Oʻzbekiston Respublikasining “Fuqarolarning davlat pensiya taʼminoti toʻgʻrisida”gi va “Pochta aloqasi toʻgʻrisida”gi qonunlariga, Oʻzbekiston Respublikasi Vazirlar Mahkamasining 2004-yil 19-iyuldagi 339-son “Pochta aloqasi sohasidagi faoliyatni takomillashtirish toʻgʻrisida”gi va 2011-yil 8-sentabrdagi 252-son “Davlat pensiyalarini tayinlash va toʻlash tartibini yanada takomillashtirishga yoʻnaltirilgan normativ-huquqiy hujjatlarni tasdiqlash toʻgʻrisida”gi qarorlariga muvofiq Oʻzbekiston Respublikasi Moliya vazirligi va Aloqa, axborotlashtirish va telekommunikatsiya texnologiyalari davlat qoʻmitasi qaror qiladi:

1. Oʻzbekiston Respublikasi Moliya vazirligi va Oʻzbekiston aloqa va axborotlashtirish agentligining 2012-yil 15-avgustdagi 58, 10-8/2927-sonli “Oʻzbekiston pochtasi” OAJning pochta aloqasining mintaqaviy (viloyat) tashkilotlari va pochta aloqasi obyektlari orqali pensiyalar, nafaqalar va boshqa toʻlovlarni toʻlashni tashkil etish toʻgʻrisidagi yoʻriqnomani tasdiqlash haqida”gi qaroriga (roʻyxat raqami 2394, 2012-yil 28-sentabr) (Oʻzbekiston Respublikasi qonun hujjatlari toʻplami, 2012-y., 40-son, 470-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Qarorning nomi va 1-bandidagi “Oʻzbekiston pochtasi” OAJ” degan soʻzlar “OʼZBEKISTON POCNTASI” AJ” degan soʻzlar bilan almashtirilsin.

2. Yoʻriqnomada:

a) nomi va muqaddimadagi “Oʻzbekiston pochtasi” OAJ” degan soʻzlar “OʼZBEKISTON POCNTASI” AJ” degan soʻzlar bilan almashtirilsin;

b) 1-bandda:

beshinchi va sakkizinchi xatboshilardagi “Oʻzbekiston pochtasi” OAJ” degan soʻzlar “OʼZBEKISTON POCNTASI” AJ” degan soʻzlar bilan almashtirilsin;

quyidagi mazmundagi toʻqqizinchi xatboshi bilan toʻldirilsin:

“axborot tizimi — Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi va “OʼZBEKISTON POCNTASI” AJ oʻrtasida axborotni toʻplash, saqlash, izlash, unga ishlov berish hamda undan foydalanish imkonini beradigan, tashkiliy jihatdan tartibga solingan jami axborot resurslari, axborot texnologiyalari va aloqa vositalari, shuningdek pensiya va nafaqa oluvchilar toʻgʻrisidagi maʼlumotlar;”;

toʻqqizinchi xatboshi oʻninchi xatboshi deb hisoblansin;

oʻninchi xatboshidagi “Oʻzbekiston pochtasi” OAJning” degan soʻzlar “OʼZBEKISTON POCNTASI” AJning” degan soʻzlar bilan almashtirilsin;

v) 2-bandning birinchi xatboshisidagi “Pensiya jamgʻarmasi boʻlimi va pochta aloqasining mintaqaviy tashkilotlari” degan soʻzlar “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi hududiy boshqarmalari va pochta aloqasining mintaqaviy tashkilotlari” degan soʻzlar bilan almashtirilsin;

g) 12-bandda:

ikkinchi xatboshidan “pensiyalar va nafaqalarni yetkazib berish (topshirish) boʻyicha xizmatlar uchun belgilangan tariflarni hisobga olgan holda” degan soʻzlar chiqarib tashlansin;

quyidagi mazmundagi xatboshi bilan toʻldirilsin:

“Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining hududiy boshqarmasi pochta aloqasi obyektlari tomonidan pensiya va nafaqa toʻlovlarini yetkazib berish (topshirish) boʻyicha xizmat haqi uchun mablagʻlarni Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining hududiy boshqarmasi va pochta aloqasining mintaqaviy tashkiloti oʻrtasida imzolangan solishtirma dalolatnomaga asosan pochta aloqasi mintaqaviy tashkilotining hisob raqamiga oʻtkazib beradi.”;

d) 18-banddagi “Oʻzbekiston pochtasi” OAJ” degan soʻzlar “OʼZBEKISTON POCNTASI” AJ” degan soʻzlar bilan almashtirilsin;

e) 26-band quyidagi tahrirda bayon etilsin:

“26. Pochta aloqasi obyektlari uchun keyingi toʻlov oyi uchun qaydnomalar avvalgi toʻlov oyi yirtib olinadigan talonlaridagi toʻlangan (toʻlanmagan) pensiya va nafaqalarning umumiy soni va summasi toʻgʻrisidagi maʼlumotlar bilan reyestr-hisobotlar va pochta aloqasi obyekti tomonidan axborot tizimiga kiritilgan maʼlumotlarga mos kelishi solishtirilgandan soʻng tuziladi.

Qaydnomalar har bir aloqa boʻlimi boʻyicha komplektlarda pochta aloqasining mintaqaviy tashkilotlari yoki pochta aloqasi obyektlari (pochtamtlar, pochta aloqasi bogʻlamalari)ga topshiriladi. Qaydnomalar komplektiga quyidagi hujjatlar ilova qilinadi:

mazkur Yoʻriqnomaning 5-ilovasiga muvofiq shakl boʻyicha uch nusxadagi reyestr-hisobot;

mazkur Yoʻriqnomaning 6-ilovasiga muvofiq shakl boʻyicha ikki nusxadagi kuzatuv roʻyxati.

