O‘zbekiston Respublikasining “Intellektual mulk to‘g‘risidagi qonun hujjatlari takomillashtirilishi munosabati bilan O‘zbekiston Respublikasining ayrim qonunlariga o‘zgartish va qo‘shimchalar kiritish haqida” 2011-yil 26-dekabrdagi O‘RQ-312-son Qonuniga muvofiq Vazirlar Mahkamasi qaror qiladi:

1. Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash to‘g‘risida nizom 1-ilovaga muvofiq tasdiqlansin.

2. Belgilab qo‘yilsinki:

kinovideo mahsulotlarini ishlab chiqarish, ko‘paytirish, dublyaj qilish, sotish va ularning prokati bo‘yicha hamda gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish bo‘yicha faoliyatni amalga oshirish uchun O‘zbekiston Respublikasining “Intellektual mulk to‘g‘risidagi qonun hujjatlari takomillashtirilishi munosabati bilan O‘zbekiston Respublikasining ayrim qonunlariga o‘zgartish va qo‘shimchalar kiritish haqida” 2011-yil 26-dekabrdagi O‘RQ-312-son Qonuni kuchga kirgunga qadar xo‘jalik yurituvchi subyektlarga berilgan litsenziyalar ularning amal qilish muddati tugagunga qadar amal qiladi;

kinovideo mahsulotlarini ishlab chiqarish, ko‘paytirish, dublyaj qilish, sotish va ularning prokati bo‘yicha va gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish bo‘yicha faoliyatni amalga oshirish uchun litsenziyalarning amal qilish muddati tugagandan so‘ng xo‘jalik yurituvchi subyektlar audiovizual asarlarni tayyorlash, dublyaj qilish va ekranda namoyish etish bo‘yicha va audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash faoliyatini amalga oshirish huquqi uchun litsenziyalarni oladilar;

hozirgi vaqtda EHM uchun dasturlarni takrorlash, sotish, prokatga berish bo‘yicha litsenziyasiz faoliyat ko‘rsatayotgan xo‘jalik yurituvchi subyektlar ushbu faoliyat turlarini tegishli litsenziya olgunga qadar, biroq 2012-yil 1-maydan kechiktirmasdan davom ettirish huquqiga ega bo‘ladilar.

3. O‘zbekiston Respublikasi Intellektual mulk agentligi:

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, shuningdek “O‘zbekkino” Milliy agentligi bilan birgalikda kinovideo mahsulotlarini ishlab chiqarish, ko‘paytirish, dublyaj qilish, sotish va ularning prokati bo‘yicha va gramplastinkalar, audiokassetalar va lazerli disklarni ishlab chiqish, ishlab chiqarish, yozish, ko‘paytirish va sotish bo‘yicha faoliyatni amalga oshirish uchun ilgari berilgan litsenziyalarni 2012-yil 1-maygacha xatlovdan o‘tkazsin;

audiovizual asarlar, fonogrammalar va EHM uchun dasturlarga mutlaq (nomutlaq) mulkiy huquqlarga ega bo‘lgan huquq egalarining ma’lumotlar bazasini yaratsin.

4. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.

5. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.

6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.

1. Mazkur Nizom audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash tartibini belgilaydi.

2. Mazkur Nizomda quyidagi asosiy tushunchalardan foydalanildi:

audiovizual asar — bir-biri bilan bog‘liq bo‘lgan (ovoz jo‘rligida yoki ovoz jo‘rligisiz) tasvirlarning yozib olingan turkumidan iborat bo‘lgan, tegishli texnika vositalari yordamida ko‘rib va eshitib (ovoz jo‘rligi bo‘lsa) idrok etish uchun mo‘ljallangan yozuv, shu jumladan kinematografiya, multiplikatsiya va animatsiya asarlari hamda kinematografiyanikiga o‘xshash vositalar bilan ifodalangan barcha asarlar (tele-, kino- va videofilmlar, kliplar, konsert dasturlarining yozuvlari, multfilmlar, anime, xentay va shu kabilar);

takrorlash — audiovizual asarlar, fonogrammalar va EHM uchun yaratilgan dasturlarni yoxud ulardan bir qismini axborot tashuvchilarda (kinoplyonka, videokassetalar, lazer disklari (CD, DVD) va boshqa turdagi tashuvchilarda) bir nusxadan ortiq tayyorlash, shu jumladan keyinchalik barchaning e’tiboriga yetkazish uchun EHM xotirasiga yozib olish;

barchaning e’tiboriga yetkazish — audiovizual asarlar, fonogrammalar va EHM uchun yaratilgan dasturlarni simlar yoki simsiz aloqa vositalari orqali telekommunikatsiya tizimlaridan foydalanuvchilar o‘z tanloviga ko‘ra istalgan joyda va istalgan vaqtda ulardan foydalana olishi mumkin bo‘lgan tarzda barchaning e’tibori uchun (pulli yoki bepul) yuborish;

fonogrammalarni tayyorlash — fonogrammaning dastlabki ovozli yozuvini amalga oshirish bo‘yicha faoliyat;

huquq egasi — audiovizual asar va EHM uchun yaratilgan dasturga nisbatan muallif yoki uning merosxo‘rlari, fonogrammalarga nisbatan ijrochi yoki uning merosxo‘rlari, fonogrammani tayyorlovchi, efir yoki kabel orqali ko‘rsatuv yoxud eshittirish beruvchi tashkilot, shuningdek shartnoma bo‘yicha yoki qonun hujjatlarida nazarda tutilgan boshqa asos bo‘yicha audiovizual asarlar, fonogrammalar yoki EHM uchun yaratilgan dasturlardan foydalanish huquqini olgan boshqa yuridik yoki jismoniy shaxslar;

EHM uchun yaratilgan dastur — muayyan natija olish maqsadida EHM, EHM shoxobchalari va boshqa kompyuter vositalarining ishlashi uchun mo‘ljallangan ma’lumotlar va ko‘rsatmalar majmui;

sotish — audiovizual asarlar, fonogrammalar va EHM uchun yaratilgan dasturlarni pulli yoki bepul (shu jumladan barchaning e’tiboriga yetkazish yo‘li bilan) tarqatish;

prokatga berish — audiovizual asarlar, fonogrammalar va EHM uchun yaratilgan dasturlarni daromad olish maqsadida vaqtinchalik foydalanish uchun berish;

fonogramma — biron-bir ijroning, boshqa ovozlarning har qanday faqat ovozli yozuvi, audiovizual asarga kiritilgan ovozli yozuv bundan mustasno.

