Mavjud meva-sabzavot mahsulotlaridan oqilona foydalanish, kolxozlar, sovxozlar, boshqa qishloq xoʻjaligi va tayyorlov tashkilotlarining zarur vositalar hamda resurslarga boʻlgan birinchi navbatdagi ehtiyojlarini qondirish, yetishtirilgan hosilni sotishda shaxsiy yordamchi xoʻjaliklarning egalariga yordam berish va jumhuriyatning isteʼmol bozorini himoya qilishni taʼminlash maqsadida Vazirlar Mahkamasi qaror qiladi:

1. Belgilansinki, uzum, yangi va qayta ishlangan meva-sabzavot maxsulotlarini jumhuriyatlararo bitimlar va bevosita aloqalar boʻyicha jumhuriyatdan umumittifoq fondiga yetkazib berish asosan jumhuriyat korxonalari, xoʻjaliklari va aholisi uchun gʻoyat tanqis boʻlgan oziq-ovqat, xalq isteʼmoli mollari va ishlab chiqarish-texnika mahsulotlariga almashtirish shartlaridagi shartnomalar boʻyicha amalga oshiriladi.

Umumittifoq fondi hisobiga maxsus isteʼmolchilarga yetkazib beriladigan meva-sabzavot mahsulotlari, shuningdek, yalpi yetilish mavsumida tez sotishni talab qiladigan ertagi karam va poliz mahsulotlari (tarvuzlar)ning bir qismi bundan mustasnodir.

2. “Oʻzplodoovoshchvinprom” konserni, “Oʻzkoopzagottorg” birlashmasi, Qoraqalpogʻiston MSSJ Vazirlar Kengashi, viloyat ijroiya qoʻmitalari, Toshkent shahar ijroiya qoʻmitasi bir oy muddat ichida mahsulotlarni oluvchilar bilan ilgari tuzilgan, mollar va moddiy resurslarni muqobil yetkazib berish koʻzda tutilmagan shartnomalarni qayta koʻrib chiqsinlar, bunda chetga chiqariladigan mahsulotlarga almashtirilgan zarur tovarlar, birinchi navbatda, oziq-ovqat mahsulotlari jumhuriyatga keltirilishini taʼminlashni nazarda tutsinlar.

3. 1-bandning birinchi xat boshida koʻzda tutilgan uzum va yangi mahsulotlarni chetga chiqarish uchun kolxozlarga, sovxozlarga, korxonalarga, tayyorlov va boshqa tashkilotlarga ruxsatnoma Qoraqalpogʻiston MSSJ Vazirlar Kengashi, viloyat ijroiya qoʻmitalari va Toshkent shahar ijroiya qoʻmitasining (“Tashgoragroprom” xoʻjaliklari uchun) maxsus komissiyalari tomonidan beriladi. Ruxsatnoma “Oʻzplodoovoshchvinprom” va “Oʻzkoopzagottorg”ning viloyat boʻlinmalarida roʻyxatdan oʻtkaziladi.

Bunda mahsulotlarni chetga chiqarish uchun ruxsatnoma ularni jumhuriyat fondiga yetkazib berishning tasdiqlangan hajmlari, yaʼni yetishtirish hajmlarining kamida 60 foizi albatta bajarilgan taqdirda beriladi.

Qoraqalpogʻiston MSSJ Vazirlar Kengashi, viloyat ijroiya qoʻmitalari, Toshkent shahar ijroiya qoʻmitasiga umumittifoq fondiga va jumhuriyatlararo bitimlar boʻyicha mahsulot yetkazib berish qanday bajarilayotganligini nazorat qilish yuklatilsin, bunda ushbu holatda mahsulotlarni sotish shartnomaviy (erkin) narxlar boʻyicha amalga oshirilishi nazarda tutilsin.

Quritilgan sabzavotlar, kishmish va mayiz, meza-sabzavot konservalari, jumladan, pomidor sharbati va vinobop mahsulotlarni (umumittifoq fondiga va jumhuriyatlararo bitimlar boʻyicha yetkazib berishdan tashqari) chetga chiqarish uchun ruxsatnoma faqat Vazirlar Mahkamasi huzuridagi Jumhuriyat komissiyasi tomonidan va ayirboshlash boʻyicha iqtisodiy jihatdan foydali shartnomalar mavjud boʻlgandagina beriladi.

4. 1991-yil 1-iyuldan boshlab kooperativlar, ijarachilar, shaxsiy yordamchi xoʻjaliklarning egalari, boshqa tashkilotlar va fuqarolar jumhuriyatdan chetga chiqaradigan uzum, yangi, quritilgan va qayta ishlangan meva-sabzavot mahsulotlariga boj joriy etilsin.