Pensiyalar va nafaqalarni toʻlash monitoringi guruhining rahbari tomonidan qaydnomalar axborot tizimi orqali pochta aloqasi obyektlariga yuboriladi.”;

j) 28-band quyidagi tahrirda bayon etilsin:

“28. Pensiyalar va nafaqalar toʻlanishining nazoratini tashkil qilish uchun pochta aloqasining mintaqaviy tashkilotlari va pochta aloqasi obyektlari (pochtamtlar, pochta aloqasi bogʻlamalari)da pensiyalar va nafaqalar toʻlanishini nazorat qilish guruhlari (bundan buyon matnda nazorat qilish guruhi deb yuritiladi) tashkil qilinadi.

Nazorat qilish guruhining rahbari Pensiya jamgʻarmasining tegishli boʻlimidan qaydnomalarni va ularga ilova qilingan hujjatlarning toʻgʻri rasmiylashtirilganligini va Pensiya jamgʻarmasi boʻlimi tomonidan axborot tizimi orqali yuborilgan qaydnomalarga mosligini tekshirgan holda qabul qilib oladi.

Qaydnomalar toʻgʻri rasmiylashtirilganda va qaydnomalar Pensiya jamgʻarmasi boʻlimi tomonidan axborot tizimi orqali yuborilgan qaydnomalarga mos kelganda nazorat qilish guruhining rahbari kuzatuv roʻyxatining ikkala nusxasini imzolaydi. Pochta taqvim shtempelining izi tushirilgan kuzatuv roʻyxatining nusxalaridan biri Pensiya jamgʻarmasining boʻlimiga qaytariladi.”;

z) rus tilidagi matnning 29-bandi birinchi xatboshisidan “k ney” degan soʻzlar chiqarib tashlansin;

i) 34-band quyidagi mazmundagi xatboshi bilan toʻldirilsin:

“Shaharcha, qishloq va ovullarda yashovchi pensiya va nafaqa oluvchilar boshqa shaxsga shaharcha, qishloq va ovul fuqarolar yigʻinining raisi (oqsoqoli) tomonidan tasdiqlangan ishonchnomani bergan holda pensiya yoki nafaqani olish uchun vakolat berishi mumkin.”;

k) 46-band quyidagi tahrirda bayon etilsin:

“46. Pochta aloqasi obyektlari har kuni toʻlangan (toʻlanmagan) pensiya va nafaqa summalari toʻgʻrisida maʼlumotlarni Pensiya jamgʻarmasi boʻlimiga taqdim etadilar. Toʻlov oyi uchun pensiya va nafaqalar toʻlovlari (yetkazib berish) yakunlangandan soʻng pochta aloqasi obyektlari toʻlangan (toʻlanmagan) pensiya va nafaqa summalari toʻgʻrisida yakuniy maʼlumotlarni, shuningdek yirtib olinadigan talonlar va reyestr-hisobotlarni axborot tizimi orqali Pensiya jamgʻarmasi boʻlimiga taqdim etadilar.

Tegishli tekshiruvdan keyin pochta aloqasining mintaqaviy tashkilotlari yoki pochta aloqasi obyektlari (pochtamt, pochta aloqasi bogʻlamasi) tomonidan pensiyalar va nafaqalarning yetkazib berilishi (topshirilishi) toʻgʻrisidagi hisobot, yirtib olinadigan talonlarning barcha komplektlari bitta nusxadagi reyestr-hisobot bilan birga hisobotlar qabul qilingan vaqtdan boshlab ikki ish kunidan kechiktirmasdan mazkur Yoʻriqnomaning 9-ilovasidagi shakl boʻyicha kuzatuv roʻyxati bilan Pensiya jamgʻarmasining boʻlimiga joʻnatiladi. Pensiyalar va nafaqalarni yetkazib berish (topshirish) toʻgʻrisidagi hisobot, yirtib olinadigan talonlar komplektlarining kuzatuv roʻyxatlari nazorat qilish guruhining rahbari, pochta aloqasining mintaqaviy tashkiloti yoki pochta aloqasi obyekti (pochtamt, pochta aloqasi bogʻlamasi) ning bosh buxgalteri va rahbari tomonidan imzolanadi hamda muhr izi bilan tasdiqlanadi.”;

l) 50-band quyidagi mazmundagi xatboshi bilan toʻldirilsin:

“yirtib olinadigan talonlar va reyestr-xisobotlarning jami summalarini axborot tizimidagi maʼlumotlar bilan mosligi.”;

m) 57-banddagi “Oʻzbekiston pochtasi” OAJga” degan soʻzlar “OʼZBEKISTON POCNTASI” AJga” degan soʻzlar bilan almashtirilsin;

n) 1, 3 — 11-ilovalarning ilova belgisidagi “Oʻzbekiston pochtasi” OAJning” degan soʻzlar “OʼZBEKISTON POCNTASI” AJning” degan soʻzlar bilan almashtirilsin;

o) 2-ilova mazkur oʻzgartirish va qoʻshimchalarning ilovasiga muvofiq tahrirda bayon etilsin.

3. Mazkur oʻzgartirish va qoʻshimchalar “OʼZBEKISTON POCNTASI” AJ va Oʻzbekiston Respublikasi Markaziy banki bilan kelishilgan.