Vazirlar Mahkamasining “Maktabdan tashqari taʼlim tizimini yanada takomillashtirish chora-tadbirlari toʻgʻrisida” 2011-yil 28-fevraldagi 50-son hamda “Xalq taʼlimi hududiy organlari tuzilmasini takomillashtirish toʻgʻrisida” 2011-yil 1-martdagi 52-son qarorlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

2. Vazirlar Mahkamasining “Oʻqituvchilar va oʻquvchilar turmushi moddiy sharoitlarini yaxshilashga oid qoʻshimcha chora-tadbirlar toʻgʻrisida” 1997-yil 20-avgustdagi 409-son qarorida (Oʻzbekiston Respublikasi QT, 1997-y., 8-son, 29-modda):

a) 1-ilova (Birinchi sinf oʻquvchilarini oʻquv qurollari toʻplami bilan tekin taʼminlash tartibi)da:

1 va 5-bandlardagi “tuman, shahar xalq taʼlimi boʻlimlari” va “xalq taʼlimi tuman (shahar) boʻlimlariga” soʻzlari tegishli ravishda “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari” hamda “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlariga” soʻzlari bilan almashtirilsin;

10-banddagi “tuman (shahar)” soʻzlari “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari” soʻzlari bilan almashtirilsin;

b) 2-ilova (Kam taʼminlangan oilalarning boshlangʻich sinf oʻquvchilarini qishki kiyim-bosh toʻplami bilan taʼminlash tartibi)da:

1-banddagi “xalq taʼlimi tuman (shahar) boʻlimlariga” soʻzlari “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlariga” soʻzlari bilan almashtirilsin;

7-banddagi “tuman (shahar) xalq taʼlimi” soʻzlari “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari” soʻzlari bilan almashtirilsin;

11-banddagi “tuman (shahar) xalq taʼlimi” soʻzlari “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari” soʻzlari bilan almashtirilsin.

3. Vazirlar Mahkamasining 1998-yil 5-yanvardagi 5-son qarori bilan tasdiqlangan Taʼlim muassasasining ustavini ishlab chiqish tartibi 10-bandining sakkizinchi xatboshidagi “tuman (shahar) taʼlim boʻlimining” soʻzlari “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimining” soʻzlari bilan almashtirilsin.

9. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida (Oʻzbekiston Respublikasi QT, 2005-y., 12-son, 63-modda):

b) 2-ilovaning 1.2 va 2.3-kichik bandlari oʻz kuchini yoʻqotgan deb hisoblansin;

v) 3-ilovaning 5-bandi quyidagi tahrirda bayon qilinsin:

“5. Budjet tashkilotlari xodimlariga ish haqi miqdorlari Oʻzbekiston Respublikasi Prezidenti farmonlariga muvofiq oshirilgan taqdirda xalq taʼlimi muassasalari xodimlarining bazaviy tarif stavkalari (lavozim maoshlari) belgilangan tartibda Oʻzbekiston Respublikasi Xalq taʼlimi vazirligi tomonidan Mehnat va aholini ijtimoiy muhofaza qilish vazirligi bilan birgalikda qayta koʻrib chiqiladi”;

14. Vazirlar Mahkamasining 2008-yil 30-iyundagi 145-son qarori bilan tasdiqlangan Bolalarning umumiy oʻrta taʼlim bilan, umumtaʼlim maktablari 9-sinf bitiruvchilarining — oʻrta maxsus, kasb-hunar taʼlimi bilan qamrab olinishi, shuningdek akademik litseylar va kasb-hunar kollejlari bitiruvchilarining ishga joylashishi, oliy taʼlim muassasalarida oʻqishni davom ettirishi hamda oliy oʻquv yurtlari bitiruvchilari va muddatli harbiy xizmatni tugallagan shaxslarning ishga joylashishining doimiy monitoringini olib borish uchun tahliliy axborotlarni tayyorlash sxemasining 1-bandidagi “Tumanlar va shaharlar xalq taʼlimi boʻlimlari” soʻzlari “Xalq taʼlimi muassasalari faoliyatini metodik taʼminlash va tashkil etish boʻlimlari” soʻzlari bilan almashtirilsin.

15. Vazirlar Mahkamasining 2008-yil 7-avgustdagi 173-son qarori (Oʻzbekiston Respublikasi QT, 2008-y., 8-son, 43-modda) bilan tasdiqlangan Ayrim fanlar chuqur oʻrganiladigan davlat umumtaʼlim muassasalarining ixtisoslashtirilgan sinflari, davlat ixtisoslashtirilgan umumtaʼlim muassasalari toʻgʻrisidagi nizomning 11, 12-bandlaridagi va 13-bandining ikkinchi xatboshidagi “xalq taʼlimi boʻlimiga”, “xalq taʼlimi boʻlimi” va “xalq taʼlimi boʻlimlari” soʻzlari tegishli ravishda “xalq taʼlimi muassasalari faoliyatini metodik taʼminlash va tashkil etish boʻlimiga”, “xalq taʼlimi muassasalari faoliyatini metodik taʼminlash va tashkil etish boʻlimi” hamda “xalq taʼlimi muassasalari faoliyatini metodik taʼminlash va tashkil etish boʻlimlariga” soʻzlari bilan almashtirilsin.

17. Vazirlar Mahkamasining 2009-yil 21-apreldagi 116-son qarori (Oʻzbekiston Respublikasi QT, 2009-y., 4-son, 30-modda) bilan tasdiqlangan Internet tarmogʻida Oʻzbekiston Respublikasining Hukumat portaliga joylashtirish uchun taqdim etiladigan axborotlar roʻyxatida:

a) 67 va 68-bandlardagi “shahar xalq taʼlimi boʻlimining” soʻzlari “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimining” soʻzlari bilan almashtirilsin;

b) 69-banddagi “Oʻrta maxsus, kasb-hunar taʼlimi taʼlim muassasalari bilan ishlash boʻyicha tuman (shahar) xalq taʼlimi boʻlimlarining axborot xizmatlari telefonlari; tuman (shahar) xalq taʼlimi boʻlimlari huzuridagi oʻquvchilarni kasbga yoʻnaltirish va ularning psixologik-pedagogik tashxisi markazlari telefonlari” soʻzlari “Xalq taʼlimi muassasalari faoliyatini metodik taʼminlash va tashkil etish tuman (shahar) boʻlimining oʻrta maxsus, kasb-hunar taʼlimi taʼlim muassasalari bilan ishlash boʻyicha axborot xizmatlari telefonlari” soʻzlari bilan almashtirilsin.