degan so‘zlar “O‘zbekiston Respublikasi Bandlik va mehnat munosabatlari vazirligining” degan so‘zlar bilan almashtirilsin.

5. 80-band quyidagi mazmundagi xatboshi bilan to‘ldirilsin:

“Agar taqdim etilgan loyiha huquqiy ekspertiza natijalariga ko‘ra qonun hujjatlariga muvofiq bo‘lsa, biroq qonunchilik texnikasi qoidalari talablariga javob bermasa va ushbu kamchiliklar hujjatni qabul qilish jarayonida bartaraf etilishi mumkin bo‘lganda, bartaraf etilishi lozim bo‘lgan kamchiliklar ko‘rsatilgan holda mazkur Yo‘riqnomaning 2¹-ilovasidagi namunaga muvofiq xulosa tuziladi.”.

6. 81-band quyidagi mazmundagi beshinchi xatboshi bilan to‘ldirilsin:

“hujjatni qabul qilish jarayonida bartaraf etilishi mumkin bo‘lgan loyihada yo‘l qo‘yilgan qonunchilik texnikasi qoidalari talablariga javob bermaydigan kamchiliklar (agar mavjud bo‘lsa);”;

beshinchi xatboshi oltinchi xatboshi deb hisoblansin.

7. 84-band quyidagi tahrirda bayon etilsin:

“84. Ushbu Yo‘riqnomaning 81 va 83-bandlarida ko‘rsatilgan xulosalar ikki nusxada tuzilib, adliya boshqarmasining Yuridik xizmatlarning faoliyatini muvofiqlashtirish va metodik ta’minlash sho‘basi mudiri (u bo‘lmaganda huquqiy ekspertizani amalga oshirgan shaxs) tomonidan imzolanadi va adliya boshqarmasining rahbari yoki birinchi o‘rinbosari tomonidan tasdiqlanadi.

Xulosalarning bir nusxasi mazkur Yo‘riqnomaning 4, 4¹, 4² va 5-ilovalarida keltirilgan shaklga muvofiq kuzatuv xati bilan tegishli mahalliy davlat hokimiyati organiga yuboriladi.”.

8. Yo‘riqnomaga 2 va 3-ilovalardagi “Huquqiy ekspertiza va qonun hujjatlarini turkumlash sho‘ba mudiri:” degan so‘zlar “Yuridik xizmatlarning faoliyatini muvofiqlashtirish va metodik ta’minlash sho‘basi mudiri” degan so‘zlar bilan almashtirilsin.

9. Mazkur o‘zgartirish va qo‘shimchalarning 1 va 2-ilovalariga muvofiq tahrirdagi 2¹ va 4²-ilovalar bilan to‘ldirilsin.