Belgilab qoʻyilsinki, boj Oʻzbekiston SSJ Prezidenti huzuridagi Vazirlar Mahkamasining 1991-yil 5-apreldagi 89-son va 1991-yil 20-iyuldagi 196-son qaroriga muvofiq meva-sabzavot mahsulotlariga belgilangan oʻrtacha eng yuqori shartnomaviy narxlarga nisbatan foiz hisobida olinadi.

Boj stavkalari ilovaga muvofiq tasdiqlansin.

Aniqlab qoʻyilsinki, mazkur bandning birinchi xat boshida koʻrsatilgan uzum, yangi, quritilgan va qayta ishlangan meva-sabzavot mahsulotlarini chetga chiqarish uchun nohiya ijroiya qoʻmitasining (Toshkent, Nukus shaharlarida va viloyatlarning markazlarida shahar ijroiya qoʻmitasining) komissiyalari tomonidan berilgan ruxsatnomalar va boj toʻlanganligi haqidagi hujjat: kooperativlar uchun bank xizmat koʻrsatuvchi boʻlimining toʻlov hujjati; ijarachilar, shaxsiy yordamchi xoʻjaliklar va boshka fuqarolar uchun jamgʻarma bankining kvitansiyasi asos boʻlib hisoblanadi.

5. OʻzSSJ Davlat statistika koʻmitasi bir hafta muddat ichida jumhuriyatdan chetga chiqariladigan meva-sabzazot mahsulotlari hajmi toʻgʻrisida natura va qiymat tarzidagi statistik hisobotni ishlab chiqsin va joriy etsin.

Belgilansinki, meva-sabzavot mahsulotlarini jumhuriyatdan chetga chiqarish toʻgʻrisidagi yigʻma hisobotlar belgilangan shakllarda va muddatlarda statistika idoralariga:

kooperativlar boʻyicha — Oʻzbekistok dehqonchilik-sanoat banki va Oʻzbekiston sanoat qurilishi bankining ularga xizmat koʻrsatuvchi boʻlimlari tomonidan;

fuqarolar boʻyicha — Oʻzbekiston jamgʻarmalar bankining boʻlimlari tomonidan taqdim etiladi.

6. OʻzSSJ Moliya vazirligi bir hafta muddat ichida meva-sabzavot mahsulotlarini jumhuriyatdan chetga chiqarish boʻyicha bojlarni hisoblab chiqsin va toʻlash tartibini soliq idoralariga maʼlum qilsin hamda daromadlar boʻyicha hisobotlarga tegishli oʻzgartishlar kiritsin, bunda bojning Qoraqalpogʻiston MSSJ, viloyatlar va Toshkent shahar budjetlariga oʻtkazilishini nazarda tutsin.

7. Oʻrta Osiyo temir yoʻli boshqarmasi, Oʻzbekiston fuqaro aviatsiyasi boshqarmasi, OʻzSSJ Avtomobil transporti vazirligi meva-sabzavot mahsulotlarini jumhuriyatdan chetga chiqarish uchun kolxozlarga, sovxozlarga, tayyorlov tashkilotlariga, kooperativlarga, ijarachilarga, shaxsiy yordamchi xoʻjaliklarning egalariga va boshqa fuqarolarga transport vositalari berishda mazkur qarorning 3 va 4-bandlariga qatʼiy amal qilsinlar.

8. OʻzSSJ Ichki ishlar vazirligi meva-sabzazot mahsulotlarini transportning barcha turlarida jumhuriyatdan chetga chiqarishning ushbu qaror bilan belgilangan tartibini taʼminlash ustidan uzluksiz nazorat oʻrnatsin.

Ruxsatnoma va soliqni toʻlaganlik haqidagi kvitansiya boʻlmagan taqdirda meva-sabzavot mahsulotlarini chetga chiqarish takiqlanadi, ular egasiga qaytariladi yoki uning roziligi bilan, shartnomaviy narxlarda “Oʻzkoopzagottorg”ning tayyorlov tashkilotlari tomonidan qabul qilib olinadi.

9. Qoraqallogʻiston MSSJ Vazirlar Kengashi, viloyat ijroiya qoʻmitalari, nohiya ijroiya qoʻmitalari va Oʻzbekiston SSJ Ichki ishlar vazirligi idoralari meva-sabzavot mahsulotlarining jumhuriyat ichida qarshiliksiz tashilishini va Toshkent shahriga yetkazib berilishini taʼminlasinlar.