3. Mazkur Nizomning maqsadlariga ko‘ra quyidagi faoliyat turlari litsenziyalanadi:

audiovizual asarlar, fonogrammalar va EHM uchun yaratilgan dasturlarni takrorlash;

audiovizual asarlar, fonogrammalar va EHM uchun yaratilgan dasturlarni sotish;

audiovizual asarlar, fonogrammalar va EHM uchun yaratilgan dasturlarni prokatga berish;

fonogrammalarni tayyorlash;

4. Litsenziyalarni berish, amal qilishini to‘xtatib turish yoki to‘xtatish, shuningdek uni bekor qilish yoki qaytadan rasmiylashtirish haqidagi qarorlar O‘zbekiston Respublikasi Adliya vazirligi huzuridagi Intellektual mulk agentligi (litsenziyalovchi organ) tomonidan qabul qilinadi.

Hujjatlarni qabul qilish, ular bo‘yicha ekspert xulosalarni tayyorlash, litsenziyalarni berish, litsenziya bitimlarini tuzish uchun Adliya vazirligi huzuridagi Intellektual mulk agentligi qoshida Adliya vazirligi huzuridagi Intellektual mulk agentligi, “O‘zbekkino” milliy agentligi, Madaniyat vazirligi va davlat boshqaruvining boshqa organlari mutaxassislari safidan ekspert komissiyasi (keyingi o‘rinlarda Ekspert komissiya deb ataladi) tuziladi. Ekspert komissiyani Adliya vazirligi huzuridagi Intellektual mulk agentligining direktori boshqaradi. Ekspert komissiyaning tarkibi va Ekspert komissiya haqidagi nizom Adliya vazirligi huzuridagi Intellektual mulk agentligining direktori tomonidan tasdiqlanadi.

5. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlari yuridik shaxslar tomonidan amalga oshiriladi.

6. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini amalga oshirish uchun namunaviy (oddiy) litsenziya beriladi.

Litsenziya talabgorining arizasiga ko‘ra litsenziyalar umuman faoliyat turiga yoxud uning bir qismiga beriladi.

7. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini amalga oshirishga litsenziya 5 yil muddatga beriladi. Talabgorning arizasiga ko‘ra litsenziya besh yildan kam muddatga berilishi mumkin. Litsenziyaning amal qilish muddati litsenziya berilgan kundan e’tiboran hisoblanadi.

8. Quyidagilar bilan bog‘liq faoliyat litsenziyalanmaydi:

audiovizual asarlar, fonogrammalar yoki EHM uchun yaratilgan dasturlarni shaxsiy maqsadlarda oilaviy foydalanish uchun takrorlash bilan bog‘liq faoliyat;

EHM uchun yaratilgan dasturlarni sotish va takrorlash bilan bog‘liq faoliyat, agar bunday faoliyat EHM uchun dastur yaratilishini tashkil qilgan hamda EHM uchun yaratilgan mazkur dasturga nisbatan mutlaq mulkiy huquqlarga ega bo‘lgan yuridik shaxs tomonidan amalga oshirilayotgan bo‘lsa;

EHM uchun yaratilgan dasturlarni sotish, agar EHM uchun yaratilgan dasturning qiymati uskuna (serverlar, printerlar, kompyuterlar, noutbuklar va hokazolar) qiymatiga kiritilgan bo‘lsa.

9. Litsenziya talabgorida litsenziyalanadigan faoliyatni amalga oshirish uchun foydalaniladigan filiallar mavjud bo‘lgan taqdirda, har birining joylashgan manzili ko‘rsatilgan holda ular tegishli litsenziya talablari va shartlariga amal qilishi sharti bilan, litsenziyalovchi organ tomonidan litsenziyalar reyestriga tegishli ma’lumotlar kiritiladi. Shuningdek, litsenziat litsenziyalangan faoliyatni amalga oshirish uchun filial ochgan (yopgan) taqdirda, har birining joylashgan manzili va mas’ul shaxs to‘g‘risidagi ma’lumotlar ko‘rsatilgan holda litsenziyalovchi organni bu haqda yozma xabardor qiladi. Litsenziyalovchi organ filial to‘g‘risidagi ma’lumotlar tushgan sanadan e’tiboran uch ish kuni ichida ularni litsenziyalar reyestriga kiritadi va bu haqda litsenziatni besh ish kuni ichida yozma xabardor qiladi.

