Vazirlar Mahkamasining “Kapital qurilishda iqtisodiy islohotlarni chuqurlashtirish chora-tadbirlari to‘g‘risida” 1998-yil 3-sentabrdagi 375-son qaroriga muvofiq, shuningdek O‘zbekiston Respublikasi hududida Qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish va qaytadan boshlashning yagona tartibini belgilash maqsadida Vazirlar Mahkamasi qaror qiladi:

1. Qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish va qaytadan boshlash tartibi ilovaga muvofiq tasdiqlansin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Isayev zimmasiga yuklansin.

1. Qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish va qaytadan boshlashning mazkur tartibi (keyingi o‘rinlarda Tartib deb ataladi) “Investitsiya faoliyati to‘g‘risida”gi O‘zbekiston Respublikasi Qonuniga, Vazirlar Mahkamasining “Kapital qurilishda iqtisodiy islohotlarni chuqurlashtirish chora-tadbirlari to‘g‘risida” 1998-yil 3-sentabrdagi 375-son qaroriga muvofiq ishlab chiqilgan va O‘zbekiston Respublikasi hududida Qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish va qaytadan boshlashning yagona qoidalarini belgilaydi.

2. Mazkur Tartibga rioya qilish investitsiya jarayonining barcha qatnashchilari, shuningdek, davlat hokimiyati va boshqaruvining tegishli organlari uchun o‘z vakolatlari doirasida majburiydir.

3. Mazkur Tartibda qo‘llanilgan asosiy atamalar:

vaqtincha to‘xtatib qo‘yish — qurilishi tugallanmagan obyektlar yoki asosiy fondlarning tegishli qaror bilan belgilanadigan davrda saqlanishini ta’minlash chora-tadbirlari kompleksi;

tugallanmagan qurilish — qurilishi tugallanmagan obyektda sarflangan amaldagi ishlab chiqarish xarajatlari;

asosiy fondlar (vositalar) — uzoq muddat (bir yildan ortiq) davomida ishlatiladigan hamda ijaraga berish uchun ham foydalaniladigan moddiy aktivlar;

dastlabki qiymat — asosiy fondlar (vositalar)ni sotib olish uchun amaldagi xarajatlar, shu jumladan, ularni keltirish, o‘rnatish, montaj qilish va foydalanishga topshirish xarajatlari, to‘langan va qoplanmaydigan soliqlar (yig‘imlar), shuningdek, asosiy fondlarni ishchi holatiga keltirish bilan bog‘lik har qanday boshqa xarajatlar;

qoldiq qiymat — asosiy fondlarning buxgalteriya hisobi va hisobotiga muvofiq jamlangan amortizatsiya summasi chiqarib tashlangan dastlabki qiymati.

4. Quyidagilar vaqtincha to‘xtatib qo‘yilishi mumkin:

qurilishi tugallanmagan obyektlar — kapital mablag‘ bilan ta’minlanmagan yoki ular qurilishi uchun bundan keyin mablag‘ qo‘yish maqsadga muvofiq emasligi asoslanganda;

asosiy fondlar — texnik darajasi zamonaviy talablarga muvofiq emasligi aniqlanganda yoki ulardan ishlab chiqarish maqsadlarida 3 oydan ortiq muddatga foydalanish zarurati bo‘lmaganda.

5. Qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish to‘g‘risidagi qaror:

a) qurilishi O‘zbekiston Respublikasi Investitsiya dasturiga muvofiq budjet mablag‘lari va banklarning kreditlari, shuningdek, hukumat kafolatlari ostida xorijiy kreditlar hisobiga olib borilayotgan obyektlar bo‘yicha;

qurilishi O‘zbekiston Respublikasi Vazirlar Mahkamasi tomonidan tasdiqlangan texnik-iqtisodiy asoslashlar asosida olib borilayotgan obyektlar bo‘yicha;

zamonaviylashtirish va texnika bilan qayta jihozlash O‘zbekiston Respublikasi Vazirlar Mahkamasining qaroriga ko‘ra olib borilayotgan asosiy fondlari bo‘yicha O‘zbekiston Respublikasi Vazirlar Mahkamasi tomonidan;

tarkibiy o‘zgartirishni amalga oshiruvchi iqtisodiy nochor, zarar ko‘rib ishlovchi va past rentabelli korxonalarning, shuningdek ularga nisbatan bankrotlik tartiboti qo‘llaniladigan korxonalarning tugallanmagan qurilish obyektlari va asosiy fondlari bo‘yicha;

b) mulkida davlat ulushi bo‘lgan qurilishi tugallanmagan obyektlar va asosiy fondlar bo‘yicha Qoraqalpog‘iston Respublikasi Vazirlar Kengashi, vazirliklar, idoralar, viloyatlar va Toshkent shahar hokimliklari tomonidan;

v) mablag‘ bilan ta’minlovchi bankning xulosasi bo‘lgan taqdirda asosiy fondlar bo‘yicha mol-mulk egasi tomonidan qabul qilinadi.

