Oʻzbekiston Respublikasi Vazirlar Mahkamasining “Iqtisodiyot tarmoqlarida gazdan foydalanish qoidalarini tasdiqlash toʻgʻrisida” 2014-yil 24-iyundagi 169-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

1. Vazirlar Mahkamasining 2000-yil 10-yanvardagi 8-son qarori (Oʻzbekiston Respublikasi QT, 2000-y., 1-son, 2-modda) bilan tasdiqlangan Oʻzbekiston Respublikasi isteʼmolchilariga gaz yetkazib berish qoidalarida:

a) 2.1-bandda:

ikkinchi — beshinchi xatboshilar quyidagi tahrirda bayon qilinsin:

“gaz — gaz qazib chiqaruvchi, gaz, neft qazib chiqaruvchilar tomonidan yoki gaz-neft qazib chiqaruvchi tashkilotlar, gazni qayta ishlovchi tashkilotlar, gaz uzatuvchi tashkilotlar tomonidan ishlab chiqariladigan tabiiy gaz, neft (yoʻldosh) gazi, shuningdek yoqilgʻi yoki xomashyo sifatida foydalanish uchun moʻljallangan neftni qayta ishlash tashkilotlari tomonidan ishlab chiqariladigan yoqilgʻi gazi;

yetkazib beruvchi — gazni yetkazib beruvchi gaz mulkdori yoki uning vakolatli shaxsi;

gaz taʼminoti tashkiloti — gazni qabul qilishni, taqsimlashni va isteʼmolchilarga yetkazib berishni taʼminlovchi tashkilot;

gaz uzatish tashkiloti — gazni qabul qiluvchi, uzatuvchi va isteʼmolchilarga yetkazib beruvchi tashkilot”;

yettinchi xatboshi quyidagi tahrirda bayon qilinsin:

“hisob-kitob oyi — yilning gaz yetkazib beruvchi va isteʼmolchi oʻrtasida yetkazib berilgan gaz uchun oʻzaro hisob-kitob qilinishi kerak boʻlgan oyi”;

b) 3.1 va 3.2-bandlar quyidagi tahrirda bayon qilinsin:

“3.1. “Oʻzbekneftgaz” milliy xolding kompaniyasi (keyingi oʻrinlarda “Oʻzbekneftgaz” MXK deb ataladi) tomonidan joriy yilning 1-avgustigacha boʻlgan muddatda kelgusi yil uchun gazni qazib olish, qayta ishlash, uzatish, saqlash va taqsimlashdagi oʻzining gazga boʻlgan ehtiyojlari va texnologik yoʻqotishlar aniqlanadi.

3.2. “Oʻzbekneftgaz” MXK taqdim etilgan buyurtmanomalar asosida, resurs va gaz uzatish imkoniyatlarini, shuningdek ichki tarmoq ehtiyojini va gaz eksporti hajmlarini hisobga olgan holda choraklar boʻyicha (qish davri uchun — oylar boʻyicha) taqsimlagan holda kelgusi yil uchun respublika boʻyicha tabiiy gaz resurslari va ularni taqsimlash balansini tuzadi hamda gaz isteʼmolining prognoz qilinayotgan kelgusi yil uchun respublika boʻyicha tabiiy gaz resurslari va ularni taqsimlash balansi loyihasini tayyorlash uchun joriy yilning 15-sentabrigacha Oʻzbekiston Respublikasi Iqtisodiyot vazirligiga koʻrib chiqish uchun taqdim etadi.