10. Quyidagilar audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini amalga oshirishning litsenziya talablari va shartlari hisoblanadi:

litsenziatning mualliflik huquqi va turdosh huquqlar haqidagi qonun hujjatlari talablariga majburiy tarzda rioya qilinishi;

zo‘ravonlikni, pornografiyani, mamlakat xavfsizligi va ijtimoiy-siyosiy barqarorlikni, fuqarolar tinchligini, millatlararo va dinlararo totuvlikni buzishni, O‘zbekiston to‘g‘risida noto‘g‘ri axborotlar tarqatilishini hamda uning tarixiy, madaniy va ma’naviy boyliklari buzib ko‘rsatilishini targ‘ib qilish uchun audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlashga yo‘l qo‘ymaslik yuzasidan litsenziatning majburiyati;

audiovizual asarlar, fonogrammalar va EHM uchun yaratilgan dasturlardan foydalanilganda haq to‘lash to‘g‘risidagi qonun hujjatlari talablariga majburiy tarzda rioya qilinishi;

litsenziat tomonidan litsenziyalanadigan faoliyat yong‘in xavfsizligi va sanitariya normalari talablariga javob beradigan binolar va xonalarda amalga oshirilishi.

11. Quyidagilar audiovizual asarlar, fonogrammalar va EHM uchun yaratilgan dasturlarni takrorlashda qo‘shimcha litsenziya talablari hisoblanadi:

a) takrorlanayotgan audiovizual asarlar, fonogrammalar va EHM uchun yaratilgan dasturlarning texnik sifatiga qo‘yiladigan talablarga texnik jihatdan tartibga solish sohasidagi qonun hujjatlari talablariga, shuningdek ularni takrorlashda va rasmiylashtirishda qo‘yiladigan talablarga majburiy tarzda rioya qilinishi;

b) litsenziat yoki tiraj buyurtmachisining audiovizual asarlar, fonogrammalar va EHM uchun yaratilgan dasturlarni takrorlashga bo‘lgan huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni takrorlashga bo‘lgan mualliflik va (yoki) turdosh huquqlarga ega bo‘lish haqidagi shartnomalar, shuningdek ularni takrorlash haqida mulkiy huquqlarni jamoaviy asosda boshqaruvchi tashkilotlar bilan tuzilgan shartnomalar)ning mavjudligi;

v) audiovizual asarlar, fonogrammalar va EHM uchun yaratilgan dasturlarning nomini ko‘rsatgan holda litsenziat tomonidan takrorlangan audiovizual asarlar, fonogrammalar va EHM uchun yaratilgan dasturlar nusxalarining hisobini yuritish;

g) quyidagilarni:

huquq egasining nomini;

mahsulot nomini;

ushbu mahsulot tarkibiga kirgan asarlar va (yoki) turdosh huquqlar obyektlarining nomlarini;

mahsulot tayyorlangan joyning nomini;

yosh jihatdan cheklovlarni (mavjud bo‘lsa) ko‘rsatgan holda audiovizual asarlar, fonogrammalar va EHM uchun yaratilgan dasturlarni takrorlash;

d) litsenziat shtatida audiovizual asarlar, fonogrammalar va EHM uchun yaratilgan dasturlarning takrorlangan nusxalari hisobini olib borish uchun mas’ul shaxsning bo‘lishi;

e) litsenziatda litsenziyalanadigan faoliyatni amalga oshirish uchun mulk huquqi yoki boshqa qonuniy asosda zarur ishlab chiqarish xonalari va ishlab chiqarish asbob-uskunalarining mavjud bo‘lishi;

j) litsenziat tomonidan audiovizual asarlar, fonogrammalar va EHM uchun yaratilgan dasturlarni takrorlashga doir ishlab chiqarish faoliyati texnik jihatdan tartibga solish sohasidagi normativ hujjatlar talablariga javob beradigan asbob-uskunalar va boshqa texnik vositalardan foydalangan holda amalga oshirilishi.

12. Quyidagilar audiovizual asarlar, fonogrammalar va EHM uchun yaratilgan dasturlarni sotish bo‘yicha qo‘shimcha litsenziya talablari hisoblanadi:

a) litsenziatning audiovizual asarlar, fonogrammalar va EHM uchun yaratilgan dasturlarni sotishga bo‘lgan huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni sotib olish haqidagi shartnomalar yoki boshqa hujjatlar)ning mavjud bo‘lishi;

b) litsenziat tomonidan audiovizual asarlar, fonogrammalar va EHM uchun yaratilgan dasturlarning sotilayotgan nusxalarning hisobi audiovizual asarlar, fonogrammalar va EHM uchun yaratilgan dasturlarning nomi ko‘rsatilgan holda yuritilishi;

v) audiovizual asarlar, fonogrammalar va EHM uchun yaratilgan dasturlar nusxalarini quyidagilarni:

huquq egasining nomini;

mahsulotning nomini;

ushbu mahsulot tarkibiga kirgan asarlar va (yoki) turdosh huquqlar obyektlarining nomlarini;

mahsulot tayyorlangan joyning nomini;

yosh jihatdan cheklovlarni ko‘rsatgan holda sotish;

g) litsenziat shtatida audiovizual asarlar, fonogrammalar va EHM uchun yaratilgan dasturlarning mavjud bo‘lgan va sotilgan nusxalari hisobi olib borilishi uchun mas’ul shaxsning bo‘lishi.

13. Quyidagilar audiovizual asarlar, fonogrammalar va EHM uchun yaratilgan dasturlarni prokatga berishda qo‘shimcha litsenziya talablari hisoblanadi:

a) litsenziatning audiovizual asarlar, fonogramma va EHM uchun yaratilgan dasturlarni prokatga berishga bo‘lgan huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni prokatga berish haqidagi shartnomalar yoki boshqa hujjatlar, shuningdek audiovizual asarlar va fonogrammalar uchun — ularni prokatga berish haqida mulkiy huquqlarni jamoaviy asosda boshqaruvchi tashkilotlar bilan tuzilgan shartnomalar)ning mavjudligi;

b) litsenziat tomonidan audiovizual asarlar, fonogrammalar va EHM uchun yaratilgan dasturlarning prokatga berilayotgan nusxalarining hisobi audiovizual asarlar, fonogrammalar va EHM uchun yaratilgan dasturlarning nomi ko‘rsatilgan holda yuritilishi;

v) audiovizual asarlar, fonogrammalar va EHM uchun yaratilgan dasturlarni quyidagilarni:

huquq egasining nomini;

mahsulotning nomini;

ushbu mahsulot tarkibiga kirgan asarlar va (yoki) turdosh huquqlar obyektlarining nomlarini;

mahsulot tayyorlangan joyning nomini;

yosh jihatdan cheklovlarni ko‘rsatgan holda prokatga berish;

g) litsenziat shtatida audiovizual asarlar, fonogrammalar va EHM uchun yaratilgan dasturlarning prokatga berilayotgan nusxalar hisobi olib borilishi uchun mas’ul shaxsning bo‘lishi.