6. Qurilishi tugallanmagan obyektlar yoki asosiy fondlar qurilishini vaqtincha to‘xtatib qo‘yish to‘g‘risidagi taklif:

O‘zbekiston Respublikasi Vazirlar Mahkamasiga — Makroiqtisodiyot va statistika vazirligi, Moliya vazirligi, Davlat soliq qo‘mitasi, Davlat mulki qo‘mitasi va mablag‘ bilan ta’minlovchi banklar, O‘zbekiston Respublikasi Iqtisodiyot vazirligi va Moliya vazirligining hududiy organlari bilan kelishgan holda tarkibiy o‘zgartirishni amalga oshiruvchi korxonalar va ularga nisbatan bankrotlik tartiboti qo‘llaniladigan korxonalar bo‘yicha Korxonalar bankrotligi va sanatsiyasi masalalari bo‘yicha Hukumat komissiyasi bilan kelishgan holda Qoraqalpog‘iston Respublikasi Vazirlar Kengashi, vazirliklar, idoralar, viloyatlar va Toshkent shahar hokimliklari tomonidan;

Qoraqalpog‘iston Respublikasi Vazirlar Kengashi, vazirliklar, idoralar, viloyatlar va Toshkent shahar hokimliklariga Makroiqtisodiyot va statistika vazirligi, Moliya vazirligi, Davlat soliq qo‘mitasi, Davlat mulki qo‘mitasining hududiy organlari bilan kelishgan holda va mablag‘ bilan ta’minlovchi bankning xulosasi mavjud bo‘lganda xo‘jalik yurituvchi subyektlar tomonidan kiritiladi.

7. Tarkibiy o‘zgartirishni amalga oshiruvchi korxonalar va ularga nisbatan bankrotlik tartiboti qo‘llaniladigan korxonalarning tugallanmagan qurilish obyektlari va asosiy fondlarini konservatsiya qilish to‘g‘risida asoslovchi hujjatlar bilan birgalikda kiritilgan iltimosnoma O‘zbekiston Respublikasi Iqtisodiyot vazirligi va Moliya vazirligining hududiy organlari tomonidan taqdim etilgan kundan boshlab o‘n kun muddatda ko‘rib chiqiladi.

Iltimosnomaga konservatsiya qilish zarurligini asoslovchi hujjatlar (hisob-kitoblar) hamda konservatsiya qilinadigan tugallanmagan qurilish obyektlari va (yoki) asosiy fondlar ro‘yxati ilova qilinadi, bunda muddatlari tamom bo‘lgan tugallanmagan qurilish obyektlari va ular bo‘yicha eskirish to‘liq hisoblangan asosiy fondlar alohida ajratib ko‘rsatiladi.

Konservatsiya qilish Korxonalar bankrotligi va sanatsiyasi masalalari bo‘yicha Hukumat komissiyasining taklifiga ko‘ra tarkibiy o‘zgartirish yoki bankrotlik tartiboti davri uchun amalga oshiriladi.

8. Qurilishni vaqtincha to‘xtatib qo‘yish to‘g‘risida qabul qilingan qaror asosida buyurtmachi (investor) yoki korxona rahbari qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish to‘g‘risida farmoyish (buyruq) chiqaradi, unda asosiy fondlar, asbob-uskunalar, konstruksiyalar va materiallar qurilishini vaqtincha to‘xtatib qo‘yish va saqlanishini ta’minlash ishlarini olib borish uchun zarur bo‘lgan hujjatlarni ishlab chiqish muddatlari, shuningdek, ushbu obyektlar, asosiy fondlar, asbob-uskunalar, konstruksiyalar va materiallar saqlanishi uchun javobgar tashkilot belgilab qo‘yiladi.