Kelgusi yil uchun respublika boʻyicha tabiiy gaz resurslari va ularni taqsimlash balansi Oʻzbekiston Respublikasi Iqtisodiyot vazirligi tomonidan Oʻzbekiston Respublikasi Vazirlar Mahkamasiga tasdiqlash uchun belgilangan tartibda kiritiladi”;

v) 4.3-bandning uchinchi xatboshidagi “hududiy gaz taʼminoti korxonalariga” soʻzlari “gaz taʼminoti tashkilotlariga” soʻzlari bilan almashtirilsin;

g) 4.7-banddagi “gaz uzatish tashkiloti va hududiy gaz taʼminoti korxonalari” soʻzlari “gaz uzatish va gaz taʼminoti tashkiloti” soʻzlari bilan almashtirilsin;

d) 4.10-banddagi “Hududiy gaz taʼminoti korxonasi” soʻzlari “Gaz taʼminoti tashkiloti” soʻzlari bilan almashtirilsin;

e) 4.11-bandda:

birinchi xatboshidagi “hududiy gaz taʼminoti korxonasi” soʻzlari “gaz taʼminoti tashkiloti” soʻzlari bilan almashtirilsin;

ikkinchi xatboshidagi “hududiy gaz taʼminoti korxonasi tomonidan” soʻzlari “gaz taʼminoti tashkiloti tomonidan” soʻzlari bilan almashtirilsin;

j) 4.13-bandda:

birinchi xatboshidagi “Hududiy gaz taʼminoti korxonasi” soʻzlari “Gaz taʼminoti tashkiloti” soʻzlari bilan almashtirilsin;

ikkinchi xatboshidagi “hududiy gaz taʼminoti korxonalari tomonidan” soʻzlari “gaz taʼminoti tashkiloti tomonidan” soʻzlari bilan almashtirilsin;

z) 4.14-banddagi “gaz uzatish tashkiloti va hududiy gaz taʼminoti korxonasi tomonidan” soʻzlari “gaz uzatish va gaz taʼminoti tashkilotlari tomonidan” soʻzlari bilan almashtirilsin;

i) 4.15-banddagi “gaz taʼminoti tashkiloti, hududiy gaz taʼminoti korxonasi” soʻzlari “gaz uzatish va gaz taʼminoti tashkilotlari” soʻzlari bilan almashtirilsin;

k) 5.2 va 5.3-bandlar quyidagi tahrirda bayon qilinsin:

“5.2. Etkazib berilayotgan gaz miqdori gaz tarmoqlarining boʻlinish chegarasida oʻrnatilgan gazni hisobga olish priborlarining koʻrsatkichlari boʻyicha, yetkazib beruvchining gazni hisobga olish priborlari boʻyicha, u mavjud boʻlmagan taqdirda esa — isteʼmolchining gazni hisobga olish priborlari boʻyicha aniqlanadi va ikkala taraf imzolaydigan gazni yetkazib berish — qabul qilish dalolatnomasi bilan rasmiylashtiriladi.

5.3. Olingan gaz uchun hisob-kitob qilish plombalanmagan gazdan foydalanish uskunasining sutkaning 24 soatida ishlashi hisobidan quyidagi holatlarda:

gazni hisobga olish priborining davlat qiyoslovidan oʻtkazish muddati oʻtganda, bunda tegishli hisob-kitob tekshirish muddati oʻtgan paytdan boshlab qiyoslov oʻtkazilgandan keyin gazni hisobga olish pribori oʻrnatilgan paytgacha amalga oshiriladi;

gazni hisobga olish priborining nosozligi, plombasining butligi buzilganligi, gazni hisobga olish pribori oʻzboshimchalik bilan joyidan olinganligi aniqlanganda, shuningdek isteʼmolchida va yetkazib beruvchida gazni hisobga olish priborlari mavjud boʻlmaganda yetkazib beruvchi vakilining oxirgi marta kelgan kunidan boshlab amalga oshiriladi”;

l) 5.9 va 5.10-bandlar quyidagi tahrirda bayon qilinsin:

“5.9. Hisob-kitob oyida yetkazib berilgan gaz hajmi hisobga olish pribori koʻrsatkichlari asosida aniqlanadi va hisob-kitob oyi tugagandan keyin 5 kun mobaynida isteʼmolchi va yetkazib beruvchi oʻrtasidagi gazni yetkazib berish-qabul qilish dalolatnomasi bilan rasmiylashtiriladi. Gazni yetkazib berish-qabul qilish dalolatnomasini imzolamaslik yoki uni eʼtirozlar bilan imzolash isteʼmolchini uning uchun gaz yetkazib beruvchi tomonidan belgilangan hajmlarda toʻlovni toʻlashdan ozod qilmaydi. Berilgan yoki qabul qilingan gaz miqdorini aniqlashga rozi boʻlmagan taraf bu toʻgʻrida boshqa tarafga hisob-kitob oyi tugagandan keyingi oyning 10-kunigacha dalolatnomada eʼtiroz sababini albatta koʻrsatish yoʻli bilan maʼlum qiladi. Taraflarning roziligiga erishilmagan taqdirda, eʼtirozlar sabablari qonun hujjatlarida belgilangan tartibda koʻrib chiqiladi.

5.10. Gaz yetkazib berish shartlari yetkazib beruvchilar va isteʼmolchilar oʻrtasida tuziladigan shartnomalarda nazarda tutiladi”;

m) 6-boʻlimning nomi quyidagi tahrirda bayon qilinsin:

“6. Gaz yetkazib beruvchilarning, gaz uzatish va gaz taʼminoti tashkilotlari hamda isteʼmolchilarning huquq va majburiyatlari”;

n) 6.2-bandning birinchi xatboshidagi “Gaz uzatish tashkiloti va hududiy gaz taʼminoti korxonasi” soʻzlari “Gaz uzatish va gaz taʼminoti tashkilotlari” soʻzlari bilan almashtirilsin;

o) 6.5 va 6.6-bandlardagi “gaz uzatish tashkiloti, hududiy gaz taʼminoti korxonasi” soʻzlari “gaz uzatish va gaz taʼminoti tashkilotlari” soʻzlari bilan almashtirilsin;

p) 6.7-banddagi “Hududiy gaz taʼminoti korxonasi” soʻzlari “Gaz taʼminoti tashkiloti” soʻzlari bilan almashtirilsin;

r) 6.8-banddagi “gaz uzatish tashkiloti yoki hududiy gaz taʼminoti korxonasi” soʻzlari “gaz uzatish yoki gaz taʼminoti tashkilotlari” soʻzlari bilan almashtirilsin;

s) 7.1-banddagi “hududiy gaz taʼminoti korxonasi” soʻzlari “gaz taʼminoti tashkiloti” soʻzlari bilan almashtirilsin.

3. Vazirlar Mahkamasining 2005-yil 26-maydagi 132-son qarori (Oʻzbekiston Respublikasi QT, 2005-y., 5-son, 28-modda) bilan tasdiqlangan Tabiiy gaz isteʼmolchilari va gaz bilan taʼminlovchi tashkilotlar oʻrtasidagi oʻzaro hisob-kitoblar tartibi toʻgʻrisidagi nizomda:

a) 2-bandda:

uchinchi xatboshi quyidagi tahrirda bayon qilinsin:

“gaz — gaz qazib chiqaruvchi, gaz, neft qazib chiqaruvchilar tomonidan yoki gaz-neft qazib chiqaruvchi tashkilotlar, gazni qayta ishlovchi tashkilotlar, gaz uzatuvchi tashkilotlar tomonidan ishlab chiqariladigan tabiiy gaz, neft (yoʻldosh) gazi, shuningdek yoqilgʻi yoki xomashyo sifatida foydalanish uchun moʻljallangan neftni qayta ishlash tashkilotlari tomonidan ishlab chiqariladigan yoqilgʻi gazi”;

oltinchi — sakkizinchi xatboshilar quyidagi tahrirda bayon qilinsin:

“yetkazib beruvchi — gaz mulkdori yoki uning gazni yetkazib beruvchining vakolatli shaxsi;

gaz taʼminoti tashkiloti — gazni qabul qilishni, taqsimlashni va isteʼmolchilarga yetkazib berishni taʼminlovchi tashkilot;

gaz uzatish tashkiloti — gazni qabul qiluvchi, uzatuvchi va isteʼmolchilarga yetkazib beruvchi tashkilot”;

toʻqqizinchi xatboshi chiqarib tashlansin;

b) 4 va 5-bandlar quyidagi tahrirda bayon qilinsin:

“4. Gaz yetkazib beruvchilar isteʼmolchiga gaz yetkazib berishni gaz yetkazib berish yuzasidan shartnomada koʻrsatilgan parametrlarda amalga oshirishlari shart. Gazni barcha isteʼmolchilarga gaz yetkazib berish uchun resurslar va quvvatlar yetarli boʻlmagan holatlarda gazni isteʼmolchilar oʻrtasida taqsimlashni tartibga solish Oʻzbekiston Respublikasi Vazirlar Mahkamasining qarorlari asosida amalga oshiriladi.

5. Gazdan foydalanishda isteʼmolchining aybi bilan gazdan gaz yetkazib berishga shartnomada koʻrsatilganidan kam hajmlarda foydalanilgan taqdirda avans tarzida toʻlangan mablagʻlar qaytarilmaydi, koʻrsatib oʻtilgan mablagʻlar esa kelgusida gazdan foydalanishda hisobga olinadi”;

v) 6-banddagi “tabiiy” soʻzi chiqarib tashlansin;

g) 8-bandning birinchi xatboshi quyidagi tahrirda bayon qilinsin:

“Shartnomada koʻrsatilgan muddatlarda yetkazib berilgan gaz qiymati oʻz vaqtida toʻlanmagan taqdirda isteʼmolchi yetkazib beruvchiga gaz yetkazib berish yuzasidan shartnomaga muvofiq penya toʻlaydi. Aholi penyani gaz uchun toʻlov oʻz vaqtida toʻlamagan taqdirda muddati oʻtgan har bir kun uchun 0,1 foiz miqdorida, lekin muddati oʻtgan toʻlov summasining 50 foizidan koʻp boʻlmagan miqdorda toʻlaydi”;

d) 10-band quyidagi tahrirda bayon qilinsin:

“10. Isteʼmolchi tomonidan gaz yetkazib berishga tuzilgan shartnomada belgilanganidan koʻp hajmda va yetkazib beruvchi bilan oldindan kelishilmasdan olingan taqdirda isteʼmolchidan shartnomadagi hajmlardan ortiqcha olingan gaz qiymatiga nisbatan 2 koeffitsiyent bilan oshirilgan toʻlov undiriladi (aholi va Vazirlar Mahkamasining 2004-yil 5-fevraldagi 57-son qarori 5-ilovasiga kiritilgan “Oʻzbekenergo” DAK korxonalari isteʼmol qilgan hajm bundan mustasno).

Bunda isteʼmolchilarga nisbatan oshirilgan koeffitsiyent aholi va Vazirlar Mahkamasining 2004-yil 5-fevraldagi 57-son qarori 5-ilovasiga kiritilgan “Oʻzbekenergo” DAK korxonalari tomonidan isteʼmol qilingan tabiiy gaz hajmini hisobga olmagan holda qoʻllaniladi”;

e) II boʻlim nomidagi, 12, 13, 14-bandlardagi, III boʻlim nomidagi, 18, 19-bandlardagi, IV boʻlim nomidagi, 23-banddagi, 24-bandning ikkinchi xatboshidagi, V va VI boʻlimlar nomidagi, 34 va 35-bandlardagi “hududiy gaz bilan taʼminlovchi korxonalarni”, “hududiy gaz bilan taʼminlovchi korxonalar tomonidan”, “hududiy gaz bilan taʼminlovchi korxona”, “hududiy gaz bilan taʼminlovchi korxonalar”, “hududiy gaz bilan taʼminlovchi korxonani” soʻzlari tegishli ravishda “gaz bilan taʼminlovchi tashkilotlarni”, “gaz bilan taʼminlovchi tashkilotlar tomonidan”, “gaz bilan taʼminlovchi tashkilot”, “gaz bilan taʼminlovchi tashkilotlar”, “gaz bilan taʼminlovchi tashkilotni” soʻzlari bilan almashtirilsin;

j) 15-banddagi “kamida 15 foizi uchun oldindan” soʻzlari “100 foizi uchun” soʻzlari bilan almashtirilsin;

z) 16-banddagi “Oldindan” soʻzi chiqarib tashlansin;

i) 17-band oʻz kuchini yoʻqotgan deb hisoblansin;

k) 20 — 22-bandlar quyidagi tahrirda bayon qilinsin:

“20. Barcha toifadagi isteʼmolchilar (aholidan tashqari) hisob-kitob davri boshlangungacha kamida 5 kun oldin tuzilgan shartnomada koʻrsatilgan oylik gaz hajmi qiymatining 100 foizi miqdorida yetkazib beruvchining hisob raqamiga oldindan toʻlashi shart.

21. Toʻlov summasi oʻtkazilmagan taqdirda isteʼmolchiga gaz uzatish va gaz bilan taʼminlash tashkilotlari tomonidan gaz yetkazib berilmaydi.

22. Asosiy gaz isteʼmolchilari tomonidan olingan gaz uchun uzil-kesil hisob-kitob qilish hisob-kitob oyidan keyingi oyning 10-kunigacha, ijtimoiy soha va strategik ahamiyatga ega isteʼmolchilar tomonidan esa hisob-kitob oyi tugagandan keyin 30 kun oʻtgungacha, isteʼmolchi — gaz taʼminoti tashkilotining gaz tarmoqlari va gaz uzatuvchi tashkilotning magistral gaz quvuri boʻlinish chegarasida joylashgan gazni hisobga olish pribori koʻrsatkichlariga muvofiq hisob-kitob oyi tugangungacha 5 kun mobaynida belgilangan tartibda rasmiylashtirilgan gazni qabul qilish-uzatish dalolatnomasi asosida amalga oshiriladi”;

l) 25-banddagi “kamida 15 foizi uchun oldindan” soʻzlari “100 foizi miqdorida” soʻzlari bilan almashtirilsin;

m) 26-banddagi “Oldindan toʻlanadigan haq summasi oʻtkazilmagan yoki u 15 foizdan kam miqdorda oʻtkazilgan” soʻzlari “Toʻlov oʻtkazilmagan yoki u 100 foizdan kam miqdorda oʻtkazilgan” soʻzlari bilan almashtirilsin;

n) 27-banddagi “tamom boʻlgandan keyin” va “uch kun mobaynida” soʻzlari tegishli ravishda “tugagach” va “5 kun mobaynida” soʻzlari bilan almashtirilsin;

o) 30-band quyidagi tahrirda bayon qilinsin:

“30. Gaz taʼminoti tashkiloti hisob-kitob oyi boshlangungacha kamida 5 kun oldin, tuzilgan shartnomada koʻrsatilgan oylik gaz hajmi qiymatini, aholi tomonidan isteʼmol qilinadigan gaz hajmini hisobga olmagan holda, 100 foiz miqdorida gaz yetkazib beruvchilarning hisob raqamlariga toʻlashi shart”;

p) 31-banddagi “Oldindan toʻlanadigan haq summasi oʻtkazilmagan yoki u 15 foizdan kam miqdorda oʻtkazilgan taqdirda, gaz yetkazib beruvchilar tomonidan hududiy gaz bilan taʼminlovchi korxonaga” soʻzlari “Toʻlov oʻtkazilmagan yoki u 100 foizdan kam miqdorda oʻtkazilgan taqdirda yetkazib beruvchilar tomonidan gaz taʼminoti tashkilotiga” soʻzlari bilan almashtirilsin;

r) 32-banddagi “hududiy gaz bilan taʼminlovchi korxona”, “tamom boʻlgandan keyin” va “uch kun mobaynida” soʻzlari tegishli ravishda “gaz taʼminoti tashkiloti”, “tugagach” va “5 kun mobaynida” soʻzlari bilan almashtirilsin.