14. Quyidagilar fonogrammalarni tayyorlashda qo‘shimcha litsenziya talablari hisoblanadi:

a) fonogrammalarning texnik sifatiga quyiladigan texnik jihatdan tartibga solish sohasidagi qonun hujjatlari talablariga majburiy tarzda rioya qilinishi;

b) litsenziat yoki tiraj buyurtmachisining fonogrammalarni tayyorlashga bo‘lgan huquqini tasdiqlovchi hujjatlar (fonogrammalarni tayyorlashda mualliflik va turdosh huquqlarga ega bo‘lish haqidagi shartnomalar)ning mavjudligi;

v) litsenziat tomonidan tayyorlangan fonogrammalarning hisobi mahsulot nomi, ushbu mahsulot tarkibiga kirgan asarlar va (yoki) ijrolar nomi, tayyorlangan nusxalar soni, tayyorlangan joy ko‘rsatilgan holda olib borilishi;

g) litsenziat shtatida tayyorlangan fonogrammalarning hisobi olib borilishi uchun mas’ul shaxsning bo‘lishi;

d) litsenziatda litsenziyalanadigan faoliyatni amalga oshirish uchun mulk huquqi yoki boshqa qonuniy asosda zarur bo‘lgan ishlab chiqarish xonalari va ishlab chiqarish asbob-uskunalarining mavjudligi;

e) litsenziat tomonidan fonogrammalarni tayyorlashga doir ishlab chiqarish faoliyati texnik jihatdan tartibga solish sohasidagi normativ hujjatlar talablariga mos keladigan asbob-uskunalar va boshqa texnik vositalardan foydalangan holda amalga oshirilishi.

17. Litsenziya bitimida ushbu Nizomning 10 — 14-bandlaridan kelib chiqadigan aniq litsenziya talablari va shartlari nazarda tutilishi mumkin.

18. Litsenziya talabgori litsenziya olish uchun litsenziyalovchi organga quyidagi hujjatlarni taqdim etadi:

a) litsenziya berish to‘g‘risida ariza, unda quyidagilar ko‘rsatiladi:

yuridik shaxsning nomi va tashkiliy-huquqiy shakli, joylashgan joyi (pochta manzili), bank nomi va bankdagi hisob-kitob raqami;

litsenziya beriladigan faoliyat turi (yoxud uning bir qismi);

b) yuridik shaxs davlat ro‘yxatidan o‘tkazilganligi to‘g‘risidagi guvohnomaning nusxasi;

e) ariza ko‘rib chiqilganligi uchun litsenziya talabgori tomonidan yig‘im to‘langanligini tasdiqlaydigan hujjat.

19. Litsenziya talabgori tomonidan ushbu Nizomning 18-bandida ko‘rsatilgan hujjatlarga qo‘shimcha ravishda quyidagi hujjatlar taqdim etiladi:

a) audiovizual asarlar, fonogrammalar va EHM uchun yaratilgan dasturlarni takrorlash faoliyatini amalga oshirish uchun:

litsenziyalanadigan faoliyatini amalga oshirish uchun zarur bo‘lgan mavjud moddiy-texnik baza, asbob-uskunalar va boshqa texnik vositalar to‘g‘risidagi ma’lumotlar;

litsenziya talabgorining audiovizual asarlar, fonogrammalar va EHM uchun yaratilgan dasturlarni takrorlash huquqlarini tasdiqlovchi hujjatlar “Mualliflik huquqi va turdosh huquqlar to‘g‘risida”gi O‘zbekiston Respublikasi Qonunining 38 — 42-moddalariga muvofiq tuzilgan audiovizual asarlar, fonogrammalar va EHM uchun yaratilgan dasturlarni takrorlashga bo‘lgan mualliflik va (yoki) turdosh huquqlarga ega bo‘lish to‘g‘risidagi shartnomalar)ning nusxalari;

mehnat daftarchasi va ishga qabul qilinganlik haqidagi buyruq nusxalari — audiovizual asarlar, fonogrammalar va EHM uchun yaratilgan dasturlarning takrorlangan nusxalarining hisobi olib borilishi bo‘yicha mas’ul shaxs uchun;

b) audiovizual asarlar, fonogrammalar va EHM uchun yaratilgan dasturlarni sotish faoliyatini amalga oshirish uchun:

litsenziya talabgorining audiovizual asarlar, fonogrammalar va EHM uchun yaratilgan dasturlarni sotish huquqlarini tasdiqlovchi hujjatlar nusxalari (audiovizual asarlar, fonogrammalar va EHM uchun yaratilgan dasturlarni sotib olinganligi to‘g‘risidagi hujjat (shartnoma, invoys va hokazolar);

mehnat daftarchasi va ishga qabul qilinganlik haqidagi buyruq nusxalari — sotilayotgan audiovizual asarlar, fonogrammalar va EHM uchun yaratilgan dasturlarning hisobi olib borilishi bo‘yicha mas’ul shaxs uchun;

