Dehqon va fermer xoʻjaliklarini qoʻllab-quvvatlash jamgʻarmasi mablagʻlarini toʻlaroq shakllantirishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining 1997-yil 25-oktabrdagi 486-son qarori bilan tasdiqlangan Dehqon va fermer xoʻjaliklarini qoʻllab-quvvatlash jamgʻarmasining mablagʻlarini jamgʻarish va ulardan foydalanish Tartibi 5-bandining toʻrtinchi, beshinchi, oltinchi va yettinchi xatboshi quyidagi tahrirda bayon qilinsin:

“Soliq toʻlovchi fermer xoʻjaliklari Jamgʻarmaga toʻlanishi kerak boʻlgan mablagʻlarni yagona yer soligʻi toʻlash uchun belgilangan tartibda va muddatlarda toʻlaydilar. Ular davlat soliq xizmati organlariga taqdim etadigan yagona yer soligʻi boʻyicha hisob-kitoblarda Jamgʻarmaga badal sifatida toʻlanishi kerak boʻlgan 2,5 foiz miqdoridagi mablagʻlar alohida satrda aks ettiriladi. Fermer xoʻjaliklari yagona yer soligʻi jami summasini bitta toʻlov topshiriqnomasi bilan maxsus tranzit hisob raqamiga oʻtkazadilar.

Yuridik shaxs hisoblanadigan soliq toʻlovchi dehqon xoʻjaliklari yer soligʻini fermer xoʻjaliklari kabi, mablagʻlarni bitta toʻlov topshiriqnomasi bilan maxsus tranzit hisob raqamiga oʻtkazgan holda toʻlaydilar.

Yuridik shaxs hisoblanmaydigan soliq toʻlovchi dehqon xoʻjaliklari oʻzlari egallab turgan yer uchastkalari uchun yer soligʻini va Jamgʻarmaga ajratmalarni davlat soliq xizmati organlari tomonidan, maxsus tranzit hisob raqami koʻrsatilgan holda yoziladigan toʻlov bildirishnomalari asosida toʻlaydilar.

Maxsus tranzit hisob raqamiga tushgan yer soligʻi va yagona yer soligʻi summasining bir qismi (yer soligʻining 5 foizi va yagona yer soligʻining 2,5 foizi) belgilangan normalarga muvofiq Jamgʻarmaning tegishli hisob raqamlariga oʻtkaziladi”.

2. Dehqon xoʻjaliklaridan undiriladigan yer soligʻi hamda fermer xoʻjaliklaridan undiriladigan yagona yer soligʻi tushumlaridan Dehqon va fermer xoʻjaliklarini qoʻllab-quvvatlash jamgʻarmasiga ajratmalarni amalga oshirish tartibi toʻgʻrisidagi Nizom ilovaga muvofiq tasdiqlansin.

3. Oʻzbekiston Respublikasi Moliya vazirligi va Davlat soliq qoʻmitasi tegishli ravishda dehqon va fermer xoʻjaliklari tomonidan toʻlanadigan yer va yagona yer soliqlarini hisoblab chiqarish va toʻlash tartibiga taalluqli normativ hujjatlarga tegishli oʻzgartirishlar kiritsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. Ushbu Nizom Oʻzbekiston Respublikasi Prezidentining “Dehqon va fermer xoʻjaliklarini davlat tomonidan qoʻllab-quvvatlash hamda ularning mamlakatni oziq-ovqat bilan taʼminlashdagi rolini kuchaytirish chora-tadbirlari toʻgʻrisida” 1997-yil 18-martdagi PF-1737-son Farmoni 4-bandiga muvofiq ishlab chiqilgan va dehqon xoʻjaliklaridan (yuridik shaxs boʻlgan va yuridik shaxs boʻlmagan) undiriladigan yer soligʻi tushumlaridan hamda fermer xoʻjaliklaridan undiriladigan yagona yer soligʻi tushumlaridan Dehqon va fermer xoʻjaliklarini qoʻllab-quvvatlash jamgʻarmasiga (keyingi oʻrinlarda Jamgʻarma deb ataladi) ajratmalarni amalga oshirish tartibini tartibga soladi.

2. Yer va yagona yer soligʻini (toʻlovchilar tomonidan) hisoblab chiqarish qonun hujjatlarida belgilangan tartibga muvofiq amalga oshiriladi.

3. Dehqon xoʻjaliklari (yuridik shaxs boʻlgan va yuridik shaxs boʻlmagan) tomonidan toʻlangan yer soligʻi hisoblab chiqarilgan summada (100%) “Yer va yagona yer soliqlari boʻyicha respublika budjeti daromadlari”ning 23409-son maxsus tranzit hisob raqamiga ushbu soliqlar uchun Oʻzbekiston Respublikasi Moliya vazirligi tomonidan yuridik shaxslardan qishloq xoʻjaligi yerlari uchun (yuridik shaxs boʻlgan dehqon xoʻjaliklari uchun) va jismoniy shaxslardan (yuridik shaxs boʻlmagan dehqon xoʻjaliklari uchun) yer soligʻi toʻlash uchun Davlat budjeti daromadlari budjet klassifikatsiyasiga muvofiq alohida belgilanadigan tegishli boʻlimlar va paragraflarga muvofiq boʻlgan shartli hisob raqamlari bilan oʻtkaziladi.

4. Dehqon xoʻjaliklari (yuridik shaxs boʻlgan va yuridik shaxs boʻlmagan) tomonidan yer soligʻi toʻlovidan 23409-son maxsus tranzit hisob raqamiga (tegishli shartli hisob raqamlari bilan) tushgan mablagʻning 5% miqdoridagi qismi dasturli yoʻl bilan avtomatik ravishda Jamgʻarmaning 20205-son maxsus hisob raqamiga oʻtkaziladi.