9. Qurilishni vaqtincha to‘xtatib qo‘yish to‘g‘risidagi farmoyish (buyruq) asosida bir oy muddatda quyidagilar tuziladi:

qurilishi tugallanmagan obyektlar bo‘yicha pudratchi bilan birgalikda qurilishni vaqtincha to‘xtatib qo‘yish to‘g‘risida dalolatnoma, unda qurilishni vaqtincha to‘xtatib qo‘yish sanasida obyektlarda bajarilgan ish hajimlarining smeta qiymati ko‘rsatiladi, qurilishni vaqtincha to‘xtatib qo‘yish va boshqa obyektlar qurilishiga berish yoki sotish kerak bo‘lgan montaj qilinmagan asbob-uskunalar, konstruksiyalar va materiallar vedomosti ilova* qilinadi.

Asosiy fondlar bo‘yicha qurilishni vaqtincha to‘xtab qo‘yish to‘g‘risida dalolatnoma, unda qurilishni vaqtincha to‘xtatib qo‘yish sanasiga obyektlarda bajarilgan ish hajmlarining smeta qiymati ko‘rsatiladi, qurilishni vaqtincha to‘xtatib qo‘yish va boshqa obyektlar qurilishga berish yoki sotish kerak bo‘lgan montaj qilinmagan asbob-uskunalar, konstruksiyalar va materiallar vedomosti ilova qilinadi (2-ilova*). Ko‘rsatib o‘tilgan dalolatnomalar va vedomostlar mustaqil auditorlik firmasi bilan birgalikda tuziladi;

Qurilish vaqtincha to‘xtatib qo‘yilgan qurilishi tugallanmagan obyektlar va asosiy fondlar, ularning konstruktiv elementlari, montaj qilinmagan asbob-uskunalari va foydalanilmagan materiallar saqlanishini ta’minlash uchun zarur bo‘lgan ishlar va xarajatlar ro‘yxati (3-ilova*). Qurilishi tugallanmagan obyektlar bo‘yicha ko‘rsatib o‘tilgan ro‘yxat loyiha-smeta hujjatlarini ishlab chiqqan loyiha tashkiloti ishtirokida, asosiy fondlar bo‘yicha esa mustaqil auditorlik firmasi ishtirokida tuziladi.

10. Ko‘rsatib o‘tilgan ro‘yxat asosida loyiha tashkiloti tomonidan buyurtmachi (investor) yoki xo‘jalik yurituvchi subyektning topshirig‘iga ko‘ra smeta tuziladi va zaruriyat bo‘lganda, qurilishi tugallanmagan obyektlar va asosiy fondlar qurilishini vaqtincha to‘xtab qo‘yish ishlarini olib borish uchun ishchi chizmalar, shuningdek, ularning saqlanishini ta’minlash bo‘yicha chora-tadbirlar smetasi tuziladi, ular keyinchalik buyurtmachi tomonidan tasdiqlanadi.

11. Buyurtmachi (investor) qurilishi tugallanmagan obyektlar qurilishini vaqtincha to‘xtatib qo‘yish to‘g‘risida qaror qabul qilingan kundan boshlab 2 oy muddatda pudrat tashkilot bilan qurilishni vaqtincha to‘xtatib qo‘yish to‘g‘risida qaror qabul qilinguncha bajarilgan qurilish-montaj ishlari hajmlari uchun hisob-kitob qilishga, materiallar va konstruksiyalar yetkazib berish uchun tuzilgan shartnomalar bekor qilinishi yoki o‘zgartirilishi munosabati bilan pudrat tashkilot ko‘rgan zararni va moddiy boyliklarni boshqa obyektlarga tashish bilan bog‘liq xarajatlarni qoplashga majburdir.

Agar buyurtmachi tomonidan qurilish uchun banklarning kreditlari, shuningdek, xorijiy kreditlar jalb etilgan hollarda, ular kredit shartnomalarida nazarda tutilgan tartibda to‘lanishi kerak.

12. Qurilishni qaytadan boshlash to‘g‘risidagi qaror investitsiya jarayonining boshqa qatnashchilar bilan kelishuv bo‘yicha qurilishni vaqtincha to‘xtatib qo‘yish to‘g‘risida qaror qabul qilgan organ tomonidan qabul qilinadi.

13. Qurilishi tugallanmagan obyektlar va asosiy fondlar qurilishini qaytadan boshlash to‘g‘risidagi qaror asosida buyurtmachi (investor) yoki xo‘jalik yurituvchi subyekt qurilishni qaytadan boshlash to‘g‘risida farmoyish (buyruq) chiqaradi, unda zarur ishlarni bajarishga doir hujjatlarni ishlab chiqishni tashkil etish tartibi va muddatlari belgilanadi.