v) audiovizual asarlar, fonogrammalar va EHM uchun yaratilgan dasturlarni prokatga berish bo‘yicha faoliyatni amalga oshirish uchun:

litsenziya talabgorining audiovizual asarlar, fonogrammalar va EHM uchun yaratilgan dasturlarni prokatga berish huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni sotib olish uchun oldi-sotdi shartnomalari)ning nusxalari;

mehnat daftarchasi va ishga qabul qilinganlik haqidagi buyruq nusxalari — prokatga berilayotgan audiovizual asarlar, fonogrammalar va EHM uchun yaratilgan dasturlarning hisobi olib borilishi bo‘yicha mas’ul shaxs uchun;

g) fonogrammalarni tayyorlash faoliyatini amalga oshirish uchun:

litsenziyalanadigan faoliyatini amalga oshirish uchun zarur bo‘lgan mavjud moddiy-texnik baza, asbob-uskunalar va boshqa texnik vositalar to‘g‘risidagi ma’lumotlar;

litsenziya talabgorining fonogrammalarni tayyorlash huquqlarini tasdiqlovchi hujjatlar (“Mualliflik huquqi va turdosh huquqlar to‘g‘risida”gi O‘zbekiston Respublikasi Qonunining 38 — 42-moddalariga muvofiq tuzilgan fonogrammalarni tayyorlash to‘g‘risidagi shartnomalar)ning nusxalari;

mehnat daftarchasining nusxasi va ishga qabul qilinganlik haqidagi buyruq — tayyorlanayotgan fonogrammalarning hisobi olib borilishi bo‘yicha mas’ul shaxs uchun;

19¹. “Litsenziyalovchi organ ruxsatnoma berish uchun boshqa vakolatli organlarda mavjud bo‘lgan zarur hujjatlar va axborotlarni belgilangan tartibda o‘zaro axborot hamkorligi yo‘li bilan, shu jumladan elektron tarzda mustaqil ravishda oladi, ushbu Nizomning 18 va 19-bandlarida nazarda tutilgan hujjatlar va axborotlar bundan mustasno.

20. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.

21. Hujjatlar litsenziya talabgori tomonidan litsenziyalovchi organga bevosita yoxud ularni olganligi to‘g‘risidagi bildirishnoma bilan pochta aloqasi vositasi orqali yoki elektron shaklida yetkazib beriladi. Elektron shaklda taqdim etilgan hujjatlar litsenziya talabgorining elektron raqamli imzosi bilan tasdiqlanadi.

Litsenziyalovchi organga litsenziya olish uchun taqdim etilgan hujjatlar mas’ul shaxs (ekspert komissiyaning kotibi) tomonidan ro‘yxat bo‘yicha qabul qilinadi, ro‘yxatning nusxasi litsenziya talabgoriga bevosita, pochta aloqasi vositasi orqali yoki axborot-kommunikatsiya texnologiyalaridan foydalangan holda yuboriladi (topshiriladi).

22. Noto‘g‘ri yoki buzilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.

23. Litsenziya talabgori arizasi ko‘rib chiqilganligi uchun har bir faoliyat turi bo‘yicha qonun hujjatlarida to‘lov kunida belgilangan bazaviy hisoblash miqdorining ikki baravari miqdorida yig‘im undiriladi.

Ariza ko‘rib chiqilganligi uchun yig‘im summasi litsenziyalovchi organning hisob raqamiga o‘tkaziladi.

Litsenziya talabgori berilgan arizadan voz kechgan taqdirda to‘langan yig‘im summasi qaytarilmaydi.

24. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash ushbu Nizomga ilova qilingan sxemaga muvofiq amalga oshiriladi.

Litsenziya talabgoriga litsenziya berish yoki litsenziya berishni rad etish to‘g‘risida qaror litsenziya talabgorining arizasi olingan kundan boshlab o‘ttiz kundan ortiq bo‘lmagan muddatda qabul qilinadi.

25. Ekspert komissiyasi ariza olingan kundan boshlab o‘n besh kundan ortiq bo‘lmagan muddatda hujjatlarni ko‘rib chiqadi, ular bo‘yicha ekspertiza xulosasi tayyorlaydi va taklifini taqdim etadi.

Ekspert komissiyasining ekspertiza xulosasiga asosan litsenziyalovchi organ litsenziya talabgoriga litsenziya berish yoki litsenziya berishni rad etish to‘g‘risida qaror qabul qiladi.

26. Ekspert komissiyasi tegishli qaror qabul qilingandan keyin uch kun muddatda litsenziya talabgorini qabul qilingan qaror to‘g‘risida xabardor qiladi.

Litsenziya berishga qaror qabul qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda pochta aloqasi vositalari yoki axborot-kommunikatsiya texnologiyalarini qo‘llagan holda yuboriladi (topshiriladi).

27. Litsenziya bitimi litsenziyalovchi organ bilan litsenziat o‘rtasida tuziladi, unda quyidagilar bo‘lishi kerak:

bitimni imzolagan shaxslarning familiyasi, ismi, otasining ismi, egallab turgan lavozimi;

tomonlarning rekvizitlari;

amalga oshirish huquqiga litsenziya berilayotgan faoliyatning aniq turi;

litsenziyalanadigan faoliyat amalga oshiriladigan manzil;

litsenziyaning amal qilish muddati;

litsenziatga qo‘yiladigan litsenziya talablari va shartlari;

litsenziya bitimi talablari va shartlari buzilganligi uchun tomonlarning javobgarligi;

litsenziat tomonidan litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;

audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash faoliyatning o‘ziga xos bo‘lgan boshqa shartlar.

Litsenziyalovchi organ tomonidan litsenziya bitimi Ekspert komissiyasi rahbari tomonidan imzolanadi.