5. Summaning ajratilgandan keyin qolgan qismi (95 foizi — hisoblashda 100 foiz deb qabul qilinadi) dasturli yoʻl bilan avtomatik rejimda boʻlinadi va 23402-son balans hisob raqamiga, yuridik shaxslardan qishloq xoʻjaligi maqsadidagi yerlar uchun undirilgan yer soligʻi tushumlarini hisoblash uchun joriy etilgan boʻlim va paragrafga muvofiq boʻlgan shartli hisob raqami bilan yozib qoʻyish va keyinchalik har yilgi tasdiqlanadigan ajratmalar normativlariga binoan tegishli budjetlar hisob raqamlariga ajratish uchun oʻtkaziladi.

6. Fermer xoʻjaliklari tomonidan toʻlangan yagona yer soligʻi hisoblab chiqarilgan summada (100%) “Yer va yagona yer soliqlari boʻyicha respublika budjeti daromadlari”ning 23409-son maxsus tranzit hisob raqamiga, yuridik shaxslardan qishloq xoʻjaligi yerlari uchun undiriladigan yagona yer soligʻi tushumlarini hisobga olish uchun joriy etilgan Davlat budjeti daromadlari budjet klassifikatsiyasi boʻlimi va paragrafiga muvofiq boʻlgan shartli hisob raqami bilan oʻtkaziladi.

7. Fermer xoʻjaliklari tomonidan yagona yer soligʻi toʻlovidan 23409-son maxsus tranzit hisob raqamiga (tegishli shartli hisob raqamlari bilan) tushgan mablagʻning 2,5% miqdoridagi qismi dasturli yoʻl bilan avtomatik rejimda Jamgʻarmaning 20205-son maxsus hisob raqamiga oʻtkaziladi.

Fermer xoʻjaliklariga ularning yagona yer soligʻini transhlar boʻyicha toʻlashi uchun mablagʻlar summasini yoʻnaltirish ham xuddi shunday tartibda amalga oshiriladi.

8. Summaning ajratilgandan keyin qolgan qismi (97,5 foizi — hisoblashda 100 foiz deb qabul qilinadi) dasturli yoʻl bilan avtomatik rejimda boʻlinadi va 23402-son balans hisob raqamiga, yuridik shaxslardan qishloq xoʻjaligi maqsadidagi yerlar uchun undirilgan yagona yer soligʻi tushumlarini hisoblash uchun joriy etilgan boʻlim va paragrafga muvofiq boʻlgan shartli hisob raqami bilan, yozib qoʻyish va keyinchalik har yilgi tasdiqlanadigan ajratmalar normativlariga binoan tegishli budjetlar hisob raqamlariga ajratish uchun oʻtkaziladi.

9. Respublika budjeti daromadiga toʻlangan yer va yagona yer soliqlari summasining toʻgʻri taqsimlanishi va Jamgʻarmaga ajratmalarning toʻgʻriligini nazorat qilish joylardagi tijorat banklarining tegishli muassasalariga yuklanadi.

10. Joylardagi soliq organlari dehqon xoʻjaliklari tomonidan toʻlanadigan yer soligʻidan Jamgʻarmaga mablagʻni toʻgʻri ajratish maqsadida yer soligʻi toʻlovi boʻyicha toʻlov bildirishnomalari va kvitansiyalariga “dehqon xoʻjaligi” deb yozib qoʻyishadi. Yer soligʻi summasi uchastka inspektorlari tomonidan olingan taqdirda dehqon xoʻjaliklari tomonidan toʻlangan yer soligʻi summasi bank muassasasiga alohida vedomost boʻyicha topshiriladi.

11. Soliq organlarining “1-N” shakli boʻyicha har oydagi hisobotlarida faqat yer va yagona yer soliqlarining boʻlinish natijasida 23402-son balans hisob raqamiga haqiqiy tushgan summasi aks ettiriladi.

12. Joylardagi moliya organlari buxgalteriyalari oylik (shifrli), choraklik va yillik hisobotlarda faqat mahalliy budjetlar hisob raqamlariga 23402-son balans hisob raqamlari orqali haqiqiy tushgan summani aks ettirishadi.

13. Jamgʻarmaning 20205-son maxsus hisob raqamiga tushgan yer va yagona yer soligʻi summasi Jamgʻarmaning moliya-xoʻjalik faoliyati toʻgʻrisidagi hisobotda aks ettiriladi.

14. Jamgʻarma tegishli ravishda dehqon va fermer xoʻjaliklaridan undiriladigan (5% va 2,5%) yer soligʻi va yagona yer soligʻi tushumlarini, keyinchalik hisob-kitob raqamiga oʻtkazish uchun, avtonom rejimda boʻlish imkonini beradigan tijorat banklari uchun maxsus dastur xarajatlarini qoplaydi.

15. Dehqon va fermer xoʻjaliklari tomonidan yer va yagona yer soliqlari belgilangan muddatlarda toʻlanmagan taqdirda soliq organlari tomonidan inkassa topshiriqnomalari yuboriladi. Bunda undiriladigan soliqlar (dehqon xoʻjaliklaridan 5 foizni va fermer xoʻjaliklaridan 2,5 foizni qoʻshgan holda) jami summasiga yozilgan penya hisobga olinadi, ushbu summalar dasturli yoʻl bilan avtomatik rejimda Jamgʻarmaning maxsus hisob raqamiga oʻtkazish uchun, soʻngra esa tegishli shartli hisob raqamlari bilan dasturli yoʻl bilan avtomatik rejimda 23402-son hisob raqamiga boʻlish uchun tegishli shartli hisob raqamlari bilan 23409-son maxsus tranzit hisob raqamiga oʻtkaziladi.