14. Buyurtmachi (investor) yoki xo‘jalik yurituvchi subyekt tomonidan qurilishni qaytadan boshlash to‘g‘risidagi farmoyish (buyruq) asosida hamda qurilishni qaytadan boshlash dalolatnomalari asosida bir oy muddatda quyidagilar tuziladi:

qurilishi tugallanmagan obyektlar bo‘yicha qurilishni qaytadan boshlash sanasida bajarilgan ishlar hajmi qiymati ko‘rsatilgan holda qurilishni qaytadan boshlash to‘g‘risidagi obyektlar bo‘yicha dalolatnoma, unga qurilishi vaqtincha to‘xtatib qo‘yilgan obyektlar, asbob-uskunalar, konstruksiyalar va materiallarning holatiga qisqacha tavsif berilgan vedomostlar ilova qilinadi (4-ilova*);

asosiy fondlar bo‘yicha — qurilishni qaytadan boshlash sanasiga asosiy fondlarning balans va qoldiq qiymati ko‘rsatilgan holda qurilishni qaytadan boshlash to‘g‘risidagi dalolatnoma, unga qurilishi vaqtincha to‘xtatib qo‘yilgan obyektlar, asbob-uskunalar, konstruksiyalar va materiallarning holatiga qisqacha tavsifi berilgan vedomostlar ilova qilinadi (5-ilova*).

15. Dalolatnomaning 13-bandida ko‘rsatib o‘tilganlar va vedomostlar asosida buyurtmachi (investor) yoki xo‘jalik yurituvchi subyekt zarur qurilishni qaytadan boshlash ishlarini olib borish uchun hujjatlarni o‘z kuchlari bilan yoki loyiha tashkilotini jalb etgan holda belgilangan tartibda tuzadi.

16. Qurilishni vaqtincha to‘xtatib qo‘yish va qurilishni qaytadan boshlash ishlarini olib borish uchun smetada nazarda tutilgan qurilish-montaj ishlarini bajarish pudrat tashkilot tomonidan qo‘shimcha bitim bo‘yicha amalga oshiriladi.

Bitimda qurilishi tugallanmagan obyektlar, asosiy fondlar, asbob-uskunalar, konstruktiv elementlar va materiallar qurilishini vaqtincha to‘xtatib qo‘yish va qaytadan boshlash ishlarini bajarish va buyurtmachi (investor) yoki xo‘jalik yurituvchi subyektga topshirish muddatlari nazarda tutiladi.

17. Qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish va qaytadan boshlash bo‘yicha qurilish-montaj ishlari bajarilganligi uchun hisob-kitoblar qurilish-montaj ishlarining bajarilgan hajmlarini qabul qilish dalolatnomalari asosida amalga oshiriladi.

Qurilishni vaqtincha to‘xtatib qo‘yish va qaytadan boshlash bo‘yicha pudratchi tomonidan bajarilgan qurilish-montaj ishlari pudrat ishlari hajmiga kiritiladi.

18. Qurilishi tugallanmagan obyektlari qurilishini vaqtincha to‘xtatib qo‘yish va qaytadan boshlash bo‘yicha ishlar va xarajatlar, shu jumladan, vaqtincha to‘xtatib qo‘yish davrida ularning saqlanishini ta’minlash hamda qaytadan boshlash vaqtidagi tiklash ishlari mazkur qurilish uning hisobiga amalga oshirilgan yoki amalga oshiriladigan qurilishni mablag‘ bilan ta’minlash manbaidan, obyekt qiymatining yig‘ma smeta hisob-kitobi doirasida haq to‘lanadi.

Obyektning smeta qiymati oshib ketgan taqdirda loyiha-smeta hujjatlari belgilangan tartibda ekspertizadan o‘tkazilishi va qayta tasdiqlanishi kerak.

19. Qurilishi tugallanmagan obyektlar qurilishni vaqtincha to‘xtatib qo‘yish va qaytadan boshlash bo‘yicha ishlar va xarajatlar, shu jumladan, vaqtincha to‘xtatib qo‘yish davrida ularning saqlanishini ta’minlash hamda qaytadan boshlash vaqtidagi tiklash ishlariga xo‘jalik yurituvchi subyektning o‘z mablag‘lari hisobiga smeta doirasida haq to‘lanadi.

20. Mablag‘ bilan ta’minlovchi banklar buyurtmachi tomonidan qurilishi tugallanmagan obyektlar va asosiy fondlar qurilishini vaqtincha to‘xtatib qo‘yish va qaytadan boshlash hujjatlarning ishonchli rasmiylashtirilishi ustidan mazkur Tartibga ilovalar va vedomostlarga muvofiq nazoratni amalga oshiradilar.