Litsenziya bitimi ikki nusxada — litsenziat va litsenziyalovchi organ uchun bir nusxadan tuziladi.

28. Litsenziyalar ekspert komissiyasi tomonidan belgilangan shakldagi blankalarda rasmiylashtiriladi va litsenziyalovchi organning rahbari tomonidan imzolanadi.

Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi.

29. Faoliyatning litsenziyalanadigan har bir turi faoliyat turlarini amalga oshirish huquqiga oid litsenziya berilganligi va uning amal qilish muddatini uzaytirganlik uchun “Davlat boji to‘g‘risida”gi O‘zbekiston Respublikasi Qonunida belgilangan miqdorda davlat boji undiriladi.

Litsenziya berilganligi uchun davlat boji mablag‘lari O‘zbekiston Respublikasining respublika budjeti daromadiga o‘tkaziladi.

30. Litsenziya litsenziya talabgori tomonidan davlat boji to‘langanligini tasdiqlovchi hujjat taqdim etilgandan va litsenziya bitimi imzolangandan keyin uch kun muddatda beriladi.

31. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ litsenziyani bekor qilish to‘g‘risida qaror qabul qilishga haqlidir.

32. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.

Litsenziya talabgori litsenziya berishni rad etish to‘g‘risidagi qaror, shuningdek mansabdor shaxsning harakati (harakatsizligi) yuzasidan qonunchilikda belgilangan tartibda shikoyat qilish huquqiga ega.

33. Litsenziya berish rad etilishi to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi).

Litsenziya berishni rad etish haqidagi bildirishnomada ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.

34. Litsenziya talabgori tomonidan litsenziya berish rad etilishiga asos bo‘lgan sabablar bartaraf etilgan taqdirda, hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.

Bunda ekspert komissiya hujjatlar takroran taqdim etilgandan keyin olti kun mobaynida ular yuzasidan ekspert xulosani tayyorlaydi va litsenziyalovchi organga litsenziya talabgoriga litsenziya berish yoki litsenziya berishni rad etish to‘g‘risidagi taklifni taqdim etadi.

Litsenziyalovchi organ ekspert komissiyasining taklifi olingandan keyin to‘rt kun muddatda uni ko‘rib chiqadi va tegishli qaror qabul qiladi.

Litsenziya talabgorlarining arizalari takroran ko‘rib chiqilganligi uchun yig‘im undirilmaydi.

Litsenziya talabgorining arizasini qayta ko‘rib chiqishda ilgari litsenziya berishni rad etish to‘g‘risidagi bildirishnomada ko‘rsatilmagan yangi asoslar bo‘yicha litsenziya berishni rad etishga yo‘l qo‘yilmaydi.

Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.

35. Litsenziat o‘zgartirilgan, nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.

Yangidan vujudga kelgan yuridik shaxsni davlat ro‘yxatidan o‘tkazish sanasida audiovizual asarlarni, fonogrammalar va EHM uchun yaratilgan dasturlarni takrorlash, shuningdek fonogrammalarni tayyorlash bo‘yicha faoliyat turlarini amalga oshirish huquqini beruvchi litsenziyaga ega bo‘lgan litsenziatlar qo‘shib yuborilgan taqdirda, litsenziyani ushbu bandning birinchi xatboshida nazarda tutilgan tartibda qayta rasmiylashtirishga yo‘l qo‘yiladi.

Litsenziyaning amal qilishi litsenziyalanadigan faoliyat turining bir qismi (qismlari) uchun to‘xtatilgan taqdirda, litsenziya qayta rasmiylashtiriladi.

Litsenziat litsenziya qayta rasmiylashtirilgunga qadar unda ko‘rsatilgan faoliyat turini oldin berilgan litsenziya asosida amalga oshiradi.

Takrorlanadigan, sotiladigan, prokatga beriladigan audiovizual asarlar, fonogrammalar va EHM uchun yaratilgan dasturlarning hisobini yuritish uchun mas’ul bo‘lgan shaxs o‘zgargan taqdirda, litsenziat litsenziyalovchi organga bir hafta muddat ichida mehnat daftarchasi nusxasi bilan birgalikda va ishga qabul qilinganlik haqidagi buyruqni taqdim etishi shart.

36. Litsenziyani qayta rasmiylashtirishda litsenziyalovchi organ litsenziyalar reyestriga tegishli o‘zgartirishlar kiritadi. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish to‘g‘risida ariza olingan kundan yoki litsenziyaning amal qilishini litsenziyalanadigan faoliyat turining bir qismi (qismlari) uchun to‘xtatish to‘g‘risida qaror qabul qilingan kundan boshlab besh kun mobaynida amalga oshiriladi.

37. Litsenziyani qayta rasmiylashtirishda litsenziya shartnomasiga o‘zgartirish yoki qo‘shimchalar kiritiladi yoxud yangi litsenziya shartnomasi tuziladi.

Litsenziyalarni qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organ hisob raqamiga o‘tkaziladi.

38. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.

Litsenziyaning amal qilish muddatini uzaytirish to‘g‘risidagi ariza litsenziyalovchi organga litsenziyaning amal qilish muddati o‘tgunga qadar ikki oydan kechikmay berilishi kerak.

Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.

39. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.

Litsenziyaning dublikatini berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organ hisob raqamiga o‘tkaziladi.

40. Litsenziat tomonidan litsenziya talablari va shartlariga rioya etilishi ustidan nazorat qonun hujjatlarida belgilangan tartibda litsenziyalovchi organ tomonidan amalga oshiriladi.

41. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ o‘z vakolatlari doirasida quyidagi huquqlarga ega:

qonunchilikda belgilangan tartibda rejali tekshirish;

litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziatning ularga rioya etishini belgilangan tartibda rejadan tashqari tekshirish;

litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘rash va olish;

tekshirishlar natijalari asosida, litsenziya talablari va shartlarining aniq buzilishlarini ko‘rsatgan holda dalolatnomalar (ma’lumotnomalar) tuzish;

litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash.

xo‘jalik yurituvchi subyektlar tomonidan faoliyat litsenziyasiz amalga oshirilishi hollari aniqlangan taqdirda litsenziyalovchi organ materiallarni qonun hujjatlarida belgilangan choralarni ko‘rish uchun belgilangan tartibda huquqni muhofaza qiluvchi organlarga yuboradi.

42. Litsenziya talablari va shartlariga rioya etilishini tekshirishda litsenziyalovchi organ tomonidan ikki nusxada dalolatnoma (ma’lumotnoma) tuziladi, ularning bittasi litsenziatga beriladi, ikkinchisi litsenziyalovchi organda qoladi.

43. Litsenziya talablari va shartlariga rioya etilishi yuzasidan tekshirishlar o‘tkazish uchun litsenziyalovchi organ tegishli tashkilotlar mutaxassislarini jalb qilishi mumkin.

44. Nazorat qiluvchi va huquqni muhofaza qiluvchi organlar o‘z vakolatlari doirasida litsenziat tomonidan litsenziya talablari va shartlari buzilganligi holatlarini aniqlaganda litsenziyalovchi organga aniqlangan buzilishlar to‘g‘risida ma’lum qiladilar.

45. Litsenziyaning amal qilishini to‘xtatib turish, to‘xtatish va litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22 — 24-moddalarida nazarda tutilgan hollarda va tartibda amalga oshiriladi.

Litsenziyalovchi organning litsenziyaning amal qilishini to‘xtatib turish, to‘xtatish va litsenziyani bekor qilish to‘g‘risidagi qarori yuzasidan sudga shikoyat qilish mumkin. Litsenziyalovchi organ qarori asossiz ekanligi sud tomonidan e’tirof etilgan taqdirda, litsenziyalovchi organ litsenziat oldida litsenziat ko‘rgan zarar miqdorida javob beradi.

46. Litsenziyalovchi organ litsenziyalar reyestrini yuritadi.

Reyestrda quyidagilar ko‘rsatilishi kerak:

yuridik shaxsning nomi, uning tashkiliy-huquqiy shakli, pochta manzili, telefoni;

litsenziyalanadigan faoliyat turining nomi;

litsenziyalanadigan faoliyat turi amalga oshiriladigan joy manzili;

litsenziyaning umuman faoliyat turiga yoki uning bir qismiga berilganligi to‘g‘risidagi ma’lumotlar;

litsenziyaning berilgan sanasi va tartib raqami;

litsenziyaning amal qilish muddati;

litsenziyani qayta rasmiylashtirish, uning amal qilish muddatini uzaytirish, to‘xtatib turish va tiklashning asoslari va sanasi;

litsenziyaning amal qilishini to‘xtatishning asoslari va sanasi;

litsenziyani bekor qilishning asoslari va sanasi;

dublikat berishning asoslari va sanasi.

47. Litsenziyalarning reyestrlarida mavjud bo‘lgan ma’lumotlar litsenziyalovchi organning veb-saytida joylashtiriladi va tanishish uchun ochiq bo‘ladi.

1. Vazirlar Mahkamasining 1998-yil 31-martdagi 137-son qarori bilan tasdiqlangan O‘zbekiston Respublikasining vakolatli organlari tomonidan beriladigan ruxsatnomalar bo‘yicha eksport va import qilinadigan maxsus tovarlar (ishlar, xizmatlar) ro‘yxatida:

a) 2-band quyidagi tahrirda bayon qilinsin:

b) 8-banddagi “kino-, videomahsulotlar” so‘zlari “audiovizual asarlar” so‘zlari bilan almashtirilsin.

2. Vazirlar Mahkamasining 1999-yil 23-martdagi 131-son qarori bilan tasdiqlangan Madaniy boyliklarning olib chiqilishi va olib kirilishi tartibi to‘g‘risidagi nizomda (O‘zbekiston Respublikasi QT, 1999-y., 3-son, 15-modda):

a) 2-bandning o‘n yettinchi xatboshi quyidagi tahrirda bayon qilinsin:

“audiovizual asarlar, fonogrammalar va fotomateriallar”;

b) 23-bandga quyidagi mazmundagi o‘n birinchi xatboshi qo‘shilsin:

“audiovizual asarlar va fonogrammalar”.

4. Vazirlar Mahkamasining 2002-yil 28-iyundagi 236-son qarori bilan tasdiqlangan Faoliyatning ayrim turlarini litsenziyalovchi organlar ro‘yxatida (O‘zbekiston Respublikasi QT, 2002-y., 6-son, 36-modda):

a) “O‘zbekiston Respublikasi Vazirlar Mahkamasi” bo‘limining yigirma oltinchi — yigirma sakkizinchi xatboshilari quyidagi mazmundagi yigirma oltinchi — yigirma to‘qqizinchi xatboshilar bilan bayon qilinsin:

“Audiovizual asarlarni tayyorlash, dublyaj qilish va ekranda namoyish etish.

Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish.

Fonogrammalarni tayyorlash.

Audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish”;

yigirma to‘qqizinchi — o‘ttiz birinchi xatboshilar tegishli ravishda o‘ttizinchi — o‘ttiz ikkinchi xatboshilar deb hisoblansin;

b) “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari” bo‘limining birinchi xatboshi chiqarib tashlansin.

5. Vazirlar Mahkamasining 2003-yil 13-fevraldagi 75-son qarori bilan tasdiqlangan O‘zbekiston Respublikasida chakana savdo qoidalarining 189-bandida (O‘zbekiston Respublikasi QT, 2003-y., 2-son, 15-modda):

a) o‘n uchinchi xatboshi quyidagi tahrirda bayon qilinsin:

“audiovizual asarlarni sotish”;

b) quyidagi mazmundagi o‘n yettinchi xatboshi qo‘shilsin:

“audiovizual asarlar, fonogrammalar va EHM uchun yaratilgan dasturlarning kontrafakt nusxalarini”;

v) o‘n yettinchi — yigirma ikkinchi xatboshilar mos ravishda o‘n sakkizinchi — yigirma uchinchi xatboshilar deb hisoblansin.

6. Vazirlar Mahkamasining 2003-yil 28-iyuldagi 330-son qarori bilan tasdiqlangan O‘zbekiston Respublikasi bozorlarida savdo faoliyatini tashkil etish qoidalariga ilovaning uchinchi xat boshi (O‘zbekiston Respublikasi QT, 2003-y., 7-son, 68-modda) quyidagi tahrirda bayon qilinsin:

“audiovizual asarlar, fonogrammalar, EHM uchun dasturlar va ularning moddiy jismlari, kompyuter va maishiy texnika (bozor hududida joylashgan turg‘un savdo shoxobchasi bundan mustasno)”.

8. Vazirlar Mahkamasining “Adabiyot va san’at asarlaridan foydalanganlikning ba’zi turlari uchun mualliflik haqining minimal stavkalari to‘g‘risida” 2008-yil 19-yanvardagi 10-son qarorida (O‘zbekiston Respublikasi QT, 2008-y., 1-son, 2-modda):

a) 1-bandning uchinchi xatboshida “ovozli yozuvda” va “ovozli yozuvlar” so‘zlari tegishli ravishda “fonogrammada” va “fonogrammalar” so‘zlari bilan almashtirilsin;

b) 2-ilovada:

ilovaning va bo‘limlarning nomida “ovozli yozuvda” va “ovozli yozuvlar” so‘zlari tegishli ravishda “fonogramma” va “fonogrammalar” so‘zlari bilan almashtirilsin;

matnda “ovozli yozuv”, “ovozli (mexanik) yozuv” va “ovoz yozuvlar”, “ovozli yozuvlarning” so‘zlari tegishli ravishda “fonogramma”, “fonogrammalar” va “fonogrammalarning” so‘zlari bilan almashtirilsin.

9. Vazirlar Mahkamasining “Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatini tasdiqlash to‘g‘risida” 2011-yil 7-yanvardagi 6-son qaroriga (O‘zbekiston Respublikasi QT, 2011-y., 1-son, 3-modda) 1-ilovada “Faoliyat turining nomi” ustunining 3-bandidagi “kino- va videomahsulotlarini” so‘zlari “audiovizual asarlar, fonogrammalar va EHM uchun yaratilgan dasturlarni” so‘zlari bilan almashtirilsin.

1. Vazirlar Mahkamasining “Kino-videomahsulotni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini litsenziyalash to‘g‘risidagi nizomni tasdiqlash to‘g‘risida” 2004-yil 22-martdagi 135-son qarori (O‘zbekiston Respublikasi QT, 2004-y., 3-son, 31-modda).

2. Vazirlar Mahkamasining “O‘zbekiston Respublikasi Hukumatining ayrim qarorlari o‘z kuchini yo‘qotgan deb hisoblash hamda ba’zilariga o‘zgartishlar kiritish to‘g‘risida” 2005-yil 22-fevraldagi 73-son qaroriga (O‘zbekiston Respublikasi QT, 2005-y., 2-son, 13-modda) 2-ilovaning 28-bandi.

3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2005-yil 6-iyuldagi 156-son qaroriga (O‘zbekiston Respublikasi QT, 2005-y., 6-7-son, 35-modda) ilovaning 23-bandi.

4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish to‘g‘risida” 2005-yil 21-sentabrdagi PQ-186-son qarori)” 2006-yil 22-maydagi 92-son qaroriga (O‘zbekiston Respublikasi QT, 2006-y., 5-son, 34-modda) ilova 31-bandining “b” kichik bandi va 47-bandi.

5. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida” O‘zbekiston Respublikasining 2006-yil 10-oktabrdagi O‘RQ-59-son Qonuni)” 2006-yil 10-noyabrdagi 235-son qaroriga (O‘zbekiston Respublikasi QT, 2006-y., 11-son, 86-modda) 1-ilova 52-bandining “b” kichik bandi.

6. Vazirlar Mahkamasining “Iste’mol tovarlari (xizmatlar)ning ayrim turlarini ishlab chiqarish va sotishni tartibga solish to‘g‘risida” 2009-yil 9-iyuldagi 190-son qarori (O‘zbekiston Respublikasi QT, 2009-y., 7-son, 55-modda).

7. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish hamda ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekiston Respublikasi Vazirlar Mahkamasining ijro etuvchi tuzilmasiga o‘zgartirishlar kiritish to‘g‘risida” 2009-yil 27-oktabrdagi PQ-1211-son qarori)” 2009-yil 10-noyabrdagi 293-son qaroriga (O‘zbekiston Respublikasi QT, 2009-y., 11-son, 72-modda) 1-ilovaning 3-bandi.

8. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartish va qo‘shimchalar kiritish to‘g‘risida (O‘zbekiston Respublikasining “O‘zbekiston Respublikasining “Ayrim faoliyat turlarini litsenziyalash to‘g‘risida”gi Qonuniga o‘zgartish va qo‘shimchalar kiritish haqida” 2011-yil 7-sentabrdagi O‘RQ-292-son Qonuni)” 2012-yil 1-fevraldagi 26-son qaroriga 1-ilova 16-bandining “b” kichik bandi va 28-bandi.